ZKIZ Archives


我們的20年:陪《蘋果》齊突破Sammi讚安仔易教

1 : GS(14)@2015-06-18 08:37:08

■Sammi接受本報專訪時自爆鍾意洗碗,而且現在已懂得煮好多菜式。 攝影:郭賢興


天后鄭秀文(Sammi)過去20年來登上《蘋果日報》娛樂頭版不計其數,但讀者最開心始終是她與許志安復合嘆豬髀的新聞,更為她帶來牛脷文的新花名。突破從來是《蘋果》的宗旨,近年很少做專訪的Sammi為慶祝《蘋果》20周年,也來一次突破自己框框,試試面對不一樣的問題,拋出不一樣的答案。結果她在BIG FOUR四子中選最佳老公,竟然沒有許志安份!還認為大男人杜琪峯可挑戰同志角色,跟古天樂玩斷背山。撰文:余燕儀



記者:記 鄭秀文:Sammi記:有人出錢搵你做導演,杜琪峯係男主角,你會搵佢做乜角色?
Sammi:我想佢飾演同志,因為杜琪峯喺我認知世界裏面,大男人得好緊要,電影應該完全搣甩佢呢樣嘢,飾演好深情、對愛情好忠貞嘅男同志,最好佢身邊伴侶由古天樂去做,古仔簡直係後生版杜Sir,無論處事、背影,去到片場講嘢方式,咦!點解成個杜Sir咁!所以飾演一對同志伴侶都幾有趣,唔需要加《春光乍洩》親熱戲,呢啲點到即止啦,希望呢部戲帶出對愛嘅一種意味,唔需要太過激情。



■2011年Sammi與安仔復合嘆豬髀的新聞,是讀者最開心見到的,更為她帶來牛脷文的新花名。

■Sammi指BIG FOUR中張衞健最愛家庭,最適合做老公。



重選老公揀健仔

記:BIG FOUR邊個最適合做情人、老公、朋友、囝囝?
Sammi:嘩!好難講喎,真心話又唔講得,講啲假話啦!老公揀Dicky(張衞健),因為佢好鍾意家庭,放工就一支箭飆返屋企,佢唔鍾意玩,有時去卡拉OK都唔願意,佢好愛佢嘅家庭同媽媽,呢樣嘢好難得,相信如果同佢結婚,都會好愛我嘅爸爸同媽媽。情人我覺得Edmond(梁漢文)幾好呀,因為佢好鍾意玩嘛,喺朋友裏面佢好帶到歡樂畀大家,我覺得情人某程度上要有一種funny,好識得搞情趣好幽默,我覺得Edmond幾做到情人,同埋佢body shape好,做情人body shape要講究。朋友會揀康仔(蘇永康),因為康仔人緣好好,雖然講嘢好率直,但感覺完全冇機心,頂到佢率直就冇事,佢個人好善良,好鍾意佢善良呢part。囝囝揀許志安,因為佢個人好簡單,食飽飯就好開心,仔都係整飽佢就搞掂啦,我觀察佢唔係有反叛個性,都幾尊師重道同念舊,個性又比較平衡,唔會活潑好動到不得了,又唔會好靜到不得了,作為一個細路仔會易教。記:最後一餐想食乜,自己煮定出街食?
Sammi:最後一餐即係臨死前,仲煮,出街食啦,同鍾意食嘅人一齊食日本嘢,臨死都要瘦嘛,食啲唔好咁油嘅嘢。係咪同安仔食?全部我愛嘅人,同知道佢錫我嘅人,越多人越好。記:想同20年前嘅自己講乜?
Sammi:一早叫你減肥囉,唔使食到自己138磅出咗事先減肥。記:想同20年後自己講乜?
Sammi:一早叫你唔好減肥啦,20年後咪又係肥到咁,減嚟做乜呢,哈哈哈。



■Sammi認為極大男人的杜琪峯可挑戰同志角色,同古天樂玩斷背。

■拍電影《長恨歌》的經歷,令Sammi體會到快樂及身體健康的重要。



拍《長恨歌》啟發人生

記:覺得自己婚前婚後有乜唔同?
Sammi:而家識煮嘢食好多,因為有咁嘅需要,對方要食惟有自己識煮,因為識煮嘅工人好少,一係你就有錢到請大廚,而且廚房嘢我會爭住做,我特別鍾意洗碗,我哋有分工,燈油火蠟嘅嘢就佢管,好似單據。記:你認為一對夫婦生兒育女係咪好重要?
Sammi:睇吓呢個係咪佢哋人生目標?係咪透過做爸爸媽媽角色畀到自己價值?所以人人唔同,生育係好重要,但我唔係嗰批人。記:睇番以前嘅作品,有冇邊部想轉台?
Sammi:咁樣講會得罪導演喎……冇!部部睇完都百看不厭。記:睇番自己部電影《長恨歌》,而家有乜嘢感覺?
Sammi:好好,都係一個人生歷程,冇《長恨歌》都可能冇而家嘅自己,如果冇嗰段經歷,睇唔到快樂嘅重要性,身體健康嘅重要性。記:揀一首自己嘅歌曲,希望全世界都記得,會揀邊首歌?
Sammi:《上帝早已預備》,因為我覺得呢個係我而家唱歌或者工作嘅使命,就係將我認識上帝一樣咁好嘅嘢同人分享。服裝提供:Flea Madonna絲質上衣
Black Orchid褲、Jimmy Choo靴造型:Tang Lai化妝:Ricky Lau from Aing Makeup School髮型:Joey from Hair Culture



蘋果20年 企硬我敢言
http://20.appledaily.com





來源: http://hk.apple.nextmedia.com/entertainment/art/20150618/19188007
PermaLink: https://articles.zkiz.com/?id=291062

【抄牌陷阱】不能轉的秘密?新牌仔易闖紅燈區

1 : GS(14)@2016-06-06 02:55:11

警方由6月1日起嚴打違泊車輛,許多巴打及職業司機也醒目,沒在禁區上落客或亂泊車。違泊可避,但香港存在不少抄牌陷阱,新牌人士一樣很易中招。就像位於鰂魚涌渣華道及英皇道之間那段健康東街,是為緊急事故而設的專用道路,交通燈長期處於紅燈狀態,只有在火警之類的緊急事故發生時,才會轉成綠燈讓消防車或救護車通過。很多新牌人士或不熟港島區的司機,看見地上黃格便以為可右轉出英皇道,忽略了只準直駛及不準右轉的告示牌。駛入後不單干犯了不依交通指示標記駕車及不小心駕駛兩項罪名,而且紅燈不轉,司機只可呆等。勉強駛離的話,一是衝紅燈駛出英皇道,又或倒車回渣華道,這樣除了對其他道路使用者構成危險外,亦再干犯交通條例。其實想由渣華道轉出英皇道,正確應是順着渣華道直駛,在近香港殯儀館附近便有分支路,向左是東行往太古城,而右方的便是西行折回英皇道。司機們以後要多加留意道路標誌了。記者:徐影龍攝影:楊錦文



不論是衝紅燈駛出英皇道,又或倒車回渣華道,也有機會二度干犯交通條例。

其實路邊已有「不准右轉」指示牌,司機留心點便不會擺烏龍。

記者Steve(圖右)走訪鄰近的科匯中心停車場管理人員(圖左),他表示經常有司機誤闖「紅燈區」。



若要轉出英皇道,正確應是順着渣華道直駛,在近香港殯儀館附近便可轉右折回英皇道。

位於鰂魚涌渣華道及英皇道之間那段健康東街,是為緊急事故而設的專用道路,交通燈長期處於紅燈狀態,新牌人士或不熟悉港島道路的司機誤駛入去後,進做成進退兩難的局面。



來源: http://hk.apple.nextmedia.com/su ... t/20160603/19639504
PermaLink: https://articles.zkiz.com/?id=301841

【馮仁昭四圍超】婷婷拍偉仔易入戲

1 : GS(14)@2016-09-14 05:52:18

謝婷婷噚日到中環出席活動,剛過了34歲生日嘅佢,笑言每年工作中度過生日係最開心,早前到意大利拍電影《歐洲攻略》外景,生日正日返港都要為品牌展開拍攝工作,但好開心父母去探班送驚喜。佢透露新戲會同梁朝偉合作:「第一次合作,每一場都有少少驚喜,佢係演技派,對住佢好易入戲,我成日都睇佢做戲,偷吓師嘛。」撰文:馮仁昭




來源: http://hk.apple.nextmedia.com/entertainment/art/20160914/19769842
PermaLink: https://articles.zkiz.com/?id=309065

Next Page

ZKIZ Archives @ 2019