ZKIZ Archives


馮仁昭四圍超:坤哥為演唱會落力排舞

1 : GS(14)@2015-09-11 08:12:01

吳業坤、張紋嘉(Crystal)、張惠雅(Regen)同羅孝勇將會喺下月3號舉行「2打6七七八八演唱會」,由於反應唔錯,所以噚日喺銅鑼灣開記招,宣佈加開10月2號一場,仲首次現場唱演唱會主題曲《風林火山》。講到新歌嘅MV,Regen話:「我哋4個要一齊排舞,最辛苦最努力係坤哥。」Crystal仲話:「知道今次公司投資好多資金同心思喺個MV度,大家都好期待。」撰文:馮仁昭





來源: http://hk.apple.nextmedia.com/entertainment/art/20150911/19290329
馮仁 仁昭 四圍 坤哥 哥為 演唱會 演唱 落力 排舞
PermaLink: https://articles.zkiz.com/?id=292172

喊到眼鏡都濕埋 坤哥入行5年奪新人金獎

1 : GS(14)@2015-12-21 14:50:37

25歲嘅坤哥吳業坤,喺5年前參加大台嘅《超級巨聲2》入行,雖然唱得唔錯,但簽咗入無綫之後唔係做歌手,而係投閒置散,做主持,最惹人關注係佢喺上年喺台慶上面扮棋。不過走毒男路線嘅佢並無因為被網民恥笑而放棄自己,今年終於都派歌上台,正式成為歌手,昨晚,仲拎咗大台舉辦嘅《勁歌金曲頒獎禮》嘅新人獎金獎,係,歌唱比賽入咗行5年,先拎到「新人獎」,難怪坤歌上台一邊多謝幫過自己嘅人,一邊已經熱淚盈眶,眼鏡鏡片被佢嘅眼淚同因為面紅嘅體溫整到充滿水蒸氣,濕晒。坤哥台上話:「其實我真係毒男,多謝TVB….多謝星娛樂…多謝八樓嘅同事…多謝森美同阿田,冇佢哋冇坤哥,仲有要多謝嘅,不過遲啲再多謝。」攞咗最受歡迎男歌星嘅張敬軒,仲喺台上大讚吳業坤好努力添。而最受歡迎女歌星就係容祖兒11奪呢獎。





來源: http://hk.apple.nextmedia.com/entertainment/art/20151221/19420587
喊到 眼鏡 都濕 濕埋 坤哥 哥入 入行 年奪 新人 金獎
PermaLink: https://articles.zkiz.com/?id=293989

坤哥唱情歌冧吳若希

1 : GS(14)@2015-12-28 08:38:23

■吳業坤扮示愛,吳若希自言感覺「好冧」。


吳若希和吳業坤昨日在尖沙嘴出席商場活動,其間玩遊戲吳若希自言扮演「欣欣」,吳業坤自彈自唱扮示愛,吳若希表示只是突然想起這個名字,她讚坤哥是好男仔,向着自己唱情歌,感覺「好冧」,問到吳若希若追求可會接受他,她說:「唔係事實唔回應,但佢大把女狂鋒浪蝶擁埋佢身邊。」坤哥平安夜打算在家打機,問他為何不約龔嘉欣,他說:「我諗佢會有朋友約。」另外,傳聞坤哥與無綫加簽合約換獎項,他說:「因為做咗五年,合約到期再簽多一年,唔係為獎而簽。」採訪:王連連攝影:仇志德





來源: http://hk.apple.nextmedia.com/entertainment/art/20151225/19425492
坤哥 哥唱 情歌 吳若 若希
PermaLink: https://articles.zkiz.com/?id=294033

坤哥叱咤大勝捧三獎壓Eason奪最喜愛男歌手

1 : GS(14)@2016-01-04 14:37:13

■吳業坤昨晚連奪生力軍金獎、叱咤十大歌曲及我最喜愛的歌曲大獎,再次忍不住淚水。仇志德攝


【本報訊】由商台主辦的「2015年度叱咤樂壇流行榜頒獎典禮」昨晚頒發43個獎項,入行僅5年的人氣爆燈新人吳業坤大勝,力壓陳奕迅(Eason)奪我最喜愛的男歌手、我最喜愛的歌曲及生力軍金獎,他領獎時再次霧濕眼鏡兼興奮激凸還喊到扯蝦,謝安琪就蟬聯我最喜愛的女歌手。記者:黃君怡



■祖兒捧着第十個叱咤女歌手金獎,喜上眉梢。

■叱咤男歌手金獎得主張敬軒有感而發,表示幸福唔係必然。



叱咤商台45年的俞琤,元旦正式離任副主席之位,昨晚假灣仔會展舉行的「2015年度叱咤樂壇流行榜頒獎典禮」,開場時林海峰向俞琤致謝。入行僅5年的25歲吳業坤,以新人姿態全擸有份角逐的3個獎項,包括我最喜愛的男歌手、我最喜愛的歌曲及生力軍金獎(詳見附表),撼贏Eason及張敬軒。坤哥獲生力軍金獎在台下已標淚,上台再霧濕眼鏡兼興奮到下體激凸,喊到扯蝦說:「我要講唔好撩,因為之前喺TVB畀人撩咗,我係咪講乜都得?排隊到我可以出歌,跟住叠埋心水慢慢等,做好多唔同工作,又諗啲人當我係識唱歌定搞爛gag,呢個獎,一直發夢都想嚟呢個台。」坤哥更創紀錄奪我最喜愛的男歌手,他說:「5年前吳業坤一事無成,多謝粉絲支持,我着緊窄褲戴唔襯眼鏡,但我吳業坤一定會唱好歌,唔係食好東西。」謝安琪冧莊獲我最喜愛的女歌手,多謝老公張繼聰:「近幾年好多時我情緒唔好,佢情緒都唔好,但佢係最辛苦一個,畀最大正能量我,我衷心多謝張繼聰。」Eason雖然沒出席,但依然獲2獎包括叱咤男歌手銀獎及憑《無條件》獲至尊歌曲大獎。
Juno憑《ADDENDUM》獲至尊唱片獎,他彎一彎身說:「腳痺㖭!騷開始就頒咁沉重獎項。」他公開多謝女友示愛,不過當演繹《耿耿於懷》唱卻勁走音。



■謝安琪贏得我最喜愛的女歌手獎,但與Juno合唱《羅生門》時險失準。

■林欣彤接過獎項時,突然喊爆。




祖兒十年霸

着火紅露背裙的容祖兒獲女歌手金獎,成為十年霸史上最強,她說:「有句俗語老土但想講,創業難但守業更難,今年守到第16年,唔止體力勞動,精神都好攰,要咬實牙根,因為呢個獎項唔容易得到。」新婚的王菀之獲女歌手銀獎,銅獎則是謝安琪。至於叱咤男歌手金獎由張敬軒首奪,他激動說:「覺得自己愧對呢個獎,真係一遍空白,身邊朋友、社會發生好多事,幸福唔係必然。」銀獎則是Eason,銅獎是周柏豪。





來源: http://hk.apple.nextmedia.com/news/art/20160102/19436391
坤哥 哥叱 大勝 捧三 三獎 獎壓 Eason 奪最 喜愛 男歌手
PermaLink: https://articles.zkiz.com/?id=294071

柏豪笑坤哥:真情流露

1 : GS(14)@2016-01-04 15:03:58

吳業坤以新人身份在「吒咤頒獎禮」包攬三個大獎,由毒男組正式升格到人生勝利組,除了口水鼻涕加霧氣眼鏡指定動作,前晚頒獎台上更意外加插「動L」環節。原來就連台下歌手亦留意到坤哥這個尷尬時刻。周柏豪笑言:「佢(坤哥)連自己條褲都講,當時我哋台下歌手都有講佢,話佢越嚟越勁(動L),仲要一次比一次勁,覺得佢真係真情流露,但我自己唔會着短褲同窄腳褲囉!」


■周柏豪前晚大爆眾多台下歌手亦目擊坤哥「動L」一刻。

軒仔笑異稟

而張敬軒更笑坤哥天生異稟:「現場有人同我講佢動L,其實有獎畀我,我都會動L。」談到在台上講謝辭時,他沒有多謝好友關智斌(Kenny),軒仔表示:「唔講呢啲啦,都講咗咁多年,不過上台好緊張,多謝人有時都會漏講。」





來源: http://hk.apple.nextmedia.com/entertainment/art/20160103/19436871
柏豪 豪笑 笑坤 坤哥 真情 流露
PermaLink: https://articles.zkiz.com/?id=294079

陳海琪寸坤哥:不要高興得太早

1 : GS(14)@2016-01-05 08:30:40

■陳海琪直指坤哥太天真。資料圖片


吳業坤爆紅,卻非人人認同。DJ陳海琪昨在facebook指現時香港流行音樂病得相當嚴重,歌手沒有用更優質音樂去變天,要以娛樂新聞作主體售賣廉價悲情,又謂:「在夢想未有實現之時永不言棄,而不是,在夢想未有實現之時,我哭給你看,因為,夢想也不會因痛哭一場而實現的。」似暗寸之前頒獎禮上喊爆的吳業坤。記者昨致電海琪,問所指是誰,她透過WhatsApp回應:「不要高興得太早,去年是棋子,今年往後也可能一樣而不自知!寄語一些高興得太早太天真的人。」矛頭直指曾扮棋子的坤哥。採訪:魯吉





來源: http://hk.apple.nextmedia.com/entertainment/art/20160104/19437741
海琪 寸坤 坤哥 不要 高興 得太 太早
PermaLink: https://articles.zkiz.com/?id=294086

一夜爆紅 大老闆親自相迎坤哥身價暴升12倍

1 : GS(14)@2016-01-05 08:33:46

■前晚坤哥現身,即獲公司眾老闆及田蕊妮出來迎接。


日前吳業坤在「2015年度叱咤樂壇流行榜頒獎典禮」一口氣摘下3個大獎,即時人氣勁升,前晚他出席所屬星娛樂唱片公司總經理朱浩棠(Tommy)與前亞視藝人黃美芬於灣仔君悅酒店舉行的婚宴,被全場賓客及圈中人爭住集郵,大受歡迎。坤哥爆紅,身價當然幾級跳,據悉他初入行接商場騷的出騷價僅5千港元,2011年升到9千,經過4年時間,月前才有3萬元,但當坤哥成為叱咤大贏家後,據聞他的出騷價,急升一倍至6萬,高過出騷價5.5萬的許廷鏗和鄭俊弘,而坤哥出道5年至今,身價升足足12倍!



大薛生讚掂

前晚坤哥拍完劇便趕至Tommy的婚宴,雖然遲大到,但仍獲一班老闆出來迎接,包括一對新人、薛嘉麟及太太諸葛紫岐、大薛生薛濟傑等,非常巴閉。而田蕊妮也出來與坤哥影大合照,大家都恭喜他在叱咤連掃3獎,大薛生更讚坤哥:「一定掂!」令婚宴猶如坤哥的慶功宴。



■坤哥被大批賓客圍住及集郵,現場猶如他的慶功宴。

■田蕊妮上前與坤哥擁抱。

■2011年,坤哥的騷價得9千元。《壹週刊》圖片


■坤哥昨晚請媽媽食壽司慶功。攝影:朱志聰

阿田笑激凸

田蕊妮一見坤哥即拿他在叱咤台上激凸事件取笑一番:「今晚條褲有冇鬆啲呀?」坤哥聞言尷尬回應:「有呀,已經買大咗。」事後坤哥受訪,問他當晚穿的短褲為何會出事?他尷尬地說:「Designer度漏咗『嗰個位』。」並揚言希望日後大家將焦點放回他音樂方面。記者笑指他搶盡一對新人的風頭,坤哥表示不敢當:「Tommy好錫我,佢講笑話幫我慶功啫。」前晚到賀賓客還有張智霖夫婦、杜汶澤、韓君婷、蔡國威、鄭欣宜、許廷鏗等。此外,昨晚記者發現坤哥偕母親現身又一城食壽司,之後坤哥貼母子合照到facebook,並謂:「慶功,但阿妹要考試。」採訪:魯吉、羅慧敏攝影:仇志德、梁繼光





來源: http://hk.apple.nextmedia.com/entertainment/art/20160104/19437736
一夜 夜爆 爆紅 大老 親自 相迎 迎坤 坤哥 身價 暴升 12
PermaLink: https://articles.zkiz.com/?id=294088

認同坤哥好親密龔嘉欣:我哋兩個知就算

1 : GS(14)@2016-01-13 08:32:39

最近龔嘉欣與吳業坤的緋聞打得火熱,被稱為坤嫂的龔嘉欣說:「死喇,多咗個新名,而家個故事太豐富,總之我哋之間嘅關係,我哋知道就算喇。」她又表示不少客戶邀請二人合體拍廣告,龔嘉欣謂不介意接「情侶檔」吸金。至於蔡思貝被問涉虛報學歷事件有否新進展?她說:「一直以嚟都冇,冇任何人聯絡過我。」





來源: http://hk.apple.nextmedia.com/entertainment/art/20160109/19444948
認同 坤哥 哥好 親密 龔嘉 嘉欣 兩個 就算
PermaLink: https://articles.zkiz.com/?id=294136

玩人被圍插 演唱會冇人吼李思捷補鑊「坤哥贏咗」

1 : GS(14)@2016-01-14 09:22:00

■李思捷(左)和豹哥的演唱會滯銷,豹哥表示仍會落力演出。


李思捷和單立文(豹哥)早前在新節目《今晚玩李》整蠱大紅人「坤哥」吳業坤,坤哥被屈整爛豹哥一支好貴重的結他,坤哥驚到要即場鞠躬道歉。被坤哥粉絲狂插蝦新人的思捷和豹哥昨日在九龍灣為「今晚豹制李演唱會」綵排,豹哥解釋:「整蠱節目玩人要盡啲,每人都有fans,如果我哋玩得唔盡,我哋啲fans都不滿我哋。」思捷則說:「做節目只求觀眾有讚,坤哥贏咗,冇人笑我哋先失敗。」矛頭直指思捷乞人憎,他說:「唔緊要,最重要有反應。坤哥好正,好sweet,佢係冇做錯,佢好大方say sorry贏晒。」他們續說:「唔係蝦,反而加咗分,好多人讚佢。做節目說服唔到人同整蠱唔到人,就係我哋唔成功。」



半價求售


有指演唱會銷情未如理想,網上有折讓近半價的門票出售,思捷笑說:「我戥我媽唔抵,佢買咗幾百張。」豹哥表示無論任何情況都會盡力去演,他說:「多年前曾經同譚詠麟去漢堡一個巿鎮做騷,只得百幾二百觀眾,但觀眾鍾意睇,我哋亦會投入去做,票務唔好有好多因素,太多騷、巿況低迷都會。」昨日胡定欣和男友陳明道亦有現身綵排,但定欣拒絕合照。而豹哥透露江美儀將以黑絲超性感造型加入演出西門慶劇場,笑言對方暗戀自己,問可擔心太太胡蓓蔚呷醋?豹哥竟然說:「我驚咩?婚姻對我如浮萍如漣漪,成功嘅男人都有幾段婚姻,我得一段咋。」採訪、攝影:卓寶花



■坤哥(右)被整蠱嚇到面青青,思捷和豹哥表示不介意被指乞人憎。資料圖片

■胡定欣抗拒與與男友陳明道合照,最終只肯影大合照。



來源: http://hk.apple.nextmedia.com/entertainment/art/20160111/19446943
玩人 人被 被圍 圍插 演唱會 演唱 冇人 人吼 吼李 李思 思捷 捷補 補鑊 坤哥 哥贏 贏咗
PermaLink: https://articles.zkiz.com/?id=294146

坤哥想拍眼鏡廣告

1 : GS(14)@2016-01-18 19:00:51

■吳業坤表示要與屋企人一齊住,所以要租面積較大的屋。


鄧建明、坤哥吳業坤等,昨日在灣仔出席新城音樂會,坤哥壓軸出場。他表示是首次在重建的利東街獻唱,問他會否考慮在利東街置業買豪宅,坤哥說:「租都租唔起啦,我要同屋企人一齊住,要租大啲,所以要儲錢先,而家唔儲等幾時?」人氣急升的他是否吸更多廣告?坤哥笑謂:「都有啲,公司同我傾緊,自己最想拍眼鏡廣告,不過要揀番適合嘅,唔想求其拍。」對於無綫有意開真人騷邀請坤哥,他表示是app的真人騷:「我覺得幾好,可以再深入啲了解藝人。不過自己都有底線,沖涼就唔得,瞓覺畀人拍都可以。」採訪、攝影:盧妹





來源: http://hk.apple.nextmedia.com/entertainment/art/20160118/19456156
坤哥 哥想 想拍 眼鏡 廣告
PermaLink: https://articles.zkiz.com/?id=294493

屋邨仔勵志傳奇 坤哥自爆攞綜援悲歌

1 : GS(14)@2016-01-20 23:41:38

2016-01-13 EW
吳業坤(坤哥)近期風頭勢不可擋,橫掃各大樂壇頒獎禮,除了以「全滿貫」姿態,囊括四台的新人王獎之外,更破紀錄撼贏一眾前輩歌手,勇奪《叱咤》的「我最喜愛」歌曲和男歌手兩個大獎,肯定是今年娛樂圈的大贏家之一。

坤哥旋風式冒起前,原來有段坎坷身世。從小屋邨長大的他,父母十幾年前離婚,單親的坤媽帶着一對子女,面對生活逼人,無奈只好攞綜援解燃眉,而坤哥亦要做清潔工幫補家計。

由攞綜援的屋邨仔,到今時今日一粒鐘騷價六萬;由扮棋子的諧星,到今日捱出頭來,坤哥成功締造一個勵志傳奇。

人氣新人王

二十五歲的吳業坤(坤哥)今期爆紅,先在《勁歌》爆喊到眼鏡起霧「一喊成名」,後在《叱咤》奇蹟地以新人身份,鍊贏一眾前輩歌手,連奪「我最喜愛」歌曲和男歌手大獎,激動到下身「動L」,成功霸佔報刊娛樂版,贏盡風頭;就連各大社交網都被他瘋狂洗版,人氣一時無兩。

風光背後,坤哥卻歷盡幾許辛酸,他接受訪問時,坦承自己屋邨出身、來自破碎家庭。十多年前,做小巴司機的爸爸,疑似因為「包二奶」和坤媽離婚,所以他自少特別缺乏父愛。

在一〇年,坤哥參加《超級巨聲2》時,選唱了〈單車〉一曲,「細細個爸爸就錫妹妹多過錫我,唔同我傾偈,後來同媽咪分開更加搬走咗。見到人哋兩父子有溝通、會擁抱,會好羨慕。」

坤哥一年只見到父親兩、三次,平時偶然會收到對方一兩個簡單的短訊問候,但他表示自己已經心淡且沒感覺。提起家用問題,他更似對父親仍懷恨意,「Suppose佢應該養我㗎,離婚後都冇養我,係有少少(錢)返過吓嚟,但都唔夠啦!」

單親坤媽一個人難以養起一對子女,在坤哥升中後,惟有開始靠綜援支撐,可是一家三口的生活仍然捉襟見肘、入不敷支。坤哥說:「媽咪真係好辛苦,做好多兼職,例如:清潔、家務助理之類。」為了幫補家計,在中五時,坤哥也開始做兼職,包括:打蠟、保險、收銀等。而他的第一份工作,便是在中五暑假時做清潔工,「記得嗰時人工係一百八十蚊一日,好勁㗎!工作都係拖地、掃地,同埋因為要搬開啲枱櫈,練到幾弗吓㗎!」

缺物質生活

第一次打工出糧,坤哥買了人生第一支結他;第一部智能電話,就是他在二十歲時參加《巨聲2》之後,自己買給自己的;第一次坐飛機離港,也是跟無綫拍攝隊出埠工作。可想而知,他從前物質何其缺乏,一直是生活在清貧底下,掙扎求存。

直至坤哥在理工環境科副學士畢業後,正式加入無綫工作,他成為了家中的經濟支柱,一家才停止領取綜援。不過,坤哥初出道時月薪僅得八千,家用加上供細妹讀大學,杯水車薪;他惟有密密接騷幫補,試過只收兩三千車馬費的騷仔都照接,好彩慳住使勉強夠用。難怪直至今時今日,有指坤哥縱使收入大激增,做一小時騷價升到六萬,但他卻依舊冇改慳儉性格,使錢計過度過。

本刊發現,坤哥對含辛茹苦養育自己的坤媽,的確孝順有加,常在社交網晒母子合照,更不時做乖仔請媽咪食飯、旅行。而名副其實「廿四孝」慈母的坤媽,在家打理家務任勞任怨之外,每逢兒子出騷,她更例必撐場做坤哥的「頭號粉絲」,包括:四台頒獎禮,以及上周六(九日),坤哥的處男唱片簽名會,坤媽都被發現隱身於fans堆當中,默默在背後支持。

黃翠如相助

除了家庭背景坎坷之外,坤哥每次提起之前冇唱片公司肯簽,心情亦頗大感觸。他曾不下一次公開感謝黃翠如,「嗰時佢都係啱啱入無綫,一次大家做節目等緊綵排傾開偈,佢知我鍾意唱歌,就話都識啲唱片公司嘅人,可以畀啲意見我,估唔到佢講完,真係畀埋電話我,又真係好上心,約嗰日仲一齊出埋嚟添!」在黃翠如的悉心安排之下,坤哥第一次接觸到唱片公司「星娛樂」的高層,不過卻未能一擊即中,獲得對方的青睞。之後,坤哥繼續尋覓肯給他一個機會的伯樂,試過某唱片公司在網上公開招募新人,他傻到寫信毛遂自薦,「我話我識自己化妝、自己整頭嘅;我係吳業坤,參加過《超級巨聲2》都有啲人識嘅,諗番嗰時都好戇居,人哋明明招募素人,我竟然自薦,真係幾幼稚吓!」

坤哥搵唱片公司多次碰壁後,沒有放棄夢想,繼續在網上平台勤力唱cover,又嘗試自己作歌,日日po相、po片。而呃到不少like的他,愈吸愈多fans,竟成為網絡紅人,得到一定的注意。

感激易服男

今年初,坤哥在一位朋友撮合下,再次接觸「星娛樂」的高層,這次終於給他如願簽約公司,一圓出碟做歌手的夢。上周六(九日),坤哥在網上出po公開多謝這位大恩人說:「有一位朋友,她讓我有機會踏出去,成真了夢想。沒有她,就沒有原來她不夠愛我,就可能沒有現在的東西……謝謝身邊有這樣的一位她。」

坤哥雖然用了「她」字,來形容這個對他如此重要的人,但instagram上tag着的,明明是與許廷鏗傳緋聞、關心妍的前助手、「易服男」阿小的名字。出席簽唱會時,坤哥被問起此事,他強調只想答謝幫過自己的朋友,並拒絕評論關於對方的性別問題。

人紅自然一舉一動、一言一語都特別惹人關注,坤哥由以前nothing to lose到今日略有成績,坦言感覺到壓力,但絕對不敢「飄飄然」。而且,出身草根的他,目標也絕不離地,就如普羅大眾一樣,儲夠首期買樓,只想讓一家人住好啲。

中四初戀速 8女星

坤哥雖然天生一副「毒男」樣,但其實他在中四時,已經開始拍拖。接受訪問時,他憶述跟初戀女友一齊排隊攞周杰倫簽名、一齊在沙灘倒數,更似十分懷念。雖然坤哥外表木獨,但被指「偽毒」,因為他好識冧女。一〇年入行以來,他的異性緣不知幾暢旺,還狂冧八女星,真是人不可以貌相!

周秀娜

坤哥參加《超級巨聲2》時,公開自己視周秀娜為女神,後獲公司安排一嘗所願,多次與女神合作。

鄧佩儀

因拍J2台的《搵食飯團》,坤哥與主持之一、華姐冠軍鄧佩儀混熟,兩人被影到出雙入對,一同返公司而傳緋聞。

蔡穎恩

去年五月,坤哥推出新歌〈原來她不夠愛我〉,親自邀請蔡穎恩拍MV做女主角,因而傳出緋聞。

麥明詩

麥長青大爆坤哥暗戀今屆出爐港姐冠軍麥明詩,坤哥揚言要待自己事業有成,才敢展開追求,間接承認對女方有意。

吳若希

坤哥曾公開表示對吳若希有好感,又透露在女方五月二十三日生日,捐了五百二十三元當送女方生日禮物,「巧爛漫」啫!

Christy@FFx

去年九月,女團FFx憑一曲〈Sugar Baby〉在網絡大hit,坤哥揚言喜歡隊中最年輕的Christy(周葆諭),因他鍾意斯文型女仔。

Aka@Super Girls

有傳,坤哥曾跟女子組合Super Girls 隊長Aka(趙慧珊)暗撻半年,後因被女方嫌窮而分手。

龔嘉欣

有傳,坤哥與龔嘉欣因拍劇集《愛.回家》撻着,兩人經常出雙入對,戴埋情侶帽、情侶眼鏡,被指發展姐弟戀。

300呎坤竇逐格睇

坤哥一家三口現住樂富橫頭磡邨公屋,面積三百幾呎,從不同角度睇,坤竇與一般公屋家庭無異,傢俬布置都是比較簡陋,而且因為屋細更擠滿不少雜物,晾衫曬衫更掛滿窗口之外。而在曬晾的衣物中,記者發現,多條紅噹噹的男裝內褲,相信是坤哥所有,攞新人王獎「全滿貫」,不知是否靠這些紅底催運呢?

撰文 錢慧 攝影 娛樂追蹤組 設計 吳俊彪
仔勵 勵誌 傳奇 坤哥 哥自 自爆 綜援 悲歌
PermaLink: https://articles.zkiz.com/?id=294672

坤哥為女棄打機

1 : GS(14)@2016-01-23 19:28:45

吳業坤昨日在apm出席遊戲機活動,自認機迷的他邊打機邊與司儀交談,被問到農曆新年如何慶祝時,打得興起的坤哥搞笑謂:「等陣先!」他接受訪問時坦言對打機有心癮,問他打機的時候可會興奮到爆粗?坤哥說:「同熟嘅朋友會,冇理由講大話呃你。」他坦言拍拖時曾被女友投訴掛住打機:「打機同女友,我會揀女友嘅。」至於緋聞女友龔嘉欣與張振朗傳緋聞,坤哥即代為否認,是否因為他才是真命天子?他笑謂:「唔係,不過佢哋唔會呃我,龔嘉欣都唔會撬我牆腳。其實幾得意,寫到三角戀咁。」採訪、攝影:盧妹





來源: http://hk.apple.nextmedia.com/entertainment/art/20160123/19463515
坤哥 哥為 為女 女棄 棄打 打機
PermaLink: https://articles.zkiz.com/?id=294880

升呢荷包脹坤哥後巷匿車慢慢嗒

1 : GS(14)@2016-02-09 12:14:58

■坤哥前晚大派特別訂製的漫畫肖像利是。








【昨日凌晨深水埗】吳業坤捱足五年,去年年尾終於守得雲開,橫掃頒獎禮新人獎,連帶工作量激增,前晚他首年有份參與新年倒數活動搵真銀,工作過後坤哥更與三五知己驅車匿後巷食串燒、碗仔翅,享受大年初一至平民的第一餐。



【深宵覓食】■坤哥昨日凌晨與友人到深水埗買串燒食。

【大啖咀嚼】■坤哥大年初一第一餐,選擇匿後巷躲在車廂完事。DV圖片

【完事抹嘴】


■周柏豪(左)前晚與坤哥齊齊出席新春倒數活動,在台上互相祝福。

直駛深水埗

坤哥前晚與周柏豪於荃灣出席新春倒數活動,昨日凌晨12時多離開時,坤哥駕車載着一位男友人,與尾隨其後另一架車的朋友,一行兩車四人直駛深水埗,原來他們專程到那裏買串燒當消夜。抵步後由坤哥朋友負責落車「掃貨」,買齊上車後,坤哥將車駛至其橫頭磡寓所附近,兜兜轉轉後再駛入一條後巷,原來他想找個「安全位」與友人嘆串燒。前晚活動上坤哥承認最近工作量多了,但否認升呢,又指首次出席倒數活動感覺開心及溫暖,笑問坤哥銀包是否同樣「溫暖」了?他笑謂:「暖咗啲啦,係多咗啲,但距離頒獎禮到而家都係個幾月,唔係好長時間,不過都有買花送畀媽咪,而且冇講價,大家都想賺啲開心錢。」他又謂初一至三會關電話休息,初四才開工拍劇。



柏豪氹媽咪

同場周柏豪表示今年會派五位數字利是,有指他年廿九還開工,由年頭賺錢到年尾,他說:「有工開當然好,但初一、初二會休息,初三就要開工出席花車巡遊活動。」不過他透露愛貓剛剛過身,心情麻麻的他說:「隻貓年紀都大,一直都好瘦,今日啱啱過咗身,所以嚟活動前都要幫貓辦身後事,媽咪好唔開心,今日都有陪佢tea氹番佢。」採訪、攝影:朱志聰、黃曉程、陳順禎、張俊銘





來源: http://hk.apple.nextmedia.com/entertainment/art/20160209/19484458
升呢 荷包 脹坤 坤哥 哥後 後巷 巷匿 匿車 慢慢
PermaLink: https://articles.zkiz.com/?id=295648

馮仁昭四圍超:坤哥為母親詛咒賊仔

1 : GS(14)@2016-02-16 08:31:26

吳業坤噚日新年流流喺fb鬧人不得好死,佢嬲爆指媽咪唔見咗部電話,佢話:「我媽媽在屯門醫院,日間,5/f唔見了電話,如拾到重酬。是粉紅色case,偷的人不得好死,拾遺不報不得好死。」有網民話佢唔應該咁詛咒人,坤哥亦都好快咁刪走「不得好死」呢四個字,但就繼續話偷嘢同拾遺不報都係唔啱。撰文:馮仁昭





來源: http://hk.apple.nextmedia.com/entertainment/art/20160216/19492305
馮仁 仁昭 四圍 坤哥 哥為 母親 詛咒 賊仔
PermaLink: https://articles.zkiz.com/?id=296033

坤哥認被躁底導演提醒

1 : GS(14)@2016-03-06 16:12:14

黃翠如、吳業坤、許廷鏗及林盛斌等,昨日到澳門出席電影《功夫熊貓3》首映。對於無綫躁底導演張永豪(Gary)涉用劇本打演員頭部,兼有爆粗鬧演員的前科最終遭停職,Gary動粗當日有在現場的坤哥表示不作評論,被問到有否被Gary「問候」時,坤哥說:「佢有提醒我講術語,都幾責之深。」至於翠如則說:「我入行第一部劇就係拍佢,總共拍過4套劇,佢好認真同嚴厲,大家都知電視行業近來好多唔開心事,希望工作環境可以開心啲。」她稱未見過Gary用粗口問候其他演員:「做幕後通常說話都會粗俗啲,為件事好我接受到,不過都係要令人開心先得。」採訪:曹家誠 攝影:沈健程





來源: http://hk.apple.nextmedia.com/entertainment/art/20160306/19518156
坤哥 哥認 認被 被躁 躁底 導演 提醒
PermaLink: https://articles.zkiz.com/?id=297032

【馮仁昭四圍超】坤哥自爆赤裸陪Kay

1 : GS(14)@2016-04-12 18:16:39

吳業坤噚日喺商台宣傳新歌,佢話預計10月會出碟,之後再開音樂會,但就唔急於喺紅館開騷,希望之後可以慢慢進步。坤哥繼續賣口乖,狂讚自己有份演出嘅無綫劇集,又話會赤裸上身坐喺謝安琪(Kay)旁邊,問佢有冇信心幫公司提升收視?佢話:「希望可以啦!絕招都出埋,我咁樣脫都唔升,公司以後唔搵我。」佢話將來拍戲如果劇本需要,唔介意全裸。撰文:馮仁昭





來源: http://hk.apple.nextmedia.com/entertainment/art/20160412/19567034
馮仁 仁昭 四圍 坤哥 哥自 自爆 赤裸 Kay
PermaLink: https://articles.zkiz.com/?id=299111

細個見佢投票俾黎生坤哥帶阿媽去核心內圍睇騷

1 : GS(14)@2016-05-08 02:56:13

■孝順的坤哥昨晚帶媽咪去捧黎明場。


昨前睇騷的藝人及名人有吳業坤、蘇麗珊及男友游學修、蔡思貝、許亦妮、黃心穎、姚子羚、黃智雯、何國鉦、向海嵐、小肥、容祖兒母親、Kawaii及組合天堂鳥的Gordon等。



其中坤哥做乖乖仔與媽媽睇騷,更有粉絲找他selfie,坤哥接受訪問時表示:「媽咪一路以嚟好鍾意黎明,細細個已見到佢頒獎典禮有投票畀黎明,今日同媽咪食母親節飯,之後帶佢過嚟睇,係驚喜嚟,仲同佢講去核心外圍聽吓歌,其實有飛,見到佢好開心。」問他會否爭取入後台集郵,他表示:「會舉手爭取去,覺得係媽咪其中一個心願。」黃心穎則表示自小已鍾意Leon:「之前買咗飛,不過呢個幾月都不停開工,而家先有時間,7點收工即衝過嚟,劇組知我要睇黎明,都早啲畀我收工。自己鍾意黎生啲歌melody簡單易記,廣告拍得好靚,有機會同佢講,四大天王中係最鍾意佢。」



Leon昨晚在8時32分開騷,演唱會核心外圍由海旁到10號碼頭吸引不少人來野餐聽歌,不過就沒有攜帶紅酒及巴馬火腿,以麥當勞外賣居多。採訪:盧妹、曹家誠攝影:陳順禎、沈健程





來源: http://hk.apple.nextmedia.com/entertainment/art/20160507/19601682
細個 個見 見佢 投票 俾黎 黎生 生坤 坤哥 哥帶 阿媽 核心 內圍 圍睇 睇騷
PermaLink: https://articles.zkiz.com/?id=299969

坤哥望30歲前娶老婆

1 : GS(14)@2016-05-22 12:16:17

吳業坤與師妹谷微前晚在尖沙嘴出席「520浪漫派對」,坤哥受訪前先問師妹:「你安唔安心?我好多緋聞。」谷微聲稱不畏懼,坤哥笑說:「咁好,你會成為下一個受害者。」問坤哥有何追女絕技?他說:「最重要係交出真心。」說罷即問師妹:「你feel唔feel到我個心?」繼而他又自稱已看破紅塵,希望30歲前找到結婚對象:「唔使有錢,最重要互相扶持,唔會成為對方嘅包袱,而係成為對方嘅動力。」日前Super Girls隊長Aka暗示被坤哥拋棄及玩弄感情,坤哥急澄清:「我同佢係好朋友,可能係一個誤會,而家同佢都係好朋友。佢冇開名,我唔想對號入座,好多事我控制唔到,所以盡量唔去諗。」採訪、攝影:黃曉妍





來源: http://hk.apple.nextmedia.com/entertainment/art/20160522/19622418
坤哥 哥望 30 歲前 前娶 老婆
PermaLink: https://articles.zkiz.com/?id=301105

坤哥響鈴扮串燒抽水

1 : GS(14)@2016-06-06 03:17:51

洪永城(Tony右)最近被指瞞住女友唐詩詠翻撻舊愛,事後Tony在Instagram上載一張與詩詠齊齊食串燒的合照反擊,留言:「黐線,我哋不知幾好。」前日吳業坤又玩抽水,在facebook貼上一張與Tony的合照,同樣拎住食物,不過今次變成響鈴,他留言:「黐線,我哋不知幾He(HeHe)。」不過今次Tony的眼神就變得兇狠好多,皺晒眉望住坤哥。





來源: http://hk.apple.nextmedia.com/entertainment/art/20160605/19641470
坤哥 響鈴 串燒 抽水
PermaLink: https://articles.zkiz.com/?id=302075

【馮仁昭四圍超】坤哥下月唱爆紅館

1 : GS(14)@2016-07-06 07:59:08

吳業坤(坤哥)上年年尾喺頒獎禮攞新人獎喊到眼鏡起霧,人氣爆燈,唱片公司噚日正式宣佈坤哥第一個紅館個唱會喺下月10號舉行,門票今日就會接受信用卡優先訂票。對於有傳話今次開騷嘉賓多達10幾位,坤哥就笑住話:「非常好嘅提議,但都係講笑,嘉賓仲係邀請緊,可能係我一位超級偶像或者不斷鼓勵我嘅前輩,希望到時畀驚喜大家!」撰文:馮仁昭





來源: http://hk.apple.nextmedia.com/entertainment/art/20160705/19681319
馮仁 仁昭 四圍 坤哥 下月 唱爆 爆紅 紅館
PermaLink: https://articles.zkiz.com/?id=302596

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019