ZKIZ Archives


中門大開:搶住入波 添馬男

1 : GS(14)@2012-11-13 00:47:35

http://hk.apple.nextmedia.com/financeestate/art/20121112/18064635
日前教育局局長「吳得掂」會見中學校長會,討論超額教師問題,會上林鄭「奶媽」陪同局長出席會議,真係令局長相當難堪。呢單嘢並非如國民教育咁濕滯,政府亦擺出有商有量姿態,為何要林鄭壓陣。
此舉實際後果係矮化梁粉局長,傳媒議論紛紛,認為吳局長無能,連咁簡單嘅事都搞唔掂,要勞煩政務司司長幫手。吳局長未來幾年想翻身,由低位反彈,好困難!因為佢嘅無能形象已深入民心。超額教師保留期由一年延長至三年,政府內部只要定下立場,在局長會見校長時表達政府看法,校長一定收貨,過程一點也不複雜。林鄭之壓陣,在政治姿態上是表達了內部對吳局長不信任,一來恐怕他會守唔住政府立場,作出過多讓步;又或者怕他亂噏,將政府讓步的一樁好事,變成了壞事。講到底就係信唔過佢嘅辦事能力。
但局內人另有睇法,尤其教育局就幾氣頂,因為本來由吳局長自己處理,冇請政務司助拳,因為咁大個人,都知道「奶媽」一出,必惹是非,招人取笑。今次司長出現,不是被邀請,而係林鄭主動要求,吳局長冇Say。局內人認為今次政府借超額教師問題向教育界示好讓步,修補反國教以來雙方對立關係,乃得分動作,所以林司長才搶住現身會議之中。
主動挺局長 遲早爆衝突
政務司司長「捨我其誰」的政治姿態,已開始在建制內部引起不滿,林鄭自己正步入政治險境而不自知。本地左派過去最痛恨陳方安生,一直認為她自視甚高,甚至想取董而代之,她亦極力阻止政府起用愛國人士,所以左派要除之而後快,最後由錢其琛出手訓斥,以退休告終。
梁振英乃董建華一力向中央推舉之特首,梁的大有為治港思路也近老董,早晚會同政務官價值爆發衝突,當年董陳之爭,極大機會重演。就算林鄭真係一心為吳局長好,其他人未必領情。林鄭司長,睇路!
添馬男
中門 大開 搶住 住入 入波 添馬 馬男
PermaLink: https://articles.zkiz.com/?id=281937

【壹週刊】千嬅都認輸 6歲童星喊住入戲搶晒鏡

1 : GS(14)@2015-03-15 14:41:46





【壹週刊】同小朋友拍戲,真係唔簡單,楊千嬅喺電影《五個小孩的校長》,對住五個小朋友兩個月,氹、哄、零食樣樣齊,其中嘉嘉呢位小演員,演技好到千嬅都大讚。想知更多,記住Download壹週Plus手機app,免費架!
iPhone版下載:
http://goo.gl/1SDaWF
Android版下載:
http://goo.gl/xfQS8D壹週Plus網頁
http://nextplus.nextmedia.com/





來源: http://hk.apple.nextmedia.com/entertainment/art/20150314/19075108
週刊 千嬅 嬅都 認輸 童星 喊住 住入 入戲 戲搶 搶曬 曬鏡
PermaLink: https://articles.zkiz.com/?id=288479

高C9手記:住入豪華劏房之後……

1 : GS(14)@2016-09-13 08:00:47

金管局前年將600萬以下的樓盤定為上車盤,發展商又真夠體貼,各出奇謀畫則,盡量在有限的面積,多畫出一兩個「豪華劏房」,讓香港人花300萬、400萬銀便上到車,成為「豪華劏房」業主,有百幾、二百呎的居住空間。有年輕友人跟女友愛得癡纏,今年初租住一個約二百呎的豪華劏房築愛巢,起初生活愜意,不過最近見到他,愁眉不展,放工不想回家,寧願在街留連,跟讀書時放學後不想回家,一樣心情。他並非另結新歡,只是漸漸發覺生活沒有空間。打得火熱的情侶可能沒有想過,現實生活可以是沉悶得十分殘酷。試想想,兩口子都要返工,被老闆折磨一天,再逼一輪巴士、港鐵回到家中。問心,你是不是只想腦袋放空,三扒兩撥吃過晚飯,便在家中找個角落煲劇、打機。如果屋企面積就只得一個角落的空間,旁邊總有個人,好似需要你應酬一下,你真能夠唞到氣嗎?再現實點,兩個人相處,總有拗交或意見不合,屋企有一廳一房的話,兩人拗交拗到火紅火綠時,其中一人都可以入房「嘭埋度門」,唞唞氣。兩人困在百幾呎空間,拗交時只能一個坐床頭,一個坐床尾,想要「嘭埋度門」唞氣,廁所嫌太細,那就只能夠換衫走出街。拗個交變成流落街頭,多慘豬!慶幸友人只是租住單位,還有路可退,沒有花掉自己或父母一生積蓄去畀首期。高淑嫻
https://www.facebook.com/koc9nine




來源: http://hk.apple.nextmedia.com/financeestate/art/20160913/19768725
C9 手記 住入 豪華 之後
PermaLink: https://articles.zkiz.com/?id=308863


ZKIZ Archives @ 2019