股榮那些年,彤叔搵我笨的日子呢篇有心機,但是...
1 :
GS(14)@2011-11-20 12:13:58我當然知道新世界無拆股無咁寫啦,但新鴻基同長實是有拆股的
http://hk.apple.nextmedia.com/te ... 60&coln_id=15417661
近期財經大事,除了歐債危機外,就數本地億萬富豪鄭裕彤旗下周大福珠寶即將上市。身邊朋友已經急不及待,聲言要入飛捧場,循例問吓筆者意見。坊間傳言,有女星曾向彤叔問冧巴,彤叔笑言,「不要買我嗰啲」。是否屬實不得而知,但翻查彤叔系內上市公司表現,的確係「唔買好過買」,以下是彤叔搵笨日記。
絕無懷疑,彤叔身家可能多過超人,兩者眼光之準、膽識之大,皆創造成功傳奇,建立富豪王國。眾所周知,彤叔最值錢資產,不是新世界發展( 017),而是透過旗下家族公司控制的周大福控股,旗下資產包括周大福珠寶等,一直未有上市,但年年賺大錢。與其說彤叔肯割愛,倒不如講趁估值高套現骨水,再投資其他地方更實際。
70年代初股市起飛,魚翅撈飯比比皆是, 72年恒生指數爆升 147%,三大華資地產商:長實( 001)、新地( 016)及新世界齊齊以高溢價上市,反應爆燈。說上市時機準,是因為 73年爆發股災, 73年及 74年恒指分別瀉 48%及 60%,彤叔幸運地避過股災後地產危機。
長揸新系股票 欲哭無淚
72年新世界招股價 2元,上市首日股價飆升接近五成,但接近 40年後的今日,不計除權除息等因素,股價僅升 2.5倍,同期長實及新地,分別升 29倍及 18倍。 72年 2蚊雞有幾多,前日有一個美孚新邨 1750呎全海景樓王單位,以 1228萬元成交,單位業主 72年以不足 14萬元買入,單位 39年升值近 90倍。一開波捧彤叔場,長揸到尾,現時欲哭無淚。
新世界跑輸幾條街並非單一個案,無論是系內分拆出來的股份,抑或包裝後上市都令人沮喪。新世界基建(後改稱新世界信息,編號 301) 95年以 12.75元上市, 06年以 0.75元私有化,由頭揸到尾埋單輸 94%。 99年上市的新世界中國( 917),賬面亦要蝕超過八成。其餘由周大福名義買入曝光的股份,亦有頭威冇尾勢,蒙古能源( 276)已經令萬千散戶變「蒙能」。
一直以來,新世界資產豐厚、但股價折讓大、走勢長期落後,每次覺得抵買,都忍唔住再信多次彤叔,但買一次,失望一次,仲要短短 8年內抽水配股供股共 6次。周大福珠寶以超過 30倍 PE上市,估值貴唔貴對我已經無關痛癢,關鍵是我不會再落叠。曾經作為彤叔的捧場客,筆者借用電影《那些年》的歌詞,「好想告訴你,告訴你我沒有忘記」。彤叔,我係唔會再受坤的!
2 :
GS(14)@2011-11-20 12:27:47新世界跑輸幾條街並非單一個案,無論是系內分拆出來的股份,抑或包裝後上市都令人沮喪。新世界基建(後改稱新世界信息,編號 301) 95年以 12.75元上市, 06年以 0.75元私有化,由頭揸到尾埋單輸 94%。
此句有誤,當年新世界數碼前身新世界基建把資產注入659,並分派股份,比例是1派5.87,其後10合1,之後2送1,即是1派0.8805股,如果他持有到現時還未賣,計及當中派息因素,大約是除權後的4.083元(2送1前6.125元),可取得13.756345元,計埋原本的私有化價格0.75元,即大約14.506345元,所以都叫回本,但是都是遠遠跑輸大市。
http://www.hkexnews.hk/listedco/ ... TN20021022007_C.pdf
http://www.hkexnews.hk/listedco/ ... TN20030205044_C.pdf
http://www.hkexnews.hk/listedco/ ... TN20101005726_C.pdf
3 :
GS(14)@2011-11-20 12:38:45新鴻基地產股本變化略為: 1973年5送1,1974年10送1,1978年1拆2,1979年10送3,1980年4送1,1985年10送1,1986年1拆2,1987年10送1,1991年10送1,1993年5送1(?)又10送1,即是1股大約變成15.07股,即是計及權數變化後約變成1,450.15元(?),上升289.03倍。
4 :
GS(14)@2011-11-20 12:50:40長實的股本變化略為: 1973年5送1,1979年5送1,1980年1送1,1981年10送3,1987年4送1,又1拆4,合計即1股變成18.72股,以現時價計即為1,648.2986元,未計派息因素,即升值548.432倍
5 :
GS(14)@2011-11-20 15:23:24http://www.inv168.com/phpBB3/vie ... 6e25e674f3#p1626495
文章由 smallman » 週日 11月 20日, 2011年 2:27 pm
彤叔對股民說: 大笨蛋,『買我的股票本來就是徒勞無功的啊!』
股民: 大笨蛋才會堅持揸這麼久 :inv168_01:
今日蘋果”blog blog 趣”篇報導講出了我的心聲 : “彤叔搵人笨"! 不過,我嫌篇報導唔夠詳細,只講出跑輸的事實,但當中好多衰野都避而不談.
身邊有番咁上下股齡的朋友,對於鄉下佬系一眾股票的評價極差 : 賊股,老千股…是我聽得最多的評價,自己亦頗為認同.
記憶所及, 97年前後,新世界系高負債,亂投資/機導致巨蝕 (e.g. H股熱時17/301以數十億買入上市H股,其後多要蝕賣, 17數十億搞蝕錢固網及其後的新世界流動電話,301新基偏離傳統基建,心雄科網熱賺錢易,用近百億搞所謂電子基建而全泡湯,301傳統基建被迫折骨注入659太平洋港口,即之後的新創建), 狂抽水(99年917 新中超搵笨價上市圈錢, 17/917隨後間歇性不斷供股), 形象實在太負面. 每次鄉下佬系公司向股民伸手,唔係天價骨水,就係因為揸fit人用小股東d錢去豪賭,賭輸了,又問小股東攞錢填氹.
近幾年,17再次專注地產. 拜中港地產泡沫所賜,盈利及公司財務狀況的確大為改善, 所以自己間中都會留意下,價殘時撈下. 殊不知, 鄉下佬系賊性難改,上個月17/917在沒有資金壓力下,又向股民伸手.
既然鄉下佬系公司賊性難改, 自己以後都唔會再望多一眼!
6 :
Louis(1212)@2011-11-20 17:46:14但是我覺得根據其目前的價格,17($7.04)資產折扣比較超過1($88.05) / 12($38.95) / 16($96.2), 是更值得搏。
7 :
鱷不群(1248)@2011-11-20 21:10:45亂投資/機沒有大不了,最怕背後有否不見得人的事
8 :
micho(10404)@2011-11-20 23:39:44

其實邊度有SOURCE可以容易d找里類老牌上市公司的送股;拆股和派息的紀錄呢?
9 :
siuman1986(6109)@2011-11-21 00:02:29我今日都有睇,雖然篇野有唔少錯處,不過核心概念好正確
周大福珠寶以超過 30倍 PE上市,估值貴唔貴對我已經無關痛癢,關鍵是我不會再落叠。
彤叔,我係唔會再受坤的!
十大惡人之首可以當之無愧...
10 :
龍生(798)@2011-11-21 17:17:58同叔專殺價值投資的人...
長查發達...都要睇你買中邊隻....
11 :
GS(14)@2011-11-21 22:19:488樓提及

其實邊度有SOURCE可以容易d找里類老牌上市公司的送股;拆股和派息的紀錄呢?
Webb-site做到87年
12 :
Louis(1212)@2011-11-22 12:16:02新世界未來兩年可倍升
2011年11月22日
http://www.mpfinance.com/htm/Fin ... st/en30_en30_er.htm
【明報專訊】近來我最後悔的一隻股票,莫過於中國農產品市場(0149),因為一直十分看好,但卻沒有買,然後眼巴巴的看它猛上,這個心情重慘過輸錢。
有一些股票,是我一直覺得很奇怪的,其中之一就是I.T(0999)。我一直不明白為何它的市值會這樣高,因為我看來看去,也看不出它的衣服有任何的好處。
垃圾股也有飛升時
看了一篇文章,大肆批評彤叔旗下的股票,說長一定沒有好處。我對於周大福當然不存厚望,但是認為新世界發展(0017)和新世界中國(0917)在供股後的一至兩年,會有1倍以上的升幅,當然是以現價來作計算,以前輸了的就算是過去了。正如我一直所說的,任何垃圾股也會有大升的時候,只看你來不來得及在它狂跌之前先沽出。
......
......
周顯
13 :
GS(14)@2011-11-22 21:11:15今次信周老師
14 :
Louis(1212)@2011-11-22 21:59:58未來核查。
我認為周顯可以是正確的,即使新世界發展有限公司可能需要更長的時間(3〜5年)到達$13.3〜$15。大概新世界20元不是夢。
15 :
龍生(798)@2011-11-23 01:46:58供乾了, 向上炒少少的可能性不能抹殺
而且周大褔上市, 多少也有點沖喜作用
市況好, 這隻在藍籌中最值摶
16 :
GS(14)@2011-11-23 21:50:53真是平,但是平不是買的原因,真悲
17 :
龍生(798)@2011-11-24 16:51:54是呀...現在平...將來可以更平....
更平後又批又供又偷錢, 你點會夠佢玩?
18 :
GS(14)@2011-11-24 21:25:0617樓提及
是呀...現在平...將來可以更平....
更平後又批又供又偷錢, 你點會夠佢玩?
只是賭心理
19 :
Louis(1212)@2011-11-25 14:34:37新世界發展 2004/02/13 特別報告 供股: 5股供2股@港元 5.4000
新世界發展 >$30 in 2007
新世界發展 2011/10/18 特別報告 供股:2股供1股@港元 5.6800
新世界發展 >$20 in 201X?
非常罕見藍籌股 "股價/每股淨資產值(倍)<0.35"。
《一屋》三寶悲慘童年阿媽出走30年張穎康流淚:點解佢唔搵我?
1 :
GS(14)@2016-08-03 02:45:172016-07-28 NM
大台劇《一屋老友記》中憑四寶溫馨搞笑戲爭到收視。飾演金融才俊、長腳蟹呂慧儀老公的張穎康,背後暗藏了一段尋母三十年的孤苦身世。
34歲的張穎康,自小遭父母離棄,在成長過程留下傷痕;母子相認,更是他既渴望又害怕的情景。
尋母多年的傷口無法癒合,問他是否希望母子相認,被離棄又奢望團聚的張穎康雙眼通紅,強忍眼淚說:我好想見佢,點解佢唔搵番我。父另娶母出走
飾演老婆奴的「三寶」張穎康,現實中是大台中人所共知的愛妻號。上週六(七月二十三日)下午,不用開工,張穎康與妻女外出家庭樂,同兩歲囡囡肉緊嘴嘴,錫到出面。
十分重視家庭的「三寶」,四歲時母親出走,從此音訊全無。缺乏母愛,張穎康亦得不到父愛彌補;有指張父在他十歲那年於內地另娶,對作為長子的張穎康甚少過問,父子關係疏離。
張穎康由祖母帶大,被雙親遺棄,他變得沉默寡言。直至太太麥雅緻出現,逐漸感受到溫暖家庭的他,近年才變開朗。
觸景傷情爆喊
母親狠心遺棄,是張穎康心裡致命的一根刺,一碰到就會痛。據了解,一三年拍《師父明白了》時,有場與羅蘭母子相認戲份,戲假情真,被觸動傷口的他當場失控痛哭,令在場工作人員不知所措。「拍第一take佢已經係咁喊,導演都嚟唔切反應;大家以為佢太入戲,之後先知佢因為同自己媽咪冇聯絡幾十年,一時觸景傷情。」一名幕後人員說。
等阿媽拒改藝名
母親出走後冇晒影,但他內心仍存在渴望,有朝能母子相認的張穎康曾拒絕公司要求改藝名,為的是讓對方知道他的所在。「阿康表面好似唔在乎,但內心其實好渴望再見到自己媽咪。冇見咁多年,但佢一直keep住張同媽咪嘅合照;有段時間佢仲喺facebook尋親,又試過有親戚提起喺邊見到,佢就專登走去同一個地方等。「啱啱簽約嗰陣,公司叫佢改藝名,但阿康唔肯,佢要留住自己個真名,等媽咪知道佢喺電視台做嘢,可以搵佢。」知情者說。本週一(七月二十五日),問張穎康有關尋母多年,他呆了好一陣子。「係……都三十年冇見,又冇話刻意去搵(有冇問其他親人搵佢聯絡方法?)冇,因為大家都失咗聯絡。我keep住用自己真名,因為只要佢在世的話,就會睇到我。」張穎康說。因為一絲希望,張穎康不敢貿貿然搬離與嫲嫲同住的舊居,直至二十歲屋企已經唔夠住,心灰意冷的他才決定離開。「阿媽走嘅時候我得四歲,當時係同緊阿嫲住,相信佢會記得阿嫲地址;不過上年阿嫲都過咗身,不過佢想搵我嘅話,可以去電視台。」
老婆安慰補番數
留下的是不快童年,因為失去母親,每逢生日,只會勾起他對母親的想念。「小學時,因為同學會笑我冇阿媽,我同佢哋打交。最掛住佢嘅日子就係我生日,依家自己有頭家,冇再唔開心,老婆會安慰我,彌補咗我呢樣嘢。」對於母親不顧而去,張穎康這樣開脫:「我出世佢先得十八歲,太後生。(有冇嬲佢當日遺棄你?)有嬲佢點解唔搵我?但同一時間我都好嬲自己,其實當日佢有拉我走,但我唔肯跟佢,所以好矛盾。」假如有日,兩母子再見的話……「唔敢想像呢個畫面!」一直表現克制的他,突然激動得雙眼渾滿淚水。「你問我想唔想見佢?我梗係想……係囉!」三十年不相認,是無法原諒自己當日的抉擇?還是……不願面對!恐怕張穎康也沒有答案。
絕種好男人
被父母離棄的遺憾,某程度成就了今日的張穎康。12年他跟前《東張西望》主持麥雅緻結婚,14年女兒小豆(張雅喬)出世,是大台出名的愛家男人。拍劇十年,一直零緋聞,全因願意拒絕誘惑,遠離發姣女藝人。有傳張穎康拍《東坡家事》時,曾遇對手狂放電做晒主動;但稀世罕物張穎康卻報定案,再叫老婆去探班,令放電的女藝人知難而退。呢啲男人,應該早已絕種。
一屋好伴
同陳偉霆拍可樂廣告
05年簽劉德華成為旗下的張穎康,被稱劉華契仔;當年處男作派台歌《我很好》,他說對母親的心聲。06年,經劉華推薦入TVB,由二打六捱到今日成為男二。除拍劇之外,他亦演出過十多部電影,更曾同陳偉霆及張致恆(Steven)的胞姊Jan合作拍過可口可樂廣告。
撰文、攝影、攝錄:娛樂組
《七月與安生》12項提名大包圍曾國祥爭最佳導演「老竇搵我做明燈」
1 :
GS(14)@2017-04-08 19:39:53■曾國祥認為現時香港有很多用心的導演,齊齊為本土電影出力。攝影:沈健程
【第36屆香港電影金像獎之後日舉行】曾國祥執導電影《七月與安生》於後日舉行的香港金像獎獲12項提名(詳見附表),曾國祥更會角逐新晉導演及最佳導演。有指近年本土電影抬頭,金像獎亦受到影響,曾國祥說:「唔止今年,前幾年都係,一路喺金像獎都有呢股意識,係好事嚟嘅,作為香港觀眾、電影工作者,梗係撐番本土係好應該。?家本土片得番香港人睇,以前日本、台灣都有人睇,?家連中國大陸好多人唔睇,香港觀眾應該支持番。」
合拍片有助創作
拍片遊走本土與合拍之間,曾國祥自言沒有take side,他說:「有啲片喺適合內地拍,中國咁大,唔同地方有唔同環境,創作人可以多好多構思,有呢啲選擇對創作人係好。」不過他自言作為香港電影人,一定會在香港拍戲。
■馬思純(左)與周冬雨雙雙憑《七月與安生》入圍影后。劇照
■曾國祥笑言與爸爸曾志偉(中)的戲路不同。資料圖片
好多導演用心拍
說到執導手法,曾國祥自言師承陳可辛多過父親曾志偉,又指21歲入行只是死?仔一名,有熱誠但冇知識。曾國祥笑謂:「我同老竇(曾志偉)鍾意嘅嘢唔同,佢鍾意搵我做明燈,有新戲會叫我去睇,我鍾意佢就好擔心,話套戲會死,唔鍾意時佢就好安樂。」他又說:「港片曾經百花齊放,90年代好多粗製濫造作品,到?家又有好多用心拍嘅導演同新導演,所以香港可以講係好幸福。」採訪:何永寧髮型:Ryan Ma of Amour Hair spa& salon化妝:Yannes Lee of NDNCO服裝:Comme Des Garcons
最佳導演勢均力敵
曾國祥:《七月與安生》杜琪峯:《三人行》周星馳:《美人魚》黃進:《一念無明》歐文傑、黃偉傑、許學文:《樹大招風》
杜琪峯
周星馳
(左起)歐文傑、黃偉傑、許學文
《七月與安生》12項提名
最佳電影最佳導演:曾國祥新晉導演:曾國祥最佳女主角:周冬雨及馬思純最佳編劇:林詠琛、李媛、許伊萌、吳楠最佳攝影:包軒鳴、余靜萍最佳剪接:許宏宇、李點石、周肖林、檀向媛最佳美術指導:翟韜最佳服裝造型設計:吳里璐最佳原創電影音樂:金培達、波多野裕介最佳原創電影歌曲:《(It's Not A Crime)It's Just What We Do》資料來源:香港電影金像獎大會
來源:
http://hk.apple.nextmedia.com/entertainment/art/20170407/19982143