ZKIZ Archives


呂麗君馬名有心思叫「摩高一丈」同「替天行道」

1 : GS(14)@2016-11-21 00:05:01

呂麗君大戰「巴基之星」?本來有機會㗎!點樣大戰?綠茵場上一決高下囉,呂麗君仲分分鐘會落場……拉頭馬添。但依家呢個可能已經唔存在。因為馬會公佈,第9場14號馬「摩高一丈」(White Magic)因右前腿不良於行已退出競賽。「摩高一丈」馬主就係呂麗君。「摩高一丈」個名特別?2012年榮升馬主嘅呂麗君,名下另一愛駒,叫做「替天行道」(Poetic Justice),出戰過香港打吡大賽,呂麗君仲帶埋當年得10歲女兒劉秀盈一起為愛駒打氣,但未見大劉出現。不過「替天行道」去年已經退役,由「摩高一丈」接力。不過,呢兩匹馬嘅戰績,似乎都相當麻麻。「替天行道」(已退役)來港出賽:6次戰績:1次第2 1次第4 2次第5總獎金:$969,000最後評分:90分「摩高一丈」(現役)來港出賽:7次戰績:2次第5總獎金:$115,500評分:81分如果呂麗君仲買馬,佢隻馬會叫咩名?




來源: http://hk.apple.nextmedia.com/entertainment/art/20161120/19839935
呂麗 君馬 名有 心思 高一 替天 行道
PermaLink: https://articles.zkiz.com/?id=316374

【馬路的事大事回顧】全靠車CAM替天行道「小心駕駛」變馬路判官?

1 : GS(14)@2017-01-02 01:05:49

16年7月初一單「粉紅貨車倒後撞Benz」案,成班車友化身做人肉搜機全城追蹤涉事車輛。



馬路的事,今時今日已經演變成全港網民的事。2016年可以說是「車cam」年!因為有多宗馬路奇葩案,被車友放到FB上的幾個駕駛群組公審,結果一片走紅,成為一時熱話,有些片中主角更迅即成為「名人」。很多片段更娛樂滿注,劇情比電視節目更多變。今時今日冇車cam,如何行走江湖?



FB「小心駕駛」群組八大管理員之一Steven首次現身,工作人員都打好晒底,費事畀車友們認出!

副版專門吹水,最近連愛滋都有得吹!

群組經常都有人po車cam片,邊個啱邊個錯,睇嚟公審已成習慣。


呢個群組亦曾經威威過,幫手破案o架!

方力申都曾經畀車友影到亂泊車!

版主有個好靚嘅頭盔,果然係戴慣頭盔。

2016年7月,一輛粉紅色貨車沿青山公路駛向屯門方向,多次切線「爬頭」、急煞,然後惡意倒車撞向一輛為平治私家車,然後極速逃走。有人將該段車cam片分享到FB駕駛群組後,即時瘋傳。極短時間內,就有熱心網民將懷疑涉事貨車的即時位置及相片上傳到各大駕駛群組。最後涉事司機被拘捕,並於區域法院承認危險駕駛、刑事毀壞、發生意外後沒有停車及沒有報警等7項罪行。2016年12月,被告司機被判囚20個月。證明網民的共同力量,足以維護世界和平!



群組內嘅車友亦不時po蘋果動新聞,相信呢則動新聞都會被車友放上網狂share。

網上仲有「柏斯敦巴士台」。

今次我們請嚟擁有五萬多會員嘅「小心駕駛群組」,裏面八大管理員之一Steven同遊車河,享受駕駛樂趣之餘,更一一解答局外人不解嘅問題:前傳?好人?DC?名人?有些連谷友們都不解的術語,襯今日到處拉手制、假日司機出沒注意的日子為你細數。各位「方為大師傅」,立即扣好安全帶,去片!(注意:請勿駕駛中途使用手提電話)(片段不包括花生,煩請自行準備)


「馬路的事」亦係十分有名。

「突發事故報料區」嘅member人數仲多過「小心駕駛」好多添!



來源: http://hk.apple.nextmedia.com/entertainment/art/20170101/19883375
馬路 的事 大事 回顧 全靠 靠車 CAM 替天 行道 小心 駕駛 判官
PermaLink: https://articles.zkiz.com/?id=320941


ZKIZ Archives @ 2019