立會候選人鬥執樣
1 :
GS(14)@2016-08-09 06:54:20【本報訊】吸票先要吸睛，不少候選人作戰前大變身。工聯孖寶由功能轉戰直選，從「頭」做起爭入屋；民協新丁何啟明首闖立會戰全港超級議席，學gel頭由區佬變醒目仔。面對游蕙禎掀起九西選美戰，梁美芬邀美容界幫手轉look，影相重七三角度，網民指她不誠實使用電腦，梁堅稱宣傳品冇P圖。
梁美芬「變面」 堅稱無P圖
現年55歲的梁美芬再三強調「選舉唔係選美」，但去年區選幾乎被青年新政25歲美少女游蕙禎擊退後，令她注意外觀，找來美容業界好友相助，由頭髮到化妝再到衣着極速變身：「成個團隊都覺得可以包裝吓，唔係好似啲互聯網講到……唔係咁乞人憎㗎嘛！」訪問當日，化了全妝的梁美芬對拍照角度有要求：「呢面影靚啲！」梁坦言：「立會選舉係形象戰，但唔只係講外貌，係成個image。」故此由專人代理形象。但網民最關注的，卻是她的選舉單張有否P圖，其中一張側面相甚至被形容「執相執到如另一個人」，梁對此反擊：「你睇吓我近期嘅競選相，其實非常似；唔同角度、唔同狀態嘅感覺都唔同……基本上無大執」。
網民嘲「不誠實使用電腦」
梁並指街坊見到她真人，「都話真人瘦好多、後生好多」，又稱向來有「酒笠」，強調轉look未必有助吸票，但肯定有助提升關注：「派張單張，人哋肯唔肯打開嚟睇呢？一幅圖一幅相都好重要」，「睇咗（張相）之後批評，唔緊要㗎，起碼你都係有睇過吖，唔係就咁攞嚟墊煲底咁浪費！」但她補充，不相信選民獨以貌取候選人，「睇形象外，都會睇內涵同有冇能力嘅」。網民則不相信梁美芬沒有P圖，有人指她「不誠實使用電腦」，有人諷刺指：「我見到羅莽扮女人」、「我都頂唔住佢嘅風韻，味道好強」。梁回應查詢稱不介意網民抨擊，堅稱「冇大執」，歡迎各自表達意見。該區其他參選名單，請參閱本報立會選戰網站
http://hk.apple.nextmedia.com/legco2016/region■記者許偉賢
識睇睇留言
羅剎：屍煙都無P圖
Ck Wong：鼠界佢最索
Timothy Ng：建議您去深圳打botox，包靚！資料來源：《蘋果》網頁
來源:
http://hk.apple.nextmedia.com/news/art/20160808/19727372