ZKIZ Archives


中環在線:鄧聲興回應婚外情傳聞「我同老婆分開咗」 李華華

2008-07-24  AppleDaily

近 期股市雖然大反彈,但日日gap up,散戶難玩。中環金融圈啲老友寧願關心八卦新聞多過股市。噚日嘅熱爆話題梗係出名青靚白淨、好識保養皮膚嘅股評人鄧聲興(Kenny)背住結婚十幾年 嘅老婆,大搞婚外情嘅傳聞啦,女友仲係24歲青春無敵嘅財經公關。華華噚日傍晚打電話搵到鄧聲興,之前仲預咗俾佢快快冚線,唔會正面回應。點知佢心情出奇 地靚,話大半年前已經同老婆Angela分開咗,家同財經公關Maggie正式拍拖,就係咁簡單。

期間,鄧聲興講嘢冇口震震,冇哦哦;亦都冇快快收 線,絲毫冇迴避之意。對於有雜誌大爆,鄧聲興幾年前曾經同一位前電視台女記者拍拖,搞過婚外情,佢冇承認亦冇否認,只係承認識佢,已經好多年冇聯絡呢名女 記者。有冇搞婚外情,真係當事人至知。

事實上,散戶或者喺金融圈工作嘅人,唔多唔少都應該識得鄧聲興,佢今年38歲,做咗股評人十幾年,經常喺報紙寫專 欄、上電視台同電台講股,散戶經常問佢攞貼士。基本上,佢份人十分隨和,對傳媒有求必應,又唔講人壞話,與傳媒、同行關係好。財經界唔少人都知佢老婆 Angela係一位小學教師,兩人關係良好,基本上,你傾開偈問吓佢同老婆嘅嘢,佢都會講,冇乜所謂。不過,佢之前就冇同人提過同老婆分開嘅事,無端端因 為性格不合而分開,真係世事難料。電郵:LiWaWa@AppleDaily.com
中環 在線 鄧聲 聲興 回應 婚外情 婚外 傳聞 我同 老婆 分開 華華
PermaLink: https://articles.zkiz.com/?id=1474

官恩娜誕6.7磅混血B「我同老公都好感動」

1 : GS(14)@2015-10-07 01:42:58

■近月Ella全面停工在家養胎,不時在社交網晒大肚相。


現年36歲的官恩娜(Ella)前日在港島區某醫院剖腹誕下6.7磅混血男B,法籍老公Juan-Domingo Maurellet親手為兒子剪臍帶,囝囝改名為Gabriel-Antonio Maurellet。初為人母的Ella心情喜悅,昨日公開囝囝的腳仔相,着住白色BB袍的腳仔長長,腳趾圓渾好可愛。
Ella於今年2月秘嫁細自己3年的法籍醫生Domingo,4月就宣佈已懷胎3個月,大前日傳出Ella的B仔已出世,她即在社交網貼大肚相澄清:「唔知邊個咁大整蠱,四圍同人講我今日生咗!個個打嚟恭喜我!搞到我今日乜都做唔到不停要覆短訊同電話解釋……笑死!」



■前日Ella剖腹誕下6.7磅混血男嬰,昨公開囝囝的腳仔相,指囝囝的手腳最似自己。

■Ella今年2月秘嫁細自己3年的法籍老公,前日老公親自為BB剪臍帶。



「傷口唔痛」

怎知事隔一日,Ella前天已秘密在醫院剖腹生B仔,昨日才透過唱片公司公告喜訊,Ella說:「我同老公都好感動,非常好彩傷口完全唔覺得痛,囝囝暫時未見到似自己定老公,但呢刻BB嘅手手腳腳就比較似我。」問到餵人奶的感覺,她說:「唔知應該點樣形容,但BB非常合作,自己同老公嘅家人都陪住我,覺得好開心,希望囝囝可以健康快樂成長。」同公司的周柏豪透過電話恭喜Ella:「祝Ella同佢老公、BB健康開心快樂咁生活,知道BB剛剛出世,係一件非常開心幸福嘅事,大家都戥佢哋一家人高興。」連詩雅則叮囑Ella:「休息多啲,辛苦晒,恭喜晒,希望小朋友肥肥白白健健康康。」此外,台灣樂團蘇打綠鼓手小威(史俊威)亦榮升父親,前晚小威在微博上載與太太Sunny抱住初生男B照片,並報喜:「Sean,感謝上帝帶你來到我們生命中,爸爸媽媽永遠愛你。」太太也開心表示:「有你這個小情人陪我,一切都值得了!也謝謝爸爸的陪伴。」採訪:皓騫



■Ella產前不時游水做運動,另有進修法語。資料圖片

■蘇打綠的小威榮升父親,前日在社交網公告喜訊。微博圖片



來源: http://hk.apple.nextmedia.com/entertainment/art/20151006/19321860
官恩 恩娜 娜誕 6.7 混血 我同 老公 好感
PermaLink: https://articles.zkiz.com/?id=292773

【你幫我同佢講...】林日曦元秋傳話人OO由繙譯榮升Producer

1 : GS(14)@2016-11-11 08:10:34

OO全名Viola,o依家唔做繙譯,轉行做公務員,喺首爾公營電台做英文節目監製。



【尋找首爾的香港】「OO...OO...OO...」一個林日曦曾經不停嗌嘅名字,一個站於林日曦同「政壇元秋」蔣麗芸之間嘅中間人,一個用廣東話譯廣東話嘅繙譯員,全名Viola!Viola係韓國人妻,三年前跟老公搬去韓國定居,花年半時間精通韓語。最近,Viola唔譯廣東話,改行做公務員,喺首爾TBS公營電台做英文節目監製(Producer)。
Viola做公務員唔係為咗高薪厚職求穩定,原來只係同林日曦一樣鍾意做試驗,佢笑住咁話,「申請原因真係好低能,我見韓國人細個讀書要補習,大個想入大公司,原來都要補習筆試同面試。有冇咁大件事呀?大學畢業唔係代表準備好出嚟社會做嘢咩?好慘呀!」所以Viola就身痕,去搵份工嚟申請吓,睇吓係咪真係咁難!



Viola話見工嗰陣有9個面試官,勁誇張!

結果得佢一個in到,榮升Producer,直播室嘅人都嗌佢:「PD님!」

Viola話Producer係乜都做,由揀歌、定主題,到主持講乜都要諗。

試過就知大陣仗,淨係份申請表就有23頁,Viola話好多要填嘅資料根本係私隱,「真係唔知點解要填,唔止填阿爸阿媽嘅資料,仲要填埋阿爺阿嫲嗰代,又要填銀行有幾錢,租樓定買樓,連血型都要填!」申請合格者先考筆試,然後再要面試。
Viola話面試就誇張,「有九個面試官!嘩!好chr!九個人不停問、不停問,問你如果製作節目,點可以肯定個節目喺韓國會受歡迎?喺韓國嘅外國人想聽啲咩節目,你了唔了解?」Viola形容好似打咗場仗!結果,呢場仗畀貪得意、無補習、冇大冇細嘅Viola取得勝利!換嚟電台直播室嘅工作人員嗌佢:「PD님!(韓國人對Producer嘅尊敬稱呼)」Viola話Producer係乜都做,「揀歌、定主題、主持講乜都要諗。」拍攝當日,喺直播室嘅幾位節目主持就特別同Viola開玩笑,喺大氣電波講佢好似大明星,有香港傳媒嚟採訪佢,仲對攝影機揮手交足戲!



鬼馬主持特登向攝影機揮手,交足戲!

班主持又細數Viola,話佢食嘢好快,令佢哋有壓力。

Steve(右)仲話Viola講嘢直接,叫嘉賓試咪,就嗌佢「Say Something」。

呢班鬼馬主持又細數Viola,先講啲門面嘢大讚佢為人好好、合作性高、畀自由度大...但係慢慢就數埋啲奇怪嘢!外籍主持Liam Lusk話同Viola食飯好有壓力,因為佢食得超快,另一位主持Steve Hatherly就爆Viola講嘢直接,「有次佢想一位嘉賓試咪,正常都會同嘉賓講『唔該你試咪』,但係Viola就嗌佢『Say Something!』」Steve自己講完都笑,不過就話明白Viola只係直率,唔係無禮貌。至於大老細點睇呢?TBS電台部局長Kim Yeong Sik就話,因為Viola係外國人,第一次見佢就「打咗個突」,「韓國人打招呼係鞠躬,但係Viola係舉起手『Hi』咁樣!」不過局長話o依家已經習慣咗喇!雖然同事好,不過打工制度點都比唔上香港,Viola話:「一定要朝九晚六,遲一秒鐘都畀人睥住你!」莫講話一秒,唔少韓國公司都不明文規定要早半個鐘返工,老細未走都無得放工,相信有睇韓劇《未生》嘅朋友都明白,不過Viola就懶理,「早起身真係好難!」



上司金先生都加把嘴,話韓國人打招呼會鞠躬,但係Viola就咁舉手say hi,不過o依家就慣咗喇!

Viola話喺韓國做嘢好忟憎,韓國人階級觀念重,唔識變通又唔敢表達意見。

所以佢都係用返香港人最叻嗰招,用自己方法,咁個人就會開心啲喇!

Viola又話韓國人好目標為本,唔理成效係咪理想,總之定咗目標就一定要達到,「好急o架喎,老細會話『聽日,你聽日要做畀我!』我心諗:『吓,我諗都未諗!』」最令Viola忟憎嘅,係韓國人唔夠膽向上司表達意見,甚至乎根本唔知有另一個方法做嘢,只係盲目跟前輩話點做就點做!Viola話一於少理,貫徹香港人用自己方法行事,「做到咪得囉!」至少,自己開心啲!記者:鄒倩婷(阿仙)攝影:陳家文、李錦鏵剪接:Roy編審:陳家文導演:陳家文




來源: http://hk.apple.nextmedia.com/entertainment/art/20161111/19829490
你幫 幫我 我同 同佢 佢講 林日 日曦 曦元 元秋 傳話人 傳話 OO 由繙 繙譯 榮升 Producer
PermaLink: https://articles.zkiz.com/?id=315082

林鄭:我同梁振英係兩類人否認延續路線 自詡從政經驗更豐富

1 : GS(14)@2017-01-19 08:03:52

【特首戰開打】【本報訊】正當葉劉淑儀和曾俊華為150張提名票入閘選特首而苦惱,盛傳會以逾600提名票入閘的林鄭月娥昨表明會盡攬支持,承認獲全國政協副主席董建華支持,並刻意淡化「梁振英2.0」的形象,強調與梁振英是兩類人,標榜從政經驗逾36年,澄清沒有說講過要延續梁振英的路線,又將民望低歸咎於要負責爭議性政策。記者:姚國雄表明有信心獲足夠提名的林鄭昨早接連出席兩個電台節目,被問到會否承諾不取得600、700個提名,讓出多餘提名票給其他人入閘,促進競選時,她表明拒絕:「咁又唔得喎,我覺得做一個選舉,要竭盡所能,所以爭取提名時會盡量接觸所有選委,如果選委願意提名,我冇理由話『我夠喇喎』,呢個好似唔係好啱嘅做法。」林鄭指沒有為提名數目設目標,因即使奪逾600票,候選人也要經過選舉;又認為若選委非真心提名自己,到投暗票時只會適得其反,故會爭取將提名票變成最終選票。


指處理危機影響民望

對於是否已獲中央欽點,林鄭否認:「我唔認為有欽點嘅成份存在」,又指負責任命特首的中央政府關心選舉是可以理解,「如果唔係嘅話,選出嚟嘅行政長官不獲委任,香港將面對一個好大嘅憲制危機同衝擊,但唔等於中央唔願意見到一個有競爭嘅公平公正選舉產生有認受性嘅行政長官。」林鄭指會靠個人努力,加上喜歡「落手落腳」,會靠自己努力做想做到的事,亦指中央對批出她和曾俊華辭職時間一短一長,是因為中央要兼顧全局,因這涉及4人的任命、免職,寧一併批出。對於被指會延續梁振英路線,她強調,「我真係冇用過『路線』呢兩個字,本身對『路線』兩個字唔係好喜歡」,又強調:「我同梁先生係兩類好唔同嘅人」,指梁振英加入政府才4年半,自己則已在政府工作逾36年。林鄭明言不會因為競選而發表與以往擔任司長不相符的言論:「我唔係嗰種百分百屁股指揮腦袋嘅人,我唔會因為我轉咗個位置,?家爭取另一樣嘢,我就推翻我做嘅嘢。」對於民望落後於曾俊華,她認為民望是滯後,要看其後日子的努力,重申任發展局局長時,民望幾乎冠絕司局長,而這屆政府處理很多危機,不少有爭議性,市民把不滿政策的感受投射於官員,或多或少影響她的民望。



承認董建華支持參選


林鄭承認前特首董建華在她表示考慮參選後着她參選,「話為咗香港好」,身為其競選辦成員的陳智思及夏佳理亦一樣支持她去馬,指兩人非有人在背後發功支持她。被問到是否撬走原來支持曾俊華的陳智思,她只稱:「呢個你真係要問佢,我唔方便代佢講。」對於林鄭多番稱參選是因為熱愛香港,民主黨議員涂謹申反駁指,普遍香港人都「頂唔順」梁振英爭取連任,但林鄭卻是在梁振英宣佈棄選後才爭取入閘,質疑指:「她卻(在梁未棄選前)不參選,令689可參選連任、甚至支持他連任」,指林鄭「愛689多過愛香港人。」




來源: http://hk.apple.nextmedia.com/news/art/20170119/19902099
林鄭 我同 梁振英 係兩 類人 否認 延續 路線 自詡 從政 經驗 豐富
PermaLink: https://articles.zkiz.com/?id=323128

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019