ZKIZ Archives


冬菇亭新丁 月賺三十萬

2012-10-11  NM




記者自小在沙田博康邨長大,每天 回家都經過樓下「冬菇亭」的大牌檔,但嫌其食物質素普通兼無新意,十幾年來都甚少幫襯。早前離家半年,走同一條路回家時,發現「冬菇亭」一角新裝修了,開 了一間叫「燒川煲」的大牌檔,還在店內加設冷氣房。原本冷清的夜市,頓時變得燈火通明,人氣旺盛。新老闆原來是做了二十五年粵菜大廚的鄭偉麟(麟哥,四十 二歲)。他與拍檔許卓興合資百萬頂下大牌檔,再耗資過百萬裝修翻新。為盡快回本,拍檔沿用舊檔名「合發」做早午市,賣粉麵,麟哥則用「燒川煲」之名做晚 市,賣川菜、燒烤。開張兩個月,已有百二萬營業額,上月盈利達三十萬。新丁創業成功,全靠在選址、營運模式及菜式三方面下功夫。

上週六晚,冬菇亭內廿多張枱,坐滿八成。枱上不是雞煲、水煮魚,便是烤魚、烤大蝦,再加數支啤酒。亭外亦擺放六、七張枱,「室外空氣流通,不會食到一身油 煙味。」有年輕客人說。冷氣房內多是家庭客,有師奶笑笑口道,「有冷氣舒服啲,又唔使怕出面嘅二手煙攻到老人家同小朋友。」現場所見,十居其九都是街坊 客,只有一兩枱生客看到雜誌廣告,特意前來試食。今年六月初,鄭偉麟經朋友介紹,認識大牌檔的持牌人方叔。「他只做早午市,年紀老想退休,下一代又唔想 做,舊年生意開始差,一年蝕咗廿萬。」鄭偉麟找來旺角標記樂園老夥計許卓興,洽談了一星期,決定以一百一十五萬頂下方叔的三個鋪位。現時方叔仍是持牌人, 但就在牌照上加入兩位新老闆為「助手」,方便處理鋪位事務。

1 選址

屋邨大牌檔是香港特色,亦是香港人的集體回憶,但隨着舊屋邨如牛頭角下邨等相繼清拆後,已「買少見少」,沙田是其中一個仍保留大牌檔文化的區份。原是餐廳 大廚、月入三萬的鄭偉麟,豪氣地表示,「睇呢個場,無得輸!」已有三十年歷史的博康邨,設有兩個熟食亭,共八個鋪位,全屬房署管轄。鄭偉麟頂手的三個鋪位 共二千多呎,可容納逾二百人,月租七萬八千元。「我哋鋪位同公屋嘅租金調整一樣,加幅唔大,有時仲會減租;如果係領匯嘅冬菇亭就唔會諗啦,年年加租,做唔 住呀!」鄭偉麟說。熟食亭有博康、沙角和乙明三個屋邨的基本街坊客源,步行五分鐘就到港鐵沙田圍站。不過,店鋪面向內街,要先行經其他檔位才找到。「隔涉 少少無問題,街坊客都熟地頭,呢度自成一國,環境啱食飯。」鄭偉麟指內街並非主要通道,夜晚可以多放十張枱,因對居民影響不大,至今未收到投訴。

2 兩更制

投資龐大,鄭偉麟經介紹認識同樣有興趣創業的許卓興。二人合作並非「巧合」,而是睇中對方「各有所長」。他們都是做食肆出身,知道一人不能獨力支撐早午晚 三輪客人。許卓興是旺角標記樂園的老師傅,拿手做粉麵,負責早餐及午市,做小菜出身的鄭偉麟負責晚市。為吸納原有街坊客,早午市沿用上手的店名「合發」, 「方叔以前只做早午市,儲落一班街坊熟客。」說話不多的許卓興解釋。晚市則叫「燒川煲」,意指燒烤、川菜及雞煲。大牌檔早上五點半營業,日賣二百份早餐, 客人大多是上了年紀的街坊。中午主打潮汕粉麵和碟頭飯,幾乎被附近四所中學的學生包場,每日能賣出三百份午餐。現時,早、午市的生意佔營業額三成,許卓興 肯定道:「一來睇就知要分兩更,至少唔會蝕租,筆數差好遠!但一個人做唔嚟,分兩更可以降低成本。」

3 菜式突圍

鄭偉麟精於粵菜,但店鋪卻不見其拿手好菜,反以川菜和燒烤作招徠。原來他開鋪前做了調查,發現附近食肆和大牌檔主要做粵式小炒和潮式打冷,「無咩特色菜, 好似依家賣到成行成市嘅雞煲都少有,而且依家後生仔都鍾意燒烤,所以揀呢兩樣做主打,再保留部分傳統小菜。」鄭偉麟牙擦道。現時川菜和燒烤佔生意額五成, 最好賣的包括招牌阿嫲雞煲和原條燒烏頭魚。前者做法類似重慶雞煲,一隻雞售一百五十八元,毛利達七成;後者售七十八元,烏頭來貨價三十元一條,毛利亦有六 成,而蔬菜燒烤的毛利更可高達九成。

鄰近兩家冬菇亭亦設有燒烤,鄭偉麟指行家以外賣客為主,他的賣點是可以「坐定定慢慢歎」。為提高檔次,他在店內設置海鮮檔,客人可即揀即燒,單是海鮮已有 二十多款。新鋪開張期間,客人幫襯後,可獲一張優惠券,下次憑券每人可免費獲贈一客燒蟶子王。蟶子王單賣廿八元,來貨價只是六元。「送嘅食物夠吸引,客人 就會想返嚟。」麟哥微笑道。連餐牌設計也切合顧客心態,先標出較高價錢,再在旁邊標示新低價,如原條燒黃花魚由九十八元減至七十元,降幅有兩成八,營造 「減價抵食」的效果。

舊式牌檔限制多

冬菇亭在地理及租金上佔優勢,但建造多時,最大問題是電力配套落後。鄭偉麟原想在三個鋪位都安裝冷氣,夏天時用膠簾阻隔冷氣流出。但因電力不足,只能改裝 其中一個鋪位做冷氣房,容納十二枱客人。「冷氣喺夏天真係好重要,八月開張時所有客都湧晒去冷氣房,佢哋寧願等位或者唔食,都唔會坐其他位,好影響生 意。」鄭偉麟無奈道。另外,由於電力未能負荷爐具的需求,部分電爐和焗爐未能運作,「我買咗三個電爐做燒烤,最後開得兩個。」鄭偉麟指,抽油煙機亦不時失 效,造成亭內油煙極大,距離廚房較遠的位置亦略感翳焗。爐具不足導致上菜時間慢,客人紛紛抱怨,部分人等候超過半小時,更明言不會考慮再光顧。鄭偉麟六月 時已向房署及電力公司申請加大電量,但過程繁複,完成審批之日遙遙無期。

做老闆好煩

鄭偉麟十七歲入行學廚,由「「靚仔」捱到大廚,月薪曾高達五萬元。做了半生打工仔,今天終於到自己做老闆,擔大旗,而且生意不俗,但他卻終日愁眉深鎖。一問之下,他即大吐苦 水:「做老闆好煩,無洗潔精又關你事,啤酒唔夠凍又關你事,唔見咗洗碗布都會打電話嚟叫老闆,都係打工自由好多,有時都想放棄,返去做大廚﹗」一口煙駁一 口啤酒的他,說着又突然憂心忡忡表示:「鋪頭好似自己個仔,未開張就好似BB咁,驚佢唔大,依家開始有啲眉目,就好似個仔啱啱識行,但又擔心佢會唔會仆 親。」那一刻,他憶起十一歲的兒子,倒抽一口氣道:「有時都好矛盾,想做又唔想做,但係近幾個月都無放過假,我都想陪個仔踢吓波。」

冬菇亭牌照知多啲

七四年,房屋署開始興建有蓋的熟食亭,經營者必須持有食環署發出的「固定攤位小販牌照」。後因衞生、噪音及阻塞通道等問題,九○年開始,政府停止興建熟食 亭及發牌,更於○一年推出自願放棄計劃,以十倍月租津貼另加五萬元,希望收回所有熟食亭的牌照。每個熟食亭有四個鋪位,截至○八年,仍有一百七十八個鋪 位,部分由領匯管理。現時,對於舊持牌人離世後,牌照可否由「助手」繼承,仍存在灰色地帶。

開業資料 (08/12)

頂手費$1,150,000租金$78,000裝修$600,000入貨$300,000雜項$120,000總投資$2,248,000

營業資料 (09/12)

營業額$1,200,000租金$78,000入貨$300,000人工*$300,000雜項$50,000水電煤$150,000盈利$322,000*二十名全職,五名兼職,老闆支薪

一點意見

位於火炭工業區附近的泰源,是區內有名的大牌檔,原在沙田舊墟,七九年清拆後遷至火炭。泰源最多擺三十張枱,只做晚市,現時每月生意額維持在六十萬,盈利 不足廿萬。老闆張然直言生意愈來愈難做,「以前雞粥乳鴿一定嚟沙田食,但依家周圍都有得食。好彩大牌檔租金穩定,只係三萬蚊左右。」張然指,因為鄰近凱悅 及麗豪酒店,泰源曾在內地旅遊雜誌賣廣告,故近年一半收入都是來自大陸觀光客;另有三成是中大大學生,餘下兩成則是街客。他提出三點意見予本文的「新 丁」:

1 吸納大學生客源。每年八、九月中大迎新營有「食宵」傳統,學生在迎新營後亦不時光顧,是很好的宣傳;為此,張然在五分鐘步程外的熟食市場租用另一鋪位,名 為「新泰源」,以應付迎新營,平日則租予另一餐廳經營午市,幫補租金。2 博康冬菇亭位置比較隔涉,附近沙角邨的冬菇亭,位於大馬路旁邊,就腳易搵,燒川煲應增加標示,引導街外生客。3 泰源曾以特色川菜及小炒,如水煮牛肉和椒鹽墨魚嘴作招徠,但客人仍偏愛傳統菜式,所以粵式小炒不可少,要隨時變通。

冬菇 新丁 月賺 賺三 三十 十萬
PermaLink: https://articles.zkiz.com/?id=38517

郭炳江冬菇頭的真相

2014-07-03  
 

 

新地聯席主席郭炳江,個「冬菇頭」髮型向來係佢icon,幾十年如一日。好多人都好奇,點解佢鍾意呢個style。其實,同耳仔有關。身為虔誠基督徒嘅郭炳江,以前喺唔同場合,都已經分享過佢小學時,去日本醫聽覺嘅往事。佢話當年因為聽覺唔好,導致一班四十幾人,考第四十名,後來郭老太就陪佢飛去神戶醫病,足足九個月,全靠唔識日文嘅媽媽照顧。

最近郭炳江要上法庭,有日風勢強勁,小宗同事無意中就發現佢耳仔情況。雖然有少少缺陷,但佢好學不倦,家人亦都好支持。細個時醫病,已全家總動員。郭炳江同大佬郭炳湘一齊赴英國讀書時,有次郭炳江耳仔又出問題,要做手術,郭炳湘晚晚煲湯佢飲。當年郭氏三兄弟感情非常好,如今卻因家庭糾紛搞到惹官非,可惜。

職場秘笈地盤工人吃香

港大建築系畢業,由一個小小的項目經理,扶搖直上,升任至富豪國際(78)、百利保(617)及世紀城市(355)的董事。他每期分享不同的職場經驗及秘笈;要上位,無往不利。

現時建築成本高企,主因乃年輕人不願入行。以前一代人窮困,為生計被迫做地盤工人;這一代人較富庶,年輕人有條件選擇自己喜歡的工作,地盤工作辛苦,地位又低,便無人想入行。假如有人出一千元請一名年輕人,站在地盤一天,不用工作,他第二天也一定不願再來。現時,釘板、扎鐵工人平均年齡五十多歲,年紀大、機器壞,拿著鐵板、器材等重物,容易工傷,於是又少幾個人開工。還有,澳門幾千億工程,都挖了不少香港工人;建築界自沙士後一潭死水,令當時很多中層的管理人才流失,現時缺乏負責管理地盤進度的人,承建商唯有依賴分判商的工人報告情況,但他們報喜不報憂,知道事故方知大鑊。下次報工程,唯有再提高一點價錢,加強風險管理。加上政府環保條例、工人福利等等辛辣條件出台,令承建商又要求高一點價錢。多了生意,承建商一定會揀容易做又賺錢的工程去做。其他不吸引的項目,唯有提價,你又提我又提,價錢愈扯愈高。以前扎鐵工人一千蚊一日,現在二千蚊一日;以前做廿幾日才賺到二萬多元,現時做十幾日已賺到。工人覺得「夠皮」,便休息一下,承建商又要再提價吸引他們開工。唯一出路,似乎是輸入外勞,尤其是特別的項目,如古蹟維修,香港根本沒有這方面的人才。政府也要透過宣傳和教育等途徑,提升地盤工人的社會地位。香港後生仔肯入行,才是長遠之計。

香港會扮騰雞

香港會發出特別通告,七一食完晏晝即閂門直至第二日中午,視乎情況至決定是否重開。何事咁騰雞?佢哋嘅通告話,驚遊行形成無可預測之風險,危及佢哋嘅會員同員工咁講。 十七年來,七一遊行從來都係和平、理性、非暴力。忽然慄成咁,呢班精英中嘅精英知道啲乜係大家都唔知嘅呢?抑或為求政治正確,整色整水,以配合反佔中大合唱?考起。

壞孩子離婚唔願分

曾經係領匯(823)大股東、英國嘅對沖基金The Children's Investment Fund(TCI),中環人都仲有印象。呢個基金專向入咗股嘅公司捽數,捽到管理層有得震、無得瞓,有「壞孩子」之稱。創辦人兼行政總裁Christopher Hohn作風硬朗,但終於遇到對手,就係佢枕邊人——美籍前妻Jamie Cooper Hohn(小圖)。兩人一九八五年結婚,育有四名子女,女方於一二年申請離婚,希望可按慣例分到前夫一半身家。外媒指Christopher嘅總資產約十二億英鎊,即近一百六十億港元,但他指自己一直是「基金關鍵人物」,前妻「份量」只值其兩成半資產。這宗世紀分產案最近上演,上星期兩人先就TCI估值對簿公堂,最後Christopher先勝一仗。其實兩公婆多年來,已捐逾十億英鎊予非洲等第三世界兒童,係英國最慷慨慈善家之一。錢,從來唔係問題;搞到咁核突,咪又係同平常夫婦一樣,為啖氣囉。難睇也!

鏞記第三代重尋燒鵝味

又係爭產,今次輪到「土炮」鏞記酒家。話說已故大太子甘健成一方,在清盤案中敗訴,鏞記由甘琨禮掌舵。健成兩個仔亦有新開始,上星期,佢哋新鋪「甘牌燒鵝」喺灣仔軒尼詩道試業。呢間鋪主打燒鵝飯同滷味,一份套餐七十幾蚊。鋪仔細細,坐得幾十人,位置亦唔算方便,但全部廚房師傅都是鏞記舊伙記,部分供應商亦同鏞記一樣。小宗睇過,發現唔少鏞記熟客都捧場,有熟客仲話:「終於搵番失去嘅燒鵝味﹗」老闆甘崇轅話,試業四日,反應好過預期,到下午三時燒鵝就售罄。七月二日佢哋會正式開業,而呢一日正是父親甘健成生忌,希望藉此悼念父親咁話!

郭炳江 冬菇 頭的 真相
PermaLink: https://articles.zkiz.com/?id=104716

領展逼死冬菇亭

2017-01-26

回到一九七五年,那年代的香港,所有事物都特別「貼地」。那年「九龍模範邨」愛民邨建成,事頭婆首次訪港,竟然走入邨內,與平民百姓零距離接觸。愛民邨也為香港帶來首個熟食亭。亭的廚房有個金字塔形煙囪,簷篷以廚房為中心向外延伸,狀似冬菇。餐桌一重又一重圍着中心,無限擴展,擺放到行人道甚至馬路。後來設計應用到其他屋邨,港人統稱它做「冬菇亭」。此後人人在家中伸手可及的空間,就能享受最地踎、最貼地的平民美食。但自從事頭婆不再話事,領展亦取代房委會變做「屋邨主人」,這個貼地時代早已被拔起。有傳領展想全面取締舊日的冬菇亭,計劃雖未完全落實,然而領展過去連年加租、用上無情的管理手段、不問情由要租客拿出一大筆錢翻新,把一個又一個無能力的檔主逼走,為的就是賺到盡。它那無情的巨輪,正在把冬菇亭情懷逐點輾碎。

「你聽過屋邨毒瘤未?」愛民邨冬菇亭的明利粥店老闆李松慶邊炒着麵邊說,火氣似乎特別猛:「屋邨毒瘤係大牌檔嘛。收你幾錢租啫,但要幾多人管理,幾多行政費?」慶叔口中計到盡的是領展。但原來他與領展的關係一向不錯,一三年就曾為領展拍片,大讚愛民邨經理在續約上幫忙,令他可以承租相鄰鋪位。他更坦言手頭上持有領展股票,股價由○五年十一蚊升到現時超過五十蚊,賺唔少:「近幾年,我都交咗超過一百萬租金俾領展,但作為小股東,係有得益嘅。」豈料甜蜜關係無法持久。兩年前,鋪頭天花石屎剝落,領展要求慶叔停工五日維修:「以前房委會工程淨係做下晝二至五,其他時間可以開鋪。」誰知五日過去,領展要求多加兩天工程:「我已經寫咗紙話淨係休五日!五日就五日,唔得咁!」他憤而拒絕。慶叔企硬,惹怒領展:「結果佢逼我三個月後停工十日去埋尾,但其實工程淨係做咗四個半鐘。呢十五日我都要俾租。」維修後一年,石屎再度剝落,領展又要求明利停工。慶叔不欲再被欺壓,決定以欠租抗議:「有理走天下,無理不出門,我爸爸教我嘅。領展嘅手法好冇人性。所以我唔交三個月租,引其他同業注意。」慶叔想起就怒髮衝冠:「使咩眼超超,就同佢過兩招!」

嚴禁枱櫈過界

但未引起小商戶響應,領展已向慶叔出律師信追租。他惟有屈服,將三個月租金一次過還清。領展再踩上心口,向慶叔表示如要繼續經營,就需要把簷篷伸延出來的帆布、支架拆走,不可再把枱櫈擺出冬菇亭範圍:「佢哋同我開會就講,係屋宇署要求,一定要拆。但屋宇署有六萬僭建都未處理,我喺度三十年,你而家先郁我?」他聲稱此舉會令粥店坐少七成人:「呢個習慣確係習非成是。但我八六年開始,一路都係咁。當時房委會係幫我哋計可以有幾多客嚟釐定租金,你估淨係租入面?」雙重打擊,令慶叔早萌生退意,預計在下次續約前就結束營業:「其實我一啲都冇不捨,自己爸爸、媽媽嘅生離死別都經歷過,大牌檔呢啲冇咩嘢。」但他不欲透露結業之期:「唔想好似哭喪咁。」講得輕易,但大牌檔其實恍如家人,自細就長伴慶叔左右。父親亦是做大牌檔出身,直至慶叔升上小學,才轉行行船:「半年先見爸爸一次,返嚟只見幾日。」慶叔被交託予在九龍城經營大牌檔粥店的姨媽。寄人籬下,每日被迫要幫手在店內洗碗。慶叔亦因此討厭大牌檔:「好辛苦就不在話下,又冇假期,過時過節都要做。」

難忘的街坊情

直至八十年代初,正值香港發展黃金時期,慶叔單靠揸的士搵食都有可觀收入,更當上幾架的士的車主,以為就此避開大牌檔爐火,脫離家族揸鑊鏟搵食的命運。但似乎一切都係整定。父親從前的牌主想退休,提議將牌照讓給慶叔。最初慶叔推卻,但父親為報恩而要他應承,他惟有假意接受:「我睇報紙,知道愛民邨公開競投。我就低過市價,特登落三萬標金,刻意想唔中。點知個價高者入標格式唔啱。就我呢張中。」明利粥店在八六年九月七日開張。到親自落手落腳之時,慶叔才慢慢懂得欣賞冬菇亭之美。「同街坊關係可以好親密,好似自己屋企人咁,佢哋經過會問:『有冇見我個女行過?婆婆今日有冇落嚟啊?』,好親切。」慶叔亦讓兒子在冬菇亭吸收生活經驗:「我最深印象係佢一年班時,我叫佢搬一張大摺枱,點搬?佢自己諗到,揹住行。」街坊亦會幫手湊仔、補習,連兒子成功留學英國,亦全靠熟客指點。明利的熟客中,有位花名「甜心」的婆婆最得慶叔歡心:「佢講嘢唔正,鍾意叫我『篤佬』(粥佬)。人又豁達又鍾意講笑。」四年前,明利曾收領展通知,要求幫冬菇亭翻新:「佢話要一百萬裝修,我都預先借咗,點知計劃取消。」兒子早已出身,家境充裕的慶叔手頭突然有一百萬,竟忽發奇想,買了架開篷跑車:「架跑車第一個乘客,就係載甜心去廣東道、尖東遊車河。」可惜甜心婆婆在兩年前已因病過身。慶叔表示,未來即使沒有明利,但和大家依舊「後會有期」,因他早已和朋友合作另搞食肆。過去曾每週派愛心粥的他,現在不定期於紅磡一帶免費派食物:「呢度唔覺得有包袱,離開就離開。」

熱情被無情淹沒

舊式冬菇亭已步入風燭殘年,有人辭官歸故里,但也有新人漏夜趕科場。沙角邨冬菇亭除了是附近街坊開飯的好地方,也是學生消夜的好去處。以往一直由新廣發的邊爐、劉萬利的茶餐以及金沙角的小菜三巨頭撐起,新入場的還有火鍋、燒烤店「廣東人小廚」。老闆梁桂洪今年五十一歲,他出名熱情,見新來的客人都會主動招呼。洪哥在鋪內滿場飛,間中親自落手為客人燒烤,教你邊種食品應該先吃。洪哥說,他早於十年前在城門河邊的屋苑開檔,當時主打自家炭火邊爐、燒烤,大受貪新鮮的年輕人和大杯酒、大塊肉的麻甩佬歡迎:「以前最旺時我一個月做到百五六萬。」但人多問題自然多,店鋪營業至深宵,客人喧嘩惹來住客接二連三投訴,惟有另覓留人處,但做露天炭燒的路注定不易行:「好多管制,入鋪就消防條例唔容許,又話污染,成日俾人罰,喺外面做又要申請露天牌。」十年來,鋪頭因投訴和檢控,足足搬過六次。

三百萬翻新

去年年初,沙角邨冬菇亭有吉鋪,洪哥終於找到最適合的環境:「半露天,空氣唔會焗,亦有街邊氣氛,有親切感。」領展逼他轉用電爐,但洪哥仍樂於寄居當中:「我以前做三行嘅師兄弟,就係鍾意呢啲氣氛,唔鍾意去好拘束嘅大酒樓。」但在站穩陣腳前,已傳來噩耗。洪哥指領展計劃在兩年後要收回冬菇亭,重新招租,再逼租戶翻新冬菇亭,間接趕走無能力的人:「整一個新型冬菇亭,要三、四百萬裝修費!」新的裝修條件要把整個亭圍起,加裝冷氣,變成全室內,原本由冬菇亭簷篷延伸開來的空間全部取消,即意味他鋪位的可用空間就最少減少一半,每個亭亦只限一個租戶承租:「空間少咗,租又收貴啲。」他唏噓道:「翻新之後我哋都唔再做喇。」當區區議員陳兆揚指,在租戶強烈反對後,現時領展的態度變得曖昧,不敢明言對翻新的取態。但事實是租戶在領展的強勢管理下,生意已難做很多:「以往會擺出行人道,而家唔可以再擺。而家打邊爐,可能要等個幾鐘甚至兩個鐘,先有位坐。」洪哥不捨「廣東人小廚」這招牌,只因他一開始已瞓身搏到盡,犧牲不少:「我以前不眠不休,每日淨係瞓三個鐘,邊個伙記冇返工,我都即刻頂。每朝四點半就落香港仔魚欄,我入貨少,所以一定早去,唔係冇人留貨。」捱了兩年才做出成績,賺回最初投資的一百萬,卻賠上了家庭:「我個仔啱啱八歲,但初初完全冇時間陪佢哋,(頭家)已經散咗。」

幫客人準備蛋糕

孤身一人,最惦記的是一班熟客:「之前我仲搵緊鋪,有日酷熱天氣警告,個客打嚟問:『你搬咗去邊啊?我哋而家去咗舊鋪度,唔見你喎!』我好感恩。」熟客莫先生指,最欣賞老闆善解人意:「佢試過WhatsApp我,話:『今晚收鋪好凍!如果聽日都係咁,你就真係要過嚟食喇!』如果佢知道今日邊樣唔新鮮,又會同你講『唔好食喇!』。」這天又有一圍熟客幫襯,食客七嘴八舌落單,洪哥突然大嗌:「喂!夠喇!」原來他記得熟客生日,早就準備了個大蛋糕。這裡的感情,在連鎖餐廳,永遠找不到。

沒有領展先最Chill

四十年歷史的石硤尾南山邨全由房委會管理,沒有領展魔掌,時光彷彿停頓十幾年:街市未裝冷氣,靠大風扇通風;士多、縫紉、跌打,一間間獨立小店依然充滿活力。這種環境被兩個九十後睇中,開了間糖水鋪「糖室」,裝修用黑色做主調,裝上玻璃趟門,配上Ikea式木枱、木櫈,簷篷下裝了個繩製吊椅。「糖室」老闆阿熹憶述開業初時反應:「啲居民對住我哋都會皺皺眉頭,好似我哋黐黐哋線咁。」這種冷眼,他和另一拍檔阿琛一早經歷過。前年二人膽粗粗在外國訂了十幾張吊床,租觀塘工廈單位搞休息室「Chillazy」,在人人不睇好的情況下殺出條血路,成為年輕人「搵地方hea」的潮點。初嘗創業「小甜頭」,二人打算食住上開露天茶座甜品店,延續「Chill」和「Lazy」的概念。但四出找鋪,不是面積太小,就是租金太貴,正打算打消念頭,但機緣巧合下的一場火,造就了他們的機會。

阿熹有位親戚原本在南山邨冬菇亭開樹記大牌檔,做小炒、碟頭飯。去年卻發生一場大火,摺枱膠櫈、掛牆牛角扇、手寫招牌餐牌,一切舊事物毀於一旦。「世叔伯想趁機做其他嘢,問我有冇興趣幫幫手。」阿熹這時才想起,細細個就幫襯開的冬菇亭就是正宗港式茶座:「以前中學班會gathering,都鍾意去禾輋、沙角冬菇亭,圍住圓櫈大家『圍威喂』。好多人覺得冬菇亭可能好舊,甚至好污糟、好市井。其實冬菇亭露天嘅位,係好Chill。」他們花了四、五十萬裝修費,將鋪位浴火重生。他們刻意把廚房改細,令亭內容納更多座位,同時繼續保留露天位,供客人選擇。

本來格格不入的西式甜品店,經過數月磨合,也漸漸融入南山邨社區,每月開始有錢賺。雖然鄰近城大,但區內主要以老人家為主,阿熹為迎合他們,把半本菜單改為中式養生甜品,又或者玩fusion以中式茶搭配焦糖燉蛋。糖室亦慢慢被其他幾十年老店視為一分子:「我最鍾意呢度嘅人情味。例如我啲客想喺隔籬叫碗麵過嚟,我係冇所謂嘅;有人喺另一邊食車仔麵,想叫碗腐竹糖水,佢哋都冇所謂。呢啲係冬菇亭先得。如果商場入面,應該係各自為政。」希望這種「七十二家房客」般的鄰里關係,不會絕種。

撰文:關冠麒攝影:葉漢華、胡智堅news@nextdigital.com.hk

領展 逼死 冬菇
PermaLink: https://articles.zkiz.com/?id=235078

家中賀年 食煎堆冬菇出事

1 : GS(14)@2012-01-26 23:11:51

http://hk.apple.nextmedia.com/te ... 104&art_id=16015811
【本報訊】兩名男子昨晨在家中食賀年食品時分別鯁喉昏迷,須送院搶救,其中一名 38歲男子在紅磡住所遭煎堆鯁死。有急症室醫生提醒巿民,如遇鯁喉導致呼吸困難者,應在腦細胞缺氧致永久死亡之前,把握「黃金三分鐘」進行急救,從後抱住事主、十指緊扣重複向上按壓其胃部,令他將食物吐出。
遭煎堆鯁死男子姓鄭( 38歲),患精神病,與家人住紅磡家維邨家榮樓,昨晨 8時許,他在住所吃早餐,其間被口中的煎堆鯁喉窒息昏迷, 64歲姓程母親發現立即報警。救護員將事主送院搶救,可惜最終證實不治,家人事後傷心不已。有醫生指出,精神病患者有時不注意控制進食速度,有機會引致鯁喉。

醫生籲應慢慢咀嚼吞食

另外,年約 80歲老翁昨晨 11時許在元朗崇正新村住所與家人午膳,他食冬菇時鯁喉昏迷,家人見狀急召救護車將他送院,沿途救護員替他施心外壓急救。屯門醫院急症室顧問醫生馮顯達特別提醒吞嚥困難人士,進食帶黏性如糕點及湯圓等賀年食品時,可先飲水及剪開食品,然後慢慢咀嚼吞食。
家中 賀年 食煎 煎堆 冬菇 出事
PermaLink: https://articles.zkiz.com/?id=277426

【飲食籽】發水冬菇 勝在原始風味

1 : GS(14)@2015-05-26 00:02:53

冬菇亭內的庶民美食,以價廉地道取勝。



冬菇亭故事二【飲食籽:識飲惜食】清晨六時,在元朗建業街的冬菇亭,暖洋洋的晨光照射着,鳥鳴處處,不時傳來客人與店家的閒話家常。「李太,早晨!今日吃甚麼呀?」「今日湯煲得好靚,落足料,裝大碗些給你。」冬菇亭一般分為三、四間熟食攤檔,檔主發揮港式小智慧──借助店前空地,撐開帳篷,放置桌椅,擴展空間;食客跨舖點菜,彈性十足;地方細,雖然擠迫,卻衍生出搭枱及搭訕文化。在亭中,你會發現這饒富趣味的生活智慧,構成一道原始風情。忘不了的,還有一份久違的人情味。

檔主搵食法寶



帳篷:遮風擋雨,可伸可縮。

牛角扇:涼風不斷放送,天熱也不怕!

摺枱:枱凳放在戶外位置,隨意擺放。



排氣口:約七米高的通風口為四檔共用,煮食的熱力由中間排出,令室內空氣流通。

手寫餐牌:牆上的餐牌用箱頭筆書寫,一目了然,更有裝飾效果(攝於沙角邨冬菇亭)。

廚房:極開揚的廚房,無任何遮擋,直送製作過程。



亭與亭之間,有一家叫添記的燒臘舖。門口有一個古舊的玻璃櫃,用六盞射燈照射着,坦蕩蕩的吊着各種燒味。每日早上七時,阿姐推車到附近的合益街市拿新鮮豬肉,回舖後清理、醃肉、以炭燒製叉燒、燒肉,同時明火熬老火湯,煙囪縷煙裊裊升起。「向高空發展的煙囪設計,雖然原始,但將油煙集中在中間排出,廢氣不會影響街外途人。不過,由於抽氣口設計太低,只放到較矮身的燒鴨爐。」第二代老闆梁遠榮說。一九八五年落成的建業街熟食市場,有三個冬菇亭,其中一個亭除了添記外,還有粥檔及茶水檔。至今,檔內仍保留舊模樣,未曾改動,樓高約七米的排氣口,夠開揚,裝潢簡潔實用。



炭香燒味王 風扇是生存法則

舖內沒冷氣設備,客人坐在戶外的膠凳摺凳,檔主把帳篷伸展到空地,雖可遮陽擋雨,但夏天捱熱捱雨,冬天捱冷,是體驗四時節氣的地方。在這裏。風扇就是基本的生存法則。環視四周,檔內外共有兩把吊扇四把牛角扇四把普通風扇。採訪當天氣溫攝氏三十度,我喝了一碗老火湯,牛角扇吹不走騰騰熱氣。「沒辦法!一到夏天,是我們的淡季,尤其在七、八月,我們會提早收檔。」梁遠榮媽媽梁太說。亭內天花雖裝了兩把吊扇,但卻甚少開動。「這裏只有兩個叉電(雙線),裏面開到風扇,便輪到外面開不到,供電量不夠。」她解釋。檔口面積約四百呎,極開揚的廚房,製作過程一目了然,只做半日,下午兩時便收舖關門,以為它唔憂做?「我們在公家位置擺放桌椅,上午主要是我們用,對面火鍋店主力做夜市,下午三、四時便輪到他們搬桌椅,大家各有各做。」我站在一旁訪問半天,來幫襯的大多是老人家,早上十時到店,叫一碗燒味飯做早飯,價錢不到三十元,經濟實惠,有不少主婦更排隊「斬料」回家。每日產量少,賣完便提早收檔。「做燒味沒甚麼秘訣,每個師傅做法分別不大。最重要是捨得用料,我們用的是鮮肉,這裏始終租平,雖然辛苦少少,但可以慳成本,寧願把食物做好。」以鮮肉加炭燒而成,不就是碩果僅存的舊時味道。



未到十一時,添記門口已排滿長長人龍,難怪到下午兩時便售罄關門。

梁遠榮(左)及父親梁偉添。

每日早上七時便到合益街市取豬肉,用的是鮮肉,保證新鮮。



每日熬製兩款無味精老火湯,很足料。$8

叉雞飯,叉燒不落味精及色素,只以麵豉及南乳來醃,外間少有。$25



添記燒臘飯店建業街熟食檔C5號舖



自助茶水檔 日賣過百斤豬扒

當添記的燒味差不多售罄,這時,隔籬茶水檔成記繁忙的午市才剛開始。中午十二時,二十多人一下子坐滿店內,都是飢腸轆轆的客人。「邊個吃豬扒飯?老闆未返到,要等一等。」客人你一句我一句,阿姐迅速地替食客寫單,將落單紙用夾仔夾實,堆滿成小山丘。轉眼間,老闆梁敬明已回舖準備就緒。他身形健碩,束着馬尾、穿着背心,樣子很容易記認。每當忙完早市,他便會離店小休,午市前才回舖坐鎮。他站在大鐵鑊旁,熱氣弄得他滿頭是汗,埋頭埋腦的幹活。這邊廂剛煎好豬扒,那邊廂又轉身調汁、煎蛋,和在旁協助他、負責盛飯的阿姐配合得天衣無縫。成記是熟食中心的第一代檔主,除了茶水檔,還在隔籬檔位兼賣粥及腸粉,粥檔只做早市,十一時關門後,人手便轉移至茶水檔,七人分工合作。「外賣要等三十分鐘!」「自己拿飲品,枱面上有檸茶、奶茶,要其他飲品就等一陣。」阿姐不斷提醒。客人很熟架步,自己拿餐具、飲品。剛到的客人,見店內滿座,也不勞煩阿姐,自行在空地佈置摺枱。「哎吔!日日都是這樣忙,客人準時到不得了,『爆晒棚』做不切呀!」梁老闆瞇着眼笑說。「這個崗位不是人人做到,豬扒要逐塊煎,每塊豬扒下的油、煎的時間、用的火候,也略有不同,又要手腳快,所以我要親自煮,成日都沒假放。」店子日賣百多斤豬扒,別小覷這碟頭飯,是兩大件連骨豬扒,每塊大如一隻半手掌,以糖及紹酒等自製豉汁調味,拌以焦糖般的甜香,鄧達智曾以「一再回頭」形容它。



成記老闆梁敬明總是坐鎮廚房,忙到無停手。

落單紙以夾仔夾實以防吹走,甚少出現漏單情況。





成記兼做粥檔及腸粉,早上六時準時供應直至十一時。

豬扒飯,豬扒有甜甜的豉油味,份量足,入味非常。$41



成記茶寮建業街熟食檔C8號舖



冬菇亭選擇多籮籮


特式巴蜀烤魚 $178

茶記麻辣菜

典型茶記格局,主力賣小炒碟頭飯,鑊氣夠,餐牌暗藏一系列四川麻辣菜式。除了大熱重慶雞煲外,還有水煮烤魚,吃罷麻辣味強,酸香辣濃,最適合叫一杯透心涼的啤酒降溫。三寶小廚美林邨熟食檔1-4號


點心即叫即蒸。

嘆茶吃點心

原來在冬菇亭也可以悠閒嘆茶吃點心。位於南山邨的嚐滿粥本身是一間粥檔,主打黃沙豬膶粥,後來兼賣點心,點心即叫即蒸,雖然要等上十五分鐘,但質素不俗。嚐滿粥南山邨熟食檔8號舖


每位$118 另加海鮮配料$20起

重慶海鮮串燒

元朗洪水橋起家、在博康邨開張一年多,主攻火鍋,最近轉型做重慶串燒,約有五十款串燒選擇。另有海鮮供應,每日下午老闆到街市入貨,推介是足十吋長的大虎蝦,一燒便爆膏,保證新鮮。隱世貳館博康邨熟食檔8號舖


每位$79起

火鍋自助餐

在冬菇亭賣自助概念的原創者,食物、汽水、醬油全是自取,食物分佈三十呎長的長枱,雖然配料較為大路,但價錢平,氣氛一流,平日最多學生哥幫襯。新廣發四季火鍋燒烤沙角邨熟食檔12號舖



記者、插畫:何嘉茵攝影:劉永發、許先煜、鄧鴻欣、伍慶泉編輯:謝慧珊美術:吳子豪





來源: http://hk.apple.nextmedia.com/su ... t/20150523/19156821
飲食 發水 冬菇 勝在 原始 風味
PermaLink: https://articles.zkiz.com/?id=290564

【飲食籽】毋忘冬菇進化史

1 : GS(14)@2015-06-01 22:34:53

二○一五年黃大仙竹園邨的兩座冬菇亭,與二○○六年新舊對比強烈。



【飲食籽:識飲惜食】拆毀,翻新,活化。始於上世紀七十年代、俗稱「冬菇亭」的熟食亭,曾隨公共屋邨而生。她曾經興旺,曾經沒落,承載着一段香港時空特有的歷史。因噪音及衞生問題,九十年代房屋署停止興建新冬菇亭,部份被改建用途。經領匯接手後,冬菇亭相繼翻新,相比起其他大型建設,這些改變似乎微不足道,但她是「屋邨友」總有過的生活體驗,見證昔日街頭飲食文化。她絕不比任何一幢歷史建築物的文物價值遜色。



二○○六年黃大仙竹園邨冬菇亭。


走進大埔富善邨,會發現一個有趣畫面──在同一空間出現兩個新舊冬菇亭,帶來強烈對比,見證其「進化史」。舊式冬菇亭在一九八六年隨屋邨落成,維持一貫草根特色,一亭四檔,紙皮石亭頂,只有啡色及透明帳篷遮風擋雨;新冬菇亭則在六年前由商戶自費翻新,領匯會提供適當指引及審批圖則。雖在外仍是冬菇模樣,但已換作灰色琉璃瓦頂,落地玻璃,把以往四格打通成一個舖位,客人坐在仿皮梳化卡座,涼涼冷氣送爽,與一般茶餐廳格局無異。



翻新工程複雜 煙囪淪為裝飾

變身後的冬菇亭是出自設計師文樹基(Man)手筆,除此之外,他還設計屯門友愛邨的冬菇亭。「冬菇亭原有設計看似簡單,但翻新難度不少,由於食肆不再領有大牌檔牌照,便要符合一般食肆的規定,像抽氣系統、消防條例等。」不願上鏡的Man說。他花了數個月時間設計,特意在外圍採用落地玻璃,維持原有開揚感覺,整個工程花費約二百萬元。「假設以四方盒為考慮,要讓冬菇亭每一面看起來有趣,以凸顯光線透明感。因要符合食環署要求,其中一面須為密封式廚房,是美中不足之處。」冬菇亭的中間排氣位,經改建後已沒有實際功能,商戶須重新鋪置排氣喉,同時要在傾斜的屋頂裝上冷氣,便須巧妙配合現有格局。「我們特意設計天花梯級效果,可內藏風喉,又能避開橫樑,盡量善用空間。」值得一提是,設計分為室內及室外地方,室外增設露天茶座,刻意保留冬菇亭其中一個特色。



大埔富善邨現有的平面圖,舊冬菇亭(右面)仍保持一亭四檔,新冬菇亭則已打通成一檔。在同一地方新舊冬菇亭並立。









灰色琉璃瓦頂,氣窗已密封,只作裝飾用途。

冷氣,冷風輕送,外面三十多度高溫也不怕。

設有露天茶座及室內冷氣位置,任君選擇。







紙皮石亭頂,另有帳篷擴展空間。

風扇陣,另有多座牛角扇,吹走暑氣。

客人須坐在戶外位置,體驗四時節氣。



逾千萬打造 變身豪華大牌檔

要數投資額最高之一是位於大圍美林邨,一列三座的冬菇亭,二○○八年由怡苑飲食集團承租九年,當年斥資逾千萬元改裝。不但有日式琉璃瓦屋頂、維多利亞時代復古鐵閘、LED環保燈、活動天幕等,最特別是中央煙囪位置,除了用作採光外,在七呎高樓底,掛上矜貴水晶燈,堪稱「豪華大牌檔」之最。怡苑董事總經理羅偉光說:「翻新後,可滿足客人需求,追上時代步伐,保持競爭力。所以我們加設冷氣、洗手間及其他裝飾,環境改善,但食物和價錢卻與大牌檔相差無幾。」不過,卻出現小插曲。在二○○八年北京奧運,原本安排奧運馬術選手到訪參觀此地,被傳媒揭發其活動天幕違規僭建,最後不得不清拆,意興闌珊下,數年前便索性轉租予其他商戶。「當初搭建活動天幕,原意是避免食客日曬雨淋,因應所需。其他冬菇亭也有搭建活動上蓋,不過政府卻沒有處理。對於新經營者,太多條例限制,商戶難以經營,哪有人還願意投資?」向領匯查詢,他們以書面回覆指:「有關提升項目因應物業本身情況,改善設施及設計,包括加強電力供應、翻新牆身及亭頂、重整亭內佈局等,以達到優化物業環境目的。」



沙田美林邨冬菇亭內的三寶小廚,極高樓底,原有的中間煙囪位置掛了水晶燈。

當年商戶斥資逾千萬元改裝美林邨冬菇亭,務求打造成豪華大牌檔。



民間紀錄 怕失去舊精神面貌

在活化過程中,最難莫過於如何在新舊之間取得平衡。中大建築系副教授鄭炳鴻說,「隨時代轉變,翻新冬菇亭是無可厚非。冬菇亭原屬功能性建築,為邨內居民提供一日三餐之便,是草根地道文化,若刻意執太正,反而失卻精神面貌。」為了保留集體回憶,八十後業餘攝影師梁瑋鑫(William),在facebook開設專頁「香港公共屋邨圖片集」,紀錄多年來冬菇亭的變化。他在沙田長大,沙角邨冬菇亭是他平日的開餐勝地。「以前返學前在粥檔買鬆糕做早餐,消夜買乳鴿加餸,日常生活經常接觸到冬菇亭,細心留意,她有很多有趣地方,如透過加建擴展營業空間,充滿民間智慧。」雖然帶來噪音及衞生問題,但他說仍有保留價值。「在香港好難得仍有這種大牌檔風味,她有自己的生存制度,最重要是找到平衡點,和居民互相遷就。經翻新後的冬菇亭,雖有冷氣,又坐得舒服,但始終失去昔日的生活風味,總是沒趣。」



梁瑋鑫對屋邨有情意結,紀錄多年來冬菇亭的變化。

梁瑋鑫攝影作品@沙田沙角邨



後記:

自九十年代始,冬菇亭便走上不同命運,被改建用途,被翻新,被空置。〈冬菇亭故事〉一連三期,過去走訪十多個冬菇亭,雖正值炎炎夏日,讓我最深刻的不是粉飾得簇新、有冷氣送爽的硬件軀殼,而是當我喝完熱湯後,滿頭大汗,被牛角扇吹走熱氣的這一番舒暢感。她具有獨特個性,各呈首本好滋味,並非毫無特色的連鎖店可比。不知不覺間,這種風格特異的食檔,正逐漸消逝。趁還在,好珍惜!



已消失的她們



沙田秦石邨一九八四年落成、在邨內只有一個冬菇亭,已改建為涼亭,老人家最愛坐內乘涼,捉棋耍樂。

沙田隆亨邨共三座的冬菇亭,只有一座仍有大牌檔,其餘則空置及已改建成便利店。

上水彩園邨早於九十年代中拆卸並改建為美食廣場,但使用十多年後,在二○一一年領匯為彩園商場翻新而再次改建,現時原址已改建為休憩地方,經常充斥水貨客。





屯門安定邨位於停車場旁的冬菇亭,在九十年代中已改建成安定商場的新翼。地下為有冷氣設施的美食廣場,以上數層為商場,領匯近年再翻新安定商場。

觀塘順利邨原本邨內的戲院因使用率偏低而在二○○二年拆卸,並重建一座設有冷氣的美食中心,原冬菇亭租戶遷入,至二○一○年拆卸,原有位置興建了乏人問津的小型舞台。



記者:何嘉茵攝影:伍慶泉、劉永發、鄧鴻欣編輯:謝慧珊美術:吳子豪部份圖片由香港房屋委員會及受訪者提供





來源: http://hk.apple.nextmedia.com/su ... t/20150530/19165112
飲食 毋忘 冬菇 進化史 進化
PermaLink: https://articles.zkiz.com/?id=290633

【華人在美國】炆冬菇以為係屍臭飲食文化差異惹笑話

1 : GS(14)@2015-09-11 08:06:19

華人移居美國,要適應的事情實在不少。單是東西方飲食習慣不同已經「一頭煙」。「我試過有華裔同學在宿舍炆冬菇,外國同學以?有甚麼動物死了。」17歲移民美國、現時快要大學畢業的港人Angela笑著說:「有外國同學誇張地以毛巾塞住門縫隔絕味道,與他們同房的外國人則把自己關在房間裏。」中國人會「刮痧」舒緩中暑,來自台灣的Monica嫁給美籍英國人丈夫,已移民美國12年之久,她表示:「我曾經自己刮痧,我先生覺得(刮痧的痕跡)怎麽那麽可怕,他們無法接受這樣的文化。我盡量不出去讓別人看到這些,他們無法接受,我怕他們覺得我很神經病。」中國人吃魚喜歡「全條上」,在家宴請美國朋友時,Monica說「他們沒法接受整條魚上菜,有頭有尾」。往往奉客前要先詢問他們能否接受。美國人又覺得中國人視?補品的海參,外形猶如一條大蟲十分噁心,大部份人都敬而遠之。兩地飲食習慣不同,身在異地的華人想家的同時亦懷念家鄉的味道。Monica說,自己通常會與丈夫在家煮中式料理一解鄉愁,例如油飯和滷蛋等。在美國讀完大學、現時在當地工作的港人Janis則會在回港探親時,帶回大袋港式零食,包括「挾糖」和薯片等,慰藉一下自己思鄉的味蕾。《蘋果》記者





來源: http://hk.apple.nextmedia.com/international/art/20150911/19291195
華人 美國 冬菇 以為 係屍 屍臭 飲食 文化 差異 笑話
PermaLink: https://articles.zkiz.com/?id=292169

【科技籽】冬菇頭七隻角 小丸子玩足三十年

1 : GS(14)@2016-07-13 05:16:47

漫畫《櫻桃小丸子》30周年,各地都有慶祝活動,香港就有電影主題展覽,展出多個不同造型的小丸子像。



【科技籽:出閘搜新】《櫻桃小丸子》由細睇到大,日本電視台仍在播放動畫版,至今已超過1,000集,漫畫則於1986年開始連載,今年更踏入30周年!30周年大日子,世界各地有很多慶祝活動,香港有商場展覽,澳門也有學園祭,丸迷不愁寂寞。


中學時期已用零用錢追小丸子的郭穎愉(Pet)不但收集了大量珍藏品,更喜歡看作者兼小丸子原型櫻桃子老師的各類書籍,包括散文集,入面提及不少漫畫沒有描述的生活瑣事,如老師生仔的經歷。「散文入面有描述生仔嘅經過,講佢由劇痛到接受麻醉,好似去咗個好虛幻嘅世界,文筆都係小丸子風格。」談及對小丸子的印象,阿Pet直言她有點港女,貪小便宜、盼望不勞而獲,但另一方面很佩服她天馬行空的想像力,「小丸子畀咗希望我哋呢啲懶人,hea住做都可以似櫻桃子老師咁叻。」



註冊冬菇頭 睇髮蔭認正版貨

坊間有不少小丸子精品,但近年多了不少假貨,阿Pet提醒大家,看小丸子的髮型就能分出真假,因為註冊版權規定,小丸子髮蔭一定要有七個三角形。上網找淘寶貨圖片看,真的有八、九個角的小丸子,所言非虛。30周年限定商品方面,最特別的是用上廣東話配音的發聲公仔,由港版配音員鄭麗麗聲演,香港fans聽落有感情。



首登大銀幕 男主角睇完都喊

除了30周年展覽,小丸子電影版《櫻桃小丸子:來自意大利的少年》亦會於8月11日上映,是第一次能在香港影院看到小丸子電影。故事講有六個不同國家的小朋友來到小丸子居住的靜岡清水市,其中來自意大利的Andrea更寄住在小丸子家中,阿Pet估計Andrea跟小丸子會有感情線。原來櫻桃子老師真的有一位叫Andrea的意大利混血兒朋友,不過只是拿了他的名字和國籍寫故事,與電影情節無關。真人Andrea和小丸子一樣住在靜岡縣,電影去年在日本上畫,身為小丸子粉絲的他有讚冇彈,還提提大家帶定紙巾。「預告好似愛情片,但睇過就知唔老套,男人睇到結局都好難忍得住唔流眼淚。」



展覽中的小丸子像造型可愛。

正貨授權精品的小丸子,髮蔭一定有七隻角。

假貨正版小丸子商品髮蔭一定有七隻角,淘寶貨就會有八、九隻角。



郭穎愉(阿Pet)喜歡看櫻桃子老師的各類書籍,如散文集。

AKB48的小嶋陽菜來港出席揭幕禮。

小丸子及Andrea發聲公仔電影《來自意大利的少年》兩位主角公仔,廣東話發聲,小丸子由鄭麗麗配音,Andrea則是由台灣演員汪東城配音,每隻$380。



Andrea透露他平時和櫻桃子老師食飯,多數唱K飲酒直落。



「The ONE×櫻桃小丸子Mamma Mia得意之旅」展覽及期間限定商店

配合電影主題,場景以意大利風格設計,除了小丸子一家和花輪同學,野口和永澤兩位人氣同學也有大公仔給fans拍照。Pop up Store有發聲公仔等限定精品發售。日期︰即日至8月31日地點︰尖沙嘴The ONE UG2中庭



記者:司徒港燊攝影:林栢鈞編輯:李寶筠美術:孔文彬





來源: http://hk.apple.nextmedia.com/su ... t/20160713/19691798
科技 冬菇 頭七 七隻 隻角 丸子 玩足 足三 三十 十年
PermaLink: https://articles.zkiz.com/?id=303587

齊來估係邊位?金色冬菇頭加四萬笑口

1 : GS(14)@2016-11-29 07:55:25

徐子珊昨日喺Instagram post咗兩張相,不過第一眼就咁睇真係認唔出係佢,金色冬菇頭仲要淨係得個側面,相信好多人第一時間都會諗起吳日言。另一張相就係正面睇喇,可以肯定佢就係徐子珊,佢仲喺丹麥哥本哈根嘅Louisiana Museum of Modern Art(路易斯安納現代美術館)打卡。睇嚟子珊o依家去緊旅行享受緊生活,不過點解會突然咁有衝動剪短頭髮呢,定係假髮嚟㗎?




來源: http://hk.apple.nextmedia.com/entertainment/art/20161129/19849183
齊來 來估 估係 係邊 邊位 金色 冬菇 頭加 加四 四萬 笑口
PermaLink: https://articles.zkiz.com/?id=317510

【簡易開年飯】帶子啤水去雪味 冬菇揀國貨最香

1 : GS(14)@2017-01-29 10:32:07

髮菜扣冬菇



開年飯怎少得冬菇和髮菜,即金錢和發財兩大主角。擅長古法菜的私房菜吳師府負責人吳永皓說,這碟菜要煮得好,選材反而是最重要,一般人較偏好日本冬菇,但他認為,中國冬菇味道更好。「中國冬菇較日本香,但質感較韌身,不像日本菇爽,但如果處理得當,炆得夠火候,都可以炆到不韌,有種腍滑感覺。」



將冬菇及髮菜浸軟去沙,先煮髮菜,放入上湯、蠔油及生抽,煮約5分鐘左右。「將髮菜稍為煮滾便可,因為煮得太耐會融化,有人說,真髮菜不會融,假髮菜便融,其實不是這樣一回事。有時用髮菜煲湯,變軟身後,連夾都夾不到。」將煮好髮菜盛起,剩下的湯可以用來燜冬菇,不要浪費,調味相同,再煮約十分鐘,最後加酒便可上碟。「配冬菇最好的酒是桂花陳酒,是一種中國酒,一隻好甜的酒,很有桂花香,退而其次配白蘭地及威士忌都好,這些都較用紹興酒及白酒更好。」



將髮菜稍為煮滾便可,煮得太耐會融化。

薑汁炒帶子



炒帶子亦是開年飯常見菜式,做法簡單,但經常有人說帶子的雪味很難處理,又炒到水汪汪。吳師傅說帶子要啤水,炒前可先拉油或汆水都得,一定要做好這個步驟才炒,否則便會炒到水汪汪。爆香細料後,即薑米、葱粒及茶瓜,再快炒帶子便成。髮菜扒冬菇材料:髮菜5錢冬菇8隻調味料:上湯1碗蠔油1湯匙生抽半湯匙薑汁炒帶子材料:帶子500克(細料)薑米1茶匙葱粒1茶匙茶瓜2片記者:何嘉茵攝影:鄧鴻欣2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170129/19912075
易開 年飯 帶子 啤水 水去 去雪 雪味 冬菇 國貨 最香
PermaLink: https://articles.zkiz.com/?id=324638

冬菇頭變長髮呂麗君髮型十年如一

1 : GS(14)@2017-02-03 03:10:25

呂麗君喺98年選港姐嗰陣,係短髮齊蔭冬菇頭,不過自從01年喺英國邂逅咗大劉(劉鑾雄),就見佢一直keep住一個過肩嘅長髮look,無論係同大劉去福臨門食飯、陪劉老太出席婦協活動、為大劉旁聽官司,呂麗君都係好少換髮型,keep住呢個三七分界。唔知係習慣咗,定係對呢個髮型情有獨鍾,呂麗君經常都將呢把秀髮放落嚟,隨風飄逸,有時都會見到佢花心思喺頭髮上面,好似卷髮或者紮髻咁,但都只係少數,但試過咁多髮型,都係長髮最順眼。




來源: http://hk.apple.nextmedia.com/entertainment/art/20170202/19914980
冬菇 頭變 長髮 呂麗 麗君 髮型 十年 如一
PermaLink: https://articles.zkiz.com/?id=325127

八両仔形象百變冬菇頭到飄逸長髮都試過

1 : GS(14)@2017-04-22 10:22:31

正所謂,有其父必有其子,八両金強勁嘅DNA遺傳晒俾八両仔。八両仔最近每次跟住爸爸出席活動,都有轉下造型,但都掩蓋唔到,佢同爸爸倒模一樣嘅外貌。故事要由95年講起,八両金老婆八両菜誕下麟兒,不過一場金融風暴,吹散咗呢一家人,八両仔自此之後,跟隨爸爸生活至今。細細個嘅八両仔,充滿童真,仲俾爸爸打造成自己翻版,梳住招牌冬菇頭長大,睇落去好可愛。大個咗之後,八両仔擺脫咗冬菇頭,試過好多造型,好似skin head、剷青留陰等等咩都試過,有時出嚟活動見到佢兩父子,八両金仲會幫八両仔梳頭。上年八両仔再進取啲,索性留咗一頭長髮,仲好柔順飄逸添!不過八両金就講過頂唔順阿仔呢個髮型,最好都係變番冬菇頭。聽爸爸話嘅八両仔,最近剪咗頭髮,仲染金埋,成個look似足方皓玟。



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170420/19995825
形象 百變 冬菇 頭到 飄逸 長髮 都試 試過
PermaLink: https://articles.zkiz.com/?id=331064

【領展逼遷】冬菇亭麵店大埔易地重開 街坊捧場:貴咗都可接受

1 : GS(14)@2017-07-01 09:54:43

該店所售的魚蛋、魚皮等等,全部由老闆王贊強及一眾夥計每日新鮮打成。



被領展拒租、前身位於大埔廣福邨冬菇亭,開業31年的廣成麵家,已在6月28日寶鄕街重開。新店地下連閣樓有2000呎,營業時間由以前早上九時至凌晨一時到現在開早上六時至凌晨一時,增賣早餐、常餐及碟頭飯,價錢上調4至5元,像招牌雲吞麵由以前23元加價至現在28元。「以前冬菇亭舖租4、5萬元,現在貴3倍,人手多了6個人,成本貴了,無辦法所以才加價。」第二代負責人王贊強說。



舖後工場面積雖不算大,仍堅持手唧魚蛋,炸魚皮,包雲吞,不過由於魚蛋魚皮要時間準備,早上暫時停賣。熟客趙先生在首天重開專程前來捧場,「我細細個幫襯到現在,味道如昔,雲吞比之前更大粒,雖然價錢比以前貴了幾元,但可接受,不過仍懷念冬菇亭風味。」該店所售的魚蛋、魚皮等等,全部由他及一眾夥計每日新鮮打成,其中又以魚蛋最受歡迎。他們每日約要劏20多條門鱔,打出30多斤魚蛋。今年2月麵檔結業時我們曾訪問王贊強,他當時說已有多年未去過旅行,今次休息了5個月,他笑說:「和家人趁機去過一次澳門,三次日本。」他説結業後未有壓力重開。「我找到這個舖位都是天意,簽約後翌日,領展先回覆不能續租,足足拖了我三個月,他們說如要堅持做魚蛋粉,就要轉移到廣福邨樓上冬菇亭做。本來由4萬加租到12萬,我都想繼續在廣福邨做,始終我們在這裏發迹,落地生根,阿爸直到最後一刻都提我,要我守住間舖。廣福是一個孤島邨,無人流,但我有決心靠班熟客街坊可以做得住,領展説我們食物無特色,不會和我們續租。」



由廣福邨冬菇亭搬往寶鄕街2000呎舖位,廣成麵家歷時5個月重開。

雲吞麵,有熟客說雲吞較以前大粒,雖然價錢貴了5元,但並不介意。$28

廣成麵家大埔寶鄕街46號記者:何嘉茵攝影:許先煜重溫早前報道:【冬菇亭苦主】被領展逼走 愛心粥老闆:我好很多謝佢,冇人性!
http://bit.ly/2tnVgve【好店消失】廣福邨性格小店被逼走 老闆:「我們抵受不了霸權」
http://bit.ly/2t00xX22017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170629/20071857
領展 展逼 逼遷 冬菇 亭麵 麵店 大埔 易地 重開 街坊 捧場 貴咗 咗都 都可 接受
PermaLink: https://articles.zkiz.com/?id=337243

【漁民風味】鹹魚冬菇馬蹄蒸肉餅 送飯一流

1 : GS(14)@2017-12-05 00:50:46

鹹魚冬菇馬蹄蒸肉餅

全新旅遊專頁,即like籽想旅行:https://fb.com/travel.appleseed

黃思敏(Nicoles),西貢人,老公為糧船灣水上人,漁民海鮮菜式及西餐最拿手,私房菜力高廚房MAMAPIG主理人,為《志在漁樂》一書撰寫食譜。


有一種用鹽醃製過的魚,叫梅香鹹魚,魚肉經過醃製,肉質已經不再結實,卻有鹹香鮮味的妙處,馬友魚的肉質與脂肪含量都是魚類中比較好的,剛剛曬好的馬友魚,除了蒸來食用,也很適合用油煎,煎好後送粥或送飯一流,如果食不完的鹹魚肉餅,可以加雞蛋用來炒飯,味道非常鹹香美味。


材料:梅香馬友鹹魚一件免治豬肉二十元冬菇一隻馬蹄一粒豉油二湯匙粟粉一茶匙糖一茶匙水二湯匙紹興酒一湯匙做法:(1)免治豬肉加水拌一拌(2)免治豬肉加豉油、粟粉、糖和紹興酒拌勻(3)加油再拌一拌。(4)將冬菇切粒。(5)馬蹄拍一拍再切碎。(6)全部材料拌勻。(7)肉餅放碟,其上放鹹魚再撒上薑絲蒸13分鐘。貼士:-馬蹄夠實淨代表靚,腍的代表壞了。-免治豬肉加水令肉吸滿水食起來更鬆軟及多汁。-放肉餅落碟,不要壓得太實,只要輕輕按住令肉黏在一起便可,以免影響口感。食譜設計:黃思敏@力高廚房MAMAPIG攝影:鄧鴻欣



來源: https://hk.lifestyle.appledaily. ... e/20171129/20228638
漁民 風味 鹹魚 冬菇 馬蹄 肉餅 送飯 一流
PermaLink: https://articles.zkiz.com/?id=344853

【工展會】首日開鑼有乜筍嘢買同食 $288福袋有鮑魚冬菇臘腸6款

1 : GS(14)@2017-12-18 04:50:37

工展會於今天開鑼了,有甚麼筍貨呢?


2017年第52屆工展會於今日(16日)開鑼,現場看到當中的乾貨和電器攤位就最墟冚,塞滿一班太太們,其中安記更是大排長龍,他們等的就是1個$288福袋,內含鮑魚、冬菇、臘腸、鮑魚麵、XO醬和瘦身茶共6款產品,首一百位還可再減$20。


安記$288福袋,內含鮑魚、冬菇、臘腸、鮑魚麵、XO醬和瘦身茶共6款產品。

大大串燒菠蘿加帶子,$40/串。

現場有即炒黃金炒魚皮,$30/份。



現場都有不少即食麵減價,例如有$100/1套的即食麵,EDO拉麵$49.5有5袋,平均不到$10就有一袋,更有試食提供,不怕不合口味。現場不少人都買到一袋二袋,滿載而歸。場內亦有非常吸引的美食專區,例如有即叫即煎的蚵仔煎、芝心雞排、即炒黃金炒魚皮、大大串菠蘿加帶子等,不得不提的是阿波羅推出了4款工展會獨有口味,更有港女最愛的紫薯,有好香的紫薯味,而且一邊吃會咬到很多紫薯粒,甚為驚喜。


阿波羅推出了4款工展會獨有口味,紫薯味叫人驚喜。

即炸芝心雞排,不過芝心程度一般。



雖然第一日的現場不算非常擠逼,但相信越接近聖誕就會越多人,不想同人擁擠就要選擇平日了。第52屆工展會日期:2017年12月16日至2018年1月8日地點:維園記者:陳傲紫攝影:許先煜



來源: https://hk.lifestyle.appledaily. ... e/20171217/20246935
展會 首日 開鑼 有乜 乜筍 買同 同食 288 福袋 袋有 鮑魚 冬菇 臘腸
PermaLink: https://articles.zkiz.com/?id=345607

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019