ZKIZ Archives


【馬鞍山上畫】鄭子誠無陰謀義助 編導仔捱十年拍長片即得獎

1 : GS(14)@2016-12-07 07:41:53

鄭子誠和《玩謝大師》的導演藍兆基已多次合作,坦言自己十分享受,也獲益良多。(劇照)



曾聽過女性朋友說:「而家搵錢少唔緊要,最緊要有條清楚嘅career path,支持你追夢呀!」大佬,夢想本應天馬行空,有路可循的話還何來浪漫?好像導演藍兆基(Eric),修讀設計的他畢業後參加職業訓練局的編導訓練班,雖然立志當編導,但卻有感由低做起發揮空間不足,十二年來都是以freelance拍片作職業。記者問以「唔依正路、自拍十年」介紹是否恰當,他雖然自嘲「可能人哋正路唔要我箒」,但就十分慶幸這條自拍之路總是遇到貴人,助他拍攝完首套長片《玩謝大師》,電影將於12月9日至11日在馬鞍山戲院上映五場。呢條career path成唔成功,Eric自己都話未知,條路點走落去?入戲院睇完戲先再算,有目標,但無道路,夢想本是如此。



Eric完成訓練班後不想由助手做起,「嗰時覺得拍片做細會俾人恰、俾人點,而家睇番唔係咁誇張嘅,但冇乜創作自由。」於是和幾位志同道合朋友一起於突破少年機構成立了「116影室」,幫忙拍一些網絡短片,間中接拍廣告。當年同志有如十個救火的少年,一個個離開,剩下攝影師、化妝師和Eric三人,但卻累積了不少緣份,例如2013年他和突破的朋友講開拍長片的計劃,機構開過會後主動贊助他30萬。而經朋友介紹的鄭子誠也仗義相助,只收取車馬費飾演其中一角。子誠記得已和Eric合作過三、四次,很享受拍攝獨立電影,感覺和流水賬形式拍攝的大台劇集很不同,「我睇到佢眼入面有團火,喺佢嘅電影同世界入面,係冇嘢完成唔到。」他覺得專業團隊當然比較熟手,但有時也太過計算,「我哋做唔做一件事之前,好多時會先計付出同收穫成唔成正比,但佢哋唔同,例如會用好多時間去set場,但可能喺套戲出得幾秒。」有時Eric的要求甚至連子誠都估不到,《玩謝大師》其中一幕是要子誠用鞭不斷揮打對手,他就說從未做過這麼激烈的動作場面。享受參與獨立電影,除了幫到後輩,子誠亦坦言自己從中獲益良多。有想不到的幫助,也有料不到的困難。電影2013年已拍完,但一直苦無機會上畫。找大院線被當人球,推廣部駁去市場部,市場部又駁去發行部,最後石沉大海;偶有回覆但條件卻極不理想,例如只排到閒日早上11時半前的檔期。反而是馬鞍山戲院夠人情味,早前幫他們舉辦了一場試映場後,便決定正式上畫。不設網上售票、准許客人攜帶外來食物進場……馬鞍山戲院的別具一格近年在網絡也有廣傳。人稱「鮑Sir」的老闆鮑文範在戲院業做了數十年,電話訪問過中他表示並不是特別優待年輕人或獨立電影,「唔識佢哋,亦冇睇過套戲,但電影有准映證又有檔期咪播囉。」但對Eric的團隊來說,一視同仁、正面回應已是最大的幫助。電影主角是三個電影系學生,劇情講述他們覺得電影界很多人守舊,做final year project時得知學校有四位知名導演會來到,就想趁機假裝殺死他們,拍一套80分鐘死亡直播。很明顯的世代鬥爭主題,但Eric卻無意偏坦任何一方,「我覺得唔同generation嘅人一定會鬥,必然嘅,但鬥未必唔好,有時會令兩邊一齊進步,最怕係成個世界偏向其中一邊。」他希望年輕人和獨立電影同好可以一路鬥下去,正如這電影也是得到投資資金、台前幕後參與人員、院線眾多幫忙才能上畫,肯鬥就一定會有機會。《玩謝大師》導演、編導:藍兆基演員:陸俊賢、鄭子誠、劉以達上映日期:12月9日、10、11日(暫映五場)院線:馬鞍山戲院
facebook:電影-玩謝大師 Final project記者:司徒港燊攝影:鄧鴻欣、王國輝


2013年完工後雖未能上畫,但團隊多次參與外國影展,曾獲洛杉磯Horror Hotel Film Festival最佳外語片及觀眾票選獎。

藍兆基指不清楚從未以正路入行是好是壞,但就感激很多朋友也是在獨立創作時認識。

演員陸俊賢帶記者回到拍攝場地,其實電影大部份場景都是在青年宿舍中取景。



來源: http://hk.apple.nextmedia.com/su ... t/20161206/19856156
PermaLink: https://articles.zkiz.com/?id=318544

Next Page

ZKIZ Archives @ 2019