ZKIZ Archives
股票掌故
香港股票資訊
神州股票資訊
台股資訊
博客好文
文庫舊文
香港股票資訊
第一財經
微信公眾號
Webb哥點將錄
港股專區
股海挪亞方舟
動漫遊戲音樂
好歌
動漫綜合
RealBlog
測試
強國
潮流潮物 [Fashion board]
龍鳳大茶樓
文章保管庫
財經人物
智慧
世界之大,無奇不有
創業
股壇維基研發區
英文
財經書籍
期權期指輪天地
郊遊遠足
站務
飲食
國際經濟
上市公司新聞
美股專區
書藉及文章分享區
娛樂廣場
波馬風雲
政治民生區
財經專業機構
識飲色食
即市討論區
股票專業討論區
全球政治經濟社會區
建築
I.T.
馬後砲膠區之圖表
打工仔
蘋果專欄
雨傘革命
Louis 先生投資時事分享區
地產
Yumiko隨時生陀巨肚掃貨
1 :
GS(14)@2015-04-01 08:58:08
■鄭希怡前日現身銅鑼灣,陀住巨肚的她步伐輕盈。DV圖片
【銅鑼灣】現年33歲的鄭希怡(Yumiko),前年和拍拖八年的化妝師男友梁學儲(Andy)結婚,去年一擊即中懷B女,今個月便是預產期。隨時生得的Yumiko,近日忙為快將「面世」的B女準備日用品,免她入院後老公會手忙腳亂。前日黃昏約6時,素顏Yumiko由司機接載到銅鑼灣渣甸街,司機將七人車停泊在路邊後,一位相信是商店女職員隨即拿來一張嬰兒座椅走近車旁,坐在車上的Yumiko見到女職員即興奮開車門,再仔細研究對方拿來的嬰兒座椅,收貨前再將手機內照片與實物對照一番,果然升呢當人妻後,變得精明眼。
■鄭希怡見到嬰兒座椅後,再用手機內的照片作比對。DV圖片
■鄭希怡叫司機將嬰兒座椅放入車尾箱。DV圖片
■鄭希怡曾在ig公開B女「樣貌」。資料圖片
健步如飛
Yumiko當日收貨後,再上了一座商業大廈,逗留了個多小時才離開。雖然快將入產房,但首次陀B的Yumiko明顯肥胎不肥人,除了臉部長多了一點肉,當日穿紫色長紗裙配黑披肩的她,手腳仍然十分纖幼,而且挺着巨肚的她依然步伐輕盈,心情亦相當好,見到記者拍照全程保持笑容,但問她是否準備入院生B,她則沒有回應,只笑着跟記者揮手,然後一個箭步便返回七人車離開。採訪、攝影:潘冠恩
來源:
http://hk.apple.nextmedia.com/entertainment/art/20150401/19096987
洗米嫂挺7個月巨肚 乖女傍實
1 :
GS(14)@2015-04-10 09:15:35 ■洗米嫂昨晚穿粉紅色長裙,頭上配襯閃爆鑽飾,與囡囡現身仁愛堂晚宴。
混血女模Mandy Lieu自去年被爆做澳門賭業猛人周焯華(洗米華)肉墊後,即與洗米華正印陳慧玲輪流發功晒幸福,但隨着Mandy疑似流產,陳慧玲與洗米華、女兒及老爺齊齊遊日本,再加上月洗米華向老婆陳慧玲派定心丸,一句「我最愛老婆!」Mandy即時輸到影都冇,大獲全勝的陳慧玲則越來越風騷,昨挺巨肚出席仁愛堂活動,全程笑騎騎,女兒則傍到實。
留港剖腹產子
昨午陳慧玲先以仁愛堂第十二副主席身份,出席在尖沙嘴舉行的交代就職典禮,心情大好的她戴鑽石錶現身,行頭十足,記者問她身上鑽飾是否都是周生所送?陳慧玲即笑住答:「梗係啦!」雖然陳慧玲表明不想講私人事,身邊又有工作人員為她擋駕,阻記者埋身,但她見到記者仍十分友善,還主動說:「其實想講番主題嘅嘢,因為今日做慈善。」不過問到預產期時,她即按奈不住喜悅:「6月係預產期呀!」懷胎7個多月的她透露會在港剖腹生B,醫院亦已選定,問BB性別是男是女時,她即大賣關子:「你哋估吓啦!遲啲話你哋知!」
■洗米華雖多次被影到約會Mandy,但早前公開說最愛老婆,洗米嫂即時贏晒。資料圖片
■Mandy Lieu被傳流產後,一直未有出席公開活動。資料圖片
■洗米嫂在fb晒比堅尼相。互聯網圖片
fb晒事業線
昨晚約7時,陳慧玲換上粉紅色性感裙出席晚宴,頭上戴閃爆鑽飾的她,由女兒全程伴在左右,同行更有5人貼身保護。問到她將來生了,會否帶小朋友一齊參加探訪活動?陳慧玲說:「一定會帶。」至於會否叫老公也一同參與?陳慧玲即甜到漏表示:「會,一定會。」另外,陳慧玲日前在facebook貼了多張跟女兒、洗米華跟前妻所生兒子柏豪的合照,當中她穿藍色比堅尼,狂晒深長事業線的照片,不過昨日黃昏卻把相片鏟走,只保留她於上周上載、穿上跑步look的照片,有朋友留言問她:「你仲跑步?」陳慧玲回應說只是慢行,還反問:「我而家點跑呀?」採訪:羅慧敏、盧妹攝影:沈健程
來源:
http://hk.apple.nextmedia.com/entertainment/art/20150410/19106744
李寶英挺巨肚開迎B派對
1 :
GS(14)@2015-04-28 22:52:44 韓劇《聽見你的聲音》女星李寶英前年與《愛上哪個我》男星池城結婚,兩人一向是圈中模範夫妻,去年10月李寶英更宣佈懷孕,預產期在今年6月。懷有身孕的李寶英專心在家養胎,甚少公開露面,而一向對老婆寵愛有加的池城亦樂於照顧太太,日前這對準爸媽更獲友人搞迎B派對,廣邀圈中好友到賀,當中包括裴宗玉、尹賢淑、卞貞秀等。只見身穿白色長裙的李寶英頭上戴了一個花環,雖然素顏上陣但依然美麗如昔,整個造型十足園林仙子一樣。
■肚大如籮的李寶英(左三),廣邀好友出席派對。
■穿上仙子裝的李寶英(左三)素顏上陣,被讚是最美麗的大肚婆。
腹大便便的李寶英在現場玩得十分投入,又不時大擺甫士拍照留念,當中她更鬼馬地拿起一個巨型奶樽作狀飲奶,十分可愛。不少網友見到李寶英的照片都大讚她是最美麗的大肚婆,又十分羨慕她擁有幸福的家庭。撰文:施洛冰
來源:
http://hk.apple.nextmedia.com/entertainment/art/20150428/19127659
Ella升Cup晒巨肚
1 :
GS(14)@2015-06-10 08:38:05 大肚婆官恩娜(Ella)難掩首次懷孕的喜悅,不時在社交網分享近況,前晚又在Instagram貼側身自拍相,懷孕5個月的她興奮留言:「星期日人山人海!無阻second trimester體力旺盛嘅我去街!」由於側身站立的關係,除了看到胸部明顯升cup外,肚子更又圓又大,Ella搞笑地寫道:「不嬲唔係標準火柴人身形嘅我!喺行內算係肥仔!有時fitting都會縮吓肚腩!唔知係咪慣咗,有次着完衫見自己個肚咁大又縮一縮!之後先諗起自己大咗肚。」網友都留言讚她是靚媽媽好可愛:「要好好享受唔使縮肚腩,光明正大挺起個肚嘅日子。」撰文:皓騫
來源:
http://hk.apple.nextmedia.com/entertainment/art/20150609/19177939
Ella巨肚大得快
1 :
GS(14)@2015-07-15 08:55:55 陀B已6個月的官恩娜(Ella),她的孕婦生活認真多姿多采,經常在街上被人「捕獲」。昨日她又被發現與兩個女友人在中環置地吃午餐,與女友人分開後,Ella發現在場有不少記者,她嚇一嚇地說:「嘩,今日咁多人嘅?」接着她邊行邊談陀B近況並說:「我個肚大得好快呀,我哋改咗英文名,不過留番生咗之後先公佈。」
Ella亦表示混血醫生老公Domingo未有勸喻她減少出街,接着又稱要到文華酒店拿東西,過了一會兒,見到Ella拖着一個手拖篋步出,酒店職員見狀即上前幫手拖篋,最後Ella在酒店坐的士離開。採訪、攝影:梁繼光
來源:
http://hk.apple.nextmedia.com/entertainment/art/20150715/19219594
周渝民拖巨肚妻嘆茶
1 :
GS(14)@2016-07-12 03:19:36 周渝民(仔仔)去年11月迎娶女友喻虹淵後,今年4月宣佈快將做爸爸,但胎兒性別及預產期一概拒絕透露。前日傍晚,腹大便便的喻虹淵終於現身,她與仔仔前往台北一間咖啡店歎茶,二人坐在隱蔽位置,戴着黑色帽的仔仔不斷摸老婆大髀,喻虹淵亦將手放在仔仔的手上,認真甜蜜。半小時後,仔仔小心翼翼地拖着太太離開咖啡店,雖然喻虹淵穿上鬆身衫,但明顯肚凸凸,估計有身孕超過6個月。仔仔拖着太太站在路旁跟友人傾偈,之後齊齊上車離開。對於喻虹淵陀B仔還是B女,以及懷孕多久,仔仔的經紀人柴曉倩只說:「幸福、美滿、感恩、感謝!」撰文:魯吉
來源:
http://hk.apple.nextmedia.com/entertainment/art/20160711/19689471
心如挺巨肚拖霍建華
1 :
GS(14)@2016-10-28 06:24:18 ■林心如日前在台北被捕獲挺巨肚拖實霍建華。微博圖片
林心如和霍建華今年7月閃婚,在峇里舉行婚禮時,仍未公開承認未婚懷孕一事,直至9月,胎兒情況穩定,心如在一個公開場合承認有喜,不過當時她仍然穿鬆身衫刻意遮肚,亦甚少在社交平台貼懷孕新相,最多只貼看到上半身的美女圖,未知是否害怕其體形曝光,被猜到分娩日期,或者不想被人看到肥腫難分的外表。最近在網上流傳了多張林心如和霍建華手拖手拍拖相,網民在台北東區街頭見到素顏心如,她束起頭髮,當時的她肚凸凸,已經是一個不折不扣的大肚婆,拖着老公行街的她,手腳纖幼,步履輕盈,並未有腳腫肥胖的情況,而霍建華則戴上鴨嘴帽和太陽眼鏡,頭向下垂,似乎不想太過高調。撰文:非非
來源:
http://hk.apple.nextmedia.com/entertainment/art/20161028/19814275
Baby挺巨肚賀曉明
1 :
GS(14)@2016-11-08 05:45:50 ■陀B五個月的Baby日前現身老公在上海的生日派對。《騰訊娛樂》圖片
黃曉明跟太太楊穎(Angelababy)宣佈有喜後,至今Baby已經懷有5個月身孕。日前是黃曉明39歲生日,他在上海舉行「16年之約」生日派對,同時慶祝自己入行16年。派對亮點是老婆Baby挺住大肚忽然現身,給老公驚喜,她一現身就抵死的取笑老公:「16年之約,16年前我11歲。」雖然被開玩笑,但曉明依然大讚老婆,他說:「謝謝你,這麼年輕為我生孩子。」
■黃曉明在台上見小朋友,即興奮攬到實。
另外,黃曉明在微博發文,多謝粉絲們在這16年對自己的支持,他回想自己試過拿着粉絲送的大閘蟹行紅地毯,又拿着粉絲送的石榴搭飛機,他在微博解釋不肯放下禮物的原因:「因為都是家人送的,要帶在身邊!」將粉絲看成是家人,難怪他們都死心塌地支持偶像。撰文:李森
來源:
http://hk.apple.nextmedia.com/entertainment/art/20161108/19825839
黎姿陀巨肚出街5人服侍趙文卓全裸攬老婆影寫真
1 :
GS(14)@2016-11-11 08:10:29 自演唱會之後,Kay休息咗差唔多大半年,個月肚一日大過一日,《蘋果》日前見到佢,個肚仲大到成座山咁,好彩身邊有老公張繼聰照顧咋。陀B係辛苦嘅,尤其係巨肚,好似黎姿咁,10年有喜時就要5個人喺身邊侍候,無耐就生咗一對孖女,大女重約6磅,細女都有3磅幾。10月懷胎呢個過程係辛苦嘅,但都好值得紀念,好似安排太太喺香港生仔嘅趙文卓,今年8月就同太太影咗全裸寫真,個焦點梗係影個巨肚啦。另外,黃伊汶(Emme)今年初都有約埋老公陳國坤影巨肚寫真,Emme除咗用巨肚頂老公,仲有一張係「低炒」,顯得個肚特別勁。除咗影相,巨肚都仲可以用嚟畫畫,鄭希怡(Yumiko)上年陀B嘅時候,就試過喺肚皮上畫咗個小女孩嘅樣,結果佢嘅B女梁浸浸出世,真係同幅畫一樣,精靈可愛。
來源:
http://hk.apple.nextmedia.com/entertainment/art/20161111/19829810
葉翠翠四個月現晒巨肚生完即追隨時退出
1 :
GS(14)@2016-11-14 01:00:31 2016-11-10 NM [table=100%]
[table=100%]
[td=3,1]
葉翠翠去年跟建築師兼公司董事周曉東(Raymond)結婚後,即不設防密密造人,雖然食過詐胡,但努力一年終於得米!葉翠翠已經有餡四個月,感動到喊的Raymond落令老婆停工;原來早前拍劇體力透支,一度病倒入院。為求老婆輕鬆佗B同繼續追,計劃生四個的Raymond決定落閘,要翠翠退出娛樂圈。幸福小女人
十幾日前,本刊拍到葉翠翠同老公周曉東在太古廣場拍拖入貨,著平底鞋鬆身衫的葉翠翠挺住四個月肚,人逢喜事,將升呢做老豆的Raymond邊揀食物,邊攬錫老婆,sweet爆。在超市轉了幾個圈,Raymond在凍櫃掃了大堆芝士,之後去買果汁,大部分都是適合孕婦的營養食品,放入手推車前,他必定細心做QC,睇清楚食物標籤及成分;有愛妻號把關,葉翠翠一於做幸褔小女人,一切交由老公決定。行了半個鐘,在雪糕櫃前徘徊了好一陣的翠翠,突然又改變主意走去買麵包和朱古力冬甩。
肥肚唔肥人
「翠翠同Raymond都話BB係上天送俾佢哋嘅禮物,因為翠翠喺生日前知道有咗,預產期就同老公生日日子好接近。有咗之後,大肚婆胃口不知幾好,但佢keep住做啲簡單運動,所以都係肥咗落個肚,手腳都冇乜長肉。」知情者說。為了做媽咪,葉翠翠年多前開始睇中醫調理身體,加上老公改變飲食習慣全面配合,兩公婆都十分謹慎,不過自從六月埋位拍《愛.回家之八時入席》後,早開夜收,體力透支,幾乎前功盡廢。
入院吊鹽水
「翠翠近年都係做主持多,已經有一段時間冇拍電視劇,就算拍,都係輕輕鬆鬆客串幾集,所以監製搵佢開新劇仲要個角色度身訂造,就即刻應承。但因為太耐冇試過咁長時間開工,朝早六點入廠,凌晨四點半要起身,跟住拍到夜晚八、九點;佢試過一個月內睇咗八次醫生,好容易就感冒,有次仲辛苦到要入醫院吊鹽水。「嗰次之後,翠翠同監製商量過決定辭演,一來身體真係頂唔順,加上Raymond唔想老婆捱得咁辛苦,兩公婆為咗生B做咗咁多準備,真係唔想身體又再變差。九月生日後翠翠足三十五歲,已經步入高齡產婦階段,所以愈早生愈有着數。」
望生四個
老公講明想生四個,葉翠翠全面配合,打算生完即追第二個,肚皮有排忙,生完仲要湊,Raymond早已游說老婆退出。「翠翠做嘢好上心,容易緊張,有咗之後,Raymond已經叫老婆即刻停工,最好就退出幕前唔好再做。翠翠雖然口頭應承,但同無綫仲有約,不過嚟緊呢一年就一定開唔到工。其實兩公婆傾好咗生完即刻又嚟過,最理想係一年一個,生夠四個先收工。所以之後會唔會再做娛樂圈,翠翠自己都唔敢講到咁實在。」知情者說。
養生全面睇
一追再追
藝人偏向遲婚,所以婚後都不設防趕造人,唔少更生完一個緊接再一個,追到夠數為止。
陳豪三年抱三13年,陳豪與陳茵媺奉子成婚,同年12月誕下長子陳梓燁,15年2月次子陳浩鋒出世,今年更成功追埋個女Camilla,三年抱三,證明陳豪造B能力超強、陳茵媺更好生養。
徐子淇好字起孖06年尾,徐子淇下嫁李家誠成為千億新抱。翌年7月先誕下長女李晞彤,09年再添一女李晞兒,11年長子李俊熹出世後,五年抱三,徐子淇休息四年,去年再誕下幼子李建熹,兩個「好」字在手,收得工!
林盛斌逢三進一阿Bob與老婆黃碧玲08年5月誕下大女林霏兒後,11年才誕下次女林熹兒,之後又係隔三年,14年誕下細細女林機兒,喜歡「逢三進一」的他坦言仲要追多個。
雞年旺生B
歌仔都有得唱,「雞,全部都係雞,全部都係雞……」冇錯,明年出生的BB,全部都係雞BB,無論雞仔還是雞女,總之雞年旺生B。
楊愛瑾今年四月下嫁永安太子爺郭永淳,結束八年愛情長跑,婚後不設防的Miki本月初在ig留言:「Hey little thing , you make us go wild!」公布有喜。
Angelababy去年十月和黃曉明結婚後,已多次傳出Baby懷孕消息,上月廿一日,黃曉明在微博上載與老婆的出海背影照,並寫下:「三個人的旅行,以後還要一起很多次,感恩,媳婦兒∼」,向外證實將為人父。
謝安琪育有一子張瞻的Kay,老公張繼聰一直想追個女,難得老婆願意停工配合,今年九月,宣布追女成功,湊成「好」字。
林心如四十歲的林心如於今年七月下嫁霍建華時已經佗B,雖然雙喜臨門,但因未夠三個月,九月才承認有喜。
陳嘉樺台灣女子組合S.H.E成員陳嘉樺(Ella),和老公賴斯翔結婚四年多,上月廿二日上載拿着驗孕棒的照片,親證好消息。
撰文、攝影、攝錄:娛樂組
撐巨肚四圍玩 陳敏之飯敍
1 :
GS(14)@2016-11-17 11:30:38 ■陳敏之下個月便剖腹產子,她說囝囝是她和老公最好的聖誕禮物。互聯網圖片
港台兩地娛樂圈都有不少星媽等生B,台灣代表有陳妍希,香港則有下個月預產期的「索腿天后」陳敏之。今年37歲的敏之,事先張揚一索得男,目前為老公雷偉信(William)陀B仔八個多月,已擇日在下個月剖腹產子,笑言BB是她跟老公最好的聖誕禮物。
■敏之日前約前經理人飯敍貼相晒大肚,網民讚她臉尖尖好靚。
敏之日前跟家人影大肚相留念,昨日又再於微博貼了與前經理人飯敍的合照,還寫道:「邊個夠我大!」臨盆在即,敏之的肚皮的確比之前脹大許多,但依然臉尖尖。有網民大讚她陀得靚,又有人留言:「我女神都快生寶寶了,時間過得真快。」撰文:李察
來源:
http://hk.apple.nextmedia.com/entertainment/art/20161117/19835965
翠翠升Cup晒巨肚
1 :
GS(14)@2016-11-29 00:14:35 ■葉翠翠昨日在微博貼出大肚三點式相,見她上圍升cup。
葉翠翠去年嫁給建築公司副董事周曉東,近日造人成功,翠翠本月初親證陀B近4個月,更有老公錫到燶貼心照顧。翠翠不時在微博貼出煲靚湯等養胎相,昨日更貼吸睛的三點式泳裝照,相中她浸在水中享受日光浴,估計她正身處異地度假,挺着巨肚的翠翠上圍目測由選港姐時的32A,谷奶升到C cup,她留言:「肚子大了不少,就算旅行也不可以懶惰,每天做適量運動,對BB是十分有幫助,也因為懷孕後吃太多東西了,做些運動對身體也有益處。在這裏定了目標,每天游泳兩次,當然要避開猛烈太陽的時候。」撰文:楊定
來源:
http://hk.apple.nextmedia.com/entertainment/art/20161128/19847661
Race@2R七個月巨肚曝光
1 :
GS(14)@2017-02-06 07:28:04 終於見肚喇!前組合2R成員黃婉佩(Race)於去年11月嫁新加坡富商David Loh,有傳Race今次係雙喜臨門,但佢一直避答係咪有BB。近日Race同家姐黃婉君(Rosanne)一家人去奧地利睇雪山,Race即使有post相刻意彎身遮肚。昨日Rosanne再喺ig post咗一段一家人去睇酒窖嘅片段,意外令Race巨肚曝光。片中見到穿上灰色冷衫嘅Race拎住一本書行入酒窖,個肚籮咁大,相信已經懷孕6至7個月,BB應該好快就出世。見Race後面全程有一位男士貼身伴隨,相信係Race老公David,好貼心咁護住老婆。《蘋果》昨日恭喜Race,佢以短訊畀咗個笑臉公仔,回覆﹕「等我找個漂亮的照片post啦!」負責拍片嘅Rosanne當然冇提妹妹半句,留言﹕我從來沒有去過這樣的酒窖!它曾經是一個炸彈庇護所,356天都不需要冷氣或抽濕機。」
來源:
http://hk.apple.nextmedia.com/entertainment/art/20170206/19919509
吳若希忽然晒巨肚:史迪仔送個星球俾我
1 :
GS(14)@2017-03-23 06:51:19 昨日許廷鏗喺fb貼咗一張驚人七人大合照,原來佢係約咗三個大肚婆謝安琪(Kay)、吳若希(Jinny)同化妝師朋友,而Kay BB昨日就回覆咗《蘋果》話:「總之好難得,我哋兩個同廷鏗都係同一個化妝師,覺得呢件事好有緣份,好有紀念價值好難得,我哋就任性少少,個肚籮咁大都出嚟食餐飯。」唔知係咪呢次飯局嘅焦點集中咗喺Kay BB身上呢,身在澳門嘅Jinny BB就喺晚上,放咗一張肚肚相,佢留言話:「關於大肚相點解唔見肚~~我想還攝影師一個清白!曾幾何時史迪仔話送個星球俾我~應該就係呢個!」咁睇落史迪仔送俾Jinny嘅星球又的確好大喎!
來源:
http://hk.apple.nextmedia.com/entertainment/art/20170323/19967394
巨肚黃婉曼陀女失望
1 :
GS(14)@2017-04-14 11:12:53 ■黃婉曼昨日為麵包工房剪綵,獲黃心美等好友撐場。
黃婉曼和老公馮柏基昨日在鰂魚涌為投資的麵包工房剪綵,獲圈中好友何傲兒、黃心美、梁芷珊等撐場,陀B的黃婉曼身形暴脹,流露幸福笑容。回想工房最初試業時,黃婉曼親力親為落場幫手,但在最緊張時刻就發現有BB,她說:「記得當時可以着加細碼衫,但?家就……肥咗十幾磅。」並揭盅陀女,帶點失望地說:「我會努力再追仔,目標生三個。老公對住前世情人開心啲,係男人都鍾意女。」她暫未決定開刀或順產,笑言:「我?家陀B五個月,感覺似就嚟生得,醫生叫我節制少少,可能BB腳長,係肥妹仔啦。」採訪:卓寶花攝影:陳慧安
來源:
http://hk.apple.nextmedia.com/entertainment/art/20170414/19989554
扭計要勁食吳若希挺巨肚 逼電車嗲男友
1 :
GS(14)@2017-04-22 10:49:43 【低頭族】■隨時生得的吳若希日前戴着口罩,孖男友Alex電車河,幾乎全程低頭撳電話。讀者提供圖片
【爆相爆片】下月便25歲的吳若希,去年撻着澳門闊少男友何兆鴻(Alex),同年底便未婚懷孕,為了安胎即停工,下月就是預產期,肚大如籮的吳若希活躍網上,不時在社交網站發佈孕記,還替囡囡改英文名Giselle。本報讀者羅小姐日前透過《蘋果》「爆相爆片」,分享了戴着口罩素顏的吳若希孖男友Alex坐叮叮遊電車河,羅小姐日前在電話中說:「禮拜三(19日)傍晚大約6點半,我喺金鐘上車,已經見到佢同男友坐喺度,電車係去筲箕灣,吳若希幾乎全程都係耷低頭撳手機。」
唔識路周圍望
從相中看到,大肚吳若希都潮用名牌Chanel斜孭袋,不過懷有9個月身孕的她肚子越來越大,名牌手袋都遮不了,戴了口罩的她低頭時頭髮披面,身邊的Alex左手拿着相機,一家「三」口溫馨遊電車河,Alex右手緊握扶手,雙腿夾實。羅小姐續說:「見到佢男友周圍望,好似唔清楚地方,吳若希同佢講『灣仔』,之後又好嗲咁同男友講:『哦,好吖!』,架車多人幾迫,唔見佢哋有親密行為,都有啲人眼望望。」
【勁溫馨】■吳若希帶澳門男友Alex平遊香港,一家「三」口溫馨坐叮叮。讀者提供圖片
■去年宣佈未婚懷孕的吳若希,早前為囡囡改英文名Giselle。資料圖片
■吳若希早前與Alex上產前育嬰班。資料圖片
攝期7月開騷
吳若希前晚在facebook發大肚婆牢騷:「我不開心……因為我想剪腳趾甲,但是我剪了10分鐘,還沒有剪完,然後我又突然發現我餓了,我好想好想吃格仔餅,兩塊!多奶!多醬!還有蛋撻!還有魚蛋,辣的!」大肚婆召喚,不知Alex可有立即行動做外賣仔?此外,有意產後復出的吳若希,有傳她會頂上鄭俊弘的7月紅館檔期騷,其實計算日子,她產後坐月,時間啱啱好。早前挺住巨肚的吳若希,抽空返公司與星夢高層何哲圖吹水密密斟,空穴來風,未必無因。採訪:皓騫
緊貼「蘋果VR」熱潮,打開雙眼隨意門,讓「蘋果VR」陪您探索新世界:
https://goo.gl/b5RQAB 「蘋果VR」App
App store下載:
https://goo.gl/0kW2cK
Google Play下載:
https://goo.gl/4K7EHw
來源:
http://hk.apple.nextmedia.com/entertainment/art/20170422/19997343
股票掌故 |
香港股票資訊 |
神州股票資訊 |
台股資訊 |
博客好文 |
文庫舊文 |
香港股票資訊 |
第一財經 |
微信公眾號 |
Webb哥點將錄 |
港股專區 |
股海挪亞方舟 |
動漫遊戲音樂 |
好歌 |
動漫綜合 |
RealBlog |
測試 |
強國 |
潮流潮物 [Fashion board] |
龍鳳大茶樓 |
文章保管庫 |
財經人物 |
智慧 |
世界之大,無奇不有 |
創業 |
股壇維基研發區 |
英文 |
財經書籍 |
期權期指輪天地 |
郊遊遠足 |
站務 |
飲食 |
國際經濟 |
上市公司新聞 |
美股專區 |
書藉及文章分享區 |
娛樂廣場 |
波馬風雲 |
政治民生區 |
財經專業機構 |
識飲色食 |
即市討論區 |
股票專業討論區 |
全球政治經濟社會區 |
建築 |
I.T. |
馬後砲膠區之圖表 |
打工仔 |
蘋果專欄 |
雨傘革命 |
Louis 先生投資時事分享區 |
地產 |
ZKIZ Archives @ 2019