ZKIZ Archives


LEGO店跳出死場月砌十萬

2011-9-29  NM



本刊分別於○六年及○九年訪問賣LEGO的生意,前者位於銅鑼灣東角駅,後者於西九龍中心。由於LEGO毛利只有三 成,故兩盤生意都未能賺大錢,當時分別只月賺兩至三萬元。

但今期主角,位於西環堅尼地城偏僻的南海商場LEGO專門店AA Place,開業兩年,卻月賺十萬元。老闆崔永健
(Kin)棄齋做零售,憑代砌服務衝出西環,吸引馬會找他砌展覽品,醫管局、澳門威尼斯人等大客都找他代砌紀念品,賺的比同行都多。

堅尼地城的南海商場是單棟樓內的小型商場,只有十多個鋪位,位置偏僻,記者搭地鐵到達上環站後,還要再坐 二十分鐘的「叮叮」,來到堅尼地城卑路乍灣公園。繞道內巷才到達商場,門口招牌古老甩色,AA Place老闆Kin貪 其租平,於○九年以每月約一萬元,租下五百呎鋪位,心想「有人專登揸車入深井食燒鵝,好嘢幾遠都會有人嚟。」除了一般的零售,為了吸引客人專誠去幫襯,Kin在正式開業前的一晚,「腦震盪」寫下經營該盤生意的十五樣服 務,包括二十蚊任玩LEGO一小時、「潛紙箱」、讓客人先砌後買、租用LEGO等等……

「一盒公仔本來賣二百蚊;但我改咗叫小朋友用手伸入紙盒,分二十四次抽公仔,每次二十蚊,一盒就賣到四百 八十蚊,賺咗一半。」而二十元任玩每日吸引到五個小朋友,「計埋一個月搵三千元。」經營兩個月後,Kin發現這 些業務「旺丁不旺財」,他亦曾想過「一齊開」的業務,即四千元一盒LEGO,可讓四至六個客人夾錢,一齊開來玩,可惜一直乏人問津,因此生意額一直僅足交租及支薪。

爛做商場騷釣大客 直至去年復活節,Kin第一次在青衣城參加LEGO模型商場騷,成為公司賺錢的轉捩點,逾百萬元投資三個月已回本。

會場設四個攤位,除了兩個代砌展品行家,AA Place是新丁,「管理公司港鐵係上網搵到我哋。」Kin於是請了七個兼職、連搬運及產品成本,花了逾萬元,一個月內砌成一米乘一米高的城堡及兩條中世紀村莊。但那次活動是沒有人工的,他說:「我仲蝕埋運費,但商場請咗模特兒Jessica C.吸引粉絲嚟,順道睇埋我啲作品,當做宣傳都抵番。」結果當日不少人問他們拿卡片,緊接的假日,鋪頭塞滿人,「一聽到電話問點嚟我間鋪,好開心。」此後每遇到有商場展覽,他都會「爛做為本」,如九龍城、新都城、愉景灣、荷里活商場的公關,每隔一至兩個月邀請他們砌城堡及橋,「有時急到暈,一兩日時間死趕完工,我都做。」他一向替散客DIY代砌LEGO結婚相、寵物照、教堂、盆栽禮物,收費數千元,但生意量不多,但自替商場爛做,終於有回報,愈來愈多大機構如港大、醫管局、廣告公司找上門幫襯代砌紀念品及展品。每單生意,Kin會視乎展覽品的大小、砌法複雜度、零件數目及是否罕有、交貨日子決定報價,收費達五至六位數字,毛利五成,「一啲俾得起錢的機構如廣告公司,我會收貴啲。試過有公司喺商場騷識到我哋,要求砌一個兩張枱咁大的球場作樓盤展銷用,砌工費逾萬元;但佢要一晚砌完,好急好急,我請人通宵做,仲向廣告公司加收五成趕工費。」
十五倍大磚搏出位 去年五月Kin從代理商購入LEGO大磚砌展品,以吸引客人視線。大磚體積比例是普通LEGO的十五倍,可當儲物櫃,行內較少見,來貨價每粒三百元,他首先利用二百粒在會展砌了一條九呎高的恐龍,「細細粒砌唔到大展品,砌到手指爛都未完。」見用大磚砌條「橋」行得過,他將計就計,本月馬會「開季試閘樂滿Fun」家庭同樂日,他利用大磚砌出七呎高的模型馬,又用細磚創作砌了一個馬場,共收了五位數字費用,「會場有迷你賽車展等其他嘢玩,馬會問我哋有咩可以搞,我寫晒計劃書,話會砌隻馬、又俾小朋友任砌LEGO、賣LEGO盒裝等,傾咗三個月先俾我哋擺攤位。」Kin和兄長Stephen不是LEGO迷,沒天賦的砌積木才能,只靠不斷重複搭砌,才能隨意創作造型,遇上大工程,他們唯有找粉絲、職業砌手做兼職,普通手板眼見功夫的砌工,兼職收取費用的兩成。有一次電影公司上門要求砌一條八呎高的模型船作道具,並付六位數字創作費,他們結果無力招架,「八呎高指定用細磚咁砌喎,點砌呀,我做唔到。」Kin說。
限量版賺五倍

代砌是「辛苦錢」,毛利高但不是常常有得做,佔了總營業額的三成,約二十四萬元。而零售的收入佔總營業額五成,Kin會把LEGO的圖片上載網頁兼標明實價,網站中亦詳列當季熱賣如星戰、蜘蛛俠,幾年前限量版機械車套裝,還有幾千件自組零件、人仔等,最受歡迎是模組屋及星戰,「模組屋過百款,一款每月賣到過千盒,唔入多啲貨,啲客老遠上嚟搵唔到,會無咗單生意。」故Kin每月擲五十萬元入貨,主要供應商為本地樂高代理商,「玩具反斗城、百貨公司都係賣呢啲,我哋細鋪賺唔到幾多,毛利僅二至四成。」但最本小利大的實為水貨,全店近三百款星戰系列號稱最齊,他笑言多過香港樂高代理款式,「我見阿仔鍾意星戰,佢一出款我就入。星戰以人仔最值錢,香港代理唔入人仔少的系列,我就經美國、歐洲批發商、上網拍賣、向收藏家買貨,入埋整套系列。」若屬限量版或收藏系列,水貨轉手賣出可賺五倍價錢。因為貨齊,有時連歐洲的LEGO批發商也反向他入貨,毛利一成。

LEGO有得炒

「有個女仔客,上嚟搵十年前出過的公主人仔,我花咗成個月,寄電郵留言透過歐洲收藏家、專門店,最終搵到
,坐飛機寄返嚟。」Kin說,也有LEGO投資者幫襯,購買絕版盒裝。「LEGO總公司每隔三年停產部分款式,市場供應 減少,但愈多人玩時價格便上升。」在買賣網站如BrickLink、eBay及亞馬遜可得知市場價格。投資客張先生看中 LEGO升值潛力,花逾十萬元買下大型盒裝如泰姬陵、木組屋、機械車當投資。上週,他再用萬二元買入兩盒木組屋「一盒攞嚟儲到升值先放,一盒買嚟玩。」張生說。Kin也儲落七位數字的星戰系列,暫不考慮賣。Kin育有兩子,大仔Larry今年六歲,「仔仔好鍾意玩,幾乎買晒玩具反斗城的LEGO俾佢都唔夠,三歲已經識得自創公仔。」後來伯父Stephen買來一盒絕版軍裝星戰人仔LEGO作禮物,大仔愛不釋手,令Kin萌生了開專門店的念頭。他當時任一間上市公司電腦部主管。有天太太逛街發現南海商場這個地方,「我見LEGO好多人網上拍賣,知道有市場,先肯扔百幾萬入貨;租平啲地方,我承擔風險愈細,就算蝕錢都可以做耐啲。」當時商場只有一半租戶,「隔籬仲有間跌打鋪,成浸藥酒味。」但隨着網上宣傳搞展覽,大人細路人流多,帶旺了商場生意,畫班、時裝店、精品店不斷搬進商場,令租金雖上升五成,但Kin仍可以舊價租下商場內另一間四百呎店鋪作貨倉用,「我仲有三個貨倉存貨,部分要待價升先賣。」
開業資料12/2009租金*$100,000入貨$1,200,000裝修$200,000系統及設備$150,000總投資$1,650,000*包括一個鋪 位及一個貨倉,三個月上期、一個月按金營業資料08/2011營業額$800,000入貨$500,000租金*$70,000人工
#$70,000營運開支$50,000盈利$110,000*包括兩間店鋪、三個貨倉#包括四個長工、三個兼職