王曼喜追求者唔啱心水
1 :
GS(14)@2016-11-20 23:52:09王曼喜和名模媽媽馬詩慧、汪詩詩和王馨平昨日在金鐘出席時裝品牌ST. JOHN發佈會，王曼喜早前被影到跟新女伴在球場談心，她說：「嗰個係朋友嚟㗎啫，而且冇拍拖。」咁有冇追求者？她說：「唔係好啱心水囉。」汪詩詩透露老公甄子丹稍後到美國荷李活星光大道打手印，林丹被影到背妻偷食，詩詩表示並不擔心老公：「我哋關係好好，大家好坦白，我100%信任佢。」詩詩又直言想要更多私人時間：「佢成日打嚟check住我就真，有時出去同朋友食飯，啲仔女打電話嚟，點知原來係爸爸叫佢哋打。」採訪：曹家誠攝影：仇志德
來源:
http://hk.apple.nextmedia.com/entertainment/art/20161119/19838456
單身羅霖多追求者有老有嫩大把Market
1 :
GS(14)@2017-01-28 12:04:17曾經係亞姐冠軍、做過「仁美清叙」主席、有美滿婚姻、育有3個囝囝，仲係城中名媛，羅霖絕對有一段幸福嘅歲月。不過，羅霖同前夫劉坤銘喺12年分居，去到14年先達成庭外和解，3個仔跟羅霖生活，不過冇贍養費，俾咗劉坤銘嘅私己錢都攞唔番，令羅霖要努力工作養家。成熟嘅女人有佢嘅韻味，單身嘅羅霖除咗有陪伴多年嘅J君之外，一直被指多追求者埋身。好似喺12年中，羅霖就被指同11年亞洲先生季軍林睿過從甚密，又替對方出面搵邀請出活動，甚至主動聯絡亞視等等。去到15年，羅霖又被指有逾百億身家、有「拉鏈大王」之稱嘅熊宏海支持，甚至斥資搞百萬生日會。而羅霖當時已經否認係包養，又話生日會只係用咗10萬，使費都係由影迷會同自己包底。上年底，羅霖又先後被影到同男士出街，先喺11月被發現羅霖同一位叫阿寺嘅猛男着情侶裝出席鍾麗緹北京婚禮，再喺12月被雜誌影到羅霖帶埋大仔，約咗一位外籍男士喺半島食燭光晚餐。最近佢返大陸拍廣告，仲同23歲小鮮肉戰天澤熊抱，唔知會唔會成為羅霖嘅新追求者呢？
來源:
http://hk.apple.nextmedia.com/entertainment/art/20170128/19911658
鄧月平認被人夫杜恒霖追求
1 :
GS(14)@2017-03-26 15:38:25「巨胸翠如」鄧月平昨日在柴灣拍廣告，對於有傳她暗撻已婚前香港拳王杜恒霖，她立即澄清對方是朋友：「驚咗佢，避吓風頭，保持番朋友距離。」有指二人已發展至同居，她解釋當日跟對方一起到朋友家吃飯，更指媽媽比自己更早認識杜恒霖。
杜恒霖 資料圖片
鄧月平強調自己不是小三，因兩年前已聽聞對方聲稱單身，不過她又直認男方有意追求，她說：「有透露過想追我，不過佢對人好好，我唔知有冇會錯意。」她笑指對方有點乸，自己就男仔頭，言下之意，是否合襯？她笑說：「暫時No啦，不過佢單身又打動到我，都有機會嘅。」採訪：黃曉妍攝影：陳俊強
來源:
http://hk.apple.nextmedia.com/entertainment/art/20170326/19970021
超盈邀追求者投資
1 :
GS(14)@2017-05-27 00:06:55賭王何鴻燊千金何超盈創辦的「超盈文化」昨日在澳門舉行「Y思維」記者會，母親梁安琪穿上關之琳設計的睡衣系列現身支持，她認為超盈大有進步，又為何生圓夢，她說：「當然要，何生好希望將澳門藝術文化帶出去，佢對國家歷史文化都好支持，會用自己資源收購歷史文物，送番畀國家，將中國歷史文化延續。」超盈表示小時候喜歡畫畫，她說：「將藝術帶到生活環境，全部為澳門年輕人做，希望將澳門變得更有文化氣息。」超盈為工作未有拍拖，她說：「我一直都感覺唔到，有人一走埋嚟我就會叫佢贊助或者投資，完全get唔到。」採訪：羅慧敏攝影：陳慧安
來源:
http://hk.apple.nextmedia.com/entertainment/art/20170526/20033668
衛蘭怕嚇走追求者
1 :
GS(14)@2017-06-10 12:41:02衛蘭昨日到商台宣傳新歌《一格格》，並透露下月底推出EP：「都有一段時間冇出碟，多數放上網，我鍾意出碟多啲。」近日到內地登台的她，直言遇到很多欣賞的歌手及音樂：「之前去青島唱音樂節，好多band原來好有型，好indie。我好欣賞袁婭維，希望可以合作，將佢哋嘅音樂帶嚟香港。」早前衛蘭被妹妹衛詩爆有追求者，衛蘭昨說：「佢都有人追呀，（追求者）都OK嘅，識咗半年，仲係觀察中。有時都會單獨出街，又會互相text吓，佢係圈外人。」她自爆對方年紀較小，加上她愛保護自己：「都擔心自己太小心嚇怕佢，希望自己可以改進啦。」採訪、攝影：盧妹
來源:
http://hk.apple.nextmedia.com/entertainment/art/20170606/20045468
嘉玲俾偉仔飲酒追求
1 :
GS(14)@2017-06-10 12:55:57劉嘉玲昨日在內地出席她個人紅酒品牌「+0」的宣傳活動，同場還有鄭裕彤孫兒鄭志剛，嘉玲在台上透露自己二十多歲已接觸美酒：「自己比較幸運，身邊朋友識得享受愛飲酒。」提到做紅酒生意，她笑言：「飲酒容易，做生意難，自己個性好，唔怕失敗愛冒險，好彩搵到一個意大利生意拍檔。」問嘉玲與老公梁朝偉會否一起喝酒，她笑言當年偉仔飲酒追她：「佢自己鍾意一個人飲白蘭地、威士忌，飲到少少醉，就睇電影聽音樂。」此外，嘉玲在台上透露愛玩自拍，她表示：「?家唔自拍，就唔係地球人喇。」撰文：唐如
來源:
http://hk.apple.nextmedia.com/entertainment/art/20170607/20046689
追求質素「Visual好緊要」張可頤要靚 推無綫
1 :
GS(14)@2017-06-16 01:58:53【《蘋果》專訪】今年48歲張可頤終於拍攝第一部的電影《女人永遠是對的》。曾貴為無綫花旦的可頤，五年前外闖，去港視做一姐，近年在內地、馬來西亞等地發展。無綫近年為挽救收視拉攏舊將回巢，可頤曾獲邀，卻因時間問題推掉。
■張可頤拒用不婚主義形容自己，但滿意目前的狀態。
■張可頤拍攝首部電影《女人永遠是對的》，與劉心悠（左）有不少對手戲。微博圖片
美劇做得好
可頤認為內地及馬來西亞的效率好厲害，香港人要急起直追。加上製作質素今非昔比，她說：「香港製作無論鏡頭、技術、製作、燈光都要進步，配合革命，機器先進其他嘢唔改進亦都冇用，今時今日visual好緊要，啲嘢唔靚好難吸引人欣賞，我覺得香港仲需要空間去研究改進。」可頤以早前跟張家輝合作拍警匪片為例，她說：「我心諗家輝拍警匪片唔使拍到咁靚仔，發覺唔係本土警匪片就係土炮嘢，好rough（粗糙）、好渣，你睇美劇各方面都做到最好，唔會有鬆懈，唔會因為覺得本土嘢就忽略。又接拍咗《香港華爾街》，係一個精裝炮製電視劇，每個部門都做得好精緻，可以拎出去國際見人，呢個香港仲要進步，有條件之下係要做到最好。」
「拍拖灑脫啲」
電影《女人永遠是對的》講述四位空姐生活，戲中可頤飾演表面婚姻美滿，是個慣性操控主宰狂，演她老公的謝君豪提出離婚，可頤說：「我對感情係講感覺，要睇有冇條件附帶之下，有冇小朋友或者經濟、雙方家長壓力，成年人唔係話離婚就離婚，以我經驗都係拍拖多，灑脫啲。」是否意味不婚主義？可頤說：「只能夠講?家嘅狀態係最舒服，以後唔敢講，近幾年都不斷喺外地工作，連媽咪都唔係成日見到，如果真係結咗婚，係咪一個稱職老婆或者媽咪呢？我認為?家呢個狀態係最啱我。」採訪：卓寶花攝影：沈健程髮型：Louis Tse@POPEIGHT化妝：Chris Chan服裝提供：Bally鞋履提供：Jimmy Choo場地提供：新蒲崗貝爾特酒店
來源:
http://hk.apple.nextmedia.com/entertainment/art/20170615/20055958
Next Page