ZKIZ Archives


純官有欠台型

2016-02-25  NM

原定「醒」俾新世界嘅星光大道擴展大計,擬建個景觀瞭望台頂住信和置業旗下帝國中心、尖沙咀中心及香格里拉酒店嘅風水,兩位大孖沙黃志祥和郭鶴年旗下公司遂提司法覆核,準備同新世界拼過。政府鮮有從善如流取消與新世界合作計劃,兩個大孖沙發功就要縮,純官台型似乎唔係好夠。

熟悉國情人士八卦,謂黃志祥家族喺新加坡有Far East Organisation,差不多是全新加坡最大私人發展商,有「糖王」稱號的郭鶴年更唔使講,在星、馬皆有上市公司,分別為做糧食豐益國際以及PPB Group,兩大孖沙喺東南亞地區政、經界皆有影響力,其統戰價值大大優於純官,呢個世界講power嘛,惟有講句和氣生財。

亞視有剩餘價值

永恒嘅亞視,死極唔斷氣,除咗歸功於蘇錦樑夠廢柴之外,原來「亞視」呢個招牌,仲有好多商人係覺得值錢嘅!有睇過亞視「全相」嘅商人同小宗講,而家投資亞視有咗新玩法。以往,商人會真金白銀入股亞視,搏阿爺喺內地回贈番啲地皮呀、新項目呀咁,叫做攞番啲油水。但現時亞視業務太爛,阿爺「找數」又慢,決定轉玩法,「而家唔要資產,唔要廠,唔要爛鬼機器,更加唔想要債。大家只想同亞視『合作』,搏炒番轉!」就好似上市公司協盛協豐(707),去年尾搵來葉家寶做CEO,只係話要翻拍亞視劇集咋,股價就升咗一成,跟手,仲搵到華誼兄弟合作添!講到尾,喺內地商人眼中,「亞視」兩隻字,仲係有剩餘價值o架!

財爺裝備

一部iPad、兩部手提電腦、三座電話,仲有個港英遺留落嚟、令人回味無窮之H↑K雞爪嘜字紙簍(黃圈內)。加埋部手機,財爺起碼有四個電話,使唔使吖?

中環寸嘴:拜神都講現實

工廈大王楊耀松長子,遊走各地高級酒店、銀行,及知名食肆,與各路人士打交道,透過美酒佳餚,察看人生百態,讓讀者「嗒」落有味。

股市咁搞法,好多做生意嘅人都好miserable,連帶善款都「唔得掂」,嗰日去文武廟,以往個「金榜題名」排到密麻麻,今年個牌匾好似坐日航「全日空」,拜神都講現實,啲父母見取消一年TSA仲使幫仔女金榜題名搵文昌帝?好似我老豆,知道自己錢少要集中火力,捐死一檔東華三院,因為一個人由出世到拉柴都照顧到,我哋都係小富由儉,我家陣都係捐死一條友,就係贊助我學兄周永健(馬會副主席)喺公益金唱歌;阿莎莎郭(莎莎老闆郭少明)話包底贊助佢五十萬唱一支歌,嘩,嚇到我傻咗,麻甩佬唱歌咋,唔係搵條女唱喎,我話最多次次唱都贊助,一次俾唔晒五十萬,要慢慢儲啲租來贊助。

做善事都要selective,九一一之後,美國凍結咗中東佬啲戶口,滙豐度條絕世好橋,歡迎啲友走去加拿大,加拿大滙豐話要搞多元文化慈善步行,通常唐人都係贊助番唐人街分行經理,我個private banker問我敢唔敢贊助總行,我即刻寫張支票去贊助加拿大滙豐個主席行慈善walk,佢係John Bond隻馬,滙豐喺溫哥華租我家族商場,在公在私都要支持啦,恐防第時續租有麻煩,我又唔係最大貸款客戶,又唔係最大存戶,不過就係最撐滙豐搞善事嘅客戶,如果唔係又點stand out,所以次次John Bond來巡視溫哥華呢間以每呎計,曾是最賺錢嘅北美洲滙豐分行,我行開咗都叫老婆企定定迎接佢o架。

Buy One Get One Free

獅子銀行派成績表,阿仔叻過阿媽,恒生多賺82%,滙控賺多1%咁大把,恒生咁叻都係歸功於一姐李慧敏(Rose),去年初起逐步減持國內興業銀行5%股權,套現近三百億,嗰陣人仔未有貶值壓力,股市未爆煲,簡直係完美交易。唔好忘記,Rose嘅愛人袁天凡,當年電盈完成合併後,馬上行使部分認股權並在十五元沽出,大賺一億,立即以$1.63億買咗間山頂白加道大宅歎。最盞鬼係兩公婆去年以十五億摸頂沽貨,兩公婆都咁識睇位,恒生有一姐坐鎮,恍如buy one get one free!

壹週窺秘

上海灘創辦人鄧永鏘上週轟689連李鵬也不如,有咁嘅眼界、膽識嘅名流香港買少見少,鄧爵士同英國皇室成員、國際政商界名人友好,其西貢斬竹灣別墅就是招呼名人嘅鄧氏府第,查理斯王子及前英國首相馬卓安都曾是座上客。小宗帶大家去目及吓。


純官 官有 有欠 欠臺 臺型
PermaLink: https://articles.zkiz.com/?id=186766

中共反貪新規官有私生子須上報

1 : GS(14)@2017-05-19 05:43:32

■左起:萬慶良、令計劃和項俊波等落馬高官均被傳有私生子。



中共官員被要求上報自己私生子資料,有內媒報道,北京多區近日完成今年度領導幹部個人事項報告工作,其中幹部填寫的報告表中,今年罕見地首次新增要在「子女」一項中,明確填寫官員的非婚生子女、養子女等;若被發現瞞報,官員將直接移送紀委,分析認為當局做法旨在反貪。《新京報》前日頭條報道稱,今年2月,中共中央辦公廳、中國國務院辦公廳共同印發黨內新法規,當中提到領導幹部須申報個人相關事項的內容與種類要更全面,「突出與領導幹部權力行為關聯緊密的家事、家產情況」。報道並指,領導幹部今年要填寫新版、由中組部統一制定的《領導幹部個人有關事項報告表》,並須由領導幹部本人親筆填寫。報道指,與去年相比,今年報告表頁數從15頁增至20頁,一些項目上報也顯得更細緻。其中填表說明中對於「子女」一項,首次明確指示需填上包括領導幹部的婚生子女、非婚生子女、養子女和有撫養關係的繼子女。



若瞞報直接移送紀委

此外,官員及其家庭收入和財產是填報重要內容,且還要填寫官員持有護照、因私出國情況等;配偶、子女與國外的關係也需填寫。報道稱,北京有些區委目前已要求處級或以上的幹部需填表上報,更將隨機抽查比率由去年5%增至今年的10%;若一經發現有瞞報漏報情況,將會及時移送紀委處理,更會將典型案例通報曝光。本港時事評論員劉銳紹向《蘋果》指,當局新增要領導幹部上報非婚生子女等內容,說明內地官員私生活不檢點、擁有私生子女情況普遍到近乎失控的地步。作為官員的直系親屬,私生子女更是官員走資洗黑錢的主要經手人,加上中共官員財產申報制度多年來仍是小修小補未能完善,過去黨紀又執行得不全面不徹底,「爛到出面」下遂祭出此法來堵塞漏洞。


官員落馬六成與情婦有關

前年有外媒引中國人民大學一項研究指,自2012年至當年,腐敗落馬中共高官中高達95%涉婚外情,且這些官員落馬有六成都與情婦有關。至於如此上報對當局打貪有無效用,劉指當局若真要反貪成功,打貪除要受公眾監督外,更要打破「先黨紀後國法」的潛規則,「上面好多時都睇(官員落馬)對上司對黨有冇影響先打貪」。劉銳紹認為一直以來當局會對某些貪腐官員「隻眼開隻眼閉」,以換取其政治忠誠,「短期會有啲效果,官員會收斂一下,長期就睇唔到(效果)」。《新京報》/《蘋果》記者




來源: http://hk.apple.nextmedia.com/international/art/20170519/20026338
中共 反貪 新規 規官 官有 私生子 上報
PermaLink: https://articles.zkiz.com/?id=333619

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019