ZKIZ Archives


立論:另類分析顯示金隅抽得過 林少陽


2009-07-15  AppleDaily





 

近 日的股市,就像一位剛墮進愛海患得患失的少年,前日以為情人離我而去鬱結難解,昨日起床收到美利堅惠特妮小姐兩句美言,便頓時回復神采飛揚心情靚絕,飛身 入市亦忘記望價錢牌。天氣可以時晴時雨,然而除非已到《明日之後》,否則不大可能氣溫會突然由30幾度急降至零度以下。昨日市場突然熱情高漲氣溫急升,提 醒我們現時仍身處盛夏,過去一個多月以來的橫行,只不過是盛夏中的下雨季節。周一跌市中場插曲,是旁聽北京金隅(2009)上市推介。經紀已事先張揚,表 明縱有餅仔派,都未必夠買半粒糖,仍然捧場不是貪四季吃不飽的三文治上那幾粒魚子醬,亦非特登夾在兩位外籍大隻佬中間,以顯自己身材恰到好處,而是想親身 感受市場氣氛。

遊戲一場無傷大雅

金隅是否抽得過?單看當天的排場,答案已寫在額頭上,只是抽獎得失上下不超過一餐茶錢,遊戲 一場無傷大雅。相信科學邏輯與數據的,可能會覺得以上推論太兒戲。抽新股,本來就是很兒戲。不是嗎:接近一千頁的招股章程,可以在三兩日之內消化得完,已 經是一個奇蹟,還要反覆求證,非有連續兩個奇蹟不能完成任務。嚴守監管機構「先求知,後投資」呼籲的,很難來得及落手買新股。又不是完全沒有數據可依。招 股後市價對賬面值1.6倍,10鬆倍PE的中資水泥股不算貴,仲要中國國投的入股價跟你一樣。最弊的地方只是一切太明顯。飯後回來,報價機內顯示的是另一 個光景。你問我那種感覺較真實,我還是認為現場實景,點比都比虛擬世界真實。然而,熱戀中的少年,一時之間未必分得清真與假。林少陽以立投資管理投資總監
 



立論 另類 分析 顯示 金隅 隅抽 抽得 得過 少陽
PermaLink: https://articles.zkiz.com/?id=9676

唔使樓神 陳啟宗好抽得

2013-11-07  NM
 
 

 

恆隆地產(101)主席陳啟宗(Ronnie)講嘢一向招積。早前賣陳年貨尾盤浪澄灣,一招先到先得,成功引來一班南亞裔排隊黨,免費為樓盤宣傳。埋門改番做抽籤,一樣賣個滿堂紅。本週一,小宗見到成件事嘅「幕後黑手」Ronnie,梗係要向呢位新「樓神」請教嚇。點知佢笑騎騎,使出一招過橋抽板:「銷情幾好,嗰啲有問題嘅嘢(南亞裔排隊黨),最好少啲啦。」

以為佢收斂咗,咁又錯喎。近期人人話樓價必跌,Ronnie就話連下星期賣樓賣成點都唔知,出年更加唔敢講,「實在佩服現時部分基金經理夠膽為未來樓價作預測,講到天花龍鳳,咪滿街眼鏡玻璃囉。」譁,班芬佬真係躺著也中槍。佢仲將自己嘅七年貨尾盤,同純官嘅樓花盤The Austin拉埋嚟講,話人哋係豪宅,佢個浪澄灣都係豪宅,只係相差一個地鐵站,但有海景咁話。水,真係可以無限抽囉。話時話,恆隆負責賣樓嘅吳士元走咗三年,低一級嘅司徒永康今年四月又走埋,搞到近期賣樓都只係得大公關關則輝出嚟見人。Ronnie早啲請番個樓神,咪唔使親自出馬,左抽右抽囉。不過,Ronnie一向出名「難啃」,唔知邊個夠膽接受挑戰呢,又。

Give me a break中環靚湯速遞大測試

秋風起,天氣乾燥,最好飲碗老火湯滋潤嚇,尤其係日日對住股票機,鬼咁躁嘅金融佬。中環食晏,人多,趕時間,好在不少湯水公司都有送上門服務。小宗搵埋金利豐研究部執行董事黃德幾(Dickie),測試嚇中上環區三間熱門外賣湯水店嘅水準。講好中午十二點送到,結果無間準時。最先到嘅「中國湯」,都已遲到廿分鐘。用密封膠袋載住嘅花旗參老黃瓜馬蹄響螺煲豬湯,盛惠五十蚊,倒出來有兩碗分量。無湯渣,味道夠濃、足料,但略嫌花旗參味太搶,最致命嘅係太油, Dickie飲到皺晒眉:「好似未隔過油咁,我見到都唔想飲,莫講話啲 OL。」
五分鐘後,「靚湯工房」送到。瑤柱螺片木瓜雪耳無花果南北杏蘋果豬


【蘋果擂台】建築界二缺一 邊個最抽得?

1 : GS(14)@2016-09-02 05:29:09

立法會建築、測量、都市規劃及園境界功能組別選舉今年三雄鼎立,兩名挑戰者候選人姚松炎及林雲峯出席《蘋果》擂台時,均表明反對梁振英連任,並異口同聲支持「財爺」曾俊華選特首。林雲峯被質疑過去立法會選舉多次轉軚,又為參選「簽住確認書先」,他反駁指過去議員做得不夠好他才披甲上陣,強調自己是不「被祝福」的候選人,絕非擦鞋仔及保皇黨。記者:鍾雅宜今年此界別新增「園境界」,令選民較4年前增8%至約7,345人,由泛民候選人姚松炎及全國政協林雲峯夾擊競逐連任的謝偉銓,《蘋果》擂台邀請3人同場較量,惟謝偉銓因事未能出席。姚及林先從梁振英及曾鈺成等5名熱門特首候選人中揀選心水,二人都反對梁振英連任。姚認為梁振英涉及UGL案及僭建事件等均懸而未決,甚至「製造」港獨;林則指梁振英「行李門」事件為難了機場人員,連累政治中立的公務員為他解畫。至於心水特首人選,二人均支持曾俊華,林雲峯認為他似較明白香港人的獅子山精神;姚松炎亦指他較願意為港人發聲,但在普選、簽署確認書等事上則無為港人爭取;另一熱門人選政務司司長林鄭月娥,林認為可考慮,姚則表明不支持她,因她遇上重大政治事件均無承擔責任。本身是全國政協的林雲峯多次強調自己「不左不右亦非中間派,只代表專業」,但他承認早前曾與中聯辦會面並討論參選一事,「我唔係被祝福嗰位,(有冇被勸退?)有人叫我考慮係咪出選,我自己堅決覺得係時候。」有指北京政協呼籲港區委員在專業界別投愛國愛港候選人,謝偉銓盛傳被力撐,林指不覺自己勢危,「咁就更好,令人唔覺得我係全國政協就一定係擦鞋仔、保皇黨。」姚松炎在自由辯論時質疑林雲峯轉軚,如曾替前建築測量界議員劉秀成助選的他,其後倒戈支持謝偉銓,今屆又與謝對撼,林雲峯指因過去兩任議員做得不足,如保育皇后碼頭,「我都幾失望,因為當年個議員(劉秀成)喺皇后碼頭(投票)時走咗去,業界係強烈要求保育碼頭。」而謝偉銓聆聽業界聲音做得不夠,「佢做得夠就唔使我自己披甲上陣啦。」姚松炎亦質疑林雲峯聲稱反對簽署確認書,「你話反對,但又話時間唔夠所以簽住先」,指若他晉身立法會,「若法案不夠時間(討論),政府話贊成住先,你係咪又會遲啲先跟進?」林重申政府需為確認書法理基礎作解釋。在大學任教多年的姚松炎被指活在「象牙塔」欠實戰經驗,比同樣是測量界的謝偉銓輸蝕。姚回應稱,學者與業界時有互動,謝僅從事其中一個界別的測量師,而其學術研究涵蓋多個範疇。論壇足本版可瀏覽此網頁:http://goo.gl/51JkWb




來源: http://hk.apple.nextmedia.com/news/art/20160902/19757806

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019