ZKIZ Archives


中環在線:上海姑爺叫八十後創業留港難發揮最緊要北上 李華華

2010-1-22  AD





 

近期本港熱門話題「八十後」,被人叫「上海姑爺」嘅瑞安集團主席羅康瑞亦趁熱鬧,對「八十後」發表一番見解。佢鼓勵呢班後生仔要北望神州,因為香港實在只係「豆膶」咁細嘅地方,毫無發揮可言,仲話後生仔應該大膽創業。

羅康瑞噚日出席浸會大學僱主午餐會,向在場學生分享經驗。佢話即使創業失敗,亦可以學到寶貴嘅經驗,明白做僱主嘅苦處,將來就會成為一個好僱員。佢又提醒「八十後」應該學識了解自己,做事要親力親為,工作初期唔好講咁多興趣,最緊要將上司交託畀你嘅事做好。

嘆八十後捱唔到苦

對 於早前一班「八十後」表現激進,佢覺得「八十後」較個人化同自我,唔接受妥協,有勇氣熱情但冇策略。佢好為呢班「八十後」擔心,以佢公司瑞安推出嘅優才計 劃為例,同時有香港學生同內地學生應徵,最後冇一個香港學生捱得住,佢話:「香港學生淨係掛住今晚去邊度wet,內地生就抓緊機會學英文。」

其實唔單止八十後,佢對香港經濟政治前景都好擔心,佢覺得「o依家芝麻綠豆事都內耗」,廿幾年前就話超前內地好多啫,o依家兩地已經越嚟越貼近,好易被內地爬頭;佢就鍾意住上海多過香港,起碼冇狗仔隊。

李華華

[email protected]
 



PermaLink: https://articles.zkiz.com/?id=13958

利字當頭:八十後老闆 利世民

2010-8-11  AD





 

以下,是一個八十後老闆對九十後打工仔,非常有啟發性的一段對話。

八 十後:「我都係勸你這種大學生,無謂繼續喺呢間細公司捱苦。十年前,我就好似你一樣,喺電訊公司做data entry;打100個record,有50個搞錯,非常之hea。可惜,呢類data entry工作,老早搬晒去大陸。你想做呢類工,返大陸搵啦。」九十後打工仔不知如何對應。

八十後老闆見夥計一聲不響,繼續教訓:「如果你話:『得少少錢,又要請大學生』。

我想話你知,讀大學係你個人嘅選擇,無人逼你。我又唔一定要請大學生。你讀完大學,並唔代表你真係做得嘢。呢一點,希望你呢一刻會明白。算罷啦,我都係打算炒咗你。不如你話我知,點解我要留你?」

九 十後:「老闆,我以後唔敢返工上網,我會努力做嘢。」八十後:「努唔努力,你自己先知。不過你hea,最終蝕底係你自己。我唔介意你同我講:『老闆,我要 幾多幾多。』只要你值呢個價,幫我搵到條數,我真係好樂意畀。又或者,你條氣更加唔順,自立門戶搶我啲客,我都只會話你叻仔。做生意,預咗同人爭生意。我 寧願一個抄我橋嘅人同我爭。你明唔明?」

收咗人工就要交貨

九十後打工仔繼續無言以對。八十後:「呢度唔係學校,你頭先嘅語氣就好似中學生見訓導主任。喺辦公室,唔該你明白乜嘢叫deliverables。我出錢請你,唔該你秤吓自己交嘅貨值唔值。如果連呢樣都唔識,你又點同我講價?」九十後打工仔仍然沒有任何回應。

這位八十後老闆,和世民相識於十多年前。那時,他讀完中七便入行做珠寶。十多年了,他三十出頭,雖經歷過三次大型金融危機,但他有三層物業在手上。誰說香港沒有白手興家的故事?

利世民

http://hkliberty.wordpress.com


PermaLink: https://articles.zkiz.com/?id=17381

八十後,學嘢喇! 林奇

http://hk.myblog.yahoo.com/lynch200705/article?mid=9336

林奇:七年前,在沙士最困難時創業,從家教到開辦一所學校開始,拳怕少壯,張邦鑫的故事,林奇娓娓讀來,份外親切。畢竟,「賣咸魚花生也要做老闆!」黎智英先生在《創業》一書如是說。

相 對我們香港好些八十後,往往輸打贏要,沉淪賭波炒股,美化投機,不亦樂乎?實情又是一樁又一樁的情何以堪?要麼就是吹水唔抹嘴,話自己碌爆卡炒中石油賺過 千萬;要麼又或美少女股神上身,教無知散戶買乜買物,千幾隻上市股票,係要推介隻主席唔見得人既蒙古礦業(01166)?係要聽成班滿佈利益衝突既財經演 員瞓身推介既福源(01682)?唔係啩?上市勁升逾倍?六叔六叔真係多謝晒!

多謝你同我指點迷津,我上市首日響個三買入,加陣得返九毫八子咋喎,點算好?

股票要睇長線既!佢哋就嚟有內需概念架喇!等吓喇!

實情自己不過是「毒瘤股瓶人」,也是財演的幫兇和化身,連股災也未曾經歷過,大錢又冇乜點贏過,卻奮不顧身投身財演行列,做其「毒瘤股瓶人」,一於為無良莊家或股壇大鱷作嫁衣裳,利益衝突兼「普渡眾生」?能不嗟乎?豈能不哀哉?

打開報章雜誌,道德淪喪,o靚模除衫露事業線就大行其道,毒瘤股瓶人、宅男、電車男、敗犬女亦安坐家中等其運到!

香港八十後,究竟又有多少個張邦鑫?

PermaLink: https://articles.zkiz.com/?id=18653

輸掉八十億家產 正牌敗家仔

2001-7-12  NM




曾在中港台政經界享負盛名的百億 富豪曾紀華,九七年五月逝世後,家族便正式分家。大老婆所出五名兒女,所佔份額不多;反而二老婆的兩位寶貝兒子,則接管父親市值八十二億元的兩系上市王 國,哥哥曾文豪掌管惠泰和亞細安,而弟弟曾文能則主理惠揚和太平洋港口。與不少富豪第二代一樣,兩位一直順風順水的「太子」,接掌家業急於求成,並愛上炒 樓炒股。結果一場金融風暴,不單斷送老父留下的數十年基業,八十二億元上市王國蒸發了只剩二億,而且曾文能更惹上官非,前途未卜。反而沒有獲父親寵幸的大 婆一家,至今生活安穩。在哥兒倆事業急速殞落的過程中,原來還牽涉到城中兩大富豪,新世界鄭裕彤家族,以及「殼王」陳國強之間的恩恩怨怨。出售惠泰 一鋪清袋去年十一月,惠泰宣佈重組。首先,曾文豪將資產不多的惠泰,賣與陳國強做 《成報》上市殼;然後惠泰將旗下亞細安六成八股權,出售到一間由曾文豪與周大福各佔一半的公司。交易結果,是惠泰欠周大福的三億元欠債一筆勾銷,但曾文豪 變成間接控有三成四亞細安股權。由於他早已將股票全部按給周大福,換言之他不單賣了父親創辦的惠泰,連亞細安都可能無埋,除非他清還欠大福的債。除了事業 不濟,曾文豪婚姻亦亮起紅燈,「我哋唔係離婚,只係分居啫!」太太楊穎欣(Wendy)說。以前免費住的軒德蓀道董事大屋,如今要向惠泰以月租三十二萬, 繼續與母親租住。曾於九七年控制兩間市值四十四億元上市公司的曾文豪,風光日子就此結束,與弟弟曾文能下場差不多。父親一手交給兩兄弟管理的四間上市公 司,市值原本八十二億到今天只剩下一間市值二億元的惠揚,敗掉父親大部分基業。還幸父親為兩兄弟留下台灣的資產,其中曾文豪分得國賓大飯店部分業權,今天 全幢酒店估值約六億元,而曾文能佔世華商業聯合銀行一成股權,今天市值十四億元。曾紀華聲名顯赫,從九七年五月他逝世時致祭嘉賓的鼎盛陣容,足見其江湖地 位。扶靈名單包括台灣海基會董事長辜振甫、新華社張浚生、利國偉、馮秉芬、李嘉誠、鄭裕彤等;陳方安生母親方召麐,亦親自寫了一幅「德高望重」的輓辭致 意。

陳國強恩怨情仇今次累曾文豪輸大錢的,是錦興與保華德祥揸弗人陳國強,兩人原來淵源甚深。與其他太子一樣,曾文豪在夏威夷大學工商管理學系畢業後,八六年便回港返父親創立的惠泰幫手。九○年一月,父親放手讓曾文豪當上主席後,他便雄心勃勃,計劃將公司壯大,首先分拆國際德祥上市;翌年收購亞細安。而陳國強與他際遇相若,接手父親建築公司權利和均安。但其後被申請清盤,就是曾文豪打救均安,還讓陳國強繼續打骰。後來陳國強泊李嘉誠碼頭,惠泰要賣國際德祥套現來收購亞細安,於是便賣給台資太平洋建設及陳國強。估不到十年後,以前是老細的曾文豪,不單因炒陳國強的 股票而損手,其後更要他出手相救,幫手「鯁」惠泰做上市殼。由於樓、股兩瓣都「揩」,令亞細安負債升至十一億六千萬元。為了減債,惠泰及亞細安均進行配股 集資,套取三億四千萬元,均由鄭家的大福做包銷。然而九八年樓股都沒有起色,而伊利莎伯大廈商場、日航和萬豪酒店貢獻的租金收入亦告下跌,集團更要為旗下 地產撇帳二億四,致令惠泰、亞細安兩間公司,九九年度合共蝕掉十二億元!亦由於九七年初惠泰發行的五千萬美元換股債券,行將於二○○○年二月到期,莫財的 惠泰唯有找鄭家班水,向周大福發行三億元換股票據去新債冚舊債。而這一着便令曾文豪一鋪清袋。

十億股票 蝕去六億除炒樓之外,曾文豪於九五 年亦開始大炒股票。九五年三月底止年度,亞細安的證券買賣只有二千四百萬,但到九六年已跳升至近六億,佔公司營業額六成,並且初嚐甜頭,賺得一千萬。到九 七年度,亞細安單是炒股便賺得一億元,並有四億六千萬「存貨」,絕大部分是錦興磁訊的股份,當時股價高峯近四元。愈炒愈心雄的曾文豪,除亞細安外,連母公 司惠泰亦炒埋一份。於九七年二月,惠泰發行總值五千萬美元的換股債券,為期三年,集資後與亞細安齊齊掃入三億股保華德祥,九月時股價飈上三元水平。九七年 十月,樓市股市均狂瀉。亞細安所持的日航及萬豪酒店,物業價值不見一半;而與新世界的招商局大廈交易亦撻訂收場。至於股票方面,所持錦興,股價由高峰的四 元插落五毫半,亞細安於九八年度因此蝕了一億八千萬元。另一隻保華德祥,雖然股價愈跌愈多,由三元跌剩六、七毫子,但亞細安不單沒有止蝕,而且還增持至兩 成,方便作為聯營公司入賬而不用撇賬。然而愈踩愈深,該批成本價五億九千萬的股票,到二○○○年三月時只值一億三千多萬元而已。

狂炒地產  債台高築曾文豪以亞細安為炒樓炒股旗艦,是由於該公司擁有銅鑼灣伊利莎伯大廈六層商場,於九六年時市值近二十億元,每年租金亦有六、七千萬元,可以抵押給 銀行借一大筆錢,成為他大手炒賣的「水源」。九五年以前,亞細安已乜都買,斥資約六、七億元買入尖沙咀日航酒店百分之四十七點七股權外,連粉嶺、元朗以至 西貢農地都掃,又進軍南區豪宅,以億四買入香島道三十五號搞重建。九六年旅遊業興旺,亞細安於是加碼買酒店。九六年十一月,亞細安與星洲城市酒店等組成財 團,以二十四億四千萬,向太古地產購入金鐘萬豪酒店,其中亞細安佔兩成半權益。以萬豪有六百零四個房間計算,每房值四百萬元,財團摸頂入貨。那時寫字樓亦 漲得厲害,亞細安又插手,炒賣中環荊威廣場四層寫字樓,短短三個月賺得千一萬元。九七年三月,曾文豪再接再厲,大手向新世界買入中區招商局大廈廿一樓和信 德西冀十一樓半層,作價四億元,訂於年尾完成交易。曾文豪的亞細安,彷彿有用不完的資金,其實說穿了,又是典當殆盡所致。亞細安最值錢的,就只有伊利莎伯 大廈商場。九四年初,公司將物業按予星洲華聯銀行,借取四億元去掃地。至九六年底時,由於亞細安要買萬豪酒店,單付訂金便要三億元。於是亞細安將伊利莎伯 商場作內部轉讓,重估物業值十九億九千萬元,從而可向華聯加按,取得六億五千萬元貸款,夠付買酒店訂金之外,還可以再炒賣其他物業及股票,結果令亞細安債 台高築。

鄭家交惡 排期候審新世界基建入股消息一出,令太平洋港口股價由一元三角,急升上兩元三角。原來曾文能太太黃玲翠的手帕交,賭王四 奶亦想染指太平洋港口,並願意出較高的收購價。曾文能不想蝕底臨陣縮沙,拒絕簽訂股權交易協議,令鄭家純大動肝火,多年世交都翻臉,並入稟高院禁制曾文能 轉售股權予第三者。經過一番擾攘,最後由新世界基建和四奶梁安琪,以同樣是一元一角半收購價,雙雙買入太平洋港口四成三股權,其中新世界基建佔三成七,事 件才告一段落。此事令曾文能和鄭家純結怨,大福其後亦降低了惠揚的「孖展」額,令惠揚庄家叫苦連天。最近曾文能想在大福證券開設戶口,亦遭拒絕。曾文能棄 車保帥,出售太平洋港口後,其惠揚股權亦不斷減持至四成,然而他的惡運還未過去。九八年六月,曾文能被捕三個月後,因警方找不到內地人協助調查,當時獲撤 銷控罪;但去年十一月,商業罪案調查科表示有新證據,再次拘捕他,除之前三項盜竊罪外,並加控兩項造假賬罪,排期九月開審。曾文能今天控制的惠揚,業績固 然虧損累累,所持大陸資產不值錢,而公司市值今天只有二億七千萬。他落難之餘,還與兄長曾文豪反目。「佢哋感情原本好好,大佬好睇住個細嘅,連寫字樓都一 齊租用皇后大道東九號,兩人嘅辦公室就喺隔籬。」一名知情人士說。

大難臨頭 兄弟反目但九八年初曾文能炒燶股票,向大佬求救時,他卻無動於 衷;甚至曾文能被捕,正在加拿大打高爾夫球的曾文豪,立即越洋宣佈,辭去惠揚董事職務,亦要求弟弟辭掉惠泰董事,兩兄弟劃清界線,從此各行各路。其實當時 曾文豪亦泥菩薩過江。原來,他所持的惠泰股份,亦按予大福財務,套現來支持惠泰股價。九八年初惠泰股價跳樓,由十元跌落兩元半,而他欠大福的孖展數,市傳 亦有近一億元。九八年二月,大福的魯連城「進入」惠泰任非執行董事,個半月後連新世界發展總經理梁志堅都入局,反映曾文豪當時已水深火熱。原來,曾文豪透 過惠泰旗下的亞細安,過去數年均狂炒物業及股票,結果金融風暴一來,他亦差點沒頂。「就好似麗新林建岳,高價買入富麗華都鯁親啦!肥仔豪買入日航、萬豪, 借咗好多錢,個市逆轉,佢就企喺度囉!」一名證券界人士說。

炒燶股票即時出事以每股三元計,曾文能所持惠揚股份市值六億元,便可借到二億 元。由九七年七月至九月這短短的兩個月,惠揚股價由三元被炒高至五元,太子能的身家暴漲至十億元,於是他愈借愈多,連其他股票都炒埋。「佢可以話係合埋眼 炒股票,多數係啲朋友介紹邊隻佢就買邊隻;有時甚至係太子心情靚,就『篤』幾隻股票嚟買。」一知情人士說。正當有人密謀惠揚股價若殺上七元便散貨時,金融 風暴已經掩至。惠揚股價由高位急挫,打回原形還不止,至九八年一月更跌至兩元。曾文能不單要為炒開的股票埋單計數,而按給財務公司的惠揚股票,亦被追補孖 展,令他左支右絀。在太平洋港口控有三成二股份的第二大股東亞洲基金,當時收到風聲「有人財政出現問題」,於是要求查帳,一查之下赫然發現有一單不明來歷 的廈門投資項目,公司要開出三張共八千一百萬元支票,作為項目「誠意金」。然而其中兩張總值七千六百萬元的支票,卻轉給曾文能控制的兩間私人公司,懷疑用 來找欠下嘉洛證券的孖展數。亞洲基金代表要求曾文能解釋,然而不得要領,於是向商業罪案調查科舉報,曾文能於三月二日被捕。太子能被捕消息一出,其他債主 亦急急追數,其中富聯先在市場將千三萬股惠揚斬倉;而太平基業則入稟高院,追收七千萬孖展數。至於最大債主大福,則「建議」他賣「仔」套現,雙方協議以每 股一元一角半,出售太平洋港口的四成三股權,予同是鄭家控制的新世界基建。

父親逝世 獨攬大權九七年本港股市暢旺,但惠揚股價並沒有跟隨大 市飈升,反而企在三元左右。太子能身邊的好友,於是向他教路,藉分拆太平洋港口的利好因素,再配合動作,便可令惠揚股價拾級而上。那時父親曾紀華剛於五月 十一日逝世,他已然獨攬上市公司大權。「佢成日都想叻過大佬(曾文豪),所以比較急進。」一名認識曾文能的友人說。太子能將所持六成共兩億股惠揚股份,分 別按給新中港、嘉洛、太平基業、富聯、大福等幾間證券行的財務公司,取得資金便入市炒股,其中抵押給大福財務的惠揚股份便佔四成三。原來,曾文能與哥哥文 豪,一向與新世界鄭裕彤家族關係密切。曾紀華和鄭裕彤,原是百富勤集團創辦股東之一,亦是高爾夫球波友;而兩家的太子,鄭家純與曾氏兄弟,則時常相約晚飯 消遣。「曾文豪成日上嚟搵Simon Lo(魯連城,大福證券副主席),就算有人喺度,佢都照衝入去,Simon Lo都唔介意,可見佢哋有幾熟絡。」一名大福證券員工說。另一名證券界人士表示,大福資本雄厚,好多大股東都將股票按給大福借錢炒股,「好似圓方、友聯建 材咁,都按好多。對於一些關係密切的,包括曾氏的惠揚、惠泰、羅兆輝的金匡等,『孖展』比率亦較高,人哋做一、兩成孖展,大福可以按到三成或以上。」

年 輕主席 意氣風發事實上,曾文能的確曾經風光過。九三年他才二十八歲,父親曾紀華便為他鋪路,收購上市的富利國際,易名惠揚,然後注入大陸地產。年紀輕輕 便當上惠揚主席的他,在國內馳騁,黑龍江、上海、河北、福建都有他投資的滑雪場、房地產、公路,以至貨櫃碼頭。九七年三月,惠揚分拆旗下太平洋港口上市, 令他事業踏上高峰,三十出頭便控制兩間上市公司,市值逾三十八億元,自然意氣風發。他透過剛上市的太平洋港口,租用山頂紅莓山莊,以及深水灣文禮苑兩間大 屋自住,連大屋的管理費、水、電、煤、保險費用,亦全部入公司數。另外,公司又為他買入價值百四萬的平治500SL代步。當時金融圈中人,都以「太子能」 稱呼他。當時與「太子能」過從甚密的,除了公司董事鄺啟成外,還有鄺氏在新中港融資打骰的哥哥鄺維添,以及嘉洛證券的David Choi等。他們經常出入跑馬地英皇駿景酒店,與女星、模特兒晚飯直落,或到Manhattan跳舞劈酒,常常飲到酩酊大醉。而他的太太黃玲翠 (Clara),則穿著華麗,時常與城中名媛,如賭王女兒何超瓊及廖梁煒出入波場,夫婦倆生活各自各精彩。

上週四上午,記者到惠揚控股位於中區招商局大廈的寫字樓,等候曾文能出現。直至下午四時正,穿着灰藍色直紋西裝的曾文能,才施施然與一名戴墨鏡的男子返回 公司。記者即時追問,惠揚經營虧蝕連年,「覺唔覺得對唔住你爸爸?」「無嘢講,無嘢講。」他若無其事地回應。「依家仲有無炒股票?」記者又問。「無,一向 都無!」然後輕輕格開記者的錄音機,急步入公司。曾文能表面平靜,語調輕鬆,但其實他深知惠揚問題一籮籮。惠揚控股與核數師安永,就問題債項雙方未達成協 議,令業績公佈日期,由五月尾拖至六月底,再公佈延至七月底,市場預計將凶多吉少。惠揚九八及九九年,原來已連蝕兩年共四億元。而更大鑊者,是他被商業罪 案調查科,控以三項盜竊及兩項造假帳罪的官司,將於九月提堂。「佢依家仲成日去玩,蒲到好夜,同以前無乜分別。」一名知情人士說。據一名曾經到惠揚做公司 訪問的分析員說,下晝四點到公司,曾文能已經成身酒氣,煙不離手,「佢好有禮貌㗎!不時問候我娘親!」說到公司業務,曾文能就講以前怎樣怎樣威水,完全沉 醉在昔日光輝日子。

父親顯赫 獨寵二房原來,祖籍福建惠安的曾紀華,小學畢業後便與兄長紀棠離鄉謀生,二十歲更隻身南渡緬甸,由打工仔做到 開辦貿易公司,出口大米至香港、印尼、菲律賓等地,生意略見規模。四一年南洋淪陷,曾紀華回國,在重慶開設藥廠,並獲最高當局召見。他與國、共高層如周恩 來,蔣介石亦私交甚篤。戰後曾紀華輾轉重返緬甸,開設香煙廠,繼而經營紙品廠、印刷廠,提供由煙草生產成香煙的一切所需;其後再將業務伸展到香港、新加 坡、台灣等,經營船務、地產、酒店,以至銀行。五六年他與兄長分家時,便曾向友好透露,已經有六千萬美金身家。「曾紀華在緬甸發跡,劉伙榮(劉鑾雄父親) 則在泰國做生意,據說當時在東南亞做生意的華商都互有往來,後來大家返港後就更加熟絡。」一名友人說。曾氏有兩個老婆,「大老婆係喺緬甸時認識嘅同鄉,細 老婆則係星馬做生意時娶嘅,細佢二、三十年,仲好高好靚添!」一名認識曾紀華近三十年的友好說,「佢次次出嚟食飯應酬,都係帶細老婆出嚟,我從來無見過佢 大老婆。」而每年曾紀華返鄉下惠安拜祭亡母時,則會同大老婆返去,「大老婆識聽識講福建話,同我哋有講有笑,但唔會兩個老婆一齊出現。」現住在曾氏祠堂的 堂姪曾廣文說。

大婆一家 生活開心曾紀華有五子兩女,最疼錫的就只有細老婆所生的兩個兒子,文豪和文能。「曾紀華常常說人一定要讀書,佢細 仔讀書好叻,二十歲已經大學畢業(倫敦大學土木工程系),所以佢最錫個細仔,一畢業就送咗部跑車俾佢,其他哥哥個個都無㗎!」一名曾氏宗親說,「文能結 婚,就喺會展擺百幾圍,場面墟冚;而前一日,曾紀華仲拉頭馬添!擺酒嗰日佢坐喺門口迎賓,每見一個賓客都起身握手,我從未見過佢咁開心!」至於大老婆所生 的三子兩女,則要「自食其力」。「佢覺得大仔文仲佢哋已經大個嘞,可以自己照顧自己,不如讓細佢哋廿幾年嘅文豪、文能。所以文仲就要自己搞上市公司,而兩 個細佬則管晒老豆的公司。」曾廣文說。九七年曾紀華逝世後,曾文豪便順理成章接掌惠泰和亞細安,而曾文能就掌管惠揚和太平洋港口,大家當時市值差不多,兩 兄弟就不會爭產。但人算不如天算,他死後不足一年,兩個最疼錫的兒子已經陷入困境,反而他沒有理會的大婆一家,大仔曾文仲的沿海物業經營如故,而二仔文虞 及三仔文行繼續打理家族的香港造紙廠,四妹做家庭主婦,而做牙醫的五妹文珊,則同母親住在半山愛都大廈豪宅內。「我哋一向好保守,作風同佢哋(文豪、文 能)好唔同,佢哋比較高調、進取。」一位家族成員說:「所以好好彩,金融風暴對我哋無乜好大打擊,大家生活好穩定、好開心。」

 


PermaLink: https://articles.zkiz.com/?id=21899

身家五億誠哥「頭馬」八十億入主TVB

2011-2-3  NM




已傳賣盤多年的無綫電視,終於落 實賣得成。上週三殼王陳國強聯同兩個拍檔,閃電獲六嬸方逸華首肯,以八十至九十億元購入TVB兩成六股權,超出大家意外。近年陳國強將殼股賣得就賣,好友 都說他處半退休狀態,而且全副身家數盡只有五億六,無心又無「力」。一直是「李嘉誠頭馬」,專替對方做爛頭卒的陳國強,擺到明又一次「代客泊車」。

而陳國強多次強調TVB編採方針不變,絕不偏頗商人,但他回應傳媒只選擇性揀三份報章,親疏有別。可以預期,就算誠哥唔出聲,陳國強已識撈,李氏王朝的影響力將「入屋」滲透每一戶。

多年來TVB屢次傳出賣盤,洽購者計有新鴻基地產家族、SCMP集團的郭鶴年、碧桂園主席楊國強,以及今年九月才殺出的恒基主席李兆基長子李家傑等,不過通通都鎩羽而歸,據知關鍵位都在於方逸華不肯放權。

一名知情人士說:「李家傑想以九十億收購邵氏兄弟,藉以取得電視廣播控股權,但方逸華開出的條件十分之辣。佢話只可以派三人入TVB董事局,而且方逸華亦至少要在董事局留任三年。李家傑見俾成九十億,只能做一個無絕對話事權的董事,多番思量後,最終都打退堂鼓。」

六嬸霸道唔肯走

而在李家傑之前,據可靠消息透露,原來合和實業董事總經理胡文新及遠東控股董事總經理邱達根,聯同投資銀行麥格里,曾提出以一百零八億元收購邵氏兄弟。一 名有份參與收購的人士稱:「邱德根(邱達根父親,曾經營亞視)都曾經因此出來同方逸華飲過茶。胡文新會出十四億元,邱達根出六億,再由麥格里發行四十億元 可換股債券,其他將清水灣地皮抵押借錢。胡文新想有影響力,邱達根則要賺錢,不過方逸華講明唔會退,死霸住個位。大家覺得佢根本無心賣,最後傾唔成。講真 佢賣咗TVB分得幾多錢?但無咗個TVB話事位,佢咪nobody。佢最鍾意搵班藝人唱歌跳舞,唔通要佢退休日日喺屋企對住六叔咩!」

胡文新及邱達根的算盤,是打算搞起曾經是銷量第一的TVB雜誌,又會與內地電視台合作,攻入內地,預算每年起碼賺多百分之二十:「但方姐好霸道,佢話咩都要TVB獨大,唔想同內地搞合作,我哋覺得呢盤生意太難做,所以放棄。」

地皮已值一百億

最後殺出一個合乎方逸華心意的「程咬金」。上週三,TVB發出公告指,由「殼王」陳國強、HTC創辦人王雪紅,及Providence Equity Partners所組成的公司,將收購邵氏兄弟全部股份,從而取得百分之二十六電視廣播權益。公告並沒有公布收購價,陳國強事後接受個別傳媒訪問時指,除 牽涉TVB股權之外,更包括一塊清水灣地皮,而同樣由邵氏兄弟持有的將軍澳環保大道影城,則會售回予方逸華夫婦。清水灣地皮佔地逾八十萬呎,早於○六年已 獲批建九百多個住宅單位,按現時該區住宅呎價一萬元計,地皮估值達一百億。不過六嬸遲遲未動工,一直未補地價。如果今次陳國強是以八十億元購入邵氏,單是 地皮已值回票價有凸,交易可謂十分之筍。

事實上,陳國強曾在○五年收購無綫聯營的無綫收費電視,故與方逸華一直有偈傾,經常約出來歎茶,數年前TVB業務總經理陳志雲丁父憂,陳國強便與方逸華一 同出席喪禮。一名知情人士說:「方逸華見上次陳國強入股無綫收費電視,都係無得賺,今次算係還番一個人情俾佢。」而陳國強亦得體地對傳媒表示,感謝方逸華 留任,更期望她和邵逸夫一路做落去,讓他可以坐享其成,盡顯擦鞋仔本色。陳國強亦透露佔財團五成投票權,一半資金來自銀行融資,另一半由他、王雪紅及 Providence Equity Partners分擔,他指:「我應付得嚟。」估計他要私人注資十多二十億。

陳國強手頭資金五億六

雖然陳國強做過的大刁不計其數,但計計其身家,卻不足以成為傳媒大亨。他現持有德祥企業約百分之三十四股份,以市值三點二億計算,他手持股份值一億一。而 其手頭上最值錢的物業,是位於香島道自住的獨立屋,他於八四年以三百九十萬購入,現已升價至約一點八億元。去年底他已變賣手頭上的錦興股份,套現七千多萬 元。計及其他濕濕碎碎的股票物業,篤一篤計數機,陳國強身家六億不到,即使瞓晒身變賣全部家當,亦未足以令他蛇吞象買入TVB。

不單只財力,陳國強的「心力」亦成疑問。近年已告沉寂,被商界視為「半退休」的陳國強,以前便曾經揚言,自己的傳媒大亨夢早已夢醒;沾手傳媒,投資《成 報》,是他「一生中最失敗的投資」。早於九九年,他已聯同譚詠麟等明星好友,成立東方魅力借殼上市,公司曾製作電影,又乘科網熱與當時網霸AOL合作,不 過東魅三年便蝕十二億元,於○三年易手。

搞傳媒鋪鋪輸

○○年他再以一億五千萬元,購入成立已六十一年的《成報》,入主後大灑金錢,找來明星好友陳百祥搞馬經版,曾志偉和譚詠麟參與《成報》娛樂版編輯會議,成 龍亦謂藝人的獨家訪問都可以全給《成報》云云。結果改革不到一年,月蝕一千萬,陳國強唯有在○二年底以一億元賣出《成報》斬纜止血,前後埋單共蝕四億。

到○五年,他唔服輸再以三億五千萬元購入電視廣播聯營的收費電視銀河衞視(後易名無綫收費電視)五成一股權,但業績無大起色,又於○九年以兩億一售回三成股權予TVB。

誠哥頭馬身份二十年

反而陳國強進入商界以來,與誠哥的關係,「代客泊車」的身份,相信才是他購入TVB的關鍵。已經涉足多個範疇的李嘉誠,假如只要出一百幾十億就可掌管在中 港台皆有影響力的無綫電視,這單交易一定制得過。陳國強一直被指為「李嘉誠頭馬」,他倆的相識要追溯至八十年代。八十年代已打理建築公司保華的陳國強,經 替李嘉誠打工的袁天凡介紹,與和黃大班霍建寧認識,保華遂可以低價接落不少長實的工程,包括長江中心、紅磡海逸酒店和尖沙咀康宏廣場,成為長和系的「御用 承建商」。至九三年,陳國強部署將旗下的保華分拆上市,於是游說李嘉誠入股做幕後大股東。

到成為李嘉誠的心腹,要數九五、九六年。李嘉誠旗下的錦興買入兩間美國磁碟製造商,令財務支出大增,業績大跌。錦興為了撲水,和黃於是發可換股票據入股錦 興,但仍然沒有起色瀕危,令誠哥大失所望。霍建寧便安排陳國強接掌錦興,他即時進行一連串重組,包括大撇賬以及削債,錦興至九八終於轉虧為盈,令李嘉誠對 陳國強另眼相看。

代客泊車

而當年首鋼集團的周北方出事,李嘉誠出手打救旗下的海成建築集團,派當時的頭馬余立發加入海成,並改名凱怡集團,可惜九六年業績仍然沒有起色,更出現一億 元負資產,於是霍建寧再安排陳國強加入凱怡。他注入混凝土廠及國內兩條公路,變身亞太基建,並把有問題的建築公司出售,將亞太基建起死回生,易名德祥企 業,成為陳國強今日的上市旗艦。

由於陳國強多次替誠哥做爛頭蟀,成功將有問題公司起死回生;通過多番「測試」後誠哥終將其收入自己馬房,更成為頭馬,專幫他出面收拾殘局又或作李不方便出 面的收購,就如「代客泊車」。○八年底的電盈懷疑種票私有化案,陳國強名下的四家公司,便曾於私有化進行期間,各持一手電盈股份。他前幾年亦不時亮相李嘉 誠旗下的新城財經台,與梁伯韜、霍建寧等,大談生意經。自從他將手上的殼股賣得七七八八後,現時保華建業仍然承接不少長實的樓盤工程,近一、兩年長實的住 宅項目半山一號及大圍名城第三期等,便是由保華承建。

獲中央祝福

而與陳國強同入TVB的王雪紅及Providence基金,今次是搭了一程「順風車」,這配搭據知已獲中央祝福。王雪紅的已故父親、「經營之神」王永慶經 營的台塑集團,早於八九年已密訪大陸,獲中共元老鄧小平親自接見,是最早布局發展大陸的台企。女兒王雪紅擁四百二十五億台幣(約一百一十三億港元)身家, 是台灣女首富。其創立的宏達電子,自行研發HTC手機,只有它能深入大陸與蘋果的iPhone抗衡。一名認識王雪紅的人士說:「佢非常有野心,是王永慶最 成功的孩子;她在香港有多個存有逾億美元資金的戶口以作投資,錢包非常豐厚。」估計她可以電訊科技協助 TVB發展,對其HTC生意亦有百利而無一害。

至於另一股東Providence Equity Partners,八九年成立以來一直在全球投資電訊及傳媒業,不過在中港兩地的交易就只有以五千萬美元投資去年在內地成立的視頻網站(video website)奇藝(Qiyi),業界相信透過播放TVB製作的影片,可助奇藝發展。

至於TVB未來在方逸華繼續「揸數」下,相信可做足節流工夫,有效控制成本。不過其業績去年倒退,去年度全年純利九億,下跌百分之十四。加上政府已表態, 於今年會增加免費電視的牌照,而且不設上限,NOW、有線電視及香港寬頻都已提出申請,分分鐘會增加三個免費電視台,競爭十分激烈。一名分析員指:「政府 喺今年中發多個電視牌係事在必行,TVB要保持競爭力,無論係人工或者製作資源上開支都會上升,嚟緊兩年我哋都睇唔好 TVB嘅前景。」經營艱難當然是一個挑戰,但對購入者來說,手執香港最大免費電視台所帶來的影響力,才是最重要。

長江「特務」遍香江

長江一號︰李業廣

前港交所主席,一直有「長江一號」之稱,是行政會議成員,他是李嘉誠御用律師,其胡關李羅律師行承接大量長實樓盤生意。

長江二號︰劉皇發

鄉議局主席暨行會成員,92-93年曾內部認購一幢長實發展的天水圍嘉湖山莊,作價$4.7億。他在新界有二百多幅農地,大部分是代長實出手,如收購元朗大橋村。

長江三號︰陳國強

有「李嘉誠頭馬」之稱,旗下建築公司保華德祥,是長和系「御用」承建商,其他生意亦與長和系關係密切。

長江四號︰梁伯韜

前百富勤董事總經理。過往長和系公司,如Tom.com、長江生命科技的上市和融資,都由他負責,亦曾替誠哥出面收購電盈,擅長代客泊車。

長江五號︰馬時亨

前商務及經濟發展局局長。01年曾在電盈出任財務總裁及執行董事,獲李澤楷送股。02年董建華政府找問責官員班底,有傳由李嘉誠引薦馬時亨。08年退休後,馬出任和黃旗下赫斯基能源董事。

長江六號︰胡紅玉

現任行會成員。早年經李嘉誠紅顏知己周凱旋推薦,加入李嘉誠基金會,亦擔任汕頭大學法律學院顧問。

長江七號︰郭炳湘

新加入團隊,本是長實對手發展商新地主席,家變離職後現與長實發展地皮。

誠哥攞威四叔輸晒

李嘉誠和李兆基早年曾經是好友,但近年兩人不和已人所共知,雙方亦暗中較勁。這一年下來,李嘉誠在地產、政治、家庭上都攞晒威,反而李兆基樣樣輸;在舊曆年最後一星期,其子李家傑收購TVB亦被「李嘉誠頭馬」陳國強截胡。


PermaLink: https://articles.zkiz.com/?id=22080

給一位八十後的信 阿牛

http://yomag.mysinablog.com/index.php?op=ViewArticle&articleId=2893821

給一位八十後的信

Picture

Blog友Fatiam兄,昨晚留言給阿牛。

喺呢度阿牛首先道一個歉,因為阿牛根本冇詳細答到Fatiam兄個問題,而阿牛半夜醒左,睇到個電腦,乜有咁大段嘢;原來麻煩左asonchui兄,夜半兩點鐘,幫阿牛答左。更令阿牛慚愧,喺年青人兩點半鐘,仲未瞓覺,而且留言多謝阿牛同asonchui兄。

對 於八、九十後的朋友,阿牛呢代人真喺有負佢地。因為我地六、七十後,做晒佢地啲好工,買晒佢地啲平樓,搵晒佢地啲錢,而最大鑊嘅喺,我地決定晒個社會啲遊 戲規則,然後仲話啲八、九十後冇用,唔跟規矩玩。而最最大鑊嘅喺,我地啲老嘢先至喺唔跟規矩嗰個,因為我地已經:『冇再保養個遊戲場地』,喺度標緊尾會, 同埋好黑心咁準備留番個爛攤俾下一代。

根本就唔公道。

言歸正傳,Fatiam兄,阿牛覺得你買股票最重要嘅目的只有一個,就喺:

話俾你媽媽聽,你已經大個,做嘢有板有眼。

Which喺你last個留言,已經話左俾阿牛聽,你非常合格。

策略就咁:

1)  你買左唔會炒出炒入,喺一個穩健嘅人。

2)  你買嘅嘢喺你花時間研究過,喺可行嘅,唔喺聽人亂點嘅。

3)  你最後賺錢嘅。

步驟如下:

1)  你搵晒所有國指成份股出嚟。

2)  睇吓佢地嘅行業,你認為邊行吸引啲。

3)  揀兩、三隻出嚟買,因為揀一隻就好似孤注一擇,揀太多就好似好濫。

4)  買左升跌都唔好賣,等到牛市盡頭,你揀嘅嘢應該會升1.2倍。因為到時個國指都升1.2倍,由今日嘅12000點,升上去25000點,所以啲成份股就應該都喺升咁多。

5)  記得留番四份一錢揸現金。

6)  暑假番嚟,揾機會解吓俾阿媽聽,你個邏輯喺乜。

咁你亞媽就會幾開心。

       Picture 

阿牛希望你去台灣嘅理由喺:

1)  你女朋友喺嗰度      OR

2)  你去讀獸醫

祝你學業進步,生活愉快。

 

得閒留言俾阿牛同asonchui兄。


PermaLink: https://articles.zkiz.com/?id=22442

八十後兄弟買樓自白

2011-2-24  Nm




八十後常埋怨樓價太高,無能力買樓。

但有一對兄弟,打工幾年已儲夠彈藥上車,不過入市心態卻南轅北轍。做牙醫的阿哥曾漢輝,買樓一直心大心細,結果錯過○八年入市良機。細佬曾漢文大學畢業, 便將十萬元積蓄瞓身買樓,認為越早上車,便可快人一步發達;病理學碩士的他,畢業後全職做地產經紀,一有錢便買樓,現在手持五個單位,市值六百多萬。

兩兄弟各持己見,互相批評對方的不是,且看他們的自白。

左︰曾漢文(細佬)

歲數︰28歲

職業︰地產經紀

右︰曾漢輝(阿哥)

歲數︰29歲

職業︰牙醫

弟:我叫曾漢文,今年廿八歲,阿哥曾漢輝大我一年,自小都喺大埔公屋長大。

兄:我哋的確出身窮,所以由細開始,阿媽已經叫我哋讀多啲書。

弟:講真阿哥讀書叻好多,入到港大讀牙科,我只考到城大讀生物,嗰刻好唔開心,覺得自己好冇用。於是發奮讀書,結果考到一級榮譽畢業,仲有獎學金入港大讀病理學碩士,心情先至舒服啲。

媽:要比較兩兄弟,阿哥真係乖啲,細時每逢默書測驗,都會自動波溫書,唔使我勞氣;細佬就貪玩囉,成日拆散玩具。

我唔放心細佬,怕佢無所事事,暑假就叫佢去我做嗰間地產代理做文職兼職,可能佢近得我多,碩士畢業竟然話要做代理,激到我彈起,都唔知係咪我害咗個仔?

弟:做地產有咩唔好?畢業後留喺實驗室做研究,每個月搵得萬五、六蚊,肯定儲唔到首期。再講,做落先知唔少人都係靠買層細價樓上車,之後細屋換大屋。

阿哥投資自己

兄:我認為做人最緊要有事業,有閒錢先去投資。牙科畢業後,我喺其他診所打咗幾年工,一個月有六、七萬元,但都堅持要開自己嘅診所,半年前終於如願,初期收入肯定差啲,賺得三、四萬,但總算儲到自己嘅熟客。

我哋呢個年紀,最大嘅投資應該係自己,你買晒樓,就係用投資決定你嘅事業,好危險。

弟:人生第一桶金,一定要靠買樓,你俾咗首期,之後放租就有人幫你供樓,不知幾好。我廿五歲已經上車,讀緊書盡用助學金及利是錢,四十萬元買入林村一間村屋放租,個個月供完樓,仲有千幾蚊落袋,我睇唔到有乜壞處。

兄:我打工都儲到筆錢做首期,但我想近啲返工,唔會揀大埔,最好係市區新樓。○八年睇過碧海藍天,夠俾三成首期,但又心大心細。唉!嗰時三百幾萬,依家升到四百幾萬,真係揼心!

弟:阿哥,買樓最緊要爽快,之前我買層大埔翠屏花園,睇咗一次就扑槌,收租一年,舊年賣咗,賺了六十萬。上個月我仲買埋車位,睇都未睇過,見廿五萬合理即買。

兄:阿文,歷史只會不斷重演,樓價升同低息唔係永恒o架。我情願繼續買高息的澳元同藍籌股,仲有做定存及月供基金。

弟:我只想提早退休,依家幾層樓都有人幫我供,我坐喺度「印印腳」收租,你就要日做夜做喎。阿媽都成日催你買樓啦,我真係唔明你點解仲唔上車?

兄:我冇住樓嘅急切性,同阿媽住仲可以慳唔少,所以都係開診所為先。

弟:咁你又租我度?我賣咗翠屏筆錢,用嚟俾大埔廣場嘅首期,間屋啱啱用咗十幾萬裝修,打算趁個市好賣出去,不過阿媽話要俾你住,仲要五千蚊租咁平,出面租緊七千幾o架,真係阻住晒。

兄:黐線!你租俾我簡直超正,我會錫住間屋,又唔使驚租霸。依家賣咗層樓,你拎住咁大嚿錢有咩用?銀行零息,冇理由再高價入市嘛。

媽:阿輝,我都唔幫你,身邊嘅人成日話你黐住屋企,我都覺得你咁大個仔,應該試吓自己住,搬咗半年都應該慣啦,係時候諗吓置業。

細佬專攻外國客

弟:我做地產,絕對唔係想像咁易,最初乜都唔識,就好俾心機打電話、貼街招,仲成日入村逐間村屋拍門,問人哋放唔放盤,就連網上介紹啲字都打得多過人。

媽:我都係做村屋經紀,主要做香港人生意,但細佬竟然搵到外國人,曾經半年賺四十萬佣金。

弟:我勝在英文比較好,於是開發新市場,不過最初打去外國人嘅公司,多數被接待人員或秘書擋住。之後諗到趁食飯時間,公司人較少,講英文混水摸魚駁入去,間唔中都可以與目標嘅外國人直接對話,先有機會進行買賣。

大部分外國客唔慣住一層,通常成幢連花園買,所以我做開都係村屋嘅大刁。最記得有個外國客成千萬買咗幢大埔山頂花園,但依然唔滿意花園得五百呎,我就提議 佢買埋隔鄰塊地,幫佢查有冇人拿了丁權去發展,最後用九百幾萬買咗成千呎地皮,o依家鋪晒假草地同放個吹氣泳池,夠晒佢個仔同隻狗玩。

阿媽帶挈轉工

媽:○九年,我入行的地產鋪老闆向我求救,話公司生意唔掂,叫我返去幫手,但嗰時我已經同拍檔開了自己的地產鋪,分唔到身,於是叫細佬試吓。

弟:我加盟時,成間公司得五個人,只掛住起村屋,忽略二手買賣,最恐怖係成間公司冇電腦,營業額好差。老闆見我有兩年買賣村屋經驗,就放膽俾我一年內請咗 廿個人,開多兩間分行,佢覺得我令公司起死回生,仲送咗少少股份俾我。前線營業額好,我都有錢分,每個月分到七萬元。

兄:你真係要多謝阿媽介紹你入去,否則你點有機會轉工?

弟:我都知!呢間公司優點是自己有啲新界地,依家仲不斷收丁權起村屋,每幢可賺三百萬。雖然起樓我冇份分錢,但係公司有樓起,我做前線就唔怕冇盤放。

兄:點都好!大家目標唔同啫,你五十歲前要有八至九層供完嘅樓,但我想等診所上了軌道,再喺大埔開多間分店。

弟:唓!你開大埔分店無非貪阿媽喺大埔識得人多。

兄:係吖,咁又點?

媽:咁你應該信阿媽,買層大埔樓上車先。

兄:又嚟……


PermaLink: https://articles.zkiz.com/?id=22740

搞掂八十後

2011-3-3  NM




中大碩士生梁健鵬見二百份工都失敗,最終要拿綜援的故事,又一次被社會認定八十後好廢。人力顧問公司更指出八十後職員有九大缺點:專注力弱、閱讀能力弱、欠耐性、難溝通等等。

以上缺點,每個年代的人都有,不是八十後專利。這些指控到底有幾成真?我們走訪三個專聘用八十後的管理層,說說他們如何看八十後特質,再對症下藥。Sale屎變拳手

I.T人力資源部總監譚淑儀表示,只要八十後愛上工作,一樣有驕人表現。他們公司有二千名員工,八九十後佔八成五,大部分中五程度,從事售貨員居多。一個高級售貨員一年要追幾百萬營業額,她說每年都有好幾十個同事能達標,三年間由蛋散升到做店長亦大有人在。

「八十後熟潮流,和客人有共同語言,有些還在Facebook做埋friend。他們自己著衫都好勁,所以每年我哋都會帶幾個售貨員去日本揀衫入貨。」

八十後冒起,請人標準亦變。「十年前我們請人,會要求有經驗,又看待人處世是否成熟。但八十後未必有經驗,我們改為注重性格特質,只要喜歡面對人和時裝,基本上已符合要求,其他問題慢慢執。」

I.T總部在黃竹坑,好多人嫌遠不肯來,要求在Starbucks見工。「我們都會配合,不想因小事,錯失請到人才的機會。」

約對方早過十點,會遲到甚至爽約,所以多數約十一點後才見工。八十後權利意識亦超強,填申請表只寫名字和電話號碼,再過分的連性別也不填。

「以前見工會盡量表現自己,今日他們會問:呢間公司俾到咩平台提升我?一個人有野心好正常,只是他們更直接說出來。」

八十後強調個人主義:飛輪海頭、中性打扮、曱甴眼睫毛,譚淑儀說他們盡量保留對方風格,外形像日本妹就編入b+ab ,鍾情黑白型look就去IZZUE,上班前再搵時裝設計師幫手改造六星期。

多方配合仍難避免八十後轉工。每年踏入冬天,公司流失率最高。「冬天衫好重,又多人買衫,好多員工情緒低落辭職唔做,寧願抖到冬季過咗再返工。佢哋唔憂無工做,細鋪仔要求低,幾點開工都得,好多唔願意做chain store,嫌限制多。」

近年I.T由每更返十小時變成九小時,每逢換季,總公司便調派寫字樓同事落貨拆箱,請兼職幫手執頭執尾。

「八十後是拳手,身邊有其他人斟茶遞水,他們專心打就夠。」

當佢係朋友

王利民是康宏理財主席,千三名員工有六成是八十後大學畢業生。當理財顧問要出外見客,他要求男同事穿恤衫西褲打呔,不能染髮。

「我一辣更(巡辦公室),每次都有成打八十後無打呔,一見我即由後門逃走。」採訪當日我們更發現有男職員穿牛仔褲波鞋,還戴鑽石耳環。

「以前在升降機內碰到沒打呔的,我會說:『不如送條呔俾你!』但近年八十後員工愈來愈多,成『車立』人都無打呔,你可以送得幾多條?我們一代認為理財顧問形象要專業,但他們覺得有實力就足夠,毋須太多包裝。」

去年他妥協,在公司貼通告:「為響應環保減碳,以後可以不打呔。」

唯獨染髮太似飛仔,他接受不了,婉轉規勸:「嘩你唔好曬咁多太陽喇!你啲頭髮曬到黃晒,快啲做treatment啦!」

六七十後分上下尊卑,擺老細款沒問題;但八十後愛直接溝通。

「覺得自己表現好的,會主動問我幾時加人工;辭職一定會講真實原因,完全唔修飾。明刀明槍你唔使估估吓!」

王利民說,要跟新一代合作無間,最緊要make friends。他們公司有個由員工普選產生的Fun Club,一年搞幾次活動。annual dinner請啱嘴型的農夫、森美小儀表演;運動會八十後嫌悶,近年轉搞水著競技比賽。去年哈囉喂還搵o靚模做嘉賓,又搞時裝設計比賽,由設計同事做埋 model行catwalk。

他的Facebook內千幾個朋友,大部分是他的員工。「一句『灰爆』,你就知他做唔到生意,特登見面好有戒心,咪俾個『十卜』(support)佢囉!」

他鼓勵主管進行家訪。「有病就買碗粥去探病,跟新同事的父母講解下我們的工作,讓他們放心交個仔俾我。」

六七十後規行矩步,八十後天馬行空。內部文件寫火星文:ching、十卜、窄窄哋、好削。「升呢的相反是什麼?是墮呢。」下屬反教他潮語。

「你可以說他們無規矩,也可以說創意無限,有個女同事鍾意畫畫,每年也設計月曆送給她的客戶。」

八十後被批評無人生目標,王利民說他三十歲才知道自己要什麼,九八年加入康宏創業,今年四十三歲才確立事業。

「大部分人二十幾歲都係發緊夢o架啦,八十後沒目標,因為根本不需要目標,屋企又唔等住佢開飯。」

「你俾個目標佢,好似打機咁,儲夠點就過關,若果對工作有興趣,自然會衝。」

做埋人阿媽

鴻福堂集團執行董事司徒永富認為社會對八十後標籤不公。「成日話八十後逃避現實,遇上困難係人都逃避o架啦!不過佢哋入世未深,遇上挫折不識找出路,做大人應該幫幫佢。」

鴻福堂約一千人,佔六成是八十後。他們有條24小時服務熱線,給有情緒困擾的員工提供心理輔導。「既然他們不懂找出路,我們便要給多點支援。」

公司前線員工都是八十後,起初他以為年輕貌美,放在地鐵沿線分店最能吸引客人,誰料人流太多服務態度差,被客人用粗口鬧,八十後紛紛辭職。近年改行家長式管治,負責屋苑分店的年長店員調去地鐵分店。「搵個阿媽坐鎮,由阿媽負責團結及安撫。」

司徒永富就是眾人媽打,每月拍一段「拉登片」講人生道理,再燒成DVD派發給前線員工。公司每月開早餐會,每次十個員工抽籤出席,讓他們大發偉論。

「六七十後虛偽,八十後坦率。他們提議彈性上班時間,九至十時內返到公司都不算遲到,又希望食飯有一小時,都是好合理的要求,只是上一代人又要養家又要供樓唔敢講啫!」

兼任樹仁大學工商管理系系主任和副教授的司徒永富說,八十後變成小孩子,都因六十後家長太保護。

「我小五時因老師一句地底泥,拉住十個同學轉校,至開學前一日才通知父母。而家八十後多受父母保護,每年收生面試,一百個人在課室有一半是家長;open day介紹課程,只有家長來,學生無到。」

「我的學生每年要到企業實習。有次有個學生跟上司入房開會,上司示意他去拿紙張,他竟在影印機印了十張紙出來,他無諗過影印機有櫃桶裝紙。」

「我問公司可以怎樣提升銷售額,同事次次都話加價;跟同學傾營銷策略,唔理賣咩,條橋一定是網上銷售,阿婆點會識上網買嘢呀?」

司徒永富相信,人應該一代比一代聰明。

「我個秘書都是八十後。我有個習慣,放工時會去報紙架取一份報紙回家,她發現後每日五點前幫我整理一份放在枱上,以往無一個秘書識咁做o架!」

壹點意見

一人行一步

早前痛罵中大碩士梁健鵬的獵頭公司董事總經理張慧敏也認同,八十後的缺點源於父母太保護,變成了娃娃。

「有大學生去見工,帶埋阿媽上去,還要一齊入房見。阿媽唔肯,兩個在接待處拉扯,職員以為打交便叫保安;某食肆連鎖店請八十後做management trainee,首天上班要學洗廁所。翌日阿爸上總公司投訴:『我個仔大學畢業要洗廁所?信唔信我去勞工處告你?』」

她說好多大企業已講明不會聘用剛畢業的碩士生,怕他們無經驗又自視過高。近幾年新一代和僱主難配對,她一方面出席大學職業輔導講座,另一方面到不同企業,講解管理八十後的方法,希望拉近距離。

「做上司要讓下屬覺得你凡事為他好,遇到情緒低落,例如同男朋友鬧交,你要跟她傾心事。此外上司亦要用行動證明能力。例如有保險公司主管遇到下屬不信 cold call 可行,那主管就在他面前用cold call完成一張保單。只要他們服你,自然讓你管,一人行一步,世界才有彎轉。」


PermaLink: https://articles.zkiz.com/?id=22922

八十後搞科研自製狗糧

2011-3-31  NM




香港工廠買少見少,僅二十八歲的 董必成(Ronald)和二十六歲的林廷鋒(Gary)卻深信「香港製造」有優勢,投資數百萬元自設生產線,瞄準數十萬狗主口袋,推出唯一本地生產的狗糧 「鮮寶」。

由科研到設廠,再將產品推出市場,才發現創業不如買樓投資般輕鬆,用一年搞掂配方研製、生產技術、宣傳策略等問題,上月賺逾十萬。

「送狗糧,三十磅裝活力配方,盛惠六百八十元。」已經是晚上十點,「鮮寶」的員工依然送貨上門。狗主胡先生倒出狗糧,三隻查爾斯狗即撲上來大快朵頤。胡生 笑說:「之前食其他狗糧幾隻狗仔無咁生猛,轉食呢個活力配方後,真係活躍咗好多,上網睇過,知道佢喺香港生產,肯定新鮮,會有信心啲。」胡先生去年十一月 試用「鮮寶」派出的試食裝後成為熟客。

人類可食用狗糧

「香港的狗糧一般來自歐美,運送時間加倉存,往往超過半年,新鮮極都有限,我哋就係想主打新鮮港產,而且使用人類食用級數肉類製造的狗糧。」說着Gary 將一粒狗糧放入口中試食。自小是狗癡的Ronald,眼見市面上的歐美狗糧,未必適合香港活動空間較小的狗仔食用,兩年前一句戲言想自己生產狗糧,沒想到 死黨Gary卻很認真,找來統計處數據研究,發現至二○○五年全港登記狗隻數量達三十三萬,還有未登記的,總數估計逾四十萬。面對龐大市場兩人認為「有得 諗」,遂將原本儲來買樓的積蓄,轉投本地狗糧市場創一番事業。

兩人因應個性和強項分工,性格較圓滑、隨和的Ronald主力對外聯絡及推廣,銷售電子工程師出身的Gary則專注配方研究及生產。與理大現代中藥研究所 合作近一年,經過近百項測試,終於得到以鮮肉為原材料,加入蟲草、紅棗、山楂等草本元素的「抗敏」、「活力」兩種配方。

押機器借二百萬

去年四月,兩人在大埔租設萬呎工場,投資百多萬元添置機器。他們又按照原定融資計劃,向銀行申請貸款,「剛剛起步,我哋品牌未做起,香港又無人做過狗糧, 而且銀行都嫌我哋太後生,唔肯借。」Ronald唯有拿着計劃書與機器作抵押逐家叩門,結果成功游說星展銀行批出逾二百萬元借貸。

Ronald忙着融資,Gary則為了獲得優良狗糧配方張羅,「我哋初時淨係有選用鮮肉作為原材料的想法,並針對香港狗仔經常有過敏問題,主打抗敏和活力 功效。」Gary帶着計劃書聯絡各大學的企業合作處,「搵過港大、中大、浸大,最後只有理大的教授有興趣,並建議加入中藥來達到抗敏功效,之後所有試驗都 由理大授權的現代中藥研究所完成。」經過第一輪洽談,兩人就知必超預算,「每個配方,佢哋會提供二十種中藥俾我哋,我哋從中篩選出十種常見、易採購的中 藥,組合出近百種實驗配方,再逐項組合進行實驗。」最後選出兩種配方,首階段埋單百五萬。

經過四個月測試,「鮮寶」狗糧去年八月正式出售,Ronald決定自設車隊,用直銷送貨取代開零售店,「香港做生意最惡搞係鋪租,但勝在交通方便,我哋網 上收訂單直接送貨,成本慳好多。」不設門市,就要集中宣傳力度,主修市場學的Ronald認為,最重要先讓人知道香港有本土生產狗糧,「好似寶路,廣告賣 到人人識,我初時想有樣學樣,輪流在報紙、雜誌賣廣告一個月,但實際回報卻不大,每日都只得幾個電話查詢。」

硬銷失敗,Ronald改以填問卷獲贈試食裝來吸引狗主,「我哋每隔一個星期就會喺銅鑼灣、旺角等人流多的地方派sample,一公斤裝每次都派三、四百 個。」但很快又發現,收集回來的問卷,十個有七個是假電話,於是又改為在報紙刊登優惠券,吸引狗主來電。Ronald表示,目前逾一千個固定客戶當中,七 成是試用過試食裝後繼續幫襯。

除了直銷,「鮮寶」亦會以七五折的批發價供貨到寵物店,但只佔生意額一成,「始終會更專注直銷,又可以接觸到顧客,聽取意見。例如有客人反映隻狗食開重口 味,唔多鍾意味道較淡嘅鮮寶,我哋就想到在生產最後環節加噴金『魚倉』魚油來增加香味。」Gary表示,顧客意見有助改良產品。

兩條生產線每日最多可生產兩噸狗糧,目前達四分一約半噸,不過單單凍肉就用上一噸。「鮮寶」在第三個月達收支平衡,聖誕、新年旺季更有逾十萬盈利,但肉價 及人民幣匯率急升,卻對成本構成巨大壓力,「從舊年開始生產到依家,肉價起碼升咗四成,人民幣升值都超預期,我哋嘅純利由原來的四成變到得三成。」 Gary為此又推出雞腎、雞肉及番薯三款毛利可達八成半的小食。

Ronald和Gary是中一認識的死黨,但兩人性格極端,「自細就經常嗌交,但轉過頭就無事,咁先做得到朋友。」對待生意,兩人分工明確,目標一致,就 連回想創立品牌初期,他們都異口同聲自認「戇居」,「用呢筆錢買樓投資輕鬆好多。」

Ronald和Gary各佔百分之七十五和二十五股份。大股東Ronald本來在家族經營的明彩印刷公司任銷售經理,他指公司每年生意額逾數十億元,今次 科研投資亦得到家人支持超過一半。而Gary則是全副身家投入,「讀中學同地產公司派傳單,人哋計時薪,我會自薦收貴啲派一棟,儲埋幾間一次過攝入住宅, 每個月搵到兩萬蚊;到中五貪得意輟學到台灣賣珍珠,我未到廿歲,戶口就有近廿萬元啦。」Gary對自己從小有生意頭腦頗為自豪。在上海大學主修行政管理, 副修動物營養學的他,畢業後卻去任職銷售電子工程師,從中取得有關知識外,更兩年儲得六十萬。不過迄今為止,Gary投資這門生意已超過八十萬,盡地一煲 皆因他對前景充滿信心,「我哋最近已經推出『漢堡狗糧』,節省風乾或脫水成本,味道和營養保留更好,價錢卻與乾糧相若,準備主攻本地市場。」Ronald 則補充,「我哋仲申請緊CEPA,預計五月可以進軍內地。」二人一人一句,說出發展大方向,期望三至五年回本。

大學科研合作

想仿效Ronald和Gary以科研創業,可嘗試與各大學合作。以理工大學為例,企業合作處總監楊孟璋稱,處方會因應投資者要求推薦合適教授參與研究,費 用包括研究員薪酬、材料及實驗室等,分階段支付,但投資者須承擔研究失敗風險。

壹點意見

香港狗會寵物護理講師黎基裘

1. 標榜以鮮肉為原材料的香港製造狗糧,夠新鮮,夠吸引。

2. 目前只有兩種配方,營養成分不能滿足不同年齡及體形的狗隻需要,例如1歲以下狗隻需要較高蛋白質。

3. 產品只通過大學研究所試驗欠公信力,建議申請香港認可處的品質驗證。

4. 將狗糧原材料來源及營養成分向獸醫推介,爭取其專業推廣。

5. 多參加狗展,方便接觸狗主消費者作交流及推廣。

開業資料(2010/8)

#租金:$135,000

裝修:$500,000

器材:$1,200,000

入貨:$100,000

總投資:$1,935,000

# 2個月按金,1個月上期

營業資料(2011/1)

營業額:$500,000

租金:$45,000

入貨:$220,000

▲人工:$80,000

雜費及運輸:$40,000

盈利:$115,000

▲6名全職員工


PermaLink: https://articles.zkiz.com/?id=23659

鐵人富豪 八十歲照樣海上長泳

2011-4-11 TCM




富比世》(Forbes)今年的 全球富豪排行榜,長春集團董事長林書鴻上榜了,這位低調的董事長第一次讓外界看到他驚人的實力。但他真正驚人還不只是雄厚的財力,他的體力與鬥志,更可堪稱台灣企業界的第一「鐵人」。

二○○八年,台塑集團創辦人王永慶過世,林書鴻在參加王永慶追思會時,意外被朋友發現他兩手的手臂脫皮了。

原來,林書鴻長年到新北市的金山、萬里的外海來回長泳,一游就是一、兩個小時,所以手臂被太陽曬到脫皮了。生肖小王永慶一輪,一樣是屬龍的林書鴻,這一年已是八十歲高齡了,但體力與耐力驚人。

天天工作,過年也待工廠

林書鴻第二個喜愛的運動,竟然是需要消耗大量體力與速度的羽毛球,至於一般企業家把高爾夫當運動,林書鴻認為太慢太浪費時間。

除了有鐵人般的運動嗜好,林書鴻是全年無休,週一到週五他一定是最早到辦公室、最晚一個離開,遇到週末不上班,林書鴻就看工廠。就連農曆新年,台北放假, 他就跑到工廠過年,初一到初五,一天一個從苗栗看到高雄。到了工廠,林書鴻戴上安全帽,一手就持著一根長木棍,一下爬到最少五層樓高的石化廠頂上,又一下 鑽進了高溫的生產線中,一趟下來又是一、兩小時,既費體力又要耐住高溫炎熱;別的石化廠董事長早已不進工廠了,但林書鴻半世紀來始終不間斷。就是這樣的鐵 人個性,林書鴻把長春集團經營為台灣獨特的石化集團,有許多產品是科技業使用的高毛利特用化學品,例如台積電、聯電等,因此長春集團一直是台灣未上市公司 的獲利王之一。

林書鴻家族早在日據時代就是富甲一方,是北台灣重量級的望族,家族出過國民黨來台初期的省議員、省府委員等等要職。這樣的背景,讓林書鴻勤奮節儉的個性更 加突出與難得,所以長春集團不上市、也很少舉債,土地資產驚人,在台北市北投有上萬坪土地,但長春就是不願意開發。十六億美元的身價,對於林書鴻來說,意 義並不大。

若不是《富比世》這份名單,外界可能沒想到有這樣一位富豪和他背後的鐵人精神。


PermaLink: https://articles.zkiz.com/?id=23910

Next Page

ZKIZ Archives @ 2019