【旅遊奇遇】房不勝防 酒店房污糟過飛機廁所4,863倍
1 :
GS(14)@2016-02-02 15:58:57酒店房有幾乾淨，相信大家都曾質疑。畢竟這麼多人住過，清潔人員又要在短短幾小時內打掃幾百間房，時有疏忽，在所難免。但幾年前就有美國媒體，帶着紫外線燈到高級酒店調查，發現房內竟然有尿漬，甚至「不明白色液體」……實在是估你唔到咁驚嚇。你一定諗，個別例子啫，嚇我唔到嘅！但最近一項調查，就到9間三至五星酒店，針對房內不同設施，進行36種細菌測試，結果發現洗面盆最污糟，其後的分別是遙控、書枱、電話。以量度生菌數的單位CFU計算，面盆平均竟達到每平方呎1,288,817 CFU。要知道同一機構早前於飛機上做過測試，用量極高的公共洗手間，其沖水按鈕，也只得265 CFU，相差足足4,863倍！以為畀多啲錢，就可解決問題？又以面盆做例子，分開來計，三星酒店只得320,007 CFU，相反四星酒店達2,534,773 CFU、五星酒店則為1,011,670 CFU，越貴唔代表越乾淨。不過報告亦提到，這些細菌，大都可用消毒噴霧、紙巾抹掉。特別是帶小孩出遊的家長，可多加留意。記者：甄俊宇資料來源、圖片提供：Travelmath
來源:
http://hk.apple.nextmedia.com/su ... t/20160202/19475453