克勤睇波祖兒幫手
1 :
GS(14)@2016-09-13 00:19:19容祖兒與李克勤前晚在東莞開騷，撞正英超踢曼市打吡，即是曼聯對曼城，出名是曼聯忠實粉絲的克勤就心掛掛，祖兒好窩心發動身邊工作人員，為他提供wifi及下載睇波apps。克勤笑說：「以為可以睇半場先安心上台，點知忘記開騷前喺後台要做訪問影相，其實老婆知我心掛掛，有傳訊息畀我報告賽程。冇諗到一開波就一比零，已經好沮喪，點知喺我開騷前，入番一球，二比一，我就好開心咁收拾心情上台啦。」提到中秋，祖兒表示會與家人在屋企做節，更會照顧新買的小狗：「原來咁細嘅狗狗，每日要瞓20個鐘，第二日突然好冇精神謝晒，即刻送去畀朋友幫我照顧佢。」撰文：唐如
來源:
http://hk.apple.nextmedia.com/entertainment/art/20160912/19767814
克勤送珠寶感謝太太
1 :
GS(14)@2016-09-23 08:10:10李克勤昨日到商台宣傳加盟英皇後的首支派台歌《一個都不能少》，他謂是適合時機向過去30年幫助過自己的人致敬。克勤透露將會為新歌首次擔任MV導演，請來惠英紅及元華演出，問他可會請太太盧淑儀客串MV？他說：「唔好啦，要感謝佢，叫佢喺英皇珠寶自己揀啦，一百幾十都得嘅。」至於英皇高層吳雨將於下月榮休，克勤說：「咁大間公司唔使擔心，好似球會咁都成日轉領隊啦。」另外，他將與容祖兒到惠州及新加玻等地巡迴演唱，克勤坦言擔心寨卡病毒：「原本囝囝都一齊去，而家可能轉去第二度，我唱完先去搵佢哋。」採訪、攝影：盧妹
來源:
http://hk.apple.nextmedia.com/entertainment/art/20160923/19778681
外籍男泊位連撞兩車克勤驗車傷 嬲爆：一句道歉都冇
1 :
GS(14)@2016-10-24 04:21:01【跑馬地】李克勤前晚撇低太太盧淑儀和囝囝駕車出外吃飯，竟被一外籍男士泊車時撞花其座駕，事後對方完全當沒事發生，未有道歉，令克勤又無奈又嬲嬲豬。前晚11時許，克勤駕駛其Toyota七人車前往跑馬地南亭與友人食消夜，落車時克勤見到有記者在場，亦大方打招呼，繼而走入食肆與友人會合。其間一位駕駛白色瑪莎拉蒂的外籍男士欲將座駕泊在克勤七人車後，但未知是斜路泊車有難度，還是車位太窄及技術問題，該外籍男士泊車時先撞到泊在後面的Audi，繼而再撞向克勤的七人車，將七人車撞花。最離譜的是，該外籍男士先後撞到兩部車後，完全未有落車查看，反而着車上朋友先行落車，然後再泊往隔籬位置。
【捱撞】■駕駛白色瑪莎拉蒂的外籍男，前晚在跑馬地泊車時撞到克勤的七人車。
【無奈】■外籍男撞到克勤車後未有落車道歉，令克勤感到嬲嬲豬。
臨走苦笑
現場目擊過程的記者，第一時間通知克勤，他隨即走出來查看，惟該外籍男士完全當沒事發生，落車後走進隔籬酒吧消遣，克勤惟有無奈走到七人車處檢查「傷勢」，並極無奈地說：「小事、小事！算喇，只係條氣有少少唔順，係咪洋人嚟㗎？我都識操洋語喎！」其時克勤友人亦從餐廳走出來了解，克勤笑謂：「唔使驚，我哋有個總警司喺度。」並表示最嬲對方連一句道歉也沒有，說罷折返餐廳，再逗留半小時便離開，臨走時克勤再苦笑說：「走喇！走喇！再唔走驚人撞爛我架車！」採訪、攝影：朱志聰、梁繼光
來源:
http://hk.apple.nextmedia.com/entertainment/art/20161023/19809244
陳克勤助梁振英轟拉布
1 :
GS(14)@2017-01-21 03:32:53【本報訊】特首一向強烈不滿有立法會議員拉布，他昨日借民建聯陳克勤（圖）在答問大會中，問梁在推動房屋政策時有何阻力，以批評民主派議員拉布時，藉機指不少政策推行因立法會拉布而拖慢，更指用了兩倍時間去做一件事，「一般3%嘅經濟增長變咗1.5%經濟增長」，希望議員顧念正在輪候公屋，住在劏房的市民。
批評阻房屋發展
陳克勤問梁振英在推動房屋政策時有何阻力，又自言不滿民主派在立法會拉布，問梁「能否當住全港市民面，請非建制高抬貴手？」梁振英即把握機會開炮，指房屋問題向來是市民最關心，是政府最逼切需要處理的問題，力數任內在房屋政策的表現，如未來3至4年潛在一手樓供應量比上屆政府高出45%，公營房屋建屋量比上屆政府高出三分一等，認為工作有成效，只是市場上未出現影響。他又指推動有關政策最大阻力來自制度，更以本屆立法會工務小組連一個項目亦未批出過，以大埔一個公屋計劃為例，討論了3次仍未批出，他認為任何事都有分大道理和小道理，市民住屋是大道理，交通及街市等配套是小道理，指立會絕對不能議而不決，指最近得悉早前旺角花園街大火的居民，最近已成功上樓，「佢話（上樓）比中六合彩更好，唔好再拖」。該居民更說：「一部份拖延時間用在哪？對不起，就是用於貴立法會。」■記者陳雪玲
來源:
http://hk.apple.nextmedia.com/news/art/20170120/19903120
等足四季克勤阿Lam幫口王祖藍成功舉薦杜麗莎登陸《歌手5》
1 :
GS(14)@2017-02-12 15:24:192017-01-19 NM
宇宙G.E.M.憑《我是歌手2》（現易名為《歌手》）紅爆大陸後，古巨基、李克勤和容祖兒都先後參與節目演出，至於第五季有份出戰的杜麗莎，雖然是唱得之人，但登陸《歌手》舞台過程艱巨，王祖藍、李克勤和林子祥均曾為她出盡牙力。機會來了，早前《歌手》監製洪濤來港，終有機會一睹杜麗莎唱live功力，更決定開綠燈，讓她硬撼林憶蓮，師徒對決。唔夠人氣
出戰《歌手5》的過江龍除了林憶蓮，還有歌齡超過四十年的杜麗莎。據了解，她在今個二十一日播出的首集已開腔，更力壓同場對手，技驚四座。簽了杜麗莎的王祖藍，對她可以出征《歌手5》，更加功不可沒。「祖藍跟過Teresa學歌唱，佢一直想內地人知道老師係幾咁唱得，早响第一季已經向洪濤推薦Teresa，但可能佢喺內地人氣唔夠，所以推咗。其實唔只祖藍，克勤同阿Lam都有向製作單位sell過Teresa。直到舊年兩師徒喺《跨界歌王》合唱，令洪濤留有印象，後來祖藍知道監製嚟咗香港，機不可失，即刻安排他出席一個Teresa唱live的活動。」知情者說。
師徒互片
杜麗莎唱服洪濤的演出，其實是她紀念母親逝世一周年的私人聚會。「Teresa搞咗個小型私人party紀念媽咪，出席嘅都係至親同朋友。Teresa答應返內地演出錢其次，佢覺得內地多高手，可以重燃自己對舞台嘅熱誠。而佢媽媽係上海人，佢覺得返內地唱歌，會令亡母好安慰。」由第一季等到第五季，錯有錯着，造就杜麗莎和林憶蓮師徒對決。「其實憶蓮係Teresa第一個學生，八十年代已經跟佢學唱歌，如今師徒互片，都係一個賣點。」知情者說。
鑽研蔬果汁
生於音樂世家的杜麗莎，父親Fernando Carpio為六、七十年代爵士樂鼓手，堂妹是韋綺姍。成名於七十年代的杜麗莎，先後移民到美國及加拿大，回流後，她轉做歌唱導師，主力培育後輩，學生有林憶蓮、鄭秀文、許志安、關心妍、薛凱琪及梁詠琪等。近年杜麗莎又埋首鑽研健康蔬果汁，在朋友圈開心share。
撰文、攝影、攝錄：娛樂組
克勤為仔使半億買豪宅栢芝因潛水被拒諸門外
1 :
GS(14)@2017-03-03 00:59:50個個父母都希望仔女「贏在起跑線」，做爹哋媽咪嘅除咗安排一系列嘅興趣班之外，報讀嘅學校亦都好注重，要從一流嘅學前班讀起，幼稚園、小學、中學到大學，以一流嘅狀態跑過終點，再進入社會工作。之不過香港嘅教育制度搞到學生好大壓力，功課多、測驗考試又多，唯獨係休息時間唔多，結果搞到唔少父母放棄報道傳統學校，轉去讀國際學校，希望仔女可以喺一個愉快嘅環境讀書。曾經俾網民圍插因為Torres鍾意《冰雪奇緣》女主角Elsa而鬧到佢死嘅楊千嬅，佢話0依家學識咗要忠於阿囝嘅選擇，同阿囝一齊努力學習兼互相打氣。其實唔止千嬅，唔少藝人父母安排仔女報讀國際學校，位於香港仔嘅香港加拿大國際學校，亦係佢哋目標之一。45歲嘅陳豪同陳茵媺0依家有二子一女，本來有報道話陳豪兩公婆為3歲大仔Aiden拎到著名嘅哈羅香港國際學校嘅入場券，之後再用「世襲制」，畀細佬妹入讀，但係事後陳豪話國際學校或者本地學校都會考慮，最緊要係想搵到啱個仔嘅學校。不過之後又有報道話佢請假同陳茵媺帶咗Aiden去加拿大國際學校面試，臨走嗰陣仲喺門口傾多10分鐘。除咗佢哋報讀之外，呢間加拿大國際學校都有唔少星二代就讀，好似李克勤嘅兩個囝囝、林青霞嘅囡囡邢愛林和邢言愛，以及張學友細女張瑤萱等等，其中克勤仲為咗慳番啲車程，豪擲半億搬入壽臣山道。本來張栢芝喺2011年同謝霆鋒離婚之後，佢曾經帶住兩個仔先後移居加拿大同新加坡，之後決定回流返香港長住，Lucas嗰陣考到入香港仔加拿大國際學校，最後因為開學日就缺席，校方要求家長解釋，兼落最後報到限期，點知栢芝仲潛埋水，結果Lucas被取消入學資格，幸好喺教友鄭明明嘅幫助，兩個仔入讀沙田一間國際學校。
來源:
http://hk.apple.nextmedia.com/entertainment/art/20170302/19945059
Next Page