辣招料無損一手豪宅
1 :
GS(14)@2016-11-10 07:29:57【本報訊】政府上周出招打壓樓市後，市場即現樓王成交，業界認為，辣招對一手豪宅不會造成影響，加上有內地資金重投超級豪宅市場，未來只會再有新高出現。萊坊高級董事及估價及諮詢主管林浩文認為，新辣招對超級豪宅，特別是一手的超級豪宅影響最微。「買呢類超級豪宅嘅人，錢已經擺喺度，只係有冇啱嘅貨想買，有冇加稅並唔係佢哋要考慮嘅問題」。此外相信人民幣持續貶值，內地買家會將資金投資超級豪宅，抵銷貶值影響。二手豪宅方面，在新稅下，不少買家日後都要付15%或30%重稅，所以有補貼的一手豪宅會較吃香。「因為發展商會畀稅務回贈，但唔會減低個面價」，可以預期未來超級豪宅仍有機會再創新高，新辣招只會影響中小型住宅的二手市場。高力國際亞洲估價及顧問執行董事張翹楚表示，市場早前普遍預期Mount Nicholson呎價可創新高，只是首批單位以較低價錢賣出，「之後慢慢加番上去」，超級豪宅對富豪買家來說是心頭好，「賣一件少一件，好似買古董咁」。由於新盤有不同程度的補貼，可抵銷新辣招的影響。
來源:
http://hk.apple.nextmedia.com/financeestate/art/20161109/19827604