ZKIZ Archives


宏霸狂升跟買唔易 中環在線:陳振聰身家兩日漲10億 李華華


2008-02-21 AppleDaily


 

風 水佬或者呃你十年八年,之但係,爭奪已故華懋集團主席龔如心千億遺產嘅神秘風水師陳振聰,佢隻宏霸數碼(802)嚟香江掛牌只係兩日,就冇花冇假帶挈捧場 客進賬萬金,繼前日升咗四成八,噚日更逆市喪升,高峯時有兩倍之多,令股民睇到眼凸凸,臨尾埋單都仲升1.3倍,收報23蚊,榮膺升幅榜首,市值高達 53.4億元,巴閉過藍籌股中信泰富(267)。

 

 

軍師朱偉民執三億

忽然高調嘅陳振聰,揸住 宏霸6200萬股,噚日副身家就進賬咗8.2億銀,若果以首日開市價6.61蚊計,兩日賬面賺咗10億銀,真係好搵過睇風水。被稱為陳振聰軍師嘅宏霸主席 兼行政總裁朱偉民,手執1830萬股,前後都增值咗3億銀。至於陳振聰兩兄弟舊年入主嘅環球工程(8192),噚日都踢高咗12.8%。單遺產官司將會喺 4月開審,兩隻股仔走勢,未知點樣配合事態發展呢?睇番宏霸交投,噚日都係一兩千股細細注為主,唔知係咪貨源歸邊,捧場客出價都好進取,股價突破咗廿蚊 後,5毫又5毫咁砌上去,想搭順風車都唔係咁易o架。若然你有過人膽識兼驚人判斷力,幸運喺首日低位跟手買入一手1000股宏霸,又喺最高位30蚊放咗, 華華除咗寫個「服」字,亦恭喜你喺24小時內賺咗兩萬三蚊。之不過,宏霸前日淨係錄得149宗成交,每單平均size只有3000幾股,噚日成交增加到 953宗,但平均size降至1500股,相信有錢賺嘅人寥寥可數。李華華LiWaWa@AppleDaily.com
 
宏霸 狂升 跟買 買唔 唔易 中環 在線 陳振 振聰 身家 兩日 日漲 10 華華
PermaLink: https://articles.zkiz.com/?id=5783

買者無責成風氣 評論股票唔易做 黃國英 (Alex Wong)


http://hk.myblog.yahoo.com/alexwongkwokying/article?mid=12573

近月往返中國考察頻繁, 真的很吃不消。偶爾半夜醒來, 究竟身處寧波或是上海, 一時三刻也不一定想得起來。時近年底, 持倉水準減低, 著眼是明年投資及經營部署。與同事商談, 得到的共識, 股評人圈子的生態, 在未來的2-3年甚至更短的時間, 有可能會出現頗大的變化。

坊間部份股民, 對於投資建議的邏輯如下: 只要提供資料的一方, 資料並非百分百確當, 而股民據此以真金白銀押注, 不幸有失時, 視作誤導,錯不在己, 而在提供資料或建議的一方。


如果這個邏輯成立的話, 股評人寫任何股評前, 務必打醒十二分精神, 萬一有手民之誤, 例如NAV折讓是50%, 手快快寫成60% 讀者因而有實際損失, 條數點計先? 小本經營的眾評論員, 萬一不幸惹上官非, 真的「唔死都一身孱」。


看到此, 有人或會批評自己小題大做、上綱上線。在此, 想分享一段<<史記. 商君列傳>>關於商鞅的故事:


春秋戰國時, 商鞅受到秦孝公的重用, 以法治國。下令把十家編成一什,五家編成一伍,互相監視檢舉,一家犯法,十家連帶治罪。不告發奸惡的處以攔腰斬斷的刑罰,告發奸惡的與斬敵首級的同樣受賞。秦國國力因而大盛, 佔據了黃河和崤山險固的地勢,向東就可以控制各國諸侯。


商鞅因此在秦國國內聲威日濃, 連太子虔犯了新法,也被判處劓刑。但榮境有時而盡, 秦孝公去世, 太子即位, 立時向商鞅報復。商鞅逃亡, 住旅店。旅店的主人不知道他就是商君,說:「商君有令,住店的人沒有證件店主要連帶判罪。」商君長長地歎息說:「嗟乎,為法之敝一至此哉!」(制定新法的遺害竟然到了這樣的地步)。這就是成語「作法自斃」的出處。


重點是: 如果股市有違法的事, 務請政府嚴查, 但忌走向另一極端。股民自己以血汗錢下注, 無論如何總不能抱著「嗱嗱嗱. 你話好嘅啦, 我跟你嘅啦」的心態行動。巴菲特也有看錯時, 何況我等等而下之之輩? 怎能不經思考, 就跟別人的推介? 看一個陌生人的文章, 就將血汗錢義無反顧的押下去。這種行為和思考模式, 難道真的毫無問題?


萬一杞人憂天成真, 不幸「買者無責」變成「公理」時, 我輩評論員的出路, 不難想像。每日在中環出入, 仍然有大量聽從銀行投資建議輸錢的苦主, 聚集在銀行門口幫銀行「打醮」。甚麼人最有毅力? 答案是被人「所害」輸大錢的人。「愚者闇於成事,智者見於未萌」, 寫中依舊無獎, 寫錯風險暴升, 值博率大幅下降, 應早日另籌對策。或許要在文章前加入幾千字的免責聲明? 或許整篇文章不含任何冧巴, 像賭「字花」一樣等讀者自行差度文章的推介是那? 或是仿效諸葛亮建言劉琦, 「上不至天, 下不至地,出君之口,入吾之耳」在密室中交收冧巴?



買者 責成 風氣 評論 股票 唔易 易做 國英 Alex Wong
PermaLink: https://articles.zkiz.com/?id=13519

兩岸三地:國際金融中心唔易做 Uncle Ray

2010-11-30  AD




 

內地貪污問題嚴重,在這樣的背景下,中國的私募基金市場情況會怎樣?

上周到深圳見一位客戶,言談間得悉他是早年的「海歸派」,與筆者一位在內地甚吃得開的「海歸派」基金經理朋友相熟。

談起這位星級基金經理,由於在美國惹上官非,最近十分頭痛。內地的潛規則是,如果私募基金成功入股某內地公司,該公司的大股東一般會私底下付5%至10%入股金額作回佣。在文明國家,這當然犯法,但是在內地則十分普遍。

美資私募舉報私下回佣

問題是朋友所屬的私募基金是一家美國公司,相信是「分贓」不勻,有人向美國公司舉報,美國人始終是文明人,把基金經理解僱,還鬧上法庭。

大概兩、三星期前,上海A股跌停板,股評人各有解說,當時已有傳某內地大型基金公司負責人,由於內幕交易被「雙規」。11月22日,中證監確認,前上海重陽投資首席投資官李旭利涉嫌內幕交易,被中證監調查。

內 地金融行業充滿古怪東西,如此這般混亂制度,想取代香港金融中心的地位,很難使人信服。不過,港交所(388)行政總裁李小加領導的聯交所,能否保持香港 金融中心的地位?比亞迪(1211)最近公佈第三季業績,盈利大幅倒退,比亞迪沒發盈警,聯交所未有反應,是否怕了股神畢菲特?

Uncle Ray

ray.uncleray@gmail.com


兩岸 三地 國際 金融 中心 唔易 易做 Uncle Ray
PermaLink: https://articles.zkiz.com/?id=19851

編劇唔易做

  編劇:"老細,我諗到條開戲好橋!"

  "講嚟聽吓。"

  "嗱,而家三色台套‘張保仔’咁收得,我地一於打鐵趁熱,開番套元素既包含歷史、戰爭、武俠、愛情、奇幻、懸疑……總之乜九都有o既戲,人地講‘張保仔’,我地就講宋朝水滸一百零八好漢,一齊穿越嚟到現代……"

  老板不等編劇口水花噴完,已搖手打住,不客氣地:"呢啲橋好似周街都係,有幾大新鮮感呀?同以前嗰啲陳年舊戲,好似咩‘城市劍客’呀‘急凍奇俠’呀咁,有咩分別?"

  編劇雖被潑了一盆冷水,但仍不氣餒,想了想,又道:"咁唔啱開番套集驚慄、懸疑、推理、玄幻、鬥智、警匪題材於一身o既戲,我又有現成o既橋:‘一對孖生兄弟其中一個患上咗人格分裂症,但冇人知道究竟有人格分裂症o既係其中o既邊一個,就連有病嗰個自己都唔知!然後,有一晚,有人格分裂症嗰個竟然喺夢遊期間殺死咗佢o既親生阿媽,而後來佢先發現呢個死咗o既阿媽其實原來係自己一個失散咗十幾年o既女朋友o既前世穿越嚟咗現代……’"

  老板一聽,已不禁大皺眉頭:"嘩,你仲有冇複撚雜啲呀?你搞到咁撚複雜,叫啲觀眾點撚樣睇得明呀?"

  編劇聞言,頓被打窒。

  老板這才施施然道:"一於咁啦,套戲就講,一對患有人格分裂症o既孖生兄弟,一齊穿越番咗宋朝,加入咗梁山泊,成為第一百零九同一百一十兩條好漢,然後因為一次意外,佢地同一百零八條好漢又一齊穿越咗去三國時代,於是佢地一齊幫助劉備打敗曹操,曹操得知真相後,深心不忿,於是千方百計派人穿越回現代,找來一支配備先進現代武器o既僱傭兵,點知呢隊僱傭兵o既首領喺穿越嚟到之後,居然分別同貂嬋、小喬一見鍾情,發展出一段三角戀,而另一方面,佢家族中o既一個親細佬為要謀奪佢o既家產同家族繼承權,亦追殺嚟到三國……再然後佢地就一齊發現咗外星人原來早喺三國時代已登陸地球,並且秘密化身成各個歷史人物……"


  編劇聽罷,不由為之一大怔:"妖,你條橋咪仲複撚雜過我九倍?"但表面不動聲色,呆了兩三秒之後,甚至隨即用力一拍大腿,肉麻地大叫起來:"好橋!實在太好橋嘞!我敢話呢條橋一定work一定buy!老板你係得o既!"
編劇 唔易 易做
PermaLink: https://articles.zkiz.com/?id=176593

搵樓易app 搵樓唔易

2016-02-04  NM

年輕人總愛講理想,這裡就有個八十後,放棄年薪過百萬的測量師工作,與朋友搞地產交易app。原因就只是覺得,現時的地產交易訊息唔夠透明?梁顯政炮製的搵樓易(One House),將業主、買家和地產經紀配對,目標是捐窿捐罅、盡擸全港九新界放盤。本刊今次找來在互聯網創業經驗豐富的CatalystBuilder聯合創辦人鄭思行品評。他認為這個app要視乎中小企的地產代理反應,短期阻力甚大,「大型地產代理未必加入,就算中小型我都有一個問號!」我點sell

我係Chester(梁顯政),之前做過十幾年的測量師,在香港大學畢業後一直在地產行業工作,熟悉地產現況。我試過買樓、賣樓、出租,覺得成個行業的資訊唔夠透明,有好多可以改善的地方,所以就同拍檔Leo(朱偉榮),一齊搞呢個網上地產平台。佢之前喺銀行做過IT,經驗豐富。當初放棄年薪過百萬的測量師工作都有擔心過,但我覺得呢個idea可行,可以改善地產交易唔透明的現象,所以決定一試。簡單來講,用家搵盤時,可在app內按地區及校網,輔以價錢、面積、睡房數目等搜查。我哋收到資料,會通知相關經紀,由佢哋競價(佣金),買家再揀出啱心水嘅經紀;業主亦然。對中小型經紀來說,佢哋可跨越所屬區份,俾多啲人認識,擴大客路。長遠呢個app就好似俾地產經紀嘅Uber。

搵樓易營運了四個多月,現時有二百多個放盤,大約一千個中小型地產代理和個體戶使用,的確唔算多,但用戶幾個月增長了四至五倍。直至目前為止,我們促成了幾百宗推介(cost per action),七成是將買家或者租客推介給代理,餘下三成是將業主推介給代理。我們計劃在今年中開始收費,每單費用幾百元左右。呢個app有天使投資者投資七位數字,亦有地產商投資,依家仲同地產商討論緊網上賣一手樓。我們本着全城代理(Uber for agent)的概念,希望可以做到買家、業主、代理三贏的局面啦。

專家盤問

1:搵樓易One House鄭:鄭思行

鄭:你覺得你的營商概念,受唔受中小型地產代理歡迎? 對他們而言,你們的介入其實是多了一重競爭。1:其實不少中小企的地產代理都掙扎求存,從數字上看,全香港三萬七千個地產從業員,有一萬個左右屬於四大公司,有二萬多個是其他中小企或個體戶,惟市場份額是四大公司佔七、八成,故二萬多個從業員要爭餘下兩成的生意。他們之間都諗緊方法去擴大自己的網絡。我們的概念是幫中小企和個體戶去增加客源,雖然佣金水平可能較低,但成交量增加,令他們的營業額增加。我們online帶個買家或賣家俾佢哋,佢哋再offline搵另一方作為配對,他們聽到都覺得吸引。

鄭:如果我係地產代理,短時間內你可能幫緊佢,長時間嚟講,你可能打擊緊佢哋,因為搵樓易做大後,任何一個人考咗地產代理牌,都可以在搵樓易做代理。你長遠目的係咪想咁樣?1:我們長遠目的是想幫每一個地產代理,在我們的平台度自己搵生意。

鄭:你的概念是Uber model for agent,地產代理只需使用app搵客,都未必需要地產代理公司?地產代理公司又會唔會接受呢?1:從我聽返嚟嘅意見睇就唔會。佢哋的想法好簡單直接,就是:我現在面對的困局是客源細,只服務一小撮客戶和社區,到底我可以點樣開拓客源,令唔係呢個社區的業主都同我放盤?

鄭:但中小型地產代理做街坊生意為主,可能得一兩個員工,老闆就係員工,員工就係老闆,佢嘅能力可能淨係做到街坊生意。你依家同佢講拓展生意,但會唔會資源上,專注做番區域生意,先係中小型地產代理優勢?1:他們向我反映的意見和感覺是,他們最大的競爭者是大公司,他們要避開大公司的地盤,所以要搵位自己走。無論係做舊區、單幢樓、工商廈、豪宅,佢哋都想踩入去大樓盤,無奈大樓盤附近鋪租貴,或者唔容許佢哋去租,呢個餅佢都想同人哋大公司爭,但點都唔夠爭。

鄭:我用過搵樓易,試過唔login,就可以睇到地產代理名、公司和手提電話。咁咪好容易bypass? 你會點樣收費保障自己?1:如果我是用家,我不需要付費,直接利用搵樓易去聯絡代理,唔會花時間去google資訊。因為用家無成本,他們不需要理會地產代理到底要俾幾多錢搵樓易,而我亦相信用家絕對不會為了幫代理慳錢而做多咁多嘢。至於收費模式方面,對於業主,我們按推介收費,對於賣家而言,我們按pay per enquiry 收費,當他們用熱線電話和message時,我們就會向代理收費。

鄭:坊間有不少同類型的地產網站或地產交易平台,你們同其他平台比較,優勢又會是什麼?1:坊間的平台主要利用分類廣告形式,他們不理會背後是否有盤,只要代理肯落廣告便可,但我們database的設計,背後有一個真實的放盤存在。加上,坊間平台賣用戶流量,但我們倒轉,我們鼓勵用家唔需要成日返嚟睇,只需要設定搵樓條件,當有合適的樓盤就會通知你。

終極判決

一開始時,以為搵樓易是一個地產資訊和溝通平台,從用家角度去睇,我都花咗少少時間去了解和使用,但暫時睇唔到搵樓易在地產租賣交易裡面有太多價值,所以現階段我只會俾五分。但同Chester傾完之後,發現他們有長遠目標,想做到好似Uber咁,集合細agent,做地產代理的中介人,長遠嚟睇我就會俾七分。不過好多嘢由依家開始要諗得仔細啲,要留意點樣保障自己利益多啲,中間亦牽涉不少法律和運作上的問題要解決,咁樣先做到業主、買家和代理三贏的局面。如果我今日收到呢個proposal,我會俾六至八個月的時間,睇市場反應再決定投唔投資。因為呢個app的成功關鍵,視乎地產代理和接受程度,我估計短期內阻力甚大。如果地產界反應正面,用家滿意度和人數持續增加,我絕對會考慮投資。

用家意見

高鐵物業顧問林澤斌,是個體戶式地產經紀。使用搵樓易兩個多月,他認為這個app能讓他認識更多客戶,但對於細行而言,跨區盤較為難做,「就好似佢推介一個中半山嘅客俾我哋,我哋暫時都唔知點搵個中半山嘅盤俾佢。」故他坦言:「實際上有聯絡到啲客,但暫時未有成交。」

地產界點睇

中原地產創辦人施永青:「我從未聽過呢個app,不過聽你哋簡單描述,之前亦有人做過類似嘅,理念唔係新。而且只係投資七位數,好難做到啲咩。因為推廣一個網站和app,需要好大推廣宣傳費用,而且一個平台要做到大量交易和有市佔率,才能發揮作用。」他又以中原的app為例:「就好似上中原個app,可以睇到我哋嘅盤多過佢好多,咁佢點吸引人去?要有咁多盤,需要好多線下投資,包括請人、經紀、鋪位。他指出內地有不少人做類似的計劃,但佢(內地)係燒全國的錢,你係燒全港,難度都好高!」

撰文:蔡璿驩攝影:鄭樹清攝錄:廖健昌ed_bn@nextdigital.com.hk

搵樓 樓易 app 樓唔 唔易
PermaLink: https://articles.zkiz.com/?id=184697

世說新經:科技霸權唔易做

1 : GS(14)@2011-08-13 22:22:39

http://hk.apple.nextmedia.com/te ... 307&art_id=15519638

本欄才寫過 HTML5不久,分別賣書及賣電影的 Amazon和 Walmart,真的推出 HTML5網站,繞過 iTunes Store的抽佣政策,相信所有不滿 Apple霸權的朋友,這次都一齊拍爛手掌。
點解 Apple係霸權?任何公司或集團,喺任何範疇有壟斷嘅地位,有佢講冇人講,基本上都會被稱為霸權。 Apple喺唔止一個行業地位舉足輕重,早兩個月推出嘅 in-app subscription,又要求所有商家若經 iTunes上客,就必須同佢哋分享 30%收入,聽落真係幾惡,唔俾人話霸權就怪。
之但係,今次暗渡陳倉嘅 Amazon同 Walmart,何嘗唔係另一個範疇嘅霸權? Amazon係實體書同電子書市場,幾乎趕絕傳統書商同出版商, Walmart係世界上最大嘅僱主,與其說成功扳倒 Apple,倒不如說霸權間嘅角力。事實上,問每個做生意的,都想成為一方霸主,盡量避免有後來者競爭,這樣生意才能長做長有,股東利益才有保障。

須靠真本事打江山

不過,互聯網與生俱來係最自由最開放嘅地方,喺網上做生意,要做到有地產、醫生、律師之類嘅霸權同壟斷地位,係唔可以單靠傳統方法,透過跟政府打交道或立法去保護自己行業利益。想做互聯網霸權,相對而言,要靠真本事打江山。
舉個例,科技界開發軟件和開發遊戲等,很明顯就不是霸權類的生意模式,一來開發軟件人人可以做;二來大部份軟件和遊戲的生命周期很短暫,很快被同類產品取代,一個 iPhone軟件即使很多人下載,估值都無法計算得好,換個說法,實情在互聯網時代做內容,很難成為霸權。
相反,建基於技術、社群、平台等模式的生意,像 iTunes、 Amazon、 Google、 facebook等公司,越早跑出越有利,別人就算有錢,想學想追,連門路都沒有,這樣才有可能成為科技霸權。
世說 新經 科技 霸權 唔易 易做
PermaLink: https://articles.zkiz.com/?id=275759

16歲踢甲組見盡星級外援 黎永昌神童唔易做

1 : GS(14)@2011-10-15 12:22:22

http://hk.apple.nextmedia.com/te ... 392&art_id=15699945
【集體回憶】有「牛奶仔」之稱的黎永昌( Danny), 16歲踢甲組,初出道已被冠以「神童」、「香港馬勒當拿」的稱號, 17歲起成為球隊正選,背後全靠不斷苦練,才能在當時的球壇立足。伴隨苦練而來的除了無數獎盃及榮譽,還有機會在 80年代與當年星級外援夏普立、漢斯貝利、沙尼、麥格夫、阿倫波爾及柏蘭尼等,共建香港球壇的光輝歲月。記者/攝影:曾雁平 部份圖片由受訪者提供

香港球壇光輝歲月曾出產不少「神童」,但最終能晉升為球星的其實不多,黎永昌是其一。 16歲已貴為加山甲組隊員,首季已有落場機會; 17歲獲升為正選後即在沙田第一城置業,因「未夠秤」,需由哥哥簽名,很快便供滿,之後一路樓換樓。現居天后的 Danny,其後轉會東方、南華及麗新等,見證 80年代香港球壇最風光日子。
Danny回想當年初出道,即在球壇惹來哄動:「除 16歲踢甲組,還入選港隊集訓隊;有傳媒將我同 60年代的『神童偉』黃文偉相提並論,又有記者拿我與馬勒當拿比較,稱我為『香港馬勒當拿』。」成名未有令「牛奶仔」迷失,繼續苦練球技,因他從不自覺是天才球員,亦不會以球星自居;縱使他出道第 3年,便以 18歲之齡入選最佳 11人。

不斷苦練單蹄變雙槍將

Danny說:「踢波,天份可能需要,但要成功,其實最需要下苦功;踢波與做人一樣,沒有捷徑,如出波、斬波、扭波及射波不夠好,便再練幾百次。練得多便會好,在比賽才發揮到;其實每場比賽可能只有幾次出波及射門機會,練得越多,比賽時表現的機會便越大。」在不斷苦練下,成功由單蹄馬(左腳)變為雙槍將,可勝任左右翼、甚至進攻中場及前鋒等不同位置。
當年本地球壇外援林立,華將要立足不易;球員時代不煙不酒的「牛奶仔」為保持狀態, 19歲便結婚,十多二十年球員生涯謝絕夜生活:「平日沒甚麼嗜好,最多是跟球會班主去酒吧看樂隊表演,自己只飲雜果賓治,但 12時前一定回家休息。」
70、 80年代球壇高峯期,精工、南華及寶路華等不惜工本邀請世界級外援加盟。 80年代初,東方為挑戰精工及寶路華等勁旅,林建岳很捨得花錢請外援, Danny指出,這段時間加盟東方的外援,就算名氣不算響,但全是好波之人;當中印像最深是夏普立(普雷斯頓中場)、漢斯貝利(諾域治門將)、沙尼(澳洲國腳,外號子彈)、加力查、柏拉斯奧斯(秘魯國腳)、麥格夫(北愛國腳)、阿倫波爾(英格蘭國腳)、布祿瓊(前英格蘭國腳)及柏蘭尼等。

從卜比摩亞身上認識世界

「記得漢斯貝利來港時名氣不算好大,但其把關技術令隊友及球迷留下深刻印象,他返英後踢了好幾年才收山;越有級數的外援越友善,只要肯學,他們很樂於分享。最友善是印度裔的英援夏普立,當時我剛從加山轉會東方,夏普立無論在操練或比賽,都很樂意提點我們,讓我們知道在場上甚麼是對、甚麼是錯,學到很多,對日後踢波幫助好大。我亦記得巴西外援尼圖及秘魯國腳柏拉斯奧斯,好波之餘人品超好。」
當年東方曾邀前英軍守將卜比摩亞(已故)執教,執教時間雖短,但已令黎永昌眼界大開:「他當時剛退休不久,接手東方主持季前操練,練跑超過一小時,球員以為跑完,豈料飲完水,又跑過!他全程帶着跑,讓我們見識到甚麼是真正的世界級;球員操練質量好高,每次操練都學到嘢。」雖然當年的訓練場地,如大坑東、九龍仔及跑馬地等質素甚差,但 Danny很少聽到外援抱怨,更時常早到;如下午 3時操練, 2時已見他們到場,令一班港將見識何謂專業。

踢南華球迷抬上山

在東方初嘗捧盃滋味後,黎永昌轉會南華,可說是生涯高峯:「當時林建岳到南華出任足主,我亦隨他轉會,月薪 2.5萬元,一簽便 3年;當時來說是很多錢,每贏一個盃,獎金多達一萬元,加埋聯賽基本獎金,平均月薪 3萬元,供樓之餘還有錢儲蓄。」效力南華期間,他更感受到做球星的榮譽及滿足感:「南華球迷又多又熱情,試過因為踢得好俾球迷從加路連山道抬上南華會,又試過被球迷夾道歡迎,現在回想仍然非常享受;但我不會因為這些榮耀而改變做人原則,依然努力裝備自己。」
在南華度過高峯, Danny之後隨林建岳轉會麗新,人工再加,月薪去到差不多 3萬元;只是當時已 28、 29歲,知道要為掛靴作準備。除了考教練牌,他同時開始做保險經紀:「我冇發過球星夢,但能以自己的興趣作為職業,如現在可再選擇,我會毫不猶豫再行這條路。」

黎永昌小檔案

花名:牛奶仔、神童、香港馬勒當拿
出生日期: 28/08/1962( 49歲)
身高: 1米 70
體重: 77公斤
位置:翼鋒、中場、前鋒
曾效球會:加山、東方、南華、麗新花花、麗新、米芝路、流浪
威水史:「 5. 19」港隊成員、 5次入選「最佳 11人」、總督盃最佳攻擊球員
現職:紀律部隊人員體育及康樂會會所經理
學歷:康樂及體育管理學碩士(港大專業進修學院)
家庭狀況:離婚,育有 1女(現讀大學一年級)
嗜好:賽馬、足球
2 : 拔刺者(4132)@2011-10-15 14:20:30

你有睇開波或踢波?
3 : 龍生(798)@2011-10-15 14:24:05

真厲害, 一朝得志, 沒有語無倫次, 做到的人真不多
4 : 拔刺者(4132)@2011-10-15 14:29:39

出生年代的不同啊!同期的鄧柱盛、俞建德、梁帥榮、梁能仁都是這種人,陳發枝成日係鴨寮街見到佢買嘢
5 : GS(14)@2011-10-15 14:30:03

2樓提及
你有睇開波或踢波?


無點睇開,但呢個算唔錯
16 歲踢 甲組 見盡 星級 外援 永昌 神童 唔易 易做
PermaLink: https://articles.zkiz.com/?id=276277

中環行蠱惑:「街佬」冇得撈 轉型唔易

1 : GS(14)@2011-11-14 23:02:25

http://hk.apple.nextmedia.com/te ... 104&art_id=15798778
區選落幕,成敗得失就留畀啲政治評論員、政黨人士去馬後炮,細莊比較好奇嘅係落選人士、特別係全職從政者,點樣面對加入失業大軍嘅問題。細莊老友 W,現職人力資源公司,以前係區議員,由佢講從政者辛酸,份外到肉。

諗住選立會仲大鑊

W同細莊講,一般較新、較年輕者,思考出路何去何從比較容易,通常都係搵份工再諗是否繼續投資時間做地區工作或者索性唔玩;最麻煩都係做咗幾十年嗰啲「街佬」,轉型唔易,又因為做慣議員,俾人招呼慣而放唔低身段, W面對呢類「求助」個案,都會同佢哋做個幾有趣同徹底嘅「自我認知」分析。
呢個分析主要係要呢班人面對現實,先搞清楚自身經濟實力,例如:有冇物業、要唔要供樓、有冇其他收入或賺錢能力、老婆有冇工作養唔養得起頭家、有冇「課外活動」同停止參加「課外活動」有冇手尾跟等。所以,好似啲本身係專業人士又開餐廳嘅,當然可以繼續發政治夢又照樣參加「課外活動」。又或者好似啲有好多抗爭平台嘅政客,一年到晚都有藉口籌款嘅「富貴草根」,亦當然生活冇問題啦。
W又繼續講,佢話最大鑊係明年仲諗住選立法會嘅朋友。成世人都係想入立法會,但選一次就起碼要成球嘢。朋友係冇乜家底兼要照顧一堆失業黨友,即使有人介紹佢去做雜誌、傳媒亦幫補唔到幾多,人去茶凉又未必再有「一筆過撥款」, W好擔心佢下年參選要按咗層樓,再輸就成為真正嘅無產階級,被迫同地產霸權抗戰到底。
逢周一刊出
環行 蠱惑 街佬 冇得 得撈 轉型 唔易
PermaLink: https://articles.zkiz.com/?id=276581

功課多脾氣大 仔唔易教

1 : GS(14)@2014-06-16 12:53:06

http://www.skypost.com.hk/港聞/要聞/20140616/001/功課多脾氣大%20仔唔易教/142505
不少家長望子成龍,但有調查指逾四成家長管教子女感困擾;逾七成關注小孩品格及價值觀,但培養時間遠不及學業。有機構指多數小孩做功課至晚上十點,出現情緒問題及每天發脾氣,專家籲給予孩子自由時間。
有機構在四至五月進行問卷調查,訪問三至十二歲兒童家長,逾千家長中,74%關注小孩價值觀和品格問題,不過每周花超過十小時培養小孩品格和價值觀的家長,僅得6%;相反,32%家長每星期會花超過十小時在孩童的學業上。
最關注品格 惟投放時間較少
聖公會聖基道兒童院服務督導主任陳香君分析指,原因是功課、學業讓家長有指標可以跟從,家長每天只要催促子女「達標」溫習功課,就完成學業上的管教;相反在品格方面,因未有客觀的標準,令家長無從入手。
臨床心理學家陸詠詩表示,家長可以考慮每天自製「感恩練習」,教孩子欣賞身邊的小事,令他們思想更正面。陸又指,孩子的品格培養需要由父母身教,建議父母多留意個人言行。
做到晚上十點 難放鬆鬧情緒
另外,有66%受訪家長指,管教小孩的情緒方面感到困難。陳香君認為,現時孩子生活習慣令他們情緒受抑遏。她指,透過平日工作觀察,大部分小孩做功課至晚上十時,初小階段每天花至少兩小時在學業方面,令小朋友難以放鬆,容易有情緒問題。最極端個案是有小孩每天鬧情緒一至兩小時,她建議家長可以讓小孩做功課前有半小時休息,令他們放學後可先放鬆再工作。
調查又指,逾半受訪家長每星期給孩子少於兩小時進行社交活動。孩子每天社交時間平均少於二十分鐘。陳香君指,家長重視小朋友學業是可以理解,除了遊戲,建議每天為小朋友訂立故事時間,小孩可從中放鬆和建立正面思考。
陸詠詩亦表示,家長需要理解孩童的個別需要,以訂立功課時間和遊樂時間,而非隨波逐流,不斷為小孩子增加工作量。
兒童之家「爸爸」:勿事事「我為你好」
政府一直資助非政府機構,免費為有需要的孩子提供各類住宿照顧服務,服務名額共有3,671個,當中包括院舍及非院舍兩類。院舍服務如留宿幼兒中心、兒童院等;非院舍服務則有寄養服務及兒童之家。兒童之家的「家長」,更要擔當父母角色,以愛心扶助孩子們成長。
成為兒童之家家長八年的張偉良,過去曾照顧22名小孩。曾有小孩因媽媽精神有問題而不能同住,孩子視每個人為仇人,不願意溝通。張花了一年開解他,最終成為其母子溝通的橋樑。對於時下家長管教方式,張認為應少用自我期望作指標,不要一味以為「我為你好」,此舉既未能激發孩子的工作動力,亦會加重孩子的壓力;家長可鼓勵小孩思考,想想自身的行為和後果。張憶述曾有小孩愛打電動,較少溫習,他未有立即制止,反而鼓勵孩子思考沉迷電子遊戲的後果,配合獎勵方法,一周後孩子想通了,自動校鬧鐘起床溫習,默書取得100分。
功課 脾氣 仔唔 唔易 易教
PermaLink: https://articles.zkiz.com/?id=284675

每日磅一磅減肥體重唔易反彈

1 : GS(14)@2015-06-24 08:36:12

想有效減磅?每日磅重提醒自己重了或輕了,或是最簡單直接的方法。美國一項研究發現,要求減肥人士每日磅重,體重會較容易下降,若磅重習慣持續,體重更不易「反彈」。本港營養師認為,每日量度體重可令人更注意體重變化與飲食的關係,亦有警示作用,減肥人士可效法。記者:嚴敏慧研究由美國康奈爾大學進行,162名參加者被要求以任何方法,如節食或做運動等減磅1%,並要將體重維持10日,然後再減1%,一直循環,以最終減10%體重為目標。研究跟進兩年,發現越頻密量體重並將之記錄的參加者,減重效果較佳,磅數反彈的風險亦較低,當中以男士的減磅效果較佳。過去有研究顯示,40%減去的重量會於一年內反彈,但是今次研究中頻密磅重的男性參與者,一年後的體重較初參與計劃時輕,顯示在維持期磅數之餘,更可再減磅。研究已於學術期刊《肥胖》發表。本港營養師黃榮俊表示,磅重次數越多,減磅成效越佳,相信是因為透過數字上的體重變化,容易與飲食掛鈎,「知食咗乜會體重上升,咁就會係一個警示,提醒自己點食嘢」。他建議正減磅人士可每日上磅,「或者會因為體重升咗唔開心,但應該轉化做動力,同自己講食漢堡包之後就會肥,下次唔好食」。磅重學問亦很多,黃指,在早上或晚上磅重,兩者磅數可相差2至3磅,因為經過一晚消化,食物已被吸收,並轉化為能量,故早上磅重較輕;故要正確評估體重走勢,應每日定時上磅,「唔可以一日朝早磅重,一日晚上磅重,咁會唔準」。減肥目標應為降低身體的脂肪比例,黃表示,傳統的浴室磅(即彈弓磅),主要量度總重量,但讀數較不標準,「企邊啲又唔同磅數,分開腳多啲又唔同磅數」;電子磅會比彈弓磅佳,較新型的更會有量度身體水份及脂肪比例功能,減肥人士能更準確知道減重效果。





來源: http://hk.apple.nextmedia.com/news/art/20150624/19196293
每日 磅一 一磅 減肥 體重 唔易 反彈
PermaLink: https://articles.zkiz.com/?id=291150

離巢唔易:田原俊彥被打至冇影

1 : GS(14)@2016-01-14 13:29:49

赤西仁


日本尊尼事務對執意離開的人氣偶像,會使出封殺令,趕盡殺絕,有些消沉像田原俊彥,有些無恙。



赤西仁2014年

KAT-TUN前成員赤西仁12年與黑木美沙結婚得罪事務所,前年解約,近年到內地開騷賺人仔。上月於內地「尖叫2016愛奇藝之夜」獲「亞洲人氣藝人」及「年度音樂大獎」兩獎。



田中聖2013年

也是KAT-TUN前成員,田中聖因多次違反公司規定而遭解約,目前以夾band為主。



森內貴寬2003年

ONE OK ROCK主音森內貴寬曾是NEWS成員,以學業為由退隊,後來成為福山雅治的同門師弟,是和平結束賓主關係的少有例子。



森且行1996年

原為SMAP一夥的森且行,轉行賽車界發展。




田原俊彥1994年

80年出道的田原俊彥當年約滿決意離開,事務所有感他不懂知恩圖報,以權力打壓,令他無法在主流電視台節目亮相,人氣大跌,直至近兩年才有翻身迹象。



鄉裕美1975年

70年代出道的鄉裕美解約後順利跳槽到Burning經理人公司,全因兩家公司高層有交情,才倖免被封殺的命運。



苦柿隊1988年

由本木雅弘、藥丸裕英和布川敏和組成的苦柿隊,被師弟「少年隊」狙擊宣佈解散,之後本木雅弘和布川敏和以演戲為主,藥丸裕英於主持界發展。因為形象沒與同門有衝突,多年來未受打壓。





來源: http://hk.apple.nextmedia.com/entertainment/art/20160114/19450357
離巢 巢唔 唔易 田原 俊彥 被打 打至 至冇 冇影
PermaLink: https://articles.zkiz.com/?id=294182

財經評論:香港「野人」唔易做

1 : GS(14)@2016-06-01 11:33:45

日前《壹週刊》有篇報道,講「野人」莫皓光的生活,引起頗大迴響。十幾年前他受一位環保老師啟發,由公屋搬到郊區生活,每個星期只工作三、四天,幾乎所有必需品都用二手,十幾年來無買過一件新衫。月入一萬元多,使四千、儲六千。完美示範如何在工時全宇宙最長、樓價最不能負擔的香港起革命!有網民留言欣賞他身體力行,可以過自己喜歡的生活,亦有網民反問「香港有幾多個莫皓光?」,指租金、家用及學生貸款已佔去收入的一大半。筆者倒佩服他,勇氣可嘉,敢於追求所想的生活,懷着「點解一定要賺好多錢等退休」信念,瀟灑走我路的率直。當然對他來說,更重要的是人類對大自然的消耗實在太過份。筆者有次去分享會,聽一位學者講環保,他大力主張人類不應再作無謂的消耗,首推減少非必要的旅遊。咩話?旅行喎!搭飛機喎!君不見一踏上開往機場的巴士或港鐵的港男港女面口寬容得多嗎?放假不要去日本睇櫻花、泡菜國搵OPPA可以嗎?根據入境事務處的數字,去年乘飛機外訪人數多達4,630萬人,較2014年增加310萬人,一年間的升幅已達數百萬,這個數據亦解釋了無論任何長假、短假及補假,公司總有幾張空凳。其實,筆者認為香港人未必是那麼熱愛認識異地文化,反而更多人把旅遊當作紓緩壓力的出口。言歸正傳,從環保角度來說,減少不必要的碳排放,的確是一種有效保護地球資源的好方法;但從現實的角度來說,要港人改變放假去旅行的慣性,相信仍需教育。順帶一提,野人的度蜜月是在大澳,身體力行「留港消費」,不過,前提是找到一位志同道合的伴侶。記者:陳家恩





來源: http://hk.apple.nextmedia.com/financeestate/art/20160601/19635657
財經 評論 香港 野人 唔易 易做
PermaLink: https://articles.zkiz.com/?id=301566

拍拖會否長久10條問題測易唔易分手

1 : GS(14)@2016-10-26 08:02:59

身邊人可以伴你走過一生嗎?如果無頭緒的話,這個由兩性關係專家凱蒂.雷(Kate Wray)設計的測試,或可為你提供線索。假如10條問題中,其中8條的答案都是肯定的,那你們的將來似乎相當不錯:1.你覺得現在的自己是最好的嗎?在人生不同階段,我們都有不同的角色。試想想在這段關係中,你與這個人在一起,你是否能夠表現出最好的自己?2.你們絕對信任對方嗎?你曾懷疑伴侶晚上外出到了哪裡?你要知道伴侶與甚麼人外出、到了哪裡的每個細節?你想過偷看對方的電話短訊或電郵?如果你有以上的疑問,那你不算絕對相信對方。3.你們兩個人都覺得自己是幸運的,而且經常都有這種感覺?你不能單單一個覺得自己是「幸運的一個」,要雙方同意才成立。4.你們會一起考慮長遠的未來,或想過一起變老嗎?如果你們曾想過年老後如何花錢,而且站在對方立場設想,這都可證明雙方都想建立長久關係。5.你們是要好的朋友?你們無所不談、每天都對話又或一同歡笑。6.你們喜歡對方的親友嗎?朋友和家庭對我們影響甚深。如果他們喜歡你,你亦喜歡他們,但伴侶不喜歡他們,那便會出問題。7.你會不會支持對方的決定?在一些重大決定諸如工作、家庭或財政上,你們意見一致嗎?如果你們沒能達成共識,你能夠支持對方的最終決定嗎?8.你們可以分開行動嗎?如果你們做甚麼都在一起,你們很快便沒有話題。擁有自己的興趣或分開與朋友見面,會令你們的關係更佳,你亦會因此珍惜你們一起的時光。9.你們有共同興趣嗎?任何一段關係都在尋求平衡,例如應該分配多少時間在一起,多少時間分開行動。但在日常生活中,你們應該會一起做某幾樣事情,哪怕是一起看某個電視節目或某項興趣。10.在重大事情上,你們會妥協嗎?在鎖碎的事情上,你們大多會覺得沒所謂,可以輕鬆地討論;但在重大事情上,便很難輕易妥協。這些重大事情包括你們是否要孩子、應怎樣帶大孩子或重大的財務決定等。英國《每日郵報》




來源: http://hk.apple.nextmedia.com/international/art/20161026/19812792
拍拖 會否 長久 10 問題 測易 易唔 唔易 分手
PermaLink: https://articles.zkiz.com/?id=313512

歌手唔易做蔣雅文移居台灣 Soler毁約破產

1 : GS(14)@2016-10-27 06:02:40

樂壇每年都有一堆新人冒出,好命嘅順風順水愈做愈紅,但事實有幾多個,紅到可以去紅館開騷?05年出道嘅側田,由06年至15年期間,先後6次踏足紅館開騷,相比起同年出道嘅歌手,側田呢張成績表算係好亮麗!但更多例子係,做咗幾年,撈唔起,自動人間蒸發,從此消失娛圈天與地!
Soler毁約破產澳門土生葡人組合,05年獲港台男新人銀獎同商台新人組合金獎。06年4月仿傚側田,出咗第一張唱片後,喺紅館開演唱會。年底同經理人公司要求解約,之後同經理人張丹不和對薄公堂。09年高等法院判Soler毀約,要向經理人公司賠償506萬元。12年由於Soler冇還款,被經理人公司申請破產。應昌佑做售貨員曾經係黎明旗下歌手嘅應昌佑,05年獲港台新人優異獎。但06年打後冇出過碟。事業上渾渾噩噩等運到嘅應昌佑,12年結婚14年做老竇,為咗搵奶粉錢,試過喺朋友時裝水貨店做sales同幫人設計網站。林苑側田舊愛05年獲港台新人優異獎。06年俾雜誌影到同側田喺屋企玩煮飯仔後,就冇乜聲氣,08年無聲無息下出過EP《我不快樂》。同側田甩拖後,09年有報導指佢喺大陸拍劇。但之後不知影蹤。蔣雅文移居台灣前英皇女子組合3T成員蔣雅文(Mandy),曾獲新城勁爆新登場組合獎。但之後發展唔如意,08年5月離港,到台灣讀設計同做兼職。之後長居台灣,開設自家服裝品牌"Little Secret",舊年元旦喺facebook宣佈已嫁生意拍檔鬍鬚男。
Kellyjackie一曲歌后當年憑一曲《他約我去迪士尼》成名,仲同陳慧琳合拍MV。但外人對佢嘅印象,止於此曲。14年打算轉型跟黃秋生學戲,又學雙節棍做「打女」,但樂壇成績暫時依然交白卷。




來源: http://hk.apple.nextmedia.com/entertainment/art/20161027/19813410
歌手 唔易 易做 做蔣 雅文 移居 臺灣 Soler 毀約 破產
PermaLink: https://articles.zkiz.com/?id=313690

【美國大選】女總統唔易做 單身冇仔生都被攻擊

1 : GS(14)@2016-11-10 07:40:29

評論員分析指希拉莉民望插水其中一大因素就是民眾不喜歡看到女性顯露「過多的」野心。



今次的美國大選鬧劇、指控和謊言多到數不完,先不討論誰對誰錯,不能否認的是希拉莉單純因其性別承受的壓力的確相當大。奧巴馬最近一次講話中亦表示,大家絕對接受男人在大家面前表現出對工作的野心,女士卻會遭抨擊為貪戀權力,認為希拉莉吃了不少苦頭。事實上,希拉莉每次在位民望指數都會飆升,這包括她成為第一夫人、參議員和國務卿的時候,但當她競選時民望馬上插水;評論員分析指其中一大因素就是民眾不喜歡看到女性顯露「過多的」野心。



社會科學家稱之為「母職懲罰」(Motherhood Penalty),即女性因性別刻板形象在職場遭受的歧視。菲爾萊狄更斯大學在今年2月發佈的研究*就特意測試性別對今次選舉的影響程度。男專女卑的價值觀未必人人肯承認,所以研究人員嘗試在問題中挑起性別問題-一半的受訪夫婦會先被問兩人的薪金差距,再問大選會投票給誰,另一半問的次序則相反,看看有甚麼分別。結果顯示兩組男士中,希拉莉的支持度相距24分、合共8%支持率。而同樣的測試換上希拉莉提名賽對手桑德斯則完成無影響,即問題針對性別多於黨派。換句話說,調查結果可顯示,現時美國社會未必能完全接受由女人統治,尤其是男性。另一樣女性領袖要承受的就是對其家庭或婚姻狀況的攻擊。除了電郵門事件,希拉莉最常被指控的都是針對其女性身份,而且非常兩極。傳統派的會罵她不乖乖留家做主婦(希拉莉1992年「我決定不在嘆茶、焗曲奇餅」論),女權主義者就指她懦弱,丈夫多次鬧性醜聞都繼續啞忍,可謂兩邊不討好。


女首長遭性別歧視事件簿:


-蔡英文:新華網今年刊登《國際先驅導報》文章〈起底蔡英文〉指她「沒有愛情、家庭、子女的掣肘,政治上偏向情感化、極端化」。文章由海峽兩岸關係協會理事王衞星撰寫,新華社最後將該文在網站上刪除。-澳洲前總理吉拉德:競選時被對手Bill Heffernan說故意選擇不生育的人(deliberately barren)不了解人生真諦,不是合適的總理人選。-朴槿惠:競逐總統候選人文在寅批評是「沒有人生的男人婆」、「因不曾經歷生產、教育和買餸格價」,當地傳媒亦封她為「三無女人」和「冰公主」資料來源:*"Effect of Gender Role Threat on Vote Preference." Feminist Philosophers. N.p.,2016. Web.07 Nov.2016記者:馬朗澄


傳統派的會罵她不乖乖留家做主婦,女權主義者就指她懦弱,丈夫多次鬧性醜聞都繼續啞忍,可謂兩邊不討好。

蔡英文曾被指她「沒有愛情、家庭、子女的掣肘,令政治上偏向情感化、極端化」。

澳洲前總理吉拉德著名的「厭女症」演講中數盡在位時曾遭受過的性別歧視。



來源: http://hk.apple.nextmedia.com/su ... t/20161109/19827239
美國 大選 總統 唔易 易做 單身 冇仔 仔生 生都 都被 攻擊
PermaLink: https://articles.zkiz.com/?id=314760

天后男友唔易做蔡依林錦榮拍拖6年少公開合照

1 : GS(14)@2016-12-24 10:42:35

■蔡依林多次被拍得孖錦榮食平民餐,更傳要AA制。資料圖片



身高158cm嘅台灣天后蔡依林(Jolin),喺聖誕節前夕突然傳出同拍拖6年、身高189cm嘅男友錦榮結束6年情,令人傷心!
Jolin同錦榮喺2010年開始拍拖,唔只身高有成31cm差距,連地位都好懸殊,一個天后,一個只係靚仔男模,女尊男卑似乎暗藏心結。Jolin同錦榮拍拖雖然唔係秘密,無論出街食飯、行超市定去旅行都試過被人野生捕獲,fans同記者撞破過好多次,最搞笑嗰次應該係2013年,Jolin同錦榮食完飯,原本錦榮開車送女友返屋企,半路中途錦榮跳車逃走,要由Jolin一個人開車返歸。雖然話Jolin同錦榮拍拖6年,但一直都冇公開合照。直至今年7月,Jolin喺馬來西亞舉行完《我呸PLAY》巡迴演唱會翌日,先喺官方討論區貼咗一張兩人chok樣托腮嘅相,但點知只係隔咗4個月,就傳出分手。不過,錦榮之前接受台灣傳媒訪問已經講過,結婚會有三條件,包括婚戒不離手、老婆跟丈夫姓、夫妻財產共有,呢3個條件,同兩個人身份地位似乎有啲衝突,難怪拍拖咁多年傾唔掂數,最終由婚訊變「分訊」啦。




來源: http://hk.apple.nextmedia.com/entertainment/art/20161223/19874380
天後 男友 唔易 易做 蔡依林 錦榮 拍拖 年少 公開 合照
PermaLink: https://articles.zkiz.com/?id=319869

【今日笑一笑】開門易唔易?貓咪:so easy!

1 : GS(14)@2017-01-05 08:07:08

貓主人見到這幕,會感到崩潰嗎?外國這頭貓咪坐在門邊枱面,望望門柄,便「不求人」的自己動手開門,整個過程只10多秒,輕輕鬆鬆便打開木門,絕塵而去。
instagram




來源: http://hk.apple.nextmedia.com/international/art/20170104/19886293
今日 笑一 一笑 開門 易唔 唔易 貓咪 so easy
PermaLink: https://articles.zkiz.com/?id=321348

曾認遭勸退 「爭選委票唔易」

1 : GS(14)@2017-01-22 01:56:54

■曾俊華昨到商台受訪與DJ兼劍擊徒弟森美(右)合照。王心義攝



【本報訊】自曾俊華辭職後,政圈不斷傳出有人勸他不要參選,甚至有傳以中央職位交換,原本一些答應為他助選人士更遭挖走。曾俊華昨於電台節目中承認,的確有人勸他不要參選,但不回應北京是否以高職利誘,又稱爭取150選委支持「相信都唔容易」,表明會繼續用誠意爭取選委票。政圈盛傳中聯辦為林鄭拉建制選委票,而建制派將全力支持林鄭,令曾不夠150票入閘,曾俊華在電台節目中承認,要爭取150選委支持「相信都唔容易」,但笑言:「我諗我至少有一票(指自由黨田北俊)。」但同意參選路崎嶇,「冇仗係容易打,容易打都唔係仗」,又暗示林鄭背後有建制力量支持,稱大家也看到林鄭「各方面嘅支持係相當大」,希望宣佈參選後,能令更多人覺得他會勝出。



指陳智思跳船無礙友誼

外間盛傳中央曾勸退,曾俊華說:「唔會講同邊個傾過乜嘢。」但承認確與很多人傾談,大部份支持參選,亦有人「畀其他意見」,「例如話贏唔到,唔好嘥時間,各方面都有,可以做吓其他嘢」,不過,「最後決定都係自己決定,會衡量我初心做呢樣嘢」。早前曾俊華說,傳中央以亞投行副行長職位交換棄選消息根本不可信,他昨再被問到是否有人利誘棄選,即時「嘩」了一聲說:「好多人同我講好多嘢,但好多嘢都唔方便講出嚟,我唔可以話有定冇,因為好多嘢都唔係適當。」對有傳已答應助選的陳智思轉投林鄭陣營,曾指這是陳的選擇,自己並無不開心,又強調無影響與陳的朋友關係,他決定參選前「未捉過乜人簽過生死狀」,指大家可能「傾過偈」,但不能說有任何承諾,又不覺得事件好重要。■記者林俊謙




來源: http://hk.apple.nextmedia.com/news/art/20170121/19904268
曾認 認遭 勸退 爭選 選委 委票 票唔 唔易
PermaLink: https://articles.zkiz.com/?id=323489

白韻琹呻婆媳唔易相處

1 : GS(14)@2017-01-22 02:17:19

陳淑蘭與許博文為ViuTV主持清談節目《晚吹:總有一件喺左近》,昨日蘭子邀得白韻琹擔任嘉賓,分享婆媳相處問題。白姐姐笑謂與奶奶相處不容易:「新年會去紐約探佢,打牌輸畀佢都嬲,覺得我特登鬆章,其實我都係亂打。」白姐姐老公謝偉俊(Paul)是否都有私人空間?她說:「我成日都見唔到佢,佢要喺立法會。」驚不驚對方偷食?「都冇得驚,我估佢冇乜,佢個人都悶悶哋。」至於有報道指她與Paul買6,600萬豪宅?她說:「係呀,喺干德道上面。不過我香港唔多物業,美國就多,今次喺拉斯維加斯都買咗7間,但唔升價嘅。」採訪、攝影:盧妹




來源: http://hk.apple.nextmedia.com/entertainment/art/20170121/19903721
白韻 婆媳 唔易 相處
PermaLink: https://articles.zkiz.com/?id=323576

【愛佢定害佢】兔兔玻璃心唔易養 復活節後遺棄多一倍

1 : GS(14)@2017-04-15 23:29:16

Yvonne說其實養兔一點也不容易,醫療開支大之餘更需要細心和耐性,留意兔仔的身體狀況和情緒。



復活節好不好?當然好啦,難得有長假,梗係要盡情玩。不過去玩復活蛋、去日本玩櫻花都好,都千祈咪玩養兔,最緊要,唔好玩完就丟。「如果你送兔仔畀人,收個人根本唔鍾意,咪遺棄佢。甚至有人特登餵佢食唔應該食嘅嘢,例如樂天熊仔餅、朱古力咁,做乜?整死佢囉。」香港兔友協會幹事董芳宜(Yvonne)說,兔友協會每年接收近二百隻棄兔,每月平均接收近二十隻,但在復活節後一個月,棄兔會多一倍至近四十隻,「往年復活節領養頻率唔特別高,反而復活節後大概一個月,會多咗人棄兔,特別多熱心市民或養開兔嘅人,會打電話上嚟話喺街邊見到有兔仔跳嚟跳去,或有朋友嘅朋友突然唔要兔仔,點算好?特別多呢啲查詢。」

長毛兔最多人遺棄

市面上買兔仔好平,一般只需三百至五百元,就可將兔仔連籠及糧食帶回家。不少人未經對方同意,就決定在復活節送兔仔當禮物,往往落得兔仔無辜被遺棄的下場,「有啲最初好有熱誠,想喺復活節養兔,養咗一段時間發現,兔仔唔似一般寵物易養,唔識發聲,互動冇咁多,主人熱情消減咗,就有棄兔念頭。」棄兔由家兔,到近萬元一隻的名種兔都有。特別容易被遺棄的是長毛兔,因甩毛較多,而都市人多有鼻敏感毛病,「覺得就係佢問題」。長毛亦要常梳毛打理,否則會「打晒餅」,甚至黏上排泄物,以致有臭味,「嫌棄佢有臭味,又唔知係自己冇打理佢嘅問題。」將問題怪在兔仔身上的人,要幾多有幾多。Yvonne分享上星期有市民致電協會,說家中兔仔快死,但他沒有錢帶牠看獸醫,不想兔仔死在家裏。當日該主人帶同兔仔來到,職員發現兔仔嚴重過瘦、牙齒過長且脫水,連張開眼的力氣都沒有,懷疑主人虐待動物,遂交由警方處理。誰知該主人在棄兔後翌日再次致電,「話想接番隻兔仔,佢就話『唔緊要呀,我可以攞過第二隻兔仔』,呢個世界真係乜人都有。」



特別容易被遺棄的是長毛兔,因甩毛較多,都市人多有鼻敏感毛病。長毛亦要常梳毛打理,否則會「打晒餅」。

兔仔開心時會突然跳起揈頭,跳「兔仔舞」;生氣時會大力踏地甚至咬人;自在舒服時則會打側躺下,叫「中槍」。

香港兔友協會每月平均接收近二十隻,但在復活節後一個月,棄兔還會增至近四十隻。


養兔醫療開支大細心耐性唔少得

其實養兔一點也不平,醫療開支一般比飼養貓狗還要大,而且很需要細心和耐性,留意兔仔的身體狀況和情緒,「要留意佢食唔食嘢、去唔去大便。」兔仔膽小,且不太適應環境變化,可能家人突然在兔籠旁打爛東西,牠也會受到驚嚇,所以主人要找到問題,否則「兔仔可能唔食嘢十幾個鐘已經救唔番」。Yvonne認為香港生活環境細,兔仔相對其他寵物,需要的生活環境較細,算是適合養兔。只是很多兔主沒有正確飼養知識,易感徬徨。其實一般從協會領養兔仔,都有義工跟進,可教授主人正確養兔技巧。「例如兔仔鍾意咬嘢咬電線,所以見到電線特別興奮,尤其唔知點解通咗電的電線特別興奮,所以喺屋企自由活動要收起電線。」而木門、牆紙亦是兔仔的愛咬之物,用圍欄圈起活動範圍就可避免煩惱。現時協會有五十八隻兔子,由五位職員照料,由有病痛到半身不遂的都有,「呢度冇臭味,每隻兔仔都健康又肥肥白白,相信一個人照顧一隻兔仔,絕對冇問題。」
facebook:兔協 HKRS記者:封愷瑜攝影:梁志永




來源: http://hk.apple.nextmedia.com/su ... t/20170415/19990533
愛佢 佢定 定害 害佢 兔兔 玻璃心 玻璃 唔易 易養 復活 節後 遺棄 多一 一倍
PermaLink: https://articles.zkiz.com/?id=330679

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019