ZKIZ Archives


大家冷靜,好文共賞


今日唔寫咁多,就拿番之前一位高手的fai哥作品給大家參詳一下。


呢排見到我講D股都升,亦都拿番fai哥之前講過的東西給大家看,願有心人互勉之。


http://realblog.zkiz.com/viewpage.php?tid=139


這個絕對係事實,因有些人一開始玩股票已一路賺錢(好少) 原因不是佢叻,隻係性格適合玩股票, 但有90%既人都係輸錢的,原因都係性格, 舉幾個我見到既例子


一: 不肯止蝕原因, 某某c奶買得高過我, 我洗咩驚呀!!



二: 買入創新高股票會訓吾著, 周身吾自然,認為幫人出貨, 仲會刻意去比較過往低位, 認為會跌番落去, 所以賺兩格就會馬上走



三: 買入創新低股, 就好安心, 會刻意睇以往高位,認為升番高位一半就發, 愈跌愈不走,大把人陪洗咩走,



四: 認定隻股會在過往高低位已運行, 我曾在pru時比321, 當時321做1.2 有個朋友話fai哥又冇搞錯, 隻股52週高位都係1.35,邊有水位呀!! 吾知這位朋友現在會否有進步呢!!



五: 主觀願望--要隻股票, 大市就佢,明知開市會高開就排低幾格買貨, 如果自己有貨就識得排高多格出貨, 相反明知大跌(美國跌300) 都要掛高些出, 博反彈就識排低10格, 其實都係一種不尊重市場表現,


六: 試圖估底部或頂部, 都係一種不尊重市場表現, 如果你係上述既性格馬上改善, 有些人一開始已同上述性格相反所以一路都賺錢,我就當然不是一開始就係咁, 都係交好多學費先慢慢改變, 不過你地好彩有我用了咁多學費得出來經驗同你地講,



如果你記得,我講過蛇年會玩xxx,其實隻股已圍哂貨,街貨已冇幾多, 但你們不要入,原因點解,講出來好殘酷,話到明一有街外人跟,我地就會吾玩,做到低收,悶死你,所以你們只可以學莊家股係點玩,我地不會露牌買入,因我地 心知愈露牌愈冇貨,成個畫面不好看,到我地要派貨時至會大手掛入,其實到這時已知街冇貨比,係比人睇既,趕個價上去,我相信只有我會教大家這些東西,希望 你能學習到其他地方學不到既野!
大家 冷靜 好文 共賞
PermaLink: https://articles.zkiz.com/?id=6662

好文共賞 – 有關土地的若干概念

近日和前信壇人氣帥哥羅友恒面書吹水,有若干擲地有聲論地權之高見,現鈔錄如下:

DMC和法團都係機制,機制代表的精神才是最重點。屋苑分契後,土地嘅權益就係透過法團集體擁有,呢個基礎很重要,「集體擁有」!重建的機遇是否對合理適當,也是需要「集體同意」。世事豈會盡如人意,任何衆人之事,絕對沒有百份百一致,公司如是,民主亦然,因此,如其話對小業主不公,反過來說,少數權益又點解有權妨礙大多數權益,理據又何在?

強拍在本義上絕對合理,可以討論嘅空間,只係幾多成先叫做重大比數而已。七成或八成,都有討論餘地,但說做對小業主不公平,則太過膚淺也。購買分契樓,說穿了,只係購買了一項「長期無償佔用」權和利,樓契只是這項權利的憑據。d人以為自己擁有層樓,只係自己唔識嘢。在蔽星(某英聯邦國家),比例係七成五,就可以通過法團議案。八成已經係好高,洗唔洗去到九成九先叫公平???

土地最高權益,乃永久業權(freehold)地皮(Freehold的地由來主權政府grant出來)的estate in fee simple。但就算係freehold權益亦唔係百份百,因為從前的freehold 觀念係地面以上(到天空大氣層頂)至地底(去到地心)既權益都係地主,現在時代進步,俾埋個天俾你,d飛既仲洗飛?地心俾埋你,地鐵咪無定企?所以,現代土地法已將freehold 權益修訂,天上和地下都唔關地主事的。

香港土地屬於中華人民共和國政府,現有土地只係租借地(leasehold),即係話交左地租借人塊地起樓,理論上2047年會被業主(政府)收番,不過到時補地價(ground lease)就繼續落去,無人會拆你座樓。

香港絕大部份樓宇就係在leasehold land之上,樓宇業主既權益“只係”leasehold strata,即係租借地上的按比例分配到的空間分契權益,呢種strata ownership在樓宇所處的土地上的權益分佔簡值係微乎其微。在分契業權上,業主享有絕對的legal 和equitable interest,但單一業主的這兩種權益並不反影在土地之上。理論上,要集合百反之一百既業主集體匯合所有分契權益,先可以“以共同”的一體法人體現“共同權益”以處理共同權益在土地利益的處理、伸訢或承擔責任的角色。

在集合百分之一百分契業主權益,就要有業主立案法團,立案法團唔係單單管理,而係真正“共同利益”法人,權力唔係講笑!所有管理和慕集sinking fund作維修,都要立案法團通過。成熟的法制下,法團可以由業主選出“管理團隊”,或委任獨立專業管理人出任,年年audit,依有關立案法團條例執行,唔會出事的。

大家應該體會,如果事事要以百份之一百小業主決定才成事,就算立案法團要整條水喉,都可能會有一個業主唔生銹,而搞到一件應做的事做唔到。所以,一般做法係,在立案法團規章之內,講明達到乜野比例就要“強制”所有業主通過,呢種做法,就係好似商業機構既開會決定程序也。

呢個慨念好重要,因為機制就係機制。呢重機制能夠決定強制所有業主共同進退,少數人既反對唔會阻止大部份同意票數,就係整個意義和精神。問題係,小弟亦一早就講過,香港無法無天(在地產法例而言),根本就無一套全面而統一的法規去處理所有分契樓宇(最重要係舊樓),否則都唔會有舊樓無錢維修而倒塌的悲劇了。現在因為要“解決”舊樓,政府強力插入,一步到位,搞到社會上無所適從,以為係奸計,其實只係頭痛醫腳的副作用也。

現在社會上因為80比20而嘈嘈閉,理據在於小業主權益被剝削,言之或者成理,但亦無道理。首先,乜野先算公平?99比1先係公平?唔會的!先進地區和國家,要求立案法團通過議案的比例只係百份之75,好明顯,現在的80比20唔係無考慮過“行情”的。其次,一座樓宇分成過百業權,有d人死鬼左,或移左民,或愛理不理,或癡鬼左線,其他大部份業主約要受制於呢d情況而無計可施,又是否公平???故此,總要有個機制保障大部份,這才是公道。

在無法無天的業界,有d大戶會用上十年廿載去慢慢吼機會,在某些地段中的舊樓中買落一兩個單位,然後等地區再重建或發展。當整座樓宇因為社區要重建,有發展商要收樓拆卸時,向呢d釘子戶收回剩餘權益時,就會被釘子戶開天殺價,有時整個談判可以拖上經年,呢d就係棺材釘釘子戶以小本傷人的技倆。城中靠此發家的富豪大不乏以打釘揚名的。所謂棺材釘者,就係有人落了一注就釘到你死直,真係好似口棺材釘,釘到你仆直。班含家富貴落釘唔係落一座樓,而係成條街逐座樓去落一口,你都咪話。假如業界早就有妥當的立案法團條例,呢d棺材釘大戶就無得發呢d死人財了。

釘子戶之所要死守,係要守到town planning的改變,地值飛升,發展商就有水位貼俾釘子戶。
  1. 換而言之,現在被強拍,小業主損不在被逼賣樓(因為理之所在,係一定要跟,無得傾),而係無得去等地價因為town planning改變增值享受賺價機會。
  2. 其次,正苦用個自己操控的局去收人地樓,總唔會在town planning之上事先配套,即係話,強要你當爛鐵賣,買左你之後先慢慢收改town planning,擺明唔俾人(小業主)賺錢。
  3. 在估價上,因為無新既土地用套作準,估價只係以現貨價,仲要折算維修費,唔值錢等因素,個價仲會賤d。所以,話要低水收樓,並非無理據的(當然有人會陰陰咀笑)。
  4. 買樓唔一定會增值,但現在因“危樓”而強拍之下喪失“等”既權利和機會,源來官府過去容許分契管理處於無法無天狀態,其實過在政府,所以政府先要快刀斬亂麻,急急收哂拆清,掩蓋自己既缺失。

現代樓宇,因為唔同用途既物業混合,例如商場上面有住宅。由於唔同用途既開支都唔一樣(商場梗係洗錢多d),所以,在分契上,係先分兩個大stratums,例如商場一條大分契,住宅部份一條大分契,然後各自的stratum中再strata,各strata業主負責自己所屬stratum部份的開銷部份,就好公平了。

現有的發展商包攬管理權源於從前玩開的deed of mutual covenant,入分契時發展商霸住(因為係最大份數)個權,之後就圍威喂落去,閹到你班業主仔春都無埋。真正的strata corp精神係要day one有個corp(發展商),不過會根據立案法團條例(有的話)在入伙之後將原有的解散重選,哪哪哪,關鍵就係呢到喇!
另外,你問老律都無謂也,土地法係好專門的,普通老律未必有深入研究過的。再者,香港土地法又唔三唔四,因為香港係中華人民共和國屬土,基本法只係將殖民地既ground leases過渡去2047。在2047之前,好應該將香港特區土地法搞清礎,甚至和內地法例做點接軌工作。公司法不可引用於立案法團(因為另有法也)。

香港暫行的土地法基礎係普通法,但普通法精神下的土地法已經好落後也,好多英聯邦國家早已錄逐修訂填補錯漏,香港係金融中心,班官個個都好忙,點會理呢d野呢?老實話你聽,買個leasehold strata樓宇,只係買個“佔用權”和一個唔會到期的option,除此之外,唔好以為自己係乜野業主甘巴閉。

現在大家注意力放哂落公義,非常走火入魔!有人仲提到包青天,香港人民智已經去到是非不分了。只要有完善的一籃子土地法規,所有乜野大業主小業主權益利害既爭議就會減到近乎係零。現在社會要執著的,係“無法無天”,唔係包青天式公義。公義係無法界定的,用公義判決,社會會走極端,非好事也。

大家覺得係業主就要保障權益,小弟早就講左leasehold strata有條實權益可言了。最高權益(estate in fee simple)例如freehold 土地擁有者,所擁有的權益話就話無人可以侵犯,你講下好了!在任何國家,政府都有絕對有效的法例以公眾利益之名“強收”你條地。以前暴力d,就叫resumption,現在文明d,就叫acquisition,分別只係後者會留一個雙方談判機制。連freehold土地都無絕對權益,大家真係唔好太天真太傻,以為買左個單位就有乜野土地權益。其實係有的!集合哂超過一定法定百份比,例如80巴仙,業權就叫做統一,土地權益就可以用單一法人去體現。所以,香港既業主立案法團唔湯唔水,因為,小業主係“唔可以埋堆”也!!!哈。題外話,菜園村收地有乜甘大周野?真係講都無謂。整件事只係賠償的談判,其他的都係談判策略,愚民咪能信乜野有感情。再講,真係要“強買”,在法律上係完全合理合法的。

份數就真係有數講了,份數者,unit entitlement也,即係所擁有的strata area佔整個strata plan總area的百份比也。講開業權,中國先唔清唔楚,理論上土地都係集體擁有,即係話條村既地就係村民集體擁有,城市既土地就係全城既人集體擁有。中國土地都係leasehold,但係地有地租,土地上建築又有另一業權,真惡搞也。英國土地法下,土地權益係土地上“所有”,即係話有樓就包樓,無樓就係無樓,建築物唔係土地業權所涉及的。
  1. 現在的收樓價,因為以現貨市價按最高用途(即係無重建價值的樓宇)去強收,等同份額的兩個業主,夠優座向高層的價錢比較差條件的估值應該更高;
  2. 相反,若果以重建地盤收購價作為估價,則上述兩個業主收回的樓價值會係一樣。

地產價錢和地產價值和地產估值之間既互為關係,當中的倒果為因,先係大題目。
好文 共賞 有關 土地 的若 若幹 概念
PermaLink: https://articles.zkiz.com/?id=197292

《你的名字》暗藏軍國政治?《亞洲週刊》奇文共賞

1 : GS(14)@2016-11-30 08:01:58

畫風細膩唯美的日本動畫《你的名字》(君の名は)近期成為電影票房大熱,但《亞洲週刊》一篇署名評論就將《你》形容是「在青春愛情片的唯美表面下,充斥與神道教理念相關的情節」,試圖美化作為軍國主義源頭的神道政治,更將電影中隕石滅村的劇情,講成是支持修憲擴軍派不斷強調「周邊事態」和「威脅」的暗喻。該名署名「林韻」的專欄文章稱,《你》的女主角宮水三葉是當地宮水神社的巫女,電影穿插大量涉及日本神道教的儀式,例如祖母教她帶領兩名孫女參拜神社內象徵神明寄居的「御神體」、製作祭祠用的口嚼酒(口噛み酒)等,「此類關於『神道的世界觀就是日本人的世界觀』的描寫貫穿全片,可以說是日本電影史上第一部將神道教抬到如此高度的影片。」評論稱,神道是日本皇權、軍國主義的精神源頭,二戰後因新憲法規定政教分離,政治家或社會名流不再公開談論神道,故日本首相參拜靖國神社亦受到國內質疑違反政教分離原則,前首相森喜朗亦因公開稱日本是一個「以天皇為中心的神國」而受到批評,但神道的政治敏感度在安倍晉三政權治下「漸漸呈現脫敏跡象」,包括其內閣20名成員就有19人是神道政治聯盟國會議員懇談會的成員,認為神道已滲透政界。文章稱安倍亦安插密友進入公共廣播機構NHK,NHK經營委員長谷川三千子就曾公開稱「天皇陛下就是神的化身,認為是否定戰後民主主義制度,「在這樣的社會背景之下,獲得日本文化廳(它的職權還有管理包括神社在內的宗教法人)出資贊助的《你的名字》中的神道描寫,難道真的只是一種傳統文化的表述或者單純的宗教宣傳嗎?」評論批評《你》其實是「歷史修正主義的一次升級」,以新潮藝術手法吸引大眾,暗中植入戰前意識形態,內容亦不再只為日本二戰中犯下的罪行洗白,「而是否定戰後民主主義、禮讚戰前的極權制度,為右翼實現政治願景掃清民意障礙。」《亞洲週刊》日片《你的名字》暗藏軍國政治原文: http://bit.ly/2gQJEKS




來源: http://hk.apple.nextmedia.com/news/art/20161130/19850484
你的 名字 暗藏 軍國 政治 亞洲 週刊 奇文 共賞
PermaLink: https://articles.zkiz.com/?id=317585

《美女與野獸》邀藝人全家共賞思琦鬧大會老屈出席

1 : GS(14)@2017-03-22 00:31:33

■身在內地的思琦鬧爆《美》片大會老屈她出席昨日的活動。微博圖片



陳浩民一家、高皓正、陳琪與子女等昨日到九龍灣出席「SDM電影工作坊表演暨《美女與野獸》電影欣賞會」活動。愛瑪屈臣(Emma Watson)主演的《美》片,當中因涉同性戀情節引爭議,育有一女的楊思琦曾指不贊成加入同性戀情節,而該活動的採訪通告本有思琦之名,令她被網友指摘講一套做一套,惟之後通告刪了其名字。身在內地工作的思琦前晚受訪時謂從沒接受邀請答應出席,認為這種宣傳手法有誤導成份:「係咪應該等嘉賓答應咗先公佈?」對於思琦「被出席」,大會市場部經理陳小姐說:「思琦囡囡有參加今次演出,唔知佢會唔會嚟,過往嘅演出思琦都以家長身份捧場。我哋溝通的確出現問題,其實我哋之後都已經發過另一張冇楊思琦個名嘅通告畀傳媒,今次係誤會。」


陳浩民睇唔明

陳浩民和太太蔣麗莎帶同子女出席,陳浩民表示沒有收酬勞,看了《美》片的他更說:「可能我鑑賞能力低,睇唔到暗示嘅同性戀情節,佢哋咁細都唔明。」如果早知有同性戀情節,會否讓子女觀看?他坦言:「當然唔畀,不過唔緊要,佢哋都瞓咗半場,環境太舒服,又可能俾野獸嚇暈咗。」



■陳浩民笑言播映《美》片時,因環境舒適,子女都睡着了。

■陳琪一拖三現身,囝囝眼仔睩睩非常可愛。

■高皓正藉電影教育子女不要存有歧視。


高皓正導子女

至於一向反對同性戀的高皓正,帶同子女出席昨日活動。談到電影當中的同性戀情節,他說:「呢個係好機會話畀小朋友聽,呢個世界唔同人有唔同選擇,唔可以歧視,佢哋一出世我就開始教育,要接受自己性別,保護身體重要部位。」他又指難以過濾電影後再讓小朋友看,此方面要靠電檢處。採訪、攝影:羅慧敏




來源: http://hk.apple.nextmedia.com/entertainment/art/20170320/19963480
美女 野獸 藝人 全家 共賞 賞思 思琦 琦鬧 大會 老屈 出席
PermaLink: https://articles.zkiz.com/?id=328102

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019