ZKIZ Archives


14萬元簽賬額信用卡 婆婆拒申請 渣打夾硬批

1 : GS(14)@2012-05-29 00:30:43

http://hk.apple.nextmedia.com/news/art/20120528/16374160
陳女士的兒子蔡先生向本報表示,母親收到渣打職員來電游說申請信用卡時,已表明年事已高,無需信用卡。翌日渣打職員再來電游說出卡,陳稱當時只答應收取信用卡的宣傳單張,豈料數日後收到渣打發出的萬事達信用卡,簽賬額達14.2萬元。
[渣打銀行被指挪用客戶個人資料。 資料圖片] 渣打銀行被指挪用客戶個人資料。 資料圖片
口說不要實際上需要

蔡質疑,渣打職員擅自挪用母親於該行的賬戶資料,未得她同意就替她申請信用卡。蔡向渣打投訴,對方卻稱翻聽陳女士與職員的對話錄音後,覺得她口說不要信用卡,實際上有這需求,才會發卡。蔡說,當他質疑簽賬額何以逾14萬元時,渣打更稱是蔡看錯,堅持簽賬額是2萬元,「封(發卡)信白紙黑字寫明(簽賬額)係14萬2千,(渣打)仲講到係我哋有問題!今次就申請信用卡,點知下次會唔會用我呀媽嘅資料貸款或做其他嘢!」
2 : Sunny^_^(11601)@2012-05-29 11:26:44

學生信用卡都有十幾萬
3 : abbychau(1)@2012-05-29 12:59:34

我張恒生得八千
4 : dennis001(8614)@2012-05-29 13:15:22

我都係格硬收左....電話只係話睇下D資料,點知成張卡送黎

不過從未開通,理得佢
5 : 肥B(18468)@2012-05-29 13:27:22

呢間野D SALES 真係好狼...

老婆到會展行BB展, 見話有COUPON送申請左一張CARD.

點知佢最後係同一時間寄左兩張黎, 而且加埋有成20萬CREDIT, SHORT SHORT地架...
6 : Wilbur(1931)@2012-05-29 13:49:43

我老豆聽過電話又升級左變理財戶口

宜家d銀行真係亂q咁黎
7 : greatsoup38(830)@2012-05-29 21:37:53

3樓提及
我張恒生得八千


他是咁加,好似上次加到十萬都有...
8 : greatsoup38(830)@2012-05-29 21:38:25

6樓提及
我老豆聽過電話又升級左變理財戶口
宜家d銀行真係亂q咁黎


我今日接到個電話,我都唔知他講乜
9 : abbychau(1)@2012-05-29 21:50:24

7樓提及
3樓提及
我張恒生得八千

他是咁加,好似上次加到十萬都有...

我...我中銀果張就有加, 呢張我申請果陣已經申請fix 死左, 如果唔係點會咁少
10 : greatsoup38(830)@2012-05-29 21:51:14

9樓提及
7樓提及
3樓提及
我張恒生得八千

他是咁加,好似上次加到十萬都有...

我...我中銀果張就有加, 呢張我申請果陣已經申請fix 死左, 如果唔係點會咁少


你條友大把錢,到現在我辭了都未找工作哈哈
11 : abbychau(1)@2012-05-29 21:51:54

明顯比銀行批點都唔只8000, 阿婆都14萬
12 : greatsoup38(830)@2012-05-29 21:53:06

11樓提及
明顯比銀行批點都唔只8000, 阿婆都14萬


渣打是行內被稱為瘋的
13 : greatsoup38(830)@2012-05-29 21:53:26

口就話好,但加班加點跑數跑到pk那種
14 : 肥B(18468)@2012-05-29 22:14:15

我最近都成為左佢地的客戶, 發現佢呢間野應該係有一個客戶意見調查的計劃, 因為我不只一次, 同佢地唔同部門的職員聯絡時, 結尾時都會交帶一句, 如果覺得我的服務滿意的話, 麻煩x先生收到意見調查時, 俾個10分我以作鼓勵丫~

而且我開戶時有d 野唔太清楚, 我用佢地個網上銀行中的「發訊息」功能問問題, 真係有人會follow up打俾我回返個短訊俾我, 但過程中, 就問我當時跟的那位職員叫乜名? 後來打俾我再次解釋的俾我聽又係邊一位等等...

感覺好似好緊張「顧客服務質素」, 但落實執行時就做得唔太好....

同埋我好耐無申請新a/c, 係咪而家動不動就會寄返封信話你知, 你邊日申請左d乜等等的確認信? update 個電話又寄封僌仔, 又send sms 俾你.....定係呢間係咁?
15 : Sunny^_^(11601)@2012-05-29 22:19:05

我知中銀係一過數就send sms比個客
16 : greatsoup38(830)@2012-05-29 22:19:25

所以我連入佢地門都費事,他們那些態度是你都覺得不尋常,好得不尋常,看來指標設得不低...所以先咁緊張...

我最喜歡都是中銀同埋南洋那些,雖然是慢,但是睇他們真是唔會咁緊張亂sell野都夠
17 : 肥B(18468)@2012-05-29 22:23:01

16樓提及
所以我連入佢地門都費事,他們那些態度是你都覺得不尋常,好得不尋常,看來指標設得不低...所以先咁緊張...
我最喜歡都是中銀同埋南洋那些,雖然是慢,但是睇他們真是唔會咁緊張亂sell野都夠


我估計同升遷/加薪/會否炒魷有直接關係....
18 : Sunny^_^(11601)@2012-05-29 22:25:23

17樓提及
16樓提及
所以我連入佢地門都費事,他們那些態度是你都覺得不尋常,好得不尋常,看來指標設得不低...所以先咁緊張...
我最喜歡都是中銀同埋南洋那些,雖然是慢,但是睇他們真是唔會咁緊張亂sell野都夠

我估計同升遷/加薪/會否炒魷有直接關係....


中銀同南洋因為面子關係...好少炒人.
19 : greatsoup38(830)@2012-05-29 22:26:31

17樓提及
16樓提及
所以我連入佢地門都費事,他們那些態度是你都覺得不尋常,好得不尋常,看來指標設得不低...所以先咁緊張...
我最喜歡都是中銀同埋南洋那些,雖然是慢,但是睇他們真是唔會咁緊張亂sell野都夠

我估計同升遷/加薪/會否炒魷有直接關係....


咁大間公司,無呢D考評制度先唔平常,所以先咁谷
20 : 肥B(18468)@2012-05-29 22:29:10

19樓提及
咁大間公司,無呢D考評制度先唔平常,所以先咁谷

作為個普通客戶, 我就唔係咁自在....佢俾我的感覺, 係好刻意營造出黎的一種服務
21 : Sunny^_^(11601)@2012-05-29 22:30:52

20樓提及
19樓提及
咁大間公司,無呢D考評制度先唔平常,所以先咁谷

作為個普通客戶, 我就唔係咁自在....佢俾我的感覺, 係好刻意營造出黎的一種服務


如果怩我,我會like喎.不過可惜...冇公開咁多戶口
22 : dennis001(8614)@2012-05-29 22:31:45

如果員工壓力甘大,難怪韓國個邊甘難搞

不過2888是交到數
23 : greatsoup38(830)@2012-05-29 22:32:28

20樓提及
19樓提及
咁大間公司,無呢D考評制度先唔平常,所以先咁谷

作為個普通客戶, 我就唔係咁自在....佢俾我的感覺, 係好刻意營造出黎的一種服務


所以就dislike 獅子、恆生同埋渣打,我連開戶口都唔想開,小銀行反而我喜歡他那種真
24 : greatsoup38(830)@2012-05-29 22:33:11

22樓提及
如果員工壓力甘大,難怪韓國個邊甘難搞
不過2888是交到數


人地真是肯畀wor...有重賞必有勇夫
14 萬元 元簽 簽賬 賬額 信用卡 信用 婆婆 申請 渣打 夾硬 硬批
PermaLink: https://articles.zkiz.com/?id=279619

夾硬搬劇上大銀幕《十月初五》破壞口碑

1 : GS(14)@2016-08-16 06:11:25

如果呢個世界有條成功formula,或者大台就唔使咁頭痕。呢幾年香港有叫座力嘅劇集一年都未必出到一套,有時難得出到套好劇,都鍾意改做電影版再吸多次金。但畫蛇添足往往都冇好結果,就好似下面呢幾套咁,有時落埋畫都唔知佢有拍過:《十月初五的月光》:張智霖同佘詩曼00年嘅神劇,講唔到嘢嘅張智霖用兩短一場嘅哨子聲代替「我愛你」,冧盡萬千少女。事隔十五年,上年翻拍電影版,結果只係收得1,100萬左右。「MK活地亞倫」葉念琛夾硬將初哥哥最後弄成失憶,令佢同祝君好最後仍得不到大團圓結局,令不少苦等十五年的fans大為失望,更有不少網民斥此舉「毀童年」。《衝上雲霄》:電影版掛名係《衝上雲霄》系列,不過劇情扭轉,除咗都係講機師同空姐,好難同原作拉上關係。令人詬病嘅係,原本感情專一嘅Sam哥吳鎮宇,喺戲中無厘頭鍾意咗鄭秀文,完全破壞角色形象。電影版有大堆頭明星加持之下,票房去到2,163萬,叫做有交代。《Laughing Gor之變節》:謝天華09年翻身之作《學警出更》嘅角色,表現好到大台要開多套劇搵佢做主角。唔止咁,《學警出更》09年初先播完,8月中就拍成電影版《Laughing Gor之變節》上畫,食得住個勢有1,500萬票房;點知大台兩年後再添食,拍咗套《Laughing Gor之潛罪犯》,票房跌到去得番600萬多啲。《勁抽福祿壽》:由搞gag節目《荃加福祿壽》到劇集《荃加福祿壽探案》再到電影版《勁抽福祿壽》,憑住搞笑情節先挽回唔少支持,票房啱啱好過咗650萬。《刑警兄弟》:今年4月上畫嘅電影,可能聽都未聽過。由黃宗澤同金剛主演,齋睇男主角已經唔吸引,其他主要演員只係得方皓玟、徐子珊、湯盈盈咁......結果呢套戲上咗28日,票房只係得81萬左右。《人約離婚後》:又係大台班底,葉念深執導,主角係佘詩曼同羅仲謙,結果變成TVB師奶嘅大銀幕版,最終票房過咗600萬就上唔到去。




來源: http://hk.apple.nextmedia.com/entertainment/art/20160815/19736763
夾硬 硬搬 搬劇 劇上 上大 銀幕 十月 初五 破壞 口碑
PermaLink: https://articles.zkiz.com/?id=305953

喪男夾硬擘大鯊魚口用佢利齒開啤酒

1 : GS(14)@2017-03-22 00:31:30

虎落平陽被犬欺,外國一條鯊魚在沙灘擱淺後,竟然淪落到被當成開罐器。有年輕人用力撐大鯊魚口後,另一人將啤酒罐敲向鯊魚尖牙「開罐」,網民紛紛譴責這種行為,直言「咬下他手臂就好了」。片段見到無助的鯊魚被迫張大嘴巴,尖牙刺穿啤酒罐後,男子將啤酒一飲而盡,其他人則在旁叫囂。短片上載後引來大批網民聲討,一人說:「我真希望這條鯊魚咬斷他的手臂。」另一名網民說:「不可以接受,鯊魚值得更好的對待,而不是被這班低智商的人用來當開瓶器。」有人簡單說一句:「這是我見過最愚蠢的事。」3月至4月間是美國大學生的春假,大群年輕人通常會聚集在沙灘度假區開派對狂歡飲酒作樂,未知短片是在甚麼地點拍攝,相信是在美國發生。英國《每日郵報》




來源: http://hk.apple.nextmedia.com/international/art/20170320/19964232
喪男 男夾 夾硬 硬擘 大鯊 魚口 用佢 佢利 利齒 齒開 啤酒
PermaLink: https://articles.zkiz.com/?id=328087

指楊潤雄推薦「冇人夾硬將名交畀我」蔡若蓮履新 林鄭:難明為何任命變開戰

1 : GS(14)@2017-08-04 05:56:48

■教局副局長蔡若蓮昨在局長楊潤雄陪同下會見傳媒。李家皓攝



【本報訊】教聯會前副主席蔡若蓮在爭議聲中上任教育局副局長,在眾多問責官員中,蔡獲特首林鄭月娥、局長楊潤雄厚待,先後開腔力撐。林鄭形容蔡在多方面都是適合人才,又稱很難明白一個副局長的委任,為何會提升至「開戰」;教育局局長楊潤雄則強調是他自行物色、推薦蔡成副手,形容她是首選,認為部份不滿蔡的意見「唔係咁有實質理據」。 記者:周 婷



林鄭月娥

民間及教育界已收集到近兩萬個聯署簽名,反對蔡若蓮出任副局長,民主派形容委任蔡等同「宣戰」,破壞互信。林鄭月娥昨日一再強調任命原則是用人唯才,不以政治立場先行,不同意委任是「同教育界開戰」;林鄭又強調蔡獲得教育局局長楊潤雄親自推薦,「並不存在有人夾硬將啲名交畀我,再叫我交畀局長委任」。楊潤雄昨聯同履新的蔡若蓮會見傳媒,楊主動提及副局人選由他親自推薦,稱自己曾跟業界不同人士討論、獲建議及考慮不同人選後,終決定推薦蔡,強調她是首選。不過,楊潤雄拒透露蔡是否獲得教聯會舉薦,並間接否認曾跟中聯辦討論蔡的任命,強調只曾跟業界商討,「冇同非業界傾」。問到執意委任蔡是否漠視民意、無懼賭上個人民望,楊潤雄表示有考慮不同意見,但他認為部份反對蔡的意見「唔係咁有實質理據」及「邏輯上唔係好符合我自己嘅睇法」;又指委任時並無考慮自己的聲望,而是「為香港未來5年嘅教育」,非常有信心蔡能恰如其份做好,盼公眾「畀時間、空間佢(蔡)充份表現能力」。昨日首次以副局長身份露面的蔡若蓮稱,期望公眾按她的工作作評價,對事不對人;又稱自己願意聆聽不同意見。被問到其任命極受爭議、將來是否有可能順利履行副局長職責,例如游說各黨派議員,蔡若蓮稱所有人均不應因為「鍾意或唔鍾意一個人」影響專業工作,希望將來的實際行動及表現可釋除疑慮。


葉建源:蔡未獲業界支持

林鄭月娥則點名批評教育界議員葉建源,指葉建源對蔡的批評不盡不實,無法理解葉形容蔡在立法會敗選、等同不獲教育界支持。葉建源反駁指,除了蔡所屬的教聯會,至今沒有具代表性的校長團體正面評價蔡的任命,重申蔡敗選足證其立場未獲業界支持。林鄭一個月前剛上任時曾表示,需要葉建源幫忙游說泛民、通過36億新增教育經費撥款,昨日她被追問是否有事才視葉為「救火隊」、無事即拒聽意見,林鄭隨即「變臉」,稱通過撥款乃靠政府努力,非「個別議員幫我(通)過」。【一表睇晒】林鄭新班子逐個睇 http://bit.ly/hkcabinet




來源: http://hk.apple.nextmedia.com/news/art/20170803/20110017
指楊 楊潤 潤雄 推薦 冇人 人夾 夾硬 硬將 將名 名交 交畀 畀我 蔡若 若蓮 履新 林鄭 難明 為何 任命 開戰
PermaLink: https://articles.zkiz.com/?id=339478

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019