ZKIZ Archives


為追夢棄高薪筍工索爆模特「儀」不再做鹹魚

1 : GS(14)@2016-09-14 05:52:15

重回沙排場上,Sonia希望能再次代表香港出賽。



曾代表香港征戰亞運沙灘排球比賽的江卓儀(Sonia),2011年因為經濟壓力而放棄了心愛的沙排「轉行」當護士,從此過着只得工作沒有靈魂的鹹魚生活。直至去年,Sonia辭去護士工作,重投沙排懷抱,鹹魚碰上水就變回一條生猛游水魚。記者:倩宜 攝影:馮峰、吉吉



Sonia指新新拍檔方思敏(包包)漸有默契。

包包指Sonia非常勤力練習,故其「香港沙排界一姐」的稱號並非浪得虛名。

Sonia現在每星期也努力操練。

回想當初放棄沙排的原因,Sonia無奈表示:「因為香港做運動員,如果唔係去大型比賽,所有費用都係要自費,我都要生活,所以咪放棄。」Sonia指香港對運動員資助極為不足,過往不僅比賽(報名?)費用需自付,就連教練費,也要待她們在大型賽事中勝出才獲資助。她說:「King Sir(鄭景亮)真係好好,佢當時可以話係義教我哋,係間唔中我哋叻女,打到大型比賽又贏到,佢先可以分返啲教練費。」



Sonia指King Sir是其恩師。

包包笑指曾因泳褲的綁繩鬆掉,而險些於比賽中甩掉泳褲。

曾經因為經濟壓力而放棄沙排,問到Sonia現時又因甚麼原因再次重回沙排球場?她說:「當時做護士人工唔差,錢係真係唔駛擔心,但我每日嘅生活就係得返工放工,攰到個人唔想郁,連跑步都唔想跑,當時就覺得應該再停落嚟休息下,所以就辭職。」Sonia指當時辭職只是想好好休息,並沒想過再重回沙排球場,直到她遇到現時拍檔、前香港排球代表隊成員方思敏(包包)。「嗰陣我去睇比賽見到包包,當時講笑同佢講,話不如我哋落場打,點知當時佢真係send message問我係咪想打返,就係因為咁而組咗隊。」Sonia笑說。



除了兼職護士外,Sonia還有當運動評述員及model的工作。

香港政府花700萬邀請里約奧運中國代表團來港表演,但對香港運動員的資助卻極少。

雖然現在有多份兼職在身,但Sonia仍盡量每星期練習五天,其拍檔包包直言Sonia香港沙排界一姐的美譽並非浪得虛名:「好似今日(受訪當天)咁,佢份護士兼職啱啱開完通宵更,07收工唔瞓覺就直接過嚟練波,真係好勤力,香港一姐呢個地位真係值得。」提到二人的目標,包包表示希望能學好沙排技巧,而Sonia則指希望能打回香港頭一、二的位置,及再次代表香港出賽。




來源: http://hk.apple.nextmedia.com/entertainment/art/20160914/19769944
為追 追夢 夢棄 高薪 筍工 工索 索爆 模特 不再 鹹魚
PermaLink: https://articles.zkiz.com/?id=309059

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019