ZKIZ Archives


今日孫柏文講邊個人同邊隻股?

 

孫柏文這篇文看來無特別,但講給大家聽的玄機有很多。今日我就和大家發現真相。

緣起是其實寫了一個虛構細價股吹水的故事,事緣話「近日有市場人士同凌通講,羅傑斯喺香港將會有大搞作,事緣佢睇中咗一隻市值僅幾億元的三四線資源股,編號有四個位。」,但是最後據孫先生講「隻嘢一復牌,股價就跌咗一成過外收市,蟹貨一地都係。」

 

(1) 哪家上市公司?

他在文中最後講「講真,記冧巴係我弱項,有時聽得多,都唔記得。」,但是他提了那個字頭,當然不會不知道號碼,根據資料,叫Agri的得3間,如下圖:

從上圖可見,分別是中國農產品(149,前港澳發展、寶榮坤、珀麗酒店、中國數碼港、中國高速)、鴻寶資源(1131,前廣益國際)、科地農業(8153,前智庫科技、中國3C集團)及但3隻從名字看來都有變身,究竟是哪家呢?

其中兩間科地農業及中國農產品,我均曾談及,大家可以用用頂頭那Zkiz標題搜索找找看。

從孫先生文提及「通告係咁既,公司正同一個煤礦商,潛在商討合作計劃,不過冇簽任何法律約束力條款。」這三家公司,科地農業發展內地煙草業、中國農業品房地產及市場,最近也沒有消息出煤礦,那我就從鴻寶資源這方向找找,的確有一張公告

「董事會宣佈本公司現正跟一印尼煤礦營運商進行商討有關兩個位於印尼蘇門達臘島南部之煤礦之潛在合作計劃,商討還在初步階段當中,本公司跟印尼煤礦營運商之間並無同意或簽訂任何具法律約束力之條款。」

況且公司近來都有授出100萬配股權予兩名不名顧問,這批購股權認購價1元,每股行使價1.122元,和現價完全沒相差。

鄭家華先生於1月22日的智富周刊(i-money),亦有於1月24日東方日報及太陽報的專欄提到,但由於前者找不到,於是引錄後者如下,後者

 

「所謂「股份煉金術師」,我也曾經稱之為「股份推廣家」,但從名稱上說,「股份煉金術師」層次肯定更高。公司發股份上市,主要目的肯定是集資,有些時候更是真正的唯一目的,奈何,除非你買入一線紅籌、國企,又或像是蒙牛(02319)一般的民族品牌企業,股份在首次招股集了第一次資金後,大部分沒名氣或市值偏小的股份,交投量日漸都會變得凋零。

....

有些上市公司老闆或管理層,就會找來這些「股份煉金術師」,以給予「隱藏股份」作回報,「煉金術師」能替他們的股份發功,最終達致股份再融資的目的。

這些「隱藏股份」之所以叫「隱藏」,是因為它們並非已發行了的股份,而是一些能變成股份的融資工具,一般都離不開可換股債券、認股證(可以上市或非上市,以非上市為主)和類似員工享有的認股權。

....

基本以上三種工具在「煉金術師」未成功把股份融資能力提高之前,並沒有太大獲利空間,很多時換股價比股份現時的股價有溢價,而且換出來的數量以該股份現時成交量而言,根本不能完全有市場沽售。「股份煉金術師」就要想盡辦法刺激股份交投量,提高股份價格,否則就無利可圖。

為了達到目的,「股份煉金術師」撇除使用一些黑莊手法,就要在不同階段,引入不同類型的投資者。譬如對一些行業較冷門的上市公司,他們可能要在國際上找有名氣的同行入股,內需奢侈品股自然就要找些知名公司,資訊科技股亦然。交投不足夠,可能就要找些喜歡高沽低揸的投機者幫手。一次配售,投機者難以即時脫手的股份,他們便會長時間作差價買賣,成交量就自然來了。

只是「等價交換」

有很多人認為上市公司給予這些「股份煉金術師」的條件太好,對一般投資者不公平。譬如換股債這種相對公平的條件來說,持有者有時在未換股時可收取不俗的債息,股價及交投不升至可換股水平時,根本沒有損失(除非相關上市公司倒閉),正是「睇住食」。更遑論成本很少的認股證,或成本幾近零、類似員工認股權的顧問認股權。」

 

另外,這家公司的前身廣益國際,是從事衣服貿易,但因為前老闆喜歡炒股票,於是賄賂分析員,最終那老闆被囚三年,詳看此壹仔報導。最後這公司於2009年開始轉營,控股股東亦於2010年4月悉售股權,由新入入主,於2010年7月易至現名

(2) 推介的人呢?

他有一條線索,就是「再探究吓真正放料人,原來係財金界一位愛上女主播嘅才俊。年幾前,深入港島一間僻靜酒店,同主播慶祝生日,結果被撞到正,從此,消失咗一排。」

這個人應該不難猜得到,就是他了,詳看壹仔報導

根據Webb的資料,他現任多項港交所及會計師公會的公職及於2007年10月曾擔任中國金融租賃(2312,前金豐21)的執董兼行政總裁,但於9個月後匆匆辭任。該股之故事如此文

根據生果日報引述,他現時在財華網(8317)工作,主要負責重整「財華中國網」,經常往返神州。
 
最重要的股票同主角已經指出,其他就由其他人去想像吧。
今日 孫柏 柏文 文講 講邊 個人 同邊 邊隻 隻股
PermaLink: https://articles.zkiz.com/?id=23345

半年勁減80磅孫柏文:「我要除衫!」

2013-03-21  NM
 
 

 

體重達二百六十二磅的財經演員孫柏文,前年醉酒主持節目,被有線炒魷;緊接在家中絆倒而「咬斷婣」,經歷男人最痛;繼而被商台以「搵唔到廣告」為由,腰斬節目;參加的《爽報》「300萬爽組合」投資比賽,輸一條街之餘,更被封號「燈神」。就在財經界銷聲匿跡期間,原來他已創出另一番「成績」,就是……減肥。半年間他勁減八十磅!秘訣很簡單:「慢慢食。」現時五呎十吋,一百八十多磅的他,欲減多十磅,再練六腹肌,以新形象「重出江湖」。

眼前的孫柏文明顯瘦了幾個碼,還剃了鬚,與半年前的不修邊幅,判若兩人。「以前肥就話要留鬚,當打陰影鎹。」上週五,氣溫二十度,他穿上一件桃紅色中碼短袖tee,露出「纖瘦」的手臂,從後望其背,還瘦到見骨!在微涼的海旁,他竟說很熱,「瘦鰦之後,新陳代謝快鰦,唔怕凍o架。」因為瘦了,全屋舊衫已不再稱身,「有次著套老西,鬆泡泡,俾個friend話我著到似死前鮋Steve Jobs。」他身上的tee是民建聯團體衫,「反轉著咪見唔到logo囉,同American Eagle鱓衫款咪差唔多,廿蚊件咋。等我瘦到一百七十磅啦,先會去A&F買衫,同鱓肌肉男比併纒。」

減肥秘訣——「細啖食」

多得半年前,孫柏文在家中絆倒而「咬斷婣」,當時不能吃固體食物,只可飲奶及菜汁;手術後一段日子,每次吃東西,都只能慢慢、細細啖地吃,以肥見稱的孫柏文,開始瘦下來。其舌頭徹底康復後,習慣了這樣的飲食模式,「最初怕翻肥,唔敢食得快,而家真係慣晒。」連分量都比以前少,他說:「以前食一份十六安士牛扒都唔夠,要加好多appetizers、side dishes,而家八安士都食唔晒。」記者與他在尖沙咀一間扒房,每人點了一份牛扒配薯條。他拿覑刀叉,幾乎把牛扒切片,並逐片吃;一條薯條,又切幾段分幾口吃,儼如一個有儀態的lady,比瘦小的記者還吃得慢;他邊吃邊示範:「以前一隻叉起五、六條薯條,一次過放落口o架!」孫柏文的肥胖,並非遺傳,「全家都係瘦,得我阿爸肥少少,我中學都係得百幾磅。」直至到美國讀書,他開始暴飲暴食,「美國日日都食洋裢圈、漢堡包;凌晨三點,同班宿友食pizza做消夜。」結果幾年間,暴肥六十磅,即二百五十磅,正式成為大肥仔。回港後,他試過地獄式做運動減肥,「每日游水游三公里。」不過由於食量依舊,一直未見成效。相反現在只間中做運動,除了游水,還有:「我逢星期一、五會去馬會跳健康舞(aerobics)o架。」

孫柏文在facebook上載歷年在「馨香宴」上,與盧覓雪(左)及胡孟青(右)的合照,上圖是今年,下圖是去年,他說:「你睇纒舊年青姐鰠我隔籬,顯得佢身形幾正常,今年?哈哈哈!」

無人認得出

減肥前,他和財經專欄作者李兆富打賭,「邊個減到就邊個贏,佢(李兆富)輸鰦啦,應承要鰠專欄寫足一星期『孫柏文好靚仔』,不過佢未做。」李兆富就跟記者說:「我都試過食得慢鱓,但改唔到,食得好唔過癮!」他的方法是健身和戒吃澱粉質,唯經常要應酬而不能持之以恒。由一百八十磅減至一百七十四磅後,便一直停滯不前。孫柏文成功減肥後,血壓降低了,不用再食藥,是生理上的影響;而心理上,「個人好似成熟鰦,想寸人鮋時候,發現鰠口內肉仲未


我要勁過孫柏文! 陳承龍

來源: http://hkcitizensmedia.com/2014/11/05/%E6%88%91%E8%A6%81%E5%8B%81%E9%81%8E%E5%AD%AB%E6%9F%8F%E6%96%87%EF%BC%81/

舊年年尾孫柏文不問價叫人追隻金寶通(320),佢話隻股具備拆骨賣殼條件,同埋大股東年紀唔細,係時候等退休,佢叫完人買係升過一嚇,不過好快玩完,但近排隻股又有返啲勢,小弟想挑孫柏文機,睇嚇我今次推隻金寶通可唔可以勁過佢!

其實,小弟就冇諗得咁複雜,純睇返佢啲數而已,睇完之後先知隻金寶通真係賣點多到爆,一來現價仍較2006年底上市價2.28元低咗一大截;二來係市值細;三來係業務正處強力增長周期,今年3月結財政年度業績若非就應收帳款減值,盈利已較上年大增逾兩倍,嚟緊喺全球行業增長勢頭強勁下續有憧憬;四來就係配合近期市場炒作心願,時間上看已屆賣殼成熟期,所以無論投機及投資都有賣點。

撇除應收帳款減值計算,金寶通3月結財年表現係過去5年中最佳者,3大主營業務都有顯赫增長,毛利率增1.8%至12%,營業額增11.4%至28.14億元,溢利升8.9%至3,387萬元,若計及減值的6,590萬元,呢個財年盈利高達9,977萬元,不僅較上財年嘅3,110萬元大增2.2倍,還突破咗2010/2011財年嘅5,657萬元水平。

期內樓宇及家居控制裝置營額增5.5%至7.77億元,佔總營業額27.6%,分部溢利提升1.2倍至7,526萬元;電器控制裝置營收增10.9%至15.3億元,佔總營額54.4%,惟因減值影響而轉虧;工商業控制裝置營額增23.7至5.07億元,分部溢利提升75.5%至2,560萬元。

未來集團將續擴大全球客戶基礎、瞄準毛利率較高市場、及進一步拓展到歐亞市場,其中特別睇好中國市場,預期大客需求不斷增加,尤其著重高端利潤智能及無線創新產品,鞏固新客戶市場能力,以撇除減值因素而盈利增長兩成計算,2014/2015財年盈利應為1.2億元,折合每股盈利0.15元,意味刻下預測市盈率只為8倍幾,再減淨現金2.7億元計,市盈率更只為6倍幾,以重上10倍市盈率加淨現金計,初步目標價應為1.83元,再比較2.28元嘅上市價,實在係合理不過!

陳承龍


孫柏文:我要向顧芷筠道歉

1 : GS(14)@2011-10-04 21:15:04

http://www.am730.com.hk/article.php?article=75762&d=1591
孫柏文在接受本報專訪時承認,當天確是「飲咗酒」,但對當晚的前因後果已「不想多提」。反之,他憶述5年半前剛踏上「財演」之途時,「開頭嗰個時候,我係好開心返工,好期待寫專欄,好期待可以做節目……」。惟近年全球經濟發展卻令他對這份工作的熱情日漸冷卻,「08、09年開始,個市變得好唔尋常。」「大家淨係睇QE(量化寬鬆措施),2010年更變本加厲,到依家……大家(媒體)日日只係報壞消息俾你,就係講俾讀者知道,嗰啲政府點樣意圖喺一個做錯事嘅人唔使負責任的情況下,去繼續(操作)呢個system(系統)。」

他又指,近來發生的華爾街(茉莉花)事件更令他萌生退出分析業界的念頭,「嗰種民怨(指華爾街暴動事件)係大到一個地步,令我好驚政府唔想去做啱嘅決定,就因為唔罰之前做錯事嘅人,而衍生一個好大嘅風暴,呢個風暴更大到我唔想再做呢行。」

因此,孫柏文大感呢個世界唔再「work」,更覺得當一個財演好「無癮」,「我唔想日日行出嚟,都報壞消息呀,真係好無癮。」無力感的蔓延,繼而發生「醉酒」事件,加上之前也曾發生疑似失場事件,孫柏文指,有關事件的背後亦是這原因造成。

孫柏文指,發生「醉酒」事件前數天,爺爺的離世更間接導致他做出「不尋常行為」,「當時打擊很大,傷心到不得了,(心情)猶如被『隊咗嘢』。」但他亦對當天的行為感後悔,「其實係唔應該咁樣處理自己的心情,但都無辦法,(事件)已經發生咗。」

孫柏文表示事件既已發生,唯有視為一個Wake up call,讓他真正退幕,暫時不再當財演。他目前在媒體參與的工作,除了有線電視,還有商台節目《星火燎原》主播一職及刊登在《am730》的專欄《大明燈》。主播方面,孫柏文指「甩埸」已非首次,故日前已經向商台提出請辭。至於報紙專欄,他亦想暫停一會,「唔希望再寫住,每次打字嘅時候都……唉。」

事隔一周,孫柏文指除了要向關心他的人道謝外,更要向事件受害者致歉。「我真係要向有線、商台同事道歉……真係麻煩咗佢哋。」他還指明要向《華爾街速遞》的女主持顧芷筠(Debby)致歉,「當時個camera一cut,顧芷筠就同我講叫我出去休息吓……我真係特別要向Debby道歉,她對節目的質素好重視,影響到佢真係唔好意思。」
至於當天晚上,為何沒有工作人員發現他飲醉酒,而阻止他上節目,孫柏文指,「或者我無出聲,可能佢哋冇發覺到啦。又或者佢都知道其實我做得唔開心,想俾個機會我離開呢一行啦。不過,You will never know。」
2 : GS(14)@2011-10-04 21:15:25

好有使命感,但是不如辭演就算啦,玩野乎
3 : GS(14)@2011-10-04 21:20:22

http://www.inv168.com/phpBB3/viewtopic.php?f=48&t=65091&start=60
文章由 古漢雲 » 週二 10月 4日, 2011年 1:44 pm
前幾年佢咪俾人網 blacklist .e家又飲醉酒返工.

我諗佢屋企都有d米,唔係點會咁做野!

文章由 一個老散 » 週二 10月 4日, 2011年 1:48 pm

係唔洗憂柴憂米果隻, 星火燎原以前唔覺意講過下.
4 : 草帽(1253)@2011-10-04 22:27:10

咁佢認左衰自行擔責任, 都算係一個男人.
5 : 200(9285)@2011-10-04 22:33:03

3樓提及
http://www.inv168.com/phpBB3/viewtopic.php?f=48&t=65091&start=60
文章由 古漢雲 » 週二 10月 4日, 2011年 1:44 pm
前幾年佢咪俾人網 blacklist .e家又飲醉酒返工.

我諗佢屋企都有d米,唔係點會咁做野!

文章由 一個老散 » 週二 10月 4日, 2011年 1:48 pm

係唔洗憂柴憂米果隻, 星火燎原以前唔覺意講過下.



有錢養馬唔方無錢得去邊‧
6 : Sunny^_^(11601)@2011-10-04 22:48:06

但係家下咁既市況,書身家都唔係冇可能喎.
7 : fast(1194)@2011-10-05 00:00:48

佢醉成咁,根本對答都做唔到,就俾佢埋位,老實講,電視台,主持也有責任....

正如佢所講,或者人地知佢做得唔開心,送佢一程
8 : 龍生(798)@2011-10-05 02:09:21

欣賞佢敢作敢認, 真男人是也

衰左出黎講番聲先走, 不錯
9 : Sunny^_^(11601)@2011-10-05 08:34:40

本來我成日睇資訊toi嫁...但係清姐走左,而家連肥仔都走埋.晚晚都好悶.唔睇喇.
10 : Sunny^_^(11601)@2011-10-05 08:34:57

我只係睇樓盤傳真囉
11 : GS(14)@2011-10-05 10:49:17

10樓提及
我只係睇樓盤傳真囉


其實睇呢D學唔學到野?
12 : Sunny^_^(11601)@2011-10-05 11:17:09

11樓提及
10樓提及
我只係睇樓盤傳真囉


其實睇呢D學唔學到野?


我有2個目的既,1.睇住個市,最新既消息.2.睇下驗樓,有D skills自己驗樓都用到
13 : GS(14)@2011-10-05 11:23:30

不如你貼D入來啦
14 : Sunny^_^(11601)@2011-10-05 11:25:59

??u mean shills??
15 : Sunny^_^(11601)@2011-10-05 11:30:23

呢個都幾好:http://cablenews.i-cable.com/web ... php?video_id=111328
16 : GS(14)@2011-10-05 11:30:38

14樓提及
??u mean shills??


睇樓
17 : Sunny^_^(11601)@2011-10-05 11:30:40

紅磡嘉麗閣裝修手工差劣  2011/07/05 17:17
今集驗樓單位是裕泰興出品、位於紅磡的嘉麗閣,面積518呎,業主用232萬元購入,即呎價$4479,但實用率只有58%。單位裝修質素極差,廚房驚嚇度最高,四面牆有三面幾乎每一塊也是空鼓,用手按下竟然搖搖欲墜。洗衣機一試水,即時有水由機底湧出,蔚為奇觀。
18 : 龍生(798)@2011-10-05 13:30:23

裕泰興出品差己經係街知巷聞既事,

華懋的孤寒

長實的手工差

全橦都用大陸料, 起出黎十足深圳二三線城市的樓咁

裕泰興將這三料的精華以巧手共融, 你估咁易學呀?
19 : 龍生(798)@2011-10-05 13:30:55

一時口痕形容下裕泰興, 回望卻覺精彩無比,

有冇人俾GJ?
20 : 200(9285)@2011-10-05 13:31:13

18樓提及
裕泰興出品差己經係街知巷聞既事,

華懋的孤寒

長實的手工差

全橦都用大陸料, 起出黎十足深圳二三線城市的樓咁

裕泰興將這三料的精華以巧手共融, 你估咁易學呀?


當舖家族真係好野‧
21 : Sunny^_^(11601)@2011-10-05 13:52:37

0但係...如果佢用料好D,令D既話,可能做可5500-6000(or higher一呎呢
22 : Sunny^_^(11601)@2011-10-05 13:53:25

而家要市區買地都唔簡單,賣比shama都可能要
23 : GS(14)@2011-10-05 16:42:16

20樓提及
18樓提及
裕泰興出品差己經係街知巷聞既事,

華懋的孤寒

長實的手工差

全橦都用大陸料, 起出黎十足深圳二三線城市的樓咁

裕泰興將這三料的精華以巧手共融, 你估咁易學呀?


當舖家族真係好野‧



條數緊就是咁
24 : KENLIN(17685)@2011-10-05 19:47:12

3樓提及
http://www.inv168.com/phpBB3/viewtopic.php?f=48&t=65091&start=60
文章由 古漢雲 » 週二 10月 4日, 2011年 1:44 pm
前幾年佢咪俾人網 blacklist .e家又飲醉酒返工.

我諗佢屋企都有d米,唔係點會咁做野!

文章由 一個老散 » 週二 10月 4日, 2011年 1:48 pm

係唔洗憂柴憂米果隻, 星火燎原以前唔覺意講過下.



人地老豆係BAR呢架, 自細讀國際學校, 梗係唔志在啦!
但係咁昤既工作態度, 我批死佢敗晒伯爺D身家。
25 : GS(14)@2011-10-05 20:03:51

唔緊要啦,他一日未死,都有野玩

他老父叫甚麼名字
26 : KENLIN(17685)@2011-10-05 21:47:25

25樓提及
唔緊要啦,他一日未死,都有野玩

他老父叫甚麼名字


唔知, 要問其他高人
27 : 龍生(798)@2011-10-05 23:32:51

條數緊先要起好的, 賣得貴先有錢賺

做得好生意先易做...唉, 不過講多都係無用, 佢自己覺得咁樣最好, 就做啦
28 : calvinx(8907)@2011-10-06 00:15:24

車有組合車, 屋完來都有組合屋, 話就話新樓, 但睇來的用料似係吾知邊個盤的用剩既, 得罪的講, 可能根本就係次貨. 哈哈哈.

想話整好的就可以賣貴的? 但呢的公司計數咁精確, 邊有良心公司肯幫佢做野架. 吾怕收吾到錢?

呢的樓 3~5年後, 實益的維修公司.

講時講, 雖然樓盆傳乜我好小睇, 佢入邊收樓果part有時大家都可以參考一下, 不過有時我見到的人真係以為睇過個節目就係師父, 結果就係出現左收新樓貼左幾百張貼紙出來 :). 如果你撞到好既發展商佢就肯同你執, 吾好既咪一見到呢的有原則既客, 既刻要認認真真, 慢慢咁同佢執好佢.

有陣時, 執得多真係未必好架 :) (吾好話我幫人講野, 純粹以心比心大家都會係咁做者.)
29 : 龍生(798)@2011-10-06 01:21:15

佢個設計本身己出左問題, 執漏其實只是室內裝修中的一部份....並不算大問題

但無論點都好, 唔想煩, 望清楚個牌子

咩價錢買咩貨, 這一點 , 裕泰興倒沒說錯

事實上也不貴
30 : Sunny^_^(11601)@2011-10-06 17:02:31

即使係新地都唔係個個單位咁高quality既
31 : 龍生(798)@2011-10-07 02:11:06

起碼過得去....唔好咁離譜丫....

你知唔知廚房鏄唔實可以成幅冧落黎?

門窗咁樣鎖唔死, 可以成度飛落街?

這己經去到安全問題....有些不可以得過且過的

而且而家講緊裕泰興有幾衰, 做咩拉埋新地落水? 乜有得比架咩?

新地? 咁樣市區地, 一定過萬啦

令我想起魯迅名句, 家裡有臭蟲不去捉, 卻去找別人家的臭蟲....
32 : terryyim(13133)@2011-10-07 13:30:02

31樓提及
起碼過得去....唔好咁離譜丫....

你知唔知廚房鏄唔實可以成幅冧落黎?

門窗咁樣鎖唔死, 可以成度飛落街?

這己經去到安全問題....有些不可以得過且過的

而且而家講緊裕泰興有幾衰, 做咩拉埋新地落水? 乜有得比架咩?

新地? 咁樣市區地, 一定過萬啦

令我想起魯迅名句, 家裡有臭蟲不去捉, 卻去找別人家的臭蟲....


門窗設計冇得救,打風都唔知點算,露台門連鎖都冇,真係個腦裝屎
唔計露台,廁所同廚房要大執,喉管睇怕都要鋪過,特別係見到有浴缸,通常水喉都漏到嘔
木板底因為廚房滲水,可能底板已經發霉,隨時地板都要換,仲有要噴白蟻水
窗外面滲水,要整膠邊,唔好彩要搭棚搞
一手樓黎講簡直就係惡劣,我寧願佢清水樓俾我
最後就係景觀唔靚,得一部lift,依d死症,冇得救,廿幾層樓,係低層既話真係行樓梯好過

新地樓再差,都唔會出d咁既野,真係冇得比
依d係個腦有問題,有d野係冇得救
33 : calvinx(8907)@2011-10-07 16:37:51

食左兩次post 無心機再講
34 : 龍生(798)@2011-10-07 16:44:44

我被食得多, 每3-4次回覆就被食一次, 己成習慣

每逢長過10個字的回覆, 都會COPY, 以防被食
35 : 龍生(798)@2011-10-07 16:45:11

噢!!! 馬上中棍!!!

好彩有COPY
36 : Sunny^_^(11601)@2011-10-07 16:55:53

點解會被人食左???我都好少喎.可能係我廢D啦=]
37 : 龍生(798)@2011-10-07 16:59:19

食左的意思回覆後, 系統表示正在回覆中

但之後無下文

己反映過, 湯表示不知何故...暫未能解決
38 : calvinx(8907)@2011-10-07 17:01:29

之前有post講過公屋質素如何, 而家有板你睇, 大家可以作個比較.

天下烏鴉一樣黑. 睇得見咪黑, 睇吾見咪.....哈哈哈. "尺價平通全城"囉. 等埋我, 我都想幫親
39 : Sunny^_^(11601)@2011-10-07 17:03:13

38樓提及
之前有post講過公屋質素如何, 而家有板你睇, 大家可以作個比較.

天下烏鴉一樣黑. 睇得見咪黑, 睇吾見咪.....哈哈哈. "尺價平通全城"囉. 等埋我, 我都想幫親


公屋而家都要3千幾4千.仲要冇呢個地點咁好
40 : 龍生(798)@2011-10-07 17:04:15

所以佢老世話, 一分錢一分貨, 係有佢道理的
41 : calvinx(8907)@2011-10-07 17:09:24

39樓提及
38樓提及
之前有post講過公屋質素如何, 而家有板你睇, 大家可以作個比較.

天下烏鴉一樣黑. 睇得見咪黑, 睇吾見咪.....哈哈哈. "尺價平通全城"囉. 等埋我, 我都想幫親


公屋而家都要3千幾4千.仲要冇呢個地點咁好


Sunny 哥, 門面都見到咁, 睇吾見果的咪...........
值乜價錢你自已衡量喇.




呀話時話, 地基果類既野大家應該買樓既時候, 睇吾到架喎? :)
42 : 龍生(798)@2011-10-07 17:30:06

41樓提及
39樓提及
38樓提及
之前有post講過公屋質素如何, 而家有板你睇, 大家可以作個比較.

天下烏鴉一樣黑. 睇得見咪黑, 睇吾見咪.....哈哈哈. "尺價平通全城"囉. 等埋我, 我都想幫親


公屋而家都要3千幾4千.仲要冇呢個地點咁好


Sunny 哥, 門面都見到咁, 睇吾見果的咪...........
值乜價錢你自已衡量喇.




呀話時話, 地基果類既野大家應該買樓既時候, 睇吾到架喎? :)



睇唔到都唔緊要架,夾錢整時識得科水咪得LOR


43 : calvinx(8907)@2011-10-07 17:45:42

哈哈,最怕暗病,

不過吾駛怕,科技會進步,話吾定第日重新組合座樓都可能得
44 : GS(14)@2011-10-07 20:40:57

34樓提及
我被食得多, 每3-4次回覆就被食一次, 己成習慣

每逢長過10個字的回覆, 都會COPY, 以防被食


我平時居家發貼都無事,仲發多你地幾倍,點解你地有問題,我找個時間同你同壇主談談
http://realforum.zkiz.com/thread.php?tid=25710
45 : GS(14)@2011-10-07 20:41:38

37樓提及
食左的意思回覆後, 系統表示正在回覆中

但之後無下文

己反映過, 湯表示不知何故...暫未能解決



就是要等嘛,等多兩分鐘就得,我一直都是十秒內就得
46 : GS(14)@2011-10-07 20:42:57

34樓提及
我被食得多, 每3-4次回覆就被食一次, 己成習慣

每逢長過10個字的回覆, 都會COPY, 以防被食[/quote

是咪你地用寬頻有事? 邊間,用甚麼browser,如果有,不如你去我上面條link問壇主
47 : GS(14)@2011-10-07 20:43:39

41樓提及
39樓提及
38樓提及
之前有post講過公屋質素如何, 而家有板你睇, 大家可以作個比較.

天下烏鴉一樣黑. 睇得見咪黑, 睇吾見咪.....哈哈哈. "尺價平通全城"囉. 等埋我, 我都想幫親


公屋而家都要3千幾4千.仲要冇呢個地點咁好


Sunny 哥, 門面都見到咁, 睇吾見果的咪...........
值乜價錢你自已衡量喇.




呀話時話, 地基果類既野大家應該買樓既時候, 睇吾到架喎? :)



父親大人同我講地基賺最多
48 : Sunny^_^(11601)@2011-10-07 22:04:54

41樓提及
39樓提及
38樓提及
之前有post講過公屋質素如何, 而家有板你睇, 大家可以作個比較.

天下烏鴉一樣黑. 睇得見咪黑, 睇吾見咪.....哈哈哈. "尺價平通全城"囉. 等埋我, 我都想幫親


公屋而家都要3千幾4千.仲要冇呢個地點咁好


Sunny 哥, 門面都見到咁, 睇吾見果的咪...........
值乜價錢你自已衡量喇.




呀話時話, 地基果類既野大家應該買樓既時候, 睇吾到架喎? :)



咁客氣呀=.=

公屋都可能質素比呢個好
49 : calvinx(8907)@2011-10-07 23:13:35

47樓提及
41樓提及
39樓提及
38樓提及
之前有post講過公屋質素如何, 而家有板你睇, 大家可以作個比較.

天下烏鴉一樣黑. 睇得見咪黑, 睇吾見咪.....哈哈哈. "尺價平通全城"囉. 等埋我, 我都想幫親


公屋而家都要3千幾4千.仲要冇呢個地點咁好


Sunny 哥, 門面都見到咁, 睇吾見果的咪...........
值乜價錢你自已衡量喇.




呀話時話, 地基果類既野大家應該買樓既時候, 睇吾到架喎? :)



父親大人同我講地基賺最多


介吾介意講緊幾多年前? 定而家?
50 : calvinx(8907)@2011-10-07 23:16:42

好多野吾方便講得太白, 你地個網人流多, 講講下太開心講錯野咪. 哈哈哈
51 : GS(14)@2011-10-08 09:06:15

50樓提及
好多野吾方便講得太白, 你地個網人流多, 講講下太開心講錯野咪. 哈哈哈


唔知好多,他淨是咁講,我咪信囉

大明燈 - 孫柏文 「廢青宿舍」應由懲教署經營

1 : GS(14)@2011-10-24 22:50:27

http://www.am730.com.hk/article.php?article=78312&d=1604
孫柏文最近識個八十後W,讀緊大學,又係典型牛市先開始炒股,一開波買乜贏乜,覺得巴菲特都冇自己咁勁。
好啦,今年個市咁差,W輸到趴度,見呢排多人玩牛熊證,想跟著炒,W學少少,知道牛熊證等於買大細,就索性瞇埋眼收市買一邊,博第二日裂口高開或低開就走人,點知就輸埋大學畢業後諗住搬出來住租金,基本上之前贏已經嘔突,W問孫柏文點算好。「你炒咁耐先輸,都學到唔少,咪當交學費囉!好過你拎錢去讀埋量化寬鬆金融碩士課程。」我安慰佢。「我想要私人空間,好需要錢搬出來住。再炒牛熊證得唔得呢?」W問我。
「你已經輸成咁,再炒咪連本都冇埋!對上嘅金融海嘯前後,又係好似依家咁,牛熊證佔成交額超過一成,最近仲誇張,有幾日佔約兩成,又係另一個大跌市訊號!不如儲錢遲執平貨,俾少少耐性啦!」我答W。
W都仲係覺得等唔切,臨走話:「好彩施政報告有話起青年宿舍,申請唔切公屋都叫有個水泡,有多私人空間,第日如果有女朋友,仲可以去宿舍一聚,同大學住宿舍冇分別。」
2 : 200(9285)@2011-10-24 22:52:55

痴 L 線
3 : dennis001(8614)@2011-10-24 23:02:41

希望佢地老母老豆唔係住過公屋,唔係真係一代傳一代
4 : 亞力士(1473)@2011-10-24 23:27:14

我好少咁buy肥孫
5 : 龍生(798)@2011-10-25 02:23:27

年青人追求的所謂私人空間

代價其實不小呢...

希望到時唔好又有人嘈, 話政府資源不足諸如此類

無本事仲要學人出黎住, 無錢又大叫....個loop 其實只係咁
6 : GS(14)@2011-10-25 21:38:38

5樓提及
年青人追求的所謂私人空間

代價其實不小呢...

希望到時唔好又有人嘈, 話政府資源不足諸如此類

無本事仲要學人出黎住, 無錢又大叫....個loop 其實只係咁


so low b are they

專訪:孫柏文 火燎森 燈神起義

1 : GS(14)@2012-08-28 14:37:18

肥佬黎送錢送得抵,咁做新聞
http://www.sharpdaily.hk/article ... E%E8%B5%B7%E7%BE%A9



「真係唔抵!原本有機會喺黎生手上攞番啲錢使嚇!」喜歡「買死一隻」的火燎森,成也比亞迪(1211),敗也比亞迪,「我唔覺得我信錯畢菲特,係信遲咗,佢8蚊入,我遲咗」。是的,第一天開倉他沽空1萬股碧桂園(2007),後來在比亞迪升過了20元時才入貨,「個遊戲如果早啲開始我有機會贏,o依家睇落去最大贏家係黎生,唔使揼錢出嚟就有咁多Noise……」。
「最重要係夠驚」

不過,這個模擬倉遊戲也確實引起很大迴響,連主流財經報章也認真地分析6個組合的策略及拆解火燎森出局之謎。「再一次證明,最好買嗰隻應該係壹傳媒(282)!而唯一買咗壹傳媒嘅係老總……佢第一日已經買咗,證明佢嘅投資智慧,我哋呢啲只係陪跑」。隨時出局的孫柏文這樣分析,他的組合雖得到拍檔梁心欣撐住,但虧損仍持續高企在30%以上,而他近期的「佳作」,是上月買重熊證,結果,大市立即爆升。

儘管火燎森和孫柏文「燈到冇朋友」,但兩個後生仔,一個30歲未夠就有車有樓有舖頭,一個揸架紅色保時捷兼衣食無憂,他們的投資心得,其實仍值得借鏡。「最重要係夠驚!我覺得我同輩或者啲後生仔好老定,乜都諗住船到橋頭自然直,但好多嘢有今日嘅結果,你要諗番你幾年前你做過啲乜;今日冇樓嘛,你要諗嚇你幾年前做緊乜,牛市見人賺錢,你之前有冇做到準備工夫?都係一個責任」。
火燎森說,他當年在熊市中交了許多學費,將學生時代所賺的蝕盡,一畢業就負資產10萬元,「交咗廿萬學費,你就會肉緊啲;千祈唔好喺牛市第一次投資,咁樣永遠都係最危險嘅」。
孫柏文同意火燎森的說法,但他較留意港女的投資態度「好多後生女搵錢多過後生仔,但唔知點解一有錢就身痕要使曬佢,從來冇後生女埋嚟話睇我個欄,Auntie就有」,孫柏文給女生們的高見是不用投資太多在衣服化妝品,「因為女性最大嘅架生其實係事業線,其他嘅男人係望唔到㗎」。

2 : GS(14)@2012-08-28 14:37:40

http://www.sharpdaily.hk/article ... D%E6%BB%99%E6%8E%A7
火燎森:比亞迪(1211)!只要佢一近8蚊嘅時候,你要話畀自己聽,股神係喺呢個位買嘅,你用最接近神嘅價錢買嘅話,照道理,幾年後係會有唔錯嘅回報!Keep多啲Cash,Keep到畢菲特生日(8月30日)。

孫柏文:繼續沽滙控(005)!因為洗黑錢最後要幾多撥備仲唔知,滙控其實係國際金融界嘅Forrest Gump,美國政府有乜嘢都關佢事!滙控會跌幾多冇人知,當然,今時今日仲揸住滙控嘅人,佢點都唔會沽嘅!

火燎森:可以考慮能源股嘅,就算經濟點差,都未至會摺埋!

孫柏文:畀個Tips大家,有一隻股係會講到畀大家知個市幾時見底,呢隻就係CY愛股領匯(823),呢隻股會一路唔跌,最後幾日就會跌……如果領匯跌5、6蚊,個市真係差唔多跌完。
3 : GS(14)@2012-08-28 15:05:50

呢兩個搞笑友好好笑
4 : ijoe79(20432)@2012-09-05 04:30:19

點解孫柏文可以講乜都唔中?
5 : GS(14)@2012-09-05 09:45:29

我都想知

金手指: 未來五年審慎樂觀 孫柏文

1 : GS(14)@2012-08-31 10:55:20

http://webcache.googleuserconten ... nk&client=firefox-a
今日,孫柏文35歲。記得五年前嘅8月29同30號,我一連寫咗兩篇題為《廿歲年代的句號》同《未來的開始》嘅文,來總結廿歲世代嘅經歷同未來想做嘅事。
咁總結由97年8月至07年嘅廿歲世代,我都仲估冇可能更驚濤駭浪。先見亞洲金融風暴,之後炒擺到明係泡沫嘅科網股,喺12蚊買、18蚊賣,作為唯一一次掂當時仲係盈科數碼動力(當時股票編號1186),好好彩。
創業欠債變雙失
科網泡沫爆咗之後,成功做咗香港第一代嘅雙失青年。一路捱到沙士之後冇耐,先至以四位數字人工,即攤開鐘數時,一定冇28蚊一粒鐘嘅價,喺股票行開始我石油股分析員嘅生涯。到今日,我都仲係好感激當時股票行老闆LCM畀我入行機會,因為我今時今日絕對同意,就算冇28蚊一粒鐘,我都係唔值嗰個價。
又好多謝老闆當年係咁鬧我,雖然當時我覺得佢好乞人憎,不過家睇番,特別係我睇今時今日啲後生做嘢時,先知當年老闆已經勒住同埋真係用心良苦。
見家係立法會選舉期,我亦會諗起當年參選得嗰1000票嘅經驗。最令我難忘,就係之後講番,我覺得好失敗時,我堂哥一句:「有邊個選特首比你得票多?」自己家諗番,對我為香港人曾經提供過一個另類嘅選擇無悔。
做做嚇分析員,想創業,辭職去搞。點知喺搞起前,燒曬啲資金,仲要有啲資金係問啲兄弟借。原本啲兄弟個個都同我講還到先還,點知佢哋陸陸續續成家立室,啲阿嫂們落壓力,佢哋話:「唔還本,都要還啲息等可以交代。」
咁其中一個兄弟,就係隔離版嘅利世民,佢話《蘋果日報》想搵個前金融業從業員,從佢嘅角度「乜都講嚇」。就喺咁,喺06年3月6日《金手指》面世。亦喺同一日,我就以一篇題為「一注獨贏買白銀」嘅文章,擔起做白銀戰隊隊長嘅責任,去同一班買白銀保護自己血汗錢購買力嘅隊員,對抗央行們為首嘅紙幣狂魔。
嗰日,白銀賣10美元一盎斯,我亦話10年目標價係120美元一盎斯,六年半後嘅今日,白銀賣30美元。
由06年開始,我不斷警告話全球將會來一次超級金融危機,記得寫過啲例如喺06年暑假題為「美國樓市將慘過八萬五」嘅文。結果係未爆次按前,被人評為「自瀆文章」,佢仲話如果白銀見120美元,咁黃金咪幾千美元?仲唔世界末日?記得,呢個係07年8月前嘅世界。
黑天鵝比預期多
由07年我30歲生日到今日嘅五年,我係完全做唔到我想做嘅事,就係未成功成家立室。理由亦唔難明,因為當我仲估冇嘢可比廿歲世代更驚濤駭浪之際,由雷曼到做幾棲傳媒人,量化寬鬆到鏡頭前貓咗,最低工資到入深切治療部,原來自己同呢個世界可以比預期有更多黑天鵝。
最後,我有諗過未來五年,自己同個世界會點。自己當然繼續搵個唔怕接受我嘅女人,世界就要來一次終極一印(所以要繼續買白銀)。不過問心嗰句,如果你2002年問一個香港人,未來五年會唔會比之前嗰五年難捱,遠都唔使講,你話佢會見到03年嘅事咩?水災將至,我亦用咗六年半時間叫咗大家上呢隻白銀做嘅挪亞方舟。未來五年?審慎樂觀吧。
孫柏文

講膠所手記:Aladdin 孫柏文

1 : GS(14)@2012-09-05 12:54:09

http://www.sharpdaily.hk/article ... B%E6%9F%8F%E6%96%87
冇辦法唔寫「大肥」呢個老友!昨日,YY嘅facebook,除咗繼續係由反國民教育洗版,另一單非常有話題嘅,就係「大肥」喺《蘋果日報》嗰篇「可憐的有線寬頻」,唔係講笑,篇稿見報,有線寬頻(1097)呢隻冇乜人理、股價猶如瀕臨死亡嘅傳媒股,先係慢慢蠕動,晏晝加速爆上,最高昇過43%,就算尾市回番落嚟,埋單都升29.3%,收報0.375元,如果大家信大摩嗰支「摩笛」嘅話,不妨信埋「大肥」呢支「肥簫」,只要同佢相反便可。
其實,YY識咗「大肥」咁耐,雖然,佢8成以上嘅時間都係口花花,但分析時事、財經係有文有路嘅,但硬係唔知點解,一揀或講親邊隻股票,嗰隻股就會有事,佢話升隻股就跌,佢話死隻股就會生,做燈頭,似乎係「大肥」嘅宿命。
By the way,「大肥」,你唔好叫做Andrew喇,快啲改名叫做Aladdin(阿拉丁)吧,反正,英文縮寫都係A.S.之嘛!
YY
2 : ijoe79(20432)@2012-09-06 01:00:55

佢係神級,提一提都不得了
3 : GS(14)@2012-09-06 10:20:47

他是燈到暈啦

金手指:青姐滴淚夠煞食 孫柏文

1 : GS(14)@2013-05-10 01:39:33

http://hk.apple.nextmedia.com/financeestate/art/20130509/18253981

                  今日,首先要多謝大家支持,信孫柏文對上兩篇睇好安莉芳(1388)嘅文。我亦承諾,繼續努力睇吓邊隻股份價格不反映價值時,叫大家「一注獨贏」!
噚日,本報報道話友報精神領袖林行止話碼頭工潮一役係資本家嘅蒙羞。咁有次幾年前我去到間中學度,有學生問我呢啲階級鬥爭嘢時,我就講咗一個真人真事。

費格遜最憎邊個

                我同學生話:「有間公司嘅話事人,佢個花名叫風筒,以形容鬧前線員工時嘅刻薄。有一次,佢喺員工嘅休息時間,用口鬧一位員工之餘,仲要一腳踢落隻鞋到,隻鞋一飛打中佢鬧緊嘅員工,該名員工即時爆缸流血。呢個話事人係咪就係最典型仇恨勞動階級、普羅大眾嘅管理層呢?」
咁因為o依家啲細路好鬼醒,當然唔答我啦,知我跣佢哋。咁我再話:「大家知唔知呢個話事人同前線員工係邊個?個員工就係碧咸,個話事人就係費格遜。你估費格遜最仇恨邊個?最想隊冧邊個?」後面有個後生仔諗都唔諗就嗌:「梗係摩連奴同車路士啦!」我笑一笑問:「咁有冇人覺得係碧咸呀?舉手。」冇人舉。大家自己諗諗佢。
不過當和黃(013)持有新加坡上市嘅碼頭股份少到得兩成時,真係唔知終極碼頭方案,即碼頭地轉土地用途,變住宅或酒店項目嘅機會有幾高。如果轉到,佢新加坡上市嘅碼頭就真係買得過。
噚日,我見到隔籬李華華,講我偶像胡孟青青姐幫大家樂(341)拍嘅廣告,仲話青姐「喊樣再現」。大家可能淨係記得佢當日因為滙控(005)賣33蚊股而落淚,不過我相信佢滴淚之所以重要同歷史會記載,就係因為劈死咗神憎鬼厭嘅收市競價(勁假)時段。呢把「青淚劍」,保衞股場秩序啊。

                                                                                                                                                             孫柏文

金手指:誠哥早知西洋菜 孫柏文

1 : GS(14)@2013-08-06 23:48:24

http://hk.apple.nextmedia.com/financeestate/art/20130806/18365899

                  旺角喺禮拜日嗰場Battle of Sai Yeung Choi,見到港聞版報道,話事緣喺七月尾,一位叫林慧思嘅女老師見到差人喺旺角行人專門區,認為「特別款待」長年擺檔嘅法輪功,所以就埋去理論。
短片擺上YouTube,睇嘅就會見女教師同警員辯講咗句:「What the Fuck?」之後引來好多個警察組織聲討講「粗口」老師。就係咁,討論圍繞呢句粗口。如你信呢啲分析就會中招。因前日3,000人對壘,唔係乜講粗口或選擇性執法,其實係一班香港人覺得「香港獨特性」慢慢冇咗。

香港已不是「香港」

                                    例如每一個香港人都知,香港其中一個獨特位,就係言論自由。每次街頭見法輪功擺檔派傳單,都覺佢哋成為香港呢個煤礦中嘅金絲雀,佢哋一日仲喺到,都係「仲有自由」嘅象徵。你呢個講系統嘅前線差佬搞佢,等於成個系統已腐爛,香港,已不是「香港」。搞別群都冇咁嬲,係搞呢隻金絲雀就最大反彈。
啲警察呢?點解咁嬲?睇段原片已知。港女鬧人特性,就係原本嗰句hurt唔到你的話,就昇華。鬧你WTF唔hurt,咁鬧乜?咪鬧你公安囉!片中當警員聽到WTF其實冇乜反應,係要林慧思一句:「公安!」令個警員分別講三次:「我要糾正!我哋係香港警察!」警察諗當老師都屈佢哋係「公安」,學生會點?仲唔等於成個系統已腐爛,香港,已不是「香港」?
咁深層嘅矛盾同錢冇關嘅衝突,即錢擺唔平。早兩周孫柏文已話老行尊見繼82、89年後第三次撤資潮,李嘉誠旗下和黃(013)賣百佳,隔離利世民兄移民,實在走得前,佢哋早料會有西洋菜之戰。大家一定諗幾時燒到樓價?民主必要行,佔中幾時傾防「百分之五十加一票」暴政呢?

孫柏文
獨立股評人

【致‧母親】孫柏文第一個沒有慶祝的母親節

1 : GS(14)@2016-05-08 14:41:28

提起孫柏文,你會諗起啲咩?港女論?白銀隊長?一注獨贏?定係醉酒上電視?作為一個財經分析員,過去十幾年,孫柏文推介過好多股份,每次都大大聲叫你一注獨贏,不問價追,但未必每個人相信,連拍住炒股嘅媽媽有時都會say no,唔認同他分析兼嘈到面紅耳熱。直至媽媽過身,孫柏文發現,原來堅信他推介,最忠實Fans,就是媽媽。孫柏文好記得,1993年一隻青島啤酒(168),是兩母子在股海啟航的頭炮。當年孫柏文讀緊中五,剛學識咩叫市盈率(PE Ratio),睇報紙見到青島啤PE好平,膽粗粗撩媽媽落疊。就憑一句「我知呢間公司做咩」,孫媽媽二話不說落盤,又撞正摩根士丹利有個分析員提出「Maximum Bullish on China」,身為第一隻H股的青島啤升到嘭嘭聲,成為兩母子第一隻贏錢的股份。第一役贏錢後,兩母子開始拍住上,1997年買佐丹奴(907)坐艇最令孫柏文深刻,1998年「官鱷大戰」買恒指put輪贏大錢;再去到2002年科網泡沫爆破,執到新浪網平貨…在孫柏文心目中,孫媽媽係一個好聰明,好有性格的女性。「阿媽係對於勢頭好準嘅人,個感覺好準…同佢炒股既命中率好高,因為佢會同我say no,就算揀到好股,時機唔啱都唔會買。」兩母子性格同出一轍咁火爆,當然少不免火星撞地球,互不相讓但又坦誠相對,成為兩母子獨有的intimacy(親密)。「唔好呃,唔好客氣,唔好錫住人地嘅感覺…我真係好掛住我媽,以前去親佢屋企都唔駛就住,有嗰句講嗰句,攞到咩反應都會係最真誠嘅反應。」訪問中孫柏文強調了幾次,同媽媽關係最重要的一環,就是Honesty(坦誠)。曾經為石油分析員,孫柏文笑言,問得最深入、逼得最緊要嗰位投資者係孫媽媽。對於熟識嘅公司媽媽會較為有興趣啲,唔熟嘅會問到篤,到底公司做乜,盤數點樣。「以前諗到任何一個股票概念,我都會同我阿媽講先,因為佢係一個好典型IQ好高,但係唔太留意股票市場嘅人,如果我可以令佢對呢隻股票有興趣嘅話,咁即係我個分析,唔可以話無錯,但起碼有根有據先啦!」回憶起跟媽媽炒股,孫柏文笑言,「我媽最搞笑係,跌嘅時候好冷靜,升得好緊要既時間就會『我好驚!我好驚!』…咁多投資者中,最信我亦都係最狠地插我,都應該係我媽。」市場上流傳一句說話,「投資的道路注定是孤獨」,對於獨立股評人孫柏文而言,過去咁多年投資路上,幸好有媽媽做他的舵手,陪伴在他身旁經歷一個個風浪。「人生經驗當中,每個分析員都會有一個同你好親密、人生經驗多你好多嘅人,起碼講你知以前係咁,歷史結果就係咁,有個reference,一定好過睇書或者報紙,因為有個人真真正正去feel過嗰個時候,對你本身分析及投資選擇都好好。」越想抓住,反而從緊握的手中流走。不幸地,孫媽媽去年12月因病與世長辭,在病榻上她認真同孫柏文講:「阿仔,我應該都唔可以再同你炒股票…」股票與媽媽,在孫柏文生命中佔上最重要的位置。媽媽離世,孫柏文失去摰愛的同時,亦都失去了投資路上的一個戰友,一個定風向的舵手,以及最相信他分析的投資者。「當你同阿媽,歷年來做一樣野(炒股)做好多,為大家帶來好多議題去傾計,開心唔開心…」回憶湧上心頭,眼前這個天不怕地不怕的大男人,眼淚決堤般湧出來,記者及攝影師亦頓時手足無措…孫媽媽過身後,孫柏文打開她的股票戶口,倉內只剩下一隻股票。「去到後期佢都唔敢買股票,驚放唔到。不過唯一一隻股我老早叫佢沽,佢一直都唔沽,記得嗰陣佢要同我鬥氣,話根據我嘅分析,應該唔駛沽架喎!」生離死別難免,到最後一刻,有性格的孫媽媽仍然同孫柏文鬥氣,倉內唯一一隻股票,就是孫柏文多次在專欄叫大家「一注獨羸」的珠江鋼管(1938)。





來源: http://hk.apple.nextmedia.com/financeestate/art/20160508/19602953


ZKIZ Archives @ 2019