ZKIZ Archives


住陽明山揸寶馬何超雲包養陳山聰

2011-3-10  NM




上月初,陳山聰失驚無神在微博宣示主權,寸爆情敵周柏豪借何家三房千金超雲超蓮做宣傳,在此前,他更飛甩拍拖十年女友Ponny Yeung,真正「何家駙馬」,突然見光。

先後被踢爆同何超雲慶祝情人節及生日的陳山聰,雖然表面上繼續扮唔熟,不過,自從他溝掂千金女後,即使月薪得兩萬,陳山聰生活卻愈來愈豪,豪換寶馬,何超 雲更安排男友入住三太名下,跟三房的布力徑大宅相隔兩分鐘車程的陽明山莊豪宅,方便隨時on call的陳山聰往返。車換車見面

正為電視劇《我的如意狼君》開工的陳山聰,雖日踩夜踩冇固定收工時間,依然全副心思放在何超雲身上。為免揸開的豐田黑色bB惹人留意,月前秘密換了一部茶 色玻璃寶馬三系,此外,原本跟前度租住清水灣半島的他,為方便隨時見女友,更搬到三太名下,巿值租金十二萬的陽明山莊豪宅,生活質素十二級跳。

上週二(三月一日)凌晨四點半,陳山聰收工離開將軍澳電視城,踩行油直「劈」返大潭陽明山莊。泊好車,陳山聰隨即再登上早已在停車場等候接載他,三太專用 的七人車離開,相隔兩分鐘車程,位於布力徑大宅的工人,開定大閘門,讓七人車第一時間駛入。天光先見到何超雲的陳山聰,在大宅逗留至翌日中午,仍未肯離 開。

連日來,陳山聰將新寶馬泊在陽明山莊停車場,除了返電視城開工,平時甚少外出。三月七日凌晨,陳山聰收工照樣返陽明山莊,其間發現有記者,為怕新竇外洩,即使已經駛入陽明的停車場,卻即再踩行油,由另一出口離開。

換車返三太大宅

3月1日凌晨接近五時,陳山聰收工返抵陽明山莊新居,即換車登上三太七人車,其間何家賓妹一度落車,最後由司機載返布力徑大宅,至翌日中午仍未離開。

3月7日,在電視城收工的陳山聰,揸寶馬返陽明山莊豪宅,不過發現記者,即踩油由另一出口離開。

蚊型少爺仔

在電視圈撈咗13年「三打七」,近年才憑《女王辦公室》冒出頭的陳山聰,原來都算係少爺仔一名,父親早年在澳門經營紙品生意,隨後陳山聰胞兄接手將微利行 業拓展成運輸業,令生意越做越大,近年更在澳門投資飲食業及按摩中心。數年前,其兄以300萬購入澳門黑沙環一間樓高四層的獨立屋,現市值升至千萬。不過 同緋聞女友何超雲相比,陳山聰等同nothing,與何家千金撻着前,他住的只是百幾二百萬的九龍灣麗晶花園,去年才跟前度女友、時裝設計師Ponny一 起租住萬八元的清水灣半島。由做歌手到轉行賣二手衫,做時裝設計助手,再入無綫當「三打七」,口口聲聲話唔會靠家人接濟,但身上行頭郁吓十萬八萬,財來有 方!

自認衰人

「今年一月中,佢(陳山聰)同班friend講話自己衰,唔生性識咗第二個飛甩Ponny,其實大家都知佢撻着超雲,不過三太落咗令,唔准佢兩姊妹同圈中男仔來往,佢哋先拍拖拍到鬼鬼祟祟。」知情者說。

礙於三太壓力,陳山聰全程扮與何家千金唔熟,何超雲亦要諗計同對方見面。向來豪氣的她,明知做藝員仔的陳山聰收入有限,今年二月初,已安排男友搬入三太名下其中一間位於陽明山莊過千呎豪宅,兼換車掩人耳目。

「山聰部bB車揸咗好多年,好多記者都知道佢揸呢部車,所以佢出咗部寶馬之後,特登泊喺公司停車場最側嘅位。以前佢開工會同啲工作人員有傾有講,而家就成日匿埋一邊,同女友face time,好少同人傾講,乜都神神秘秘咁。」

月入兩萬

現年三十五歲,在無綫十三年的陳山聰,由於肯捱識打扮,近兩年由三打七升為三線男。不過,起薪點由當年六千至今日月薪兩萬,儘管他自爆有個在澳門做生意的 有錢二哥照住,但跟富二代何超雲相比,依舊差天共地。「其實山聰屋企唔係佢講咁有米,係佢二哥俾錢佢買衫,佢仲試過一年買成二、三十萬衫,而家多埋超雲撐 佢,住好著好,咁佢份糧咪用嚟入油囉!」陳山聰身邊人說。

攀登富家女

現代愛情已經唔使門當戶對,不少出身一般的圈中男同富家女拍拖,「修成正果」做豪門女婿,就算唔靠女家飛黃騰達,至少柴米油鹽唔憂。

歐陽震華

當年貴為無綫小生的歐陽震華,跟前澳門賭王傅老榕孫女傅潔恩由拍拖到結婚,都相當低調。婚後「入贅」女家的舊山頂道豪宅,但他繼續努力搵錢,更離開無綫進軍內地市場,現仍狂賺人仔。

高皓正

出身清貧,家住油麻地舊樓,去年才被踢爆老婆是家住九龍塘獨立屋,身家超過億計的皮膚科名醫陸宏隆女兒陸凱兒。唔想失禮外父大人,高皓正傾盡積蓄辦富貴婚宴,20圍酒席安排賓客食原隻吉品鮑魚。婚後富貴老婆亦不介意紆尊降貴,由豪宅搬去大埔村屋。

吳浩康

家住山頂億萬豪宅的大馬拿督千金莊思敏,睇唔上富豪二代,獨愛歌手吳浩康。拍拖3年,莊思敏常留在男友藍田麗港城家過夜,吳浩康亦揚言將來結婚不要女家出一個仙,儲夠百萬酒席費,先夠膽向莊家提親。


陽明山 陽明 寶馬 何超 超雲 包養 陳山 山聰
PermaLink: https://articles.zkiz.com/?id=23140

三太收車收樓踢爆窮山聰充闊少

2011-4-14  NM




陳山聰拋棄糟糠之妻,搭上賭王三房長女何超雲,由籍籍無名二打六,搖身一變成為新一代賤男。即使臭史越揭越多,仍獲何家千金寵倖,地位穩如泰山,並獎賞寶馬代步兼進駐豪宅陽明山莊。

至於一直反對個女同明星仔行埋的三太,忙完「分燊家」之後,即時「做嘢」棒打鴛鴦,在未有知會超雲的情況下,向陳山聰收車收樓,逼賤男露出狐狸尾巴。

至於一直吹噓自己家族在澳門經營運輸生意的陳山聰,據澳門「商業及動產管理局」資料顯示,其兄長陳山海任職的運輸公司「世運行」,既不是股東也不是管理層,將打工仔阿哥變成大老闆,陳山聰扮上等人企圖拉近同何家千金距離,大話不攻自破。阿媽睇唔實

何超雲有鋪追星癮,經由陳山聰介紹認識林峯不果,轉頭帶埋細妹超蓮齊齊做周柏豪fans,兩姊妹自得其樂,阿媽三太卻睇唔過眼,限制二人跟出跟入追明星。

明知單身超雲芳心寂寞,陳山聰吼準時機,積極埋身,甘心情願被何家千金搓圓㩒扁,隨傳隨到,加上把口「啷過油」,即使二打六、零人氣,一樣成功奪得「雲」心。

超雲連奀星都啱,三太當然睇唔過眼,一度向女兒大興問罪。據知,超雲為掩飾二人親密關係,訛稱跟陳山聰純粹朋友關係,並非傳媒所寫的打得火熱。由於當時正值四房人為「分燊家」一事爭崩頭,為免節外生枝,引起賭王關注,三太只作出口頭警告,未有出手干預。

「當時水深火熱,三太顧住『分燊家』,仲邊有時間睇實超雲,佢更加無諗過個女玩到咁盡,唔只送車,仲俾埋層樓佢住,後來啲記者踢爆陳山聰結過婚,三太知道嬲到震,同朋友講只要搞掂『分燊家』就會『做嘢』。」熟悉三太的人士透露。

沒收車樓

明知阿媽唔鍾意,超雲卻話之你,並先後兩次被傳媒影到同陳山聰孖公仔搭直升機夜訪澳門,證據確鑿,三太轉向奀星埋手,斬斷陳山聰財路,在未有知會超雲情況 下沒收陳山聰的二手寶馬及陽明山莊單位。你精我唔笨,當日不顧身世狠撇糟糠Ponny追超雲,陳山聰當然不會輕易罷休,死纏扮可憐搏同情,難得超雲心軟照 單全收,為怕再次觸怒何三太,超雲更加扮同陳山聰斬纜,飛英國治情傷避風頭,實質同二打六轉玩地下情。三太棒打,被經濟封鎖的陳山聰,先以腸胃炎為理由缺 席上週日(四月三日)《洪武三十二》的宣傳活動,連帶本週一(十一日)《我的如意狼君》煞科飯局都冇影。上週五(八日),陳山聰到粉嶺「雲泉仙館」為《我 的如意狼君》拍外景,全情愁爆無表情,還公然在寺廟內食煙。被人收車的陳山聰,當日收工焗住坐公司van離開,風光不再。

唔係老細

聲稱識朋友講心唔講金,陳山聰更多次提及父親在澳門經營家族運輸生意,陳家上下在當地同樣有錢有地位,「我家人知道呢一行(娛樂圈)唔穩定,好大壓力,我 哥哥有叫我不如過澳門幫佢打理家族生意,但我拒絕。」據了解,陳山聰兄長陳山海的確在澳門落地生根。○九年陳山海更以「世運行」裝運行政總裁身份,出席當 地一份免費雜誌《梳打》的創刊一周年酒會。但本刊記者走訪「世運行」位於澳門南灣大馬路的辦公室搵陳山海,職員卻說:「你有咩搵我哋就得,佢喺倉嗰邊返 工,唔會喺office出現。」其後記者兩次追問陳山海是否公司老闆?職員只是「陰陰笑」未有回答。根據澳門「商業及動產管理局」的商業登記資料顯示,世 運行分別以有限公司及非有限公司註冊,兩間公司均由Kou Im Tong、Ng Ha May Rina及Lay Hing Sieng持有。九九年,Kou Im Tong及其妻擁有的股份全數轉讓給Lay Hing Sieng,並委任李永康擔任行政管理,證明陳山海並非公司老闆或股東。

茶餐廳醫肚

純粹打工仔,陳山海上班的地方是工廠大廈,四周擺滿一桶桶清潔化學物,環境惡劣。上週一(四日)食飯時間,陳山海開車返回住所,接載妻女一同到附近茶餐廳 醫肚後,再到一座大廈,監督工人進行搬運工作,之後便返回工廠大廈上班,直到晚上八時才收工返家。至於陳山聰在訪問中指兄長染指飲食業及按摩中心,原來通 通都係大話,「條澳門街有幾大吖,真係未聽過陳山聰個家族有幾財雄勢大,只係知佢(陳山聰)阿哥陳山海同《梳打》雜誌社長好老死,社長個老公有間泰國餐 館,又喺皇朝區有間泰式按摩囉!」充闊佬,窮山聰現晒形!

雲山戀

自陳山聰在微博大鬧情敵周柏豪借何超雲宣傳,「雲山戀」正式曝光,之後更被踢爆在情人節及生日拍拖密會,又以「My Love」相稱,戀情火速升溫。2月5日今年農曆年初三「赤口」,陳山聰突然在微博發功炮轟,「唔該有啲人唔好利用人哋個名見報啦。」又指某人穿壞了 Rick Owens潮牌,矛頭直指超雲緋聞男友周柏豪,其後,柏豪不甘示弱:「盡情向我開火吧!」2月27日超雲22歲生日,在微博自爆有J君送上心形蛋糕和99 枝玫瑰,而陳山聰英文名正是Joel,二人即傳出緋聞。其後,再被踢爆情人節在酒店歎香檳,並以「My Love」作暗號在微博傳情。3月9日陳山聰被爆已婚,更有傳他為了超雲跟太太Ponny離婚,事後陳山聰直認已辦理離婚手續,而超雲則在微博力撐:「交 友的定義不是用金錢來衡量,而是在乎個人的品格之高低。」3月11日有指陳山聰搭上超雲後忽然富貴,秘密換了一部茶色玻璃的寶馬,更入住三太名下的陽明山 莊單位。3月22日超雲生日當晚,與陳山聰齊齊坐直升機到澳門,陳山聰更幫超雲拎手袋及攬腰上機,事後,超雲否認相中人是陳山聰,但周柏豪卻唱反調說: 「係佢嚟嘅!」3月23日就攬腰上機一事,超雲維護男友在微博炮轟周柏豪,「作為朋友,是不應利用對方,難道你不感到內疚和羞恥嗎?」過兩日,又再踩多 腳,「小人總有生存之道。」3月26日超雲與陳山聰乘直升機遊澳門再被斷正,二人在晚上8時上機,笑容滿面,後來陳山聰更放了一張叉燒照片上微博。

裙下之臣

22歲的何超雲有錢有樣有身材,亦愛在公開場合騷「事業線」,貴為賭王千金,裙下之臣,的確要幾多有幾多。

霍啟人

09年,何超雲與霍震霆幼子霍啟人在中環西餐廳撐枱腳斷正,超雲落手落腳為對方添意粉,隨即傳出緋聞。

何敬豐

有傳超雲搭上何厚鏵姪兒何敬豐,更結伴出席三太的31周年結婚晚宴,超雲不避嫌帶男方四出跟親友打招呼。

王大業

超雲21歲生日,與皮草商太子爺王大業(Andy)十指緊扣與三太食飯,親證拍拖兩個月:「鍾意佢有膽識!」二人拍拖不夠半年,因性格不合分手。

周柏豪

周柏豪主演舞台劇,超雲一連兩日山長水遠到葵青劇院捧場,有傳二人不時互通SMS,又借微博打情罵俏,柏豪更大讚超雲靚女冇架子。

唔會結婚

被冠以「新賤男」稱號的陳山聰,棄糟糠追有錢女搏入豪門做有錢女婿。無獨有偶,陳子聰、陳振聰均與豪門女子結緣。陳子聰03年與何超儀在澳洲註冊結婚,正 式成為「何家女婿」。陳振聰亦與身家逾千億的已故華懋集團主席龔如心有過一段情,由「風水師」躍升億萬富豪。記者致電堪輿學家麥玲玲了解,她表示男性會否 跟富家女結緣,主要看命格,眼下一吋位是主宮,主宮飽滿者容易「田定得財」,根據陳山聰的命格,麥玲玲說:「我唔太睇好佢同超雲,短時間拍吓拖可以,但唔 會結婚,佢條命唔係結婚後唔使做嗰種。」


三太 收車 收樓 樓踢 踢爆 爆窮 窮山 山聰 聰充 闊少
PermaLink: https://articles.zkiz.com/?id=24141

明年底嫁陳山聰賭王送超雲四億大屋

2012-10-04 NM




賭王何鴻燊嫁女,最緊要豪!當年何超瓊出嫁,擺足四日豪門宴,超儀則至少二千萬現金加澳洲豪宅揸手;與陳山聰愛得痴纏的超雲,計劃明年底拉埋天窗,賭王出手更闊綽,送四億豪宅給超雲做嫁妝。被未來外父稱做「皇帝」的陳山聰,好命到呢!

中秋BBQ

中秋節(九月三十日),何家三房女超雲超蓮在微博曬月餅,當晚三太一家和賭王在屋企玩BBQ過中秋,何家準女婿陳山聰,亦有出席。「呢一年,山聰已經入曬 屋,同三房好似一家人咁,超雲啲細佬妹都好鍾意呢個未來姐夫,覺得佢容易相處,唔似得超雲個前男友王大業咁cool。」超雲身邊人說。陳山聰EQ高,冧掂 三太不再反對兩人拍拖,連賭王也接納他做女婿;之前賭王養病追電視劇,見陳山聰在《洪武三十二》中飾演「皇帝」,之後開口埋口都叫他「皇帝」,可見兩人相 處無問題。

潮味裝修

拍拖一年,何超雲和陳山聰不但夾份發展時裝生意,更計劃好明年底拉埋天窗。今年二月,賭王更以海外註冊公司「Beyond Best」名義,以四億三千五百萬購入香島道三十七號獨立屋,送給何超雲做嫁妝。「淨係裝修都使咗成千萬,設計時尚為主,完全符合超雲同山聰嘅品味。本來 九月頭完曬裝修工程,但因為屋苑管理公司發現間屋有僭建,要求清拆,所以要搞埋啲手尾先可以入夥。」知情者說。

生意靠自己

一對「佳偶」早前到英國度假個多月慶祝拍拖一週年,上週四(二十七日)二人才返抵香港。據知,陳山聰今次在英國添置了十幾萬攝影器材,日日幫女朋友影相, 再上載到instagram,玩「每日一Look」,營造Fashion Icon形象。「佢哋搞時裝生意,仲會出埋自己品牌,Mix & Match嘅衫有貴有平,啱番佢哋盤生意嘅未來方向。」

我要做model

為了建立屬於自己的fashion icon,超雲愛將每日一look上載instagram與眾同享,男友陳山聰買齊專業用的攝影器材,充當女友御用攝影師,非常合拍!

何超雲貴為三房長女,外界理所當然認為是賭王開喉支持她搞生意。「佢哋冇咁嘅打算,陳山聰做咗藝人咁多年,都儲落一筆本錢,夠搞呢盤生意。」超雲身邊人 說。靠自己搵食,賭王對這個未來女婿亦愈睇愈順眼,連帶之前不睇好兩人的超雲密友,亦逐漸改變曬態度。「自從同山聰拍拖之後,超雲變咗好多,又開始鍾意煮 嘢食,佢班朋友都接受曬,仲催佢哋早啲拉埋。」

國慶陪飲茶

十月一日(週一)中午,三太一家到灣仔福臨門飲茶,陳山聰當然陪到實。之後,再陪超雲到銅鑼灣整指甲,離開時,記者上前問何超雲是否計劃明年底結婚,露出 甜笑的超雲略帶猶豫連「哎」了三聲,笑笑口說:「唔好催我喇!」之後與男友上車離去。大時大節,陳山聰陪實女友屋企人,做足二十四孝男友,「何家女婿何家 妻」應該都十拿九穩。

趕回港與家人共度中秋節的超雲,在中秋當晚與男友及家人在大宅內BBQ兼賞月,妹妹超蓮更拿出十二個黃蓮蓉月餅出來共享。

何家嫁妝

做得賭王仔女,每年生日,都會收到老豆送大禮,滿十八歲更加送樓揸手。

何超瓊與許晉亨

於91年1月19日結婚,由於雙方均是有頭有面的大家族,喜宴在君悅酒店連擺四日,單是場地佈置已用了三百萬元。許晉亨與何超瓊離婚後,迎娶李嘉欣時婚宴更用上一億港元,其時有傳媒問賭王當年超瓊的嫁妝有幾多,他說︰「Pansy(何超瓊)那個時候是十倍!」

何超儀與陳子聰

在澳洲舉行一連三晚婚宴,新娘婚紗用古董lace以人手縫製,花了近二百萬港元。而賭王給何超儀至少兩千萬現金外,再加送澳洲黃金海岸大屋做嫁妝。

賭王長孫女何家華

於03年下嫁美籍IT才俊Michael Anthony Lesu,賭王包辦婚禮全部開支,並送上位於紐約的一幢豪宅作嫁妝。

明年 底嫁 嫁陳 陳山 山聰 賭王 送超 超雲 雲四 四億 大屋
PermaLink: https://articles.zkiz.com/?id=38243

出口又出手超雲蹺起山聰

2013-03-07  NM
 
 

 

雖有說陳山聰嫁入何家已開綠燈,準新娘超雲反而有褪ɜ現象,上週三在名廚的廿四歲生日宴,不但冇叫男友大合照,仲開到口話:「我懐呢度咪一家人囉!」成晚避開山聰之手唔俾佢拖,何家女婿,睇怕會臨門撻Q。

超雲一到場,記者劈頭問壽星女,山聰今日會唔會求婚?「呢鱓唔講,講番生日啦!」仲擺埋阿妹和吳克群上䒷,呢招唔掂,她就用阿媽做擋箭牌,「媽咪都講個個都係朋友。」影大合照時,陳山聰更獨坐餐廳冇份入鏡。超雲不但出口術,全晚刻意避開陳山聰,整晚不要男友攙扶,主動捉實超蓮手臂,記者叫山聰嘴她,超雲不想,由阿妹代嘴;一直陪食陪玩的陳山聰當晚又冇份坐主家席,被安排同助手、髮型師坐另一圍。不過超雲狡辯話:「我懐得兩圍,冇分主唔主家席。」

入贅無期

而去年傍住女友出席東華晚宴的陳山聰,今年亦被飛,上週五晚超雲單拖陪阿媽赴會。知情者說三太口話接受山聰做女婿,但查實不想他「嫁入」何家,「阿太唔鍾意個女同圈中人,所以超雲唔會同陳山聰結婚,細路女好易變心。」本週一記者問超雲是否密謀分手?她笑話:「唔結婚就分手?我懐感情好好,唔單止佢就我,我都有就佢o架!」

出口 出手 超雲 雲蹺 蹺起 起山 山聰
PermaLink: https://articles.zkiz.com/?id=53350

山聰起義唔放水搞男裝爆粗鬧超雲

2013-04-11 NM
 
 

 

陳山聰遭賭王千金何超雲狠撇,兩年情宣告玩完!當日夢想成為賭王女婿,陳山聰拋棄糟糠、得罪無綫、與圈中好友斷絕來往,做全職男友陪何超雲周遊列國,仲氹掂女友貼錢俾自己搞男裝生意,但何家小姐忽然閂水喉,好夢成空的陳山聰終於流露真性情,爆粗回敬何超雲,換來被飛惡果。

富貴夢一場,陳山聰從天堂返回人間,慘變「四失」中坑,連日潛水無面見人,何超雲則身在巴黎繼續血拼樂逍遙。

生意起爭拗

四月二日,賭王千金何超雲以一句「Love=Money」為這段情作結,暗示兩人因錢銀轇轕分手。本來「坐定粒六」做何家女婿的陳山聰,兩年以來停工拍拖,陪賭王千金到處遊山玩水,穿金戴銀著名牌,兩人更以潮人自居,還不時放風表示要搞時裝生意,計劃到內地東莞設廠生產,情侶檔拍住上,可惜這盤生意亦成為兩人分手的導火線。「超雲同山聰本來諗住出情侶品牌,生產男女裝同首飾,點知最近超雲決定唔做男裝,齋做女裝同首飾,山聰籌備咗兩年嘅男裝系列冇得再搞,佢兩個為咗呢件事,幾個月來成日鬧交。」 何超雲閨中密友透露。

購物散心

二月二十七日,何超雲二十四歲生日宴,是兩人最後一起拍拖公開現身,據知當時他們已陷於冷戰,經常在社交網站晒恩愛的何超雲,已絕口不再提陳山聰,分手早已有迹可尋。據知,早前兩人再因生意問題起爭執,「兩個人拗到火紅火綠,山聰一時火遮眼,爆出一大串粗口鬧超雲,超雲即刻同三太投訴,話自己好似俾人鬧醒咗咁,決定同山聰分手。」何超雲閨中密友透露。決定斬纜,何超雲先在Instragam上放風,暗示回復單身,並單拖飛往倫敦會合妹妹超蓮shopping散心;目前更已轉往巴黎繼續逍遙。

操控慾強

據知拍拖以來,何超雲一直處於主導地位,彼此相處「女尊男卑」,連分手都是由她親自了結。「啱啱撻着,超雲成日話好愛山聰,又話爸爸媽媽好接受佢,先搞到山聰決定同老婆離婚。」知情人士說。近年兩人一時傳婚訊,一時傳合作搞生意,有指全是女方在幕後自導自演,無非想箍實男友,要他死心塌地留在身邊。對男友操控慾強的超雲,拍拖初期,為使男友與前妻釐清關係,願意代付八十萬贍養費之餘,更逼陳山聰日夜相陪,搞到男方拍劇要遲到早退,幕前幕後怨聲載道。之後何超雲更進一步干涉陳山聰的社交生活,要他跟圈中好友保持距離,陳山聰無奈在微博上宣布,跟契姊伍詠薇、陳敏之等人絕交;據知目前仍願與他保持來往的圈中人,僅得郭政鴻一人。自從傳出分手消息後,陳山聰恍似人間蒸發,未有公開露面。據了解,他目前仍未搬離三太名下、位於大潭雅柏苑的單位,暫時未被勒令逼遷。

何家女婿有底

要當上何家女婿,首要條件門當戶對。何家二房女婿正是最佳人辦,個個家底都有番咁上下。想食得住何家淑女,陳山聰未有資格!

許晉亨

身為何超瓊前夫,雖不再是何家女婿,但許晉亨是已故船王許愛周的孫兒,其父許世勳現為中建企業界主席,公司主要業務包括地產及投資。為免後人爭產,生前許愛周用基金管理形式管理幾百億名下資產,故許晉亨每月跟其他家族成員一樣在信托基金支取生活費,地位和身份絕不失禮賭王家族。

陳子聰

Model出身的陳子聰,跟何超儀婚後雖一直無事生產,但家底背景其實有番咁上下。其母是太平餅乾家族千金,家族身家估計過億。陳子聰小時移居澳洲,並在墨爾本皇家理工大學機電工程系學士畢業,有底有學歷。

何志堅

身為何超鳳丈夫的何志堅,是70年代在馬會地位舉足輕重的何壽南姪兒,迎娶何超鳳後,他加入信德,為賭王外父打理業務。他為人低調,偶然才陪愛妻出席名人派對。

夢一場

父親是億萬富豪的何超雲,千揀萬揀揀中陳山聰,兩人戀情更被一致睇死遲早玩完。

拋棄糟糠

傳出周栢豪追求何超雲,陳山聰微博寸情敵只為博見報,其後被揭與超雲共渡情人節,戀情曝光;之後再被揭為與賭王女兒拍拖,10年底跟妻子Ponny離婚,贍養費由超雲代付。

停工陪玩

歐遊多月的超雲與陳山聰結伴返港,有指陳山聰為陪女友,放棄工作,向無綫請長假;返港當晚,兩人返回三太大宅見家長,更將相片上傳到微博,證明男友得父母認許。之後,兩人多次結伴出國遊玩,做全職跟得男友的陳山聰,更加心廣體胖,肥到凸腩。

多次傳婚訊

拍拖以來,婚訊、分手時有傳聞,每次皆由超雲主動上載兩人親熱合照澄清,並有指賭王送豪宅做嫁妝,不過兩人均堅決否認婚訊。

與好友絕交

10年陳山聰生日時,契姐伍詠薇微博留言祝福,有指此舉激怒何超雲,結果祝福變收絕交電話,伍詠薇氣得取消陳山聰關注,圈中好友亦炮轟陳山聰被金錢沖昏頭腦。

山聰 起義 放水 男裝 爆粗 粗鬧 鬧超 超雲
PermaLink: https://articles.zkiz.com/?id=54405

陳山聰破個人紀錄

1 : GS(14)@2016-01-18 19:00:22

【全馬】去年陳山聰、「肯雅徐」徐濠縈、蔣志光、周子駒和丁子高等均有參加全馬賽事,但今年全馬僅見陳山聰一人參加。昨日不少參賽者均因為天雨而令成績比去年差,但陳山聰卻突圍而出,以3小時30分鐘完成賽事,比去年3小時54分快了20多分鐘。陳山聰昨說:「其實今日天氣幾舒服,好過舊年,雖然中途有幾段都幾大雨,但整體嚟講都幾舒服。同埋中段大雨嗰陣,雨水打喺身上都幾痛。雖然練跑嗰陣試過雨中跑,但咁大雨就未試過。同埋啱啱起步嗰陣係比較多人,係頭1K辛苦啲,但上到3號幹線就開始順喇。」山聰指初步計算自己花了3小時30分鐘完成賽事,並謂:「如果係準嘅話,我覺得自己係超額完成,希望可以破到紀錄啦。」





來源: http://hk.apple.nextmedia.com/entertainment/art/20160118/19456245
陳山 山聰 聰破 個人 紀錄
PermaLink: https://articles.zkiz.com/?id=294488

變身跑男博翻身山聰改形象追超雲

1 : GS(14)@2016-03-16 14:28:16

■陳山聰和何超雲分手後變「四失聰」,有傳他積極洗底博翻撻。資料圖片


陳山聰當年跟賭王何鴻燊千金何超雲甩拖後,因失女、失錢、失形象、失事業被譏為「四失聰」,年前為搵食跪求返無綫,終於有工開不用坐食山崩,昨有報道指兩人分手3年,山聰洗底密謀翻撻超雲,不但戒蒲又頻在網晒跑步相,企圖改走正氣形象。



■超雲連日在網晒愛貓相,懶理復合傳聞。微博圖片

■山聰近年頻頻跑步健身,又參加馬拉松博翻身。資料圖片

■山聰昨在社交網貼啤牌相,雖然做唔成賭王女婿,拍劇都有機會黐上賭字。互聯網圖片



分手後互探消息

有指分手3年沒拍拖的超雲,農曆年期間主動聯絡山聰好友郭政鴻一家拜年,表面上是跟契女、郭政鴻囡囡Ashley相聚,但其實想趁機打探山聰近況云云。而聲稱是山聰的好友透露,超雲想知舊愛有否拍拖,但大家說安排聚會見面時,她卻又說不好了,似乎對是否復合仍是舉棋不定。其實陳山聰跟超雲分手後,雖然至今未有新歡出現,但去年尾有傳他和黃智雯合作拍劇後,狂施冧女攻勢發WhatsApp,又親暱叫已有男友的黃智雯做「衰婆」;昨日傳出山聰部署翻撻超雲消息,他透過短訊否認:「唔好意思,唔係事實嘅嘢唔回應了,謝謝!」記者另聯絡到山聰的大嫂李碧君,問知否兩人是否復合、山聰有否拍拖?李碧君透過短訊否認:「佢冇提起過喎,但佢近來好多工作,相信佢現在只專心工作。」至於女主角超雲亦懶理傳聞,連日只在社交網貼愛貓的短片和相片,不但親自幫貓貓按摩身體,又為牠剪掉指甲,似乎有貓萬事足。採訪:非非





來源: http://hk.apple.nextmedia.com/entertainment/art/20160316/19530930
變身 身跑 跑男 男博 翻身 山聰 聰改 形象 追超 超雲
PermaLink: https://articles.zkiz.com/?id=298167

郭政鴻爆超雲關心山聰

1 : GS(14)@2016-03-18 23:56:28

郭政鴻、郭羨妮和朱慧敏等人昨日在港台出席劇集宣傳,有傳何超雲開綠燈,有意跟陳山聰復合,二人的好友郭政鴻說:「唔知,問番佢哋啦。」與超雲見面時對方有打探陳山聰近況,他說:「冇問感情事,只係問候吓近況。」他不會刻意撮合,讓他們順其自然。劇中郭政鴻的太太與母親有婆媳糾紛,問他現實生活中沒這問題?育有兩女的郭政鴻表示見到女兒多功課感肉痛,他說:「見到佢哋成日要學習,但係大環境係咁冇辦法,自己都唔想做怪獸家長,但有時都好無奈要做。」採訪、攝影:王連連





來源: http://hk.apple.nextmedia.com/entertainment/art/20160318/19534155
郭政 政鴻 鴻爆 爆超 超雲 關心 山聰
PermaLink: https://articles.zkiz.com/?id=298392

山聰自爆戀情有陰謀先唱衰後放料報復超雲?

1 : GS(14)@2016-04-15 16:30:11

Love=Money。超雲喺ig貼得呢句,同陳山聰已經冇得掹。估唔到最近就係因為超雲喺網上貼咗佢同陳山聰好友郭政鴻個女嘅合照,未幾就有周刊做cover,話超雲借郭政鴻過橋,開綠燈俾陳山聰有位入,ready復合。咁究竟超雲見郭政鴻個女,係咪等如向郭政鴻收風、or俾signal郭政鴻等佢暗示陳山聰可以「做嘢」復合?條數都幾迂迴下喎,點知忽然又有周刊爆料,話陳山聰其實一早有新女,仲係同超雲散咗一年之後已經撻着兼早已同居,入晒屋嗰隻。Version1係話新女Apple係富婆,Version2就話佢做美容,打工仔一名。Between,總之肯肯定陳山聰同超雲係唔會復合。而且呢期陳生亦好罕有地,唔扭唔擰大方承認戀情,亦樂意話俾大家知佢有成家之意。正當好多人都戥陳山聰搵到真愛而開心之際,昨日另一本周刊就爆料話,陳山聰一直瞞住Apple同超雲來往,而且言談間更故意令超雲以為復合有望,然後一個屈尾十,山聰公開同Apple戀情,仲四圍「唱」超雲表錯情搲復合。報道話,陳山聰咁做,係報番當年俾超雲狠撇之仇。報道仲話,陳山聰喺朋友圈同富二代小圈子唱超雲撩佢翻撻,跟手陳就自爆其實一早有新女仲諗住結婚,明張目膽落何家千金嘅面。為咗講到似層層咁,報道連陳山聰前妻Ponny都拖埋落水,指陳生當年為咗冧超雲,即狠飛相處11年嘅髮妻,仲急急搬走入住三太陳婉珍名下嘅陽明山莊物業,仲揀正情人節同Ponny上律師樓簽字離婚……好…得…人…驚…呀…





來源: http://hk.apple.nextmedia.com/entertainment/art/20160415/19572414
山聰 聰自 自爆 戀情 陰謀 先唱 唱衰 衰後 後放 放料 報復 超雲
PermaLink: https://articles.zkiz.com/?id=299377

床戰莊思敏 咖啡妹變代替品陳山聰:我係最辛苦

1 : GS(14)@2017-02-05 10:39:40

TVB賀歲劇《乘勝追擊》大玩重口味連續三集都有陳山聰同莊思敏啲床戰,莊思敏「湯碗胸」喺公仔箱老是常出現!呢套劇主要講「義仔」陳山聰做世紀賤男,周旋喺「Dawn」傅嘉莉同「夏美詩」莊思敏嘅三角關係……陳山聰昨日出席宣傳活動,問佢係唔係喺《乘勝追擊》好多床戲?陳山聰就話:「其實有幾場激烈動作場面,拍攝嘅時候幾辛苦,不過好多謝Jacquelin(莊思敏)、Kelly(傅嘉莉)對我嘅信任,多謝導演嘅拍攝手法,令到觀眾覺得好激,喺拍攝同時大家都唔知背後嘅辛酸,其實我係最辛苦。」陳山聰又話大家都係專業演員,好多嘢都係點到即止,除咗kiss有錫嘴之外,其他只係蜻蜓點水,只係導演拍攝手法,令畫面好似好勁咁,因為好多位要hold住,佢仲笑言:「同拍一套真正武打嘅動作片冇咩分別。」問到覺唔覺得尺度好大膽?山聰講:「我覺得咁喇!一套題材比較偏門啲,講賭、講老千,我覺得應該要有一啲元素喺度,雖然會喺電視尺度踩界,但係我覺得有呢啲先會豐富,希望觀眾都可以接受吓一啲另類嘅題材,我覺得有啲會睇到好開心,當然小朋友盡量唔好睇。」山聰又話呢套劇會更多高潮位,講佢點同陳展鵬反目,佢會點對Jacquelin,最後自己會變成點,佢仲有啲劇透……最後佢演嘅「義仔」係一個人都冇喺身邊。山聰事前有同女友備案,讀劇本嗰陣,女友都有喺身邊,佢同女友講呢場好激,女友仲講笑指益咗山聰,又指女友知道呢啲係工作。




來源: http://hk.apple.nextmedia.com/entertainment/art/20170203/19916823
床戰 戰莊 思敏 咖啡 妹變 代替品 代替 陳山 山聰 我係 係最 辛苦
PermaLink: https://articles.zkiz.com/?id=325298

陳山聰三角泳褲攻泰

1 : GS(14)@2017-02-05 10:55:22

■陳山聰(左)和女友及胞兄夫婦到泰國旅行時大解放。互聯網圖片



陳山聰在農曆新年和女友Apple、胞兄Joseph夫婦到泰國芭堤雅旅行,日前陳山聰的阿嫂Sophie在facebook分享了旅遊照片,可見穿三角泳褲的山聰在泳池邊擺chok甫士,並騷了肚臍下的紋身圖案。40歲的陳山聰身材算健碩,他日前回覆傳媒時自稱發福,兼爆女友好肥沒騷泳裝照:「我?家好肥呀!可能新年同屋企人一齊過,旅行玩得太開心、太放鬆,所以食大咗,之後會再操番。」此外,陳山聰在新劇《乘勝追擊》中和莊思敏有激咀床戲,問到是否拍得好享受?他說:「演員盡量配合劇本,生理反應真係唔會有。」採訪:非非




來源: http://hk.apple.nextmedia.com/entertainment/art/20170205/19918099
陳山 山聰 三角 泳褲 攻泰
PermaLink: https://articles.zkiz.com/?id=325536

由「四失肥仔」變到肌肉男陳山聰走過高山低谷

1 : GS(14)@2017-02-05 10:55:22

如果最近要講媾賭王個女,大家會諗起邊個呢?相信都係陳山聰喇,因為佢喺大台劇《乘勝追擊》入面,飾演嘅角色由變奸,仲力追劇中賭王個女傅嘉莉,其實呢個角色真係好啱陳山聰,因為大家都知,佢係成功追過賭王三房大女何超雲,只不過最後係分手收場!陳山聰當日為咗追超雲,放棄幕前嘅工作,兼且同朋友疏遠,身形仲暴脹咗唔少,喺2013年同超雲分手之後,失去咗女友、事業、形象、金錢,變咗「四失聰」,但係當時佢並無意志低沉,反而努力跑步,由肥仔變到一身肌肉,喺事業上都得到貴人相助,有得拍劇,喺網民大讚嘅情況下,試過提名《最佳男配角》,喺感情方面亦都有新開始,仲識咗個做美容顧問嘅女朋友,所以話做人真係唔好放棄自己,苦盡真係會甘來。




來源: http://hk.apple.nextmedia.com/entertainment/art/20170205/19918615
四失 失肥 肥仔 變到 肌肉 男陳 陳山 山聰 走過 高山 低谷
PermaLink: https://articles.zkiz.com/?id=325537

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019