ZKIZ Archives


吳孟達發惡轟司法不公

1 : GS(14)@2016-05-21 13:13:45

港視劇集《導火新聞線》開拍電影版,昨日《導》片最新發放的宣傳片,講述吳孟達戲中女兒被姦殺,卻無法懲治兇徒,因而脅持人質要脅炸電視台,他在戲中大叫:「點解佢殺咗我個女,我都唔可以告佢?我要幫個女攞番個公道!」意味司法有不足之處。《導》片提到紙媒成為夕陽工業,有份主演《導》片的王宗堯,心痛紙媒越來越少,對於片中反映司法漏洞,他說:「我哋見有啲高官現實生活牽涉好多案件,甚至有啲敏感人物當觸犯法例,而唔係法律面前人人平等,變相有互相包庇嘅時候,其實香港作為一個有獨立司法制度嘅地方,到底有冇辦法、有一個法律去保障每一個人有公平嘅對待呢?」撰文:李森





來源: http://hk.apple.nextmedia.com/entertainment/art/20160518/19615979
孟達 發惡 惡轟 司法 不公
PermaLink: https://articles.zkiz.com/?id=300571

吳孟達 銀幕上的精英大師 2016-08-05

1 : GS(14)@2016-08-07 02:27:18

http://skypost.ulifestyle.com.hk ... %A7%E5%B8%AB/225331
【晴報專訊】 作為港人的搞笑集體回憶,「達哥」吳孟達轉眼年過60。前年因心臟衰竭,命懸一綫,令他深深體會到要為身邊人養好身體。閒時喜歡入馬場賭下馬仔,小賭怡情,身體狀況好轉後接拍了電影版《導火新聞線》,以炸彈狂徒身份貫串劇情發展,角色絕對是老馬有火。
經歷一場大病,半隻腳曾踏進鬼門關,眼前的吳孟達事事以身體為先,接job要先認真考慮。「最緊要時間、價錢及環境合適,還要拍得舒服先會接。」
今次參與新片《導火新聞線》做大反派,除了各方面條件優厚外,達哥認真表示:「想試下可不可以再演一些激情的角色。」由他飾演的譚銳智,女兒慘遭姦殺,兇徒卻逍遙法外,他遂在電視台設置炸彈、發動綁架,實行用自己的方法報仇。「其實反派有好多原因:他當時情緒不正常,令他做出一些『霹靂』行為;亦因為法律制裁不了壞人,迫使他一念之差做出綁架事件。」
堅持=專業
昔日在周星馳電影中的「三叔」,如今扮演悲劇人物,一樣過足戲癮,達哥認為無論演任何角色,最重要在事前設計好角色性格。「好彩劇組在一星期內集中拍攝我情緒激動的戲分,給我困在錄影廠,將自己綁在角色裏。」達哥指拍攝期間拒絕外出玩樂,雖然辛苦,但「如果離開了角色情緒就唔好睇。」可見大師對每個角色的堅持。
其實達哥與戲中女兒並沒同場,但他自行要求到拍攝姦殺戲現場探班。「那場戲我冇份拍,但我想去見見她,與她影相、傾偈,才可以投入做她的老竇。」現實中的達哥同樣育有一女,問他拍攝時有否想起愛女,達哥就一口說不。「有些人會用代入方法,但我絕對唔會,根本是兩個唔同的人。」
北望神州逾十年,達哥屬最早返內地發展的藝人,但他近年似有回流之勢,在《導火》之前先後客串港產片《香港仔》和《竊聽風雲3》。一切決定皆源於關注身體。「內地(拍戲)好多時都要求留一至兩個月,我唔想(時間)太長,太操勞。我都要賺錢,但不會甚麼都拍,現在心態是會揀擇多些。加上我好喜歡近兩年的悲劇角色,比較寫實和本地一點。」
老細≠老襯
此外,達哥提到內地流行網絡電影,監管少、市場大。「花三、五元睇一套(戲),個個拿着手機按幾下就睇幾套,所以最普遍的都有兩百萬點擊率,受歡迎的可以去到幾億。」他直認有不少人找他拍這類戲。「每星期會有兩、三個電話打來叫我拍,甚至想將我放在預告片吸引觀眾,拍攝時間短、價錢好,但我都沒有答應,因為怕做壞自己招牌。」
達哥認為若然要拍,倒不如自己投資,控制好質素。他理解這種態度會很難找戲拍,卻重申:「要劇本好,又要舒服,仲要價錢好。邊有咁多老襯,呀唔係,係老細呀!」冷不防在訪問尾聲示範招牌喜劇感。
撰文:杜明欣 
攝影:Lego
編輯:陳禮恒 
設計:Alex
孟達 銀幕 上的 精英 大師 2016 08 05
PermaLink: https://articles.zkiz.com/?id=304724

永遠的三叔 吳孟達

1 : GS(14)@2016-08-09 08:00:27

2016-08-03 EW

一見吳孟達,我就想叫三叔。

在那個九十年代盛世,周星馳和吳孟達這對黃金組合,既是票房保證,亦是今時今日我們的最「好笑」集體回憶,每人身邊都總有一個,至今仍可以統統記住他們每句騎呢搞笑對白的朋友。

雖說吳孟達在星爺電影中,演出過不知多少個角色,但最印象深刻的,始終還是《賭聖》中的「三叔」。

而三叔的「先天性失控症」,當年原來是吳孟達想出來的。

「開拍之前,睇?套法國片,個主角一畀人掂到就會突然失控,我就諗呢條橋得喎,不如照抄啦!仲即刻諗埋個病名。當時我仲問星仔,知唔知乜?係『先天性失控症』,佢答我話知喎,我話你知X咩!我??作出?㗎!」

可惜這麼多年過去,早就忘記那套法國片的名稱。

「我成日想多謝?個法國佬㗎!封番封利是佢都要啦!」

只是訪問過程中叫三叔,吳孟達卻是不會「攬住碌柱」發狂的。

「其實咁多年來,常常都有人叫我『三叔』,跟住就問點解我唔震。我就心諗,你估你係星仔呀?叫三叔我就會震?」

今時今日,會叫「星爺」做「星仔」,而冇人會覺得有問題的,恐怕已沒有幾多人。

只是全香港人,都仍然很喜歡叫吳孟達做「三叔」。

方法演技

吳孟達神態輕鬆,活動自如,說話中氣十足,完全不似曾經從鬼門關前走過一回。二○一四年三月二十八日,是他無論如何都不會忘記的日子。

「之前在石家莊拍劇已經不太妥,回港後突然喘氣到行都行唔到,呼吸好困難,朋友送我去醫院,一check就要入深切治療部,好彩係剛剛醫得切,即刻開刀做心臟手術。」

回想起來,猶有餘悸。

「我從來冇想過病,亦冇想過話死,當時六十二歲仍然橫衝直撞,真係乜都夠膽。直到場大病就想到喇!個仔得十三、四歲,女就剛剛入大學,我仲有好多事情要安排喎!即刻就立定平安紙。」

現在身體狀況是還可以,病情穩定,好一陣子冇反覆。「 家仍然不停食藥,去水丸、心臟藥,全部都有副作用,我想減少藥量,遲少少會做一次詳細全身檢查,可以的話就減藥。」

算是康復了,所以才接拍《導火新聞線》電影,飾演一名女兒被強姦殺死,自製炸彈為報女仇,更在電視台綁架一班人,要求與特首對話的角色。

「拍這套戲有好多爆炸場面,身體似乎都頂得住,而且有好多內心戲,個角色就好似被困在籠中的野獸,不斷掙扎、哀號、大叫,有時連對白都講唔清,因為那才是內心的發洩。」

為了這個角色,他更特別去見飾演女兒的演員,事關本來在戲中,「兩父女」根本不用見面。

「我專登去見個女一面,傾幾句,再看看強姦現場的真實環境。」是的,吳孟達是會跟我說史坦尼斯拉夫斯基的方法演技,如何「由外到內,再由內到外」把炸彈狂徒內心表現出來的。

賭到跳海

現在的吳孟達,既是演技精湛的演員,同時亦是說話和藹笑容滿面的nice前輩,之不過,他卻說只因為我識得他太遲。

「後生仔,我依家就好相與,你唔知我後生時,真係乜?酒色財氣樣樣齊,個人衰到直頭我自己都憎自己,賭錢賭到失常性,去到五十幾歲人,至真真正正算係似番個人咋。」經典故事,當然是一對七,在窩打老道酒樓,與七位「債主」講數。

「我七二年入訓練班,仲要交五十蚊學費,畢業後七百蚊一個月。當年就係貪慕虛榮,好鍾意睇陳寶珠、蕭芳芳,覺得自己都可以做明星,所以去報名。初時屋企唔知,因為我係大仔,老竇一直準備叫我幫手做屋企的小小藥材舖,但瞞唔到幾耐,後來老竇食食?飯,就係電視見到自己個仔,都冇得唔認啦!

「到七八年天林叔搵我做胡鐵花,是第二男主角,主角就梗係秋官做楚留香,就係咁算係紅?。之後就去?台灣『瘋狂』玩樂,以為自己係大明星,不停亂使錢,總之你諗得到同諗唔到的玩法都有,夜總會就最多。

「最後?頭金盡惟有返香港,已經爭落三十幾萬貴利、卡數,返TVB又被雪藏,因為當時我係失驚無神自己走?去玩,冇人搵到我㗎!」被追數追到上門,苦無辦法的他更曾想到自殺。

「其實諗過自殺,準備去香港仔跳水塘,因為自細香港仔大,諗住死都要返老家啦,但衰到連搭車、坐船過海都冇錢呀!當時住窩打老道,惟有盡地一煲,約齊所有債主大佬,在香滿樓傾,總之錢一定還,但希望停止計息,否則逼到我跳海都係乜都冇。最後都係我好彩,繼續打工,份糧一半還債、一半自己使,幾年後搞掂囉!」

谷底反彈

人生直插谷底,只不過苦,捱過去就過去了,卻未必一定人人都可以像他一樣,可以苦盡「金」來。

「在電視台做了幾年,是還清了所有債,但又不算紅,當時日日認低威,去搵監製幫手,總之乜角色我都做,手下甲、乙、丙,路人前、後、左、右乜都做。」有人轉運在街角,但吳孟達就與別不同,轉運在萬佛寺。

「直到八四年,有一次去沙田萬佛寺拍外景,你知做茄喱啡其實好得閒,行來行去百無聊賴,突然有個廟祝阿伯叫我行埋去,話幫我卜支卦,又睇一睇隻手掌,諗完一輪就話,我手指尾太短,福氣唔夠,要留長手指尾指甲過三關,即要長過無名指第三節,又話要留鬚,我就係由當時開始留鬚喇!

「又得意喎,八五年就有《新紮師兄》教官個角色,算係上番去,生活好番?啦!再到八九年就遇上星仔,《他來自江湖》是試金石,之後就愈來愈好囉!」

情與義

吳孟達雖說自己曾經「衰到冇人有」,但這麼多年來,身邊卻又是朋友貴人不絕。

在欠債時,曾問當年訓練班同學兼「一條底褲兩份?」的老友周潤發借錢,但卻被一口拒絕。

「初時諗住問發仔借,當年三十萬,大概是他一套戲的片酬,估佢應該有啦!點知佢話唔借,倒轉頭我一定借!不過其實係好事,就係佢當時唔肯借,我努力還錢工作至有今日。後來我?有見番,不過係去到拍《賭俠》時,冇?喎,一笑泯恩仇,再見又是朋友啦!」

還債過程中,駱應鈞又常常專登找他去食飯。「又時唔時畀包煙仔我,照顧?我幾年呀!」

更有蝦叔關海山教做戲。「我叫他師傅?,蝦叔就最簡單,有支煙仔有杯啤酒,就乜都肯教後輩,好多做戲方法都係佢教落?。」

至於星爺周星馳,雖然常常傳兩人交惡,但吳孟達卻斷然否認。

「我病時佢都有打電話問候,我亦從來冇同星仔鬧過交、冇口角,《美人魚》都有搵我拍,但病緊拍唔到,再之前《功夫》其實本來有我,只是後來撞期拍唔到。」

只是現在星仔已貴為星爺,無論如何都不會再有這樣的事發生:

「當年《賭聖》係超低成本製作,最記得第一日上畫,我仲同星仔一齊去佐敦華盛頓戲院,偷偷地入場睇觀眾反應添!」

三叔更爆了星仔一個秘密:「星仔住酒店要人陪?㗎,佢怕黑㗎嘛!」

訪問中其實我一直稱呼吳孟達為達哥,雖然以他的年紀和輩份,也早就不是「哥」。

「叫達哥得啦!鍾意叫達仔亦得,達乜鬼叔?,叫老晒。」

只是到了訪問尾聲,發現他竟然取出一部,不知何年何月出產的銀色「三叔」摺機。我就直接想到三叔用「三叔」,這個爛無可爛的gag,而我真的會笑。

「十幾年前買落,本來是一對金、銀色機,但金色機用到壞了,所以才?這部銀色機出?用。」

摺機,就似是上世紀戰後遺物一樣稀奇,但其實六年前,我亦是用緊一部M記摺機。「無上網,連短訊都好少覆,有乜事就打電話。」在這個網絡時代,吳孟達確實夠稀奇。

稀奇在阿三叔,還是有?那香港黃金盛世的氣勢。

就如他興高采烈的說,八九年他細佬中馬,四重彩一次就贏了三百多萬時,最後補充一句是:「那年頭我拍一部戲,收四十萬港紙,即係細佬一場馬,就搵到我拍十部戲?錢。」

當時,他才剛剛開始與星爺合作,亦即三叔的全盛期,其實還未正式展開。

到底三叔在九十年代,掘了多少黃金呢?

撰文 梁文威 攝影 蔡豪 設計 吳俊彪
永遠 的三 三叔 孟達
PermaLink: https://articles.zkiz.com/?id=305168

桃李滿門擺60圍鍾景輝80壽宴 吳孟達強吻

1 : GS(14)@2017-03-24 17:08:00

■鍾景輝昨日80大壽,吳孟達作狀向他送肉嘴獻吻。



戲劇大師鍾景輝(King Sir)昨日80大壽,他是香港演藝學院戲劇學院的創院院長,桃李滿門,一班學生昨晚為他在將軍澳一酒店筵開約60席賀壽,現場放滿King Sir人形紙牌。昨晚6時多,吳孟達、黃淑儀、方力申、劉兆銘、黎耀祥、朱茵、謝君豪、陳寶珠、李添勝、萬梓良、梁舜燕、盧宛茵、魯文傑跟毛舜筠等先後到場。King Sir去年患上大腸癌,現已康復的他昨日精神奕奕出場,嘉賓把握機會跟他合照,吳孟達更作狀錫King Sir一啖,之後賓客們一起唱生日歌給King Sir及切蛋糕,蛋糕上放有四隻紙牌King。


簽名龍袍加身

King Sir稍後受訪時說:「生日願望都係身體健康,知班學生會有表演,但唔太清楚內容。不過入場見到好多紙牌公仔都覺好特別。身體狀況好好,出左咗院四、五個月,都有覆診同行跑步機,等啲肌肉唔好鬆弛。」他又透露近期剛完成一個坐着讀劇本的工作,10月左右會替理工大學話劇表演擔任導演,他說:「唔太辛苦都可以,太多通宵就唔得,TVB未有搵我呀,都等緊。」場內放有一個六層高生日蛋糕,宴會開始時,3月生日的賓客薛家燕及謝君豪等獲邀上台,跟King Sir一起切蛋糕慶生,而劉兆銘則代表各人送了一件附有所有賓客簽名的龍袍給King Sir。



■King Sir昨日獲眾學生唱生日歌祝壽及送上蛋糕。

■劉兆銘做代表向King Sir送上一件簽名龍袍。

■(左起)劉兆銘、李楓及黎耀祥齊齊赴宴。


學生扮King Sir

王祖藍透露今次是自薦做司儀,他說:「會有遊戲同扮King Sir環節,亦都會回顧同分享老師點滴,搵咗黃秋生、杜琪?同教書文化界人士上台,其實所有演藝學院出身嘅同學都會扮King Sir,因為當年唔扮畢唔到業。」被問到是否已成功放售當年裝修爛尾的物業,祖藍說:「係呀,放咗啦,慳150萬印花稅。好在之前搵親戚幫我搞,賣咗之後攞番裝修費賺咗少少,希望下手業主住得開心啦。」採訪:卓寶花、張俊銘攝影:陳慧安


■鄭國江獻上一幅國畫作賀禮。

■獨自到場的朱茵,笑言為老師準備一封大利是。

■黃淑儀盛裝打扮現身。


■張達明跟關寶慧一同出席恩師的80大壽。

■余慕蓮由黃浩然陪伴到場。



來源: http://hk.apple.nextmedia.com/entertainment/art/20170324/19967979
桃李 滿門 60 圍鍾 景輝 80 壽宴 孟達 強吻
PermaLink: https://articles.zkiz.com/?id=328645

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019