📖 ZKIZ Archives

壅川 百萬倉 - Start from One Million

http://www.philipleung168.blogspot.hk/2014/02/blog-post.html

月結前挾淡, 但建材同金融都係要藥煲. 睇落好似好強, 但一月效應咁跌法, 真係心有餘悸, 重貨都係無乜好做, 都係要睇天. 但無貨咁既估值下, 點都值博過歐美, 雖則睇圖真係幾肉酸, 咁又要落番到底係用估值, 定係睇時機嚟個恆久既決定嘞.  2722 大部份人話要沽, 但沽極都係度磨, 咁反而愈嚟愈值博, 阿通信猛畀澳銀咁沽, 但諗落真係無乜壞消息, 3.5 樓下中長線真係入得過.

今個月尐新股唔係派都成手大蝕, 就係派得雞春咁少賺得仲微, 真係連時間哂埋都唔值. 孖到去 b, 當你有賺, 計落風險真係唔值, touch wood 係截哂飛時海潚撲過嚟, 咁你尐過百萬按金真係咁先, 仲未計輸突, 咁就算連贏十年都清哂嘞. 而家 a 頭無哂癮, 咁即係 a 頭派得好番尐, 咁不如分飛陰尐陰尐啄好過咯.

咁多年斬人事件邊件破得到, 咁即係第四權任人強姦, 要個個做寒蟬. 練工夫都要十年八載, 帶埋刀番工同行古惑有乜分別, 咁記者唯有個個用哂筆名, 好似民國記者咁, 但都係要比特務咁去椎擊, 怕且都係得啖笑, 怕且新聞要小說化或寫番幾齣雍正, 風花雪月囉, 正所謂:

早春杜鵑白日寒
班竹碧血見路旁
抽水嗟嘆聲聲急
呵呢吉帝過多場
PermaLink: https://articles.zkiz.com/?id=91891

壅川


月結前挾淡, 但建材同金融都係要藥煲. 睇落好似好强, 但一月效應咁跌法, 真係心有余悸, 重貨都係無乜好做, 都係要睇天. 但無貨咁既估值下, 點都值博過歐美, 雖則睇圖真係幾肉酸, 咁又要落番到底係用估值, 定係睇時機嚟個恆久既決定嘞.  2722 大部份人話要沽, 但沽極都係度磨, 咁反而愈嚟愈值博, 阿通信猛畀澳銀咁沽, 但諗落真係無乜壞消息, 3.5 樓下中長線真係入得過.

今個月尐新股唔係派都成手大蝕, 就係派得雞春咁少賺得仲微, 真係連時間哂埋都唔值. 孖到去 b, 當你有賺, 計落風險真係唔值, touch wood 係截哂飛時海潚撲過嚟, 咁你尐過百萬按金真係咁先, 仲未計輸突, 咁就算連贏十年都清哂嘞. 而家 a 頭無哂癮, 咁即係 a 頭派得好番尐, 咁不如分飛陰尐陰尐啄好過咯.

咁多年斬人事件邊件破得到, 咁即係第四權任人强姦, 要個個做寒蟬. 練工夫都要十年八載, 帶埋刀番工同行古惑有乜分別, 咁記者唯有個個用哂筆名, 好似民國記者咁, 但都係要比特務咁去狙擊, 怕且都係得啖笑, 怕且新聞要小說化或寫番幾齣雍正, 風花雪月囉, 正所謂:

早春杜鵑白日寒
班竹碧血見路旁
抽水嗟嘆聲聲急
呵呢吉帝過多場
PermaLink: https://articles.zkiz.com/?id=177102
Next Page
ZKIZ Archives @ 2019