ZKIZ Archives


綠色是種掩護色 盧冠廷

1 : GS(14)@2015-06-18 14:30:13

2015-06-18 NM
盧冠廷拿着花灑像唸急口令:「淋浴咪過三分鐘,否則地球冇水用。」幾生鬼。盧冠廷自嘲:「有人網上鬧我:『最憎佢講環保。』」筆者理解五十五十。不懂的一半是,環保人畜無害(字面意思亦然),想洗底的官員最愛搞環保。當人們只記得盧冠廷化身綠色大使,可以掩蓋很多事情,怎會被罵?我不怪盧冠廷投入到開埋有機店,他似傳教多過做生意;我只是奇怪,《民主歌聲獻中華》的作曲人和指揮、出版題為《1989》唱片的扛鼎勇者,到頭來話自己「唔識」、「陌生」、「睇唔到」,而寧願暢談養生之道。我懂的一半是——「曾經走在前線都唔驚,現在驚多咗幾毫克添加劑?LoLo你是否在逃避?你唔鍾意我都要咁講,你話有人憎你只談環保,可能就是這原因。」我一邊說,一邊見到盧冠廷不再直望我。「太敏感了,剪剪(指拍攝)。」他摸着光頭說:「要睇上天安排。」訪問正值六月五日,事情,遙遠得,不只相隔一天……舊式人

撇開政治,盧冠廷人如其歌是個《快樂老實人》,重點在老實,老實自然快樂。「我並非有計劃地歸隱。九三年,和李宗盛合作唱片,每人五首,製作費九十五萬,另加三倍宣傳費,賣得萬五張,我唔想嘥人家錢,不再做了。「於是轉行配樂,九七年玩完,經濟差,電影公司欠我錢,廣告公司欠我錢,話兄弟爭住先。「我焗住做了三年思想家——坐喺屋企得個諗字。每次配樂三日三夜困在密閉房間,吸塵機般吸晒電腦釋放的有毒物質,去睇西醫冇效,西醫叫我睇心理。我找科學書閱讀,用綠色方法治療自己。除咗音樂,我乜都唔識,就開間鋪賣太陽能產品,那時租平,千五呎用唔晒,兼賣有機食物。」坦蕩得不似歌星口啓。「我由食肉獸變成只吃蔬果、魚和雞蛋。到中學開talk,學生challenge我。你話我似傳教都好自然,我插個路牌提醒大家前面危險,做了才心安理得。「沒停過研究音樂,昇華到另一level了,但我是個舊式人,不習慣自己發表,總要有人請我,今次唱片公司話出發燒碟,我便做。」

繼續生活

筆者不質疑盧冠廷的「昇華」,正如他說「冇進步出番嚟為乜」,經典冧歌如《陪着你走》一一重新編排、昇華了;但最好的音樂豈非在觸動人心嗎?我覺得盧冠廷登峰造極是《1989》裡史詩式《漆黑將不再面對》諸作,每年端午前後重聽總淚濕我枕頭,為什麼今次就不收錄、昇華?盧冠廷笑着說:「你鍾意啫,個人喜好。」八九年後,他仍有作品,卻到達分水嶺——或者像九○年的《重新打算》所言?「老老實實,《重新打算》個melody係點?我自己都唔記得,你哼兩句嚟聽吓。」選擇性失憶了。昇華(sublimation),原意是指乾冰(固態二氧化碳)直接氣化,中間不用經過液體狀態。像溜走的激情,可以消失得無影無踪。我不怪責盧冠廷。一場大夢想破滅後,幾許熱血青年轉為寄情
綠色 是種 掩護 盧冠 冠廷
PermaLink: https://articles.zkiz.com/?id=291080

有話兒:社會沒公義沒平等盧冠廷再唱心聲

1 : GS(14)@2016-03-11 13:31:42

「如今夜了 請安息輕帶着靈魂別去」89年,盧冠廷為六四事件作歌《漆黑將不再面對》祭亡靈,今年,盧冠廷將於6月踏紅館開騷,27年過去了,他覺得社會沒變,依然是沒公義沒平等,但他仍在考慮會否唱這歌:「我個心一直冇變,但我冇咗嗰種為自由嘅熱血,而家幾十歲人睇化咗!」他為現今社會撕裂感傷心,希望港人不再有擔憂爭拗,世事何曾是絕對!撰文:余燕儀現年65歲的盧冠廷回歸樂壇,相隔8年後,將於6月10及11日假紅館開騷,89年盧冠廷寫歌《漆黑將不再面對》悼六四亡靈,剛巧今次開騷踏正6月!日前盧冠廷在沙田接受本報專訪,被問到會否再唱這歌?他說:「嘩!好敏感喎,點處理呢個問題要考慮,就算我唔唱呢隻,我都會唱而家啲人感受乜嘢、呢個世界發生緊乜嘢,因為冇變呀,冇公義、冇平等,幾十年嚟冇變,有人一日就會有呢啲事情發生,我有機會唱嘅時候,一定會唱我心聲出嚟。」



■89年盧冠廷出席「民主歌聲獻中華」,其後更為六四事件創作了《漆黑將不再面對》。

■盧冠廷對香港人仍然有信心,相信定能找到出路。



「撕裂我係好傷心」

步入長者之齡,盧冠廷的心沒改變,但人卻看化了:「我個心一路都冇變,但係咪一定要唱呢隻歌呢?要考慮囉,嗱,我講我性格畀你聽先,任何有爭拗嘅嘢,唔理你對錯都好,一有爭拗我就行開,乜嘢叫啱?共產黨啱定係美國啱吖?呢個冇絕對,我會支持真普選,但我唔會去佔中。當年嘅感受全部係真,到而家係咪仲係為自由咁熱血?唔係喎大佬,我而家幾十歲,我冇咗嗰種熱血喎,個人又睇化咗,乜嘢啱乜嘢唔啱?呢個世界何來有絕對?」眼看現在的社會撕裂,盧冠廷坦言:「撕裂我係好傷心,我希望嚟睇我演唱會嘅人,有番兩個鐘頭嘅安慰,或者令佢哋暫時忘記紛爭,我希望香港人開心,唔使再擔憂爭拗,去番和平啲嘅社會,呢個係我希望。演唱會叫『Beyond Imagination』,希望可以感動人,我唔會放煙花着靚衫整到個台好靚,呢啲唔係我感動人嘅方法,我要去搵magic,超乎人想像嘅感覺。」



■盧冠廷前年為徐小鳳演唱會擔任嘉賓,已令人期待他再開個唱。

■財爺曾俊華在預算案引用《憑着愛》歌詞,令盧冠廷十分興奮。



「有意志無人可阻」

對於財爺曾俊華在預算案引用《憑着愛》歌詞,盧冠廷笑說:「《憑着愛》我寫㗎,高興㗎,用我隻歌,咁多歌唔用。08年佢都有嚟睇我嘅演唱會,佢喺街見到我都問幾時再開第二次?大家食過一次飯,講吓jazz音樂。」問是否相信香港人真的會搵到出路?他說:「香港人搵到呢個出路,有意志係冇人可以阻撓,我成日都講,飛機未識飛時,你相信佢就一定飛得起,一樣道理。」場地:香港沙田萬怡酒店


The Starving Of SudanKevin Carter1994

為一張相創作新歌

盧冠廷將出新碟收錄2首新歌,一首是《憑着愛》的延續篇《你今天快樂嗎》,另一首是潘源良填詞的《Kumbaya》,他說:「《Kumbaya》係睇幅相有感而發,非洲小朋友趴喺地爬,仲有半里到有嘢食地方,但佢冇力,有隻禿鷹喺隔籬望住,等佢瓜老襯就食佢!嗰個記者好勁,識影張相震撼世界,但點解唔去幫佢呢?呢個對我震撼好大,點解會搞成咁?因為我哋斬晒啲樹,沙漠化種唔到食物出嚟,呢個係我用嚟警世嘅歌。」問到近年還有聽廣東歌嗎?他坦言:「老老實實係冇嘅,我樣樣音樂都聽,廣東歌未去到一個level令我興奮,而家啲歌唔好聽,冇咗創作能力,因為90年代初rap出咗嚟,完全係廢咗旋律嘅重要性,第二computer music出咗嚟,唔識音樂都可以做作曲家,啲歌係垃圾,我同唱片公司講,希望畀番人聽歌嘅興奮。廣東歌一定重要,我希望廣東歌好似韓國咁可以打出世界市場,呢個係我希望。」





來源: http://hk.apple.nextmedia.com/entertainment/art/20160311/19524452
話兒 社會 公義 平等 盧冠 冠廷 廷再 再唱 心聲
PermaLink: https://articles.zkiz.com/?id=297618

盧冠廷鬼馬歌氹老婆

1 : GS(14)@2016-03-13 02:40:32

盧冠廷昨到商台宣傳新歌《你今天快樂嗎》,他表示此曲是《陪著你走》的下集,他說:「《陪》係展望將來,《你》係回想過去。」但他沒參與填詞部份,不阻礙太太創作,他說:「我啲詞唔及佢咁高情操,平時氹佢歡喜鬼馬歌就得。」另外,他為演唱會招募音樂人:「只要同音樂有關,拍條片玩一分鐘,有特色嘅我就會揀出來同我喺演唱會表演。」





來源: http://hk.apple.nextmedia.com/entertainment/art/20160312/19526154
盧冠 冠廷 廷鬼 鬼馬 馬歌 歌氹 老婆
PermaLink: https://articles.zkiz.com/?id=297743

【馮仁昭四圍超】軒仔聽盧冠廷失眠

1 : GS(14)@2016-03-28 14:16:15

張敬軒(左)噚日喺佐敦為盧冠廷(右)寫嘅電影主題曲《一步一面貌》錄音,軒仔一向自己做監製,今次改由盧冠廷做,佢話前一晚失眠:「我1點上床瞓,點知到4點幾仲未瞓着,心情好緊張,成晚不停聽盧Sir嘅歌,想搵番佢啲歌曲嘅感覺。」盧冠廷就叫佢放鬆,又讚佢對音樂認識令佢驚嘆,軒仔即乘機邀請盧冠廷再寫首浪漫歌畀佢,不過盧冠廷話要忙埋演唱會先。撰文:馮仁昭





來源: http://hk.apple.nextmedia.com/entertainment/art/20160328/19546930
馮仁 仁昭 四圍 軒仔 仔聽 聽盧 盧冠 冠廷 失眠
PermaLink: https://articles.zkiz.com/?id=298658

馮仁昭四圍超:盧冠廷讚港音樂人

1 : GS(14)@2016-04-15 16:30:13

盧冠廷噚日到商台宣傳演唱會,講到香港樂壇新人,佢話:「香港有好多好嘅音樂人,有世界級水平,舊時香港係音樂之城,而家俾韓國超過咗,但係唔可以放棄,只要有心、有天份,我嘅夢想係廣東歌能打入世界市場。」另外,王梓軒參加咗《中國好歌曲》後,喺內地多咗好多機會,仲自爆推咗個喺香港有幾百萬酬勞嘅工作,佢話係好艱難嘅抉擇,雖然係成幾百萬嘅酬勞,但佢有信心搵得番。撰文:馮仁昭





來源: http://hk.apple.nextmedia.com/entertainment/art/20160415/19571444
馮仁 仁昭 四圍 盧冠 冠廷 廷讚 讚港 音樂人 音樂
PermaLink: https://articles.zkiz.com/?id=299384

盧冠廷出碟唔怕蝕

1 : GS(14)@2016-04-23 18:37:51

盧冠廷日前接受有線訪問時,提到最近出唱片又開演唱會積極復出,他笑說:「唱片公司唔怕蝕,我咪唔怕出囉。」他和太太唐書琛結婚33年,問到夫妻相處之道?他笑謂:女人不外乎要花心思,所以有好多歌,我淨係作畀佢聽,氹佢開心。」盧冠廷表示曾經有位前輩說過,生活不用太多姿多采,因為激情未必能夠細水長流,反而平淡是福。





來源: http://hk.apple.nextmedia.com/entertainment/art/20160423/19582478
盧冠 冠廷 廷出 出碟 碟唔 唔怕 怕蝕
PermaLink: https://articles.zkiz.com/?id=299598

盧冠廷寫歌冧老婆

1 : GS(14)@2016-05-08 01:44:09

將於下月10、11日假紅館舉行演唱會的盧冠廷,日前與譚詠麟及林子祥聚首一堂,接受電視節目訪問兼jam歌,三人又一起話當年,分享追女仔心得,盧冠廷笑言以前會作曲討老婆唐書琛歡心,林子祥自爆在廁所內創作《零時十分》送給葉蒨文,搞笑得來又甜蜜。而盧冠廷更表示已經開始緊張,腦裏無時無刻只記掛着演唱會。此外,盧冠廷籌備多時的全新Hifi唱片《Beyond Imagination Too》會於本月推出,碟中除了兩首新歌外,同時亦翻唱譚詠麟的《孩兒》、林子祥的《美麗的小姑娘》及張國榮的《風繼續吹》等舊歌。撰文:陳以晴





來源: http://hk.apple.nextmedia.com/entertainment/art/20160506/19599549
盧冠 冠廷 廷寫 寫歌 老婆
PermaLink: https://articles.zkiz.com/?id=299754

馮仁昭四圍超:盧冠廷搵華仔做嘉賓

1 : GS(14)@2016-05-25 10:05:18

盧冠廷下月10及11號喺紅館舉行兩場演唱會,除咗之前公佈有張敬軒、側田同Robynn& Kendy做嘉賓之外,噚日再公佈會有重量級嘉賓助陣,就係劉德華喇!盧冠廷話90年代同華仔寫過《情未鳥》同《緣盡》兩首歌,又幫《十年》編曲:「佢係四大天王入面合作最多嘅歌手,但就第一次做我演唱會嘉賓,又興奮又期待。同埋我張新碟聽(今)日會推出。」撰文:馮仁昭





來源: http://hk.apple.nextmedia.com/entertainment/art/20160525/19625808
馮仁 仁昭 四圍 盧冠 冠廷 廷搵 搵華 華仔 仔做 嘉賓
PermaLink: https://articles.zkiz.com/?id=301476

盧冠廷錄歌詭異混音

1 : GS(14)@2016-07-17 15:41:42

盧冠廷昨日到新城宣傳新碟《Beyond Imagination Too》,他大爆靈異事件:「錄《浪子心聲》嗰陣,本身做咗幾個混音都唔滿意,之後去食飯休息吓,返嚟唔知邊個幫我混好咗,明明個錄音室冇人,但呢個版本真係最好聽。」除了忙於宣傳,盧冠廷計劃明年再出碟:「自己出咗呢兩隻碟,有年輕fans都鍾意聽我啲老餅歌,年輕人都接受,都想再造新碟、寫吓歌。」





來源: http://hk.apple.nextmedia.com/entertainment/art/20160716/19696811
盧冠 冠廷 廷錄 錄歌 詭異 混音
PermaLink: https://articles.zkiz.com/?id=303973

【馮仁昭四圍超】盧冠廷孖老婆睇戲

1 : GS(14)@2016-08-04 04:06:25

早前忙完6月紅館演唱會嘅盧冠廷,出名愛妻號,成日孖住老婆唐書琛過二人世界,噚日盧冠廷同老婆趁除咗風球,即刻出動,不過天氣唔多好,最好都係行商場、超市或者睇戲喇。佢哋就揀咗入戲院睇《星空奇遇記:超域時空》。兩人拍住拖到九龍塘又一城,見到孭住背囊嘅盧冠廷行路時,隻腳一拐一拐咁行,似乎有腳痛問題,老婆就全程傍住佢行。撰文:馮仁昭





來源: http://hk.apple.nextmedia.com/entertainment/art/20160803/19720233
馮仁 仁昭 四圍 盧冠 冠廷 廷孖 老婆 睇戲
PermaLink: https://articles.zkiz.com/?id=304317

盧冠廷讚馮翰銘新派

1 : GS(14)@2016-08-07 02:13:52

盧冠廷(盧盧)和馮翰銘(左)昨日在會展宣傳唱片,二人都是創作歌手,馮翰銘稱還在讀書時已經聽盧盧的歌,深受影響,他說:「覺得盧盧好叻,啲歌好聽,而且佢做幕後工作又得,仲可以拍戲。」他希望跟盧盧有機會合唱,又怕自己太緊張,盧盧說:「本來冇諗過,但咁樣講完可以試吓,我都有聽佢嘅歌,好新派,我都要向好多人學習,新人類有新鮮感。」





來源: http://hk.apple.nextmedia.com/entertainment/art/20160806/19724659
盧冠 冠廷 廷讚 讚馮 馮翰 翰銘 新派
PermaLink: https://articles.zkiz.com/?id=304712


ZKIZ Archives @ 2019