ZKIZ Archives


曹敏莉買奶放蚊

1 : GS(14)@2016-03-05 01:26:44

【圓方】已為人妻嘅前港姐冠軍曹敏莉(Mandy),同金融才俊老公張家傑結婚6年,先後生咗一女一仔湊個「好」字,Mandy曾經公開講過夫妻相處之道話:「愛情真係講緣分,我同老公有時感情好好,有時又好想打佢。」


資料圖片


其實兩公婆相處,咪就係床頭打交床尾和咁簡單囉!噚日下晝4點,記者就見Mandy同老公喺圓方超市行孖咇。兩公婆當日同樣着住運動衫褲,全程拖實鬼咁甜蜜,見佢哋買罐奶粉都有商有量,就知呢排係佢哋嘅「蜜月期」啦!不過記者見Mandy邊行邊放蚊,好似瞓未醒咁樣,睇嚟闊太生活都好愜意喎!採訪、攝影:王梓嫚





來源: http://hk.apple.nextmedia.com/entertainment/art/20160304/19515262
曹敏 敏莉 莉買 買奶 奶放 放蚊
PermaLink: https://articles.zkiz.com/?id=296836

【馮仁昭四圍超】曹敏寶跳鋼管舞學刻苦

1 : GS(14)@2016-09-02 05:49:51

曹敏寶噚日到商台宣傳新碟,講自己嘅心路歷程:「我都好介意人哋點睇,不過而家學咗瑜伽同鋼管舞之後,心智上強咗,變得冇咁拘謹。」學咗一年鋼管舞嘅佢,打算考牌做專業鋼管舞者:「好希望有日可以喺台上表演,自己有啲歌都配合到瑜伽,希望可以自己排埋舞。鋼管舞性感又有力量又刻苦,可以訓練自己喺困苦中唔好放棄。」撰文:馮仁昭




來源: http://hk.apple.nextmedia.com/entertainment/art/20160902/19757154
馮仁 仁昭 四圍 曹敏 敏寶 寶跳 鋼管 舞學 刻苦
PermaLink: https://articles.zkiz.com/?id=307223

曹敏莉追問鄭嘉穎婚期

1 : GS(14)@2016-10-14 06:52:25

鄭嘉穎、曹敏莉等昨晚在灣仔君悅出席健康美麗大賞活動,曹敏莉陀着6個月身孕現身,見到嘉穎即笑笑口問:「幾時恭喜你?」在旁的嘉穎即笑言:「恭喜你先。」問到嘉穎幾時好事近,他表示:「順序漸進,未到未有,我阿媽都想,都唔係今時今日,呢啲冇得追,有消息通知大家。」提到女友陳凱琳於《巨輪2》有強姦戲份,嘉穎自言有睇過,問到會否嬲,他表示:「冇,做演員邊會,媽咪有話咁快拍咁大膽戲,我同佢講做戲啫,有得畀佢發揮先咁做。」另外,曹敏莉今次陀第三胎,預產期大約於今年12月或明年1月,連同之前大女及二仔,生完今胎會封肚,三個已夠數。採訪、攝影:羅慧敏




來源: http://hk.apple.nextmedia.com/entertainment/art/20161014/19799872
曹敏 敏莉 追問 嘉穎 婚期
PermaLink: https://articles.zkiz.com/?id=312040

曹敏莉三仔出世嗌夠數

1 : GS(14)@2016-12-10 13:30:11

■曹敏莉昨在微博貼三仔Leo的相片報喜。



現年34歲的曹敏莉(Mandy)為03年港姐冠軍,早年嫁給金融才俊張家傑,育有囡囡Dora及囝囝Marco,Mandy今年又再陀B,原定預產期是下月。不過昨午5時許,她在微博報喜,宣佈囝囝提早出世,她留言:「多謝大家嘅祝福。我哋母子平安。能夠順利生baby Leo,我哋衷心多謝所有醫護人員。」Mandy接受本報訪問時表示:「我而家休息啦,多謝關心,三個寶貝夠晒數啦!」



曹敏莉

另外,台灣藝人林心如今年7月跟霍建華結婚時已懷有三個月身孕,預產期是明年2月。前日她在facebook貼出近照,並留言:「最後一項任務,完成!明年見啦。」相信之後可以專心待產。採訪:唐琛悠




來源: http://hk.apple.nextmedia.com/entertainment/art/20161210/19860494
曹敏 敏莉 莉三 三仔 出世 嗌夠 夠數
PermaLink: https://articles.zkiz.com/?id=319075

Kelly冧暈曹敏莉鍾嘉欣囡囡唔慣香港生活狂喊

1 : GS(14)@2017-04-04 08:59:29

鍾嘉欣(Linda)去年與脊醫Jeremy結婚後,誕下囡囡Kelly,並長居加拿大。嘉欣曾透露自己餵人奶,時時刻刻都要照顧囡囡,所以早前推咗部劇,只係間中返港出席活動賺吓奶粉錢。最近嘉欣帶埋BB返港12日,除咗出活動,仲有探班香港班朋友。曹敏莉昨日喺微博貼咗佢同囡囡及嘉欣與Kelly嘅合照,原來佢哋都係人04年中華小姐,Linda攞冠軍,Mandy就得亞軍。Linda喺ig留言﹕「前中華小姐聚會,13年前你代表香港,我代表溫哥華。呢個比賽改變大家嘅命運,我好感恩我哋識到依家,你都仲係咁靚,Mandy你要繼續努力,很開心的一天!」相中見Kelly個樣真係好得意,白白淨,頭髮濃密,而眼仔碌碌,個樣越嚟越似媽咪。曹敏莉留言:「今天跟Linda媽媽過了一個非常愉快的下午!Baby Kelly真係可愛到不得了,It was so nice chatting with you dear!」而Linda早前亦接受咗鄭紹康fb live訪問,獲送贈BB衫,Linda即笑住投訴:「自從有咗之後,我地位都冇晒。」Linda透露囡囡唔習慣香港生活,失眠咗3晚,佢話:「可能有jet lag(時差),返到嚟成日喊,今日好少少……加拿大超安靜,我哋屋企唔開電視,同老公商量過,盡量都唔會畀iPhone佢睇到,所以佢平時好calm.」被問點解咁快收身?Linda即刻企起身show纖腰,笑言:「餵人奶啦,收身好快。」




來源: http://hk.apple.nextmedia.com/entertainment/art/20170403/19978780
Kelly 暈曹 曹敏 敏莉 莉鍾 鍾嘉 嘉欣 囡囡 唔慣 香港 生活 狂喊
PermaLink: https://articles.zkiz.com/?id=329174

曹敏莉舉家旅行細仔Leo肥嘟嘟激似「米芝蓮」

1 : GS(14)@2017-04-14 11:12:51

34歲前港姐曹敏莉早年嫁金融才俊張家傑,婚後育囡囡Dora同囝囝Marco,去年12月再生埋三仔Leo,講明生三個夠晒數。婚後曹敏莉一直過住幸福少奶奶嘅生活,相夫教子,日前舉家去旅行,連細仔Leo都跟埋去,昨日佢喺微博貼出同Leo合照,見Leo肥嘟嘟似足Q版「米芝蓮」公仔,非常可愛。




來源: http://hk.apple.nextmedia.com/entertainment/art/20170414/19989736
曹敏 敏莉 舉家 旅行 細仔 Leo 嘟嘟 激似 米芝 芝蓮
PermaLink: https://articles.zkiz.com/?id=330548

心穎BB同家姐打對台曹敏莉妹妹做Hi-Fi碟歌手

1 : GS(14)@2017-08-02 05:59:40

曾幾何時港姐被視為香港一年一度嘅盛事,而脫穎而出嘅佳麗就被認為係「美貌與智慧並重」。除咗佳麗本人之外,其實有唔少佳麗嘅姊妹都非常出眾。李嘉明1988年嘅港姐冠軍李嘉欣,2010年嫁許晉亨,之後生活幸福就唔使講啦。而佢家姐李嘉明一啲都唔輸蝕,經嘉欣介紹認識身家估計達10億嘅上市公司主席顧毅勇,而佢哋仲喺2010年奉子成婚。黃心美黃心穎喺大台上緊位,而佢家姐黃心美講美貌真係同阿妹有番咁上下,黃心美現時喺ViuTV做緊「一姐」,曾經結過婚嘅佢,年前同台灣籍老公離婚後仲一蚊贍養費都唔要,實行靠自己。曹敏寶曹敏莉喺2003年參選港姐,成為「五料冠軍」,2010年就同金融才俊男友結婚,仲生咗兩子一女。佢妹妹曹敏寶就07年參加有線主辦嘅歌唱比賽入行,做過節目主持,喺11年出道做歌手,近年做出咗多隻Hi-Fi碟。




來源: http://hk.apple.nextmedia.com/entertainment/art/20170802/20108716
心穎 BB 同家 家姐 姐打 打對 對臺 臺曹 曹敏 敏莉 妹妹 Hi-Fi 歌手
PermaLink: https://articles.zkiz.com/?id=339263

曹敏寶唔介意閃婚生B

1 : GS(14)@2017-08-19 19:07:59

曹敏寶新歌《一語道破》主題是圍繞女人自強,昨日她在商台宣傳時說:「我好唔鍾意女仔為仔死為仔亡,我就好有自己一套愛情觀,硬淨啲囉。」曾與同性傳出緋聞的她,笑謂讀書時代因太男仔頭,引來不少女同學誤會。曹敏寶透露現時很多男士追求,坦言可嘗試發展,又不介意隨時閃婚生B:「啱啱加盟新公司,睇吓公司意願先啦,我都會專注事業嘅。」




來源: http://hk.apple.nextmedia.com/entertainment/art/20170819/20125763
曹敏 敏寶 寶唔 介意 閃婚 婚生
PermaLink: https://articles.zkiz.com/?id=340274

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019