ZKIZ Archives


應昌佑當街露底

1 : GS(14)@2016-03-11 13:31:20

已為人夫人父的應昌佑,自從兩年前約滿黎明的A Music後,為養妻活兒,有指要做回設計老本行。前日下午5時,一身街坊裝的他現身大坑。穿上橡筋頭七分運動褲再加白襪懶佬鞋,一副佬樣。當他烏身執拾座駕內櫳時,七分運動褲不期然向下滑,連底褲邊外露亦懵然不知,細心看底褲邊更是殘殘哋。為部車扮靚靚後,他到附近麵包店買包,在店內左揀右揀後,諗足5分鐘才買了三個腸仔包和一樽豆奶。香港地現時養一個小朋友到大學畢業,閒閒哋要港幣幾百萬,擔起成頭家的應昌佑,唔慳唔得。採訪、攝影:潘冠恩、徐錦池





來源: http://hk.apple.nextmedia.com/entertainment/art/20160311/19524438
應昌 昌佑 當街 露底
PermaLink: https://articles.zkiz.com/?id=297610

應昌佑邀郭偉亮寫歌

1 : GS(14)@2016-05-21 19:04:24

應昌佑(Charles左)上年約滿A Music轉新公司,最近終於有新歌推出,還邀請到郭偉亮(Eric)合作,Charles謂:「我想唱一啲比較貼近自己經歷,但又唔想太個人化嘅歌,好感激Eric為我創作新歌。」Charles又表示新歌旋律聽起來似乎有點負面,但伴隨歌詞就變得好正面:「Eric搵咗林若寧填詞,呢首歌《過來人》係寫我嘅經歷,喺我人生最唔愉快嘅時候,有好多人安慰我。」





來源: http://hk.apple.nextmedia.com/entertainment/art/20160521/19621199
應昌 昌佑 佑邀 郭偉 亮寫 寫歌
PermaLink: https://articles.zkiz.com/?id=300998

【馮仁昭四圍超】應昌佑等8年出碟落淚

1 : GS(14)@2016-05-24 10:26:49

應昌佑(Charles左)噚日去到商台為新歌《過來人》宣傳,作曲嘅郭偉亮(Eric Kwok)亦一齊出席支持。Charles今次主動搵Eric幫手,Eric話:「佢之前離開樂壇係有苦衷,經過我了解之後,覺得佢係好值得幫。」Charles對上一次推出個人歌曲已經係08年,再次踏入錄音室,佢感觸喊住話:「可以做番我想做嘅嘢,返出嚟唔要求成績,完成心願就得。」撰文:馮仁昭





來源: http://hk.apple.nextmedia.com/entertainment/art/20160524/19624440
馮仁 仁昭 四圍 應昌 昌佑 佑等 年出 出碟 落淚
PermaLink: https://articles.zkiz.com/?id=301266

應昌佑腎絞痛叫白車

1 : GS(14)@2016-11-13 11:32:37

■應昌佑昨日出席活動時不適,要由救護車送院。



應昌佑昨日在深水埗力撐蘇慧恩舉行的音樂會發佈會,其間他胃部不適,影大合照時痛到要求去洗手間,他說:「今朝同屋企人飲茶,都係食蝦餃點心,嚟到會場就頂住。」應昌佑忍痛至活動結束,工作人員隨即召來救護車,應昌佑戴上口罩上車。他入院後接受本報訪問,聲線顯得氣若游絲,他指腎部位置很痛,並有尿道被阻塞感覺:「有人用手『揦』住我啲腸咁,越『揦』越大力,標晒冷汗。我好耐以前喺美國試過一次,醫生話係膽石,可能好細粒,去廁所排咗出嚟就冇嘢。」他檢查後已自行出院:「醫生話係腎絞痛,同飲唔夠水有關。」採訪、攝影:黃曉妍




來源: http://hk.apple.nextmedia.com/entertainment/art/20161113/19831733
應昌 昌佑 佑腎 絞痛 叫白 白車
PermaLink: https://articles.zkiz.com/?id=315337

應昌佑兒子顯露唱歌天份

1 : GS(14)@2017-06-18 21:45:08

■應昌佑未決定讓兒子讀傳統學校還是國際學校。攝影:沈健程



歌手應昌佑,囝囝嘉軒已經3歲半,今個父親節有機會湊成一個「好」字,因為太太肚中的B女隨時出世。應昌佑日前帶囝囝整薄餅,囝囝遺傳了唱歌天份,其間不時唱歌又坐不定。因父母自小離異,所以應昌佑心中沒有一個確切父親形象:「媽媽係我嘅role model,但佢都兼顧唔到爸爸嘅嘢,所以自己要去了解點樣去做一個好爸爸,原來係好高深學問。」為了學懂跟兒子溝通,他專誠上堂學兒童心理學,而每日工作回家,他都會替兒子沖涼、餵飯和刷牙,雖然累,但他自言很享受。採訪:王梓嫚、唐如場地提供:BALL ROOM、Ciak All Day Italian(太古城中心)




來源: http://hk.apple.nextmedia.com/entertainment/art/20170616/20058018
應昌 昌佑 兒子 顯露 唱歌 天份
PermaLink: https://articles.zkiz.com/?id=335901

湊夠「好」字 太太封肚應昌佑添6.1磅B女

1 : GS(14)@2017-06-25 10:11:19

■應昌佑再做老竇,囡囡Alison昨日清晨出世。



現年38歲的應昌佑(Charles),12年跟拍拖九年的女友Mandy結婚,婚後積極造人,大前年已經榮升人父,老婆替他誕下囝囝應嘉軒。早已計劃為應家再添一員的Charles,早前宣佈太太陀B女,預產期在本月尾左右,昨日Charles終於在社交網報喜,指太太為他順產誕下「前世情人」,囡囡出世重6.1磅。



■Alison出世重6.1磅,樣子跟哥哥出世時很相似。

■應昌佑昨日帶囝囝應嘉軒到醫院探媽咪及妹妹。

■嫲嫲冉肖玲負責為Alison改中文名。資料圖片


入產房剪臍帶

Charles為70年代當紅、有低音歌后之稱的冉肖玲之子,雖然Charles入行以來歌運平平,但感情生活一直順風,他昨日接受《蘋果》訪問說:「老婆今日(昨日)凌晨四點幾生咗,噚晚(前晚)11點幾催生,因為本身已到預產期,估唔到幾個鐘就生咗。」問Charles可有為囡囡剪臍帶?他笑說:「有呀!醫生問我剪唔剪,我話剪,因為上次都有剪,我唔會偏心嘅!」至於可擔心囝囝會呷醋?他指囝囝放學後到醫院見到妹妹,但之前已跟他說快會當哥哥。Charles謂:「人哋教佢買定禮物畀哥哥,話係妹妹送,做咗都冇壞吖,所以我早已買咗玩具送畀佢,話係妹妹送,佢都好開心。」


嫲嫲改中文名

笑問Charles會否叫太太再生?他即笑言:「夠皮喇!一仔一女都係我同老婆想要嘅,好幸運,好多人想追都冇,可能係兩個仔或者兩個女。」Charles指囡囡英文名叫Alison,中文名則留待嫲嫲、即其母冉肖玲負責。採訪:小米




來源: http://hk.apple.nextmedia.com/entertainment/art/20170623/20065409
湊夠 太太 封肚 肚應 應昌 昌佑 佑添 6.1
PermaLink: https://articles.zkiz.com/?id=336904

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019