ZKIZ Archives


【94歲短跑世界冠軍】張姑娘:觀眾嗌加油我就心雄!

1 : GS(14)@2017-04-08 20:45:30

94歲張雪玲(右)代表香港,出戰世界先進室內田徑錦標賽,贏得60米及200米短跑金牌。



記者見過80歲夫婦打泰拳,拳拳有力更能連做30下掌上壓,以為已是世界奇聞,誰知記者真的太年輕了。上月於韓國舉行的世界先進室內田徑錦標賽,首次有90歲以上女子運動員參賽,她是94歲的香港代表張雪玲。



張姑娘自七十多歲起,有到長者中心做簡單運動、踩踩單車,但練跑是在去年9月才隨女兒黎賢美(58歲)開始的。上月出戰女子60米及200米短跑(90歲以上組別)都奪金,是全場最年長的女運動員。訪問前,張姑娘叮囑記者千萬不要稱她「婆婆」,要跟她女兒一樣叫她「Madam Cheung」或「張姑娘」。「人人都叫我張姑娘,咁樣至有型。」張姑娘的確有型,94歲行得走得,更跑去韓國比賽,但老人家難免都會風濕骨痛。「比賽當日腰好痛,我係彎住腰扶住拐杖去。中途見到對手快過我,我就再發力跑,忍住頂硬上。」記者問她,其實不舒服就停吧,老人家比賽中途叫停誰會有說話?怎料她突然收起笑容說:「你上得台當然要堅持,即使跑第尾都要好好睇睇!」女兒此時插話,笑張姑娘做了幾十年人,還是這樣好勝。張姑娘一臉招積,「係啊,點知我又真係拎得到冠軍。」張姑娘跑得叻,但原來每次比賽都是女兒騙她去的。「今次去韓國都係呃我,都冇講過要跑!(有啊)冇,你臨出發先講要跑步。」女兒坦言其實一心想帶她去旅行,「佢同我朋友混熟咗,我又知道朋友會接納佢,帶埋佢去玩等佢都開心。不過,既然佢練過跑,不如一齊去比賽啦。」張姑娘笑着點頭,說女兒的朋友對自己很好,的確每次都玩得好開心。張姑娘育有7名子女,年輕時忙打工,又照顧孩子。女兒認為張姑娘年輕時沒有旅行過,更莫說能享受運動場上的快樂,所以希望趁張姑娘行得走得,就要讓她好好享受。「我覺得帶佢見見世面,係佢人生大事。觀眾會為佢拍手打氣,唔應該係佢呢個年齡或輩份可輕易得到,佢都會覺得新鮮。」回想比賽時,張姑娘難忘觀眾大聲吶喊助威嗌加油,「我聾但都聽到,就知好大聲,嗌到我心雄心壯,原來有人支持我,我好威水!」女兒說,張姑娘雖是高齡跑手,但仍用心學習,「我都冇教佢要提高腳踭跑,有次發現佢竟然有做!」張姑娘搶話:「我偷睇到你提高腳踭,原來會跑得輕鬆啲,我係有啲小聰明,係咪先?」雖然是女兒呃張姑娘去比賽,但事實證明她呃得正確。女兒:「你係咪應該多謝我呃你呢?」「係啊,而家會愛你多少少囉。我贏到金牌,如果我贏唔到,我實打你!」記者:黃凱婷攝影:張志孟2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


她直言比賽當日腰好痛,但上得台就要堅持。「即使跑第尾都要好好睇睇!」

張姑娘奪金後韓國傳媒都有報道,更被餐廳老闆認出。

女兒:「我覺得可以帶佢見見世面,亦係佢人生大事。觀眾會為佢拍手打氣,唔應該係佢呢個年齡或輩份可輕易得到,佢都會覺得新鮮。」


張姑娘難忘觀眾大聲嗌加油,「我聾但都聽到,有人支持我好威水!」

她喜歡與女兒朋友去旅行,會劈酒也有講有笑。



來源: http://hk.apple.nextmedia.com/su ... t/20170408/19983427
94 短跑 世界 冠軍 姑娘 觀眾 加油 我就 就心 心雄
PermaLink: https://articles.zkiz.com/?id=329725

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019