杜如風為郭子健發毒誓
1 :
GS(14)@2015-01-18 22:03:07
杜如風（Helen）近日因為主持旅遊節目而被網友熱烈討論，人紅多是非日前有雜誌報道，指Helen有意追《西遊．降魔篇》的導演郭子健，更借睇景為名相約對方去街。因而獲郭子健回贈梁朝偉figure及在新戲《全力扣殺》安排演出。昨日Helen接受電話訪問時否認報道，大情大性的她更笑言若講大話「出街俾車車死」，她說：「我咁多稿寫，仲有我呢啲宅女唔係做嘢都唔出街，邊有約佢出街睇景，如果我有講大話出街俾車車死。」至於傳說中的偉仔figure是圈外朋友所送，與郭子健無關，就算拍《全》片都是因為投資人何超儀的關係：「套片媽媽（超儀）投資，佢咪搵晒成班玩開嘅人去客串囉，郭偉亮、葉佩雯兩公婆同谷德昭都係媽媽搵。」採訪：何永寧
來源:
http://hk.apple.nextmedia.com/entertainment/art/20150117/19005439
【風人院時間】杜如風X何超儀 生火研討會
1 :
GS(14)@2015-04-11 11:45:33■杜如風（左）日前訪問何超儀，大談超儀小時候的打波威水史。攝影：陳俊強
熱血，兩個字，一個有火一個搏命！做電影幾時都靠那團熊熊烈火，估不到做影迷也一樣搏命，電影狂迷杜如風今次為《蘋果動新聞》全新節目《風人院時間》擔任主持，竟然搏老命來一場火之盛宴，找來近年拍戲完全放棄自己儀態的何超儀玩講真話，她句句熱血，下下噴火，爆出一句「冇火就唔好做人」認真嚇親人；至於與曾傳緋聞的導演郭子健對談，更是另一場唔要命的訪問，玩火果然是杜如風的風格。撰文：王連連
杜如風遊走電影圈多年，做過編劇幕後，亦客串過幕前小角色，要她為《蘋果動新聞》的《風人院時間》找電影老友來東拉西扯，當然沒有難度。與她老友鬼鬼的何超儀早前找杜如風客串電影《全力扣殺》一個小角色，今次當然走唔甩，要為杜如風對談打頭炮。原來超儀是羽毛球健將，小學時候已是校隊，她長大後經常偕朋友打波，見到超儀的行頭，杜如風就問她為何愛上打羽毛球？超儀說：「小學時候，每個姐姐都打波，最初我唔識打，但打打吓無師自通打得幾好，之後有師姐招募我做校隊，由小六開始打校隊，升咗中學都打校隊，後來移民到加拿大都冇停，而且拎過無數次獎。」
■杜如風邀請何超儀上《蘋果動新聞》新節目《風人院時間》打響頭炮。
■何超儀手上的是她人生第一支羽毛球拍。
打空波最辛苦
拍攝當天超儀帶了人生中第一塊羽毛球拍到場，更穿上一件手臂扣滿章的冷衫現身，好奇的杜如風自然問起這堆物品的來頭，超儀乘機如數家珍的說：「呢件冷衫係vintage，我喺加拿大讀中學，係男女訓練學校，要操兵嗰種，有羽毛球隊嘅襟章，另外有R字嘅章，係因為學校叫Ridley，R就係代表最有價值球員，每年頒一次，我就拎過兩次。至於左手嘅章，係安大略省女子雙打亞軍獎章。」但是超儀後來已很少打羽毛球，早前她參加比賽，其姐找來以前在加拿大與自己球隊拍檔到場打氣，但超儀慚愧說：「覺得會令佢失望，我只打到7分，因為腳傷。」超儀在機緣巧合之下，發現其實很多人也喜歡打羽毛球，所以轉成商機，把羽毛球運動變成電影題材，把美夢成真，她說：「入行後少打羽毛球，十年前突然想起，就book場搵朋友打波，打打吓冇打。不過因為拍呢套戲我哋請咗前香港隊隊員凌婉婷做教練，朋友們捉住佢教，打打吓發現呢團人越來越大團，其實呢套戲帶個訊息係做人要有一團火，冇火就唔好做人。」超儀回想起拍這套戲也有很多辛酸，她說：「有時候拍攝時會打真波，好爽。但如果配合CG，波係後期畫上去，拍攝時我哋就變咗打空氣。有場戲已經話我哋球技好勁，要越打越快，打空波好辛苦，打到演員叫停。我頂唔順，唔夠氣想暈。」
■何超儀如願將興趣變作電影題材。劇照
■鄭中基等演員在戲中展現球技。劇照
自認尊尼親戚
最後杜如風問起超儀的另一事業，唱歌。雖然之前曾因為簽不到唱片公司而暫停，幸好後來得朋友鼓勵再做音樂。她早前推出唱片《搖滾妹子》，其中一首歌《Johnny Depp》由她填詞，杜如風爆超儀喜歡尊尼狄普（Johnny Depp），曾於家中拿着尊尼的影碟，稱對方是自己哥哥，超儀笑謂：「相信佢係親戚，何家親戚啲樣好易認，所以令我有靈感寫呢首歌，我想之後寄畀佢聽。同事繙譯咗歌詞，老公陳子聰睇咗，叫我千祈唔好畀，怕對方睇完會發禁制令。」
來源:
http://hk.apple.nextmedia.com/entertainment/art/20150411/19108066
杜惠東腎衰竭逝世杜如風承父訓忍痛開工
1 :
GS(14)@2016-03-09 16:25:05■杜如風與父親杜惠東感情一直非常親近，父親昨晨逝世，杜如風受訪時表示喊到淚乾了。
著名旅遊節目主持人杜如風的父親、嘉禾前宣傳廣告部主管杜惠東，昨晨因腎衰竭在醫院離世，享年75歲。原本在日本拍攝旅遊節目的女兒杜如風，上周收到父親入院的消息後，急急趕回香港，陪着父親度過最後一段日子，離世時亦陪伴在側。難掩傷痛的杜如風昨日表示稍後會飛回日本繼續拍攝，她說復工是完成爹哋講過「努力工作就係對佢最好嘅回報」的訓導。
【1940-2016】■人稱杜Sir的杜惠東曾與不少藝人合作。
主持過《流行東京》、《風行全世界》等流行旅遊節目的杜如風，上星期仍在日本為無綫拍攝旅遊節目，不過當收到父親杜惠東忽然入院的消息後，作為家中獨女的她即時趕回香港。直到昨日早上人稱杜Sir的杜惠東因腎衰竭離世，享年75歲，臨終前妻女都在旁。
■杜如風曾自誇有過千對鞋，遭網民討伐。資料圖片
喊到淚乾
昨日杜如風接受電話訪問時，仍難掩傷痛說：「爹哋呢幾年都要洗腎，上星期唔舒服入院之後情況唔係咁好，今朝早走咗，好安詳。」她表示稍後會復工為節目埋尾：「爹哋同我講過，努力工作就係對佢最好嘅回報。」她昨日跟母親留在寓所，表示父親的身後事會有家人打點，自己已經喊到淚乾。人稱杜Sir或阿杜的杜惠東，在娛樂圈浸淫超過40年，在圈中人緣甚廣，76年開始他在嘉禾電影公司大行其道年代，擔任宣傳部主管，合作過的巨星不少，跟張曼玉、林青霞、鄧麗君、鍾楚紅及成龍等交情甚深。痛失父親的杜如風，去年曾於本報專欄《風人院》中，以《我的爸爸》一文送給父親杜惠東作為父親節禮物，文中她指自己的性格與父親十分相似，然而她稱老竇取笑囡囡只接收了惡劣的因子，未能遺傳父親優良因子。杜如風文中描述她遺傳了父親三大優點百厭、愛吹水和不認輸，最後杜如風總結：「其實又怎算是惡劣因子呢？不百厭，就無創意，不吹水，就無情趣，不好勝，就無挑戰」，並直言自己盡得老竇的真傳呢！採訪：李森
來源:
http://hk.apple.nextmedia.com/entertainment/art/20160309/19521410
孕育「世界級港女」杜惠東幫杜如風找卡數
1 :
GS(14)@2016-03-09 16:25:54■杜如風不諱言父親退休前一直為自己找卡數。
杜如風早年曾經在日本求學，多少亦受了日本通父親的影響。她曾經在跟大台合作拍攝的《流行首爾》節目中，自誇家中有過千對高踭鞋，又大晒名牌，引來20萬網民聲討封為「世界級港女」，杜Sir退休前一直為女兒找卡數。
幕後40年：能編能寫擅交際
人稱杜Sir的杜惠東，昨晨因腎衰竭離世，享年75歲。杜Sir是資深電影幕後從業員，在娛圈浸淫逾40年，人緣甚廣。曾就讀廣東師大中文系的他，60年在香港從事紡織配色印花，航海生涯11載，曾在日本、美國工作，71年回流返港任職港聞突發記者，一年後轉到娛樂版，同時兼任攝記、編輯及寫手工作。至74年，他開始在周刊做攝記和寫手，並於八份報章寫專欄。76年，杜Sir被嘉禾電影公司羅致，擔任宣傳廣告部的主管，服務嘉禾逾30年，與林青霞、鄧麗君、鍾楚紅和張曼玉等私交甚篤。杜Sir生前曾推出多本著作如《城市浪人》、《浪子酒廊》、《東言西語》、《巨星食譜》等，以及2010年的《繁星閃閃》，大爆巨星的秘聞。
來源:
http://hk.apple.nextmedia.com/entertainment/art/20160309/19522317
杜如風情書別亡父
1 :
GS(14)@2016-03-31 14:49:01■杜如風兩眼通紅，表示有陪父親杜惠東走最後一程。
旅遊節目主持人杜如風的父親、資深傳媒人杜惠東，早前因腎衰竭離世，享年75歲，其家人昨日於北角香港殯儀館為他設靈。杜如風偕母親約4時許抵達靈堂，現場已放滿包括鍾楚紅、成龍、謝霆鋒、劉德華、劉鑾雄及洪金寶等人的花牌。之後杜如風兩眼通紅接受訪問，她說：「目前心情還可以，之前係外地趕返嚟見到爹哋最後一面，喺醫院拖住爹哋手陪咗佢5日。」場內放有一本《樂得逍遙》的場刊，收錄了杜惠東寫給太太的情信、杜如風寫的悼念文《給爸爸的最後一封情書》及生活照。約6時許鍾楚紅全黑衫到場，之後何超儀、關錦鵬及陳果等先後到場致祭。採訪：王連連攝影：仇志德
■靈堂佈置以白色為主，家人及好友送上花牌致祭。
■紅姑約6時抵達，她稱杜惠東生前為人有趣。
來源:
http://hk.apple.nextmedia.com/entertainment/art/20160331/19550929
杜如風自嘲待人不淑
1 :
GS(14)@2016-06-06 02:54:45杜如風昨日在銅鑼灣為戶外運動品牌拍攝廣告，經常旅行愛購物的她，問到可會考慮拍野外旅遊節目，她笑謂：「我試過去不丹旅行，以為冇嘢買，但都買咗一疋布番嚟，都要萬幾蚊。」打算再拍旅行攻略的杜如風，仍然會以日本為主，但她最近要為下月書展推出的新書趕工，她說：「同上次嘅書差不多，講對事情、愛情睇法，講愛情我有說服力，我待人不淑，唔係遇人不淑。」對於常被網絡主持杜如科抽水，問會不會有機會合作？她說：「對於呢個人no comment，點解唔叫梁朝偉同我上鏡？梁朝偉可以抽我水都得，我唔介意。」採訪、攝影：王連連
來源:
http://hk.apple.nextmedia.com/entertainment/art/20160603/19638648
杜如風賣紙巾60人侍候
1 :
GS(14)@2016-08-07 01:48:26杜如風寫旅遊書和做旅遊節目起家，不過近年心態改變，超級港女改行寫深情小說，在書展推出抒情小品。除了寫書和專欄，杜如風早前更接拍紙巾廣告，在清水灣拍攝時受訪：「上年開始想講得深入啲，好似人生、愛情同友情咁，唔好寫旅遊啦，唔好搞。」拍紙巾廣告，一樣有港女本色，杜如風自備十多套私伙衫和飾物到拍攝場地，她說：「大家都知我不嬲有呢個喜好（買嘢），所以拎定啲衫嚟，而家都着到成包紙巾咁。」廣告拍了12個小時，有60人侍候，還換了3個場景，杜如風更被要求穿3吋高跟鞋倒後落樓梯。採訪：盧妹
來源:
http://hk.apple.nextmedia.com/entertainment/art/20160804/19721741
圈中父幹藝人「世界級港女」杜如風多瓣數
1 :
GS(14)@2016-11-10 07:39:51正所謂「成功需父幹」，有強勁後台支持住，已經「贏在起跑線」，（原則上）做咩事都事半功倍。好似關楚耀（Kelvin）咁，當年挾住「譚詠麟契仔」名義入娛樂圈，去到邊都有校長照住，加上Kelvin爸爸關維麟係唱片公司監製兼唱片公司高層，佢伯父係泰迪羅賓，牌面已經優先過好多人。圈中其實仲有唔少呢種幕後高層子女加入娛樂圈嘅例子，好似杜如風咁，大家除咗記得佢係「世界級港女」之外，其實佢係已故資深傳媒人杜惠東之女。喺外國讀完書後，獲父向英皇電影推薦做日本電影字幕繙繹，亦曾為無綫主持旅遊節目，人氣漸升，繼而轉為拍攝日本旅遊節目，再以外判形式賣畀電視台，同時亦係專欄作家。
來源:
http://hk.apple.nextmedia.com/entertainment/art/20161109/19827452
帶隊遊日5天每位收9萬杜如風封最貴團長
1 :
GS(14)@2016-11-12 05:55:00■杜如風明年將擔任導遊帶隊遊日本，賣點當然是吃喝玩樂。
杜如風的旅遊節目一向受歡迎，不少人都視為偷師對象，跟着如風去吃喝玩樂，所以有旅行社看中她的優點，簽她為「旅遊玩家」，明年擔任導遊帶隊潮遊日本，升級成為「女版蔡瀾」，她還會帶媽咪去旅行。由如風帶隊的日本伊勢志摩團，定於明年農曆年初二出發的5日4夜團，收費一點不便宜，由7萬多坐經濟客位到差不多9萬元坐商務客位不等。如風昨日接受電話訪問時表示收得貴當然物有所值，她說：「做旅遊節目就多，帶團真係第一次。呢團可以話全香港最貴嘅（日本）5日4夜團，都有啲緊張。賣點當然係有我喺度啦，同啲團友吹吓水同介紹吓。住同食都係頂級嘅，其中一間住嘅，係三重嘅Amanemu溫泉度假村。真係好貴，講緊係過一萬蚊一晚，間房都成千呎，日本好難住到，有私人溫泉可以浸，連陳奕迅都嚟住過。」
帶媽咪同行
如風透露還可以吃到日本三大和牛之一的松阪牛，頂級的A5級數更有齊出世紙及血統證明。除了吃喝玩樂是賣點，還會到伊勢觀賞海女捉鮑魚，即捉即食。
【睇海女】■升級女版蔡瀾的如風，穿上海女裝入型入格。
【住得豪】■每晚收費過萬元的溫泉度假村亦在行程之內，陳奕迅被指曾入住過。
【嘆和牛】■A5級的松阪牛附有血統證明及出世紙。
對於跟前輩蔡瀾相提並論，如風笑說：「蔡生實在係太專業，食一定唔夠佢嚟，不過喺其他方面，娛樂到大家嘅，我都會盡做。同埋買嘢係我強項，可以幫團友襯吓衫，揀吓心水嘢。」如風透露今團只有二十個名額，假如最後成團，更會帶媽咪同行，一起吃喝玩樂，又大讚自己孝順，居然肯犧牲一年一度跟朋友聚賭的機會，她笑說：「我都覺自己生性好多，如果老竇（已故資深傳媒人杜惠東）見到應該笑到不得了，係從未咁開心咁笑。」採訪：何永寧
來源:
http://hk.apple.nextmedia.com/entertainment/art/20161112/19830795
Next Page