ZKIZ Archives


陳茵媺李施嬅做姊妹戚黛黛嫁副機師 古堡行禮

1 : GS(14)@2016-08-07 02:13:42

■戚黛黛與副機師男友Calvin,已定於下月13日在意大利古堡內結婚。


現年34歲的戚黛黛與比她年輕兩年的副機師男友Calvin拍拖3年多,今年5月男友在峇里沙灘上求婚,黛黛一口答應。黛黛前晚在電話中透露已定於下月13日在意大利一座古堡行禮,並邀請約80名親友出席。除意大利外,亦會在多倫多及香港擺酒,而其妹將擔任伴娘,姊妹團則有陳茵媺、曹敏莉、朱凱婷、張嘉兒、李施嬅及張紫櫻(車車)等。



■好姊妹陳茵媺、朱凱婷、李施嬅、張嘉兒等將做姊妹,陪黛黛出嫁。

■自言最怕熱的黛黛,大部份的結婚相都安排在室內拍攝。

■黛黛與未婚夫Calvin有共識,婚後過半年二人世界,之後便努力造人。



三地擺喜酒

黛黛回應婚禮安排時說:「嘉兒就快(下月)生BB,所以唔會飛去意大利,但我都有邀請佢做姊妹。因為未婚夫父母喺多倫多,遲啲仲會喺香港同多倫多補擺喜酒,同一時間搞三地wedding,行程都幾緊密。」問到心情是否很緊張?她說:「開始有啲,得番個幾月,因為未婚夫比較忙,通常我揀完ABC畀佢決定,冇鬧過交,大家磨合得好好。」



心急想造人

黛黛直言心急造人,問是否奉子成婚?她笑住否認:「有都係肚腩,我同未婚夫商量過,原本都諗住想快啲生,因為我年紀都差唔多嘞,但唔係話有就即刻可以生,所以諗諗吓又想過一陣二人世界先,頭半年至一年盡量過二人世界,之後就順其自然。」一對準新人早前影婚紗相,除有黛黛至愛的cupcake背景外,還有去國泰城影飛機,以配合Calvin副機師的型仔look,但主景仍在影樓內拍韓風婚照,她解釋:「好耐之前已經想影韓國style婚紗相,但我哋又唔想出埠影,咁啱搵到個贊助有韓風studio,我份人最怕熱,如果出街影我諗一定會癲咗同黑面。」結果黛黛合共影了8個不同造型,在攝影師半推半就下,只有一套衫出戶外拍攝。問有否刻意減肥?她笑說:「都唔係只係影婚紗相嘞,結婚都要減肥,呢個行動keep住做緊,都OK弗咗啦!」採訪:嵐山





來源: http://hk.apple.nextmedia.com/entertainment/art/20160806/19724591
陳茵 茵媺 媺李 李施 施嬅 嬅做 姊妹 戚黛 黛黛 黛嫁 嫁副 機師 古堡 行禮
PermaLink: https://articles.zkiz.com/?id=304687

戚黛黛入紙港註冊

1 : GS(14)@2016-08-16 06:28:09

戚黛黛於下月13日在意大利古堡跟拍拖3年的副機師男友Calvin舉行婚禮,黛黛邀請了一班圈中好姊妹陳茵媺、曹敏莉、朱凱婷、張嘉兒、李施嬅及張紫櫻(車車),飛到當地觀禮,之後返港和到多倫多補擺喜酒。昨日本報發現黛黛和男友Calvin在香港入紙註冊,本報致電黛黛求證,在加拿大出生的她,稱自己是香港人:「本來係有諗過喺意大利註冊,不過手續太繁複,要去第一個城市申請,但係又唔一定批,又驚等唔到,太大risk,所以唔博,男朋友本身係加拿大籍,但係我哋趕唔切返去,我喺加拿大出世,但我喺香港長大,身份證有三粒星,所以喺香港註冊都冇問題。」採訪:非非




來源: http://hk.apple.nextmedia.com/entertainment/art/20160816/19737564
戚黛 黛黛 黛入 入紙 紙港 註冊
PermaLink: https://articles.zkiz.com/?id=306104

戚黛黛出閣 下周意國行禮

1 : GS(14)@2016-09-10 13:54:38

■戚黛黛昨與老公舉行接新娘儀式。



現年34歲的03年港姐季軍戚黛黛,下周二將與拍拖三年副機師老公Calvin在意大利古堡舉行婚禮。原來戚黛黛昨日在港舉行接新娘儀式,好姊妹李施嬅及曹敏莉等均有出席。戚黛黛昨在電話中表示已與Calvin註冊,昨日純粹接新娘儀式,她說:「其實爹哋媽咪想我哋喺香港接新娘,所以我哋喺香港搞,跟住先過去意大利行禮。」她又謂:「我哋喺屋企進行,我冇喊到,但好開心,大家儍吓儍吓,唔知下一步做乜。我哋主要玩新郎兄弟,主題圍繞我鍾意嘅熊貓、蝴蝶結同cupcake。我老公唔識中文,要拼音,讀愛的宣言嘅時候好搞笑。」採訪:魯吉




來源: http://hk.apple.nextmedia.com/entertainment/art/20160910/19766298
戚黛 黛黛 出閣 下周 意國 行禮
PermaLink: https://articles.zkiz.com/?id=308495

【馮仁昭四圍超】朱凱婷見證意國婚禮戚黛黛High爆古堡

1 : GS(14)@2016-09-17 16:15:48

■戚黛黛同老公喺意大利舉行結婚派對,跳第一支舞。





戚黛黛喺香港時間前晚10點於意大利一個小城嘅古堡,同細佢兩年嘅副機師男友楊智龍(Calvin)舉行浪漫意國婚禮,圈中姊妹只有朱凱婷同張紫櫻(車車)出席,車車仲話自己強搶到個花球,佢似乎好恨嫁喎!



■朱凱婷(左)話行禮嗰時停咗雨,仲有太陽㖭。

■朱凱婷同車車專程去意大利送好友戚黛黛出嫁。


忍唔住眼濕濕

據知婚禮現場大約有八十名來自世界各地包括中、美、英、法、日、加同香港嘅親朋戚友,一齊見證黛黛同Calvin最美一刻!黛黛噚晚接受電話訪問表示:「噚日幾開心,但有少少狼狽,因為突然落大雨,行禮喺室外,喺裏面等咗一陣影相,之後停咗雨,好在只係延遲咗少少,爸爸同舅父夾band,我哋唱歌,感覺好溫馨,我同老公多謝大家時忍唔住眼濕濕。」姊妹朱凱婷接受訪問時話:「喺婚禮上面,證婚人仲講咗個好感動嘅古仔,叫佢哋要互相愛對方,話無論結咗婚幾多年,都要當自己係一個lover咁樣,keep住愛火!」朱凱婷形容黛黛同Calvin全程都好開心、好high,一對新人之後開派對,跳first dance之外,又同爸爸跳舞。撰文:馮仁昭




來源: http://hk.apple.nextmedia.com/entertainment/art/20160915/19770836
馮仁 仁昭 四圍 朱凱 見證 意國 婚禮 戚黛 黛黛 High 古堡
PermaLink: https://articles.zkiz.com/?id=309248

戚黛黛擺酒 勁請亞視人

1 : GS(14)@2016-09-27 08:02:22

戚黛黛同副機師老公Calvin昨日喺尖沙咀朗廷酒店擺酒,除咗一眾港姐好友之外,曾經喺亞視工作過嘅戚黛黛仲請埋一大班亞視之友嚟飲佢餐喜酒。嘉賓包括「亞視一哥」劉錫賢、林韋辰同啱啱加盟大台嘅蔡國威都係座上客,其中蔡國威傷住隻腳都嚟飲,佢喺ig留言:「好兄弟好姐妹好同事好拍檔黛黛嫁啦,梗係跛都要嚟飲啦!」佢仲祝一對新人快啲生B o添!據知之前黛黛都有請威仔去到意大利飲,但因為工作就唔到期去唔到,所以昨日喺香港擺酒,威仔腳受傷都要嚟。婚宴去到晚上大約11點,好多大台藝員都離開,得返一圍亞視藝人仲喺到,黛黛同老公Calvin陪住啲親友影相,大家搭晒膊頭好開心。另外,仲有部份賓客喺到飲下嘢,傾下偈。現場清晒場咁滯,有部份親友喺門口等候。




來源: http://hk.apple.nextmedia.com/entertainment/art/20160927/19783411
戚黛 黛黛 黛擺 擺酒 勁請 亞視
PermaLink: https://articles.zkiz.com/?id=310288

婚宴茵媺嘉兒座上客戚黛黛攞造人貼士

1 : GS(14)@2016-09-28 05:04:28

■03年港姐季軍戚黛黛與副機師老公Calvin前晚在港擺酒,不少無綫藝人到賀。微博圖片



現年34歲的03年港姐季軍戚黛黛,今年5月與拍拖3年多副機師男友楊智龍(Calvin)在峇里訂婚,本月中在意大利古堡舉行浪漫婚禮,一對新人前晚於尖沙嘴朗廷酒店擺酒,劉錫賢、林韋辰、蔡國威、張嘉兒、李施嬅、楊洛婷、陳豪及老婆陳茵媺、朱凱婷和曹敏莉等到賀,亞視前藝人跟無綫小生花旦濟濟一堂。戚黛黛前晚婚宴上貼心招呼賓客,經過一晚休息,她昨日在電話中說:「噚晚好開心,主要邀請去唔到意大利婚宴嘅親友嚟分享我哋喜悅,噚晚冇乜嘢儀式,簡單食餐飯。」戚黛黛表示先享受二人世界,但造人計劃就順其自然,她續說:「我好多姊妹都生晒BB,佢哋group chat都好多生仔貼士,我收集晒備用㗎喇。」



■前亞視藝人劉錫賢打呔執到正出席戚黛黛的婚宴。DV圖片

■婚宴現場的小食及擺設都十分精緻。DV圖片

■戚黛黛本月初在香港出閣,新郎照足傳統接新娘。資料圖片

攬新娘送祝福

坐月中的張嘉兒和再陀B的曹敏莉都有出席,張嘉兒昨在電話中說:「噚晚婚禮好感動,舊年黛黛有飛嚟加拿大參加我婚禮,今年佢結婚我特別有感覺,咁啱我又做媽咪,所以去唔到佢喺意大利搞嘅婚禮,終於等到香港擺酒,可以親自去攬實祝福好姊妹。」問到新手媽咪張嘉兒湊女情況,她說:「第一個星期好唔習慣,未熟悉囡囡脾性,呢個星期掌握好。」張嘉兒希望戚黛黛趕快加入人母行列:「我鼓勵佢快啲生BB,同我哋啲BB一齊玩。」



■蔡國威跛腳都撐着去飲宴,場中碰到友人傾唔停。DV圖片

蔡國威跛都到

蔡國威日前不慎弄傷右腳,他前晚紮着腳出席婚宴,並在Ig留言:「好兄弟好姐妹好同事好拍檔黛黛嫁啦,梗係跛都要嚟飲啦!」前晚11時許,婚宴尾聲,無綫藝員差不多全部離開,只剩亞視昔日藝人不捨留下吹水,戚黛黛夫婦則興奮跟親友影相。採訪:劉敏攝影:梁繼光、朱志聰




來源: http://hk.apple.nextmedia.com/entertainment/art/20160928/19783716
婚宴 茵媺 媺嘉 嘉兒 座上客 戚黛 黛黛 造人 貼士
PermaLink: https://articles.zkiz.com/?id=310433

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019