美新屋動工 上月顯著回落
1 :
GS(14)@2016-12-17 23:43:41【明報專訊】美國新屋動工量在10月創下9年高位後，在11月顯著回落，按月跌幅達18.7%，動工量以年率計由前值134萬戶跌至109萬戶，是近11年來最大按月跌幅。期內新屋建築許可減少4.7%，是3月以來最大跌幅。建築許可年率為120.1萬戶，遜於市場預期。截至周四的一周，美國30年期按揭貸款平均利率升至4.16厘，是2014年10月以來最高。不過建築商對前景仍充滿信心。路透調查顯示，建築商對12月的信心達到2005年7月以來最高。
此外，油組成員國包括沙特阿拉伯、科威特、阿布扎比，已通知客戶將由1月起減少供應，以回應油組與非油組國家的減產協議，刺激國際油價升逾1%。布蘭特期油在接近每桶55美元水平。紐約期油升至每桶51.6美元左右。
油組國落實減產 油價升1%
受油價向上帶動，加上美匯指數輕微回落，帶動美股微升。道指初段高見19916.94點，接近2萬點水平。
受聯儲局加息步伐加快的預期影響，債息繼續高企，美國10年期國債孳息接近2.6厘。
（綜合報道）
[國際金融]
來源:
http://www.mpfinance.com/fin/dai ... 8078&issue=20161217
搬新屋轉運 買馬中3串7志偉2600蚊贏1600萬 豪請老友食飯遊日
1 :
GS(14)@2017-01-08 19:02:44【開P慶祝】■曾志偉上月底買馬以2,600元贏得1600萬後，於大埔新居宴請佘詩曼、錢嘉樂及阮兆祥等好友食私房菜。
曾志偉愛駒「卡加動力」去年在賽事中發生意外死亡，令志偉損失七位數字。不過，原來志偉上月搬往大埔新居後立即轉運，在上月底跑馬地夜馬賽事中，他以2,600元買連贏及位置Q3串7贏了1,600萬，至昨日其名下馬匹「品自高」又於澳門爆冷贏頭馬，認真當旺。贏大錢的志偉日前於新居請好友開餐，並計劃請好友遊日。刀仔也可鋸大樹，曾志偉便是最成功例子。志偉名下11歲老馬「品自高」昨日在澳門爆冷贏了頭馬，獨贏派彩287元。昨日未有到澳門拉頭馬的志偉，原來於上月賽馬日中，以2,600元作本贏得高達1,600萬派彩，實行贏大錢過肥年。據本報收到可靠消息，一向愛買馬的志偉，上月22日跑馬地夜馬賽事中買了第2場1號「越駿寶」和9號「吉利高」、第4場8號「星際武士」和2號「巴基小子」，以及第6場7號「海利多」和1號「哈蝦巴爸」的連贏及位置Q3串7，每注100元，志偉合共買了2,600元，結果他買的冷、熱馬三場全中，由於連贏及位置Q3串7全收，因而派彩高達1,600萬。
【爆冷跑出】■海利多以半冷姿態與哈蝦巴爸構成連贏位，帶挈志偉過三關贏逾千萬。
【靚酒任飲】■志偉預備了十四代清酒和靚紅酒宴客。
【好友勁擦】■有份出席志偉派對的阮兆祥，指志偉搬新居後好運連連。
私房菜靚酒宴客
據悉志偉贏大錢後，於上月30日廣邀好友到其大埔新居開P暢飲勁擦，包括佘詩曼、阮兆祥、郭少芸、姚樂怡、梁靖琪（Toby）、錢嘉樂、湯盈盈、洪天明、苗僑偉及戚美珍等。志偉請了一位私房菜大廚負責當晚美食，又預備大批十四代清酒、紅酒、威士忌和香檳等靚酒招待好友，順道慶祝新居入伙，不少好友均指志偉新居旺財招運，甫入伙已贏馬大豐收。記者昨日聯絡志偉，但未獲回覆，不過其子曾國祥則承認說：「確實有啲咁嘅事，我都唔知detail，我都唔係我爹哋口中聽番嚟，係另一個朋友同我講，話聽講你老竇贏咗條好勁嘅Q，我賭馬完全唔識，我淨係知佢贏咗好大筆錢啦。」問志偉可有分錢給他時，他說：「冇喎！唔使啦！佢開心就得㗎啦。」
■曾國祥（左）昨日承認父親曾志偉賭馬贏大錢。資料圖片
阿佘：早知跟佢買
有份參與志偉開心大派對的佘詩曼，昨被問到志偉贏1,600萬請客，她笑說：「係呀，請咗我哋去佢屋企食飯開party。」當日可有跟志偉買馬？她說：「嗰日我冇去，我都唔識，平時都係亂咁買，早知跟佢一齊買啦！阿爸（志偉）好lucky，因為佢做得善事多，善有善報。」身為獎門人家族一分子的阮兆祥說：「大家都好戥獎門人開心，佢話會請晒大家去日本旅行喎。志偉啱啱搬咗新屋，我哋都話間新屋好旺佢。志偉做好多善事，幫手起好多佛寺，佢又搞咗個『快樂港仁』醫館，幫啲低收入家庭贈醫施藥，今次真係善有善報。」採訪：鍾國仁、魯吉
來源:
http://hk.apple.nextmedia.com/entertainment/art/20170108/19890000
平買風水新屋再贏大錢曾志偉行大運
1 :
GS(14)@2017-02-12 15:32:182017-01-26 NM
搬入新居大埔海景山莊後，曾志偉用2,600蚊成本買馬，結果扑中一條三穿七，大贏1,600萬，即時四圍請食飯，又廣邀一班圈中好友組團去日本旅行，開心share！原來行運有條路！15年底，曾志偉購入海景山莊風水屋，買入價已比原價低兩百萬，入住第一日買馬更贏大錢，行運行到落腳趾尾。業主自動減多兩百萬
曾志偉以二千四百多萬購入的大埔海景山莊，花費數百萬裝修一年，去年十二月底才正式入伙，新居向正吐露港，有水有景，曾志偉第一次睇屋，已經決定扑槌買。
「個單位前面（屋前）有水，後面又有水（小溪），志偉一睇已經好鍾意，仲要賣方願意平成兩百萬俾佢，即刻買啦！到舊年搬入去間屋，第一日買馬就贏咁多錢（1,600萬），好風水到呢！啲朋友笑志偉咁多年都俾錢鋪草皮，而家一次過贏番晒！贏馬嗰日佢拎住啲飛不斷同人影相，仲話影晒相，係人都知係曾志偉贏馬，冇人敢偷佢啲飛去攞錢。」身邊朋友說。
新屋寫曾寶儀名
自己贏大錢，而入行多年的大仔曾國祥亦終於捱出頭，早前執導電影《七月與安生》攞咗唔少獎，令他放下心頭大石；至於囡囡曾寶儀，年前同志偉合作內地真人騷《極速前進》，玩遊戲時不慎令盆骨受細菌感染要休息兩個月，但曾寶儀一個月就復工，還被老豆挖苦「係咪好等錢使」。「志偉知個女做嘢辛苦，所以海景山莊個單位寫咗個女個名，話俾佢有個保障。其實唔只對親生仔女好，好多圈中人都叫志偉做阿爸，佢一向好幫啲後生，好似葉蘊儀當年離咗婚去澳洲讀大學，學費都係志偉負責。仲有，盧David（大偉）有病，志偉幫手俾醫藥費。「不過志偉幫人唔鍾意大鑼大鼓，好似黃精甫做到導演同《一念無名》拍得成，都係因為佢幫手穿針引線，所以大家都話志偉做得好事多，抵佢贏大錢。」身邊朋友說。
撰文、攝影、攝錄：娛樂組
城城開工前揸法拉利整髮陀女Moka上海新屋安胎
1 :
GS(14)@2017-05-01 11:57:42【去換Look】■郭富城日前趁未開拍新戲，單拖現身中環置地剪髮。
【中環】51歲天王郭富城升呢做人夫後，仍未公佈29歲內地老婆方媛（Moka）懷孕雙喜臨門，但城嫂的大肚已經遮不住了，據知，兩人的首個愛情結晶是小公主，預產期9月，揀好在香港的富豪級醫院養和出世，由於城城將要到外地拍新戲，城嫂已跟父母返上海安胎，擺駕入住老公賜贈的城堡。城城日前趁未開工，駕着值逾500萬的法拉利戰車，現身中環整頭髮。
郭富城於上月18日在香港半島酒店娶方媛，當時着裙褂的她腹部隆起孕味濃，但城城一直守口如瓶未承認老婆懷孕，前日他在上海出席活動，被問到老婆是否大肚，城城依然笑而不答，只透露將跟周潤發合作新戲，太忙沒時間度蜜月。
養和分娩
不過，據Moka的閨蜜爆料，指她已懷孕逾三個月，已經知道陀女，預產期是9月，城城很期待小公主出世，早前更斥資在上海買了一個較大的單位送給老婆，讓她可以在家人照顧下專心安胎，不過，BB就會在香港出世，更已定好在養和醫院生B。四大天王的劉德華及張學友巧合地都是生女，大家都是外父相。本身在上海居住的Moka，雖然嫁雞隨雞，但仍未適應香港的生活，在港沒有太多朋友，加上城城因工作太忙，經常不在港，本月就要開拍莊文強執導的新戲，分別到泰國和加拿大取景，完全沒時間照顧懷孕妻，故Moka早前已跟父母返上海，入住老公送贈的新屋安胎，今次城城到上海工作，就可以順道慰妻。Moka前晚秒刪肚凸凸的相片，之後再貼另一張相，今次好小心沒在黑超中現凸肚，只見到手上的疑似婚戒。
【泊靚跑】■城城先將法拉利戰車泊在大會堂附近的停車場，剪髮後再到停車場取車回家。
【轉車坐】■城城出巡中環十分大陣仗，自己駕駛跑車，又轉坐七人車到髮型屋。
Moka雖然一直對外聲稱是上海人，但她的身份證上清楚顯示是安徽南陵人，其家鄉是安徽省蕪湖市南陵縣弋江鎮蒲西村。有指她在蒲西村的蒲橋中學讀書，初中畢業後便到了上海，曾做會計，後來成為平面模特兒，認識城城之前已在上海買層細樓，父母就一直在家鄉生活，直至結識了天王郭富城，才改寫其人生。Moka的初中校友早前專程到其老家玩網上直播，令她老家的舊平房曝光。鄉親們大讚Moka好命，能夠嫁到有名有利的香港天王。採訪：鍾國仁攝影：徐錦池、孔志豪
【晒婚戒】■Moka前晚在Ig貼新相，左手疑似戴着婚戒。
■Moka上月18日在半島酒店嫁城城，據知她今胎陀女，囡囡已定於9月在養和出世。資料圖片
■據知Moka已在父母陪同下返上海，入住城城買的新屋安胎。資料圖片
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170501/20006955
Next Page