ZKIZ Archives


新世界鬼祟宴鄉紳梁福元:春茗嚟咋!

2014-05-01  NM
 
 

 

上星期五,記者喺元朗做完嘢去酒樓醫肚,估唔到嘆嚇一盅兩件都有奇遇,居然撞見十八鄉鄉委會主席梁福元,跟住元朗區議會正、副主席梁志祥同王威信都嚟咗。一眾侍應非常識做,急急腳將幾位主席帶入貴賓房。

記者坐近一睇,門口寫住「新世界」名牌,莫非人稱純官嘅鄭家純搞咗個鄉紳飯局?只見餸菜推出推入,食足個幾鐘先至散席。記者數一數,呢餐午宴原來有近廿名元朗區議員出席,唔係鄉事派就係建制派,雖然最終見唔到純官,但記者認出,代表新世界嘅原來係聯席總經理兼執行董事陳觀展。陳總係猛料之人,曾經喺廣州市政府辦公廳做處長十年,又做過越秀交通執董,擅長地產及物業投資,三年前由純官親自力挖過檔,被視為心腹。近年各大地產商紛紛喺新界收地插旗,此時此刻有呢趟飯局,實在令人有無限聯想。記者事後致電梁福元求證,佢例牌否認,更聲稱當日飯局只係遲來的「春茗」:「春茗嚟咋嘛,好似中電、煤氣公司咁,年年都有o架喇,俾面派對之嘛!」清明都過埋先食春茗,記者都係第一次聽,佢仲誓神劈願話飯局從無傾過發展收地。梁志祥更索性話唔知邊個係陳觀展:「佢哋有新同事、有啲我都係第一次見……佢哋經理姓陳下話?都係介紹嚇啫。」記者問過無出席嘅元朗區議員,本來地產商宴請全體區議會成員食飯好正常,但新世界無按照慣例,向秘書處發邀請信,而係由公關逐個打電話問區議員出唔出席,點解要咁鬼祟?新世界解釋,由於飯局無特定議題,所以只係電話私下邀請議員,而唔經區議會秘書處。

范太前公關助趕六四館

六四紀念館終於開幕,紀念館所在地嘅大廈業主立案法團主席巢國超上週三蒲頭,話會繼續採取法律行動,釐清支聯會有無違反富好中心嘅公契,誓要趕絕紀念館。自稱「普通商人」嘅巢生經常前言不對後語,一時話自己負責律師費,一時話法團會俾番錢佢,轉過頭又話要開會傾嚇先,直至佢身邊嘅白衫男子教路,先至話係自己出錢,夜晚仲發新聞稿話「願意支付一切有關律師費用,毋須其他業主承擔」。呢位白衫軍師潘錦全原來來頭不小,佢係資深傳媒人,又係俊念傳訊顧問有限公司創辦人兼董事總經理。一一年唐英年醜聞纏身時,盛傳全國人大常委范徐麗泰隨時入閘參選特首,范太就喺嗰陣請佢做公關。九六年,潘錦全仲幫過前特首董建華助選,似乎同建制派關係相當密切。一個普通商人請到公關猛人助陣,錢從何來?潘錦全本週一回覆本刊查詢,話俊念受董吳謝香律師事務所委託及聘用,一切費用由維雅製衣廠,即係巢國超找數。

中西區再益自己友

政府大派四百五十萬俾十八個區議會宣傳《基本法》,呢啲明益自己友嘅活動陸續舉行。攞咗十一萬元嘅基本法推介聯席會議(基推會)聯同中西區區議會,本週日喺卑路乍灣公園搞填色比賽、攤位遊戲、歌舞表演、專題講座等,街坊反應麻麻。專題講座嘅主題係《基本法》賦予的權利和義務,主講嘉賓係律師衞珮璇。當日反對撥款而被抬離議會嘅區議員許智峰到場挑機,問衞珮璇喺法律基礎下如何保證普選冇篩選,點知衞話問題同活動主題無關,又話係咪良心律師應由自己評價,總之不停遊花園。現年廿八歲嘅衞珮璇係一一年區會選舉許智峰嘅對手,佢係有份批出撥款嘅區議員李志恆嘅姨甥女,兩人同屬由中聯辦港島工作部部長吳仰偉擔任首席榮譽顧問嘅建制組織「中西區發展動力」成員,衞當年參選曾被指舉家種票。李志恆話冇利益輸送亦唔覺尷尬,聲稱演講屬義務性質,活動細節由基推會安排,佢聲稱當日先知係姨甥女衞珮璇主講,真係信不信由你。許智峰質疑即使冇金錢輸送,但可能有延後利益,包括為衞珮璇下屆區選鋪路。

壹週圖片:曾鈺成伉儷豪遊京都

唔少香港人對京都情有獨鍾,立法會主席曾鈺成都唔例外。本刊同事目擊,上星期三曾主席夫婦把臂同遊京都嵐山,仲set機玩自拍,太太伍嘉敏乘機「搔首弄姿」,可惜曾主席搞咗成十分鐘先set好部機,真係辛苦曬。同事之後仲見到兩人去咗溫泉旅館「花筏」。據講旅館一客懷石料理最平都要七千日圓,即港幣五百三十蚊,一晚住宿接近港幣四千蚊,不過對曾主席嚟講,濕濕碎啦!

新世界 鬼祟 鄉紳 福元 春茗 嚟咋
PermaLink: https://articles.zkiz.com/?id=97997

中資「縮皮」 港春茗訂跌一成

1 : GS(14)@2015-02-12 12:48:38

http://www.mpfinance.com/htm/finance/20150212/news/ea_eaa1.htm



【明報專訊】零售業氣氛低迷,甚至影響不少企業春茗亦要省吃儉用。本港不少酒樓表示,今年公司春茗訂數目較往年縮水一成,有酒樓東主稱,內地反貪影響蔓延至香港餐飲業,中資企業大幅削減消費,令訂跌幅尤其嚴重,更有公司領導層索性取消開年飯,改以其他活動代替。


明報記者 孫娜

公司春茗的消費情往往成為當年企業信心的風向標,受環球經濟不景氣及內地打貪政策影響,往年新春「一難求」的高檔酒樓今年訂狀卻普遍冷清。

餐飲聯會﹕訂社團8道菜變6道

餐飲聯業協會會長兼金百加酒樓集團主席黃家和表示,今年公司春茗訂圍數不如往年,有以往訂40圍的公司今年則削減至30圍,而不少社團過去每8道菜的標準今年也普遍下跌至6道菜。

不僅訂和菜式縮水,價格也難以叫高。黃家和稱,今年每圍均價約為5200元,過去每年價格至少有一成升幅,惟今年加幅卻只有5%。他表示,類似情在08年、09年金融危機時也出現過,惟之後年份春茗訂增長穩定。

黃永幟﹕人工食材漲 無加價變相減價

同樣叫苦連天的還有人稱「幟哥」龍皇酒家飲食集團主席黃永幟,他稱今年公司春茗訂數至少減少了11%至12%。他表示,雖然今年每圍價格水平與去年相若,都是在6000元至8000元之間,但一年內食材及人工成本均有增長,不加價已意味是變相減價。

黃永幟又稱,明顯感覺今年公司的消費信心較往年減弱,訂時沒以往「豪氣」。更有不少每年在港籌辦春茗的公司,今年直接取消宴會,改為去歐洲、日本等貨幣貶值國家旅行。

楊貫一﹕中資訂明顯減少

內地反貪腐不僅打擊香港零售業市場,更蔓延至高檔餐飲。 有「鮑魚大王」之稱的富臨飯店創始人楊貫一稱,近期打貪熾熱,內地高消費客戶及中資企業訂減少最明顯,消費減少至少四成。他稱,以前大陸豪客動輒消費十幾萬,但如今豪氣不再,點餐時亦少叫鮑魚、海參等高單價海鮮。

相反,近兩年香港本地客人比重有所上升,不過平均消費就相對減少。

龍皇酒家亦出現類似現象,黃永幟稱,從前內地客消費佔酒樓總收入介乎7%至8%,打貪後則只剩4%至5%。

除打貪影響外,楊貫一稱,經濟不景氣亦令客人消費普遍變得謹慎,人均消費由幾年前的2000元下降至現在的1000元上下。

楊貫一又稱,今年酒樓春茗訂數目表現亦是「一般般」,儘管海鮮食材成本有增加,仍決定保持每圍價格原地不動,在2萬至3萬元之間,往年通常會有5%增長。
2 : GS(14)@2015-02-12 12:49:13

http://www.mpfinance.com/htm/finance/20150212/news/ea_eaa2.htm



高檔內地餐飲股 最受影響


2015年2月12日





【明報專訊】自由行效應逐年減弱,奢侈品銷售大受打擊,惟消費力較低的自由行旅客數量則有增長,業內人士表示,該變化對本港餐飲業影響喜憂參半。亦有分析員表示,反貪政策對內地餐飲股及本港高檔酒樓消費造成衝擊。


凱基﹕租金市民收入左右行業

凱基證券零售業分析員梁卉施認為,反貪政策對內地餐飲股影響最明顯。從去年上半年開始,不少如小南國(3666)等的內地高檔餐飲集團均宣布未來將擴大大眾市場餐飲佔比,以彌補反貪對高檔市場衝擊。她又稱,較內地而言,影響本港餐飲業的因素則更為複雜:租金人工高漲、消費者收入增加緩慢,外圍經濟不景氣,加之高檔休閒餐飲及西式餐廳的競爭,令傳統酒樓生意腹背受敵。她表示,2005年全港酒樓數量全港食肆比例為41%,2013年佔比則下降至32%,她料這一趨勢仍會繼續,認為傳統酒樓需和新品牌合作才能實現轉型。

鄧聲興﹕大眾化食肆影響有限

事實上,傳統酒樓毛利空間正在壓縮,餐飲業聯會會長黃家和表示,近年內地團體在港消費力不如前幾年,儘管總體收入仍有小幅增長,不過酒樓的毛利率卻大打折扣。

AMTD證券業務部總經理鄧聲興認為,內地打貪政策對本港高檔消費市場造成明顯衝擊,但由於大多餐廳仍定位本地消費者,相信對本港餐飲業的整體影響有限。不過,他指全球經濟走弱會對商業餐飲消費造成衝擊,認為餐飲集團有必要像大家樂(0341)一樣走多品牌路線,同時拓展大眾及高端市場。至於餐飲股未來走勢,鄧聲興並不看好,他指餐飲和零售業相關度高,在零售蕭條未有反彈之前,餐飲股亦難見顯著增長,料今年走勢平平。
中資 縮皮 春茗 一成
PermaLink: https://articles.zkiz.com/?id=287787

小環搞春茗慰員工

1 : GS(14)@2017-02-03 03:10:34

譚小環和老公蔡強榮(Eric)在銅鑼灣為員工舉行春茗,筵開三席,小環帶同雙親一齊湊熱鬧,譚媽媽派利是給小環愛犬LaLa。Eric在現場向員工宣佈加人工:「舊年開咗新店,新店收支平衡,銅鑼灣店又上軌道,係有賺嘅,但畢竟材料貴晒,所以成本都高咗,但我哋仍然堅持維持最好食物質素同服務。」Eric還即場向員工派分紅利是,小環更表示有意開第三間分店。講到今年跟毛記合作搞年宵,問出年會不會再搞?小環說:「諗諗先。」Eric覺得吸取今次經驗,有信心再搞一定會做得更好,但是拍檔一定要是毛記。採訪、攝影:陳杰




來源: http://hk.apple.nextmedia.com/entertainment/art/20170202/19914789
小環 春茗 員工
PermaLink: https://articles.zkiz.com/?id=325140

一擊即中等做媽媽?面圓圓熊黛林變紅衛兵食春茗

1 : GS(14)@2017-02-18 09:51:48

盛傳陀B,近日明顯工作減產嘅熊黛林(Lynn),日前孖老公郭可頌出席model公司春茗,當晚唔少名模都Cosplay到場,不過就以Lynn嘅紅衛兵造型最突出。當晚紥住兩條孖辮嘅Lynn,雖然睇唔到有冇肚凸凸,但塊面明顯飽滿咗。而當晚Lynn除咗着紅衛兵造型,心口仲專登掛埋毛澤東頭像,佢老公郭可頌就便裝上陣。至於馬詩慧同王敏德夫婦,老婆做交通警,老公做飛虎,拍戲做過N次飛虎嘅王敏德,絕對駕輕就熟,而當晚名模琦琦同樂基兒都有出席。




來源: http://hk.apple.nextmedia.com/entertainment/art/20170218/19932406
一擊 擊即 中等 媽媽 圓圓 熊黛 黛林 林變 紅衛兵 紅衛 春茗
PermaLink: https://articles.zkiz.com/?id=326887

導演會春茗許冠文獲榮譽大獎千嬅唔操囝囝面試:怕佢討厭Interview

1 : GS(14)@2017-03-04 00:34:49

香港電影導演會春茗暨年度頒獎禮昨晚在尖沙嘴洲際酒店舉行,出席者包括劉嘉玲、莊思敏、林家棟、楊千嬅、甄子丹與太太汪詩詩、余文樂、許冠文、劉偉強、曾國祥與女友王敏奕等。



■許冠文獲頒榮譽大獎,他揚言會繼續拍戲。

■林家棟憑《樹大招風》奪得最佳男主角,由劉嘉玲頒獎。

■最佳新演員是《點五步》的胡子彤。

■(左二起)劉浩龍與薛凱琪等昨晚出席導演會春茗。

林家棟奪影帝

昨晚大會頒發七個獎項,最佳男主角為《樹大招風》的林家棟、最佳女主角是《幸運是我》的惠英紅、最佳導演為《美人魚》的周星馳與《七月與安生》的曾國祥、最佳電影是《樹大招風》、最佳新演員是《點五步》的胡子彤、新晉導演是《一念無明》的黃進,而榮譽大獎得主是許冠文。惠英紅攞獎時說:「從未試過有導演兜口兜面讚我,今次咁多導演讚我,40年一次過攞番晒自信。」小紅姐認為稱讚是正面鼓勵,她笑說:「我阿媽從來都冇讚過我,畀佢哋讚好重要,佢哋係套戲靈魂,讚我真係曉飛。」家棟接受訪問時說:「上嚟攞獎就用咗30年,呢個獎係時間證明導演唔係惡意鬧,睇番畫面睇番多年犯錯。」


着重兒子身教

楊千嬅近日被本報讀者發現帶兒子Torres到香港仔的加拿大國際學校面試,對此她說:「同佢見咗幾間,主要係國際學校。」是否很緊張囝囝入學?她說:「我諗爆相爆片嗰個緊張過我,當日我同老公各自做緊自己嘅嘢,完全唔關小朋友事,可能我將手機擺喺袋入面,唔想畀老師覺得我成日玩電話咁,加上我用筆寫嘢,所以俾人覺得我好緊張咁mark低啲嘢。」問到囝囝面試前千嬅可有跟他操練?她說:「千祈唔好做呢啲咁嘅事,小朋友身教同禮貌係最重要,如果成日同小朋友操練,可能佢會討厭咗呢件事,唔鍾意interview。」是否不想兒子考TSA?千嬅說:「冇話想唔想,制度嘅嘢我冇辦法改變同批評,揀國際學校係IB(國際文憑課程)好啱我小朋友。」採訪:卓寶花攝影:陳慧安




來源: http://hk.apple.nextmedia.com/entertainment/art/20170303/19945495
導演 春茗 許冠 冠文 文獲 榮譽 大獎 千嬅 嬅唔 唔操 操囝 囝囝 面試 怕佢 討厭 Interview
PermaLink: https://articles.zkiz.com/?id=327620

卸任前赴賭場春茗捲貪案

1 : GS(14)@2017-11-05 17:39:31

【本報訊】由特區政府最高權力話事人,曾蔭權今年初一夜間變成階下囚,更要在一年內面對兩次審訊。他現在的遭遇源於2012年他將卸任之際,因被發現在澳門出席賭場春茗宴,結果被揭涉及貪污事件,除乘坐私人飛機遊艇外,最致命的是他擁數碼廣播牌照發牌決定權,同時涉隱瞞向數碼廣播牌照申請人黃楚標租豪宅,兼收受350萬元豪華裝修。結果原應舒適的退休生活,換來折騰至少5年的刑事檢控。曾蔭權於今年2月22日被定罪,判囚20月;服刑兩個月後,獲准保釋等候上訴。在獄中不能染髮的他自此以灰白髮示人,令外表帶點憔悴。9月底重審時,患哮喘的曾常咳嗽,狀甚辛苦,法官休庭讓他休息。

搭富商私人飛機遊艇


涉貪事件要追溯至2012年2月14日,特首選舉接受提名,但在提名前,兩名參選人梁振英及唐英年先後被爆出黑材料,挺唐人士曾蔭權也同樣受打擊。2月20日開始,不同報道先後揭露曾出席澳門賭場春茗宴、搭私人飛機遊艇出遊、向雄濤廣播股東黃楚標租住深圳東海花園6,700平方呎豪宅,廉署在接獲投訴後,亦快速立案調查。曾接受電視台和電台訪問解釋,並成立由終審法院前首席法官李國能領導的獨立委員檢討特首申報機制。同年6月30日他卸任,其後以正接受廉署調查為由拒絕出任全國政協。至2015年10月曾被起訴兩項公職行為不當罪。今年1月10日,案件在高院開審,至2月17日陪審團退庭商議兩日一夜後,裁定曾蔭權一項公職行為不當罪成、另一項同類罪名不成立,而行政長官接受利益罪則未達裁決,促成重審。■記者黃幗慧



來源: https://hk.news.appledaily.com/l ... e/20171104/20204219
卸任 前赴 賭場 春茗 捲貪 貪案
PermaLink: https://articles.zkiz.com/?id=343861

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019