ZKIZ Archives


《拳王》結局率先爆 嘉穎打醒黃浩然擂台決戰

1 : GS(14)@2012-05-08 23:35:06

http://hk.apple.nextmedia.com/entertainment/art/20120508/16315069
鄭嘉穎和黃浩然主演的無綫劇《拳王》,本月十八日結局,劇情越見緊湊,近日講到柏暉(李詩韻飾)拒絕嫁予恩樺(蕭正楠飾)而改投拾一(鄭嘉穎飾)的懷抱,但二人冷靜過後,拾一忍痛讓柏暉回去跟恩樺結婚,此時拾一與暗戀他的恩慈(胡定欣飾)展開戀情,但恩樺婚後一年發現有腦病,結果柏暉在他去世後與拾一重新開始,而恩慈與細祥(陳國邦飾)分開,細祥亦變得更壞。
畢弟(黃浩然飾)經努力贏得省港澳拳王爭霸賽成拳王,卻被勝利、功利冲昏頭腦,跟拾一等現分歧,並醉酒與別的女人上床,傷透老婆好逑(唐詩詠飾)的心。最後拾一跟畢弟在擂台上對決,要打醒畢弟,帶他回正路。
拳王 結局 率先 嘉穎 打醒 醒黃 浩然 擂臺 決戰
PermaLink: https://articles.zkiz.com/?id=279228

與嘉穎短訊傳情嗌Honey陳凱琳甜笑:隨意寫

1 : GS(14)@2015-05-14 08:20:00

■陳凱琳坦言想與嘉穎約會,增加了解。


現年23歲的陳凱琳(Grace)與45歲鄭嘉穎,早前合作拍劇即傳暗撻發展「父女戀」,雖然二人至今仍堅稱只是朋友關係,但Grace繼素顏出入嘉穎寓所斷正後,昨日再有雜誌刊登她頻密跟一位暱稱是「KC」的人以短訊互聯,對方更一度以「Honey」稱呼她,證明兩人戀情發展已再踏前一步。昨晚Grace出席電影《上帝的男高音》於尖沙嘴舉行的慈善首映,甫到埗即被傳媒包圍,追問跟她互傳短訊,並以「Honey」稱呼她的KC,是否就是英文名叫Kevin Cheng的鄭嘉穎?Grace即笑言:「冇印象有收過!我都有睇報道,睇完都有諗吓自己有冇寫過登出嚟嗰啲嘢,但諗唔到,我諗有寫,都只係隨意寫。」



■鄭嘉穎的英文名縮寫跟發短訊叫陳凱琳做Honey的KC一樣。資料圖片

■改編自真實故事的韓片《上帝的男高音》昨晚舉行慈善首映,不少圈中人捧場。



預告拖手

問Grace的手提電話如何輸入嘉穎的名字?她說:「我入全名,嘉穎咁囉!」笑問她與嘉穎之間可有甜蜜暱稱?互叫BB?Grace笑謂:「只係叫我Grace,所有人都係叫我Grace,連凱琳都好少人叫。」她又表示,今次傳短訊被偷拍,以後會更加小心。談到與嘉穎戀情進展,Grace雖表示沒有進展,但就全程甜笑,又表示不心急。問她可期待首次約會?她說:「冇乜咁諗,發生咗先去諗,想出街係想傾多啲偈,互相認識一下。」問她可會主動約會嘉穎?Grace則認為這個年代,男約女或者女約男都很平常,她又說:「畀啲空間我哋,有新發展會同大家講,但就算見到我哋都唔使咁驚奇。」Grace更預告將來拍拖不介意拖手,她表示:「呢個係正常行為(指拖手),大方啲仲好!」另外,昨晚有出席首映的陳少霞表示將會客串拍青春片,她說已有十多年沒有拍戲,今次會客串兩日。採訪:藍文浩攝影:陳慧安



■久休復出的陳少霞,昨晚透露將客串新片。

■陳凱琳接受訪問後趕入場,被工作人員拉走。



來源: http://hk.apple.nextmedia.com/entertainment/art/20150513/19145142
嘉穎 短訊 傳情 Honey 陳凱 琳甜 甜笑 隨意
PermaLink: https://articles.zkiz.com/?id=290290

陳凱琳讚嘉穎體貼

1 : GS(14)@2015-05-18 08:36:42

■陳凱琳否認免惹家人不滿,要求取消被嘉穎抱起的戲份。


陳凱琳與草蜢昨日在銅鑼灣出席慈善活動,即場示範跳舞及做運動。23歲陳凱琳傳與鄭嘉穎因合作拍劇而撻着,最近有報道指陳凱琳的父母嫌棄45歲鄭嘉穎年紀大,介入這段「父女戀」,對此陳凱琳回應說:「父母知我為人,而家做朋友認識吓,順其自然。我有同家人講佢係前輩,體貼關心人。」但有傳陳凱琳為免再惹家人不滿,要求取消一場被嘉穎抱起的戲份?凱琳否認說:「唔係,嗰日佢病咗去唔到外景,搵替身分開拍。」此外,經常跳舞、行山嘅草蜢,運動量雖大卻無肌肉勞損,他們說:「我哋會用鹿筋、牛筋等煲湯補身,各自睇有乜需要自己煲。」採訪、攝影:王連連





來源: http://hk.apple.nextmedia.com/entertainment/art/20150518/19151133
陳凱 琳讚 嘉穎 體貼
PermaLink: https://articles.zkiz.com/?id=290417

阿佘拒談嘉穎戀凱琳

1 : GS(14)@2015-06-06 09:04:13

■阿佘昨被問及舊愛鄭嘉穎與陳凱琳的戀情,即落閘拒談。


佘詩曼在青衣出席環保活動,她透露明年2月便會約滿無綫,現時經已有公司的同事及外面中港兩地公司洽談中,尚在初步階段,她持開放態度表示任何一間公司都會有機會。問到阿佘前男友鄭嘉穎與陳凱琳的戀情,她斷言表示不回答,並笑說:「請大家支持環保。」對於被視為收視福將的歐陽震華(Bobby)被藝員部不獲續約,阿佘直指對方劇集收視很好,也是公司福將,她說:「其實我自己接受唔到Bobby去咗第二個電視台,咁但係我覺得每件事都有解決辦法,最緊要Bobby開心。」採訪:馬建華攝影:陳順禎





來源: http://hk.apple.nextmedia.com/entertainment/art/20150606/19173880
阿佘 佘拒 拒談 嘉穎 戀凱 凱琳
PermaLink: https://articles.zkiz.com/?id=290703

【馮仁昭四圍超】嘉穎慶功變求婚?

1 : GS(14)@2015-06-10 08:25:21

資料圖片








鄭嘉穎(小圖)同陳凱琳因拍劇傳撻着,不過就硬係唔肯認拍拖。噚日有報道話呢段「父女戀」開花結果喎!早幾日佢哋同班演員一齊去慶功,跟住直落唱K,報道話嘉穎借醉喺K房向陳凱琳求婚,唱唱吓K叫熄咪,跟住拎個戒指盒出嚟,遞咗隻心形鑽戒畀陳凱琳,對方仲即刻戴上手㖭。之後陳凱琳出席活動手上真係有隻心形戒指,不過唔知係咪嘉穎送嘅呢?撰文:馮仁昭





來源: http://hk.apple.nextmedia.com/entertainment/art/20150608/19175994
馮仁 仁昭 四圍 嘉穎 慶功 求婚
PermaLink: https://articles.zkiz.com/?id=290735

嘉穎甜認拍拖陳凱琳:我哋有默契

1 : GS(14)@2015-06-29 08:20:47

■前日嘉穎在內地受訪時,直認與陳凱琳是在交往中。互聯網圖片



鄭嘉穎終於被年輕21載的陳凱琳收服!45歲鄭嘉穎入行以來,先後與王馨平、周麗淇和佘詩曼等拍拖,但從未公開承認戀情。直至後生、有家底、有學歷、有樣有身材的陳凱琳出現,終於把嘉穎這座冰山劈開。嘉穎前日在橫店終於冧爆承認:「是在交往中。」昨日陳凱琳現身活動時,亦甜笑表示與嘉穎早有默契。


藝人為保護形象,都將感情事低調處理,入行22年的鄭嘉穎當然也不例外。45歲的他出道以來,身邊女伴氹氹轉,雖然過往曾與王馨平、周麗淇和佘詩曼等拍過拖,但在傳媒面前他總極度低調,不過,估不到與陳凱琳拍拖僅4個月,就令嘉穎改變過來。



唔急結婚要尊重


嘉穎與2013年港姐冠軍陳凱琳,今年4月初被爆因拍電視劇《殭》撻着兩個月,雖然二人多次被拍得出雙入對,但兩人一直拒絕承認這段年齡相距逾21年的「父女戀」。前日嘉穎在橫店出席內地新劇《太極宗師之太極門》開機儀式,大批傳媒追問他與陳凱琳的戀情,他笑到見牙唔見眼,終於肯承認拍拖:「我最近講得最多的一句話就是『希望多給我們一點空間。』我覺得是很正常的一件事(拍拖),還有,是在交往中,就謝謝大家關心。我說了很多遍,也不是一個真人騷,也不是有甚麼發展,就每次都好像要交代啊、滙報一下這樣子。所以就,給我們多點空間就好了,謝謝大家。」嘉穎破天荒公開戀情,有記者追問會否好事近?嘉穎卻說:「我們以後再說這個話題吧。這個東西,急不了,那個不是我說了算的,是互相的。不是你說要怎樣就怎麼樣。」有記者隨即追問:「你的意思是你倆在一起,她的主動權更大?」鄭嘉穎連忙否認:「不要這樣,我沒有這樣說。我只不過說有些事情,是雙方面的尊重,就看大家覺得適合(結婚),到時再說。」



■鄭嘉穎與陳凱琳拍拖4個月便承認戀情,可見二人愛得投入。資料圖片

■陳凱琳昨日出席活動,提到嘉穎公開與她拍拖時,不禁露出甜笑。



約會多加深了解




對於嘉穎承認交往中,陳凱琳昨晚在將軍澳出席活動被追問此事,最初她說:「我唔知點答,我哋有交往,有約會。」她想了一會再說:「係呀,我哋經過約會之後,大家了解咗好多,亦都了解佢嘅為人,不過呢啲始終係私人事,希望大家可以畀啲空間我哋。」她亦否認激嬲爹哋說:「爹哋嘅回答只係保護我,佢明白我哋嘅關係,拍拖係正常嘅事,唔使拎出嚟公開討論。」至於今次男友大方承認拍拖,她說:「有傾過,我哋有默契,多謝關心。」採訪:魯吉





來源: http://hk.apple.nextmedia.com/entertainment/art/20150627/19199592
嘉穎 甜認 拍拖 陳凱 默契
PermaLink: https://articles.zkiz.com/?id=291174

嘉穎激嬲未來外父?Grace:佢明拍拖正常事

1 : GS(14)@2015-06-29 08:20:54

■陳凱琳日前生日,站在女友後面的嘉穎大方合照。資料圖片


其實於本周三陳凱琳24歲生日,嘉穎已罕有地站在女友身旁合照,男女朋友親密關係似是盡在不言中。日前有報道指陳凱琳在巴黎開工期間,嘉穎更人肉速遞到巴黎相伴,為陳凱琳提早慶祝生日,二人一起過了五日四夜浪漫之旅。陳凱琳更為了男友,父親節當日返港後寧入住嘉穎寓所過夜,也未有跟父親慶祝,可見二人愛得癡纏。而昨晚的活動,嘉穎舊愛佘詩曼因病缺席,陳凱琳說:「阿佘未必係唔想同我同場而缺席,祝佢早日康復。」採訪:魯吉





來源: http://hk.apple.nextmedia.com/entertainment/art/20150627/19200095
嘉穎 激嬲 未來 外父 Grace 佢明 拍拖 正常
PermaLink: https://articles.zkiz.com/?id=291175

嘉穎舊愛阿佘突然不適避與陳凱琳同場?!

1 : GS(14)@2015-06-29 08:21:09

鄭嘉穎前日喺內地終於認咗同陳凱琳拍拖,咁橋陳凱琳昨日就到將軍澳出席活動,又咁橋鄭嘉穎舊愛佘詩曼都係頒獎嘉賓之一。不過,最後阿佘就表示唔舒服,冇到,由徐子珊替補。陳凱琳可能估到大家會問佢關於阿佘嘅問題,咁佢又點答呢?陳凱琳:「我覺得每一個人,如果佢真係唔舒服,咁佢都唔想以一個唔好嘅狀態出嚟,所以我唔會推測其他嘢,我都希望佢快啲好番。」指阿佘未必係因為唔想同自己同場而缺席。至於臨時頂上嘅徐子珊就笑言冇所謂,又話知道阿佘係唔舒服,故會透過經理人慰問對方。咁佢覺唔覺得阿佘係想避陳凱琳先至缺席?徐子珊起初一臉茫然,當知道鄭嘉穎公佈咗戀情,搞清楚因果之後,就笑笑口話傳媒想像力太豐富。





來源: http://hk.apple.nextmedia.com/entertainment/art/20150627/19200091
嘉穎 舊愛 阿佘 突然 不適 避與 陳凱 同場
PermaLink: https://articles.zkiz.com/?id=291176

陳凱琳認上嘉穎露營車

1 : GS(14)@2015-09-23 02:18:55

■陳凱琳昨日直認去了橫店探嘉穎(小圖),她更乘機在當地遊覽。


近期受到大台力捧的陳凱琳(Grace),自從她公開與鄭嘉穎的戀情後,外界極為關注他們的感情生活,昨日有報道指Grace早前往橫店探望正在開工的鄭嘉穎,有工作人員更爆料指Grace全程留在露營車上,只要嘉穎不用埋位便即上車陪女友,其間更曾經出現怪聲。Grace昨日在將軍澳出席活動被問到此事,她說:「我有睇過報道,都係冇新聞作啲新聞出嚟,寫得都係想多啲人睇,唔真實。」不過她承認男友的確租用了露營車並說:「我有上過車,第一日有跟場,但係有落車周圍走同影吓相,之後嗰幾日自己周圍去行吓街食吓嘢。」本周四是錢嘉樂的50歲生日,他前晚與一班日本粉絲慶祝,但暫時未收到太太和女兒的禮物。撰文:唐心悠





來源: http://hk.apple.nextmedia.com/entertainment/art/20150803/19240903
陳凱 琳認 認上 嘉穎 露營
PermaLink: https://articles.zkiz.com/?id=292512

認同秋生批評中肯鄭嘉穎彈陳凱琳 演技小學雞

1 : GS(14)@2015-10-07 01:51:12

■無綫花旦走完一個又一個,備受力捧的港姐冠軍陳凱琳孭飛拍《張保仔》,結果被黃秋生批評演技差。



無綫花旦人才流失,走完一個又一個,現年24歲的港姐陳凱琳(Grace)被硬捧上女主角位置,在台慶劇《張保仔》擔大旗孭飛演出,可惜Grace的半桶水演技被網民狂插表情浮誇、無層次無深度、超高音尖叫,連前輩黃秋生都忍不住出口批評,昨鄭嘉穎眼見女友被踩到體無完膚,他承認秋生的意見中肯,笑女友的演技是「小學雞」起步階段:「讀完小學唔可以跳去大學!」


近年無綫人才凋零,小生花旦相繼大逃亡,花旦走完一個又一個,胡杏兒、陳茵媺、徐子珊、郭羨妮等均先後約滿離去,無綫惟有改捧港姐攝位。2013年出身豪門的港姐冠軍陳凱琳,因上圍只有30吋被笑為「貧乳」港姐,Grace當選後以旁聽生身份參加第27期無綫電視藝員訓練班,未卸任即獲安排參與拍攝《名門暗戰》,可惜處女作被網民狠批演技幼嫩。



被批浮誇無層次

近日無綫在黃金時間播出台慶劇《張保仔》,除特技被網民嘲雞過14年前《封神榜》,入行僅短短兩年的Grace,火速榮升擔任第一女主角「黃娣妹」,可惜其演技依然停留在半桶水階段,被網民狠批表情和動作都浮誇造作,擠眉弄眼似足迪士尼的動畫公主,演技無層次無深度,兩分鐘尖叫20次,耳膜都被她震穿!身為香港演藝學院表演系學士畢業、兩度獲封金像影帝的前輩黃秋生,都忍不住出口批評Grace演技:「我覺得好滋擾,陳凱琳太多小動作,『依牙鬆槓』唔自然,出現呢啲小動作20次就變成滋擾,導演可能見陳凱琳就魂飛魄散,但佢揸槍個樣好猙獰。」難怪秋生睇半集已熄機。



趕客四式



【扮驚唔驚】■不只秋生批評陳凱琳演技差,小動作多,連網友都嫌她滋擾。

【揸槍猙獰】





【瞪大對眼】

【成日大叫】



大前日Grace出席活動坦言為批評感到唔開心,原來身為男友的鄭嘉穎當日由橫店拍劇返港,晚上即急會女友送上愛的慰問,被網友影到兩人同車的相片貼微博。昨嘉穎出席銅鑼灣惜食堂活動,問有否睇劇集《張保仔》?他坦言:「有留意。」問覺得Grace演技如何?曾獲視帝的他力撐女友:「咁樣講,每樣嘢都有過程,對一個新人嚟講算唔錯。」嘉穎用讀書做例子,笑女友的演技是「小學雞」起步階段:「當讀書嚟講,讀完小學唔可以跳去大學而skip中學,佢而家只係起步階段,我都有聽到善意批評,秋生講得好中肯,係善意。而家係佢必經階段,我入行嗰時冇咁幸運,冇前輩提點,如果一嚟就話好,都唔係好事,秋生講得啱,而家啲新人缺乏character,但佢係有character,只要繼續畀心機,就不斷有進步。」



■鄭嘉穎昨日評陳凱琳的演技是「小學雞」:「讀完小學唔可以跳去大學!」

黃秋生



「每場戲都太用力」

問覺得Grace最大問題是甚麼?嘉穎坦言:「唔可以單場啲講,整體啲講佢係比較用力,如果每場戲都用力,就等於冇用力,要喺適當時候用力。」問他會否覺得女友因拍台慶劇所以緊張?嘉穎說:「唔關事,新人孭劇會緊張,我以前未做主角,幾日先拍十場戲,但做咗主角就一日拍十幾場戲,少咗時間分析角色、準備又少,但工作量大咗,主角同配角係有分別。」再問Grace有否不開心?他說:「佢係一個好有智慧嘅人,呢個係必經,我有信心佢短時間內有大躍進。」另對於女友被傳曾跟陳展鵬、洪永城搞三角戀,嘉穎笑笑口說:「呢啲吹水嘢大家唔好信。」至於Grace夢想有森林婚禮和生小朋友,他說:「呢啲嘢後話啦,我覺得到時先算,今日講呢啲嘢太離題。」採訪:黃曉妍攝影:陳俊強





來源: http://hk.apple.nextmedia.com/entertainment/art/20151005/19320727
認同 秋生 批評 中肯 嘉穎 陳凱 演技 小學
PermaLink: https://articles.zkiz.com/?id=292808

海洋公園狂歡玩到閂門嘉穎拖陳凱琳嗒糖返家

1 : GS(14)@2015-10-19 07:33:48

【甜蜜拖手】■鄭嘉穎和陳凱琳趁昨日凌晨街上冇人,即手拖手取車,甜到爆!攝影:梁繼光








【爆相爆片】【海洋公園→天后→大坑】現年46歲的鄭嘉穎與24歲的陳凱琳(Grace)承認發展「父女戀」,為迎合女友,嘉穎投其所好冧女。前晚有讀者爆料,指嘉穎跟女友及Grace細佬等一班年輕人去海洋公園,嘉穎陪玩越礦飛車、探鬼屋兼食糖水。至昨凌晨2時許,一對小情侶返回嘉穎屋企。


鄭嘉穎和陳凱琳今年4月孖住出發到荷蘭拍攝劇集《殭》時撻着,有指Grace不時等嘉穎收工,二人又經常離隊,其後Grace被影到去男方家過夜斷正,關係正式公開。相戀近半年,有傳Grace父母不接受嘉穎年紀大,而嘉穎過去三個月都要返內地掘金,與女友分隔兩地。加上靚女多人追,Grace先後與洪永城和陳展鵬傳緋聞,幸一切無礙「穎琳戀」繼續相愛。



【排隊陪玩】■嘉穎前晚陪女友陳凱琳到海洋公園玩,不怕人多齊排隊玩越礦飛車。讀者提供圖片

【越礦飛車】■陳凱琳與嘉穎同坐一卡車,陳凱琳興奮拍手。讀者提供圖片

【上車掃背】■嘉穎輕掃女友玉背,為她開車門顯風度。DV圖片



興奮陪玩越礦飛車

最近嘉穎和Grace難得一齊不用開工,可以盡情享受拍拖生活。前晚讀者呂小姐透過本報爆相爆片,指見到嘉穎與Grace一齊去海洋公園玩,同行還有五、六位年輕人,呂小姐稱在等玩越礦飛車期間,見到嘉穎與Grace着住黑色情侶裝一齊排隊,雖然現場有好多人,但嘉穎都冇避嫌,有講有笑,望落嘉穎似乎後生了20年!片段中見Grace和嘉穎同坐一卡車廂,出發時Grace興奮拍手,有現場市民好奇問:「係咪拍緊戲呀?」據悉他們之後還夜探鬼屋,Grace玩得好盡興,玩到樂園閂門才捨得離開。直至晚上11時許,鄭嘉穎、Grace與同行友人離開,原來Grace弟弟及其女友、Grace好姊妹賴慰玲亦有同行。乘扶手電梯時,鄭嘉穎刻意與Grace隔幾個身位,直至行到停車場後,一班人分開坐上兩部車。Grace與弟弟及弟弟女友同坐上嘉穎的寶馬跑車,當Grace準備上車時,嘉穎即掃一掃女友面珠,又輕撫她的背脊,之後嘉穎再幫她閂車門,Grace全程笑笑口。一行人揸車到天后甜姨姨甜品店食糖水,他們坐在樓上靠窗位置,不過嘉穎似乎怕被人認到,全程拗住條腰坐,等窗外的人見不到他。未知是否同行友人比較後生,估計全部都是Grace的朋友,嘉穎明顯難搭嘴,無聊一個人落樓下連煲兩支煙,企在街上傾電話。



【甜品滋潤】■嘆甜品時,嘉穎坐近窗口,但經常彎腰似乎怕人認到。

【落樓煲煙】■嘉穎與一班年輕人話題不多,無聊獨自落樓連煲兩支煙。

【載返鄭家】■嘉穎駕車載陳凱琳返自己屋企,之後未見陳凱琳落樓。


【陳弟拖女】■陳凱琳的孿生弟弟拖女友入糖水店。

嘉穎:鬼屋好新奇

食足兩小時,嘉穎和Grace先送友人上的士及另一架私家車,嘉穎同Grace本來在人多的時候都表現得好小心,嘉穎不時周圍望。見凌晨2時多,終於放下戒心,嘉穎和Grace拖手去取車,嘉穎幫Grace開車門,盡顯風度。兩人一齊返回嘉穎的大坑寓所,記者等了一會仍未見Grace離開,應該是在嘉穎屋企過夜。回復年輕心境的嘉穎似乎已尋回「初戀」感覺,昨日在電話中難掩甜蜜之情,他笑說:「我由中學到而家都好耐冇去呢啲地方玩,我喺海洋公園廣告見到羅蘭姐,就好有興趣去睇吓。呢排放假,所以咪盡情玩吓囉,同女友等一班人一齊去,可惜見唔到羅蘭姐,但睇鬼屋都好新奇、好開心、幾得意吖。」採訪:徐錦池、鍾國仁攝影:梁繼光





來源: http://hk.apple.nextmedia.com/entertainment/art/20151018/19337651
海洋 公園 狂歡 玩到 到閂 閂門 嘉穎 陳凱 琳嗒 嗒糖 返家
PermaLink: https://articles.zkiz.com/?id=293343

嘉穎黐實陳凱琳睇舞台劇

1 : GS(14)@2015-10-19 07:47:45

■鄭嘉穎約女友陳凱琳睇舞台劇,遭網友野生捕獲。微博圖片





■兩人毫不避忌在場內黐實玩自拍。微博圖片


鄭嘉穎和女友陳凱琳認真愛得癡纏,大前日兩人才拍拖去海洋公園玩哈囉喂,食完甜品消夜至凌晨2時許才孖住返嘉穎屋企,原來他們休息半日,前晚又出動到葵青劇院睇陳國邦和鍾景輝演出的《相約星期二》舞台劇,還被網友野生捕獲貼微博。



兩人更在場內恍如黐頭芒甜蜜蜜毫不避忌,散場後待觀眾走得八八九九,嘉穎才拖實女友十指緊扣離去,高調拍拖低調拖手,有網友留言:「奇怪的是,他們也太普通人了,完全沒有路人走上去要合影神馬的,只有我,說了一句Hello,然後就看到眼睛大大的陳凱琳燦爛的笑了。」撰文:皓騫





來源: http://hk.apple.nextmedia.com/entertainment/art/20151019/19338399
嘉穎 黐實 陳凱 琳睇 睇舞 舞臺 臺劇
PermaLink: https://articles.zkiz.com/?id=293352

嘉穎凱琳大坑買餸

1 : GS(14)@2015-11-13 08:45:36

■陳凱琳和鄭嘉穎昨日拍拖到大坑。


鄭嘉穎和陳凱琳的「父女戀」打得火熱,兩人有空便拍拖,昨午3時他們到大坑,嘉穎先把寶馬座駕泊在錶位,之後拍拖往買東西,約十分鐘後,戴着鴨舌帽的嘉穎和戴黑超的陳凱琳一齊返回取車,看到兩人拿着膠袋,估計是買餸煮飯。兩人很有默契地分頭上車,可是不知甚麼原因,陳凱琳開不到車門,準備上司機位的嘉穎即體貼走過去為女友開車門。其後兩人發現記者,嘉穎臉帶不悅狂睥鏡頭,上車後即駛到跑馬地馬會。採訪、攝影:畢紹基、黃曉程





來源: http://hk.apple.nextmedia.com/entertainment/art/20151113/19370554
嘉穎 凱琳 大坑
PermaLink: https://articles.zkiz.com/?id=293838

星級賓客:嘉穎拖實陳凱琳

1 : GS(14)@2015-12-29 08:44:54

鄭嘉穎(左)、陳凱琳


「祝李杏福」婚宴昨晚在Ritz Carlton酒店筵開56席,杏兒宴請不少圈中好友,現場星光
星級 賓客 嘉穎 拖實 陳凱
PermaLink: https://articles.zkiz.com/?id=294055

拖手嘆咖啡Sweet爆嘉穎凱琳私家位談情

1 : GS(14)@2016-02-28 16:33:01

【柴可夫】■食完下午茶齊齊坐嘉穎車走,唔知係咪趕下場呢?








【大坑】鄭嘉穎同陳凱琳(Grace)上年因為合作拍劇墮入愛河,據悉今次嘉穎相當認真,視對方為結婚對象,而家兩人處於熱戀階段,經常被影到甜蜜拍拖,日前佢哋就喺大坑被本報影到一齊嘆下午茶。



【密密食】■嘉穎難得放假,把握時間同Grace過二人世界。

【轉靚位】■滿足完記者影相之後,佢哋返咗私家位繼續食。



大方任影

當日約下午4點幾,記者發現嘉穎同Grace喺一間賣麵包嘅咖啡室歎咖啡,最初兩人坐喺近門口嘅座位撐枱腳,兩人有說有笑,之後發現有記者影相,兩個人好有默契咁笑笑口畀記者影相,相比起以前每次拍拖斷正都黑面嘅嘉穎,今次變得友善得多,可能係想同大家分享佢哋嘅甜蜜。滿足咗記者之後,兩個人想要個較寧靜嘅空間,兩人選擇搬番入咖啡室內嘅吧枱坐,店員睇嚟同佢哋非常熟絡,主動行埋去傾偈,當店員見門外有記者影相,仲主動幫手將窗簾拉低。大約5點左右,鄭嘉穎就埋單兼為女友開門,嘉穎喺女友手中接過紙袋仲順勢拖住,佢哋拖實走到另一個街口攞車,火速踩油離開。最近嘉穎仲放緊假,所以有時間拍拖,據悉內地一直有電視劇搵佢演出,但就未揀到啱嘅劇本,同時今年佢都希望可以有機會參與拍電影。採訪、攝影:畢紹基、吳耀輝



【埋單走】■粗重嘢由嘉穎做番,Grace梗係笑得甜。

【拖到實】■兩個人由踏出餐廳一刻起就已經拖到實。



來源: http://hk.apple.nextmedia.com/entertainment/art/20160228/19508699
拖手 手嘆 咖啡 Sweet 嘉穎 凱琳 私家 位談 談情
PermaLink: https://articles.zkiz.com/?id=296328

陳凱琳恨嫁爆嘉穎終過父母關

1 : GS(14)@2016-03-02 15:16:51

■陳凱琳昨日單拖現身陳國峰的婚禮現場,坦言與男友鄭嘉穎早對結婚有共識。


巨聲幫陳國峰(Penny)昨日小登科,跟拍拖8年的圈外女友黃思雅拉埋天窗。一對新人昨日在九龍塘進行簽紙註冊儀式,一班藝人好友陳凱琳(Grace)、林盛斌(Bob)、吳業坤、謝東閔等都有到場觀禮。
Grace撇甩男友鄭嘉穎,單拖到場,她說折現送利是給新郎最實際。Grace見友人結婚,也有憧憬自己披嫁衣做新娘子,她說:「結婚都有同佢(鄭嘉穎)傾過,大家都有共識,不過就唔需要每次都向大家交代。」有傳嘉穎一直都過唔到Grace雙親那一關,但有指他在農曆新年,親自上門向世伯伯母拜年,似有破冰迹象,Grace笑着稱:「爹哋媽咪都好鍾意佢,因為覺得佢好有禮貌,父母見到我哋傾偈同相處都好放心,相處得好好!」



陳凱琳、鄭嘉穎

■陳國峰已定於11月8日在美麗華酒店補擺30圍喜酒。

■翟威廉和緋聞女友陳庭欣不避嫌孖實到婚禮會場。



陳庭欣拍拖到場

婚禮上,新郎新娘就做齊交換戒指、揭頭紗、合巹交杯、切蛋糕和咀嘴環節,但新郎哥因太緊張,過程中出現不少蝦碌事件,他與新娘交換戒指時竟然拿錯自己的戒指,試行樓梯時又險些仆低。Penny受訪時表示:「今日只做註冊,11月先擺酒,但我已經好緊張,緊張到急屎。所以頭先我要不斷唱歌紓緩吓心情!」對於何時造人,Penny笑笑口說:「應該趕唔切生猴B啦!不過可以嘅話,我想生個仔先,所以會問阿Bob意見,佢做嗰啲我就唔會做,因為佢生3個都係女!」另外,一直未有承認拍拖的港姐冠軍陳庭欣和港男翟威廉,昨日不避嫌孖實到場。相反林欣彤和舊愛羅孝勇,雖然同場但就企到離行離列,全程沒有交流,顯得十分避忌!採訪:張俊銘攝影:陳志嵐





來源: http://hk.apple.nextmedia.com/entertainment/art/20160302/19512204
陳凱 琳恨 恨嫁 嫁爆 嘉穎 終過 父母
PermaLink: https://articles.zkiz.com/?id=296587

鄭嘉穎用雪櫃傳情

1 : GS(14)@2016-07-09 06:47:35

鄭嘉穎和陳瀅昨日在尖沙嘴出席旅行用品活動,早前嘉穎與張栢芝在拍內地飲食節目,拍到他家中的雪櫃,節目主持人發現櫃面有一張似是女友陳凱琳寫的紙條,嘉穎直認:「張note係佢寫,內容就唔詳細講喇,總之係溫馨提示。」他表示雪櫃是一個好方便溝通的地方。問平日女友有否下廚?他說:「都有嘅,廚藝當然好,佢多數煮西餐,樣樣都好食!」另外,陳瀅透露即將起程返加拿大探婆婆:「成三個月冇返去啦,今次會去留一星期左右。」採訪:曹家誠攝影:陳慧安





來源: http://hk.apple.nextmedia.com/entertainment/art/20160708/19685748
嘉穎 雪櫃 傳情
PermaLink: https://articles.zkiz.com/?id=303028

修哥懶理嘉穎離巢

1 : GS(14)@2016-08-08 00:17:16

胡楓(修哥)與羅蘭昨日於調景嶺出席「天橋無限耆」長者服裝設計比賽,作為評審的修哥謂設計師必須要有心思,而羅蘭姐則表示會以模特兒姿態作為評審準則,羅蘭姐又笑指修哥個人對衣着有要求。問到有報道指鄭嘉穎12月約滿後離巢無綫,修哥說:「都有睇過報道,離唔離都冇所謂啦,最緊要耐唔中返TVB拍劇,呢個係循環嚟。」





來源: http://hk.apple.nextmedia.com/entertainment/art/20160807/19725984
修哥 哥懶 懶理 嘉穎 離巢
PermaLink: https://articles.zkiz.com/?id=304849

鄭嘉穎錫爆賴慰玲 陳凱琳狂冧趙永洪反擊

1 : GS(14)@2016-09-08 00:21:43

2016-08-24 EW

早排,鄭嘉穎上內地的節目,被發現家中的雪櫃上,有一張紫色心形便利貼,貼紙上寫滿綿綿情話。當時,他透露是借用雪櫃同女友陳凱琳溝通。熱戀中的情侶,竟要靠便利貼溝通,關係似乎有點疏離。

今年鄭嘉穎的生日,陳凱琳竟然被好姊妹賴慰玲搶先和男友切蛋糕;而之前盛傳,鄭嘉穎為撐賴慰玲斗膽到與無綫高層駁火,「鄭賴」關係明顯非比尋常,陳凱琳想唔呷醋都難!據密友透露,現正拍攝新劇《翻生武林》的陳凱琳,於是狂冧對手趙永洪。兩人在片場黐到實,恍如進入無人之境,還不時影頭貼頭自拍照,重點是她還公開放「蜜照」到社交網,反擊味濃!

為女互窒

現年四十七歲的鄭嘉穎,一四年與陳凱琳(Grace)認愛後, 不時高調晒恩愛;可惜,有指陳爸爸陳桂祥一直介意鄭嘉穎與愛女相距廿二年,又冇家底,所以多番阻撓;其實,外間亦一直不看好這段感情。難怪,鄭嘉穎今次拍拖一反常態,每次訪問都不避嫌提起女友,相比昔日與佘詩曼、周麗淇等拍拖都收收埋埋,確實差天共地。

不過,最近就有指鄭嘉穎當年拍《殭》時,除了跟陳凱琳擦出愛火之餘,對演藝學院出身、主修演技的高材生賴慰玲,同樣留有「感情」。據說,早前無綫搞定期聯誼飯局,當晚鄭嘉穎、黃宗澤及高層曾勵珍(珍姐)等一班幕後都有出席。席間,鄭嘉穎大讚賴慰玲做戲好,指她在《殭》中的表現入型入格,又讚她扮巴渣港女演得好。當時,珍姐就着這個話題反映自己的另一番意見,因為兩人「 意見分歧」,結果弄成互窒的場面。

搶先慶生

鄭嘉穎一向都對珍姐必恭必敬,當晚為了賴慰玲竟同珍姐駁火,大家當然「O晒嘴」。最近,鄭嘉穎四十七歲生日,與他一同拍《迷》劇的賴慰玲就搶先買定蛋糕,與他在電視城canteen切蛋糕慶祝;此外,賴慰玲還在社交網放出兩人慶生的合照,顯示情非泛泛。另一邊廂,正印女友陳凱琳就只能在社交網,放出一張兩人的舊合照,相形見絀。

據密友透露,為了以牙還牙,近日正忙於拍《翻生武林》的陳凱琳,於是狂冧劇中勁多對手戲的趙永洪。大熱天時,扮演錦衣衛的陳凱琳,穿着既厚又重的戲服,汗流浹背下,仍興致勃勃地與趙永洪玩孖公仔自拍。「套劇男人眾多,但係Grace就只係捉住趙永洪玩,出面熱辣辣,啲演員一cut機就會走埋一邊唞唞。不過,Grace就唔會休息,好雀躍咁同趙永洪傾偈,佢兩個喺片場黐到實!」而最神奇的是,在陳凱琳的社交網,她與趙永洪的「蜜照」竟比鄭嘉穎更多,鄭的男友地位岌岌可危。

撰文 馬木義 設計 黎志堅
嘉穎 錫爆 爆賴 賴慰 慰玲 陳凱 琳狂 趙永 永洪 反擊
PermaLink: https://articles.zkiz.com/?id=308070

《風雲》音樂劇角色晒冷嘉穎做步驚雲挑戰城城

1 : GS(14)@2016-09-09 05:37:02

馬榮成創作的經典漫畫《風雲》將於明年4月以音樂劇在紅館公演,屆時會加上5D效果,他昨日與主要演員包括飾演步驚雲的鄭嘉穎、聶風的謝天華、雄霸的呂良偉等在sky100舉行記者會。



■由郭富城(左)及鄭伊健演的電影版《風雲》,是經典中的經典。劇照

■漫畫作者馬榮成(左二)與眾演員在台上為《風雲》音樂劇祝酒。


壓力野心俱備

首次參與舞台劇的嘉穎說:「我第一次做舞台音樂劇,要盡量多綵排,今次有好多舞台效果,好富挑戰性,機會難逢,所以不計較酬勞,好好把握機會。」相比於98年的電影版,音樂劇只保留演泥菩薩的黎耀祥及文丑丑的鄭丹瑞,而謝天華當年飾演配角秦霜,今次升呢做聶風,問到會否擔心鄭伊健演繹太深入民心,謝天華表示:「我覺得有壓力,唔係源自嗰度,係另一個演繹方法,發夢都冇諗過可以做聶風,知道嗰晚都瞓唔着,除咗要演技、跳舞、武打,導演問我有冇畏高要吊威吔。」呂良偉就飾演雄霸,他表示為了此劇推了一部電影及電視劇,他說:「冇諗過做舞台劇唱歌,仲要跳舞非常難,要努力練,又要吊威吔,角色比跛豪野心仲大。」


集嗅覺5D效果

另外,製作人陳淑芬表示製作費達一億,暫定公演六場,要計埋東南亞巡迴才能回本,問到有否考慮找回伊健及郭富城做回聶風及步驚雲,她說:「冇諗過,唔係太貴,要睇角色配搭同時間配合。」負責製作的蕭潮順表示今次會有5D效果,舞台會結合科技、燈光、立體投射、嗅覺味道、水和火觸感效果。採訪:張俊銘攝影:葉君海




來源: http://hk.apple.nextmedia.com/entertainment/art/20160909/19764709
風雲 音樂劇 音樂 角色 曬冷 嘉穎 做步 步驚 驚雲 挑戰 城城
PermaLink: https://articles.zkiz.com/?id=308369

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019