【今晚打喪屍（3）】喪屍片Cult中之霸《生化壽屍》翻睇湯盈盈最有味道
1 :
GS(14)@2017-06-23 02:58:30湯盈盈喺《生化壽屍》性感演出，令人留觀眾深刻印象。
八、九十年代香港電影，殭屍片題材當道，林正英孭飛嘅《殭屍先生》、《殭屍家族》同《一眉道人》等都極為經典，當年根本冇喪屍片立足之地，又或者冇製片人會諗過拍喪屍呢類題材。數數手指，關於喪屍嘅港產片歷來少之又少，當中最多人講嘅會記得嘅，睇怕都係98年上映嘅《生化壽屍》。陳小春、李燦琛飾演嘅無敵同喪B，無論造型同角色性格都好搶，加埋視帝黎耀祥嗰份怕死狂恰老婆嘅演繹，套戲真係集有義氣、有縮骨、有喪屍、有劇情所有元素於一身。最正看點梗係湯盈盈啦，小背心真空上陣若隱若現，翻睇幾廿次《生化壽屍》都咁有味道，絕對係港產片中最具代表性嘅喪屍片！其後00年由馮德倫同李燦琛主演嘅《生化特警之喪屍任務》，製作或劇情上都同《生化壽屍》有好大距離，相信觀眾都冇乜印象喇。
《屍城》被批毫無劇情，只靠Jessica C.狂拋警鐘胸吸睛。
《生化危機》系列極受歡迎，係荷李活「喪屍界」嘅其一代表作。
韋史密夫嘅《魔間傳奇》同樣係講喪屍搞亂城市。
畢彼特嘅《地球末日戰》喺香港勁收逾4,000萬票房。
上年《屍殺列車》上映後即成全球熱話。
下周上映嘅《今晚打喪屍》可唔可以為港產片爭光呢？
其實喪屍片呢類題材，要喪屍嘅化妝特技逼真，喺大城市幾百隻咁跑嚟跑去咬人先夠震撼，要有大製作梗要有大資金射住，相信荷李活嗰邊先咁肯科水拍攝。大家睇吓踏入廿一世紀開始，《生化危機》系列一至六集都咁受歡迎，《魔間傳奇》同《地球末日戰》又係勁經典，同年代港產片為免比下去，根本冇人會拍喪屍題材。好喇，港人等到頸都長，14年終於有番部港產喪屍片《屍城》上映，可惜被影評彈完全冇劇情，成套戲只係由Jessica C.狂拋警鐘胸，香港累積票房只收130萬元，慘淡收場。不過，近年好彩有韓國嘅《屍殺列車》幫亞洲電影爭光，全球票房超過8,000萬美元，喪屍做得夠真，有劇情有溫情之餘，又可以探討人性問題，絕對係「喪屍界」嘅大突破！咦？下周香港又有套關於喪屍題材嘅《今晚打喪屍》上映喎！睇個陣容，有萬梓良出山帶住白只同張繼聰打喪屍，似乎幾有睇頭咁喎！一眾港產喪屍迷，你哋準備好未？近廿年喪屍片香港累積票房（只列部份）《生化壽屍》（98年）$6,207,050《生化特警之喪屍任務》（00年）$2,736,695《生化危機之變種生還者》（02年）$6,635,783《生化危機之殲滅生還者》（04年）$7,418,785《生化危機3：絕種生還者》（07年）$10,777,544《魔間傳奇》（07年）$21,774,087《生化危機3D：戰神再生》（10年）$18,378,506《生化危機之滅絕真相》（12年）$20,071,079《地球末日戰》（13年）$42,602,911《屍城》（14年）$1,312,761《生化危機：終極屍殺》（16年）$32,231,791《屍殺列車》（16年）$68,004,629
來源:
http://hk.apple.nextmedia.com/entertainment/art/20170622/20063996
【西遊記】香港警察真的是警察？不是喪屍嗎？
1 :
GS(14)@2017-07-09 03:56:51【文化籽：西遊記】童年時代有個心結，至今尚未解除。話說就讀幼稚園期間，或者是小學吧，我看過一齣跟喪屍有關的西片。一部正方體的電視機仔，播放着VHS錄影帶，應該是翻錄過無數次的版本，畫質一般，情節已經依稀，只記得結局。死剩男主角，逃命到直升機，以為吉人天相，點知喪屍群死纏不休，包圍住男主角，直升機無法起飛，空間有限，眼見男主角必死無疑，正當我充滿期望，想看編劇還可以創作出甚麼逃生妙法，鏡頭一轉，男主角竟然在睡夢中驚醒。是那種晨早起床清新開朗的陽光，好像還有鬧鐘聲，阿媽在廚房煮早餐。對，之前所有劇情原來是男主角的一場夢。地球沒有喪屍，只有妄想症。
當時少不更事，沒有刻骨銘心的，對甚麼也過目即忘，連戲名、演員名也毫無印象。長大過程中，一直想重溫一次，看看是否自己理解出錯。可惜，錄影帶固然已無影無蹤，錄影帶的主人也一臉迷惘，久而久之，就漸漸不當一回事。只是，每次有新的喪屍片出現，我也想起這件往事，隱隱作痛。我不是cult片專家，對喪屍片也不算特別有興趣。或者因為我不明白喪屍有甚麼可怕。行動遲緩又沒有頭腦，連武器都不懂得使用，人類只要稍有危機感，隨便拿張摺凳自衞，理應可以避免被咬。說句實話，你平日行超市，如果見到一個身體呈紫灰色、喃喃自語、衣着品味奇差又有異味的物體經過，你都識退讓三分，如果條友撲過來作吞噬狀，直頭會一腳伸過去。喪屍的殺傷力，不要說跟外星生物相提並論，就是跟大白鯊、哥斯拉、小魔怪相比，也差很遠。我要驚，可能更驚《倩女幽魂》的姥姥。唯一優點是廉價。做隻女鬼，尚要吊吊威吔；做隻King Kong，都要砌個模型；做喪屍最好，cast一班臨時演員，化些妝，找些爛衫披上，然後如平常地步行，搞掂，最適合低成本驚慄片。低成本有低成本的好，給你天文數字，你會拍一些《變形金剛》（Transformers）出來；沒有錢的話，反而會被迫注重故事情節、角色關係。我最愛的喪屍片，不是甚麼荷李活大製作，反而是《猛鬼學堂》與《生化壽屍》兩齣港產片。估不到二十年後，香港沒有喪屍片接到班，青出於藍的，是南韓出品《屍殺列車》。拍不出以前的喪屍味，因為我們已經忍受不到緩慢。《28日後》（28 Days Later）之後，喪屍全面變種，一係似《生化危機》（Resident Evil）系列，只是公式動作片，喪屍可有可無；一係似《地球末日戰》（World War Z），喪屍跑得比保特更快；就連香港製造的《今晚打喪屍》，喪屍也像吃了興奮劑般情緒高漲。真正保持傳統，喪屍似喪屍的，大概只有電視片集《The Walking Dead》，行又行得慢，蠢又蠢過人，一味以數量取勝。但過了第一季，已經明確告訴大家，喪屍，完全不可怕，你赤手空拳對住喪屍的頭部猛打，已經足夠將喪屍消滅。恐怖的，從來是懂得利用喪屍的人類。
喪屍比人類容易管理。基本上，只需要給它們吃飽就可以。它們不會考慮甚麼生存目的、人生意義；也不會出現七情六慾、爭風呷醋；喪屍更不會具備權力慾，不會存在爭名逐利的狀況。反而，喪屍一定齊心，管理階層掟一個攻擊目標出去，所有喪屍必定朝着同一方向進發。喪屍又沒有頭腦，沒有獨立思考能力，必定忠心耿耿。喪屍根本是比Minions更適合用來作為下屬的最佳選擇。習主席見到香港警察，忍不住問了一句：「這是正式錄用的警察嗎？之前要上警校嗎？」似乎懷疑香港警察是演員。有理由相信，習主席除了煲《紙牌屋》（House of Cards），意圖知己知彼，也有欣賞《The Walking Dead》。那位香港警察，無論外形氣質神態舉止，實在有點喪屍feel，也難怪習主席會以為是老臨。習主席可能不知道的是，香港警察這五年間，大部份已經被喪屍化。他們真的不是演員。
Profile：方俊傑觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。facebook:方俊傑
編輯：馮秀珍美術：楊永昌
來源:
http://hk.apple.nextmedia.com/su ... t/20170707/20080968
【殭屍路跑】移屍台中 「喪屍」追人嚇餐死
1 :
GS(14)@2017-10-15 18:58:17全新旅遊專頁，即like籽想旅行：
https://fb.me/travel.appleseed如果你感覺自己每朝返工都好似條喪屍，眼神散渙，漫無目的，仲要俾「人類」欺壓，咁呢個路跑絕對可以畀你好好發洩！
今年殭屍路跑由台北改為喺台中舉行，全程約三公里，參賽者會分成殭屍組同人類組。人類會獲派三條代表生命嘅腰帶，沿途不停會有殭屍衝過嚟企圖搶走腰帶，人類就要喪跑逃生。如果到達終點之前，身上仲有至少一條腰帶，就係生還者；相反，如果腰帶俾殭屍搶晒，就變成感染者。
人類要身手敏捷地避開喪屍，守護身上嘅生命腰帶。
殭屍組可以加錢選擇特效化妝服務，或者自己化妝到現場都得。
不過識揀一定揀做喪屍，當日任務就係嚇人兼搶人腰帶。化埋個恐怖鬼妝，相信會係人生入面，最多人為你尖叫嘅一日!殭屍路跑日期：10月21日記者：魏可婷
來源:
http://hk.apple.nextmedia.com/su ... t/20171014/20182389