📖 ZKIZ Archives

方中信愛以囡囡名義行善

1 : GS(14)@2016-11-22 00:24:53

方中信、容祖兒、張敬軒和羅力威昨日在淺水灣出席慈善拍賣，方中信私人捐出一萬元外，更捐出近萬元的紅酒，最後以三萬元被投得，他表示平時會以女兒符迦晴的名義捐錢助人。



■容祖兒表示已成立慈善基金，希望可在內地興建學校。

容祖兒表示已成立慈善基金，最希望可在內地興建學校。張敬軒透露最近看過一本書，教人節約主義生活，他說：「年內想搞個古董拍賣會義賣，目標係想幫助小動物。」此外，羅力威指爸爸十多年前患上肝癌，幸現時已經痊癒，問他有否定期身體檢查？他說：「好多家族成員都有肝炎，但媽咪話我、阿哥同家姐都冇，所以冇身體檢查，我亦都好少出入診所同醫院。」採訪、攝影：黃曉妍




來源: http://hk.apple.nextmedia.com/entertainment/art/20161121/19840354
PermaLink: https://articles.zkiz.com/?id=316548

【動畫】媽媽零妒忌公開信感激前夫女友錫囡囡

1 : GS(14)@2016-11-24 07:39:32

婚姻破裂了，家裏的小孩子永遠首當其衝，不少父母分手後因愛成恨，孩子慘當磨心，一旦帶着孩子的再組織家庭，不少癡男怨女更會妒忌前度的情人，逼孩子遠離後父後母，這是為孩子着想嗎？當然不！美國一名媽媽在facebook寫公開信，感激前夫女友將女兒視如己出，呼籲失婚媽媽不要嫉妒，偉大的母愛洋溢在字裏行間，感動萬千網民。來自維珍尼亞州的妮科爾（Audrey Nicole）上傳女兒與前夫新女友麥格勞（Whitney Mcgraw）的合照，只見二人一同扮鬼臉，看來相處和諧又融洽。妮科爾說：「我對麥格勞心存感激，因為她（女兒）去探她爸爸時，麥格勞安排她三餐、照顧她、給她買禮物，基本上就把她視如己出。」妮科爾慨嘆，為何這麼多媽媽對前度的新歡充滿嫉妒及惡意？她有自己一度看法：「無人說做非親骨肉孩子的媽媽容易，所以如果有人努力嘗試時，別把她們拒諸門外。」她還警告說，好繼母也可遇不可求，要好好珍惜，別因嫉妒嚇怕對方，「因為她們不需這樣，她們可能會離開，然後你隨時要跟一個邪惡繼母糾纏。是的！她們存在的！我眼看有很多！」妮科爾總結：「孩子可以有兩個媽媽，因為在我眼中，越多人愛她我就開心。我永不會讓她（麥格勞）感覺像外人，我實在衷心感激這女孩。」她又呼籲其他失婚媽媽「長大並專注做好媽媽。少點憎恨、多點愛」。英國《每日郵報》




來源: http://hk.apple.nextmedia.com/international/art/20161124/19844248
PermaLink: https://articles.zkiz.com/?id=316817

徐榮下廚囡囡興奮

1 : GS(14)@2016-11-27 14:27:49

徐榮昨日一家四口在鯉魚門廣場出席食品活動，他和囝囝徐朗父子檔上陣炮製美食，愛女徐心怡（包包）超級可愛，見到爸爸下廚興奮拍掌。廚藝表現熟練的徐榮說：「未入行前想同朋友開餐廳，索性喺跑馬地啲小廚自己學廚兩年，最終因經濟唔好而入咗行讀訓練班，而家好少下廚，只係過年幫手包餃子。」不過徐榮做生意團火仍然未熄，一直與好友計劃開飲食店。




來源: http://hk.apple.nextmedia.com/entertainment/art/20161127/19846599
PermaLink: https://articles.zkiz.com/?id=317233

鍾嘉欣帶囡囡返港

1 : GS(14)@2016-11-29 00:14:34

■鍾嘉欣今次帶同囡囡回港。



鍾嘉欣昨日現身大埔超級城出席活動，她透露今次有帶埋囡囡Kelly返港，但老公Jeremy未有同行，她說：「嚟緊預咗香港加拿大兩邊走，今次留港個幾禮拜，遲啲會拍個BB用品廣告。」問會否考慮一家三口一齊拍？她笑說：「老公一定唔得啦，佢話怕咗你哋（記者）呀，我都想同BB一齊拍，將來可以作為留念，應該好sweet！」



■鍾嘉欣昨出席聖誕活動，她直言將會香港加拿大兩邊走。

鍾嘉欣透露將會擔任好友王君馨的姊妹團，對於同公司的吳若希近日宣佈陀B，問會否趁機全面復出？鍾嘉欣說：「我從來冇話自己退出，唱歌約未完，要再傾吓。」她坦言要餵人奶到BB一歲大，所以婉拒拍劇。採訪：卓寶花攝影：陳俊強




來源: http://hk.apple.nextmedia.com/entertainment/art/20161128/19847668
PermaLink: https://articles.zkiz.com/?id=317382

陳琪送公主蛋糕賀囡囡

1 : GS(14)@2016-11-29 07:55:31

陳琪和胡諾言的二女胡芷悠（Jacey）昨日4歲生日，剛巧她不用上學，跟媽咪一齊去拍廣告，陳琪說：「係呀，Jacey同我一齊去拍咗個關於香港主題樂園嘅聖誕廣告，佢最初都有啲怕醜，叫佢講嘢有啲細聲，佢話自己斯文喎！拍完一個shot又話要補妝，真係俾佢笑死。」前晚陳琪一家人，加上爺爺嫲嫲和公公婆婆為Jacey慶祝生日，又買了她最喜歡的公主城堡蛋糕，Jacey很開心在蛋糕前唱生日歌送給自己。此外，陳琪誕下的細仔胡澔錕轉眼已經滿月，夫婦二人打算明年1月21日在迪士尼酒店擺百日宴。撰文：非非




來源: http://hk.apple.nextmedia.com/entertainment/art/20161129/19848467
PermaLink: https://articles.zkiz.com/?id=317527

【馮仁昭四圍超】張嘉兒拒薦囡囡選港姐

1 : GS(14)@2016-12-07 07:41:21

港姐冠軍張嘉兒今年生咗萌爆B女劉在芯（Leora），囡囡轉眼已差唔多3個月大，張嘉兒得閒就同囡囡影寫真，幫佢留下美好回憶，好似近日佢就抱住囡囡影咗一齊擘大口嘅相，兩母女甫士充滿默契。問張嘉兒將來會唔會畀Leora選港姐？佢話：「我唔會推薦佢，但如果囡囡想，會支持佢。」仲強調會畀囡囡好大自由度，唔想佢有壓力，但會畀意見。撰文：馮仁昭




來源: http://hk.apple.nextmedia.com/entertainment/art/20161206/19856042
PermaLink: https://articles.zkiz.com/?id=318530

包機票送iPhone求慰藉大媽搵囡囡伴遊咁孤寂？

1 : GS(14)@2016-12-10 03:45:18

上一輩把生兒育女視為晚年的保障，但隨着社會變遷、家庭觀念愈趨薄弱，「養兒防老」早已被遺忘了。前日，微信熱傳一則廣告，一位黎姓女士在朋友圈發廣告稱，自己一個人住在鄭州，今年冬天特別想去三亞看大海，想找一位「女兒」陪其去旅遊，並且願意負擔全程所有費用。黎女士在的朋友圈以《想找一個「女兒」陪我一起去旅遊》發文，原文如下：大家好，我叫黎彥玲，今年63歲了，自己一人住在鄭州，身體健康，女兒們常年工作在外，也不想打擾他們。今年冬天特別想去三亞看看大海，但自己又怕孤單。就想找一個貼心的小棉襖跟我一起去，年齡19至24歲最好，活潑開朗，希望她能一路陪我聊聊天，拍拍照。我願意負擔全程所有費用（機票和食宿），並送一個小禮物蘋果7手機。內地記者根據廣告上的電話致電跟黎女士聯繫，她說確有其事，因為女兒長期在加拿大，自己也感到挺孤獨的。最近想去三亞，想了很久了。這次就是想找個「女兒」陪着照照相、聊聊天。老無所依，不少當地人對黎女士要用錢招聘「女兒」伴遊，大多感到唏噓，亦覺得她很可憐。有網民紛紛爭做「女兒」：「招不招老伴？」亦有人調侃說：「岳母在上請受小婿一拜！」「大媽不是大媽，其實是大爺！」「只要乾女兒？太遺憾了！媽，姑爺要不要。」大河網／微博




來源: http://hk.apple.nextmedia.com/international/art/20161209/19860148
PermaLink: https://articles.zkiz.com/?id=318894

【馮仁昭四圍超】鍾嘉欣囡囡　變身萌爆聖誕B

1 : GS(14)@2016-12-10 03:45:25

■張嘉兒（左）同鍾嘉欣分別抱住囡囡Leora同Kelly，兩個BB都加咗聖誕帽，非常可愛。互聯網圖片





鍾嘉欣最近帶埋囡囡Kelly返港，除咗出活動賺奶粉錢，仲會把握機會見吓一班圈中好友。楊怡大前日喺微博放上同嘉欣嘅素顏合照，而Kelly就用公仔圖案遮樣。噚日又到靚媽張嘉兒貼相，佢就抱埋囡囡Leora同嘉欣抱住Kelly影合照放上Instagram。
Kelly同Leora兩位BB除咗頭上多咗聖誕帽圖案，Kelly仲多咗白色聖誕老人鬍鬚，露出精靈眼仔。嘉兒留言：「同嘉欣一齊拍完《警犬爸打》後，大家都好幸運可以成為媽媽！Kelly大Leora一個月，她們可以一齊玩啊。」之後嘉兒再用英文講，無論係餵人奶、見住BB笑，甚至冇覺好瞓，都令佢同嘉欣好享受。再睇番兩位靚媽，張嘉兒仲未收身，上身依然豐滿，相反鍾嘉欣已經瘦番晒，狀態唔比結婚前差。據悉岑麗香將於今個月17日喺加拿大結婚，相信嘉欣都會帶埋囡囡一齊出席。



■張名雅有老公陪慶祝29歲生日，真係好sweet！互聯網圖片

■葉翠翠老公懷疑患感冒自我隔離，怕感染懷孕嘅翠翠。互聯網圖片

另外，即將成為媽咪嘅張名雅同葉翠翠亦係網上輪流放閃，而前日29歲生日嘅張名雅亦有老公錫，獲送上生日蛋糕。不過，葉翠翠老公就因為懷疑感冒，要自我隔離瞓客房，搞到翠翠好心痛。撰文：馮仁昭




來源: http://hk.apple.nextmedia.com/entertainment/art/20161209/19859423
PermaLink: https://articles.zkiz.com/?id=318914

朱凱婷囡囡想添個細妹

1 : GS(14)@2016-12-10 13:30:16

朱凱婷、歐陽妙芝、蔡一智和張崇基一家三口前晚在灣仔會展出席「冰上迪士尼．繽紛奇幻世界」首演之夜，朱凱婷帶同5歲女兒Sheryl到場，Sheryl表示將舉行生日會，十分興奮，問Sheryl是否想媽媽生多一個細佬妹？她說：「想要妹妹。」問她媽咪是否已經答應？Sheryl尷尬甜笑，朱凱婷說：「我同佢講細佬或者細妹係上天給予嘅禮物，順其自然。」另外，歐陽妙芝帶細仔出席，她說：「細佬頭暈，由細到大易病，而家做緊個詳細檢查，但係佢就周圍講到自己真係有睡眠窒息症咁，學校老師好緊張打電話嚟問我。都唔知係咪遺傳，先生係有鼻鼾同埋夢遊，唔知關唔關事。」採訪、攝影：馬建華




來源: http://hk.apple.nextmedia.com/entertainment/art/20161210/19860581
PermaLink: https://articles.zkiz.com/?id=319087

徐淑敏遊園　締造囡囡回憶

1 : GS(14)@2016-12-24 10:42:37

■徐淑敏日前帶孻女沁誼到海洋公園玩，更獲送吻甜到入心。攝影：陳順禎



徐淑敏（Suki）身為海洋公園基金教育大使，為響應樂園明年40周年，且本月舉行以集體回憶做主題的活動，於是日前帶兩歲多孻女黃沁誼到海洋公園尋找和締造回憶。



■徐淑敏有女萬事足，覺得女兒黐自己很幸福。

無悔離開電視圈

貌似爸爸黃浩的沁誼相當乖巧，偶爾向媽咪送吻，令Suki甜到入心。Suki憶起童年時每逢影相就喊，所有舊相都是嬲爆爆，並指二女心柔遺傳了她兒時黑面的本性：「我幫啲女扮靚影相，輪到二女就黑口黑面，性格似足我，係我翻版好得意。」
Suki早前到日本讀法國藍帶課程學煮法國菜，還帶沁誼到當地生活三個月，Suki說：「同細女每晚都pillow talk，佢會攬住我甜笑、錫我，呢個女一向好cool，嗰刻覺得好幸福，三個女一歲幾時都唔黐我，但而家會成日搵媽咪，轉變好大好sweet。」完成烹飪課程後，Suki會在聖誕派對上大顯身手，炮製四餸加一個甜品宴請親朋。Suki表示享受學習，稍後還會學手握壽司，更無悔離開電視圈發展：「個人經歷多咗，時間自己掌握，睇返過去一年完成珠寶鑑證證書，之後又讀咗兩個證書，學新事物令我好快樂，呢樣嘢係之前事業畀唔到我。」採訪：卓寶花




來源: http://hk.apple.nextmedia.com/entertainment/art/20161223/19874154
PermaLink: https://articles.zkiz.com/?id=319877
Next Page
ZKIZ Archives @ 2019