ZKIZ Archives


中環在線:曹仁超「木牢羊」抄台塑王永慶 李華華


2009-06-23  AppleDaily





 

如 果投資者有拜讀財經界名筆曹仁超喺《信報》嘅投資者筆記,一定會見過「木牢羊」呢個曹Sir專用口頭禪,究竟呢句嘢點嚟嘅呢?噚日曹仁超出席金銀業貿易場 主辦論壇,就被主持人世界黃金協會遠東區董事總經理鄭良豪問起呢句口頭禪嘅來源,原來有段古。話說當年曹Sir有機會訪問過舊年逝世嘅台灣首富台塑老闆王 永慶,年輕嘅曹Sir就向王老闆請教其致富之道,點知王老闆就彈咗句「木牢羊」出嚟,曹Sir一頭霧水,問佢身邊嘅跟班職員係乜嚟o架?對方話即係叫佢 「唔好問」。自始一啲冇答案嘅問題,佢都喜歡用上「木牢羊」。曹Sir仲有另一名句:「don't work hard,work smart!」佢話發達唔可以靠勤力,最緊要夠醒目,就好似新界嘅牛夠勤力,但唔會發達。點知呢句說話差啲令佢個女冇書讀,佢個女去考小學,校長話佢咁講 教壞細路;好彩最後個女都讀到嗰間學校,因為後嚟校長問佢「股市點睇?」

報業富豪凌晨來電問金價

唔單止校長,就算城中富豪都 搵曹Sir做投資顧問;話說早前黃金價升破1000美元,當晚凌晨有位報業富豪致電問佢點睇,曹Sir教佢沽;點知凌晨1點、2點、3點,富豪繼續來電, 話金價又升啦,高盛、美林報告都話黃金會繼續升,仲話要安排個飯局等啲大型投行教吓曹Sir點睇金。不過呢個飯局最後無下文,因為之後黃金跌番落嚟。然而 今時今日佢建議大家買金,因下次突破千美元大關,將可以上望1345美元咁話。李華華[email protected]



PermaLink: https://articles.zkiz.com/?id=8838

Next Page

ZKIZ Archives @ 2019