ZKIZ Archives


何宅鬧鬼

2006-12-07  Nm




當年七哥何鴻韜為避海盜跳海失踪,三哥何鴻展告訴十姑娘,懷疑有人謀財害命。巧合的是,自七哥出事後,何鴻燊家中即常常鬧鬼,元配黎婉華患上怪病,兒子猷光又車禍喪生,怪事連篇。(以下內容節錄自何婉琪即將出版的《回憶錄》)

十姑娘與何鴻燊之間的官司暫停了數個月後,十二月六日再度開庭,審理澳娛在九月二十五日股東會的合法性。十姑娘說:「個會根本唔合法,佢不停咁做騷,開會通過啲嘢,等人以為佢有機會上市,佢開一次無謂會我又要入稟一次去禁制佢,唔入稟又驚佢偷雞害死啲股民,佢簡直係浪費法庭資源!同埋澳門法庭又真係無謂,都未審清楚澳娛重造股東名冊件案就去審股東大會有冇效,都冇股東名冊,唔知股東係邊個,咁個會點可能有效?審嚟都多餘!浪費人力物力!」

謀財害命

說回上文,何鴻韜為避海盜而跳海,海盜走後船員報警,搜索船及直升機展開拯救行動,但數天仍找不到任何蹤影,屍首亦找不到,何鴻韜生死未明。

七 爺(十姑娘對七哥的暱稱)出事後家人不明為何他會跳海逃生,何鴻燊搶着解釋說七爺當時身上有一張巨額支票,一定是害怕被搶損失太大所以跳海;但何鴻展指七 爺一向視錢財如身外物,不可能為錢喪命。十姑娘說:「三哥一直唔信,支票又唔係現金,搶咗咪搶咗囉,叫銀行唔好俾錢,再另外開過一張咪得囉。當時好多人懷 疑班海盜係李朗雞手下,佢哋雖然打敗仗但仲有炮艇又有槍,喺海上惡晒,所以七爺先會咁驚,要跳海走人。但十幾年之後三哥同我講,佢覺得當時係有人謀財害 命,仲特登嫁禍俾李朗雞班人。我問會係邊個做,佢話懷疑同Stanley有關,因為賣燃油嗰次佢對七爺唔住,驚七爺爆番俾李朗雞知,又眼紅七爺咁有錢,三 哥仲話Stanley一向講到錢就咩親情都唔顧。我問佢懷疑Stanley點解當時唔即刻講出嚟,佢好驚咁話,驚連命都冇!三哥話仲有樣嘢好奇怪,七爺未 夠三十歲身家已經過百萬,但係佢出事之後Stanley竟然同屋企人講七爺冇乜錢留低,我哋咁多兄弟姐妹得Stanley一個同七爺一齊做生意,佢話咩咪 係咩囉,邊個夠膽問?佢一向都係咁惡,早幾年我問兩句澳娛盤數咪即刻俾佢無理炒咗囉!」

晚晚見鬼

據《何鴻燊傳》說何鴻燊在1943年,獲當時工作的聯昌公司分紅一百萬元,其後在港澳經營限額、拆船、金銀買賣、藥品代理、火柴製造等生意又多賺了一百萬,照道理不用貪圖七爺的財產。

十姑娘說:「我聽過Stanley講佢喺澳門係賺到啲錢,但後來炒『關金』蝕得七七八八啦,我都好奇怪佢後來突然又有番咁多錢去做生意……」

七 爺出事後,家中鬧鬼,何鴻燊與太太黎婉華(大太太,當時還未有二三四……)說一到晚上就見到七爺出現,何鴻燊十分驚恐;他太太更為嚴重,嚇至不停痛哭,理 智全失,晚晚躲在床上,用棉被蒙頭關了房門仍覺得七哥在房間內徘徊,整天聽到有異響。十姑娘說:「當時我仲未結婚,一家人一齊住喺干德道十二號,嗰度出名 猛鬼,試過有轎夫夜晚喺地牢瞓覺,瞓醒竟然係喺條街度。佢哋話如果啲鬼歡迎你,你就會越住越好,但如果唔歡迎你就大件事囉。我哋住咗幾年大家都冇人話見過 鬼,就係七爺出事之後,Stanley兩公婆成日話見到七爺返咗嚟,我哋咁多人都冇見過咩特別嘢,係得佢兩個成日話見到啫。」

元配患怪病

黎 婉華篤信天主教,故有人提議邀請相熟神父來幫忙,但因十姑娘母親很抗拒,唯有作罷(因她覺得神父到家表示她大限將至,神父來為她辦告解)。後來十姑娘母親 從「西洋鬼散」上刮出白色粉末煎水,親自拿給黎婉華服食,但她十分驚恐,極力抗拒,把藥水推倒在地上……用盡辦法仍未能解決,最後何鴻燊指七爺後繼無人, 所以死不瞑目,於是把自己大兒子何猷光過繼給他,儀式舉行後,事情才暫時完結。更巧合的是,何猷光去世時亦是年約三十,和七爺出事時年紀相若;更奇怪的還 有七爺出事後不久,黎婉華便患上怪病,遍尋名醫亦未能治癒,到兒子車禍喪生後,病情更趨嚴重,要由專人照顧。七爺出事後何鴻燊夫婦二人遇上連串怪事,整件 事好像冥冥中自有主宰。

現時何鴻燊淺水灣一號大宅仍供奉有何鴻韜的遺照,放在特設房間牆上正中顯眼位置,照片尺碼比其他過世的長輩還要大和搶眼,顯得很不尋常……

十姑娘說:「三哥成日同人講,Stanley一定係覺得自己欠咗七爺好多嘢,所以一直供奉七爺個靈位,日日上香……」(待續)

 


何宅 鬧鬼
PermaLink: https://articles.zkiz.com/?id=24411


ZKIZ Archives @ 2019