【國際步行日】香港廢青名不虛傳 六成日行少於一萬步
1 :
GS(14)@2016-10-02 13:56:27張先生笑言平常都比較少運動。
10月1日除了是假期，原來亦是國際步行日。國際步行日由國際群眾體育協會1991年於法國波爾多成立，宗旨是推廣大眾體育，促進世界公民的健康。早前，世界綠色組織（World Green Organisation）在街頭訪問了408名、18歲以上的香港市民，發現七成18至29歲的年輕人在短程路選擇乘車多於走路。記者於是隨機訪問了20位大專生（10男10女），了解他們的步行習慣，看看他們對不同距離路線有何選擇。
路線一：從太子往旺角；600米（10分鐘步程）路線二：從太子往油麻地／長沙灣往旺角；距離2公里或以上（30-40分鐘步程）路線一之中，20位當中有16位願意步行，因為路程比較近，而且比乘車更方便。但講到步程多兩倍的路線二，75%人都毫不猶豫揀搭車，理由是天氣太熱、容易出汗，同空氣侷促等。亦有人表示不懂路線或不懂使用地圖應用程式，乾脆乘車以防迷路。只有5人不論短距離或中距離都願意步行，為了節省車錢，或走路時可乘機欣賞風景等等。
莊先生：「平常只會走20分鐘左右。」
李先生說自己平常少走路，因為夏天怕熱，冬天怕冷。
香港人不當步行是運動
其實世界衞生組織曾建議，成年人每天要步行約一萬步，即約45分鐘至一小時的路程，才算得上是健康運動。但受訪者中超過六成人，每天走路時間不到30分鐘；只有少數人每天會行45分鐘至1小時的時間。當中更九成人都不會把步行當成運動習慣，甚至不知道步行也是一種運動。日本一家廣告公司博報堂曾進行調查，發現在14個亞洲國家地區中，香港人所選的頭五位運動，分別是游泳、跑步、羽毛球、籃球和足球，步行完全影都冇。反而在曼谷、上海、北京、新加玻等地，步行都成了受歡迎休閒運動第一位。足病診療師劉庭燿就指出：「不少香港人以為步行是休閒活動，但其實只要能令呼吸加速、心跳加速、流汗，也可算是一種鍛煉心肺功能的運動，一般而言可以改善血壓、糖尿病、心臟病等。」
吳小姐坦言平常會慣了遲出門而選擇乘車多。
曾小姐是少數不論短或長途都以步代車的人，因為可以當行街。
步行出汗有消脂功效
劉庭燿亦解釋，香港人趨向揀消脂運動為運動，如跑步、健身、瑜伽，忽略了步行運動，「很多人以為步行不能做到消脂效果，其實步行30分鐘已經減到150卡路里（kCal），所以每天做都有消脂的成效。」150kCal，已經等同半包的薯片熱量了，所以不要看輕行街步行的運動量啊。若果嫌步行悶，也可試試轉換步行模式，如加時間減步速、或減時間加步速，令身體適應不同的反應。最後，劉醫生提醒，做任何運動都謹記拉筋，穿着寬鬆衣服和合適跑鞋，和緊記要運動至出汗，「增加心跳和呼吸，才稱得上步行運動。」參考資料：世界綠色組織（2016），逾8成半港人願以步行代替短途交通工具日本博報堂（2012），Sports Popular in14 Asian Countries記者：鍾藹寧攝影：潘志恆、徐振國
來源:
http://hk.apple.nextmedia.com/su ... t/20161002/19788147
【未必係傑青 但唔係廢青】喺韓國畫雞畫狗 好過你做牛做馬
1 :
GS(14)@2016-10-13 08:09:39早前六位網絡漫畫家上韓國綜藝節目玩，其中一位就係GASFARD(右圖)。(《無限挑戰》截圖)
【三個粉絲追韓劇】近年好多韓劇都改編自網絡漫畫，例如《未生》、《奶酪陷阱》、《好運羅曼史》、《打架吧鬼神》等。韓國網絡漫畫界發展蓬勃，早前《無限挑戰》就以網絡漫畫做主題，請咗六位網絡漫畫家上節目玩。其中一位係外形似足藝人趙寅成嘅GASFARD，喺節目播出後一炮而紅，因為佢將《無限挑戰》主持畫成動物，相當神似搞笑！三位粉絲專程坐KTX由首爾去釜山拜訪GASFARD，訪問借用咗一間咖啡店嘅場地，店長同店員一見GASFARD就好似小粉絲咁，爭住要同佢影相，仲時不時偷影佢做訪問，簡直人氣爆登！
GASFARD個樣好似藝人趙寅成。
GASFARD嘅成名作係動物漫畫，佢將主持畫成動物，神似又搞笑。(《無限挑戰》截圖)
GASFARD畫阿仙畫到奸笑。
GASFARD即場將動主播阿仙、viu韓劇導賞員Ruby和繙譯Joyce畫成動物，佢話：「阿仙好似貓仔咁瘦小，所以我覺得似Cornish Rex。」佢畫完之後對住阿仙奸笑，有啲怕羞又擺出副可愛樣，事關佢嘅畫風唔係唯美，唔玩可愛，反而用誇張和搞笑嘅形象表達，所以畫完佢自己都笑！GASFARD靠住獨特畫風，用動物做主角，畫出成名作《선천적얼간이들》。佢話：「漫畫內容都係我生活中最搞笑、最得意嘅回憶，好似日記咁嘅作品。」點樣為之成名作呢？梗係唔似得香港咁，將漫畫公仔擺喺漫畫星光大道就代表紅。韓國最大網站Naver有漫畫平台Webtoon，一日流覽量就高達600萬，仲有中文版。GASFARD話最初喺Webtoon發佈作品都係為興趣，無錢收，估唔到大受歡迎。畫咗三、四個月，儲到啲人氣，就收到Naver邀請佢轉做正式Webtoon作家，佢就一於辭埋份工，全職畫漫畫，做正式連載。
佢話阿仙瘦小，似貓品種中嘅Cornish Rex。
網絡漫畫喺韓國超流行，劉在鍚話每年有超過560部漫畫連載。(《無限挑戰》截圖)
《未生》作者尹泰浩可以話係「星級漫畫家」，收入可能拍得住藝人。(《無限挑戰》截圖)
韓國漫畫界係玩經理人制度，將漫畫家變藝人賺錢，好似GASFARD就試過幫時裝品牌賣廣告。GASFARD話近年韓國出現「星級作家」、「星級漫畫家」，就好似《未生》作者尹泰浩。尹泰浩好多Webtoon作品都被改編成電影、電視劇、音樂劇、動畫等，最近仲為熱播韓劇《W-兩個世界》創作漫畫部份，呢類超人氣作家嘅收入可以拍得住演藝人！
GASFARD出道得3年幾，梗係無尹泰浩前輩咁多元發展，大部份時間都係專注畫畫同趕稿，佢話：「一朝早起身就開始畫畫，到睡覺前都係繼續不停咁畫！」要chur到盡，因為韓國網絡漫畫界競爭大，劉在錫喺《無限挑戰》講過，Webtoon一年有570部作品連載，網絡漫畫作家人數超過4600人！
最近尹泰浩有份為《W-兩個世界》創作漫畫部份。(《W-兩個世界》截圖+網上圖片)
人人睇網絡漫畫，傳統漫畫書又點生存？三個粉絲拜訪曾經借場畀《來自星星的你》
Webtoon咁勁，傳統漫畫書又點生存？因為《來自星星的你》取景而出名，花香滿溢漫畫屋嘅老闆娘Kim Eun Ju話，「真正鍾意睇漫畫書嘅人，都唔太睇Webtoon，我嘅客人都好少搵Webtoon作品嚟睇，除非改編咗做電視劇或者電影，先會有客人嚟搵。」不過，佢話o依家客人的確減少咗一半，同漫畫沒落無關，反而係因為競爭大咗。佢話：「由上年年尾到今年五月為止，喺本店周圍開多咗五間新式漫畫咖啡店！」新式漫畫咖啡店贏在裝修靚，服務好似餐廳咁，唔似得舊式嘅只有零食、杯麵，所以老闆娘話：「客人七成都係男仔，女仔都去晒新式漫畫咖啡店。」
花香滿溢漫畫屋嘅老闆娘，佢話鍾意睇漫畫書嘅人都唔睇網絡漫畫。
老闆娘話客人係少咗，不過唔係漫畫沒落，係周圍開多咗新式漫畫咖啡店，裝修靚啲又似餐廳。(右圖為網上圖片)
場地提供：Cafe IRANG主持：動主播阿仙、viu韓劇導賞員Ruby記者及繙譯：卓惠媛(Joyce)攝影：陳家文、李錦鏵《無限挑戰》片段由Viu提供：
https://goo.gl/IYmQQ0【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161013/19798779
Money Walker：炒散廢青生存之道
1 :
GS(14)@2016-11-10 07:33:29早排有個電視節目講廢青，自認廢青嘅主角靠炒散賺錢，閒時娛樂就係匿埋屋企煲劇上網，不花分毫，加上呢位主角本身與家人同住，所以即使間中炒散收入唔高，都一樣過到日子。拒絕全職工作並非香港獨有現象，日本有年青人由家鄉隻身到東京拼搏，但一直只能從事服務性行業或體力勞動工作。超長工時加上要應付高昂租金，最終呢個日本人頂唔順呢種生活，選擇移居市郊，兼決定此後每周只工作兩日。一星期返兩日工點夠生活？佢話寧願做少啲賺少啲，但慳得就慳減少消費，都要過番啲悠閒自在嘅日子，後來佢更犀利到出書分享自己嘅生活。每次講到呢啲case，都一定有人會話呢班年青人唔捱得、唔努力工作畀家用係不孝、老咗之後無積蓄生活要依賴納稅人供養等。但對於年青人拒絕全職工作嘅背後原因，又有幾多人願意深思一下？筆者認為年青人拒絕全職工作嘅現象之所以興起，唔單單係因為年輕人較重視work life balance，亦因為唔少企業嘅招聘條件吸引力低。返工辛苦唔係最大問題，問題係工作上無法學到有價值技能，仲要老奉OT冇補水，而所謂升職亦不過加一、兩千蚊人工但工作量就增加一倍，咁倒不如炒散賺夠生活費過一日算一日。你問佢咁後生就半退休，將來老咗冇錢養老點算？佢會話自己本身使錢唔多，而且返全職工作都會衍生好多額外開支，好似MPF等，七除八扣之後同樣唔見得有好多錢剩低儲蓄。當資本主義走向極致，一般年青人唔再相信多勞多得，但又要繼續生存，自然會發展出自己嘅生活方式。所謂炒散，某程度上係勞工認為付出嘅勞動力無法取得合理補償，於是減少勞動力供應，因而衍生出來嘅就業模式，符合經濟學上最基本嘅供應同需求概念。社會既得利益者當然唔樂見年青人減少工作同消費，但當生活成本升幅跑贏工資升幅，年青人捱極都係原地踏步，唔買樓、唔成家，甚至唔全職工作，成為崎形社會下部份年青人嘅生存之道。
El.
http://fb.com/moneywalkerhk本欄逢周三刊出
來源:
http://hk.apple.nextmedia.com/financeestate/art/20161109/19827095
財金冒險號：寧做廢青不作樓奴
1 :
GS(14)@2017-01-26 18:18:28■對於大部份年輕人來說，買樓係「超離地」的目標。 資料圖片
有個82歲婆婆，一炮過530萬銀買咗個荃灣新盤，話「驚銀紙貶值」。喺香港呢片彈丸之地，買磚頭唔單止抗通脹，更係發達嘅不二法門，呢種傳統智慧，婆婆奉為真理毫不出奇。奇在點解要買新盤？呢個新盤預計年半後至收樓，期間嗰530萬銀一個仙利息都無，倒不如買個二手盤即時放租收息。其實今日唔係想講投資，係講人生目標。婆婆唔係富二代，可以一炮過買樓，全靠「捱，後生時打好多份工，每晚瞓兩個鐘」。婆婆「努力工作、量入為出、努力儲錢」，固然係美德，而佢寄語時下年輕人要「人望高處」，幾時講都啱，但潛台詞係「你哋好似我咁死慳死抵，終有一日都買到樓」，就十分不合時宜。婆婆嗰一代香港人，後生時未有公屋，可能住木屋，又無綜援，手停口停，日捱夜捱係為咗「生存」。時下年輕人，縱有百般鬱悶，總算衣食無憂，講究「生活」。雖然人人都要住，唔想「幫人供樓」，就自然想買樓，有調查話超過一半80後想喺三年內在港置業。但係想還想，佢哋會為咗買樓，以婆婆為榜樣嗎？咪玩啦，連去少次日本都未必肯啦！對於大部份後生仔來說，樓價已超離地，18年不吃不喝至買到樓，而飛一轉日本狂食喪買，不過花一萬幾千，不如及時行樂。你話我廢青，我笑你樓奴。笑笑生
mailto:
[email protected]本欄逢周四刊出
來源:
http://hk.apple.nextmedia.com/financeestate/art/20170126/19908680
撐鳴煒「去少啲旅行儲首期」言論大劉轟廢青 被寵壞唔識慳錢
1 :
GS(14)@2017-04-06 07:41:36■大劉說自己好心軟，所以無論做生意或男女感情，都容易受傷。
【劉鑾雄講大劉】【連載系列之八 致富心得】富豪劉鑾雄（大劉）接受本報獨家訪問，今回他講到擁有律師牌照，又考獲飛機師執照的長子劉鳴煒，評價相當高，同時他鬧爆廢青只愛去旅行和追求物質，不會慳錢。
■愛子心切的大劉，不想兒子劉鳴煒遭不合理批評，曾勸兒子少說話。資料圖片
■去台灣貼地搭捷運的劉鳴煒（中），曾發表「去少啲旅行儲首期」買樓言論，被外界批離地。資料圖片
青年呻窮唔兼職
對於兒子劉鳴煒曾說過買樓論「去少啲旅行儲首期」，言論一出即被批離地，大劉撐兒子沒有講錯：「佢嘅出發點係好嘅，啲人點會受落啫？啲人最鍾意聽你使咗幾多錢呀，爭人周身債然後申請破產咪啱聽囉！我諗今日香港最有錢嘅頭一、二十人，如果係自己創業嘅，個個都係慳番嚟自己捱番嚟，唔係話有錢就去旅行，冇錢就去碌卡。但?家啲人，你叫佢唔好去旅行？仲慘過殺佢老竇老母。」大劉肉痛兒子受批評，曾勸喻他：「我上次已經叫佢唔好多多聲氣，其實佢講得好啱㗎，但啲人點會啱聽啫？」他又指時下年輕人被寵壞了：「你可以話?家啲年輕人俾人寵壞咗未捱過苦，亦可以話佢哋唔係掂地，而係離地。」他說看到電視新聞很有感觸：「有一次我喺電視見到，一個青年，25、26歲左右，接受訪問話住劏房，地方好細。接受訪問嗰陣，佢拎住本漫畫，咁我心諗，如果你講到你間劏房咁細，你係咪應該去兼職？揸番一更的士又好，巴士又好，或者搵番份工。但佢唔係，佢匿喺房裏面睇漫畫，你有乜嘢可以怪人？」大劉指年輕人有劏房住算是不錯：「我哋以前嘅居住環境曳到，老鼠通屋走。睇番以前初初，我記得我同我前妻（寶詠琴）個理想，層樓千五呎，有一百萬定期存款，我已經好滿意。」
勤力信用加膽量
問到大劉的致富心得，他稱：「一定要勤力啦，信用亦好緊要，呢個係我由我媽媽嗰度學番嚟。」問他做生意是不是要夠狠？豈料他說：「狠，我唔承認囉！好有膽量我認嘅，其實我好心軟，好多嘢人哋對我唔住嘅，我都好易算。」採訪：陳月媚攝影：陳俊強【Timeline】手機用戶請按此，瀏覽「傳奇狙擊手劉鑾雄」:
http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」:
http://bit.ly/JosephLau
來源:
http://hk.apple.nextmedia.com/entertainment/art/20170406/19980999
【一餐飯代價】萬事屋唔收錢做嘢 從一個人到一班廢青
1 :
GS(14)@2017-04-06 07:42:05左起：胡曼儀（牛小貓）、譚亦軒（喪貓）和文睿嵐（皇后貓）是貓記核心成員，他們宗旨是一日不吃飯，一日不做事，記者都要請他們吃飯盒才能完成訪問。
受人錢財，替人消災，合理不過，但如果冇錢收，只係得支水，得個麥記$24餐，又係乜玩法？有毒男四年前因為覺得悶，冇人陪，於是上高登出post搵陌生人陪食飯，但他深明「無啦啦搵人陪，人哋當你癲」，決定提出幫對方做一件事作等價交換，無拖無欠，因為騎呢，所以引起很多人好奇，紛紛舉手回應，願意做這個「飯腳」。邀約他們做訪問，他們也視之為委託，條件是請吃一頓飯，好，冇問題，就請你們吃遠近馳名的堆填區公司canteen。
邀約訪問也視為委託，記者就請他們吃遠近馳名、堆填區的公司canteen。
正職開網店、今年33歲的譚亦軒（喪貓），就是於2013年創辦這個「貓記萬事屋」的毒男，話明萬事屋，如果你有奇難雜症，只要請他吃餐飯，就會諗計幫你解決，食乜都得，少至一支水，豪氣至高級扒房，都無任歡迎。萬事屋由幾年前的one man band，演變成現今達三十多人的團隊，越做越大。成員年齡介乎十幾至五十幾歲都有，各有專長，睇風水、做私家偵探、傾心事、剪片、陪人遊行和遊山玩水，乜都得，聽落搞笑，但都不夠客人的委託騎呢：陪上鳳凰山睇日出、每晚陪跑步、家長日扮家長見老師、幫手向朋友追回拖欠了三年的$500、幫手襯套去飲的戰衣、幫手通宵排演唱會、中秋節一早去霸BBQ爐、甚至連影婚紗相都有，「結婚咁大件事都夠膽搵我哋，佢夠膽搵我哋就夠膽影。」最新接到的case，還有當陌生人的婚禮見證人，吓？咁都得？看似無聊，但喪貓卻說：「每個委託都有特別的地方，都係一種學習，三人行必有我師嘛，我地嘅性質同記者差不多，都係聽人講古仔。」除了一餐飯，沒有錢銀上的酬勞，有時甚至會被客人搵笨，不會覺得有點浪費時間嗎？「其實以前剛開貓記時係做緊傳媒機構，諗起以前做過幾份工都冇乜特別的回憶，但貓記可以見唔同人，睇唔同風景，而家我仲好記得第一單委託係幫個壽司師傅寫封英文的辭職信，唔同的委託都豐富咗我嘅生活。」只得廿三、四歲的胡曼儀（牛小貓）和文睿嵐（皇后貓），待業，自命廢青，幾年前因為貪玩，想識來自五湖四海的朋友而加入貓記團隊，儍大姐般的皇后貓說：「呢度真係好多新鮮和未知的事，鑊鑊新奇鑊鑊甘，唔加入貓記就呢世都唔會遇到。」例如？「試過借個頭畀個剪髮學徒試剪，但剪到好核突，俾人笑咗成個禮拜。」她覺得好嬲又好笑，「當識多個新朋友囉。」客人的反應也是她做下去的理由，「有次幾開心的，其實好簡單，只係幫客人個女去商場排韓星簽名會，好快就排完，其實我哋只得其中一個人去做，但個客話想請我哋一大班人返屋企食飯，佢煮咗勁多餸，大家都食得好開心，都好感動。」不過，又未必個個客都咁好，牛小貓就有不快經歷，「試過有一次幫客人改功課，係英文閱讀報告，做完後對方請我食譚仔，唔係食譚仔嘅問題，而係我漏夜幫佢完成，但佢仍然不斷話我做得唔好，食完仲只係講一句『唔該晒拜拜』就走，原來佢只想要完成品，冇心同我交流，唔希望再接到呢啲委託。」不過她也有個體會很深的case，「試過有個護士客人想識個醫生，但佢打扮好男仔，覺得自己好粗魯，就叫我教佢點樣可以女仔啲，教完佢又話真係過唔到自己嗰關。但最近我睇到佢WhatsApp張相，見到佢唔同晒，變得好女仔，完全唔似佢，我覺得有時有啲事係睇你有幾大決心去做，其實好多客人搵我哋，都只係想有人畀啲支持同鼓勵佢。」雖然貓記的宗旨是「一日不吃飯，一日不做事」，但他們也會向客人講明，不一定能夠完成委託，唔驚俾人話呃飯食咩？皇后貓說：「所以我每次都唔敢食太好，就算做唔到都冇咁心虛，我覺得食飯係次要，做事先係重點，其實我食乜真係冇所謂，主要都係想識多個朋友，我比較四年重委託多過食乜囉，其實我哋真係一班好熱血，好有心嘅人。」既然係咁，果籽都決定給予他們一個委託，看看他們能否完成，想知係乜？請留意另一則動新聞。記者：黃子配攝影：梁志永
來源:
http://hk.apple.nextmedia.com/su ... t/20170406/19981125
當廢青也沒甚麼呀！ 周顯
1 :
GS(14)@2017-06-10 10:56:43http://eastweek.my-magazine.me/main/66988
大家都知道，香港有很多廢青。一般來說，廢青分為兩種，一種是積極的，有很多志同道合的朋友，常常參與激進派的政治活動；另一種則是消極的，整天獃在家裏，又謂之「隱青」。
不過，以上兩種廢青，皆有一個同樣的特點，就是拒絕工作，長期失業，又或者是工作態度很消極，失業的時間遠多於就業，又或者是無心工作……簡單點說，所謂的「廢青」，很大程度上是用經濟狀況來做定義。例如說，富二代不工作，整天去旅行媾女，也不會被稱為「廢青」，而一個富有的金融才俊，就是參加激進派的政治活動，也不會被稱為「廢青」。
我常常說，在我年輕的時代，沒有廢青。皆因當時生活條件不佳，青年人畢業後，不工作就沒錢，沒錢就沒飯開，家裏也要求他付家用。再者，那時的徙置區和廉租屋面積狹小，家裏除了牀之外，根本沒有容身之所，非得往外跑不可。簡單點說，那時的青年人並沒有做廢青的經濟條件。
更重要的，當然是娛樂。在以前，不工作、不出街，非但沒有錢花，甚至沒有娛樂，看電影也要花錢。然而，在今天，只消躲在家中，電腦或手機，甚麼內容都有，人們要尋求娛樂，也不需要工作、亦不需要花甚麼錢。
至於問到，電腦或手機，可不可以代替異性交往呢？我以這方面的專家的身份去回答這問題：如果是真箇銷魂，當然是真槍實彈，現場作戰更佳。可是，在現實的世界，媾女是非常麻煩的事，就算是高手如陳冠A，也要花大量時間，去陪玩陪飲酒，還要送禮，才能得手一個。
另外的一個原因，就是在網上世界，所找到的照片或影片的女主角，其顏值多半比現實世界所能available的，樣子漂亮得多。因此，問題的中心在於：網上美女和現實豬扒，男人會挑哪一個？
總括而言，如果從cost-efficiency的角度去看，電腦或手機的是更為多快好省。
在今天的日本，評論常常說，青年人只要在7-11，已經買到了每天生活的必需品，而且價格還非常的廉宜，回到家裏，則把自己鎖在房間，整天玩電腦／手機，已經是快樂的一天了。
如果大家認為，我是在譴責廢青，那就錯了。我的看法是，廢青是富裕社會的產物，這幾千年來，人類努力打拼，豈不是希望下一代可以選擇自己的生活方式？在我年輕的時代，科幻小說講的人類理想世界，就是人類可以選擇不工作，也能夠存活。現在差不多達到了這個境界，是不是值得高興呢？
從經濟運作的角度看，今天的富裕國家，面對的不再是生產力不足，而是生產力過盛，因此，社會有一部分人不去工作，自甘當廢青，在經濟上，損失並不大。所以，本文的主題其實是說，廢青也沒有甚麼呀，便任由他們去做吧，反正社會負擔得起。
【Sell本土】《今晚打喪屍》廢青救港 電髮頭笠變血滴子
1 :
GS(14)@2017-06-22 08:03:57兵器很生活化，造型搞鬼，帶本土味。
月底上映的港產片《今晚打喪屍》，片中殺喪屍武器相當土炮，舊式電髮頭笠化身血滴子；雞蛋仔夾加利刃變成重力刀，就連呼啦圈一樣攞你命三千，印證「就算係一條底褲一張廁紙都有佢嘅作用」呢個道理。首次執導長片的盧煒麟說：「西洋喪屍同比較中式嘅古兵器混合，係有趣嘅。」
主角張繼聰及白只喺望落已經不合時宜嘅粵劇社整道具，是人人眼中的廢青，最後卻變身打喪屍英雄，乃典型underdog變hero橋段。雖然budget同美國電視劇或韓國電影比，真係少到喊出來，但成套戲香港取景，啲gag本土味濃，raw得來有親切感。「無論我點拍，睇慣大製作嘅觀眾都會覺得有落差，滿足唔到好想睇血腥、核突嘅佢哋，但除咗喪屍，大家仲會睇到角色情感同人性，亦有好多意想不到位。」電影有資深演員萬梓良及吳嘉麗鬥演技。劇透：會有催淚感人位。
電影有萬梓良、吳嘉麗等具份量的演員助陣。
拍開短片的導演盧煒麟謂掌握90分鐘的節奏，對他來說很複雜，幸得監製鄭思傑帶領。
漫畫版《今晚打喪屍》將於6月23日出版，可當作電影外傳看。
要數港產喪屍片﹐一定要提近20年前上映、葉偉信導演的《生化壽屍》。「佢有趣在將當時好流行嘅Biohazard遊戲放入香港場景，睇番仲覺得過癮，因為佢記錄咗1998年嘅文化，戲中有賣老翻VCD情節，有種時代質感。」《今晚打喪屍》觸及收樓重建等問題，導演強調並非刻意諷刺甚麼，只係荒謬已變日常，無得避，「想記錄當下到底發生乜事。」電影改編自余兒同名小說《今晚打喪屍》。余兒認為電影風格貼近小說，「比較cult。」小說衍生電影，更將衍生由葉偉青主理的漫畫。「漫畫版延續小說嘅故事，但漫畫主角會碰到電影主角，兩班人會有交錯。」漫畫獨立成篇，照顧無睇過電影同小說嘅人，只睇漫畫一樣睇得明。「漫畫唔會太『港漫』，既然喪屍係西方嘢，畫風會偏向西方。」
記者：葉青霞攝影：伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170620/20061489
【打牌係廢青？】筒索萬點嚟？大學生搞麻雀大賽聯誼
1 :
GS(14)@2017-07-02 14:52:30香港聯校大專麻雀大賽籌委由七間大專院校的學生組成，初賽預計於7月進行。
大學活動不外乎玩劇社、跳舞，在大學打牌打到搞比賽，你又聽過未？最初由香港中文大學學生成立麻雀研究學會，至今年4月，麻雀研究學會會長透過專頁招募來自其他大學志同道合的在讀生組成籌委會，共同籌辦大型聯校麻雀大賽，現時籌委會成員有25人，來自七間大專院校。貴為中國國粹，打麻雀，又稱打麻將，總被聯想到賭博，似乎難登大雅之堂。面對facebook專頁上的負面留言，批評他們是廢青與不務正業，香港聯校大專麻雀大賽籌委外務黃文彥指：「有負面留言正常不過，但我們相信打麻雀的確有它的好處，讓我們聯誼認識新朋友之餘，它是一個講求運氣與技術的競技遊戲，我們對它抱十分正面的想法。」為甚麼想舉辦聯校麻雀比賽？「比賽只是一個過渡，我們的最終目的是要推廣麻雀文化，我們相信舉辦比賽至少可以改變到其他人的負面想法，但不搞就一定沒可能。」他們深信打麻雀是一項有益身心的競技活動，不應受年齡限制，不只是老一輩的人的喜好，也深深吸引這班年輕人。黃文彥也強調活動不涉錢銀賭博，只帶娛樂性質。訪問當天，他們晚上要開會，不用接受訪問的成員便在旁打幾圈，雖然同樣是「愛雀之人」，但他們指平時聚頭大多為籌備比賽章則及細節，反而甚少坐在一起切磋。除了聯誼之外，籌委內務溫進浩指在麻雀場上遇到不同性格的人，讓他學會與他們相處。問到最差牌品的人，原本假設是態度差劣、不服輸的人，溫進浩卻有另一番體會，「一邊打牌一邊玩手機的人，每次完局後便玩手機不洗牌，甚至連打麻雀期間也在看手機。」他們對麻雀文化甚有興趣和了解，從術語到歷史故事，他們不時上網查閱，還會分享到專頁上，加深其他人對麻雀的認識。我們特地準備一些關於麻雀冷知識的問題測試他們，例如「麻雀即是馬吊？」、「為甚麼要用梅蘭菊竹四種花？」、「為甚麼有108隻主牌」、「為甚麼是萬、索、筒？」，統統也難不倒他們。黃文彥指：「要玩好一件事，對它加深歷史認識更加重要，我們希望去了解，透過自己帶給大家。」香港大專聯校麻雀大賽初賽將於7月31日舉行，預計將有500人參加，今屆只接受在讀的大專生報名，以循環制方式進行，積分高低決定打入決賽與否。
黃文彥指打麻雀是一項有益身心的競技活動。
他們希望透過比賽推廣麻雀文化，為麻雀洗脫污名。
訪問期間其他成員也把握時間互相切磋。
溫進浩遇過最差牌品的人，會一邊打麻雀一邊玩手機。
為了宣傳比賽，他們不時會在專頁上分享麻雀的趣味小知識。
記者：鄧天蔚攝影：伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170702/20075812
90後廢青連打4日機失禁爛肉生埋瘡
1 :
GS(14)@2017-07-07 02:42:07「虧得及時解救，否則這男子小命就懸了，才20出頭，真當造孽啊！」浙江杭州一名22歲男子失業後躲在租住的單位內，日日夜夜對着電腦打機，連續4日未進食，更因為失禁無法自理，一直躺在滲滿尿液的床上不能動彈，致皮膚潰爛，還長褥瘡。直至友人近日致電給他發現有異，才及時將其救出送往醫院。涉事男子阿強（化名）來自浙江南部一處地方，今年4月到杭州謀生，因失業又開銷大，很快就把帶來的積蓄花光而陷入困境。上月中旬，阿強的朋友小李致電給他，感覺對方好像很累，但問了幾句，阿強說沒事，也就沒放在心上。直至10天前，小李接到阿強電話，對方微弱、斷斷續續的聲音，直覺告訴他阿強肯定出事了。小李第一時間告知阿強父母，同時報警。警員到場與小李一起進入阿強居住的單位，但一進門已感覺難受。「破門進入出租房，大家頓時被眼前的一幕驚呆了，污亂不堪，慘不忍睹。」小李說：「一進門就一股濃烈的惡臭迎面撲來，離開此地有段時間了，別人還說我身上有股異味。」當時，阿強獨自躺在床上，神志恍惚，面黃肌瘦，右下肢腫脹青紫，全身多處皮膚潰爛。據阿強說，已4天未進食。床上還可見有尿迹，一部開啟中的手提電腦。在場警員立即將阿強送往醫院。「他從小還是可以的，自13歲沉溺網遊後，簡直換了個人似的。」阿強家人指，他網癮很大，上學時曾多次逃課去網吧通宵打機。久而久之，他荒廢了學業，勉強高中畢業。待業期間，阿強還迷戀上網絡賭博，欠了6萬多元人民幣的債，隨後因嫌父母獨自到杭州打工，因未能找到理想工作，網癮又發作，阿強乾脆躲在出租房內整日整夜玩遊戲。送到醫院後，醫生發現其長褥瘡，感嘆調侃，一般的年輕人，想得這個病都難！醫生指，阿強低血糖腦病，腎功能不全，褥瘡，左下肢深靜脈血栓等，與嚴重脫水，臥床不動有關。若再晚些送院，或有生命危險。阿強接受治療後已好轉。「甚麼遊戲，如此着迷呢？」醫生問，阿強清醒後說：「《反恐精英》、《穿越火線》等，很勾人的。」《都市快報》
來源:
http://hk.apple.nextmedia.com/international/art/20170705/20079693
Next Page