📖 ZKIZ Archives

馮仁昭四圍超：佘詩曼做姚樂怡女契媽

1 : GS(14)@2016-01-15 18:56:33

微博圖片








姚樂怡喺上年冬至生咗囡囡Gaibe，一班好友經常去探佢兩母女，雖然湊B又要招呼朋友，不過樂怡都好開心囡囡有咁多人錫。噚日樂怡喺微博晒幸福，佘詩曼、文頌嫻、鍾麗淇、湯盈盈、周家蔚等一班好友一齊探佢，阿佘早前已經有8個契仔契女，佢忍唔住再認埋Gaibe做契女，見佢抱住契女嚟錫好開心，又幫手餵奶，連樂怡都話阿佘有潛質做媽咪。撰文：馮仁昭





來源: http://hk.apple.nextmedia.com/entertainment/art/20160114/19450405
PermaLink: https://articles.zkiz.com/?id=294282

馮仁昭四圍超：同老公返港見舊老闆　小雪斟復出

1 : GS(14)@2016-01-22 01:48:54

■小雪噚日同老公十指緊扣喺尖沙嘴購物。








經歷過兩段婚姻失敗嘅前歌手小雪（蔡雪敏），舊年同細佢4年嘅韓國男友Robin Cheung喺澳洲註冊結婚，婚後繼續喺澳洲生活，最近小雪同老公帶埋仔女返咗嚟香港，噚日馮仁昭喺尖沙嘴新港中心見到呢對新婚夫婦。做咗人哋阿媽嘅小雪，真係得天獨厚，雖然佢下個月已經37歲，但係個樣同身形都keep得好好，見到佢兩公婆十指緊扣睇完衫又去睇女性用品，難得佢老公一啲都冇尷尬。事後小雪同馮仁昭講，今次佢哋返嚟香港嘅時間唔多，不過都有搵舊老闆羅傑承同埋啲舊同事敍吓舊，佢話：「羅生佢真係好好，我哋一直都有喺fb有聯絡，佢都有問候吓而家嘅生活，所以今次返嚟專登約佢同啲同事見面。」


■小雪去咗一間賣女性內衣店睇嘢，難得佢老公一啲都冇尷尬。

或返港唱歌

至於有冇機會再合作，小雪話：「睇吓大家啲時間，坦白講，而家生活冇以前咁忙，我啲仔女都大個咗，如果真係有個機會去唱歌，可能我會再安排啲時間返香港工作。」撰文：馮仁昭攝影：徐錦池、潘冠恩





來源: http://hk.apple.nextmedia.com/entertainment/art/20160121/19459875
PermaLink: https://articles.zkiz.com/?id=294738

馮仁昭四圍超：波多野結衣恨結婚生仔

1 : GS(14)@2016-01-22 16:17:58

台灣《蘋果日報》








日本AV女優波多野結衣將會喺後日嚟香港喇！佢係應PS4活動邀請，將會喺深水埗同大家近距離見面。而佢噚日就率先去咗台灣，以遊戲角色性感示人，現場被問舊年波卡事件，佢話：「日本311震災時，台灣捐款最多讓日本民眾很感動，如果有機會的話，希望可以來台灣的學校進行公益活動，因為我很喜歡小孩子。」佢仲希望30歲前可以結婚生子。撰文：馮仁昭





來源: http://hk.apple.nextmedia.com/entertainment/art/20160122/19461686
PermaLink: https://articles.zkiz.com/?id=294796

馮仁昭四圍超：傅嘉莉賀歲劇被抽起

1 : GS(14)@2016-02-08 03:00:10

資料圖片








上年8月同無綫簽約嘅傅嘉莉（Kelly），剛拍完賀歲劇《財神駕到》升呢做女一，同視帝黎耀祥擔正，不過上個月忽傳佢搭上已婚法拉利代理莊天龍，噚日有周刊爆料，話佢哋上星期仲有見面，搞到無綫抽起《財》劇，監製李添勝對周刊話有啲無奈，寄語作為公眾人物要檢點啲。噚日致電Kelly了解，可惜至截稿前仍未回覆。撰文：馮仁昭





來源: http://hk.apple.nextmedia.com/entertainment/art/20160205/19479817
PermaLink: https://articles.zkiz.com/?id=295408

馮仁昭四圍超：吳若希執狗屎燒燶頭髮

1 : GS(14)@2016-02-08 03:00:13

吳若希噚日同鄭俊弘喺中環接受網台訪問，吳若希笑言為咗賀鄭俊弘出新碟所以特登剪頭髮，不過其實佢係執狗屎期間，頭髮接近火爐燒燶頭髮，所以剪咗六、七吋。佢話新一年希望細佬打少啲機：「我唔想做怪獸家長，但每次返到屋企都見到佢打機，我唔會鬧佢，只係會嚇佢，減佢零用錢，要佢自負盈虧。」撰文：馮仁昭





來源: http://hk.apple.nextmedia.com/entertainment/art/20160205/19479819
PermaLink: https://articles.zkiz.com/?id=295413

馮仁昭四圍超：星爺賀歲片撼贏王晶

1 : GS(14)@2016-02-09 12:33:27

近日有人發起杯葛王晶執導嘅賀歲片《賭城風雲III》，前日呢部戲重俾美國權威電影網站IMDb評為1.1分，破咗網站最低分紀錄。至於幾部賀歲片票房，截至噚日下午6點單日票房，周星馳執導嘅《美人魚》有363萬暫排第一位，《賭城III》有283萬排第二，而《西遊記》就以189萬排第三。撰文：馮仁昭





來源: http://hk.apple.nextmedia.com/entertainment/art/20160209/19484471
PermaLink: https://articles.zkiz.com/?id=295659

馮仁昭四圍超：溫拿騷前擦鮑團年

1 : GS(14)@2016-02-09 12:33:28

溫拿前晚喺紅館舉行第二場演唱會，因為係除夕夜年廿九，為咗方便大家食團年飯，特別改喺夜晚九點半先開騷。校長譚詠麟每逢過年喺紅館開騷，都一定準備豐富大餐，而B哥鍾鎮濤同老婆范姜就好有心，親手準備咗近百隻鮑魚，同台前幕後工作人員一齊分享一齊慶團年。撰文：馮仁昭





來源: http://hk.apple.nextmedia.com/entertainment/art/20160209/19484483
PermaLink: https://articles.zkiz.com/?id=295660

馮仁昭四圍超：杏兒英國派英鎊大出血

1 : GS(14)@2016-02-09 12:33:28

胡杏兒同老公李乘德（Philip）仲享受緊新婚假期，新年當然係去老公最多親戚住嘅英國啦！杏兒噚日喺微博貼兩人同十幾個小朋友嘅合照，留言話：「祝大家猴年快樂，今年開始不能再拿紅包要發了，因為在倫敦所以還要發英鎊，大出血呀。」仲有佢兩人拎住大叠利是開心合照㖭！撰文：馮仁昭





來源: http://hk.apple.nextmedia.com/entertainment/art/20160209/19484476
PermaLink: https://articles.zkiz.com/?id=295661

馮仁昭四圍超：葉翠翠上海拜會老公親戚

1 : GS(14)@2016-02-09 12:33:28

葉翠翠雖然密冚孕事，但之前佢講明一到猴年會有好消息公佈，睇嚟佢都準備開金口宣佈呢個好消息！前晚年廿九，翠翠喺上海老公周曉東（Raymond）嘅鄉下省親。今次佢係以周家媳婦身份，首次見老公嘅親戚，佢仲話約定下年同老公再到上海拜年，不過到時應該係三人行囉！撰文：馮仁昭





來源: http://hk.apple.nextmedia.com/entertainment/art/20160209/19484492
PermaLink: https://articles.zkiz.com/?id=295662

【馮仁昭四圍超】一日飛三轉穿梭歐美 猷君速遞見公主

1 : GS(14)@2016-02-11 10:21:25

■猷君同Kimmy拍拖短短時間，幾乎喺全球每個角落都搵到佢哋嘅蹤迹。互聯網圖片








賭王四房孻仔何猷君同新加坡富商、西甲華倫西亞班主林榮福千金Kimmy Lim（林慧俐）拍拖個幾月，已經蜜遊澳門、新加坡同香港。由於猷君要返波士頓麻省理工開學，而Kimmy就返新加坡，搞到猷君要捱眼瞓，半夜起身同女友玩facetime，校啱新加坡時間5點20分打去，冧爆女友。



Kimmy空中傳情

猷君今個農曆年飛咗去拉斯維加斯同班朋友過年，不過浪漫嘅佢原來已經計劃咗點同Kimmy過首個情人節。佢噚日喺Ig貼圖，騷咗一張由波士頓出發，到巴黎轉飛華倫西亞嘅機票，原來佢約咗女友去西班牙拍拖，相信平時咁鍾意睇波嘅佢，應該會去睇華倫西亞主場嘅比賽過節。



■猷君貼咗張機票相，仲話自己係一日連飛三程搵女友，相當甜蜜。互聯網圖片

■Kimmy喺飛機上面拍片，睇嚟係飛緊去蜜會男友。互聯網圖片


■猷君新年飛咗去賭城拉斯維加斯，話咁快又起程飛去西班牙。


其實猷君已經開咗學，為咗兼顧學業同拍拖花盡心思，佢喺Ig以「公主」、「The One」形容女友，更留言此行原來係一日飛足三轉：「我的周二：早上從拉斯維加斯飛回波士頓，上幾節課，把這周所有剩下的功課做完，然後飛往巴黎轉機去瓦倫西亞（華倫西亞）找公主殿下。」同一時間，Kimmy亦喺snapchat上放咗一條坐飛機嘅視頻，更笑言so tired，估計佢飛緊去西班牙同男友會合。撰文：馮仁昭





來源: http://hk.apple.nextmedia.com/entertainment/art/20160211/19486124
PermaLink: https://articles.zkiz.com/?id=295825
Next Page
ZKIZ Archives @ 2019