ZKIZ Archives


周汶錡無懼法國恐襲

1 : GS(14)@2015-01-23 08:50:33





周汶錡(Kathy)、JW及Ana R.等一班名模昨晚出席在灣仔會議展覽中心舉行的上海灘時裝騷,她們都穿上上海灘的服飾到場,當中以JW的旗袍最有中國色彩。
Kathy接受訪問時表示,今年農曆新年會跟丈夫到法國度假,她說:「先生係法國人所以今次會順道去探親同食下嘢,最主要都係去滑雪,同以往唔同今次會滑夠十日。之後會去巴黎玩,唔擔心恐襲,唔擔心得咁多,出去玩處處都差唔多。」她笑言自己有六年多滑雪經驗,但仍不及丈夫豐富。另外,JW表示今日會起程到日本滑雪度假,所以農曆新年沒有假放。採訪:羅慧敏 攝影:陳順禎





來源: http://hk.apple.nextmedia.com/entertainment/art/20150123/19012225
周汶 汶錡 無懼 法國 恐襲
PermaLink: https://articles.zkiz.com/?id=287417

孕婦唔見肚:周汶錡剝衫晒肚

1 : GS(14)@2015-03-12 19:16:56





周汶錡


早在去年Mandy Lieu已被傳懷有「華種」,近日Mandy被拍得肚皮時凸時平,懷孕消息撲朔迷離,其實圈中有不少星媽懷孕期間,身形改變不大,手腳依然纖幼。



周汶錡(懷孕第五個月)

上月公佈懷孕,陀B五個月的她穿上比堅尼,身形依然纖瘦,完全不似懷有身孕。




徐淑敏(懷孕第五個月)

生了三個「Mini黃浩」的徐淑敏,懷孕骨架不變,更經常穿高跟鞋,健步如飛。




陳慧琳(懷孕第四個月)

二○○九年誕下細仔「小龍包」劉琛後,身形全無改變,被質疑請代母生子。




李嘉欣(懷孕第五個月)

李嘉欣懷着兒子許建彤時,手腳纖幼,不似一般孕婦身形變腫,事後網民廣傳她的懷孕有機餐單。





來源: http://hk.apple.nextmedia.com/entertainment/art/20150312/19072650
孕婦 唔見 見肚 周汶 汶錡 錡剝 剝衫 衫曬 曬肚
PermaLink: https://articles.zkiz.com/?id=288415

地氈下藏坑渠大肚周汶錡中伏click一click

1 : GS(14)@2015-03-15 21:32:46





已懷孕逾五個月嘅大肚婆周汶錡(Kathy),昨晚身穿紅色吊帶裙、腳踏五吋高踭鞋出席amfAR慈善晚宴。由於現場紅地氈變成黑地氈,碰巧地氈下蓋住咗坑渠位,令地面不平,故唔少名人都中伏叉錯腳,包括Kate Moss同Ball后薛芷倫,就連陀B嘅周汶錡都中招,好彩冇事。問到係咪陀得好辛苦?佢話:「唔算辛苦,BB都幾乖,都錫我囉,反而有時我動作太大,朋友提我要小心啲,之前試過個肚有少少抽筋,扯下扯下咁,可能因為自己又跪又踎。」講到佢大住肚都着五吋高踭鞋,唔驚畀老公鬧咩?佢話:「老公唔知道,因為條裙遮住。」咁腹中塊肉係仔定女?Kathy表示:「早幾日去照過,BB仍然係蹺腳,遮個住樣,唔知係男定女,唔緊要啦,仔女都冇所謂,預產期六月尾七月頭,朋友都提我要先搵陪月。」
Kathy表示已肥咗十磅,自己冇乜戒口,但就冇飲酒亦冇食蟹,胃口亦冇乜點變。講到Mandy Lieu大肚時亦飲酒,Kathy表示:「每人選擇都有不同,我選擇唔飲,會乖。」問到到時係順產定開刀?佢話:「我好怕,好驚入手術室,希望開刀,喺入面瞓着咗,一醒先知乜事。」





來源: http://hk.apple.nextmedia.com/entertainment/art/20150315/19077173
地氈 氈下 下藏 藏坑 坑渠 大肚 周汶 汶錡 中伏 click
PermaLink: https://articles.zkiz.com/?id=288503

周汶錡宣佈陀仔會追女湯盈盈懷第二胎照跳舞

1 : GS(14)@2015-04-05 22:29:55





■錢嘉樂與湯盈盈再有喜,前晚去睇鄭敬基及李逸朗演唱會,企定定任影。


錢嘉樂與太太湯盈盈已育有兩歲囡囡凱晴,日前再傳有喜,不過二人三緘其口。二人前晚與洪天明到九展,捧鄭敬基與李逸朗向張國榮致敬的音樂會,鄭敬基在台上玩踢爆,呼籲台下觀眾起身跳舞懷念哥哥時,望住盈盈笑言:「如果懷孕就唔好跳,或者有咗兩個月都唔好跳。」盈盈在台下笑笑口照跳。



■湯盈盈全場high爆,跳哥哥名曲《無心睡眠》時天明還捽盈盈頭的臉。




■周汶錡懷B六個多月腹部未算好大,穿上薄荷綠裙依然苗條。

天明加把口

到散場時盈盈慢行護肚,與嘉樂企定定給記者影相,在旁的天明又笑住大叫記者:「小心啲,你哋。」記者上前恭喜嘉樂再做老竇,他全程笑晒:「遲啲先講,係開心事。」另外兩位準媽媽周汶錡(Kathy)與Cara G.,前晚在銅鑼灣利園出席時尚活動,同場還有徐濠縈和樂基兒。已有六個多月身孕的Kathy腹部未算好大,她透露腹中BB性別:「噚日check咗,係仔。」有否失望?她說:「女可以扮靚,我有好多手袋物件留畀女,會追多個,下一步啦,搞掂呢個先。」記者讚她會生混血靚B仔,她笑言:「係咩,追吓女仔都好,健康就OK。」


■阿徐前晚出席活動力撐Eason與韓紅友情深厚。

阿徐讚韓紅

阿徐老公陳奕迅(Eason)早前與韓紅上《我是歌手3》,韓紅以「包租婆腔」飆高音唱陳奕迅飲歌《十年》,遭網民指糟蹋,阿徐說:「大家風格唔同,韓紅風格響亮,佢喺內地好紅要騷quali,Eason唔想搶佢把聲,佢哋感情唔錯,係為佢打氣。」採訪:溫敏芝、卓寶花攝影:陳順禎





來源: http://hk.apple.nextmedia.com/entertainment/art/20150403/19099692
周汶 汶錡 宣佈 陀仔 仔會 會追 追女 女湯 盈盈 懷第 第二 二胎 胎照 跳舞
PermaLink: https://articles.zkiz.com/?id=289242

【add】紅人主場:周汶錡 名模孕記

1 : GS(14)@2015-05-14 08:35:44

Escada桃紅色長裙Giuseppe Zanotti閃石高踭鞋金色黑石戒指


下周41歲的名模周汶錡(Kathy),2012年和靚仔法國男友Julien Lepeau結婚,甜蜜二人世界兩年,準時懷上第一胎,人生規劃美滿到不得了!已有八個月身孕的周汶錡,捧住巨肚拍照,眼神多了母性溫柔與幸福,七月開刀迎接新生命,中法混血BB已有「功夫熊貓」的乳名,專在半夜活動,「佢應該係派對型,生出嚟可能有黑眼圈,哈哈!」撰文:林妙萍攝影:郭賢興造型:趙潔恆髮型:Debby of Hair化妝:諺瞳.小白「仲有兩個月,心情好難形容,又想佢快啲出世,但又好享受佢而家喺肚入面呢個moment!」即將升格做媽媽的周汶錡,將於七月入院剖腹生第一胎,名模本事練成神奇遮肚法,長期不見巨肚。這天周汶錡依然着住模特兒標準尺碼的長裙、晚裝,貼身薄裙,巨肚才首次現形。



Ralph Lauren軍綠色閃石晚裝

Escada珠片花飾連身裙Giuseppe Zanotti金色高踭鞋



功夫熊貓BB

「BB而家兩磅幾,正常出世都係六、七磅,佢呢兩個月會快速增磅,可能遲啲都會開始辛苦,而家就OK。」名模媽媽好友琦琦、歐陽妙芝等,人人和她講述小生命如何神奇,如何奇妙,直到自己肚皮多動靜,才真正感受到,「你講畀我聽,我都冇嗰個感覺喺度,而家就開始慢慢感受到嗰樣係母愛。有時見到個肚凸起咗一個角,唔知係手定腳,定係籮柚仔pat pat,個角由一邊打橫掃去另一邊,好誇張!我又會諗,佢喺入面做緊乜呢?我會唔會壓實佢?會唔會夾親佢呢?」蝦餃(陳慧琳兒子)、小糯米(楊冪女兒)、小土豆(姚晨兒子)、小花(孫儷女兒)……圈中明星子女的乳名,全部都可愛又可口。周汶錡的中法混血兒子呢?相信應該會叫做Panda(小熊貓),「好好笑,因為老公妹妹有三個小朋友,兩個係五歲同七歲,佢哋問BB有名未,我話未,佢哋就話叫Kung Fu Panda(卡通片功夫熊貓),哈哈哈!因為覺得功夫就係中國人,啲朋友笑我,梗係啦,你成日唔瞓,等個仔出世,咪panda咁,一對黑眼圈囉!」不過,她表揚BB是乖寶寶,陀仔八個月,完全沒妊娠不適、嘔肚、賴床午睡等情況,「我真係覺得OK,冇乜唔慣,阿B都幾乖啦。不過,醫生都話我會早產,有四成孕婦都有呢個機會。」



■周汶錡與丈夫Julien於2012年結婚。

■Kathy上年40歲生日就大搞懷舊派對。



老公醫院陪瞓

周汶錡於2012年嫁給法國男友Julien Lepeau,兩人在法國南部、香水古城格拉斯的Chateau Diter古堡莊園舉行婚禮,翌年香港擺酒。不少準爸爸視為神聖大任務:剪臍帶,周汶錡公開拒絕老公操刀,令人失笑,「因為剪都要有技巧,剪得唔靚就無謂啦,都係畀專業人士做,何況佢都唔夠膽。」老公要入產房陪生,原來之後更會醫院陪瞓,皆因Kathy原來從未在醫院住過,「總之我好怕醫院,出世嗰日之後,未喺醫院留過院,所以都好緊張,可能一見到手術燈我已經震晒;喺醫院好寂寞,有佢陪住冇咁悶。」不過,初生嬰兒每隔兩小時要餵奶,相信將會忙個不停。



■Kathy與丈夫計劃生至少生兩個。

■今年2月Kathy透過傳媒發放比堅尼照報喜。



兩三歲才入學

梁詠琪被老公Sergio的西班牙傳統嚇親,法國傳統又如何?「冇乜特別,佢哋好casual,鍾意屋企多人,生細路就越多越好,我就最多生兩個,希望啦,太多我湊唔嚟。」Kathy和老公有共識,希望兒子有個開心、簡單的童年,「我哋諗法一致,兩、三歲先畀佢入學,唔會去playgroup,或者一歲就學外語嗰類。小朋友應該做番小朋友嘅事,讀乜學校、幾多歲做啲咩,冇乜壓力,唔會特別去安排。」子女人生成就、贏在起跑線之類?「冇乜期望,我覺得冇需要去控制太多,囝囝孝順、有禮貌呢類基本,最緊要過得開開心心。」



【靚孕婦潮着指引】

周汶錡陀住七、八個月身孕,依然輕鬆瀟灑,連身褲、高腰晚裝、高踭鞋,繼續有型有款嘅名模氣勢。「其實我都着番平時着開嘅款式,冇特別買太多衫。」她覺得孕婦腹大肚圓,一樣可以時尚示人,秘訣之一是服裝以簡單線條為主,「因為個肚已經有番咁上下,着得太累贅,反而會顯得臃腫。好多人諗住鬆身衫遮吓肚,但其實貼身啲,着出嚟嘅效果更好。」顏色也是關鍵,「唔好成日黑沉沉,最近興番pastel color,粉紅、粉紫、桃紅之類,都好精神又靚。」



■Kathy大住肚仍經常出席時尚活動,但身形仍舊瘦削,瀟灑有型。

Bottega Veneta牛仔珠片裙



1.簡約、貼身剪裁2.服裝細節及層次不宜過多3.避免黑沉色調,多穿粉紅、桃紅色4.活動應酬,宜化上淡妝更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20150514/19146435
add 紅人 主場 周汶 汶錡 名模 孕記
PermaLink: https://articles.zkiz.com/?id=290308

周汶錡執袋隨時生B

1 : GS(14)@2015-06-12 08:54:52

周汶錡(Kathy)陀B仔近9個月,現在全面停工安心養胎,日前她為造型師馬天佑拍攝名為「15fame」的企劃影相,當中她有在鞋店穿上高踭鞋推BB車,昨日她接受電話訪問時表示:「輯相都係圍繞我喺報紙嘅新聞,大住肚都要靚,例如我着高踭鞋去活動,之前姑仔啲仔女幫BB改咗叫Kung Fu Panda花名,所以用咗熊貓公仔當BB。」
Kathy透露近日忙着準備B仔的用品:「呢排要開始執走佬袋,同忙買佢啲衫仔,BB一日要換4、5件衫,所以要買多啲。」問到她有甚麼胎教活動,她表示會聽鼓聲節拍的玩具:「佢好鍾意聽,夜晚就不停踢,好似開party咁。」Kathy透露BB名尚未諗好:「係老公負責諗,佢諗咗兩個,我提議多一個都被佢反對。」採訪:唐如





來源: http://hk.apple.nextmedia.com/entertainment/art/20150612/19180877
周汶 汶錡 錡執 執袋 隨時
PermaLink: https://articles.zkiz.com/?id=290817

老公入產房見證周汶錡誕7.2磅混血B

1 : GS(14)@2015-07-04 14:18:02

■Kathy昨日誕下7.2磅B仔,她透過助手表示開心又感動。資料圖片


現年41歲的名模周汶錡(Kathy)在2012年跟法籍靚仔Julien Lepeau結婚,過完兩年的甜蜜二人世界後,去年底懷上第一胎,夫婦二人已擇定吉日,即昨日剖腹生B。Kathy昨晚透過助手表示中法混血靚B仔重約7.2磅,相當「重手」,相信是遺傳了Julien的大隻佬基因。周家上下都大為高興,Kathy母親及妹妹周麗淇都全日在醫院守候,而Julien亦陪她入產房,助手指Kathy見到BB出世,開心又感動。



臨盆隊紅酒

新任爸爸Julien心情當然興
老公 產房 見證 周汶 汶錡 錡誕 7.2 混血
PermaLink: https://articles.zkiz.com/?id=291260

周汶錡團年食泰菜

1 : GS(14)@2016-02-09 12:17:00

周汶錡(Kathy)前晚撇甩7個月大B仔Jacques,與法籍老公Julien Lepeu到跑馬地撐枱腳團年。大約晚上8時,戴着口罩的Kathy坐老公車抵達跑馬地,兩人先到櫃員機提款,然後到了一間泰國菜館食晚飯,不過個多小時飽餐過後,二人可能發現唔夠現金,結果又再到櫃員機提款,對鏡頭極敏感的Kathy,離開時更發現記者拍照,本來已經除下口罩的她即急忙再把口罩戴上,而Julien Lepeu由於將車泊得太近路邊,故他先行上車將車稍為駛出Kathy才能上車,等候期間Kathy亦不時留意記者舉動,警覺性頗高。採訪:黃曉程、朱志聰





來源: http://hk.apple.nextmedia.com/entertainment/art/20160209/19484407
周汶 汶錡 團年 食泰 泰菜
PermaLink: https://articles.zkiz.com/?id=295653

【add】紅人主場:周汶錡我的小情人

1 : GS(14)@2016-02-11 10:21:58

Louis Vuitton紅色真皮連身裙


名模周汶錡(Kathy)絕對是人生勝利組,愛情事業大滿貫,去年七月更趕及40歲和法籍靚仔老公誕下混血囝囝Jacques。今年情人節,首次多了這個七個月大的小情人,「自己少少變態咁,有時抱住佢,真係唔想放低,好得意呀!」朝朝狂咀囝囝,夜晚抱住不肯放。小情人冧爆名模媽咪,Kathy也期望今年再多追一個小情人!



撰文:林妙萍攝影:郭賢興造型:顏英儀化妝:Omix B髮型:Jack Ng@Kr+



周汶錡對上一次接受add訪問,陀住八個月圓渾大肚,時間一轉眼就過,今日再到影樓受訪,周汶錡和法籍老公Julien Lepeu生的囝囝Jacques已經七個月大,「佢而家爆咗一粒牙仔出嚟,又而而呀呀學講嘢,唔知講爸爸先定媽媽先。」



帶阿B去旅行

升格媽咪後,連笑容都柔和了,Kathy猴年第一個挑戰是帶囝囝坐長途機往法國探九十多歲的太爺,「都幾緊張,有少少擔心,第一次坐咁長途,十一個鐘頭,以前坐慣飛機,最怕遇到小朋友,好嘈、狂喊;而家輪到自己,就好怕影響到人,好矛盾。今次又去兩個星期,同埋老公要滑雪,天氣都凍,新挑戰!」索媽媽其實都睇得開,最緊要笑住面對,放鬆心情「做咗媽媽之後,每一日發生嘅事對我都係新挑戰,都ok啦!到時抱住佢當一個暖袋咁行來行去囉。」



Gucci七彩針織裙紫粉紅針織披肩

Elie Saab米白喱士晚裝



自認變態媽咪

混血囝囝Jacques大眼可愛,肥嘟嘟,除了冧爆父母,更成為網紅BB,隨便一張萌照都有幾千likes,「多likes過我呀,哈哈!不過佢真係幾得意,我而家心理上好似少少變態咁,有時抱住佢,真係唔想放低,有時半夜我餵奶,好似上星期好凍,我直情同自己講:好暖呀,我唔抱你落嚟呀,好似一個變態阿媽咁。」常說,女兒是爸爸前世情人,那麼兒子就應是媽媽的小情人,「我每日都放一張新相入佢自己嘅album入面,一日一張,睇住佢由出世到而家,由七磅到二十磅,整個過程,個人仔係慢慢長大,幾得意囉,而家好期待佢爬!幾好湊,唔會亂喊,通常係餓先喊。」



中藥進補再追

有情人不用老公?今年情人節她和老公、囝囝,一個大情人,一個小情人齊齊慶祝。「其實,我老公唔鍾意情人節,我哋好少慶祝,有一年試過,咁我要求去食飯,去酒店食西餐,你知好full,我哋兩個位就喺大堂正中間,好怪,一啲都唔浪漫,夾硬食咗餐大家都唔enjoy嘅飯,我哋都有共識,唔一定要過情人節。」41歲的周汶錡,已努力食中藥進補、不設防,希望可以短期內再追一個仔女,「我真係想追多一個,想佢有個伴,好似我同Niki(周麗淇)咁,成長過程會開心好多,生多個仔陪佢去打下交,或者生個女嚟激下我,仔女都冇所謂,盡量啦!」



【BB成長日記】



七個月

五個月玩selfie

四個月洗白白



初生至三個月

出生第一天



【產後神蹟】

周汶錡去年剖腹產子後,只是二十多日就修身成功,體重回復陀B前,潮媽、辣媽美名之外,網民更誇譽為「產後神蹟」,「有冇咁誇張呀?你話冇脹到、啲肌肉冇鬆到,就呃你既,我係好彩囉,真係好彩。我嗰時陀仔陀得低得滯,唔可以做運動,開完刀又唔可以,係好好彩!而家要重出江湖,做番瑜珈、gym先得。」懷孕時,和所有媽咪一樣,豁出去,最緊要BB,「冇得控制自己個肚幾大、嘔唔嘔,我冇特別戒口,生活都好照常,如果樣樣唔食,BB咪唔夠營養。」



■周汶錡性感大肚寫真。

■法籍老公Julien Lepeu。

■聖誕節變小禮物,有五千多likes。



更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20160211/19486171
add 紅人 主場 周汶 汶錡 錡我 我的 的小 情人
PermaLink: https://articles.zkiz.com/?id=295836

周汶錡追女湊個好字

1 : GS(14)@2016-02-28 16:39:25

周汶錡(Kathy)和鄭希怡(Yumiko)昨日在尖沙嘴出席Tsumori Chisato時裝騷,大會各自送了一個刻有Kathy和Yumiko孩子名字的小飾物給她們。
Kathy穿上品牌七彩繽紛的服飾,甚有少女氣息,被問到會不會為兒子Jacques扮靚,她說:「因為BB唔係成日出街,平時喺屋企都係着啲舒服啲嘅衫,同埋男仔冇特別,都係戴吓帽,着下衫褲仔呢啲,女仔反而會多選擇啲。」提到陳慧琳曾經幫囝囝劉昇(蝦餃仔)打扮到成個囡囡咁,Kathy說:「冇諗過呢樣嘢,而家BB頭髮未生出嚟,如果佢鬈鬈哋,都會幾得意,比較可愛,未生所以唔知直定鬈。都想生個女,而家加油緊喇!」採訪:王連連攝影:仇志德





來源: http://hk.apple.nextmedia.com/entertainment/art/20160228/19508483
周汶 汶錡 錡追 追女 女湊 湊個 好字
PermaLink: https://articles.zkiz.com/?id=296340

周汶錡42歲生日勁晒Hermès闊太袋

1 : GS(14)@2016-05-21 18:29:47

■Kathy手上的Hermès Kelly Pochette手袋,是名媛最愛。


【星時尚】今日42歲生日的名模周汶錡(Kathy),雖然已沒有行天橋,但身材同樣貌都keep得弗,近年專心湊仔做媽咪,不時於Instagram share生活照,最近她就在Ig大晒Hermès和Chanel新袋,未知是否生日禮物?



Hermès Kelly Pochette手袋

ValentinoMy Rockstud小手袋$14,900(Lane Crawford)

ChanelClassic皮袋$35,700


■潮媽Kathy拎紅色Chanel手袋配軍褸,非常sharp醒。


其中一張相看到Kathy穿上大熱off-shoulder的all black套裝,襯Hermès Kelly Pochette手袋,造型優雅高貴;而另一張就潮着軍褸,晒Chanel紅色菱格手袋,十足潮媽!



撰文:StyleGuru





來源: http://hk.apple.nextmedia.com/entertainment/art/20160520/19619299
周汶 汶錡 42 生日 勁曬 Herm 闊太 太袋
PermaLink: https://articles.zkiz.com/?id=300857

周汶錡Joey做貓女郎齊戴Fendi新黑超

1 : GS(14)@2016-06-06 03:03:15

前日天文台發出今年首個酷熱天氣警告。不少女星紛紛在風和日麗的日子,騷一騷夏日必備的黑超。靚媽周汶錡及容祖兒不約而同在IG騷金色cateye太陽眼鏡,齊做貓女郎。這副眼鏡屬Fendi EyeShine系列,鏡片至貓眼飛角都用了水銀反光鏡片,折射金光,超有型。周汶錡還襯了同品牌的Peekaboo手袋及蛇皮肩帶,點綴denim shirt及七彩褲的夏日打扮。





來源: http://hk.apple.nextmedia.com/entertainment/art/20160602/19637075
周汶 汶錡 Joey 做貓 女郎 齊戴 Fendi 新黑 黑超
PermaLink: https://articles.zkiz.com/?id=301960

萌爆一歲!周汶錡BB$250法牌棉tee過生日

1 : GS(14)@2016-07-06 08:11:31

周汶錡(Kathy)同法籍老公Julien Lepeu的中法混血囝囝Jacques(雷棨宇),可謂城中最吸likes的Baby,面圓圓眼大大的萌樣,一個post隨時吸5千個likes!大前日Jacques一歲生日,Kathy和老公無幫囝囝大搞生日派對,或舖張玩主題活動,只是平凡又溫馨在屋企過,招呼幾個朋友仔吃蛋糕、吹蠟燭。Jacques之前著過Gucci嬰兒鞋,而baby生日look,就非常日常地著了法牌Petit Bateaus的棉質嬰兒衫,全白只有logo的款式,減價中約$250。不過,小Jacques認真可愛,一笑就冧暈不少粉絲。更多時尚、美容新聞,即上:http://add.appledaily.com





來源: http://hk.apple.nextmedia.com/entertainment/art/20160706/19683381
萌爆 爆一 一歲 周汶 汶錡 BB 250 法牌 牌棉 tee 生日
PermaLink: https://articles.zkiz.com/?id=302720

性感型媽 周汶錡着Burberry大方透bra

1 : GS(14)@2016-07-09 07:02:14

周汶錡得天獨厚,生了剛踏入一歲的可愛混血B仔Jacques,身形依然超弗,前日出席餐廳開幕時,身上中性的軍風外套,內襯喱士上衣,透出黑bra,性感有睇頭,下身的喇叭長褲還突出大長腿優點。這身誘惑而有型的中性look,出自Burberry今個早秋系列,除了透bra上衣是焦點,她手上的Patchwork軍綠蛇皮手袋都是亮點所在,皆因這款手袋都是獨一無二,拼皮、刺繡、格紋組合出百變款式,絕不怕撞到一式一樣。更多時尚、美容新聞,即上:http://add.appledaily.com





來源: http://hk.apple.nextmedia.com/entertainment/art/20160709/19688148
性感 型媽 周汶 汶錡 錡著 Burberry 大方 bra
PermaLink: https://articles.zkiz.com/?id=303140

周汶錡off-shoulder 襯Fendi別注黑超 時尚透心涼

1 : GS(14)@2016-07-17 15:41:39

靚媽周汶錡(Kathy)雖然平日忙住湊混血B仔Jacques,又不時現身出席活動,不過忙碌之餘都不忘經常update ig同大家share生活照。除了Jacques的可愛萌樣相片之外,亦會經常share收到的新禮物。
Kathy身為名模揀夏日必備的黑超當然夠貼潮,日前Kathy在ig po新相,穿上白色off-shoulder上衣,非常透心涼,而所配戴的黑超則來自Fendi與法國設計師Thierry Lasry全新別注太陽眼鏡,設計從品牌1980年代皮草工作室的設計圖稿中汲取靈感,連鞏俐都係用家。更多時尚、美容新聞,即上:http://add.appledaily.com





來源: http://hk.apple.nextmedia.com/entertainment/art/20160716/19697632
周汶 汶錡 off-shoulder Fendi 別註 註黑 黑超 時尚 透心 心涼
PermaLink: https://articles.zkiz.com/?id=303962

潮B之選周汶錡晒混血囝囝Giuseppe新鞋仔

1 : GS(14)@2016-08-09 07:10:51

名模靚媽周汶錡(Kathy)的混血B仔Jacques趣緻又可愛,所以Kathy不時都會在IG po他的萌爆得意相與大家開心share。
Jacques身為名模的囝囝,衣著品味當然與媽咪一樣有番有上下。日前,Kathy在ig po了Jacques的一對新鞋仔,這對黑撞金的高筒sneakers來自意大利鞋王Giuseppe Zanotti Design,品牌今年秋冬才首推出童裝系列,iconic的sneakers變成mini版cute到爆,相信Jacques着上腳仔之後會立即變身潮B。更多時尚、美容新聞,即上:http://add.appledaily.com





來源: http://hk.apple.nextmedia.com/entertainment/art/20160808/19727298
之選 選周 周汶 汶錡 錡曬 混血 囝囝 Giuseppe 新鞋 鞋仔
PermaLink: https://articles.zkiz.com/?id=304996

周汶錡不設防追女

1 : GS(14)@2016-09-04 18:03:47

周汶錡、鍾麗淇、Mr.鼓手Tom及太太、楊鎧凝等昨日在銅鑼灣出席慈善活動,周汶錡的兒子Jacques已14個月大,她坦言想生多個女,問她與老公是否不設防?她細聲地說:「努力,加油,老公好鍾意小朋友,想生3、4個,本身阿仔爬嘅速度好快,今日佢學行幾步,其實我想佢行,又唔想佢行,好忐忑,因為佢唔識行可以抱住佢,但佢識行就要睇緊啲。」鍾麗淇表示想帶兩個女兒到場,但因為本身有工作,老公就提議她下次先。她指今年5歲多的大女,患有4號染色體缺損綜合症,現時行路不錯,可以單手扶住東西行路,故她想帶大女出來見人,問到囡囡會否怕陌生?鍾麗淇說:「之前去迪士尼佢唔怕,但唔知對住咁多閃光燈驚唔驚。」採訪:黃曉妍攝影:陳俊強


■鍾麗淇(右)開心指患病大女行路大有進展。

■Mr.鼓手Tom和太太帶囝囝參與慈善活動。



來源: http://hk.apple.nextmedia.com/entertainment/art/20160904/19759157
周汶 汶錡 錡不 設防 追女
PermaLink: https://articles.zkiz.com/?id=307468

圈中長腿索媽周汶錡陀住B照晒腿

1 : GS(14)@2016-09-06 22:50:58

李嘉欣前日同家人去半島high tea着住條橙色短褲勁晒長腿,其實圈中仲有唔少長腿索媽嘅例子o架!陳慧琳
Kelly08年同劉建浩結婚,分別喺09年同12年生咗兩位囝囝「蝦餃仔」同「小籠包」,雖然兩位公子都已經7歲同4歲,不過Kelly仲keep得好好,而佢嘅招牌長腿都仲係咁出眾。梁詠琪
Gigi出道時有「高妹」之稱,佢喺去年幫西班牙籍老公Sergio生咗囡囡Sofia,產後冇耐復出工作,當時雖然佢未修身,不過都無礙佢勁晒一對長腿。周汶錡同樣都係去年生B嘅周汶錡,身為model嘅佢產後極速修身,而周汶錡喺陀B嗰陣,佢仲喺instagram post過大肚長腿相,呢啲咪天生麗質囉!呂慧儀「長腳蟹」呂慧儀前年生咗囝囝黃柏翹(Anton),冇耐就復出開工,仲繼續佢「長腳蟹」身份晒長腿。




來源: http://hk.apple.nextmedia.com/entertainment/art/20160906/19761508
中長 腿索 索媽 媽周 周汶 汶錡 錡陀 陀住 照曬 曬腿
PermaLink: https://articles.zkiz.com/?id=307827

周汶錡貼中賽果

1 : GS(14)@2016-09-14 05:52:18

周汶錡昨晚出席中環舉行的手錶活動,穿上低胸deep V現身。講到今年港姐,周汶錡自爆貼中賽果,問她是否包括爆粗馮盈盈?她即落閘說:「呢個唔講喇!覺得自己有眼光箒!」同場的許廷鏗被問到港姐爆粗事件,則表示不太清楚,他說:「網上平台係好公開嘅!每人總有年少輕狂時候。」問他會否講粗口?許廷鏗承認有時會有助語詞,但不會攻擊人,又指女仔如太粗鄙也難接受。另外,徐濠縈的私人Instagram戶口,早前流出陳子聰病癒後照片,未料最後演變成蘇永康與公關鄭紹康不和風波。徐濠縈本來出席活動,為免成為傳媒焦點,最後選擇不出席。採訪:羅慧敏攝影:沈健程




來源: http://hk.apple.nextmedia.com/entertainment/art/20160914/19769830
周汶 汶錡 錡貼 貼中 賽果
PermaLink: https://articles.zkiz.com/?id=309063

周汶錡混血B肉腿照炒鞋Yeezy Boost吸睛

1 : GS(14)@2016-10-14 06:52:20

名模周汶錡(Kathy)又在instagram晒混血B仔Jacques的得意相,Jacques着住一件格仔衫加短褲仔,另加一張肥嘟嘟肉腿close up,繼續萌爆吸like。
Jacques出世以來都同媽咪一樣有好多靚衫靚鞋着,今次就着住炒上癲價的adidas Yeezy Boost的童裝版,細細個就一展模二代的潮流氣息。




來源: http://hk.apple.nextmedia.com/entertainment/art/20161014/19800164
周汶 汶錡 混血 肉腿 腿照 照炒 炒鞋 Yeezy Boost 吸睛
PermaLink: https://articles.zkiz.com/?id=312022

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019