林峯地下情點浮面當眾連呼七次「好愛BB」
1 :
GS(14)@2016-11-23 07:53:23年齡相差13歲，不過無阻兩人越愛越高調，講緊嘅咪係36歲嘅林峯同23歲嘅女友千語BB囉！仲記得林峯以前被指金屋藏嬌，2011年同大陸女模潘霜霜拍拖，本身都無咩人發覺，但突然爆出咗一張兩人同床嘅自拍照，先至令戀情曝光。可能見過鬼怕黑，林峯之後同都好保護感情事，2012年佢同千語BB合作拍《男人如衣服》時撻着，仲以8萬月租豪宅作愛巢，再次玩金屋藏嬌。遇到真愛令林峯打開心扉，13年佢喺《十大勁歌金曲頒獎禮》拎獎嘅時候，就情深款款咁話「多謝BB」，令戀情正式浮上水面。自始佢哋關係突飛猛進，同年4月，林峯喺《勁歌金曲》再次晒愛，連講七次「好愛好愛好愛好愛好愛好愛好愛BB」，而翌日千語BB就好甜咁話，會講番七次「多謝」，隔空傳情好甜蜜。
來源:
http://hk.apple.nextmedia.com/entertainment/art/20161123/19842598