ZKIZ Archives


陳曼娜嫁女豪送7百萬

1 : GS(14)@2016-09-04 18:03:40

■陳曼娜(左)為賀囡囡Joie,豪送法拉利及金器首飾等百萬嫁妝。



陳曼娜愛女Joie將於今年11月22日出嫁,未婚夫Dicky是上市公司董事兼投資公司行政總裁。陳曼娜透露婚宴將在君悅酒店舉行,筵開45席,李浩林及阮兆祥擔任主持。一對新人早前去了巴黎和瑞士拍攝婚紗照,陳曼娜為賀囡囡覓得如意郎君,送上400萬的黃色法拉利,金器及首飾等總值700萬元嫁妝。畢業於美國耶魯大學牙科醫學博士的Joie,現於香港三間診所工作,於4年多前經朋友介紹下認識未婚夫,兩人拍拖1年多,於上年11月陳曼娜的生日派對上,Dicky以5卡戒指向Joie求婚成功。撰文:陳以晴




來源: http://hk.apple.nextmedia.com/entertainment/art/20160904/19759163
曼娜 嫁女 女豪 豪送 百萬
PermaLink: https://articles.zkiz.com/?id=307451

讚董事女婿值101分陳曼娜送女出嫁 又愛又恨

1 : GS(14)@2016-11-23 07:53:22

■陳曼娜跟一對新人合照,並笑言少了個女,但從此多了個仔。



藝人陳曼娜的女兒鄭祖兒(Joie)昨晚出閣,在灣仔君悅酒店筵開約40席,貫徹潮外母形象的陳曼娜,以一襲桃紅色晚裝配以粉紅色假髮跟囡囡及女婿蔡朝旭(Dicky)讓傳媒拍照。當記者要求一對新人拍咀嘴相時,他們最初是借位拍攝,最後才肯蜻蜓點水式吻了一下。



■吳卓羲笑言被媽媽問何時有孫抱。

■久未露面的陳妙瑛亦有出席婚宴。

■黃錦燊與太太趙雅芝到場向新人送上祝福。

■羅霖極度性感亮相,令人眼前一亮。

望女生孖B

昨晚出席婚宴的嘉賓有王維基、盧宛茵、楊玉梅、林建明、黃錦燊及趙雅芝、吳卓羲、謝雪心、胡楓及羅霖等。羅霖落車時疑似走光露毛,事後她回應說:「其實條裙入面連住一件好似泳衣咁嘅jumpsuit,走光都唔驚。」她形容這個設計很好,事前測試過很多次。陳曼娜與女兒及女婿受訪時透露,晚裝由本地設計師鄭兆良負責,陳曼娜說:「今次係又愛又恨,個女搵到好老公,但佢老公攞走個女,當多咗個仔啦,噚晚都瞓唔着。」她表示囡囡答應婚後會多點回家探她,並透露女婿很想生男B,所以婚後他們會努力造人:「最好幫我生個孖B,肥肥白白三年抱兩,個女婿值101分,唔係今晚都唔出現。」


送700萬嫁妝

講到早前陳曼娜以400萬元的法拉利跑車、金器及首飾等總值700萬元作嫁妝,身兼上市公司董事及投資公司總裁的女婿Dicky亦以5卡的鑽石成功求婚。陳曼娜說:「佢哋之前去瑞士同巴黎影婚紗相,四套婚紗每套都10萬蚊,今晚酒席又係最好嘅,都使咗成幾百萬。」另外,吳卓羲接受訪問時透露媽媽終於開聲問抱孫,他說:「佢淨係問幾時有孫抱,跳咗結婚嗰部份,佢終於開聲問。」採訪:黃曉妍攝影:葉君海




來源: http://hk.apple.nextmedia.com/entertainment/art/20161123/19842325
董事 女婿 101 分陳 曼娜 送女 出嫁 又愛 愛又 又恨
PermaLink: https://articles.zkiz.com/?id=316670

【馮仁昭四圍超】陳曼娜女婿婚後見舊愛

1 : GS(14)@2016-11-29 07:55:25

資料圖片





陳曼娜個女Joie上星期先至同上市公司董事蔡朝旭(Dicky)結婚,點知噚日內地網《全明星探》圖文並茂佢女婿同內地女大學生有親密關係,聽講大學生係Dicky前女友,Dicky婚後幾日就約佢見面,其間兩人又搭膊頭攬腰,但突然又喺街吵起嚟。陳曼娜噚晚回應:「我幾日前已經知呢件事,我對呢個女婿依然係百分百信任,遲啲會叫埋個女婿一次過回應大家。」撰文:馮仁昭




來源: http://hk.apple.nextmedia.com/entertainment/art/20161129/19848555
馮仁 仁昭 四圍 曼娜 女婿 婚後 舊愛
PermaLink: https://articles.zkiz.com/?id=317506

舊愛自爆懷孕流出床照陳曼娜女婿:擺明破壞我婚姻

1 : GS(14)@2016-12-01 00:01:28

■昨日網上流出Dicky和舊愛金若希床照,陳曼娜比喻跟林峯當年相似。互聯網圖片



圈中富婆陳曼娜於上周榮升外母,寶貝女鄭祖兒(Joie)嫁投資公司總裁蔡朝旭(Dicky),怎知前日內地傳媒爆Dicky婚後兩日,偷會內地大學生舊愛金若希,兩人在中環拖手攬腰往銀行,有傳女方手上握有情慾相,昨日內地網流出兩人的床照,不過是有着衫的!



■Dicky昨到中環診所接老婆放工。

■Dicky昨接老婆放工,之後更晒與老婆的貼頭照(圖),力證二人感情未受影響。

■陳曼娜女兒上周才出嫁,怎知婚後僅數日老公被爆捲桃色糾紛。資料圖片

「朋友形式見面」

金若希昨接受內地傳媒訪問聲淚俱下,大爆跟Dicky拍拖三年,男友曾送贈價值1,500萬人民幣樓盤及藍寶石戒指,反斥Joie才是小三搶走其男友,Dicky在結婚當日訛稱去應酬,更爆料:「五十天沒有來大姨媽了,我應該是懷孕了!」內地網又公開疑似兩人的短訊截圖,金若希知道他結婚後很痛苦,Dicky安慰:「我們會熬過去的,我也很想念你,金小姐。」對於金若希堅稱沒分手,自己才是正印,Dicky昨在電話堅稱已分手,問到為何婚後兩日見面?他解釋:「佢話我知同男友分手,情緒唔好,我只係以朋友之義同佢傾。」對於金若希暗示大肚,問到Dicky是否經手人?他否認:「同佢分手兩、三年,見面都係朋友形式,點會同我有關係?佢幾耐幾多年冇嚟都同我無關,佢做咁多嘢,就係擺明想破壞我婚姻。」對於兩人床照流出,Dicky強調:「梗係婚前,幾年前影嘅!」問女方手上會否有更激情慾照?他想了想說:「應該冇,總之我婚前同佢拍過拖,有啲親密照影咗唔出奇,但婚後就一定冇,我老婆同外母都好信任我,個女仔其實都同我認咗錯。」昨到中環接老婆放工,他說:「遲啲開記者會同大家講,唔係事實。」


「林峯都有床照」

而陳曼娜昨在電話繼續撐女婿,表示女兒知道老公為人:「佢好平靜冇事,反而我覺得好憤憤不平,呢啲大陸妹咁搞法。」問到對方目的是否索分手費?曼娜姐反問:「你話呢,唔知佢點行動,但我哋有自己做人原則。」至於床照曝光,她說:「以前林峯都有啦,或者嗰個女人處心積慮。」會否幫女婿解決問題?她說:「女婿又冇做過呢啲事,我女婿仲有錢過我。」曼娜姐表示女兒跟女婿於一年前訂婚:「謝賢、胡楓、黃百鳴都喺現場,呢個女人點會唔知,我哋都有請佢飲喎,佢冇嚟之嘛!」採訪:鍾國仁、皓騫、馬建華攝影:陳俊強




來源: http://hk.apple.nextmedia.com/entertainment/art/20161130/19849529
舊愛 自爆 懷孕 流出 床照 照陳 曼娜 女婿 擺明 破壞 婚姻
PermaLink: https://articles.zkiz.com/?id=317663

內地舊愛稱50日冇月經哭訴陳曼娜女婿負心

1 : GS(14)@2016-12-01 00:01:28

陳曼娜女婿、上市公司董事及投資公司總裁蔡朝旭(Dicky),遭內地女金小姐向內地傳媒爆料,自稱同Dicky一齊已三年,更喊晒反斥陳曼娜女兒Joie先至係第三者。金小姐訪問重點:1.金姓女子稱從不知Joie存在;2.稱自己係一個對感情有潔癖嘅人,又稱對於Dicky背住佢暗交Joie覺得「很惡心」、「我是不接受」;3.指摘Joie搶走其男朋友:「她是小三,她才是第三者!我真的覺得很惡心!」4.金姓女子稱自己已經「五十天沒有來大姨媽了」,「我應該是懷孕了」;5.金姓女子揚言一定要生個BB出嚟,「不想小孩受委曲」6.對於Dicky同Joie去歐洲影婚紗相,金小姐稱當時男方嘅版本係要出埠公幹;結婚當日就話自己去咗應酬。7.金小姐稱,Dicky問過佢點解咁重視一紙婚書,又許諾雙方關係不會變。「他還問我是否真的很在意那張紙(婚書),我覺得我當然在乎。」8.金稱兩人拍拖三年,Dicky對佢特別好,而且疏爽,買好多嘢俾佢,包括價值1,500萬人民幣嘅樓盤。9.金稱曾收Dicky所送之藍寶石戒指,男方亦已經「見家長」,獲女方家長認可為「準女婿」。




來源: http://hk.apple.nextmedia.com/entertainment/art/20161130/19849591
內地 舊愛 50 日冇 月經 哭訴 曼娜 女婿 負心
PermaLink: https://articles.zkiz.com/?id=317666

陳曼娜女婿拎證據舊愛認自製偷情誣衊

1 : GS(14)@2016-12-01 08:06:41

【力撐女婿】■陳曼娜與女婿Dicky昨日在私人遊艇開記者會澄清偷食事件,為愛女反擊。



陳曼娜女婿蔡朝旭(Dicky)與老婆鄭祖兒(Joie)結婚一星期,即捲入「偷食」風波。自稱是Dicky「正印」的中大碩士生金若希,連日出招,至昨日Dicky終於開記者會反擊!除獲外母陳曼娜到場聲援,Dicky還展示一段金小姐「告白」影片,對方承認整件事由自己偽造,手段卑鄙,認真夠戲劇性!



圈中富婆陳曼娜的女兒鄭祖兒,上周與投資公司總裁蔡朝旭結婚,怎料新婚兩日,Dicky被影到背妻與金小姐在中環又攬又抱,女方突然情緒激動爆喊!之後金小姐繼續咬住不放,除流出兩人床照,還聲淚俱下指Joie才是小三,與Dicky未斬纜,自己疑似有身孕。事後Dicky和Joie先後為事件發聲,Joie聲言對老公百分百信任。



【道歉對話】■Dicky昨展示與金小姐的對話,她自認策劃偷食事件並道歉。

■Dicky舊愛金小姐前日自爆懷孕兼流出床照。互聯網圖片

■陳曼娜的獨女Joie上周與投資公司總裁Dicky結婚。資料圖片

■Dicky受訪時一直緊握一張紙,略顯緊張。

自認手段卑鄙

昨日Dicky在自己名下的遊艇開記者會,外母陳曼娜全程陪實,交代事件時顯得有些緊張的Dicky,展示電話一段影片,稱是被偷拍後第二日,金小姐傳給他的道歉短片。當中見到一臉愁樣的金小姐承認偷食事件是自己偽造,被內地傳媒偷影當日,其實是自己主動向Dicky投懷送抱,方便狗仔隊影相。金小姐更自認自己手段卑鄙,深感後悔,所以希望可以還Dicky一個清白,其後Dicky補充說:「金小姐話我同Joie嗰個係佢夢幻婚禮,佢一時妒忌同糊塗先做出呢件事!」
Dicky承認曾與金小姐拍拖,但已分手三年,否認有供對方讀書,在港開支全由金小姐做生意的父母負責。對於出席畢業禮及在中環又攬又抱,Dicky解釋全部出於朋友關心才赴約,他說:「佢話同男友正式分手,好唔開心……佢突然跑出嚟捉住我,叫我唔好走,我事後先知佢安排狗仔影我。」問到BB一事,Dicky說:「最緊要驗DNA check清楚,係我嘅話就係證據,我可以好清晰咁講,分手後,我同佢已經再冇男女朋友之間嘅事。」他自爆被太太取笑:「以前taste差咗啲喎!」稱以後會盡量避免與金小姐聯絡,並會向爆料的內地網站發律師信。陳曼娜繼續力撐女婿指其舊愛心理不平衡:「可能佢想成名,要提醒事業有成嘅男人小心桃花。」採訪:曹家誠攝影:仇志德




來源: http://hk.apple.nextmedia.com/entertainment/art/20161201/19850913
曼娜 女婿 證據 舊愛 自製 偷情 誣衊
PermaLink: https://articles.zkiz.com/?id=317824

絕對信任老公冇偷吃陳曼娜愛女:真愛唔會影響到

1 : GS(14)@2016-12-01 08:06:41

【懶理挑撥】■陳曼娜女兒Joie昨表示絕對信任老公,認為有人想搞亂他們生活。



Joie昨日如常到中環診所返工,她表示相信金小姐所暗示的BB不是老公的,認為今次是考驗與老公真愛的機會。問是否受困擾?她說:「我哋唔怕考驗,可能呢個係對方目的,想搞亂我哋生活,但我哋唔會咁輕易囉!」




來源: http://hk.apple.nextmedia.com/entertainment/art/20161201/19851108
絕對 信任 老公 冇偷 偷吃 吃陳 曼娜 愛女 真愛 唔會 影響
PermaLink: https://articles.zkiz.com/?id=317826

清楚自己位置陳曼娜愛女對老公有信心

1 : GS(14)@2016-12-04 17:34:17

陳曼娜女婿蔡朝旭(Dicky)同老婆鄭祖兒(Joie)結婚唔夠一個禮拜,驚爆同大陸女學生金若希有偷食風波,事後喺外母陳曼娜力撐下,喺遊艇開記者會數臭小三。被老公前度金若希反咬係小三嘅Joie,喺老公開完記者會之後,接受周刊訪問,佢話喺對方未爆料之前,已經知道呢件事,對方仲用所謂嘅證據,向老公提出要求,當中涉及錢同希望與Dicky翻撻,但係Joie覺得呢啲嘢好無理而拒絕,所以佢哋做好心理準備去應付!
Joie承認有為呢件事唔開心,不過好快就雨過天青,對老公百分百信任,佢話因為老公係一個有潔癖嘅人,唔鍾意同人行得太近,所以對老公百分百放心,加上佢又好清楚自己喺老公心目中嘅位置,亦好清楚佢嘅為人,知道佢係受害者,反而擔心長輩誤會老公,所以有必要澄清,亦唔使為佢擔心。




來源: http://hk.apple.nextmedia.com/entertainment/art/20161204/19854719
清楚 自己 位置 曼娜 愛女 老公 信心
PermaLink: https://articles.zkiz.com/?id=318225

陳曼娜女婿日日三人行餐餐送「小禮物」冧掂外母

1 : GS(14)@2016-12-30 02:58:07

陳曼娜因為女婿蔡朝旭(Dicky)同女兒鄭祖兒(Joie)結婚唔夠一個禮拜,驚爆同大陸來港嘅中大金融學碩士生金若希爆出「偷食風波」,連床照都俾女方拎埋出嚟,仲講到話自己已有兩個月冇嚟M……陳曼娜事後力撐女婿兼喺遊艇開記者會數臭小三,結果金若希認偷食事件係自己偽造,鬧劇終於告一段落。昨日有周刊報道,陳曼娜日前同女婿兼女兒齊齊接受訪問,經過呢件事,直言係壞事變好事,佢哋兩公婆感情唔單止更加好同珍惜對方,雖然Joie唔係好識中文,但係都覺得0依家同老公感情更上一層樓。
Dicky話事發後帶咗老婆去瑞士、法國旅行散心,仲話知道外母未去過意大利,所以嚟緊計劃三人再歐遊,陪外母玩餐勁。至於有冇氹番老婆開心,Dicky話老婆一直都冇唔開心,Joie亦大晒恩愛話老公成日都會俾驚喜,但係有時做得太多,已經都冇乜驚喜。至於俾呢個女婿101分嘅陳曼娜就大讚Dicky冇得頂,成日突然間有神秘禮物送俾佢,仲形容密集程度係「餐餐都係咁」,仲讚呢啲女婿真係好難再搵到,又話佢兩公婆今次患難見真情,「愛裡沒恐懼」!咁其實……整整下Dicky會唔會掛住冧外母而疏忽老婆㗎!




來源: http://hk.apple.nextmedia.com/entertainment/art/20161229/19880327
曼娜 女婿 日日 三人行 餐餐 餐送 禮物 掂外 外母
PermaLink: https://articles.zkiz.com/?id=320512

陳曼娜戥女兒陀B辛苦

1 : GS(14)@2017-02-12 13:52:35

■陳曼娜昨在灣仔出席福音活動,透露女兒懷有兩個月身孕。



陳曼娜女兒鄭祖兒(Joie)去年和上市公司董事Dicky結婚,雖然婚後不久Dicky被舊愛金小姐爆有親密關係,不過金小姐事後承認是誣衊行為。事過境遷,即傳來好消息,Joie現已懷有兩個月身孕。



■陳曼娜女兒Joie去年11月與Dicky結婚。資料圖片

陳曼娜昨日在灣仔出席福音活動,同場還有陳少霞和老公及許亦妮等,曼娜姐說:「係有咗兩個月,女婿想三年抱兩。陀B好辛苦,開始又嘔又暈,我男女孫都冇所謂,不過女婿想第一個係仔,佢發仔寒。」曼娜姐坦言經過上次風波後,女兒與老公患難見真情,感情比前更堅固。此外,早前傳遭無綫雪藏的許亦妮說:「仲有一兩年約,想去外面試吓創業,?家幫緊屋企手做食品生意。公司好體諒,話將來想返去冇問題。」採訪:卓寶花攝影:仇志德




來源: http://hk.apple.nextmedia.com/entertainment/art/20170212/19925565
曼娜 女兒 辛苦
PermaLink: https://articles.zkiz.com/?id=326532

陳曼娜開心有大肚女陪

1 : GS(14)@2017-05-14 10:50:58

■陳曼娜今年的母親節甚有意義,因女兒亦將做媽咪。



陳曼娜女兒鄭祖兒(Joie)去年結婚,今年曼娜姐多了女婿蔡朝旭(Dicky)和女兒肚入面的4個多月大的孫兒為她慶祝。日前他們到尖沙嘴預祝母親節,Joie夫婦為曼娜姐準備兩束花、一個粉紅色大蛋糕,Dicky更送上3盒保健食品,令曼娜姐甜到漏。曼娜姐指婚前大家都是一齊過母親節,今年更有意思,因女兒要做母親了。Joie講到跟媽咪相處,忍不住喊出來:「之前我喺美國讀書,近幾年先返嚟,所以好少見。如果我喺美國,過時過節我會打電話返嚟,母親節一定打,因為媽咪特別孤單。我好內疚,喺外國讀咗15年,大部份時間都冇陪媽咪,我?家返嚟,主要都係因為媽咪。」採訪:黃曉妍攝影:陳俊強




來源: http://hk.apple.nextmedia.com/entertainment/art/20170514/20020434
曼娜 開心 大肚 女陪
PermaLink: https://articles.zkiz.com/?id=332970

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019