ZKIZ Archives


梁振英夫婦睇學友騷唱完即閃驚啲咩?

1 : GS(14)@2017-01-02 01:05:43

■梁振英與太太唐青儀睇學友演唱會,散場時即急急閃人。梁栢堅fb圖片



歌神張學友呢排喺紅館舉行演唱會,鍾楚紅、葉德嫻、吳婉芳、劉嘉玲、陳奕迅、楊千嬅同老公丁子高、張家輝同關詠荷夫婦、任達華、胡楓、何超蓮、何超雲、容祖兒、蔡卓妍、劉美君、吳業坤、周麗淇……排隊朝聖嘅藝人,幾隻手都數唔晒!然而,大前晚觀眾席上卻出現咗一對夫婦,搞到網友㷫爆群起改歌詞唱。事緣音樂人梁栢堅喺facebook貼咗特首梁振英夫婦現身紅館、兩人坐喺控制台下面嘅VIP位睇騷,梁栢堅仲藉住學友嘅歌曲諧音寸爆689兩公婆:「噚晚張學友:還是覺得你老母、每天插你多一些、愛摸蝦...餓狼傳說!」佢班網友亦熱烈留言:「時運低呀你。」、「我都睇咗噚晚嗰場,唱完佢即閃人。」、「搞乜咁慘時運低撞到污糟嘢!」無論係梁栢堅定佢啲追隨者,一向都有個習慣,就係每次出事都鍾意改歌詞,今次又點會例外先?睇相都㷫爆嘅網友,紛紛加入改歌詞行列發洩:「怎麼你新聞表現X了,髮型又亂了,彷彿見曉明被換了,一覺知、心裡知不妙,這晚你去過那裡吧,與上海幫靜靜談著舊調。」、「狼在叫,獸與妖,面似坦率心在笑,雙手搶,尾巴搖,競向中央比折腰。」、「餓狼傳說,直頭唔使改詞。」梁栢堅前日接受《蘋果》電話訪問,佢話呢張相係朋友影嘅:「2016年走咗咁多人,咁見到嘅人都要珍惜吓,可能呢,唔知幾時會唔見啦,呢啲嘢,下話!」梁栢堅仲忍唔住出手改歌詞潤爆689:「即使你離開,有葉劉下海,這漫長夜裏,林鄭仲有鬼胎......」




來源: http://hk.apple.nextmedia.com/entertainment/art/20170101/19883393
梁振英 夫婦 學友 騷唱 唱完 完即 即閃 閃驚 驚啲 啲咩
PermaLink: https://articles.zkiz.com/?id=320930

【睇清楚】飛機Delay 旅遊保究竟包啲咩?

1 : GS(14)@2017-06-25 11:30:39

香港航空一班由本港飛往上海的客機,由昨日開始不斷延誤又取消,其間更有乘客不滿報警,最後弄至今早11時27分才起飛。



香港航空一班由本港飛往上海的客機,由昨日開始不斷延誤又取消,其間更有乘客不滿報警,最後弄至今早11時27分才起飛。Delay近一日,保險一定有得賠啦?少年你太年輕了,根據機管局資料,這班機Delay的原因是香港往北京及上海方向實施空中管制。當機場容量接近飽和,需要進行飛行流量控制,便是實施空中管制的時候。而這些人為因素的決定,往往是保險公司不包的。除了空中管制,飛機延誤還有很多原因,那到底那一樣先有得賠,我們就來逐樣看看。



根據機管局資料,這班機Delay的原因是,香港往北京及上海方向實施空中管制。

當機場容量接近飽和,需要進行飛行流量控制,便是實施空中管制的時候。而這些人為因素的決定,往往是保險公司不包的。

1.天氣原因天氣原因包含了很多種情況,除了表面上你看到的出發地天氣狀況,還要看目的地的天氣狀況是否適宜降落,當然還有飛行航路上的氣象狀況。如果是天氣原因所導致的Delay,大家就可放心,保險公司會根據延誤時間作出有限度賠償。2.航空公司原因若果是因為一架飛機延誤,而引起往後數架飛機Delay的連鎖反應,保險公司是不包的。這情況是需由航空公司的人為因素負上一定的責任。航空公司一般只會提供餐飲津貼或安排酒店住宿,不過每間航空公司的賠償制度亦不同,建議大家在選擇航空公司前先了解一下。3.安全性考慮最後一種便是飛機的安全性考慮,因機件故障而引致的航班延誤,保險公司亦會作出有限度賠償。最後提提一下大家,記得要取得航空公司所發出的延誤書面證明,清楚列出航班信息、原定起飛時間、實際起飛時間以及延誤原因,才能進一步獲得賠償。2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170625/20067592
清楚 飛機 Delay 旅遊 究竟 包啲 啲咩
PermaLink: https://articles.zkiz.com/?id=337039

【2D睇】話你知SVF係啲咩香港搞「無現金城市」真係掂?

1 : GS(14)@2018-03-02 01:09:10

金管局2年前創立儲值支付工具(Stored Value Facilities,簡稱SVF)牌照,亦即是電子錢包,逐漸成為一種新式支付工具。
SVF通常是以手提電話應用程式(App)存在,透過銀行轉賬、信用卡、便利店增值,就可以將現金存入該App內,然後在App內的現金用途多,例如可以網上繳費、轉賬予其他朋友、到實體商戶消費,有些SVF甚至是可以將資金滙至其他國家,例如菲律賓、印尼等。不過SVF暫時仍未算普及,原因甚多,其中一個主要原因係,不少市民習慣上仍喜歡以紙幣、信用卡、八達通卡交易。另一個主要原因係市場百家爭鳴,有滙豐PayMe、TNG、拍住賞、微信支付、支付寶等,暫時未有一間獲得主要優勢,即係間間都不算多人用。而即使市民手持SVF,但由於不少仍未開通支付功能,或是商戶仍未鋪機,都會令本港手機支付推廣仍然困難重重。但現時不少SVF積極說服商戶,接受程度漸漸增加,今年支付業或會有一番新景象。另外,亦值得一提的是不少人誤會Apple Pay是SVF,但Apple Pay實際上只是「虛擬化」了的信用卡,先使未來錢,毋須先增值後消費;SVF則必須先增值後,才可以開始消費。亦有好多人問SVF與八達通卡有甚麼分別,事實上八達通卡是將資金藏入卡內晶片,SVF則是資金存入應用程式,最大分別是不用再攜帶多一張卡出街。



來源: https://hk.finance.appledaily.co ... e/20180301/20318678
2D 話你 你知 SVF 係啲 啲咩 香港 現金 城市 真係 係掂
PermaLink: https://articles.zkiz.com/?id=349186

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019