ZKIZ Archives


劉業強讚胡官言論持平

1 : GS(14)@2016-12-21 23:33:37

【本報訊】新界鄉議局在特首選舉委員會中手握26票,主席劉業強昨呼籲鄉議局選委「以中央指示」作綑綁式提名、投票,不要搞分裂或小圈子,又指參選人之一的退休法官胡國興持平,其政綱亦可以接受。


籲按「中央指示」綑綁投票


劉業強昨主持鄉議局執委會例會時稱,26名鄉議局界別選委在剛結束的選委會選舉中順利產生,表示「贏嘅固然開心,敗嘅亦都唔應該氣餒」,呼籲各人今後大局為重、精誠團結、上下一心為新界人福祉服務,日後的特首選舉亦要按「中央指示」以綑綁方式進行,不要搞分裂和小圈子。劉業強會後解釋,有興趣角逐特首人似乎「未出晒嚟」,現距離特首選舉尚有時間,毋須倉促決定提名誰人;至於考慮支持人選時,主要視乎對整體香港及新界的好處,不諱言「同埋當然聽聽、睇吓有冇任何嘅中央建議啦」。被問到會否不支持政務司司長林鄭月娥,劉指鄉議局未有討論,但指胡國興及新民黨葉劉淑儀的政綱均可接受,更讚揚胡國興「講啲嘢都好持平,(政綱)都有長遠眼光」。早前選委會選舉中,鄉議局界別35人爭26席,較上屆僅30人參選更為激烈,劉業強解釋,呼籲新界人團結並非因選委會選舉導致分裂,笑言鄉議局人多,每人有不同意見不出奇,強調「任何時間我覺得都係要呼籲吓啲人團結嘅」。■記者呂浩然




來源: http://hk.apple.nextmedia.com/news/art/20161221/19872347
PermaLink: https://articles.zkiz.com/?id=319587

Next Page

ZKIZ Archives @ 2019