ZKIZ Archives


魚翅撈飯 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20131201/18531142

公關大姐大約吃午飯,搵埋蔣芸及食評家梁家權到希慎廣場12樓Rasupermen吃拉麵,見到梁家權在座,左丁山邊度敢講嘢,一於由佢品評晒、講晒,自己一味埋頭吃麵。上電梯之時,在前有四位OL,一位大大聲話:「星期三有半熟蛋送,行快啲入去攞位。」邊度有半熟蛋送呀?到咗十二樓,佢哋四位快步走入Rasupermen,顯然係熟客啦。左丁山行得慢,周圍望吓先,發覺呢層樓有間何洪記,門口排晒長龍,上一星米芝蓮星級榜,果然聲價不同,Rasupermen裏面就啱啱滿座,無人排隊,大姐大等已坐在卡位,坐下不久,有餐送到,四人分享,計開有拉麵漢堡包、櫻花木燻牛脷、沙律、大豚山丼,櫻花蝦天婦羅鹽味拉麵,葱花醬油豚肉拉麵、野菜豚骨豆乳湯麵配溫泉蛋,七味食品四人共吃,嘩,飽到脹卜卜,唔好問左丁山意見,梁家權又聞又索又食,說話多多,又與東京同類拉麵比較,好彩佢係讚多彈少箒,否則店經營家唔知會面紅成點!
公關大姐大請吃中產拉麵,闊佬T隔日請吃飯就果然有闊氣,入到佳寧娜私人房,闊佬T已在座,佢話:「唔好咁煩叫餸咯,潮州翅撈飯算數!你有冇意見?」吃魚翅撈飯,點會有意見呀,與闊佬T相識三十年,呢次係第二次兩人一齊吃飯,上一次係十幾年前佢在上海總會佢請吃蟹粉翅撈陽春麵。吃過撈飯及蒜蓉蒸鮑魚仔、清蒸馬友魚頭,闊佬T開始講古仔,呢次講及政壇秘辛及商交所,始知佢捧咗幾位人士入立法會成為尊貴議員,不過佢話有人成為「尊貴的」之後,就「醒目」到自己行路去西環,唔多睬佢喎。世事本是如此,做咗議員,身份完全唔同,那會繼續向闊佬T行弟子禮吖,講到商交所,佢話問題非今日始,敗象早呈,佢只係奇怪做乜梁特首要以張震遠為左右手箒,張震遠背景複雜,出身調景嶺,父親係國民黨在港要員,佢留學英美,回港後曾跟隨魔僧學藝,在北京眼中張震遠身份點都冇曾鈺成咁乾淨企理嘅,但點解受梁特首重用呢?闊佬T至今還是不明所以。

魚翅 撈飯 左丁 丁山
PermaLink: https://articles.zkiz.com/?id=83389

電視撈飯的日子一去不復再返

  “城市論壇”藉著亞視停播的新聞成為近期焦點,探討香港電視業未來發展動向。可以想見,討論這個議題,自不易會如往常討論一些敏感政治議題之時,引來那麼多的即場火花,以至是火藥味。

  席間,不論是出席嘉賓講者還是現場觀眾,所帶出的論點,於我而言,其實並不太過新鮮,唯一較讓我忽然有所感觸的是,其中一位講者,恆生管理學院傳播學院助理教授陳智傑先生所提出的一點:其實,今日觀眾看電視的模式已跟過往有了很大改變,從以往一家大小一起看電視的傳統,改換成了個人化的行為(大意),也就是說,過去一家人齊齊整整,圍在飯桌前,一起以電視“撈飯”的日子大概早已一去不復再返矣。再多一想,更其實,今日的一般家庭,大概連一家人一起圍桌吃飯的機會也早已漸漸變得稀罕得很了,更遑論一起以電視撈飯了。

  而看電視的行為日趨個人化所帶來的其中一個結果,大抵必然就是口味愈趨向於小眾分化。也就是說,要設計製作出一個企圖一網打盡,討好盡各階層,各年齡層的觀眾的電視節目,顯然已變得是越來越困難的一件事。

  又,席間各位講者不約而同,都承認劇集的製作,是一個電視台能最有效吸住觀眾的煞食“武器”,前亞視監製楊紹鴻先生更直言,他認為亞視之所以走到今天這困局,是與多年前的亞視某老板突然下令停止一切自家劇集製作的方針不無關係。對此,過去已有相當多的討論,在此也不想重複太多。

  當然,席間也少不得有人又再提及,在現今一台獨大的現象之下,作為大台的TVB是如何如何的不思進取,故步自封等等。公道點說,說法可能帶點誇張成份,我認為,總的來說,TVB是有所進步的,只不過進步的幅度至今仍達不到一般年輕觀眾的期許而已。而且情況也像麗的/亞視那樣,有時往往會是剛剛才進了一步,然後即又退了三步。

  由此不免又再聯想到TVB的那些曾風靡一時,但近十多二十年來卻早已漸有如日薄西山,每下愈況的劇集節目了。手頭上剛好有一份從維基百科搜來的無線電視2015年全年播放過的劇集節目清單列表,撇開重播節目不計,正好拿來稍作一番草草的“盤點”。全年在黃金時段播放過的新劇計有:“宦海奇官‘、”四個女仔三個BAR“、”衝線“、”水髮胭脂“、”華麗轉身“、“潮拜武當”、“樓奴”、“陪著你走”、“無雙譜”、“東坡家事”、“刀下留人”、“八卦神探”、“師奶MADAM”、“倩女喜相逢”、“天眼”、“以和為貴”、“鬼同你OT”、“拆局專家”、“收規華”、“張保仔”、“梟雄”、“實習天使”,另包括外購劇如“風雲天地”、“武則天”和“無心法師”。及至本年年頭,播出的“鐵馬戰車”、“警犬巴打”、“公公出宮”、“潮流教主”、“EU超時任務”等。論題材,其實可謂包羅萬有,有時裝有古裝,有胡鬧搞笑,有警匪正劇,有偶像愛情小品,也有穿越奇情等等。其中,基於時間所限,能耐心把至少半部劇看完的機會和興趣本就並不太多。其中如“師奶MADAM”、“倩女喜相逢”等更連印象也相當模糊,唯根據搜尋資料,前者的演出陣容居然相當鼎盛,不但包括昔日無線三大當家花旦阿姐汪明荃、趙雅芝、黃淑儀,還有劉松仁、吳卓羲、馬國明、楊怡、岑麗香、黃翠如、黃智雯、胡杏兒、胡定欣等的參演,偏就是直至播完也無聲無息。

其中,“水髮胭脂”以粵劇為素材;“潮拜武當”以武當武術為素材;“八卦神探”表面以風水命理等玄學查案作包裝,本來都是不俗構思,唯結果執行起來,一切都化為“TVB化”的點到即止,頗為糟蹋。

再如“東坡家事”簡直不知所謂;“無雙譜”屬舊劇新拍,唯已完全失去原來神髓;“張保仔”野心非小,以投資大量特技效果作宣傳,又“梟雄”找來巨星外援黃秋生、湯鎮業助陣,結果都只屬雷聲大,雨點小。“實習天使”以學護為素材,唯劇情了無新意,結果連迴響也沒有。
                           
據說,全年贏得最高收視一劇,居然是外購的內地劇“武則天”,這可以說是,又一次為無線的自家製作團隊敲響了警鐘。可笑的是,在是日“城市論壇”中.居然有現場觀眾以此劇為例,指內地劇往往比本地劇集帶來更多“正能量”──“武則天”一劇個人雖從未認真看過一集,唯可想而知,題材必不免涉及宮闈諸多勾心鬥角的鬥爭,試問又何來什麼正能量可言!

  他如”風雲天地”與”無心法師”,簡直更加乏善足陳,一字可記之曰悶綜觀全年,個人比較欣賞者,大概只有“以和為貴”和“刀下留人”兩劇,分別以調解員和古代劊子手職業為題材,至少在本地影視作品中算是首創,在創意上足以讓人加上少許分數。
電視 撈飯 日子 一去 不復 再返
PermaLink: https://articles.zkiz.com/?id=191325

電視撈飯:唐詩詠乖女脫變

1 : GS(14)@2013-05-11 15:24:14

成套劇做得最好是她....

http://hk.apple.nextmedia.com/entertainment/art/20130510/18254857
我做過好多次乖乖女角色,今次喺金牌監製李添勝操刀嘅無綫劇《神探高倫布》終於大突破,一人分飾兩角,扮完黎耀祥初戀情人梅妹,再做埋梅妹個女「司徒男」,仲有大露背鏡頭。講到呢個精神分裂嘅梅妹,其實背景都幾複雜,一個40幾歲嘅女人,做過舞女又做人情婦,仲捲咗入一宗烹夫案,雖然祥仔用盡方法幫佢甩身,但最後都難逃一死。喺臨死前嘅一刻,梅妹慨嘆話原來幸福一直喺自己手中,但佢唔識得珍惜,o依家已經冇資格擁有,跟住安慰祥仔唔好為佢傷心,希望佢搵番佢自己嘅幸福,記住呢個永遠微笑。呢場戲感動到好多人,令人體會愛就係幸福呢個道理。
我真係好愛呢個角色,我同添哥合作過兩次,唔知點解佢可以睇到我一啲嘢,又畀到啲信任我,呢份信任畀到我自己好大信心,變咗我會同自己講,佢都搵得你做,唔係對自己冇信心嘛?所以我冇擔心過。至於外界有批評,乜嘢聲音都要聽,我又冇嚇怕,只係唔開心大家唔明,諗唔到啲反應會咁極端,有批評先有進步。

除咗感情線,都有事業線,只不過以前嘅事業線一向都比較靜態,少咗啲變化嘅機會。呢段時間我都好開心,大家睇我做嘢嗰方面,好似呢個角色係冇唐詩詠嘅影子,拍嗰陣好快投入,感受到梅妹嘅心情,不過如果呢套劇喺幾年前拍,我未必拍到,你又會睇到啲以前睇唔到嘅嘢,我相信觀眾同我哋嘅角度係一樣,要吸收同接納啲嘢,先可以有嘢畀到人睇。有添哥點名力讚,我反而對摸索嘅過程有信心,唔再局限喺表面,等於人係會越嚟越複雜,喺複雜角度去睇簡單嘅事,分分鐘有意想不到嘅效果。
有人問我會唔會繼續試新嘢,我都好想試,呢次對我好似係蛻變,雖然轉變係啱,不過演員好被動,未必成日可以遇到一個可以幫到你向前行嘅劇本,有時可能要兜少少路,所以就算今次拍完,下次叫我返番去拍啲好拿手嘅乖乖女角色,我希望可以喺一啲位度攞個平衡,雖然未必人人接受得晒,但起碼令人覺得我做到啲成績,而唔會覺得我有倒退,所以我好拍開心拍到呢個劇。
電視 撈飯 唐詩 詠乖 乖女 女脫 脫變
PermaLink: https://articles.zkiz.com/?id=282792

電視撈飯:唔認露肉重口味 張國強鼓勵阿叔喼弗

1 : GS(14)@2013-06-08 15:06:48

http://hk.apple.nextmedia.com/entertainment/art/20130607/18287189

                最近張家輝晒肌成為熱話,年過半百嘅張國強(KK)都唔執輸,前晚喺無綫新劇《情越海岸線》亦犧牲色相。劇情講述朱璇飾演嘅Maggie姣黐張國強飾演嘅程Sir,KK剛啱沖完涼,朱璇即衝入廁所,KK全身赤裸令人想入非非。估唔到今次露得最多唔係朱璇,而係56歲嘅KK騷body,隱隱見佢有五嚿半腹肌,由廁所打到出大廳,睇到一班師奶粉絲而嘩鬼叫。
電視 撈飯 唔認 認露 露肉 肉重 口味 張國強 張國 鼓勵 阿叔
PermaLink: https://articles.zkiz.com/?id=282991

電視撈飯:《飛虎II》BB也瘋狂 鍾嘉欣:我躁鬱暴力

1 : GS(14)@2013-06-29 16:58:16

http://hk.apple.nextmedia.com/entertainment/art/20130628/18314673


今次真係嘉欣BB也瘋狂啦!鍾嘉欣BB噚日喺將軍澳電視廣播城為無綫劇《飛虎II》試造型,套劇仲有回巢嘅馬德鐘,同埋一班冧莊做飛虎嘅梁烈唯、羅仲謙同袁偉豪等,佢哋着晒成副武裝上陣,上集女主角宣萱因為同無綫關係麻麻而推咗唔拍,結果由嘉欣BB做女主角。
做CIB嘅嘉欣BB好開心今次有新轉變,佢話:「我相信呢套係入行以嚟精神上辛苦嘅一套,我喺戲裏面會有啲躁鬱,成日好多嘢講,仲好暴力兼好重使命感,我自己都覺得好大壓力。」佢好搞笑話睇怕拍完套劇之後,大家唔會再叫佢做嘉欣BB。

馬德鐘慶牛一

                                    套劇係馬德鐘轉咗部頭合約嘅第一個工作,佢嘅地位真係今非昔比,唔單止壓軸出場,無綫仲安排咗個蛋糕慶祝佢正日生日,馬德鐘笑笑口話:「多謝,多謝!所以真係返得好開心,我哋簽咗兩年部頭,唔知下一套會唔會係《飛虎III》呢?最緊要係觀眾鍾意!」
梁烈唯同苟芸慧今次由情侶變做夫婦,唯唯笑話:「之前話佢電我,而家話我哋結咗婚,發生埋關係㖭!」聽講到而家都唔知有冇床戲,唯唯聽到大家話要睇咀戲同床戲,佢話會主動要求:「係咪要我露啲胸肌,跟住苟姑娘挨喺胸肌上面睇電視,我諗都幾好睇。我嗰點好靚,苟姑娘嘅閃亮眼睛同我嗰一點有互相呼應嘅效果。」
版主:陳基征
電視 撈飯 飛虎 II BB 瘋狂 鍾嘉 嘉欣 我躁 躁鬱 暴力
PermaLink: https://articles.zkiz.com/?id=283175

電視撈飯:馬明唔認臭汗焗親人

1 : GS(14)@2013-07-11 01:25:43

http://hk.apple.nextmedia.com/entertainment/art/20130710/18328597


噚日有報導話馬國明拍劇集《寒山潛龍》因為太大汗令戲服太臭,搞到服裝間嘅同事叫救命,馬明喺電話解釋:「著住古裝拍足一日外景,收工真係好臭,不過公司會預備多套戲服,拍完外景之後,佢哋會即刻攞去洗乾淨,我就會沖乾淨涼,換另一套衫入廠繼續開工。」馬明話佢媽媽特製咗件毛巾衫畀佢打底吸汗,所以相信啲味唔關佢事!
電視 撈飯 馬明 明唔 唔認 認臭 臭汗 汗焗 親人
PermaLink: https://articles.zkiz.com/?id=283288

電視撈飯:撐《舞室保衛戰》發正能量 鄭敬基盧大偉出山拍劇

1 : GS(14)@2013-07-15 22:00:36

http://hk.apple.nextmedia.com/entertainment/art/20130715/18334465

                  由曾志偉碌晒人情卡做監製嘅無綫新劇《Aerobic Girls舞室保衛戰》今日開鏡拜神,前排已經介紹晒劇中七個女主角李若彤、李麗珍、陳慧珊、江欣燕、葉蘊儀、袁潔瑩同張慧儀,而男主角就有吳啟華同鄭丹瑞(阿旦)。

阿旦做李若彤老公

                                    有咁多個女主角,男主角咁少點夠分。劇集另一監製陳維冠透露鄭敬基同盧大偉都有份演出,而甚少拍劇嘅崔建邦都會客串。回流返香港拍第一套劇嘅鄭敬基,喺劇中飾演一個藝術家,會同李麗珍有感情戲。而做司儀叻嘅崔建邦就會扮年輕版嘅鄭敬基,仲會以80年代look出現。至於阿旦就演李若彤個老公,吳啟華喺劇中就俾幾個女主角鍾意,不過就係煩到佢怕咗女人,結果一個都冇揀到。
計起嚟,除咗班女主角好多個都係退隱咗俾志偉搵番出嚟之外,連班男演員都係,不過勝在有啲知名度,之前《金枝慾孽貳》就俾人話二線角色唔夠份量,相信呢個劇冇呢個問題出現。陳維冠仲話,班男演員都知個劇係以女人戲為主,知自己戲份唔太多,不過,因為套劇講幾位女主角無論喺乜嘢階段都可以重新出發,題材好正面,所以都答應演出。
版主:陳基征
2 : VA(33206)@2013-07-15 22:33:14

其實爆棚哥咁燒$可唔可以帶番起TVB?
3 : GS(14)@2013-07-15 23:10:31

2樓提及
其實爆棚哥咁燒$可唔可以帶番起TVB?


唔得,曾生d野過左氣
電視 撈飯 舞室 保衛戰 保衛 發正 能量 鄭敬 敬基 基盧 大偉 出山 拍劇
PermaLink: https://articles.zkiz.com/?id=283325

電視撈飯:《衝II》蝦碌片谷收視 Jim Jim反串 胸誘Sam哥

1 : GS(14)@2013-08-05 22:53:23

http://hk.apple.nextmedia.com/entertainment/art/20130805/18363805

Cool魔猜枚爆笑

                                      NG片裏面,最搶鏡係嚴肅嘅「Sam哥」吳鎮宇同「Jim Jim」羅仲謙竟然扮鬼扮馬,化咗老伯伯妝嘅鎮宇,同反串老婆婆嘅謙仔作狀玩嘴對嘴,裝胸嘅謙仔化晒濃妝,妖艷又惹笑,難怪佢哋未咀得成已經笑到彈開咗。另一場馬國明同江美儀嘅床上咀戲,NG再拍時,馬明奸笑話要從頭嚟過,江美儀忍唔住拍佢個頭,相當精采。
一直受網民關注嘅「巴斯光年」鄧梓峰,同吳鎮宇一場面試戲,鎮宇講完一堆對白等鄧梓峰接,點知鎮宇講完鄧梓峰完全冇反應,鎮宇俾佢激到笑咗出嚟!片尾部份就有「Cool魔」張智霖同胡杏兒兩兄妹和好如初片段,佢哋仲玩埋猜枚,初初幾有默契,不過玩兩玩就猜到亂晒,兩隻嘢淨係掛住笑,勁多NG!另外,張智霖同法拉喺英國嘅激情戲喺香港版刪咗,啱啱喺新加坡嘅鎮宇就喺微博留言話:「可在這裏看到,哈!我有福了!」佢仲諗住同囝囝一齊睇㖭!
2 : GS(14)@2013-08-05 22:54:38

NG
電視 撈飯 II 蝦碌 碌片 片谷 收視 Jim 反串 胸誘 Sam
PermaLink: https://articles.zkiz.com/?id=283598

電視撈飯: 翠如BB招風雨 踎街等開工

1 : GS(14)@2013-08-06 23:31:25

http://hk.apple.nextmedia.com/entertainment/art/20130806/18365194


喺有線過咗嚟無綫嘅黃翠如,呢期熱到爆,雖然《師父˙明白了》收視唔算太理想,但得到巨星發哥周潤發點名話翠如BB幾好,即刻人氣再升啦!
呢排翠如BB忙緊為新劇《愛我請留言》開工,上星期五(2日)下晝四點幾,翠如BB同好拍檔黃浩然,仲有個約六歲嘅小妹妹一齊喺灣仔星街拍外景,場戲好簡單,只係講浩然抱住小妹妹喺街度行,搭緊的士嘅翠如BB經過見到。
不過由於當日天氣唔穩定,間中會落雨,所以佢哋趁冇雨時好快拍咗一次,拍完翠如BB、浩然等一齊睇帶,咁啱又開始落雨,原本佢哋想停雨再拍,點知越落越勁,最後被迫收工,翠如BB就坐公司車走,浩然則自己揸車走,浩然見記者都友善揮手。
電視 撈飯 翠如 BB 招風 街等 開工
PermaLink: https://articles.zkiz.com/?id=283621

電視撈飯:鄭俊弘為《天與地》作曲

1 : GS(14)@2013-08-06 23:31:48

http://hk.apple.nextmedia.com/entertainment/art/20130806/18365198



                喺《星夢傳奇》一唱成名嘅鄭俊弘,噚日有讀者報料話佢喺無綫劇集《天與地》飾演酒吧樂隊主音,佢唔只喺所有酒吧場口都即場唱live,原來其中一集陳豪所唱嘅歌都係鄭俊弘作曲。鄭俊弘噚日喺電話回應:「呢首歌係專登寫畀《天與地》,不過我自己夾band嗰陣冇唱過!」其實佢不嬲都有夾band兼作曲,希望快啲有唱片公司賞識佢啦!
電視 撈飯 鄭俊 俊弘 弘為 天與地 作曲
PermaLink: https://articles.zkiz.com/?id=283622

電視撈飯:《衝上II》暑假收視高企

1 : GS(14)@2013-08-06 23:32:08

http://hk.apple.nextmedia.com/entertainment/art/20130806/18365202


                雖然撞啱暑假,部份觀眾或者離開香港,但無綫重頭劇《衝上雲霄II》收視依然高企,上周平均收視企穩30點(約193萬觀眾),最高32點(約205萬觀眾),但《師父˙明白了》只有23點(約148萬觀眾),周日嘅《超級無敵獎門人終極篇》有25點(約161萬觀眾)同《星夢傳奇》有22點(約141萬觀眾),齊齊受暑假影響輕微下跌1點。
電視 撈飯 衝上 II 暑假 視高
PermaLink: https://articles.zkiz.com/?id=283623

電視撈飯:無綫節目巡禮出爐 嘉欣BB孭重飛視后大熱

1 : GS(14)@2013-10-01 17:19:37

http://hk.apple.nextmedia.com/entertainment/art/20131001/18444805

                無綫一年一度出動全台小生花旦吸廣告嘅節目巡禮,將會喺下個月7號舉行。今年巡禮推介嘅十幾部重頭劇中,鍾嘉欣起碼有兩部,除咗前日佢同馬德鐘啱啱煞科嘅《飛虎II》之外,仲有一部由嘉欣BB孭晒重飛、以佢做核心嘅民初劇《大藥坊》。

《大藥坊》由徐正康監製,嘉欣BB同陳展鵬、唐詩詠、黃浩然會有四角戀,劇情講嘉欣BB本來係民初一間大藥廠嘅千金小姐,點知間廠有問題令佢家道中落,加上發生好多疫症,嘉欣BB幫手拆解。以前女性嘅社會地位好低,嘉欣都好堅強面對,有多少韓劇《大長今》feel!無綫為力捧嘉欣BB,呢部完全搵佢擔正,好明顯係畀多個機會佢做視后啦!另外,嘉欣BB前日拍《飛虎II》時,因為馬德鐘失手而將佢摔落地受傷,不過佢前晚睇完醫生後,噚日即刻包住紗布去福州做嘢,好搏囉!

祥仔戀蓋鳴暉

                巡禮介紹嘅重頭劇,黎耀祥都有超過兩部,包括《大太監》原班人馬開拍嘅《太監五虎》,以及佢同蓋鳴暉嘅《水髮胭脂》,劇中祥仔同蓋鳴暉談情說愛,聽落幾重口味囉!另外,李添勝亦會有一部清裝喜劇,馬國明會剃頭同楊怡孭飛。其他重頭劇包括吳啟華主演嘅時裝劇、《老表,你好嘢!》續集、胡杏兒同吳卓羲嘅《醋娘子》、《M Club》、《忠奸人》、《My盛Lady》、《貓屎媽媽》同《守業者》等。

                                                                                                                                 至於梁家輝幫無綫拍劇個期會押後,而之前傳話黃秋生、洪金寶拍劇,以及重拍《流氓皇帝》、《無雙譜》同《獅子山下》都未有聲氣。苗僑偉(三哥)噚日喺中環出席活動,佢本來出年1月同梁家輝拍無綫一部警察內部鬥爭嘅新劇,但三哥話家輝個期有問題,所以拍唔到。失望?佢話:「可惜,冇計啦!」
版主:陳基征
電視 撈飯 節目 巡禮 出爐 嘉欣 BB 重飛 飛視 視後 後大 大熱
PermaLink: https://articles.zkiz.com/?id=283794

電視撈飯: 展鵬祥仔連環撞車 孖住上香

1 : GS(14)@2013-10-14 16:40:23

http://hk.apple.nextmedia.com/entertainment/art/20131014/18462453

                陳展鵬、鍾嘉欣同阮兆祥主演嘅電視劇《巨輪》而家晚晚播,套劇播出以嚟似乎唔係好順利,成日俾觀眾彈穿崩,出現時空穿梭。唔只咁,近日劇中主要演員仲接連出事,繼上月底嘉欣BB拍另一部劇受傷之後,展鵬同祥仔接連兩日都遇到交通意外,所以噚日去澳門媽閣廟宣傳,入廟拜神上香時佢哋三個都特別神心。

護送嘉欣BB

                噚日《巨》劇一班演員展鵬、祥仔、嘉欣BB同貝安琪等人坐船過澳門宣傳,展鵬揸住佢架百萬名車,載住嘉欣BB去緊上環信德碼頭,準備會合大隊時,同一架的士發生碰撞,最後展鵬要坐直升機過澳門至趕得切。稍後喺媽閣廟宣傳時,吸引咗唔少澳門fans到場舉牌支持,一班演員仲呼籲在場fans上網投票,參加「我至like角色」活動,之後一班演員入咗廟拜神上香。

                                                                                               
            ■展鵬架過百萬積架跑車同的士喺干諾道中發生意外。讀者提供照片            ■展鵬載住嘉欣去碼頭其間撞車,之後報警處理。
攝影:胡恩宏
          
                                                                                                                       嘉欣講到單意外話好在冇人受傷,仲讚展鵬好照顧自己,佢話:「意外發生之後展鵬叫我上船先,佢留低處理。」至於當事人展鵬就話自己架車只係花咗少少,佢話:「架車買咗全保,同的士司機有共識,返到香港會同佢聯絡。」另外,前晚同人撞車嘅祥仔話撞車剎那感覺好奇怪,佢話:「打完白鴿轉架車滑行,我心諗千祈唔好劃花塊面。」事後佢仲幫對方司機搵拖車,亦不忘宣傳送埋自己演唱會飛畀人。
電視 撈飯 展鵬 鵬祥 祥仔 連環 撞車 孖住 上香
PermaLink: https://articles.zkiz.com/?id=283926

電視撈飯:無綫劇闖懲教所禁區 王浩信阿滕拍到喊

1 : GS(14)@2013-10-29 01:20:15

http://hk.apple.nextmedia.com/entertainment/art/20131028/18482112


                向來以紀律部隊做題材嘅劇集收視都唔錯,加上呢輪電視風雲風頭火勢,無綫開劇都要搞突破,拍咗兩輯《飛虎》嘅監製林志華,明年1月會開20集新劇《再戰明天》,以懲教署人員每日面對甲級重犯嘅故事做題材,劇情會有香港重犯嘅真實個案,演員有吳啟華、徐子珊、黃德斌同高鈞賢等,王浩信、單立文同滕麗名演囚犯,至於黃心穎BB同趙希洛就做懲教署學員。

心穎BB做啟華個妹

                個劇籌備經年,日前去咗赤柱同最新嘅羅湖女子懲教所實景拍攝節目巡禮,其中阿滕嘅故事,講佢喺女子懲教所湊大個仔,期間遇到啲問題。見阿滕抱住個小演員狂喊,子珊係咁相勸,真係好鬼入戲!而劇中本來係懲教人員嘅王浩信,因為犯咗法,最終自己都要坐監。監製林志華噚日喺電話度話:「我哋去咗監獄嘅實景禁區拍,懲教署安排囚犯唔喺監倉,劇組至入倉拍,唔會影響佢哋嘅運作,好少機會喺實景拍監獄暴動場面,我哋今次都拍到!」

                                                                                                                                                 王浩信喺監倉拍嗰時喊唔停,佢噚日喺電話度解釋:「因為喺監倉實景拍,裏面有囚犯嘅物品,入到去諗住如果出唔到嚟、見唔到啲親人就忍唔住喊唔停,扮囚犯嘅演員又話你入嚟就啱,有排玩呀,氣氛好似真監獄咁!」個劇睇落都幾新鮮,加埋有心穎BB飾演啟華個妹,應該吸引唔少宅男捧場。
版主:陳基征
電視 撈飯 劇闖 懲教 禁區 王浩 信阿 阿滕 滕拍 拍到 到喊
PermaLink: https://articles.zkiz.com/?id=284038

【糧尾救星】頹廢撈飯邊款最正?港日韓人食呢啲

1 : GS(14)@2016-06-21 07:39:29

幾窮都好,一定要有米氣到肚!但係用乜送飯好呢?



又差唔多糧尾,仲食杯麵?點窮都要有啖飯到肚啩?飯呢樣嘢,平有平食貴有貴食,魚翅撈飯太唔環保喇,參考一下本地同日韓的撈飯法,就窮得嚟都可以食得有霸氣啦!

本土派:腐乳撈飯


腐乳撈飯,仲有辣有唔辣,唔太窮可以原粒撈,怕滯就半粒好了,再識食話啲就最好將腐乳由雪櫃攞出來後放至室溫,如果唔係會比較難撈;台灣的客家人仲鍾意將水果腐乳用來塗麵包,同鬼佬用芝士配多士差唔多啫!



韓國派:沙律醬撈飯


新派韓國人愛沙律醬,冇錢開飯惟有打開雪櫃,在飯面即啲沙律醬,再加牛油和砂糖,撈呀撈,韓仔就話味道似拌了cream的飯喇!不過傳統韓人食飯都係鍾意食鹹的,飯加牛油加豉油,撈勻,加多塊泡菜,正呀!



日本派:醃蛋黃撈飯


我哋都鍾意荷包蛋加豉油撈飯,日本人窮得來對食還是很有耐性的,將蛋黃隔起,用豉油和味醂醃蛋黃,一醃就醃幾個,6小時之後放在飯面撈飯吃,sashimi醃蛋黃第一天還會流心的,醃兩日之後蛋黃就會變實,應該又是另一番風味。窮還窮,以上幾款撈飯全部高糖高鹽,營養師黃榮俊指處理生雞蛋時亦要小心,醃蛋黃過程一定要用密封容器存放並置於雪櫃,「醃蛋黃時蛋黃最好被豉油和味醂完全覆蓋,味醂含酒精,如濃度夠都有一定的殺菌功能。」另外打蛋前一定要把雞蛋洗淨,因為雞蛋殼容易沾上雞的糞便,未清洗乾淨容易有沙門氏菌。窮人撈飯間中食下都幾「清新」,不過為健康着想都係勸大家盡量唔好令自己糧尾太多日喇!記者:容慧心



本土派的腐乳撈飯,懷舊味好重啊。 互聯網

台灣的客家人仲鍾意將水果腐乳用來塗麵包;同鬼佬用芝士配多士差唔多啫! 互聯網

韓仔食飯加沙律醬,仲要再加牛油同砂糖,甜飯嚟講呢…… 互聯網



豉油牛油撈飯加泡菜,都係傳統韓仔……食法啱口味啲。 互聯網

日本人將蛋黃用豉油味醂醃鹹,窮住都食得咁講究,真係佩服! 互聯網

營養師黃榮俊



來源: http://hk.apple.nextmedia.com/su ... t/20160621/19662477
糧尾 救星 頹廢 撈飯 邊款 最正 日韓 人食 食呢 呢啲
PermaLink: https://articles.zkiz.com/?id=302413

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019