日圓飈升 十蚊店最多貴25% 料滙價續高企 海味店急大量入貨
1 :
GS(14)@2010-10-11 22:03:44http://www.hket.com/eti/article/ ... 8-297399?category=m
港人愈來愈追求高質素產品，糧油食品、生活雜貨、以至山珍海味均無「日」不歡，然而日圓飈升，日貨現加風，有日資百貨「十蚊店」部分貨品加價25%。
更有售賣日本貴價乾瑤柱的海味店，加價1成半之餘，更預見日圓滙價將升溫，急急提早大量入貨，額外付出的倉租更添成本壓力；亦有公司轉入較平的貨品、或尋找其他地區貨源，務求把加價影響減至最少。
有學者指，日圓及其他外幣持續升值，市場上各類型貨品將再加價，提醒消費者要問明產品來源，並花時間格價（另見文——「「中國製造」亦加 問清產地防騙」）。
日圓滙率持續上升，截至前日，每千日圓兌港元已高見94.7港元（見表）。
日圓高企，首當其衝自然是日資百貨公司，有逾20間分店及銷售點、專售廉價日式生活百貨及食品的吉之島十元廣場，9月份開始加價，主要是15至50元的高價商品「j valor」系列，加幅高達20%至25%；而食品部分亦於去年由10元加價至12元。
一田生意升1成 紓加價壓力
吉之島發言人指，加價主要是由於日圓滙價持續上升；而吉之島及吉之島十元廣場，合共有不逾5%貨品是以外幣結算，包括日圓。
約有4至5成貨品來自日本的一田百貨，常務董事莊偉忠亦坦言，年初開始，水果、蔬菜、肉類已加價約5%至10%，仍難以抵銷日圓升值影響。不過，受惠經濟好轉及內地自由行，今年首8個月生意額較去年升10.3%，單是十一國慶一天，生意額已經較去年上升4成，令加價壓力得以紓緩。
港人過時過節最愛光顧的海味店，亦受日圓飈升影響，安記海味董事總經理潘權輝表示，若以「銀碼」計算，公司約有3成貨品來自日本，包括乾瑤柱、乾鮑等，其中乾瑤柱在近3至4個月，售價累積加幅已達1成至1成半。
日本乾瑤柱 累積加1成半
但他坦言，為免損失客源，加幅不敢太大，以免公司毛利率不斷下降；但亦不得不對抗日圓或會持續升值，故決定提早入貨︰「現在已存定年尾的貨！」惟卻令倉存難以應付：「現時倉租愈來愈貴，費用已足夠在銅鑼灣租間鋪！」
與此同時，潘權輝坦言已加大由其他地區的貨源，如入口南非乾鮑，成本較日本乾鮑便宜50%，以及由日本入口較「細粒」的乾瑤柱，為市民提供更多中價海味選擇。
此外，日本零食、醬油、麵食、生果、飲品的批發商味珍味，全部貨品均由日本入口，並以日圓結帳，近月已需加價5%，惟來貨價亦上升3%至4%，純利幾近零，營業部市場推廣部經理王小姐坦言，批發價不敢有太大加幅，因擔心超市因此不入貨，現時只會引入中價新產品，以免滯銷。
代理日本牛奶妹品牌及EDO餅乾的僑豐行，市場經理馮建成指，已減少引入細品牌的日貨，雖然細品牌來貨價沒有上升，但受日圓滙價影響，批發價亦上升2成。
撰文:洪小晶、王明瑜、何詩韻
中環在線：四叔唔做大嘥鬼荃灣千色店吉舖開12蚊店
1 :
GS(14)@2015-05-18 08:29:21■荃灣千色店嘅12蚊店只開兩個月。 高淑嫻攝
近年市面上越來越多12蚊店出現，大家最熟悉當然係永旺（984）旗下Living PLAZA by AEON，仲有今年高調加入戰團嘅759阿信屋，做慣大生意嘅恒基地產（012）主席李兆基（四叔）都有開12蚊店，實行大小通吃咁話呀。四叔一直有經營百貨公司千色店，千色店旗下有6間千色Citistore。華華最近行經荃灣Citistore，就發現地下有個1,600方呎地舖由食肆轉為12蚊店「選の樂」，呢間12蚊店仲係由千色店自行經營。
■李兆基都有開12蚊店，實行大小通吃。
■選の樂賣平價家品。
新租客未到
其實，千色店多年前已經喺大角嘴Citistore開12蚊店，舊年底再喺將軍澳店開多間，馬鞍山店之前都有，不過最近閂咗，將個舖位租畀其他客。荃灣呢間12蚊店係兩個月短期舖，因舊租客關門大吉，新租客未到，千色店本身擁有大量家品貨源，於是咪利用呢個吉舖開間12蚊店擴闊客路囉。有趣嘅係，四叔賣樓做生意，吓吓講緊幾十億、幾百億；四叔舊年底將千色店由恒地賣畀同系上市公司恒基發展（097），翻查恒發年報，千色店舊年單係12月嘅營業額都有1億元（包括租金收入與零售銷售），點解會去開生意額好似細眉細眼嘅12蚊店呢？不過老實講，12蚊店真係幾有吸引力，尤其係對女士，女人最鍾意濕平，買到平靚正嘅嘢就最開心，唔信？大家不防得閒走去各大12蚊店望望，經常人頭湧湧㗎，如果唔係有得做嘅話，四叔都唔會做埋一份喇，用間12蚊店吸引人入去百貨都抵喇。李華華
mailto:
[email protected]
來源:
http://hk.apple.nextmedia.com/financeestate/art/20150518/19151185