ZKIZ Archives


郭大少可以復職? 左丁山

>2008-05-15  AppleDaily 近 日睇到好多新地主席兼行政總裁郭炳湘嘅八卦新聞,就係話佢預料重新掌權,銷假回歸新鴻基地產,但係未必一定冇阻力噃。大家都記得,新地喺二月十八日突然發 表聲明,主席郭炳湘休假三個月。咦!眨吓眼就夠三個月嘞,不過五月十八日係星期日,照計新地要最遲喺五月十六日星期五發表聲明,為主席休假一事作一個交 代。正因為咁,市場傳聞甚盛,話新地會在今天五月十五日召開董事會,決定郭炳湘嘅前途。

問一問對公司管治素有研究嘅財務A,對呢件事應該如 何分析?財務A話:「新地有一個大特點,就係既係一流藍籌公司,享譽甚隆,但同一時間,又係家族色彩好濃厚嘅公司,阿媽有好大話事權,三位公子雖係飽學之 士,讀完帝國學院、劍橋、哈佛等等,但在處理高層人事方面,要聽阿媽話,特別係邊個做主席。郭炳湘係大仔,做咁耐主席,成績有目共睹,但時至今日,可唔可 以繼續做主席,相信要由阿媽拍板,唔係由董事局。」

大公司嘅最高層唔係董事局決定嘅咩?財務K話:「此乃我哋中國人之DNA,外 國基金經理 一定唔明白,話之你讀完哈佛MBA啦,喺中國人公司,讀《三國演義》與《紅樓夢》更加適合。千祈唔好在家族內公司內講獨立非執董之重要性,識得曹丕,曹 植,王熙鳳在榮國府,先至係大道理。」財務K之言,令鼓吹現代公司管治之人氣餒。左丁山老友張總在中文大學兼職教EMBA,佢對《三國》《紅樓夢》及中國 歷史故事熟到無倫,下學期中大應該請張總開一科叫做「皇阿媽與公司管治:中港台公司個案研究」。科大EMBA叫做世界第一(FT排名),但啲外籍教授邊度 識得我哋中國人公司啲深層文化呀!

上次二月十八日之後各報刊傳出八卦消息話郭大少犯咗「兩宗罪」:一係精神健康 有問題,二 係交上女朋友,鶽家又點呢?財務K話:「即使真係有女朋友。罪不至死,全世界嘅大公司董事局絕少因主席私事而炒主席魷魚,例子多到數唔晒,無謂多講。關於 身體方面,《明報》與《蘋果日報》都話郭大少搵麥列菲菲、胡健維加兩位中大港大教授檢查過全無問題,香港嘅醫學權威話郭大少冇事,董事局成員點敢反駁呀, 唔通叫獨立非執董王于漸,質疑番自己港大嘅醫學權威呀?故此傳聞之兩宗罪全不成立,郭大少應該可以復職,除非另有我哋外人完全唔知嘅別情!」
郭大 大少 可以 復職 左丁 丁山
PermaLink: https://articles.zkiz.com/?id=905

貴族大少 顏傑強

2002-9-5  NM




中巴遭禹銘以一仙敵意收購,首回合只獲得0.23%股東支持,距離過半數的要求甚遠,顏家三姐弟又開記者會報捷。顏傑強坐在董事席 上,努力地抹眼鏡,用紙巾抹完又用手帕抹。顏潔齡和顏亨利分別以主席與副主席的身份發言,只任副監理的顏傑強,一句話都沒機會說。他是中巴的「大少」,已 故中巴創辦人顏成坤的長子,八四年被廉署檢控以過高價購入輪胎,此後在中巴角色漸退,由顏家大小姐掌管大局。今天仍坐擁六百六十萬股中巴(市值約四點六 億)的他說:「我完全唔志在,佢鍾意做就做到夠。孔融三歲讓梨,十七歲拜相,你聽過未?「我係英國貴族,威過鄧蓮如,我响英國發展太空科技,同中巴差天共 地,CMB(中巴)is nothing!」柴灣中巴車廠頂樓,是中華汽車公司大本營。自從中巴在九八年喪失專營權後,車廠租予城巴,但仍保留了頂層。看那種六十年代裝修、簡陋的佈置,完全想像不到這是一間市值三十億,銀行有廿二億現金的上市公司。 「柴灣呢啲地方點做得嘢㗎,嚇死人啦。好多上流社會嘅人嚟搵我㗎,英國保守黨主席、議員、蜆殼石油總裁、馬莎百貨總裁……總之非富則貴。」顏傑強在這裡有 個辦公室,但他卻感到厭惡得很,以前仍做巴士生意時,他甚至要換鞋才踏進來。這層樓除了冷氣夠冷外,員工沒多少個,一個中年職員怯生生地走過來對六十三歲 的顏傑強說:「大少,你今日要去律師樓簽張票……」「大少」覺得煩,又罵了他幾句。「佢哋睇住我大,梗叫大少啦,唔通叫我伯爵咩,佢點識啫,嘥氣啦!」車 廠天台有一列中巴,最初他連過去拍張相片都不肯。「影嚟做乜吖,呢啲係愚蠢同痛苦嘅回憶。」這幾部巴士是來往港運城與北角政府合署的,每天只行駛三小時, 象徵式算是有點服務。北角港運城是中巴與太古合作的項目,亦是中巴由搞巴士轉為搞地產的漂亮一仗,連商場都名叫「成坤廣場」,但顏傑強卻總把它唸成「運港 城」。

我好有性格他走到父親顏成坤掛着3333車牌的金色Daimler前面,又要我們拍照。旁邊有部車牌是555的金色甲蟲,他就叮囑我 們不要影。「部三條五係顏律師嘅,唔好影,我哋無關係。」他稱呼自己的姐姐顏潔齡做顏律師,弟弟顏亨利做顏醫生,生疏得很。他說這是英式傳統。但因三姐弟 甚少聚頭,就是中巴開股東會,他們彼此說話都不多,於是有人說他們姊弟不和。「我哋淨係開會見,同太古食飯都要見啦,一年幾次,傾公事囉!「佢哋鍾意飲 酒,我一世人未飲過酒,淨係飲牛奶。我賭馬兼養格力狗,佢哋又唔賭。「佢哋從來唔去餐館,日日食飯盒,十蚊定廿蚊?我唔知,我一世人冇食過。我食一千蚊一 餐。」他說自己在男拔萃寄宿,之後去美國底特律讀書,姐弟去英國,所以好少來往。童年呢?「我禮拜六要跟前清秀才學古文,星期日又要睇足球,好忙。」然後 他開始背:「水陸草木之花……(《愛蓮說》)」。姐弟雖然少來往,但祖業被人狙擊,三人又站在同一陣線。「而家我哋俾人收購,有人俾一千蚊一股我都唔會賣 啲股票。但如果顏律師顏醫生問我攞一百萬股,我即刻俾佢,證明我哋無事。I mean it, OK?」

父親太忙了為了接見眾多上流社會的人,他在怡東酒店長期租了一間房,月租四萬,「過貴族的生活。」去年四月過身的顏成坤是出名節儉的人,中巴喪失專營權時,老員工就說他有個習慣,喜歡夜來在公司數 銀仔。已有逾十億身家,每月仍會喜滋滋地到銀行打簿,檢查是否收到生果金。父親的節儉,顏傑強繼承不到,無論餐廳酒樓侍應還是泊車的人,他都打賞至少一 百。「佢覺得我好奢侈,叫我唔好過貴族生活,但我係貴族吖嘛。」父親是潮州商會永遠名譽會長,顏傑強卻最怕聽潮州話,每逢過年必大批潮州人來拜年,害顏傑 強要塞住耳朵。「我爸爸係潮州人,我媽係新會人。我係英國人,你唔好寫錯。」顏成坤當年在中巴,年逾九十仍事事親力親為。強人父親,未必就能感染兒子。 「我跟咗老豆三十年,跟出跟入,佢係腳踏實地,勤奮的人。但佢對我冇乜影響。「佢好忙,要做立法局行政局議員,應酬又多,晚晚十點先返屋企。我從來唔等佢 食飯,我好有原則,一定要八點鐘食晚飯。我自細都好有character(性格),OK?」父親對他影響不深,他反而常把母親掛在口邊。母親黃亦梅,是黃 耀南之姊,黃耀南就是與顏成坤一同創辦中巴的人。黃亦梅之父黃旺財,早年經營船務致富。「係名門望族,詩禮傳家,幼承庭訓,你寫低佢。」顏傑強說,自己廿 七歲時,母親仍規定自己半夜十二點前要返家。

沒有全家福採訪香港巴士之父的兒子,本以為有無數珍貴舊照片。但顏傑強合作地找了兩天,找遍他 在酒店和中巴車廠的辦公室,甚至堅尼地道六十四號的祖屋。與母親,只有一張在酒會裡,一個望東一個望西,意外地站在一起的照片。而與父親的,他千辛萬苦, 終找到一張皺成一團的剪報,裡面有張黑白照。「全家福呢?」「冇,冇呢啲嘢。」

巴士太邋遢姐弟各有專業,顏傑強到底特律理工學院讀汽車工 程,似是父母有意栽培他繼承父業。「我讀完碩士返中巴做工程經理,千二蚊一個月,做老豆擦鞋仔。媽咪每月都俾五千蚊我。」廿三、四歲的他,獲分派到站頭檢 查巴士是否真的滿座還是故意飛站,要跳上每班車數人頭。「討厭到不得了,太熱嘞,我寧願去淺水灣酒店讀書都唔做嘢。」廿七、八歲他再到加州大學洛杉磯分校 (UCLA)讀了一年,拿不到博士。之後在Pacific Western University拿了一個工商管理博士才回港,舅父黃耀南退休後,副監理一職就落在他身上。一九八三年,他被廉署起訴,指他以過高價格為中巴購入輪 胎,從中收取佣金五十萬,在地區法院聆訊五星期,最終無罪釋放。幾年後,顏父就委任顏潔齡為中巴最高決策人。「嗰件事我唔想再提,總之法官最後話我正直、 正義、富有,絕不會做出咁stupid嘅事。大勝十幾個馬位,無罪釋放。」喜歡跑馬的他不時會用馬作比喻。「我有三千萬身家,會唔會攞隔籬枱三十蚊貼士? 絕對stupid。」在中巴投閒置散,他「唔知幾歡喜」,他嫌中巴是「邋遢生意,賺一個幾毫,日日俾人鬧」。他八五年已開始在英國投資,搞些「驚天地,泣 鬼神」的東西,跟中巴是「博士與幼稚園」相比。而亦因他在英國投資了二千萬英鎊,所以得到男爵(Baron)勳銜。

貴族實超然他拿出一張英 國封侯排名,瞇起眼用手指逐行指,最高是英女皇,其次是皇夫,第三是查理斯王子。「鄧蓮如响度(男爵),胡應湘响度(Knight,爵士),我老豆响度 (CBE太平紳士)……」他本人是Baron of Appleby,快要升格為子爵,身分比鄧蓮如還要高。記者問他一生人最大的成就是什麼,他就說是受勳。「係黃袍加身,你唔係貴族,你唔會明,連首相都要 叫我My Lord。」貴族身分本是世襲的。一位八十多歲的保守黨上議院議員無兒無女,九七年就把銜頭交付了他。那議員的名字,他又不能透露。不像一般受勳,會同港 督合照,他沒有與英女皇甚至首相合照過,因他們當他是「自己人」。他也沒有什麼荷蘭水蓋。他承認,無論是什麼政黨找他捐款,他都不會推辭。「幾多錢?唔記 得啦,幾百萬啦,三十年來都有捐,五千鎊捐過好多次,提嚟做乜啫?即係我請你去快餐店食嘢咁少錢,有乜好講?」他的積架駛過柴灣工業區街角一間快餐店,他 不屑地用手指了一指。他最近在愛爾蘭Mannin和Connaught大學取得三個函授太空科技博士學位,但記者上網卻找不到這兩間大學。「香港冇一個人 幫英國政府做過太空工業,我老豆最多都係响殖民地做嘢,heaven and earth(差天共地)。」為什麼要投資英國?「英國係斯文國家,啱我,我係斯文人,唔鍾意做巴士嗰啲邋遢嘢。」他神秘兮兮的,說自己幫英國國防部工作, 是軍事秘密,不能說得太多。訪問最後一天,記者有幾個問題問他,本來在電話談就可以,但他堅持要與記者面談:「貴族唔可以响電話講嘢,戴卓爾夫人都唔 會。」他又十分謹慎地說:「我點知你會唔會扮假聲,你可能唔係Eva(記者洋名)。」

夠膽抄我牌從小到大,他都是大少。坐在積架房車後座, 他從不戴安全帶。司機不敢違例掉頭又給他罵,「我丟五百蚊俾佢睇佢抄唔抄牌!」怎樣才是貴族的生活呢?「跑吓馬,星期日出街戴番條絲巾,搭有女人讓佢出 先。」由於香港沒有貴族,他只好在酒店看BBC,睇英國波,到半島Gaddis吃飯,在澳門養了三隻馬,週末乘直升機到澳門賭馬,每次落注萬餘元;在香港 也養了一隻,但不喜歡入香港馬場,因為泊車好麻煩。閒來去英國文化協會看有關英國憲制、皇室歷史的書。潮州人最重子嗣,但他膝下猶虛,因為「沒時間」。太 太在倫敦避暑,幾個月不在身邊,他說自己沒有女朋友,從不到夜總會跳舞,採訪時他太太亦確實打電話來問澳門賽馬的戰果。他說自己不會講大話,貴族是不會講 大話的。在酒店簽賬,他會簽「Baron Ngan」。

最掛念母親他擁有中華汽車公司六 百六十萬股,以七十元一股計,值四億六千萬。另外中環顏氏大廈有樓收租,每月五至六萬。股息與租金,就是他平日的生活費。禹銘若收購中巴失敗,中巴派息每 股十八元,他又有一億二千萬收入,他會捐幾十萬給保良局和東華三院。「我好thankful,媽咪叫老豆留好多錢俾我,我廿一歲就有中巴股份。」他現時在 羅便臣道的住家,也是媽媽送的。他一生最大的打擊,就是母親離世。「响瑪麗醫院深切治療部,我晚晚陪佢。佢過身我唔開心咗成年。」她死於癌症,終年六十 八。反而中巴喪失專營權,他只是代父親傷心。「做咗六十五年被人炒魷,當時老豆在養和醫院,我夜晚七點探完佢,當時落大雨,我返到柴灣車廠,個頭濕晒,啲 巴士一架架揸返嚟,趕住半夜十二點交接。啲記者猛影相,我好唔開心,end of the era(一個時代結束了)。」他始終覺得,香港政府對不起中巴。「羅范椒芬踢走中巴後即刻升官,你訪問咗我,下個月會唔會升做總編輯?」

貴 族與庶民齊忍顏傑強不單喜歡飲牛奶,也喜歡飲維他奶,他還經常請我們飲。他帶我們回堅尼地道六十四號大屋找舊相,那是顏家的祖屋。雖然這大屋現時市值三 億,但日久失修,外牆剝落,傢俬發霉,破落得很。顏傑強不讓我們進屋,因為裡面有老鼠。我們只在花園等。喝了兩盒維他奶的攝記,突然人有三急,急得團團 轉。顏傑強無論如何不讓他去廁所,因為幾個廁所都塞了,還浸過水。原來連他本人都在憋着,正趕快找完相片才回酒店解決。


貴族 大少 顏傑 傑強
PermaLink: https://articles.zkiz.com/?id=22338

鏞記正牌大少教路:知足常樂

2012-11-08  NM
 
 

 

鏞記爭產案發展至今,隨著甘健成離世及清盤案於上週三被駁回,身為鏞記創辦人甘穗煇的第三房、甘老太一家人四分五裂,輸盡親情。塞翁失馬,焉知非福。鏞記的正牌大少、亦即甘穗煇的「真正」長子,是二房的甘琨華。他早年是鏞記股東,但被父親安排接掌名氣遠遜於鏞記的鑽石酒家,讓鏞記徹底由三房掌管。○二年鑽石酒家結業,他移居溫哥華,閒時與太太釣魚、寫字唱曲,與世無爭。本週日,記者找到回港探親的甘琨華,說起當年如何抽身而退,他以蘇東坡名詩中其中兩句回應:「日啖荔枝三百顆,不辭長作嶺南人。」說罷,哈哈大笑。沒有失望,他教路:「知足常樂呀!」

七十三歲的甘琨華,眉毛生得長,與其父甘穗煇十分像樣,經常笑意盈盈。上週六晚,偕妻女剛由溫哥華回港的他,出席同父同母的妹妹甘秀玲娶新抱的婚宴。當晚大部分已移民外地的二房及四房兄弟姊妹都回港出席,獨欠爭產的三房。甘秀玲說:「同佢哋都親密,不過較少聯絡;爸爸一直希望我哋兄弟姊妹和睦共處,每逢有咩喜慶,我哋都會一齊出席,我哋一家人真係好開心o架。」說到鏞記,大家只會想起甘健成及甘琨禮;其實甘穗煇有四位太太及十八名子女,元配麥女在訂婚不久後離世,未正式入甘家。三九年,甘穗煇娶了麥玉珍,兩人屬父母之命,共生有甘琨華等七個仔女。甘琨華說,當年其母和父親一齊捱,搞起鏞記,「我阿媽係揹住我整燒鵝,又幫鏞記啲員工車衫。」直至他五歲,爸爸認識了三房麥少珍,即大家熟悉的甘老太。甘秀玲說:「雖然三房都姓麥,但無關係的。爸爸同姓麥嘅人真係好有緣,當年鏞記上手老闆叫麥鏞,又係姓麥!」他們說,媽媽是傳統女人,非常吃得開,而阿爸亦非常「識做」,甘秀玲說:「阿爸買一隻戒指,會人人有份o架。我哋下午飲茶,佢哋(三房)就上午飲囉。」其後甘穗煇再娶四房何雪瑩,這名字由二太太麥玉珍所改,甘秀玲說:「佢正式斟茶入門做我阿媽嘅妹妹,仲成為麻雀腳添!」

由鏞記到鑽石

甘穗煇四二年在上環搞鏞記,四七年又與兩位朋友,在皇后大道中開設鑽石酒家。六十年代再在西洋菜街開分店,由二房打理。直至七四年,甘穗煇與拍檔、龍記企業及新會商會合資於上環德輔道中興建廿多層高的龍記大廈,底下七層作鑽石酒家。琨華被父親安排到新鋪,與四房長子琨廉並肩作戰。而鏞記就全權交由三房的甘健成、甘琨禮及甘琨岐打骰,然而翻查公司註冊處,七、八十年代的鏞記,由甘穗煇持七成股份,其餘三成由甘琨華、甘健成及甘琨禮平分。直至九○年,甘琨華於鏞記的股份突轉手予三房幼子甘琨岐。甘琨華笑笑口說:「呢啲係爸爸嘅安排,佢話點就點囉!」鑽石酒家的名氣一直不及鏞記,會否不是味兒?說到這裡,甘秀玲搶答:「媽媽教我哋做人要知足。」甘琨華望著妹妹,又大笑起來:「係呀,知足常樂!」八十年代中,中英談判期間,鑽石酒家其餘兩位股東有感前途不明朗,欲離開香港,故部分鑽石酒家相繼結業,只剩下上環龍記大廈分店,甘琨華一直在那兒做總經理。直至九三年,他亦開始擔心回歸問題,故於五十四歲之齡提早退休:「我每個細佬妹都去外國讀書,有外國護照,我就一直喺酒樓做嘢。咁啲仔女要去外國讀書,我咪走囉,我爸爸同意o架!」其實,甘琨華於皇仁預科畢業後,曾去香港電台跑了三年新聞,才被父親召回幫忙。他也挺懷念在外打工的日子:「出去打工,一個月有四日假。我返鑽石酒家做,同事年尾收爐,但我係太子,人哋放假,廚房要維修,我都要睇住,幾十年無休息。」

百五萬龍鳳大禮堂

除琨華外,二房的兄弟姊妹皆沒有沾手飲食業,這或許解釋了為何沒有大家族典型的兄弟相爭。二弟琨強在三、四歲時已去世;已故的三弟琨偉是律師,四弟琨得曾在科威特當研究博士,五弟琨泰做資訊科技,大妹秀玲是藥劑師,而細妹惠玲則做酒店管理。琨華退休後,鑽石酒家由四房的大哥琨廉一人打骰,直至○二年結業。甘琨廉說:「咁大間酒樓,我唔想一個人做。」秀玲說:「我哋諗,幢大廈轉為收租都唔錯吖!」他們其後把大廈租予喜悅皇宮,據知每月為甘氏兩房人帶來約四十萬元租金收入。直至去年,更以二點一億元沽出龍記大廈由他們持有的七層,秀玲說:「收租都要管理呀!」公司註冊處資料顯示,持有龍記大廈部分業權的創業有限公司,兩房人共十二個股東,其中三名成員以海外註冊公司持有;決定是否出售,過程難免有爭拗,美玲說:「我哋做每一個決定,都好理解每一個兄弟姊妹感受o架。」她指由於大家都「無咩所謂」,「最終幾個電郵問嚇大家,好快有共識。」

二房及四房一起搞鑽石酒家,即使酒家已結業,仍經常聯絡。本週二,鑽石酒家的雕塑及餐牌等於沙田文化博物館展出,他們齊出席。左起為四房的琨亮、淑玲、愛玲及其丈夫、琨廉;二房的琨華及太太、琨偉太太Susan、琨得、秀玲、惠玲及琨泰。

甘氏家族表

雖然鑽石酒家名氣不及鏞記,但食物質素卻不下於後者。《香江知味:香港的早期飲食場所》一書的作家鄭寶鴻說:「其實我當時都唔知兩間嘢係同一個創辦人,不過嗰時食鑽石酒家隻燒鵝,都覺得味道同鏞記有得揮喎。」甘琨華說,他們用的是鴻基煤,是正宗明爐燒味,父親興建龍記大廈時,起了一條煙囪:「全港只有我哋同鏞記係有煙囪嘅酒樓,之後政府無再批牌喇。」他憶述,雖然鑽石是中式酒樓,但也創造不少西式菜,如沙律煙熏魚及梳乎釐布甸等。但最令人印象深刻的,是鑽石酒家的龍鳳大禮堂,「嗰時都有啲酒樓有龍鳳,但係塑膠嘅,我哋係搵上海師傅人手造,手工好仔細,同埋真係用金箔鋪o架。」琨華指酒家其中三層是大禮堂,七四年興建這些龍鳳雕塑共花一百五十萬元,而每年保養亦是數十萬。鑽石酒家結業後,他們把這些物件連同菜牌、紙袋等近二百件物件收藏,今年二月捐予沙田文化博物館,本週二率先展覽二十件,讓從外地回來的弟妹一起預覽。現時甘琨華在溫哥華樂得清閒,過去曾有傳他打算以鏞記的名義在外地開分店,他說:「根本無可能,你幫我澄清嚇。」然後繼續侃侃而談他的退休生活:「我鍾意釣魚、寫毛筆字。仲喺溫哥華參加咗合唱團,叫溫馨(Vansing)合唱團,出年仲會去上海表演添。」塞翁失馬,最重要可以繼續逍遙自在。

甘家二房物業


鏞記 記正 正牌 牌大 大少 少教 教路 知足 常樂
PermaLink: https://articles.zkiz.com/?id=39605

阿媽生日大少郭炳湘no comment

2016-12-06 NM

新地郭老太鄺肖卿上週五在她的「飯堂」ICC天龍軒搞生日會,筵開廿圍,以為三兄弟郭炳湘、郭炳江及郭炳聯冰釋前嫌,大團圓齊齊同「阿媽」慶生,此乃美麗的誤會;當晚新地公關的WhatsApp新聞稿已露玄機,只提及郭炳江、郭炳聯及不少部門經理齊齊出席;咁即係三缺一,郭炳湘無份參與?

但新地公關意謂郭炳湘並非新地董事,未能代他發布消息云云,只是不斷強調郭老太好高興;咁,其實阿媽生日屬家族嘅事抑或新地嘅事呢?還是直接向大少郭炳湘查詢,他回覆:「關於私人嘅活動,我唔評論。」郭炳江證實當晚大哥因事未有出席阿媽生日派對,又係嘅,席上除咗親戚,仲有新地經理級職員,見到大郭生點應對好呢?郭炳湘甩底,唔使難為員工之餘,更加唔使同細佬撞口撞面。

郭炳江得咗

曾經滿頭白髮的新地前聯席主席郭炳江出席母親生日派對前,特意到四季酒店「裝身」扮僆仔,最緊要嘅梗係個髮型啦,據知四季酒店六樓有間QG Private i Salon,剪髮造型八百八十蚊起至千五蚊,視乎師傅經驗,要好似郭炳江咁立即變黑,要成兩千銀,富豪裝身都唔想俾人目及到,此salon勝在有「私家房」,係咁意加多二百五十蚊啫!

中環寸嘴叫邱德根復活主持迪士尼

禮拜日去咗小西灣睇狗騷(警犬技能比賽),令我諗起香港啲官正一門口狗,政府家陣話要使五十八億擴建迪士尼,號稱要添置兩個全世界未有嘅attractions——Frozen同埋Marvel,兼要擴建埋睡公主城堡。香港啲官唔識同美國佬周旋,守唔到頭關,迪士尼搵你香港嚟「[!8AD8]價」咋,build up咗個價再喺上海、日本複製Frozen或者Marvel,咁個價咪唔低得過香港囉,到時累埋下家,啲官淨係識喺我哋納稅人面前狐假虎威,你估佢學得李小龍咁砌低洋鬼子咩?到時累民、累港、累國!唉!家陣仲沿用十幾廿年前老懵董嘅terms同迪士尼傾,好似割讓咗美租界咁,初初嘅定位已經衰咗,係全世界最細嘅迪士尼,四個attractions都係舊貨色,尤其嗰個唯一唔使排隊咖啡杯,咁就闔家坐喺度轉吓轉吓,呢啲幾廿年前邱德根嘅荔園老翻都做到啦,咁不如叫邱德根翻生主持迪士尼好過。迪士尼都蝕緊錢o架,你估佢有面咩?計我話,直頭要冚佢旗,叫佢自己困獸鬥,界佢牌,邪一邪佢,然後洗牌重新再講條件,唔係俾人鍊住條頸斬到一頸血,唔係我招積,我真真正正喺番邦搵過真銀,絕對有資格開班授徒,不過學生有冇「吉士」跟得到我就唔知!

楊國佳工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

波叔炒古宅有水位

波叔(鄧成波)繼炒鋪、炒活化工廈,上週殺入元朗炒「鬼屋」,以六千三百萬買入七十五年歷史的「筱廬」,據知持有筱廬的陳氏後人,最近從多倫多返港,順便做埋呢單大買賣;呢幅地早前被政府規劃為GIC地,即政府機構或社區用途,要轉住宅或商業用途都要有啲後台先掂,今鋪要睇吓佢嘅功力。但以此價掃入逾兩萬呎馬路邊地皮,都有唔少水位,事關「筱廬」這宗買賣涉及四幅地,只有一幅涉及住宅物業,其餘三幅即可免繳15%額外印花稅。筱廬原業主陳慕青為梅縣客家人,早年到印尼謀生,做火柴及貿易生意,經常香港、印尼兩邊走,二十年代選擇在元朗買入大量農地,日治時代,「筱廬」曾遭日軍佔用,至四九年印尼政治不穩,陳氏返回香港,族長陳慕青於五十年代離世;其後人散落多倫多、溫哥華及三藩市等地;陳氏重視教育,亦沒有傳統思想包袱,其女兒陳桂珍曾任拔萃小學校長;陳氏訂立遺囑時表示,即使是女兒亦有田有地分。

 
阿媽 生日 大少 郭炳湘 no comment
PermaLink: https://articles.zkiz.com/?id=227081

鏞記大少傳有私生子

1 : GS(14)@2012-10-28 09:48:55

http://hk.apple.nextmedia.com/news/art/20121028/18051023
【本報訊】鏞記代表人物甘健成前日舉殯,外間轉為關注其持有股權如何分配,一場爭產風暴即將來臨。《蘋果》得到消息,指生前擅於交際的甘健成,多年來身邊不乏紅顏知己。其中一名曾在鏞記做收銀的戴姓女子,更與甘健成共同置業;未幾甘將單位當作「愛的餽贈」,無償送予戴女的兒子,該兒子姓甘,如今正在澳洲留學,有人爆料稱,他或有機會獲得鏞記資產分配。
記者:葉競科、馮詩媚、姜啟傑
甘健成生前持有鏞記四成半股份,按理其遺產將分配給他與妻子誕下的三名兒子崇軒、崇轅及崇軾。但有人向《蘋果》爆料指,鏞記甘家除了健成、琨禮二房子孫外,可能還有甘姓子孫有權繼承遺產。事件要由甘健成於80年代中期,從外國回流香港說起。

餽贈修頓花園業權
「當時甘生返鏞記幫手,甘太仲喺外國坐移民監。嗰陣酒樓嚟咗一位姓戴嘅女員工做收銀,甘生同佢一見如故。雙方喺酒樓共事幾年,呢位女員工就辭職,但透過甘生安插咗佢親妹加入鏞記,做番佢收銀嘅職位,所以夥計都叫佢『阿妹』,不過阿妹做咗冇耐亦都走埋。」
記者稍後找到這名與甘健成過從甚密的戴姓女子舊照,可見她年輕時樣貌娟好。
翻查物業資料,甘健成與一名叫戴碧瑩的女子,88年以聯名形式,持有灣仔修頓花園一個高層單位,當時成交價67萬多元,相信並非一名酒樓收銀可以支付,估計由甘出錢置業。
二人關係最終還是給甘健成母親麥少珍,以及遠在外國的甘太得知。更令她們震驚的是,戴姓女子已經誕下一子。甘老太眼見事態嚴重,親自出手解決事件,據悉首先給予戴一筆款項,條件是要她遠離甘健成。
資料亦顯示,甘健成於96年以「DEED OF GIFT」(餽贈行為),把自己擁有的修頓花園單位一半業權,無償送給一名叫戴碧霞的女子,據知是曾在鏞記打工的「阿妹」。
戴碧霞再於2007將該業權轉予同樣姓甘的甘令銣(洋名Keith)名下,據稱,Keith的母親就是戴碧瑩,母子兩人一直住在上址,兩年前才以440萬港元賣出單位。
與戴女為鄰的張小姐稱,從未見過甘健成現身上址探望。戴女本身在沙田工作,後來因想與母親同住而搬到將軍澳。其子Keith留學澳洲,數年前完成學士課程後繼續修讀碩士,「阿Keith一年只返嚟幾星期,不過返嚟我一定知,因為佢好鍾意彈琴,聽到彈琴聲就知母子團聚。」
元配么子拒作回應
據悉,Keith在澳洲一間知名大學修讀心理學,09年以榮譽學士身份畢業。未足30歲的他,更聯同其他學者在心理學雜誌發表論文,年輕有為。
記者昨日到甘老太跑馬地住宅查詢相關往事,她以抱病為由拒見,只囑咐保安員轉述稱「人都已經死咗,唔想再提喇」。
其間甘健成元配前來探訪,眼見戴女舊照,一臉迴避地說「我唔清楚,我唔知道」。長房么子甘崇軾聽到或有其他甘姓子孫爭產,即說「不予置評」。
2 : GS(14)@2012-10-28 09:51:15

http://hk.apple.nextmedia.com/news/art/20121028/18050802


【本報訊】終年65歲的甘健成,生前交遊廣闊,名人食家固然友好眾多,據悉他日常在舖頭打點以至做運動,亦可以識到紅顏知己。消息人士透露,自甘與戴女斷絕往來後,關係最好的女友人要數洋名Judy的張姓女子。
[甘健成設靈當日,下午仍要睇舖的Judy到後巷燒衣,神情哀傷。] 甘健成設靈當日,下午仍要睇舖的Judy到後巷燒衣,神情哀傷。
頻頻現身鏞記

「Judy本身係甘生妹夫嘅朋友,因此認識到甘生。佢身材高高瘦瘦,後生嗰陣好似歌星王菲㗎!佢哋兩個本來只係普通朋友,但後來甘生迷上打乒乓球,Judy球技唔錯,於是幾乎每逢星期日都陪甘生打波,關係越嚟越密切,自此頻頻現身鏞記,員工眼裡看著、心裡有數。」
記者於甘健成設靈當晚(25日),到過Judy任老闆娘的洗衣店,發現她傍晚帶同大袋金銀衣紙返回舖頭,神情哀傷地在後巷燒衣。及至8時收舖,她即聯同友人前往靈堂拜祭,只見她站在甘的遺照前,良久不願離去。之後她亦與長房兒子以至其他親友傾談,關係熟絡。記者昨日向Judy查詢與甘的關係,她承認彼此認識,經常打波,但對於有人指他們關係密切,Judy只說:「人都死咗,唔好再講呢啲嘢。」
有人向記者爆料,指甘健成就連在店外吸煙,都可以結識女伴,成為員工間熱話。「自從禁煙之後,甘生同大家一樣都出門口『打邊爐』,竟然咁樣識到對面馬路間日本餐廳嘅女員工。嗰個女仔係混血兒,好靚女㗎!」該女子更在臉書留言「唔捨得、無法去接受、永遠永遠掛念你!」並貼有懷念甘健成的照片和合照。
3 : GS(14)@2012-10-28 09:51:25

http://hk.apple.nextmedia.com/news/art/20121028/18050804
【本報訊】對於外界關注的爭產官司,律師曹希聖表示,戴碧瑩及其子多年來雖與甘健成再無瓜葛,但若果最終能證明甘令銣為私生子,則仍有可能插手爭奪父親遺產。「雖然媽咪收過大筆『分手費』及物業,但對於個仔嘅遺產分配全無影響。只要能夠證明個仔係某人親生,就有權平均分配父親遺產。」
甘健成生前坐擁物業眾多,加上鏞記四成五股份,身家最保守也達到十多億港元。眾所周知長房有三子,但如果突然再有甘姓子孫現身,便要按比例平分,估計私生子透過律師爭產,最少可以分得數億元。
作為富豪名人,曹希聖深信甘健成定必立下遺囑;如果遺囑分配中無提及私生子,他當然無法獲得分毫。然而,擁有血緣的私生子卻有權質疑遺囑合法性,展開漫長的爭產官司。
4 : 傷莖娛賓(34285)@2012-10-28 14:34:50

成龍二世
鏞記 記大 大少 少傳 傳有 私生子
PermaLink: https://articles.zkiz.com/?id=281788

鏞記清盤案 大少遺孀准上訴終院

1 : GS(14)@2015-02-05 19:27:40

http://www.mpfinance.com/htm/finance/20150205/news/ec_gol1.htm

【明報專訊】燒鵝老字號中環鏞記酒家已故第二代掌舵人甘健成,生前向高院申請將鏞記母公司清盤,原審法官指由於鏞記的母公司於海外註冊,亦無香港業務,故無權處理有關申請,判甘健成敗訴。甘健成其後由遺孀代表向上訴庭上訴亦告失敗,昨向終院申請上訴,獲終院受理,並已排期於10月7日至8日審理。

終院認為案件涉及重大而廣泛法律觀點,決定受理甘健成一方提出上訴,屆時將處理本港法庭是否有司法管轄權審理海外公司的清盤申請,亦會處理上訴庭是否有權推翻原訟法庭就甘健成被胞弟甘琨禮欺壓的裁決。遺孀一方昨透露,若最終獲判上訴得直,仍傾向要求把母公司清盤。

【案件編號:FAMV49/14】
鏞記 清盤 大少 遺孀 上訴 終院
PermaLink: https://articles.zkiz.com/?id=287634

見傲兒得寵心酸麥貝夷唔識氹大少 月薪三千

1 : GS(14)@2015-06-15 01:09:05

何傲兒早前「豪嫁」大名娛樂老闆林建名(大少),在簽約儀式上收4卡巨鑽;同樣跟過大少搵食的麥貝夷,兩年前不獲公司續約,至今仍未找到好「歸宿」。麥貝夷早前自費在西九龍中心搞活動,宣傳在YouTube自拍兼翻唱別人的音樂習作「Sing Sang Song」,她說:「今日呢個係啟動禮,搞咗兩個月,唱《誰願放手》、《愛很簡單》等好歌,每次拍唔同樂手,幾好玩。」



■傲兒「嫁」得風光,麥貝夷酸溜溜說:「可能中間有啲協議啩。」資料圖片

■麥貝夷於2010至13年間簽約大名娛樂,但人工曾低見只有3,000。資料圖片


■曾憑《勾手指尾》成網絡紅人的麥貝夷,最近再翻唱其他人的歌作自我宣傳。互聯網圖片

呻冇收過巨鑽

其實麥貝夷跟大少時都風光過,她與鍾一憲合唱《勾手指尾》在YouTube累積近400萬點擊率,但有傳傾合約時「唔聽話」被迫提早解約。麥貝夷無奈說:「係佢唔簽我,有失望,唔知點為之態度差,當時有委屈,過程有喊。」問是否唔識氹老闆?她帶點酸溜溜說:「我冇收過(巨鑽),或者我內斂啲。以前佢(傲兒)都有出活動,同uncle(傲兒爸爸)都好nice,好人有好報啦,我都希望自己有好報。咁佢做得耐啲,可能中間有啲協議啩,我都唔係好清楚。」



儲錢再謀發展

麥貝夷在名校瑪利諾中學畢業,並於浸會大學主修英文系世界文學,甚至連家庭背景亦與傲兒相似,家人同樣是做生意,早前因周轉問題賣樓,現跟家人租住親戚物業。她說:「屋企人含辛茹苦供我讀大學,問心一直好努力,但連最低工資都冇。」問她是否普通文員薪酬?她放聲說:「梗係冇啦,試過一個月得3,000蚊,搵得最多,試過儲埋幾個月都唔過5萬蚊,真係生活唔到。屋企人都有勸唔好做呢行,所以之前去咗廣告公司做公關,但其間亦有人搵我做舞台劇或微電影,唔想返工成日請假,見之前返工儲到啲錢,想再試吓呢行發展。」採訪:嵐山





來源: http://hk.apple.nextmedia.com/entertainment/art/20150612/19180875
見傲 傲兒 得寵 心酸 麥貝 貝夷 夷唔 唔識 識氹 氹大 大少 月薪 三千
PermaLink: https://articles.zkiz.com/?id=290926

捨身護8個月大少主忠心狗狗慘被燒死

1 : GS(14)@2016-08-21 08:10:56

美國一間房屋發生火警,一頭忠犬捨身保護只有8個月大的少主,慘被燒死。當該間位於巴爾的摩的房子發生火警時,只有8個月大的維維安娜(Viviana Poremski)和一頭黑色家犬普路(Polo)在屋內,女嬰的母親波溫斯基(Erika Poremski)剛走到屋外的汽車取物。她說,聽到女兒在哭,曾與鄰居嘗試踢門和破窗入屋,但都不成功。消防到場後用了30分鐘把火撲滅,在二樓發現普路把身體覆蓋著維維安娜,但普路已被燒死,維維安娜面部、手臂和沒有被普路覆蓋的一邊身燒傷,但仍然生存。波溫斯基說,普路本可逃出屋外,但牠沒有這樣做,一直在二樓保護著維維安娜。美國《紐約每日新聞》




來源: http://hk.apple.nextmedia.com/international/art/20160821/19744749
捨身 個月 月大 大少 少主 忠心 狗狗 狗慘 慘被 燒死
PermaLink: https://articles.zkiz.com/?id=306720

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019