ZKIZ Archives


IT佬做到會 一人公司苦與樂

2011-12-22  NM

我叫胡逸鳴,阿Nik,曾在一間跨國企業任IT部主管,月薪過十萬。兩年前,人到四十,突然厭倦一星期公幹四日,還要向客人「呃呃氹氹」賣無用的電 腦產品的生活,毅然辭職,投資一百萬元在西貢開設Partymate,售賣派對及BBQ食物。我以為,從此可以找回快樂。 開鋪後才知道,原來醃雞翼、賣肉丸「咁難」。仲要連個天都唔幫我,開業連續六個週末都落雨,無人去燒烤,鋪頭蝕足九個月。 我不認輸,知道靠散客實「好快執」,回想以前打工時湊慣公司客,於是轉攻公司客,做遊船河派對及私人派對到會。One Man Band入貨、煮食、送貨,做侍應一腳踢。雖然生意轉虧為盈,但代價是一日只睡四個鐘。對着客人,我成日笑笑口,但背後的辛酸,只有我老婆先知。


上 星期五,保險公司AVIVA高層謝小姐在家和同事搞派對。派對八時開始,我六時半從鋪頭出發,捧着兩個載滿煙肉、羊排、春雞的保溫箱,揸車往清水灣道寶珊 苑。預早一小時到達,但十六個賓客已經到齊。我先攞出在鋪頭切好的煙肉片給他們送酒,然後將春雞在焗爐翻熱,轉身又幫他們開蠔。他們搖着酒杯細聲講大聲 笑,輪流唱卡拉OK。 謝小姐搭着膊頭對我說:「呢嚿黑毛豬我喺羅馬買的,攞去其他鋪頭切要收錢,但你就免費。」我連即場開蠔都唔收錢,謝小姐梗鍾意。她每次搞派對,只同我講參 加的人數和每個人頭大約二至三百蚊,食物種類由我決定。今晚收費大約五千蚊,我不會即場叫她找數,只需之後寫張報價單直接傳給她公司會計部。 晚上九點半終於甩身,謝小姐遞了杯紅酒給我,我俾面喝了少少,根本無心情。剛才記者拍我切牛扒更緊張到手震震。他們口中說當我是朋友,但我好清楚他們只是 客。做朋友生意更麻煩,個個見我開檔都話幫襯,但就叫我送多十杯蟹柳沙律,哪敢推?看着他們玩,我卻企埋一邊撈沙律,連水都不敢飲,驚他們說食物味道差。

對人歡笑背人愁
不 要以為到會只是端出熟食咁簡單,準備工夫花足一整天。今早九時返到鋪頭收生蠔,Tiramisu要雪半日,所以要快手攪雞蛋、熔芝士;十時多,伙記梅姐回 來了,她幫我拿出羊肉及牛肉解凍,我負責調味。老實講,我不懂下廚,弄到會食物全靠電腦內十幾款醃料配方,但怕落錯分量,每次都要開着電腦睇「貓紙」,像 傻佬般喃喃自語:牛肉用香草紅酒醃、羊配胡椒薄荷葉,雞翼用水牛辣……眨下眼到五時,時間愈來愈緊迫。突然聞到燶味。哎呀﹗一時忘記,麵包已經成黑炭,要 剷走再做過。 現時鋪頭的生意,佔六成都係公司客和私人酒會的到會,部分是我做IT公司時的客戶。他們好多以前叫開大公司到會,即使有投訴都無人理。所以我每次做到會都 自己去,公司客最鍾意我這種小公司服務夠貼身,所以要搵錢就要辛苦些。做有錢人生意,一次都不能錯。有次送漏咗一份沙律,我即刻飛車由西貢送到鰂魚涌,做 出信譽,就不斷有回頭客。公司客貪穩陣,覺得好就不會成日轉,比散客忠誠得多。 上年在朋友轉介下,有個住在南灣私家別墅,花園都成萬呎的客人,找我搞通宵生日派對,一單生意有三十萬元,賺近二十萬元。我花了一個月時間準備,打電話去 廣告公司搵DJ,安排音響燈光,買長枱鋪晒白布設自助餐區,又搭咗個酒吧台,派對由夜晚十點玩到翌日六點,燒烤完、煮消夜再煮埋早餐,請咗十幾個兼職廚師 先搞得掂,好刺激,賺到錢又賺到經驗。

日日望天打卦
想當初見住西貢村屋的人喜歡BBQ,但這區甚少同類型鋪頭。開鋪 前我在網上搵齊各區燒烤店的資料,自己去天后、大埔買料燒烤食足一個月,發現用香草、蔬菜作醃料的BBQ店少,走日式、印尼、泰國口味的更少,我決定行高 檔肉食路線。我識食唔識煮,只知泰國燒雞翼好食、牛肉配紅酒、羊架滴檸檬汁,但醃製分量一概唔知,於是搵喺半島、萬豪等酒店餐廳做過廚師的朋友配製,以為 萬事俱備。怎料,平時坐慣辦公室的我,沒意識到六月開業,七、八月份三十幾度無人燒嘢食。又時運低,連續六個週末都下雨,客人少之又少。唉,牛排豬排擺兩 日就變壞,派街坊都派唔晒,隔日就要拖住八十磅凍肉扔去垃圾站。開張後,每個月蝕三萬蚊,蝕足九個月。
我不想再望天打卦,做BBQ生意毛利僅兩成,雨天淡季沒人燒烤,好景時一個月只做七萬蚊生意,僅夠維皮交租買貨。我想將生意發展到全年有得做,於 是花二十萬元買了一艘二手的中式遊艇,做遊船河加到會,並非食菠蘿腸仔、咖喱炒飯,而係食鵝肝醬多士、意大利菜湯、刺身、芝士蛋糕,其他日子則主力做上門 到會,來買BBQ食物的街坊客變得次要,有時趕住準備到會食物及送貨,直情關門不做生意。現時,除租金、食物等成本,我有三萬蚊人工落袋之餘,仲有七至九 萬蚊盈利。不過一日未回本,我都唔敢亂使錢,要儲起佢,留來日後發展。

從頭做起 學醃雞翼
我之前在印刷公司PB任亞 太區IT部門顧問總管,去四季食飯閒閒哋三千元。直至開鋪做生意,先知道原來連切肉都唔識。有次供應商送來一整排羊肋骨,我拿住幾十磅肉,切咗十個鐘,邊 切邊流眼淚,覺得自己好無用。原來醃雞翼好難,雞皮脂肪厚,醃極不是太淡就太鹹。一次有師奶走進來,扔低袋雞翼鬧我:「你今日賭輸馬吖,醃到咁鹹點食。」 唯有退錢道歉。我連續三個月試不同方法,甚至買支針筒,把醬料打入肉,終於醃出味來。不過當訂單多時,怎樣逐隻打針?最後發現洗完雞翼後「飛水」,抹乾水 分醃夠二十四小時,味道最好。 以前部門百幾人由我管,依家?請個仔做兼職都搞唔掂﹗兩年內請咗超過二十人,無一個做得長。八十、九十後生仔,做事馬虎唔上心,叫他們送貨咁簡單都送 漏。有次我要煮四條船近二百人的食物,請個二十歲妹仔回來幫手,但她卻繑埋雙手,我嬲得滯扔隻鑊落地,她最終喊住走。打工十六年,老婆成日怨我周圍飛去 公幹,沒時間陪她行街去旅行,依家One Man Band,忙起上來,反而要老婆來幫手,把她的假期也剝削了。 雖然創業的路比想像中困難,人工不及以前高,但以前打工經常同人權力鬥爭,針鋒相對,心理變態,創業起碼間鋪頭屬於自己,心裡踏實。

開業資料
06/2009 租 金*$84,000 裝 修#$800,000 入 貨$150,000 雜 費$100,000 總投資$1,134,000 *兩個月上期,一個月按金 #包廚具、爐具、冷氣

營業資料
11/2011 總營業額$420,000 租 金$36,000 入 貨$210,000 人 工^$38,000 雜 費$40,000 盈 利$96,000 ^包老闆人工、一個全職 ####

 

IT 佬做 到會 一人 公司 苦與 與樂
PermaLink: https://articles.zkiz.com/?id=30022

買樓上唔到會點解救? (答) Home Blogger

http://www.homebloggerhk.com/?p=5954

Billy問做咩臨約定個成交日期咁短? 一般做九成上會要較長批核時間,最少都要有45日成立期先穩當。如果定立了臨約之後想悔約,經紀會列明約上而一般都係殺訂賠傭了事。以本個案為例要比人殺訂$50000同比傭$26000,或有情況係比哂兩邊即$52000,所以臨約一個簽名價值用十萬計!

而定立臨約後指引規定要係14日內上律師樓簽立賣方給予買方的(俗稱:必買必賣)合約。如在成交日期任何一方毀約,就唔只殺訂賠傭咁簡單,毀約一方要賠償對家係該時間內賣唔出樓既合理財務損失。有些Agent係唔會理以上咁多野,因為你簽左臨約佢份傭金就落袋!

令Zoe & Ben上唔到會的,又係萬惡既卡數,基於金管局給予供款不能超出該組借款人總入息一半既原則,睇下佢地死係邊:

Ben支出結欠每月還款
生恆銀行信用卡$100000Min pay $5000
幫人財務個人貸款$50000分5年還$1000
供車尚欠$40000$6000
   
Zoe支出  
生恆銀行信用卡$30000Min pay $1500
用信用卡做免息分期買按摩椅尚欠$8000$724
用信用卡做免息分期買美容療程尚欠$9000$800

 
Zoe既不固定傭金因時有時冇所以唔可以計入入息。每年交稅都係一千幾百所以Zoe唔會儲起稅單,所以要證明不固定收入實為無憑無據。至於信用卡免息分期供款已合併在該卡每月還款的數目內,計左信用卡還款就唔駛計免息分期。

另外,銀行計供款比率要行壓力測試,一般要+2%利率,所以經紀講每月還一萬是正確的,但銀行計用$12611都是正確的。

供款比率=$(5000+1000+6000+1500+$12611)/(12000+16000)= 93%
支出差不多大過收入,真係唔明點解仲會去睇樓。

Zoe & Ben心諗有冇得發爛,話agnet冇講比佢知間樓下年要維修,誤導佢地所以責任歸代理一方。自金融海嘯後濫用「誤導」一詞既人實在太多啦,謹此呼籲看倌不要靠「誤導」為免除自己應有責任既藉口。況且間樓都未落實維修,佢地發爛不成。解結用以下方法:
加長年期
銀行可以幫到佢地就係加長還款年期,九成加至30年每月$8885,七成就每月$6900。

重組車按
加長供車年期,每月還$2000,記住問車行攞返份證明文件先有用。

銀行話加長年期同重組車按之後都仲係借唔到,叫佢地加擔保人借七成比佢地,其餘兩成叫佢地搵「財仔」借埋佢。

加擔保人=「all-monies obligation」
好彩Zoe有個仲未結婚既姊姊michelle,月入$20000,家姐都每月要還卡數$4000。家姐簽左個名,因擔保條款係「all-monies obligation」,即係要擔保埋Zoe係該銀行既卡數及所有借貸,仲有第時銀行如要收樓而產生的支出。家姐梗係知咁大鑊啦! 可惜借錢兩個人竟然唔知! 當然今時今日仲有少數銀行係唔用全數擔保既。

係借七成即$1.82mil分30年還,每月還$6900(stress test=$8900)之下,供款比率=$(5000+1000+2000+1500+$8900+$4000)/(12000+16000+20000)= 46%總算勉強過關。可惜家姐唔甩個擔保,以後買樓都幾難。

下章再講佢地點借埋淨低兩成佢,同埋係咁短成交期點樣上到會,請like諗樣網多多支持。

樓上 到會 解救 Home Blogger
PermaLink: https://articles.zkiz.com/?id=43712

Ella驚爆有喜公司:時間到會跟大家分享

1 : GS(14)@2016-10-19 05:49:17

台灣女子組合S.H.E出道15年,由少女變做人妻,o依家仲做埋媽媽o添!講緊嘅係同老公賴斯翔結婚4年嘅Ella陳嘉樺,今日《台灣壹週刊》就爆料,Ella喺年中嗰陣同一間烈酒廠商接洽傾代言,不過到last minute先至過唔合作,而原因就係因為Ella原來有咗BB。報道仲話Ella未夠3個月所以未可以公佈,而佢2016年接咗多個內地真人騷嘅工作,o依家只係剩一個唱歌真人騷節目,所以佢嚟緊可以放心安胎咁話!而Ella所屬嘅唱片公司華研表示:「謝謝大家關心。有什麼好消息,時間到了一定會跟大家分享。」似乎有所暗示咁喎!




來源: http://hk.apple.nextmedia.com/entertainment/art/20161019/19805178
Ella 驚爆 有喜 公司 時間 到會 大家 分享
PermaLink: https://articles.zkiz.com/?id=312701

【到會食好西】去骨海南雞+咖喱牛腩 開P試食東南亞口味

1 : GS(14)@2017-12-11 00:11:31

阿賢熱愛下廚,開設主打去骨海南雞的餐廳,成為招牌菜。

全新旅遊專頁,即like籽想旅行:https://fb.com/travel.appleseed派對食物不是日式就是西式,不如試試東南亞風味的海南雞到會呢?36歲的鄭哲賢自小貪吃,六歲就第一次踏入廚房。


16歲正式學廚,由日本餐學起,輾轉已經二十年,年頭他在尖沙嘴開了自己的食店「雞匠」,主打去骨海南雞,做外賣自取、送貨或上門的到會。外送或自取到會,跟堂食價相同,外送另加運費。至於廚師上門到會服務,12人份量由$6,000起,視乎客訂單要求而定。


阿賢選用60日大,約兩斤半的新鮮雞做海南雞,愛牠大細適中,脂肪也不會太多,每隻$230。

爺爺燜大花菇是家傳菜,選用日本秋田菇,加上阿爺獨門秘方,味道只此一家,$78。

雞匠只賣咖喱牛腩,阿賢說他試過咖喱醬配牛是最佳配搭,而選擇美國牛胸腹是牠比普通牛腩的肉質更有咬口,例牌$78。



海南雞食得多,不過要做到肉嫩唔「䊹」口就好睇師傅功力,阿賢透露整海南雞步驟,他會先用鹽、胡椒粉及糖在雞身內外醃一日,隔日放滾水煮,再浸冰水,煮及浸冰水的時間都要恰到好處,才能保持肉嫩。雞皮不帶肥膏,皮肉相連,雞件絕不會碎濕濕。有雞當然要配飯和湯,雞飯用鮮油,加入自家調味醬汁,食落香而不膩。至於雞湯就每日加入新鮮雞骨,不停翻滾,上菜前再加入少許蝦米,完全無加味精。另一樣自家菜是咖喱牛腩,阿賢選用美國頂級牛胸腹,肉味重又肥美,再加入由十種香料調製的咖喱粉,香而不辣,例牌$78。最後是爺爺燜大花菇,由阿爺傳授的秘方,冬菇夠厚身,好味重點在燜冬菇時加入豬肉,令冬菇更入味。現在店舖只得阿賢一個廚師,如果想要做廚師上門到會的朋友,他提醒要早一星期前預預訂,以便安排。


配海南雞飯的湯以用剩的雞骨熬製,每日加入鮮雞骨,做法似滷水汁,最後加入蝦米提味,既香又鮮,飯配湯$15。

有海南雞當然唔少得雞油飯,油飯是加入由十種香料混合的醬汁,包括香茅、乾葱、蒜頭及黃薑等,不過精髓之處是混合雞湯打成的醬汁,飯配湯$15。



雞匠尖沙嘴柯士甸路15號金巴利大廈地下A舖採訪:鄭紫珊攝影:許先煜



來源: https://hk.lifestyle.appledaily. ... e/20171209/20239097
到會 食好 好西 去骨 海南 咖喱 牛腩 試食 東南亞 東南 口味
PermaLink: https://articles.zkiz.com/?id=345189

【中茶西菜】鬆脆焗豬手配武夷山茶 搞埋到會每位$180

1 : GS(14)@2017-12-18 03:53:07

雖然外賣店在工廈中,但裝修與器材投資過百萬。

全新旅遊專頁,即like籽想旅行:https://fb.com/travel.appleseed香港仔最新進駐了一家主打中西合璧的外賣店,提供到會外賣西式餐點和中式的茶飲。「因為其實市面上,茶點的到會較少,如坊間比較多會食一碟碟比較大的飯或沙律,而我們就會走比較精緻的路線。」老闆之一的楊澄倩(Edith)表示。「而當初會選用中式茶和西式餐點的配搭,是希望突破一般大眾刻板的印象,認為中國茶一定要配點心,西餐一定要配咖啡,其實中國茶配西式料理,一樣可以有很好的化學作用。」店名「和 And」亦有平衡、中庸之道的意思,「就好像Jacky和我,一男一女;中茶和西餐,一中一西。」


「我們這裏有十九款茶,而大部份的茶,亦是我和Jacky親身到中國和台灣的種茶地區去採購回來的。」Edith對茶藝除了有濃厚興趣,多年來更專注鑽研茶藝的文化,並且已經考獲茶藝及評茶師的專業資格。店內除了茶葉款式多選擇外,兩位店主亦有親身到採茶地區視察以確保茶葉質素。「我們亦有到過採茶地區視察,去看他們的生產過程,和看他們茶葉的生長情況。」店內除了有較傳統的中式茶外,亦有順應潮流的趨勢,推出一些冷調茶。中國的茶配上台式的做法,如加上奶蓋或是做成水果茶,務求符合大眾口味外,亦可以令人學到中國茶原來的特色。


烏龍茶桂花茶珠,$48。

芝士紅茶紅鑽,$38。



「豬手會用六個小時去慢燉,令到它的肉質會比較濃,而且焗起上來豬手的皮會很鬆脆。」除了飲品外,老闆兼主廚朱卓騏(Jacky)對煮食亦有一定要求,豬手用上六個小時去煮成外,另外再需要花時間去風乾再放進焗爐裏焗大約半個小時,出爐之後會再在豬手掃一層蜜糖去平衡豬手本身的鹹味,由開始到送到客人手上需時一天。另外肉醬意粉亦是其招牌菜,他們會先煮一個意式茄汁,加上肉醬去慢燉六個小時,用低溫的方式去令肉醬更入味,令整個醬汁的味道更豐富,即使是外賣店亦可見其心思。


店內提供19款不同的茶葉,Edith更會不時與客人交流品茶心得。

「和 and」兩位店主楊澄倩與朱卓騏。



和 and(Tea& Food studio)香港仔大道234號富嘉工業大廈18樓1室採訪:葉浩昇、賈碧嘉@Foodcaptain.hk攝影:許先煜



來源: https://hk.lifestyle.appledaily. ... e/20171211/20240758
中茶 茶西 西菜 鬆脆 豬手 武夷 山茶 搞埋 到會 每位 180
PermaLink: https://articles.zkiz.com/?id=345419

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019